الوعي المصري

ارض الخوف ابتدت تنهز
المظاهرات حركت الكثير
لاول مرة من 25 سنة مظاهرة تخرج ضد الحكومة
لاول مرة من 24 سنة واحد يقول بعلو صوته
كفاية

Posted by: ahmad | Friday, 22 April 2005

والله الموضوع كبير اوى ومحتاج تفكير جامد
وثانيا ودا المهم المثل بيقول ايه اللى له ظهر ما يتضربش على بطنه
ثالثا ودا الاهم من ثانيا اننا فى بلد ديمقرااااااااااااااااااااااااااااااطىىىىى يعنى اللى عاوز يتظاهر يتظاهر والقانون واضح وصريح
وحتى لو الواحد راح أمن الدولة اللى انتم متهمينها باطل يا ظلمة (كده وكده) انها بتعذب الناس وبتبهدلهم يا عالم دى فى مدينة نصر يعنى اللى رايح هناك ياكل لما يشبع وبعدين ينزل على عباس العقاد ولا اى مول يتفسح وفى الاخر هو اللى مش حيرضى ينزل يتفسح ويتحجج بقى ان دماغه مفتوحه ولا كلب عضه ولا انه اتكهرب وهو بيشغل التكييف اللى فى اوضته فى امن الدوله
ربنا يخلي لنا مدينة نصر ويحرمنا من الحى السادس

Posted by: Taher Amin | Friday, 10 June 2005

اتابع باهتمام كل ما تكتبين يا شاهيناز ، واجد نفسي مضطرا للرد على وجهات نظرك بكل (موضوعية) واتفهم جدا رأيك يا طاهر امين في التعليق السابق ولنبدأ بشاهيناز 00مصر ليست ارض الخوف 00 اسمحيلي انتي بتظلمي المصريين بنعتهم بالجبن المصريين ليسوا جبناء والدليل 00 من ثار ضد الفرنسيين واخرجهم وقيسي على ذلك الانجليز واليهود ( سيناء ) ربما يكونوا صبورين اكثر من جبناء ربما يكونوا جاهلين فلا تنسي ان هذا الطاغية الحاكم كان واحدا ممن قادوا حرب تحرير سيناء ولا يزال هناك محبين له يتغاضون عن اخطائه ، ورغم اني من اشد المعارضين لبقائه الا انني لم اشك يوما في ولائه لبلده ووطنيته 000 ارجوكي دعينا تقيس الاحداث بالمنطق والعقل بعيدا عن الانفعال الطائش ، اما انت اخي طاهر امين 00 فلا اعطيك اي حق في ان تتهم الذين يدافعون عن قضايانا باللهو والعبث لانهم اثرياء ، لا تكن حقودا فتهدم كل لبنة شريفة واصيلة ، نعم هم اثرياء ولكنهم سيمدون يدهم اليك يدا بيد من اجل ان ننعم بالحرية والمياواة والعدالة فكفانا هذا الغمز واللمز ولنحكم ضمائرنا قبل ان نكتب كلمة قد يكون لها اثرا محبطا في نفوس الشرفاء 000 احترم الاخت شاهيناز لانها استطاعت ان تعبر عن رأيها وتمارس حقها في التظاهر حتى لو كانت من مدينة نصر او من الزمالك 000 احمد العزيزي

Posted by: احمد العزيزي | Friday, 10 June 2005

حبيب قلبي يا غالي....مقالك جميل يا احمد والله...مش هاعترض علي اى حاجه...ومعاك ان احنا مش جبناء...ولا هانكون ابدا...بس الحته بقي بتاعت ولائه ووطنيته دى ....واسعه حبتين...اكيد لما حارب في حرب اكتوبر كان عنده وطنيه...لا جدال...لكن بعد ماشرب من دم الناس و كل من عرقهم الشهد هوا والحلوين ولاده...راحت الوطنيه....ماهو اصل الظلم بيقسي قلوب البشر يا سيدي الغاضل و بيخلى المحارب الشريف كلب ولا يسوى لو بدا يظلم ويستمتع بظلمه ليهم....يا عم احمد يلي بتقول وطنيته وولائه ..الراجل ده مش فارق معاه مصر فحاجه خالص...يعني لو جابتله في بيعه كده اكتر من اللي هوا بيطلعه منها هوا و المحروس ابنه ...ثق تماما انه هايبعها...بس هوا لحد دلوقتي مش لاقي حاجه تجيبله اكتر...عارف ليه؟.....لان خيرها اكبر بكتير من كل الحسابات...وسلملى عالولاء

Posted by: عمرو | Friday, 10 June 2005

يا سيد أحمد دا كلام انتى فهمتنى غلط خالص انا مش قصدى الاستاذة شاهيناز بكلامى خالص
والحمد لله انا مش بحقد علشان ليا ظهر
هههههههههههههههههه
ثالثا ودا المهم انت واضح انك محتاج تقرا كلامى تانى
ولمعرفتك العامه امن الدوله فى مدينة نصر الحى السادس دا الفرع الرئيسى
وليه فروع تانية فى جنينة مول وكارفور و أركاديا مول لو عاوز تشترى حاجه من هناك
وبالنسبه لان اول ضربة جويةفتحت باب الحرية فتحته لحد ما طلع 90 مليار دولار بره مصر لان باب الحرية وسع اوى والكلام دا اتقال فى مجلس الشعب ولحد ما خصصت اكتر من 5 مليار جنية لمصاريف الرئاسه
يعنى اكل وشرب وبنزين عربيات وطيارات رايحه وجاة وعربيات مايباخ اللى جابها لما بوش نزل مصر وفى الاخر ركب عربيته الفورد 4* ومركبش المايباخ المصنفه من اغلى 3 وأفخم 3 عربيات فى العالم والشعب مش لاقى ياكل لا والله يا سيد أحمد مش بحقد لان الحمد لله انا مقتنع باللى انا فيه ولو مش مقتنع كان زمانى انا او غيرى مليونيرات
ولا انت ايه ريك يا سيد أحمد؟؟؟؟؟؟؟؟؟

Posted by: Taher Amin | Friday, 10 June 2005

لا بد من الغاء قانون الطوارئ اولا و بعدها نقعد نشوف هنعمل ايه

Posted by: محسن ابو المحاسن | Friday, 10 June 2005

عزيزتي شاهيناز
أنا من زكثر المتابعين لكتاباتك في الواعي...ويسعدني وجود امثالك بيننا وبالاخص كونك انثي يملأني بالفخر
وعادة ما اتفق معك في ارائك ولكن هذه المرة اختلف معك ... ليس الخو هو ما يعيق المشاركه الشبية بل الجهل ... ان ٨٠٪ من الشباب ما بين ال ١٦-٢٨ لا يعرف ما يحدث وان عرف فهو لا يفهم.. فهم واقعون تحت تاثير الاغلام الوحيد المتاح لهم .. اما المحطات المصرية او جرائد الحكومة
.. ليس في امكان هؤلاء بشراد جرائد المعارضة ال امتلاك دش ... هل تتخيلي انني ادرت حوار مع ساعي عندي في الشركة ويبلغ ٢١ عاما وقلت له "تصدق زويل هايرشح نفسه للرئاسة " وكان رده آخر ما اتصوره "هي مش الانتخابات خلصت يوم الاربع اللي فات والريس كسب"

طبعا صدمت وحاولت اشرح له ايه اللي حصل يوم الاربع وما هو قانون ٧٦ وكان فاتح بقه.. وفي الاخر قال انا ما بفهامش في السياسة (علي فكرة هذا الابن الضال معه دبلوم تجارة)قلت له لازم تفهم لازم تعرف حقوقك علي البلد دي ووهجباتك .. اشتري الدستور .. جريدة صادقة واسلوبها بسيط ومعظمه بالعاميه...فال"وانا لاقي اتجوز لما اشتري جرنان ب ٢ ج"
صدقيني يا شاهيناز انه ليس الحالة الوحيدة التي اجدها بهذا الجهل او هذه السذاجة فأنا بحكم عملي احتك بكم هائل من المواطنين من كافة الاعمار وهذا هو الشائع وكثير منهم واقع تحت تاثير الحكومة ويرون ان مبارك احسن من غيره .. وان هذه اخطاء من حوله وهذا ما يجب تغييره بل وصل ببعضهم ان قال هو لاقي غيرهم عدل و ماغيرش .. يعني شايف ان المشكله ان مافيش بدائل امام الئيس ليس اكثر
اعود لاقول المشكلة تكمن في نقص الوعي ليس فقط السياس بل الوعي العام
لذلك مهمتنا جميعا ان نجد طرق لنوصل الحقيقة ... الصورة الخفية لما يحدث لرجل الشارع ... المواطن العادي والبسيط ليس فقط المثقفين... ووقتها ستجدي النتيجة الرهيبة .. ستجدي المصري الحق .. صاحي وواقف بيشارك..
واخيرا ليس الخوف يا شاهيناز (حاشا لله) هو الجهل بمجريات الامرر

Posted by: لبني محرم | Friday, 10 June 2005

ايه يا عالم انت بتضحكو على نفسكم
لا يا استاذى الفاضل الناس مش خايفة الناس مرعوبه مش بس خايفه
لان لما يتقبض على ام واحد وابوه علشان يسلم نفسه مثلا الناس تخاف

لما ينزل ناس فى قمة الاحترام واساتذه فى الجامعة ويدخلو اوض نوم زوجاتهم وبناتهم وهم نايمين بل احيانا لو الباشا مزاجه مش رايق يطلعهم بهدوم النوم كأنهم حاشا لله ممسوكين فى قضية اداب الناس تخاف وكل مشكلتهم ان ابوها او جوزها اللى كرامتها اتهانت دى صاحب رأي

لما يتتقتل اتنين فى الدقهلية على ما اتذكر ويقولك وواحد منهم كان داخل المسجد ويتضرب على راسه وهو بيحاول يخرج وبعد كده يتكهرب ويمنعو الاسعاف انها تاخده وكان من حسن حظه ان كان فيه دكتور جو ه المسجد والدكتور دا بالمناسبة فى السجن حاليا وفى الاخر يخدو الدكتور والراجل
ينزف لحد ما يموت يبقى لازم الناس تخاف

ودا واجب شرطة بلدك فان كنت مش خايف وانا مش خايف ففيه ملايين خايفين
ودول اللى لازم نساعدهم علشان مايخافوش

الناس عاوزه اللى يشجعها يعنى ينزل معاها فى الشارع واعتقد ان الموضوع بدأيتغير

Posted by: Taher Amin | Saturday, 11 June 2005

الرئيس مبارك غير وطني ( يعني خائن ) وحرامي ( تتحدثيا طاهر يا امين عن 90 مليار سرقها هو وابنائه ) تريدني ان اصدقك لمجرد انك قلت هذا - هكذا - بدون اي دلائل مش تقولنا حضرتك جبت الارقام دي من انهي مجلة او وثيقة او كتاب او عن لسان مين ام ان كلام سيادتك قرآن وانجيل يجب ان نؤمن به - انا لا اكذبك ولكني اريدك ان تكون موضوعيا اكثر من ان تكون انفعاليا وتصدق كل ما يقال -
اولا الخيانة : هل تفهم في لعبة الشطرنج - ولا انا - لكني افهم شوية في لعبة السياسة 00 واليك ما حدث اثناء مباراة بين بوش الابن ومبارك
1- الرئيس بوش يعطي الضوء الاخضر لاسرائيل لتطبق على الفلسطينين بشتى الوان الظلم في مؤتمر بجنوب افريقيا
2- الولايات المتحدة بذلك تنجر الى ساحة المعركة مع الاسلاميين
3- اسامة بن لادن يرد بقوة اذهلت العالم في الحادي عشر من سبتمبر من العام التالي للمؤتمر
4- الرئيس الاميركي في ورطة ويطلب من حلفاءه مساندته في حربه على الارهاب
5- الرئيس المصري مبسوط جدا لانه ليس وحده فقط الذي يتعرض لهجمات ارهابية فهذه هي امريكا ايضا اكبر قوة في العالم
6- الرئيس الامريكي يقرر دخول بغداد ويحشد الرأي العام العالمي بحجة مكافحة الارهاب والعالم متعاطف مع امريكا لقساوة الهجمة عليها
7- الرئيس الامريكي يفشل في الحصول على مظلة اممية لدخول بغداد
8- الرئيس الامريكي يطلب من- مصر - مشاركته في حربهعلى العراق
؟؟؟؟؟؟؟مصر ترفض؟؟؟؟؟؟
لماذا؟؟؟؟؟؟؟
لعدم وجود غطاء اممي
ام لان مبارك يخشى ان يصير مصيره كمصير صدام حسين
ام ان مبارك حسب حساب انقلاب شعبي ضده
الحقيقة الثلاثة اسباب مجتمعه
على فكرة لو اي حد منكم مكانو هيعمل كده انا لا ادافع عن مجرم مثل مبارك اهان اولاد بلده واضاع كرامتهم بل اني حزين ان نصف اولاد بلدنا المصريين بالخيانة انا اعتقد ان المسئولية مشتركة اذا كان هو خائن فكلنا خائنين واذا كنا كلنا خائنين فمن لمصر 00 المهندس اللي بنى العمارة اللي وقعت في الاسكندرية من يومين خائن السائق اللي خبط تلميذ بعربيتو وجري خائن الموظف المرتشي الطالب اللي بيغش والمدرس اللي واللي 00 الحقيقة انت خائن وانا خائن ومبارك خائن كلنا خونة 00 انته عارف ايه جزاء الخيانة 00 الاعدام
اكتفي بهذا الحد على ان اكمل فيما بعد
احمد العزيزي

Posted by: احمد العزيزي | Saturday, 11 June 2005

يا أستاذ أحمد انت واخد الموضوع بنظرة تانية خالص غبر اللى الناس كلها شايفاها
مصر فى عهد عاطف عاطف عبيد اتسرق منها 15 مليار والكلام ده قاله عاطف عبيد فى مجلس الشعب وقال باللفظ
( ان 15 مليار مبلغ بسيط ومش حتأثر على الاقتصاد القومى) رد عليه زكريا عزمى وقاله مادام 15 مليار مبلغ بسيط انا كنت حكلمك فى 400 مليون مبنى وزارة الماليه غير المستخدم مالوش لازمة الكلام
ايه رايك فى الكلام ده
ثانيا الرئيس يقدر يجيب الجماعة دول بكل سهولة عن طريق الانتربول الدولى على ما اعتقد ومعظمهم اما كنه معروفه ومفيش اشهر من رامى لكح اللى فاتح قهوة فى الشانزلزيه
ولا هم فالحين بس يقبضو على الدكاتره والمعارضين والاخوان
أستاذى الفاضل جزء كبير من بلدك ماشى بنظام نفعنى وانفعك
واعتقد دا من المبادئ الراسخه للحزب الوطنى

Posted by: Taher Amin | Saturday, 11 June 2005

بالمناسبة يا استاذ احمد بغض النظر عن كونه ماصص دم الشعب ومش حاسس بيهم
انا قلت 90 مليار طلعو برا مصر فى عهده مش اخدهم هو وولاده وبصراحه يعنى اى بنى ادم كان عمل المبلغ ده كان سابها تضرب تقلب ويا اما يكون غبى
فأنا بوضح انها فلوس خرجت فى عهده مش أخدها
وثالثا مادام هو كده ياريت تقوللنا مرتبه كام ومتتلكاته فى مصر ايه
بوش دخله السنوى محصلش المليون دولارودا فى الاخبار الحكومية مش من عندى
قوللنا هو جايبالمايبخ اللى انا شايفها فى التليفزيون المصرى ولاكانمأجرهامن اجانس الرئاسه كار
وطقم الشبح
والبى ام
يا سيدىربنا يزيد ويبارك
بقولك ايه بلاش نتكلم فى السياسة احسن
ههههههههههههههههههههههههههههههههههههههه
هم يضحك وهم ........

Posted by: Taher Amin | Saturday, 11 June 2005

اعجبني رأيك وردك يا طاهر يا امين وأتمنى ان اصطدم بك قريبا على صفحات هذه المجلة او على الياهو amrdiab_sky@yahoo سوف اضيفك عندي بمجرد قبولي لديك ولا اعتقد اننا مختلفين اطلاقا ولكننا قد نعيد بناء وجهات النظر ، ما يهمني ان تكون غيورا لصالح مصر وليس تنفيسا عن ظلم شخصي وقع عليك ، المهم الضمير اليقظ ، لو اخلصنا ضمايرنا اكيد نقدر نعمل شئ ، هو انته صحيح ليك ضهر ؟؟ يا بختك اصل انا مليش !! تصدق كمان ان مبارك كان ليه ضهر بس دلوقتي بقى زي حلاتي ملهوش سلاااااااام ولنغلق هذا الموضوع حيث ان صاحبة الموضوع الاصلي ( ارض الخوف ) مسافرة رحلة شرم الشيخ

Posted by: احمد العزيزي | Sunday, 12 June 2005

يا أستاذ أحمد والله الموضوع تنفيس عن ظلم شخصى ولا حاجة كل الحكاية ان دا واقع احنا عايشينه تقدر تقوللى حال البلد وصل لحد فين ديون البلد وصلت لحد فين البلد ماشيع ازاى
اقولك اللى انا عارفو بلدك وسايط ومصالح وكوسه
خد مثال
أحمد عز اللى احتكر حديد البلد ووصل سعر الطن الى 3200 (على فكرة شاريينة بالسعر ده والله) وانه يرفض بصفته رئيس لجنة الاسكان على ما أعتقد فى مجلس الشعب( اللى دخله بالكوسه عن دايرة منوف - السادات مكان الربيعى وهم مش عارف من فين أساسا)
القرار اللى اتعرض على مجلس الشعب من وزير التجارة
استيراد حديد من اوكرانيا والكلام من الاهرام على فكرة كانت الحكومة عاوزة تستورد حديد من اوكرانيا بسعر 600 جنيه للطن و حيوصل سعره للمستهلك 900 يعنى مكسب 300 جنيه فى الطن والقرار اترفض من اللجنة التى يرأسها أحمد عز الخاصة بمناقشة القرار فيه كوسه أكتر من كده!!!!!!!!!؟؟؟؟؟؟؟؟
يعنى توفير على الشعب اللى مش لااقى ياكل أكثر من 2300 جنيه فى الطن !!؟؟؟؟
يا سيدى لو كل واحد استنى لما حاجة تحصله يبقى مفيش أى تغيير حيحصل أساسا
ودا واحد ناهيك عن الباقين وهم كثيييييييييييييييييييييييييييييير
تاخد مثال كمان ولا كفاية كده!!!!!!؟؟؟؟؟؟؟؟

Posted by: Taher Amin | Monday, 20 June 2005

يا جماعة انا والله مش فاهم حاجة من كل الكلام دة وكل الناس عندها كل البيانات السليمة وأيمن نور طالب من الشعب المصري يسانده وفي نفس الوقت طالب من الشيخة كونداليزا لما جت في مصر انها تدعيله, غريبة وطني مصري يطلب من وزيرة حارجية دولة أجنبية مساندته ضد قضاء بلده، واحنا بنقول الخوف. وكلنا بنكتب ونقول رأينا وبنتكلم من غير خوف ، امن الدولة في اركاديا مول وكارفور . مش يمكن هما معايا في البيت دلوقتي. الكلام ده مش منطقي ومش مقبول وانا شخصيا عمري ما سمعت عن واحد معتقل بدون اسباب الا لو كان اشتباه وخرج تاني يوم, وجريدة الغد بتستشهد بسفاح النخيلة وبالارهابي عبود الزمر ولا عبود الزمر بقى راجل وطني دلوقتي؟ خوف ايه وعبود الزمر بيقول الكلام ده وهو في المعتقل. واحنا ساعة ما يتفتح لنا باب للديمقراطية نلعن ابو اللي فتحه ، ولا نحمد الله ونقول عاوزين كمان. يا ناس فكروا قبل ما تتكلموا وفكروا و انتوا بتقروا و انتوا بتسمعوا ، وما تحدوش كل الكلام انه قرأن كريم.

Posted by: تامر مصطفى | Saturday, 09 July 2005

استاذى الفاضل تامر مصطفى
ممكن يكون عندك حق فى كلامك لان الصورة مش واضحة بالنسبة لك والتعتيم الاعلامى كبير جدا فى الاعلام بتاعنا
بس والله فيه ناس اخدت اكتر من 10 احكام قضائية بالافراج ولسه فى السجن وفيه ناس تانية اتسجنو علشان كانو قاعدين فىتجمع فى بيت واحد منهم!!!!!!!!!!!!!؟؟؟؟؟؟؟؟؟؟؟؟؟؟؟؟؟؟
وفى طلبة اتحرمت من الامتحانات كتيييييييييييييييير علشان قال ايه ليهم نشاط سياسى
وبعضهم وليس كلهم حضر الامتحانات بامر من النائب العام
فى جرائد اتقفلت واخدت كذا حكم قضائى بالصدور واكبر مثال على كده جريدة الشعب اللى اتقفلت ايام استاذ مجدى حسين والدكتور محمد عباس
اما بالنسبة لامن الدولة فى كارفور وكده يعنى دا على سبيل الهزل مش الجد طبعا

Posted by: Taher Amin | Sunday, 10 July 2005

السادة الأفاضل :

برجاء ارسال موسيقى فيلم ارض الخوف على ايميلي الموضح بعاليه .

تقبلوا مني الشكر

Posted by: الجنتل | Thursday, 11 August 2005

فعلا تربينا علي ثقافة الخوف الخوف من نظرة الاب عند الخطأ الخوف من عصاة المدرس والخوف ايضا من رئيس الجمهوريه فهو ابضا كبير العيله وله ايضا عينيه الحمراء يكشفها عند اللزوم
واصبح مفهوم الحرية لدينا هو التحكم في شوون الاخرين

Posted by: ahmed refat | Friday, 12 August 2005