الوعي المصري

مظاهرات لحركة كفاية في محافظات مصر
مظاهرة كفاية في القاهرة
27 أبريل

كنت اعرف انه ستكون هناك مشكلات ضخمة ستواجه مظاهرة اليوم خصوصا وان بوتين موجود بالقاهرة في اول زيارة روسية من ايام خروشوف والحقيقة الناس بتلعن ابو خاش بوتين لانه قفل وسط البلد امبارح باصراره على العشاء في عابدين ... حيث نامت عابدين من المغرب زي الفراخ والناس قفلت محلاتها ... والحقيقة انا كنت في روكسي وقتها وبتاع الميني باص ...
المزيد ... إضغط هنا

إضغط هنا لمشاهدة لقطة فيديو من المظاهرة - غير متاح مؤقتا

إضغط هنا للاستماع الى بعض هتافات المظاهرة - غير متاح مؤقتا

مظاهرة كفاية في الاسكندرية

تصوير وتغطية شاهيناز عبد السلام
إستقليت تاكسي ووصلت في الثانية عشرة و النصف لكن التاكسي لم يستطع حتى أن يصل للمحكمة فنزلت على بعد أمتار منها و هذة المرة رايت ما لم أتوقعة كان المنظر مرعبا حقا هذة المرة كانت اعداد العسكر مهوله و على الصفين بأيديهم حبال برتقالية اللون لم أعرف لما هذة الأحبال حتى رأيتهم ...
المزيد ... إضغط هنا

مظاهرة كفاية في بورسعيد

الصور مهداة من الاستاذ حمدي جمعة
المزيد من الصور إضغط هنا
إقرأ وقائع الإعتداء يكتبها الاستاذ حمدي جمعة

شباب من أجل التغيير في أولى فعالياتها

شباب من اجل التغيير تشارك في المظاهرة الصامتة بجامعة القاهرة
لا للتدخلات الامنية في الجامعة
شباب من اجل التغيير تعلن تضامنها مع اعضاء هيئة التدريس المتظاهرين
المزيد إضغط هنا

إستفتاء الوعي المصري على جريدة الدستور

كتب الصحفي هاني الأعصر موضوعا على الصفحة الاخيرة من عدد جريدة الدستور الصادر يوم الاربعاء 20 أبريل 2005 وهو العدد الخامس للجريدة بعد عودتها للصدور ... كتب موضوعا عن التصويت الذي تجريه جريدة الوعي المصري الالكترونية حول أفضل من حكم مصر في العصر الحديث تناول فيه نتائج التصويت وتعليقات المعلقين عليه

إضغط على الصورة لتكبيرها وقراءة الموضوع

ورئيس التحرير ايضا

كما كتب الصحفي محمد الدريني موضوعا آخر على نفس الصفحة تناول فيه رئيس تحرير جريدة الوعي المصري الالكترونية وائل عباس اللي ربنا يستر عليه وبيقولكم مع العيش والحلاوة ما تنسوش رغيفين كبده اسكندراني

إضغط على الصورة لتكبيرها وقراءة الموضوع

كاريكاتير

كاريكاتير شريف عرفة

كاريكاتير كريم إبراهيم

الدكتور حمدي الحناوي يكتب للوعي المصري

كما وعدنا الدكتور حمدي الحناوي والد هند الحناوي بان يكتب مقال خصيصا لجريدة الوعي المصري الالكترونية يرد به على ما نشر من مقالات ويوضح وجهة نظره فقد اوفى الدكتور الحناوي مشكورا بوعده ... يتحدث الدكتور الحناوي عن ثقافة المجتمع والديمقراطية والزواج العرفي
لقراءة المقال إضغط هنا

عدد دوبل ومقالات بالدوبل لكتابنا
في هذا العدد

إحصاءات موقع الوعي المصري

تخطى عدد زائري موقع جريدة الوعي المصري الالكترونية السبعون الفا - 72409 - من كافة انحاء العالم للفترة من أول ابريل حتى كتابة هذه السطور بالمقارنة مع اربع وعشرون الفا لشهر مارس منهم أربعة الاف قاموا بوضع الموقع في قائمة المواقع المفضلة لبرامج التصفح الخاصة بهم ... كما بدأ الموقع في الظهور على محركات البحث الشهيرة بدون تسجيل ومنها جوجل وياهو وإكسايت وإم إس إن ولايكوس ونتسكايب كما اشترك الموقع في مشروع الأوبن دايريكتوري وهو اول محرك بحث يقوم على مجهودات بشرية وليس اوتوماتيكية
وتصدرت مصر قائمة الدول التي زارت الموقع تلتها السعودية ثم امريكا ثم الامارات ثم كندا ثم الكويت ثم انجلترا ثم السويد ثم بلجيكا

وتراوحت نظم التشغيل التي استخدمها الزوار بين نظم تشغيل ويندوز بمختلف اصداراتها ثم نظم تشغيل اجهزة آبل ماكنتوش وصولا الى لينوكس والاوبن بي اس دي وطبعا تنوعت برامج التصفح من انترنت اكسبلورار ونتسكايب وفاير فوكس واوبيرا لويندوز الى موزيلا  وكانكارار للينوكس

قراء الوعي المصري استخدموا نظم التشغيل التالية

Operating Systems Hits Percent  winxp 50675   70 %    win98 8587   11.9 %    winme 5669   7.8 %    win2000 5415   7.5 %    Unknown 1329   1.8 %    macosx 201   0.3 %    win2003 199   0.3 %    linux 182   0.3 %    winnt 112   0.2 %    win95 19   0 %    macintosh 15   0 %    openbsd 4   0 %    win16 2   0 %

قراء الوعي المصري استخدموا برامج التصفح التالية

Browsers Hits Percent  msie6.0 58921   81.4 %    msie5.5 4532   6.3 %    msie5.01 2540   3.5 %    msie5.0 2141   3 %    firefox 1870   2.6 %    Unknown 899   1.2 %    mozilla 630   0.9 %    opera 342   0.5 %    netscape7.2 221   0.3 %    safari 98   0.1 %    netscape7.01 39   0.1 %    netscape7.1 34   0 %    konqueror 28   0 %    msie5.05 28   0 %    netscape4.0 15   0 %    msie5.23 13   0 %    lotus-notes 10   0 %    netscape6.2 8   0 %    nsplayer 8   0 %    msie4.01 6   0 %    netscape5.0 6   0 %    msie 4   0 %    netscape4 4   0 %    msie6.212.122.240.197 2   0 %    msie668.255.6.9 2   0 %    netscape4.0049. 2   0 %    docomo 1   0 %    lynx 1   0 %    multizilla 1   0 %    netscape 1   0 %    netscape4.081.10.5.14 1   0 %    netscape41 1   0 %

سواء كان مسمي الدولة التي نعيش فيها اسلامية ام علمانية .. ملكية كانت أو جمهورية .. فلا اعتقد أن مطالب المواطن فيها تختلف وهي مطالب بسيطة من حقه كأنسان أن يحصل عليها والا أصبحت هذه الدولة ظالمة مهما كان اسمها

ومهما كان لون علمها ... ..مطالب بسيطة يتمناها اي مواطن .. رغم الصراع والسفسطة الفكرية والاتهامات المتبادلة بين من يعتبرون أنفسهم كتابا ومثقفين وساسة محترفين ....
صراع ليس له نهاية ندور فيه في حلقات مفرغة ثم نكتشف في النهاية أننا محلك سر .. والمواطن العادي لا يأبه بأي منا ولا حتي بالحكومة ولا القانون ولا حتي الدين .. يتوجه الي الله يطلب منه المغفرة لأنه مضطر أن يعيش ويطعم أسرته ويعلم أولاده ويعالج أمه المريضه أو والده المقعد وهو يعرف أنه وهو يفعل ذلك سيضطر لمخالفة القانون والدين ويعطي منوم للضمير ...
بينما أقطاب النظام مشغولين عنه بالحفاظ علي مناصبهم وتجديد وعمل الديكور لمنازلهم الشتوية والصيفية والعمل لليوم الاسود عندما يخرجون من السلطة بتكديس المال في الحسابات المصرفية في الداخل والخارج ..
والمثقفين والكتاب مشغولين عنه بمعاركهم التي يتم فيها تبادل الاتهامات كما لو كانت طلقات رصاص .. وكل المصطلحات اصبحت اتهامات.. العلمانية والليبرالية والعمالة والخيانة والاسلاموية والارهاب والرجعية والتقدمية .. لا يا سادة من الساسة والمثقفين مطالب المواطن بسيطة وأنا أدعي أنني أعرفها لأني أعرف هذا المواطن الغلبان:
كل ما يتمناه أن يعيش حرا في وطنه .., آمنا علي عرضه وحياة أولاده... مشاركا في اختيار من يحكمه وقادرا مع غيره من أبناء شعبه أن يغير هذا الحاكم سلميا و دوريا دون أن يضطر ألي قتله أو سحله.. وأن يكون قادرا علي أقامة شعائر دينه بحرية كما يقيم الآخرون شعائرهم بحرية دون أن يتقاتلوا ويتبادلون الاتهامات من منهم علي حق ومن منهم علي خطأ .. من منهم سيذهب للجنة ومن سيذهب الي الجحيم لأنه في الحقيقة قد ذاق جحيم الدنيا ..
يريد أن يكفي دخله الحد الادني من الحياة الكريمة حتي لا يضطر الي الكذب والغش والخداع لتوفير الغذاء والكساء والتعليم والعلاج لأولاده .. يريد ألا يعتدي أحد علي كرامته و حريته أو يتسلط عليه باي حجة كانت .. يريد أن يضمن له هذا النظام مهما كان اسمه أبسط حقوقه كأنسان ,, حق الامن والحياة والحلم والامل والامان .. وحق البحث عن سعادته طالما لا يؤذي الآخرين .. حق المساواة مع الآخرين في الحقوق والواجبات
هذا مايريده المواطن الغلبان مهما كان اسم الدولة التي يعيش فيها سواء كان هذا المواطن مسلما او قبطيا أو حتي بلا دين ....
فلتسموا هذه الدولة ما تريدون .. اسلامية او مدنية .. علمانية او ليبرالية .. ملكية دستورية او جمهورية .. ديمقراطية برلمانية او رئاسية .. حتي لو سميتموها الدولة الاسلامية الديمقراطية الليبرالية العلمانية .. حتي يرتاح الساسة والمثقفين من جميع الاتجاهات ..فلا يهم المواطن فيها كل هذه المسميات .. المهم أن تلبي مطالبه .. المهم أن يكون فيها حرا آمنا كريما .. وألا يضطره الجميع الي أن يخالف كل القوانين والاديان ليحصل علي قوت يومه ويضمن مستقبل أولاده ..
وهذا المواطن البسيط يقول للجميع كفاية ..كفاية ..وهي ليست فقط موجهة لرفض التجديد .. وليست فقط موجهة لرفض التوريث .. ولكنها و هو الاهم موجهة لرفض نظم الحكم الشمولية مهما رفعت من راية .. راية الثورية .. أو راية القومية أو راية الدين.. ..
كفاية تعبر عن صرخة الشعوب .. الشعب المصري خاصة .. والشعوب العربية عامة .. في سبيل الحرية .. والديمقراطية والعدالة الاجتماعية وسيادة القانون ..
كفاية هي صرخة الشعوب التي عانت من الظلم والقهر والاستبداد لقرون طويلة ..

كفاية هي صرخة ليست موجهة فقط للنظام أو الحزب الحاكم .. ولكنها موجهة لكهنة المعبد في كل موقع ..
تلك الطبقة التي احترفت السيطرة علي كل مسئول بالنفاق لتفسده مهما كانت نواياه حسنة وتفصله عن قواعده .. ,,
كفاية هي صرخة موجهة للجميع .. لرؤساء الاحزاب الذين لا يتغيرون..
و لرؤساء المؤسسات الصحفية .. الذين اصبحوا يعتبرون مؤسساتهم وكأنها عزبة اشتروها لأولادهم وأحفادهم وليست مؤسسات مملوكة للشعب ودافعي الضرائب
كفاية هي صرخة موجهة للجميع .. موجهة لاحتكار قلة من رجال الاعمال لكل شيء .. حتي مدخرات الغلابة من الشعب المطحون في الداخل والخارج ..
كفاية هي صرخة موجهة للظلم والقهر والطغيان .. الظلم الداخلي و الخارجي .. ظلم الحكومات وظلم النظام العالمي الجديد الذي تتحكم فيه دولة واحدة ..
كفاية هي صرخة الشعوب التي همش دورها كثيرا و آن الأوان أن تأخذ حقها الطبيعي .. حقها في اختيار من يحكمها وتغييره دوريا وسلميا .. حقها في اختيار نوابها في مجالس نيابية حقيقية ينتخب أعضائها بنزاهة وحرية تحت اشراف قضائي كامل .. وتحت رقابة دولية ممثلة في الامم المتحدة والمنظمات الحكومية ..
كفاية هي صرخة تحذير لكل الحكام .. ليس في مصر وحدها .. ولكن كل حكام المنطقه .. أنه آن الأوان أن يتوقفوا عن تجاهل صوت شعوبهم .. فهي شبت عن الطوق .. وأصبح لا يسهل خداعها.
كفاية هي صرخة عالية مدوية يجب أن يسمعها الجميع قبل فوات الأوان .. كفاية هي صرخة ليعرف الجميع في المنطقة .. أن العصر الحالي هو عصر الشعوب وليس عصر الافراد ..
....
كفايه .. هي صرخة المظلومين والمطحونين .. هي صرخة يجب أن يسمعها ويعيها الجميع في بر مصر قبل فوات الأوان ..
كفايه هي صرخة المواطن المصري للجميع .. أنا هنا واريد حقي و سآخذ هذا الحق من الجميع.. ....
حقي في ثروة هذا الوطن وخير أرضه وكد وعرق ابناءه .. عرق مواطنيه ..
حقي كمواطن في التعليم و الصحة والسكن .. حقي في استنشاق الهواء .. وحقي في الاستمتاع بشواطيء نيلي وبحري التي سرقها مني المحظوظين من المنافقين للسلطة والحاكم .. تلك الشواطيء التي وزعها وزير الاسكان علي الحبايب والخلان .. وحقي في ارض بلادي التي صادرتها الحكومة لتوزعها علي كل منافق وتابع .. ليبيعها لي باضعاف ثمنها ..
كفاية هي صرخة هذا الشعب العظيم .. وهي صرخة أن لم يسمعها الجميع .. فسيتحملون النتيجة .. نتيجة اصابتهم بالصمم ..
كفاية هي صرخة المواطن المصري للجميع .. كفاية .. أريد حقوقي
..
مع تحياتي لكل الاسلاميين والعلمانيين والليبراليين والديمقراطيين

- اطلع ياهندزة انت وهو.. محدش يقف لى ع السلم..
- حاسب ياسيدى انت دايس على رجلى!
- يا عم انا واقف على رجل واحدة!

- طيب وفين الرجل الثانية؟!
- شايلها لوقت عوزه!!
- حاسب يا اسطى.. كعب عالى!
- وسعوا يا اخوانا.. اطلع يابركة أدام شويه..
- بس ما تقولش بركة!
- ليه لامؤاخزه؟!
- أصل الراجل مننا قبل الأربعين مراته تقول "سبعى راح.. سبعى جه"!
- طيب وبعد كده؟
- وفى الخمسين مراته تقول "بعلى راح.. بعلى جه"!
- يا رايق!.. قسٍم يا وحيد!
- ولما يبقى فى الستين مراته تقول "البركة راحت.. البركة جت"!
- على كده كلنا بقينا بركة!!
- طيب وبتجيب بضاعتك منين؟.. ومين بيوصلك بيها؟
- أنا مليش دعوه بحاجة!.. أنا أروح أستنى فى المكان وبس!
- مش فاهم!
- إنت مش بتشوف عربية وعليها برتقال وموز من غير حصان؟!
- أيوه..
- أهو فيه واحد بيوزع العربيات على الشوارع بحصان أو اثنين!
- يعنى انت تستلم العربية فى الشارع؟!
- قبل الفجر!
- ومفيش حد م الحكومة يقول لك حاجة؟!
- صاحب البضاعة بيصًرًف!!
- ياولاد الجنية!!
- يا عم وسع شوية!
- أروح فين بس؟!
- يا عم العربية فاضية أدام!
- فا ضيه فين؟!.. دا زى ما يكون العربية ماليهاش أدام!!
- ما تخلى عندك دم يا قليل الأدب!!
- هو انا جيت جنبك يا ستى؟!
- فعلا اللى اختشوا ماتوا..
- يا راجل دى أد أمك!
- أد أمه؟!.. أد أمه إيه ياراجل ياناقص.. أما انت صحيح معندكش نظر!!
- يا عم اطفى السيجارة دى.. دا احنا مش عارفين نتنفس!
- أنا حر يا أخى!!
- هى دى بأه الحرية؟!
- مش عاجبك انزل خدلك تاكس!
- رجلى.. رجلى!.. حاسب ياعم فرمت رجلى!!
- هى باب اللوق ماجاتش يا ابنى؟
- لأ لسه يا حاج..
- أمال احنا فين دى الوقت؟
- فى باب الشعرية..
- حد له باقى يا اخوانا؟
- وسع لى يا خويا أنا نازل المحطة الجاية..
- دنا لما كنت فى برلين كان الأتوبيس حاجه تفرح..
- وبرلين دى يا خويا على خط المناشى؟!
- برلين دى يا وليًه فى بلاد برًه..
- هو فيه بلاد بره وبلاد جوًه.. والله حاجه تلخبط!!
- أيوه يا حضرات.. معانا امشاط وفلايات..
سرًح شعرك بربع جنيه.. فلاية عضم بربع جنيه..
دستة دبوس مشبك بربع جنيه.. نوته قلابه بربع جنيه..
قلم فرنساوى بربع جنيه.. كل حاجة بربع جنيه!..
- حاسب ياابنى.. رايح فين؟!
- هو الأتوبيس ناقص؟!
- أصل التجارة دى حسب المكان..
- إزاى يعنى؟
- فى الشارع يبيعوا مناديل.. وفى الأتوبيس امشاط وفلايات!
- الواد ياختى مش عايز يرضع!
- يااختى افطميه وأكليه مهلبية وصفار بيض..
- صفار بيض؟!.. انت عارفه البيضه دى الوقت بكام؟!
- واللبن.. دا الكيلو يااختى أكثر من تلاته جنيه!
- ما تشتريله معزة يا خاله عشان يطلع زى غاندى!
- فال الله ولا فالك! أنا محبش ابنى يطلع إرهابى! آل غاندى آل!!!
- صلوا ع النبى يا اخوان.. حسنة قليلة تشيل بلاوى كثيرة!..
لا ينقص مال من صدقة.. والحسنة بعشرة أمثالها..
اتبرع لمسجد الرحمن..
- الراجل ده بيجمع للمسجد من عشرين سنة!!
- تفتكر الإيصالات اللى معاه دى مضروبة؟!
- طبعا مضروبة.. هو فيه مسجد ينبنى فى عشرين سنة؟!
- والله حاجه تجنن.. دا كل حاجة يا جدع بأت مضروبة!
- أمال إنت بتسرح بإيه الأيام دى؟
- أنابيب غاز!
- بتوصلها بكام؟
- مرات بستة جنيه ومرات بسبعة!!
- ياابن المحنونة!
- ماهو فيه أفندية مش عارفين إن ثمنها أقل من أربعة جنيه!!
- تذاكر.. اللى طلع من أدام.. ابعت..
- لسه باب اللوق ياابنى؟!
- انت يابا بتسأل على باب اللوق م الصبح.. تنزل هنا!
- هى دى باب اللوق؟
- لأ.. دى باب الخلق.. تحب تنزل!.. أهو كله هــ ـ باب!!
- حلوة!.. الأخ بيشتغل فران لامؤاخزه؟!
- اطلع أدام شوية عشان تقرب م الباب..
- دا على بال ميقرب م الباب يكون وصلنا الجيزة!!
- أنا متهيألى الراجل ده من أيام هوجة عرابى!
- ياعم سيب الناس فى حالها.. حرام عليك..
- ماهى حاجة تفلق.. الواحد كره عيشته!
- وحد الله.. وحد الله..
- الشقة أوده وصاله.. أبويا وامى فى الأوده على سرير..
وجدى لسه ماسك فى الدنيا على سرير.. مع إنه قلب العداد!!..
وانا وأخويا بنام ف الصالة.. طيب اتجوز واكمل نص دينى ازاى؟!
- غريبة!.. أمال الناس دى كلها بتيجى منين؟!!
- زحمه يا دنيا زحمه.. زحمه وتاهوا الحبايب!
زحمه ولعدش رحمه.. مولد وصاحبه غايب!
- ياعم شوف لنا حاجه لشعبولا!
- المحفظة؟!!!
- حاسب ياعم بترفـًص ليه؟!
- محفظتى ياولاد الكلب!!
- أقف يااسطى..
- يقف ازاى.. على القِسم يااسطى!
ــــــــــــ المراجع:
1- خط أتوبيس 990 (مساكن عين شمس – ميدان الجيزة)
2- الموارد البشرية وذبح التنمية فى الدول النامية (باب: أفواه وأرانب)
3- رفع المعاناة عن الجماهير (باب: الدعم يصل إلى مستحقيه)
4- التنين يبتلع الطبقة المتوسطة (باب: عليه العوض منه العوض)

أعزائى عايزين تعرفوا الفلوس إللى بندفعها ضرايب بتروح فين

إليكم لجنة واحدة من اللجان إللى بتتصرف عليها فلوسنا ، اسمها لجنة
الدراما فى
الإذاعة المصرية ، و اللجنة دى دورها قراءة المسلسلات إللى بنشوفها و طبعا
ً
بيقبضوا مبلغ مش بطال ، شوفوا اختيار اللجنة دى بيتم إزاى

انقذوا الإذاعة المصرية من ايناس جوهر التى تعتقد انها ميراث أهلها و لها
ان
تتصرف فيها كما تشاء ، فقد قررت ان تختار لجنة الدراما فى الإذاعة كما
يتوافق و
مصالحها الخاصة و إليكم هذا التصنيف تبعا ً لأعترفاتها للمقربين منها :

عمرو الليثى ( صحفى) : ليخدم عليها صحفيا ً و يساعدها فى تولى منصب بمدينة
الإنتاج الإعلام عند خروجها إلى المعاش بعد عامين من خلال ممدوح الليثى و
معارفه

ابراهيم العقباوى ( رئيس قطاع المتابعة باتحاد الإذاعة و التلفزيون):
ليساندها
داخل ماسبيرو إذا حاول أحد مهجامتها عند الوزير و ليساندها كذلك داخل
الحزب
الوطنى من خلال خاله السيد صفوت الشريف . . هذا غير انها ترد للرجل الجميل
فهو
السبب فى جلوسها على مقعد رئيس الإذاعة و غض البصر عن كل تجاوزاتها فى
الماضى

حسن شاه (صحفية و عضو هام بمجلس المرأة): لتوصل كامل أخبار ايناس جوهر
للسيدة
سوزان مبارك من خلال المجلس القومى للمرأة

ماجدة موريس ( صحفية و ناقدة سينمائية ) : لتخدم عليها صحفيا ً

رفيق الصبان ( ناقد سينمائى و صديق شخصى لإيناس) : ليوطدت علاقة ايناس
بوزارة
الثقافة و يوصل أخبارها للوزير فاروق حسنى الذى قد يجعل منها مستشارا ً
عقب
خروج إلى المعاش خلال عامين

سمير كامل ( مذيع) : رفيق درب قديم ، و ان لم تصونه سيشيع عنها كل اسرارها
الشخصية

محمد مشعل ( مخرج) : منتج لكل الإنتاج الإذاعى الذى يصدر لكافة الدول
العربية و
افضاله على إيناس كثيرة ، فهو الذى فتح منزلها قبل ان ترأس إذاعة الشرق
الأوسط

مجدى سليمان ( مخرج برامج خاصة ) : لأن زوجته ستخدم عليها صحفيا ً

عمر بطيشة ( مذيع و