Ok

By continuing your visit to this site, you accept the use of cookies. These ensure the smooth running of our services. Learn more.

Friday, 30 September 2005

عدد خاص في ذكرى حرب أكتوبر

 الوعي المصري تهني القراء بحلول شهر رمضان المبارك

باب زويلة - سبتمبر العام الماضي
بعدسة وائل عباس
-

-
الوعي المصري تهنئكم بذكرى حرب السادس من أكتوبر
وتتذكر بطلها الشهيد محمد أنور السادات

آخر صورة للسادات قبل إستشهاده بلحظات

تمعنوا في تلك الصور

فربما لن تروها مرة أخرى ... وربما تحرك فيكم شيئا

ذلة وانكسار ربما نسيها ابناؤهم الآن وعادوا لصلفهم وطغيانهم

لم نراها في عصر الحنجورية والشعارات

ويبدو ان هناك من لا يريدنا ان نراها حتى لا نسترد ثقتنا بأنفسنا

برغم أننا الوحيدون الذين فعلنا بهم هذا لا قبلنا ولا بعدنا أحد فعلها

وصورة نادرة تخرس كل المتقومجين وعملاء القذافي والبعثجية ومأجوري البترودولار المتهيكلين لتشويه تاريخ مصر لضابط مصري يشير الى عداد دبابة امريكية من الجسر الجوي ويقرأ مائتين وعشرين كيلومتر فقط قطعتهم الدبابة في سيناء
رحم الله كل الشهداء وشل ألسنة العملاء

صور نادرة من أرشيف الأهرام والهلال والمصور

-

-
مظاهرة ضخمة لكفاية يوم حلف اليمين

إضغط هنا
-

-

-
ما يرسله القراء

تصوير رأفت العربي
إضغط هنا للتكبير
-

-


-
مظاهرة أمام مصلحة السجون لأهالي المعتقلين

لا أعتقد أن هناك عذر للنشطاء السياسيين من كافة التيارات لعدم التواجد في تلك المظاهرة التي لم يحضرها الا نفر قليل من شباب من أجل التغيير ... عار عليكم !!!



ولكن تسليتنا الوحيدة في ذلك اليوم الذي كدت أصاب فيه بضربة شمس هو موقف الأمن الكوميدي خالص بتوقيف كل سيارة يتم توزيع بيانات مطبوعة عليها وسحب البيان مرة أخرى منها


وقد نجحت عدسة الوعي المصري في رصد هذا العبط الأمني

ومن الطرائف أيضا مجيء لوري محمل بأشخاص يرتدون ملابس مدنية  ظنناهم في البداية أمن مركزي متنكر لكن بالتمعن فيهم وجدتهم غير حليقي اللحي ملابسهم متسخة ويرتدون الشباشب وتبدو عليهم علامات الإجرام ... طبعا عرفتم الأمن كان جايب ايه !!!

-

-

-
ومظاهرة بالشموع في طلعت حرب لحركة خمسة سبتمبر

غنى المتظاهرون أغنية حزينة ومؤثرة جدا تقول كلماتها

على دلعونة وعلى دلعونة ... الفرقة صعبة وحتوحشونا
باشكيك يا موج البحر يا قاسي ... يا واخد مني اهلي وناسي
باكتب رسايل واقرا رسايل ... ودمع عيني عالخد سايل
ايه اخرة حزني ولا سكوتي ... ده وزير الصحة ولا الحانوتي
مش كل حاجة واخدينها قوة ... ده وزير داخلية ولا فتوة
انا داخل مسرح ولا قرافة ... ما يرد عليا وزير الثقافة
لا عايز شفقة ولا عطف عايز ... عايز احاكم سيدي المحافظ
ملايين مدبوحة جوه البيوت ... ملعون يا خوفي ملعون سكوتي
عايش غريبا ميت غريبا ... يا ظالم يومك قرب قريبا
على دلعونة وعلى دلعونة ... الفرقة صعبة وحتوحشونا

قطيعة العصر الحجري وسنينه مافيش لا مية ولا كهربة ولا صحة ولا تعليم كاننا في بني سويف بالضبط

-

-
حاليا بالأسواق
شباب من أجل التغيير وكفاية
يقدمان

مصر جاية
على إسطوانات ليزر
* تاني يا إنتفاضة *
* يا بلدنا *
* كفاية *
* ع الزراعية *
* شعب واحد *
* مصر جاية *
* داهية تاخد الحكومة *
* هيلا هيلا *
* النهار *
* حاول تاني *
تطلب الإسطوانة من
مركز الدراسات الإشتراكية
7 شارع مراد - ميدان الجيزة
حزب الغد
ميدان طلعت حرب - وسط البلد
المركز العربي للدراسات
2 شارع سمير سيد أحمد - المنيل
مركز صاعد
3 شارع أمين سامي من القصر العيني

-
أطرق أبواب الجنة
شعر بوب ديلان - ترجمة وائل عباس
مهدى الى روح الشهيد محمد أنور السادات

أمي خذي شارتي هذه
فلن أرتديها بعد اليوم
الظلام يطبق ولا أستطيع الرؤية
أشعر أنني أطرق أبواب الجنة
...
أمي دعي سلاحي وأتركيه
فلن أستطيع إطلاقه بعد اليوم
سحابة سوداء باردة تهبط علي
أشعر أنني أطرق أبواب الجنة

-

Friday, 23 September 2005

عيد ميلاد كفاية

صورة وتعليق

تصوير وتعليق جهاد عبد الرحمن
بعد ان كنا نعيش في دولة تغييب الوعي اصبحنا نعيش في دولة اللاوعي
علي قدر علمي و
ثقافتي المحدودة التي لا يمكن مقارنتها بثقافة ووعي منتفعي السلطة ومطبلاتية الحزب الوطني اعلم انه قد انتهت عصور ارسال الرسل والانبياء لكن يبدو ان احد وكالات الدعاية والاعلان في مصر لديها معلومات الهية مختلفة ولهذا قامت بعمل هذا الاعلان الضخم (حوالي 10 متر x4 متر) علي مطلع كوبري فيصل بالجيزة والذي يمحي جهل الناس ويعيد اليهم وعيهم حيث ان الله قد إختار السيد محمد حسني مبارك  
من دون العالم اجمع كي يبشر بمرحلة فساد اعمق . ونظرا لان الشعب لا يمكنه اختيار حاكمه فقد اختاره لنا الله وليذهب الشعب لتقديم القرابين يوم حلف اليمين .
ملحوظة : يوجد عدة اعلانات كثيرة في المدينة تحمل نفس المعني
هل وصلنا الي هذه الدرجة من الجهل والتضليل واللعب علي نفسية الناس بكلمات ظاهرها ديني وباطنها خداع.
فلنقف جميعا ضد هذه الحملة الموجهة من اجل صبغ كرسي حكم السيد الرئيس محمد حسني مبارك الرئيس الغير الشرعي لمصر بانه حق الهي له وتدمير ارادة الناس او حتي التفكير في التغيير لان الشعب بطبيعته اميل الي الحس الديني فكيف يطالب بتغيير من اراده الله لنا
- علي حد زعم هؤلاء المنتفعين .
جهاد عبد الرحمن

-

-

-
كفاية تحتفل بعيد ميلادها الأول
وسط محاولات أمنية مستمرة للتخريب والوقيعة

تكوين المنصة أثار إستياء كثيرين ودعا بعض المتحدثين للإنسحاب إحتجاجا على أن ثلاثة أرباع المنصة من تيار بعينه ومن الجدد على حركة كفاية وليس ممن كافحوا وجعلوا كفاية ماهي عليه اليوم
وتم فرض كلمة شباب من أجل التغيير من أعلى والقاها مجهول حزبي لا ينتمي للشباب ولم يسبق له العمل معهم ولا يعرفونه مما أثار امتعاض حركة شباب وإستياؤهم وحذفت الفضائيات كلمته الحنجورية التي لا تعبر عن كل الشباب والتي لم يستشاروا فيها او فيه مما أضر بحركة شباب اعلاميا وهي التي تحمل كفاية على أكتافها !!!
وحسبنا الله ونعم الوكيل فيمن اعدوا الاحتفالية
ونصيحة لوجه الله ... مصرع كفاية هو في جعلها مركزية والحدق يفهم
واستهل الحفل بخناقة مدبرة من محامي عميل للأمن دخل القاعة وتحرش بالمصورين حاول بكل الطرق الاستفزاز ودفع الناس الى ضربه حتى ينال مراده وهذا المحامي العميل كان ضالعا في ضرب صحفيات الدستور يوم الاستفتاء

رغم كل شيء كان الجمهور غفيرا

والتغطية الإعلامية كانت على الهواء مباشرة

والقى نجم قصيدة البتاع مصحوبة ب **** إسكندراني
إمتى يا عم نجم بقى تكتب حاجات عن حسني وتنسى اللي ماتوا ولا إنت كمان بتجامل المنصة
وربنا يهدي

-
حكمة اليوم : السياسة أدب ... مش حشيش ونسوان
-

-
وقفة صامتة للمتعاطفين مع ضحايا مسرح بني سويف
في إفتتاح مهرجان المسرح التجريبي
أمام دار الأوبرا المصرية







-

-

-

-

-

ملحوظة
إبداعات طنطاوي لا تعبر بالضرورة عن أن للوعي المصري توجه كروي أو ينحاز ضد أو لفريق بعينه

Friday, 16 September 2005

الوعي المصري في غزة الحرة

عدسة الوعي المصري في غزة الحرة
أعضاء من حزب العمل وشباب من أجل التغيير يشاركون أهل غزة فرحتهم برحيل الإسرائيليين

مداعبة تقيلة شوية بين أكرم الإيراني وضياء الصاوي

أصر قيادات حماس أن يجلس مجدي حسين على المنصة

تصوير ضياء الصاوي
تصوير أكرم الإيراني
-

-
ملحوظة
البريد الألكتروني لرئيس التحرير
wa2el3abbas@yahoo.com
به مشكلة تقنية
ولا يتقبل أي رسائل منذ يوم 14 سبتمبر
برجاء إرسال رسائلكم التي أرسلتموها بعد هذا التاريخ مرة أخرى إلى
waelabbas@hotmail.com
وجاري أعداد بريد الكتروني جديد
وشكرا لتعاونكم
-
مظاهرة أمام مقر أمن الدولة في جابر بن حيان





-
بناء على طلب الجماهير

كليب شعبولا والكراسي مرة أخرى
إضغط هنا
-

صور نادرة بالمحمول لكارثة بني سويف
تنشر لأول مرة

إضغط للتكبير

إضغط للتكبير

إضغط للتكبير

-

-
ما يرسله القراء

بدون تعليق

بدون تعليق

بدون تعليق
-

مبارك وأديب - الجزء الثاني
بعد الإنتخابات
محمد زهدي المعلم

-

-
الوعي المصري
تهنيء الشعب المصري بالسنة القبطية الجديدة
-

-

-
هدية جديدة لنقابة الصحفيين


-
ترتيب الوعي المصري حاليا بحسب موقع أليكسا

الرابع بين الصحف المصرية
بعد الوفد والأخبار والعربي
وقبل الشعب والقاهرة
إضغط هنا
الخامس بين مواقع الأخبار والإعلام في مصر
بعد الوفد والأخبار والأهرام والعربي
وقبل الشعب وروزاليوسف والقاهرة
إضغط هنا
ليس ذلك فقط
 
بل حصلنا على ترتيب بين أول مائة من الجرائد العربية
 
وجاء ترتيبنا 57
 
إضغط هنا

مبارك وأديب - الجزء الثاني - محمد زهدي المعلم

سؤال واحد بس
كنت بسأله لنفسي
 .. و طول ما انا بتفرك
على الانتخابات
كنت بسأله
 برضو لنفسي ..
 تسمحلي أسأله ولا .. ؟
الريس- لا خد راحتك على الآخر
عماد - شكرا يا سيادة الريس ..
 ليه
 استخدمت
 اللون
 الأخطر ؟
الريس - آه .. لا ما هو شوف أما أقولك .. مسألة اختيار اللون لحملة انتخابية نزيهة .. ديه مسألة مش سهلة أبدا .. دي مسألة بيبقى فيها دراسة و بيبقى فيها مسؤولية كبيرة جدا .. لأنك لو خدت لون تاني غير اللون الأخضر .. و ليكن الأسود مثلا .. ممكن تكئب الشعب .. ممكن الشعب يبقى حتى و هوه بينتخبك مش طايق يبص في وشك .. فلازم تديله لون يقدر معاه ياخد قرار سليم .. و عقلاني .. و غير انفعالي ..
عملت طبعا لجنة تدرس ايه اللون الموجود بوفرة في السوق للطباعة و اليفط .. و لجنة تانية من خبراء سيكولوجيين يدرسوا تأثير كل لون في البيئة المصرية .. في الشارع .. في التلفزيون. . على القهوى .. و ان اللون نفسه يكون يحمل رسالة متوافقة مع وعودي لشعب مصر .. و لجنة تالتة تدرس مدى امكانية استخدام لون في الحملة الانتخابية من أساسه أم لا  .. و بعد ما اللجان ديه كلها ما تدرس و تخلص .. أبتدي اسمعلهم و أختار أنا اللون اللي يعجبني.
عماد - و اللجان كانت توصلت للون تاني غير الأخضر؟
الريس - والله مش متذكر قوي .. بس انا فاكر إن واحد قال اللون الأحمر .. لأنه لون الدم .. و لأنه اللون الوحيد في علم مصر .. و باين كان قال كمان لأنه لون الطماطم و ده عنصر أساسي في السلطة اللي بدورها عنصر أساسي في طبق كل مواطن و طبعا فيه إيحاء بأهمية السلطة بالنسبة للحكومة .. السلطة مفيدة جدا للجسم و للعقل و للنظام
عماد - طب تسمحلي نتكلم بصراحة ..
الريس - خد راحتك ..
عماد - بصراحة شديدة
الريس - خد راحتك على الآخر.
عماد -
اللجان ..
اللي درست ..
اللون ..
الأخضر ..
اتكلفت ..
فلوس ..
قد ايه ..؟
أنا بكلم دلوقتي .. بفكر المواطن ..
المواطن المصري العادي ..
اللي عايز خمسين قرش الصبح كل يوم عشان يشتري طبق فول يفطر بيه
الريس -
والله .. أكيد اتكلفت فلوس .. فيه حجات لازم معاها تصرف و تخرج للصالح العام .. أنا مش بعمل اللجان ديه عشان تقول الريس مبارك .. أبدا .. ما أنا صورتي في كل البوسترات و الإعلانات كانت موجودة قدام اللون فمش حيفرق معايا اللون نفسه .. اللون كان محطوط عشان يقدم خدمة للمواطن .. لأني دايما مصلحة المواطن عندي قبل كل شيء .. اللون الأخضر كان بيريح العين .. فكنت بخلي الاعلانات بتاعتي بتدي راحة للعين من ارهاق العمل و من ارهاق زحمة المواصلات .. اللون الأخضر اللي اطبع في الاعلانات .. من كتره .. عوض مساحة الأرض غير المنزرعة في مصر .. يعني المواطن أيام الانتخابات كان بيمشي في الشارع يلاقي الأرض حواليه كلها خضرا .. ان مكنش خضار طبيعي .. يبقى خضار مطبوع .. فكنت بحاول أوريه مصر ممكن شكلها يبقى ايه لو الدنيا كلها بقت خضرا في بلدنا بدل الدوشة و الغبار و التراب .. فيقوم بعد ما اليفط دي ما تتشال بعد ما انجح طبعا  يبتدي يقول الله؟ هوا فين اللون الأخضر .. فيقوم يجيب فاسه و يزرع البلد ..
قرار اللون الأخضر ده يا اخوانا قرار مش سهل أبدا .. الناس للأسف مش قادرة تقدر حجم المسؤولية اللي بتبقى ملقاة على الواحد في حملة انتخابية زي دي .. ده بيبقى بيفكر في المواطن و مصلحته .. و خايف بعد المجهود ده كله انه يخسر
عماد-
افهم من حضرتك انك كنت خايف ..
ولا كنت مطمن للنتيجة بس متخوف
مبارك -
شوف .. انته لو يئست مش حتعمل حاجة .. لازم تحاول .. لازم تجرب و تخاطر بنفسك و مصلحتك عشان خاطر الشعب  يثق فيك ..
طبعا خفت و قلقت .. بس كنت بقول الواحد يتوكل على الله و يخش الانتخابات بقلب جامد .. و معاه اللون الأخضر
عماد -
يعني .. نظرية عجيبة مسألة المساحة الخضرا وراحة العين .. طب ايه تاني كان بيعمله اللون الأخضر؟
مبارك-
هيه في الأول تبان غريبة .. بس انته تعمل ايه .. انته عايز تضيع كل لحظة من وقتك في خدمة المواطن .. أنا النهارده لما اسافر فرنسا .. بلاقي مساحات خضرا كتير يمين و شمال .. و لما أسافر إيطاليا برضو ألاقي مساحات خضرا يمين و شمال و كتير .. و لما بسافر ألمانيا .. جميع دول العالم المتقدم بتزرع اللون ده .. و في المدن .. ده بيخلي الجو صحي .. و بيدي راحة للعين و إحساس بالأمان و الاستقرار ..  وبيجمل بلادهم بشكل يعني فوق الوصف صراحة.. أنا مقدرش أضرب الناس في مصر على إيدها و أقولهم أزرعوا القاهرة .. محدش يقدر يعمل كده مع المواطن في دولة ديمقراطية .. إن مكنش المواطن يعمل من نفسه .. يبقى مفيش قوة على وجه الأرض حتخليه يعمل .. إن مكنش يحب بلده بنفسه .. محدش حيقدر يخليه يحبها .. فأنا رحت مالي الدنيا لون أخضر في كل حتة .. في الشارع في البيت .. في اأتوبيسات في المايكروباصات في الجرنال .. في كل مكان ..عشان الناس تتعود عليه و تحس بيه و لما يتشال يرجعوه بقى بالزراعة
عماد-
فيه ..
ناس ..
اسمحلي اتكلم بصراحة..
الريس-
ماتتكلم يابني .. الله .. هاها
عماد - ها ها ها معلش يا ريس ..
انا بحيي حضرتك على سعة صدرك
الريس -
لا مفيش مشكلة .. ماهو من كتر الأخضر  الواحد بياخد اكسجين و صدره بيتسع هاهاها
عماد - هاهاها .. حلوة يا فندم.. حلوة
الريس - اخلص
عماد - اه .. احم فيه..
ناس..
بتقول..
ان الانتخابات ..
حصل فيها ..
تزوير

الريس - حصل فيها ايه ؟
عماد - تزوير
الريس - تزوير؟ و الله يجبلي اللي زور الانتخابات و انا ححاكمه و اعيدها .. اللي يقول حاجة لازم يقدم عليها دليل .. مش يقول و خلاص .. و يا سيدي يا ريت .. هوه انا غاوي مسؤوليات .. يا ريت حد يقدر يثبت انها اتزورت و نخش تاني  وواحد تاني يمسك بدالي .. اهو اخد اجازة بقى و ارتاح من المسؤوليات الكتير اللي على دماغ الواحد دي

عماد - يعني محصلش تزوير؟
الريس- كل شيء وارد .. بس اللي يقول حاجة زي كده لازم يثبت .. انا شخصيا عملت كل اللي اقدر عليه .. حبر سري و لجان و مراقبة قضائية .. و جبت رقابة من دولة اجنبية .. و همه نفسهم قالوا انها انتخابات نزيهة .. اللي شايف انها تزوير يتفضل لدار القضاء و يقدم رأيه و أدلته و أنا حساعده لحد ما يثبت ده .. أهو نستفيد منه و نعرف غلطنا فين .. و خد بالك ان صناديق الانتخابات كان لونها أخضر .. فالمواطن طبيعي حينتخب اللون الأخضر .. فيعني مسألة التزوير دي انا مستبعدها

عماد - تقول ايه للمواطن الأخضر .. قصدي المصري.
اقوله يثابر .. و بلاش موضوع الانسحاب من الانتخابات وعدم المشاركة .. خليه ايجابي عشان نزرع بلدنا و نخليها خضرا زي ما كانت زمان قبل ما امسك الحكم

عماد - و ايه اللي خلاها تصفر بعد ما حضرتك ما مسكت؟

الريس - أياميها الطباعة و الاعلانات مكنتش اتطورت فمعرفناش انهي لون نولنها بيه .. فخليناها صفرا .. و بعد ما صفرناها نبتدي في العهد الجديد نزرعها بقى على رواقة

عماد - و كنت بتنصح السادات بموضوع تصفير البلد و تخضيرها بعد كده

الريس - طبعا بس السادات كان يقولك ده كله كلام فارغ .. خليها خضرا زي ما هيه

عماد - شكرا لسيادة الرئيس

الريس - شكرا

Wednesday, 07 September 2005

عدد خاص - انتخابات الرئاسة

عدد خاص
إنتخابات الرئاسة
هذا العدد متجدد وغير ثابت فتابعوا معنا

-
جديد
الآن صور مظاهرة 10 سبتمبر

المظاهرة تجوب وسط مدينة القاهرة والجماهير تنضم بأعداد غفيرة
ومفاجأة شباب من أجل التغيير في المظاهرة

إضغط هنا

-
هذا ما فعله البلطجية

محمد الشرقاوي تعرض للإصابة من جراء مطواة
الصورة مهداة من نورا يونس
-

-
يوم الأنتخابات مظاهرة حاشدة تجوب وسط مدينة القاهرة

المجموعة الأولى من الصور
إضغط هنا
-

-
المجموعة الثانية من الصور

إضغط هنا

-
هذا الرجل مطلوب
ليس للشرطة لأن الشرطة تحميه
ولكنه مطلوب للشعب

هذا الرجل كان مسئولا عن بلطجية أمس
هل هو ضابط؟
هل هو من الحزب الوطني؟؟؟؟؟؟
ولماذا كان يحمل لاسلكي؟؟؟!!!
الرجاء من يتعرف عليه ان يمدنا بالمعلومات
-

-
نذكركم
نتلقى شهاداتكم وصوركم على الإيميل التالي
wa2el3abbas@yahoo.com

-

-
مخالفات في لجان الهرم

دعاية ولافتات ومزيكا لمبارك داخل اللجان
تصوير علاء ومنال
إضغط هنا

-
خناقة على سبوبة الوطني في المطرية
ما شافوهمش وهما بيزوروا شافوهم وهما بيتقاسموا
كريم الشاعر
-
صور نادرة لبلطجية العتبة

خرجوهم من حجز قسم الموسكي بالفانلات الداخلية والشباشب
تصوير علاء ومنال
إضغط هنا
-
شرطة وتزوير داخل اللجان في جنوب الجيزة

تصوير نورا يونس
إضغط هنا

-
تزوير الانتخابات في ميت غمر - دقهلية

إضغط هنا
-

-
الوعي المصري تقدم خالص العزاء للأستاذ الهامي الميرغني أحد أوائل من كتبوا في الوعي المصري وشجعوها في وفاة شقيقه المخرج بهاء الميرغني في فاجعة مسرح بني سويف
-
الفنانون يعتصمون في الشارع

ويرفضون تقبل العزاء داخل الحامدية الشاذلية
في ضحايا حريق مسرح بني سويف
إضغط هنا

-
ما تفركوش عنيكم
لا سحر ولا شعوذة
الصورة دي مش ملقوطة بكره ولا بعده

هذه الصورة التقطها مراسلنا في طنطا يوم خمسة تسعة

مكتوب عليها : الساده اعضاء الاعلام بقسم تاني طنطا بالحزب الوطني
يهنئون و يباركون للسيد الرئيس مبارك
بالفوز الجديد في انتخابات الرئاسه
والتعليق متروك لكم !!!

-
فضائح في المحلة الكبرى

تغطية وتصوير أحمد بلال
إضغط هنا

-

النشيد الوطني لكفاية - طنطاوي
-
إغلاق تصويت الوعي المصري
وهذه هي النتائج النهائية

مجموع الأصوات 5639
  حسني مبارك (858) 15%
  أيمن نور (2045) 36%
  نعمان جمعة (617) 11%
  أسامة شلتوت (53) 1%
  وحيد الأقصري (40) 1%
  إبراهيم ترك (32) 1%
  أحمد الصباحي (192) 3%
  رفعت العجرودي (36) 1%
  فوزي غزال (30) 1%
  ممدوح قناوي (44) 1%
  لا شكرا أنا مقاطع (1692) 30%

إضغط هنا لقراءة تحليل إستطلاع الوعي المصري
كتبه الدكتور مهندس علاء الدين حسين
-

مظاهرة طنطا الأولى

إضغط هنا

-
هدية من الوعي المصري الى نقابة الصحفيين

-
الوعي المصري تهنيء الشعب المصري
بذكرى معركة الدرعية
9 - 9 - 1818
وسقوط الدولة السعودية الأولى
عقبال التانية
-
لأول مرة تنشر الوعي المصري صورة لا نعرف ملتقطها
ولكن شكرا جزيلا له أي كان

في عصر مبارك عصر خصخصة المراحيض العامة
أصبحت الطرطرة بخمسين قرش
لكن حمادة اتزنق يعمل ايه
بيتهيألي مافيش مكان انسب من كده

تحليل إستطلاع الوعي المصري - د. علاء الدين حسين

السيد / وائل عباس رئيس تحرير جريدة الوعي المصري
ربما لم أخاطبك من قبل إلا تعليقا على بعض رسائلك إلى مجموعة arabian2000  التي نشترك في عضويتها ، ولكنني أوجه اليوم كلماتي لك مباشرة لأهمية الموضوع الذي نحن بصدده ونحن نعيش ليلة أول انتخابات رئاسية في مصر.
أتفق معك في الشكوك التي تساورنا وتساور كل من يراقب هذه الانتخابات ، مع اختلاف واحد هام بيننا أنت وأنا في جهة والمراقبون المحايدون في الجهة الأخرى ؛ ذلك لأنها بلدنا التي نعيش فيها ونتنفس هواءها ونعايش آلامها وآمالها ونحمل بين جوانبنا همومها ، وما أكثر همومها في هذا العهد المبارك السعيد الذي آذن بالانتهاء وبدأت شواهد انتهائه في الظهور ، أما المراقبون المحايدون فيكتبون تقاريرهم ويرحلون ، ونبقى أنا وأنت نتنفس هواء هذا البلد ونعيش من جديد آلامه وآماله ، إلى أن يقضي الله أمرا كان مفعولا.
أخي العزيز
اطلعت على نتائج استطلاع الرأي المنشور في جريدتكم عن المرشحين العشرة للرئاسة ، وكنت أتمنى ، أو قل كنت أتوقع أن أقرأ تحليلا لهذه النتائج ، وبما أنني لم أقرأ هذا التحليل وجدت من الضروري أن أكتبه ، وأرجو أن تنشره في صحيفتك:
لاحظت ولاحظ كل من قرأ نتائج هذا الاستطلاع  الذي اشترك فيه أكثر من خمسة آلاف يستحيل تواطؤهم على الكذب (5275 شخصا سجلوا آراءهم في هذا الاستطلاع وهو عدد غير قليل يصلح من وجهة نظر علماء الإحصاء لاستنتاج المعلومات منه)ما يلي :
‌أ.     أن 1863 مشتركا (بنسبة 35% ) صوتوا لصالح أيمن نور
‌ب. وأن 1634 مشتركا (بنسبة 31%) قاطعوا ولم يبدوا رأيا
‌ج.   وأن 805 مشتركين (بنسبة 15%) أعطوا أصواتهم لحسني مبارك.
‌د.    وأن 398 مشتركا (ببنسبة إجمالية 21%) صوتوا لصالح آخرين.
1.   فلو فرضنا أن السيد/ وائل عباس هو رئيس لجنة الانتخابات الرئاسية فإنه سيأخذ هذه النتائج ويعلنها بأمانة ولا يفوز أحد بهذه الطريقة ويعاد الانتخاب بين أيمن نور وحسني مبارك ، وإذا فرضنا أن الذين صوتوا لآخرين توزعت أصواتهم في الإعادة بنسبة 70% لأيمن نور و30% لحسني مبارك (مثل ما حدث في المرة الأولى)وأن الممتنعين أصروا على امتناعهم فإن أيمن يحصل في الإعادة على 2141 صوتا (أي نسبة 40% من الأصوات)وحسني على 917 صوتا فقط ولا تحسم النتيجة لصالح أحد.
2.   أما إذا نجحت الحكومة في تغيير رئيس اللجنة في الإعادة بواحد من رجالها المخلصين فإنه يستطيع بسهولة إضافة 4000 صوت لصالح حسني فيحصل على 4917 من إجمالي 9275 أي 50.3% من إجمالي الأصوات.
3.   ولو افترضنا بطلان أصوات الممتنعين فإن نسبة الصوتين لأيمن نور تصبح 50.5% هي لا تكفي لفوزه بالرئاسة ، وتكون النتيجة العادلة هي الإعادة.
4.   أما لو شارك الممتنعون من البداية فإنهم بالتأكيد لن يصوتوا لحسني وستتوزع أصواتهم بين أيمن نور (1140 صوتا) وبين الآخرين (496 صوتا) حسب توزيع الأصوات في الاستطلاع الأصلي فيصبح العدد الإجمالي لأصوات أيمن 3004 أصوات من إجمالي 5275 بنسبة 57% ، ولو صوتوا جميعا لأيمن لحصل على نسبة 66% وهي تكاد تكفي لحسم النتيجة وسقوط حسني من أول مرة.
فهل يستمع الإخوة الممتنعون والمقاطعون لصوت العقل ويتخذون قرارا إيجابيا يحسم نتيجة هذا الانتخاب لصالح الشعب بدلا من تركها بين أيدي المزورين؟
أسأل الله أن يحدث هذا.
دكتور مهندس / علاء الدين حسين

خناقة على سبوبة الوطني - كريم الشاعر

علي احدي المقاهي بمنطقة المطريه بعد منتصف اليل من يوم الجمعه الموافق 9/9/2005 تشاجر بعض اعضاء الحزب الوطني الديموقراطي بسبب خلافات علي العموله المتفق  عليها يوم الانتخابات يذكر انه كان قد تم الاتفاق فيما بينهم علي سعر محدد لكل  بطاقه انتخابيه يتم الاتيان بها بسعر محدد 25 جنيه للبطاقه ولكل تم الاختلاف فيما بينهم ولم يدفع الطرف  الاول للطرف الثاني المبلغ المحدد وكانت الخناقه بالسنج والمطاوي والجنازير ولكن سرعان ماتم المام الموقف فقد حضر كبير البلطجيه وتمت تصفية الموقف قيل ان يصل للصحف فقد قال كبير البلطجيه لهم اهمدو ولا انت عايزين تضحكو ولاد ال57خه بتوع كفايه علينا ولكن نصيبهم الاسود ان انا كنت موجود علي القهوه

النشيد الوطني لكفاية - طنطاوي

كفايه كفايه كفايه
خلاص زهقنا من الحكايه

مصر يا ام البلاد
بينهشوا فيكي الكلاب
و انتشر فيكي الفساد
ولادك احنا .. هنقول كفايه

كفايه كفايه كفايه
خلاص زهقنا من الحكايه

حسني باعك .. للامريكان
وإدّى اليهود على ارضك امان
بيبــرطعوا .. فيها من زمان
واحنا جينا نقول كفايه

كفايه كفايه كفايه
خلاص زهقنا من الحكايه

ليه يا شعب انت ساكت عليه
وسكوتك انت .. مهوّن عليه
من ارضنا ملى جيبه و ايديه
خلاص ياحسني بنقول كفايه

كفايه كفايه كفايه
خلاص زهقنا من الحكايه

يالا بينا نزيح اللي خان
و سابنا لعبه للامريكان
خلاص يا رّيس .. الوقت حان
خلاص زهقنا من الولايه

كفايه كفايه كفايه
خلاص زهقنا من الحكايه

سرقتوا خيرها و بعتوها ليه
وسبتوا شعبها .. يبكي عليه
كفايه نهب في حقّه يا بيه
خلاص زهقنا من الحكايه

Friday, 02 September 2005

راقبوها بأنفسكم

 
جريدة الوعي المصري الالكترونية تدعوكم لمراقبة الانتخابات ومحاولة تصوير اي مخالفات تحدث وارسالها الى الوعي المصري لنشرها والدعوة موجهة الى المصريين في كل محافظات ومراكز وقرى مصر للاستعداد بكاميراتهم الديجيتال أوالعادية أو كاميرات المحمول لمراقبة اللجان الانتخابية والمصالح الحكومية من حيث التدخل الامني والعنف ووجود بلطجية او قوات امن بملابس مدنية وشحن الناخبين ونقلهم من مصالحهم ومصانعهم سواء حكومية او قطاع خاص الى اللجان بأوتوبيسات حكومية او خاصة او سيارات او غيرها واي محاولات للتزوير ودرجة الاقبال على الانتخاب هل ضعيفة ام قوية على ان يتوخى المشاركون في هذا الموضوع الحذر اثناء التصوير حتى لا يتعرضون للأذى ويا حبذا لو كان المصور منزله يطل على اللجنة او المصنع او المصلحة الحكومية او موقف الاوتوبيسات ليلتقط صور وهو في الامان في منزله وستنشر الوعي المصري كل ما يصل اليها باسم المصور او مع اخفاء اسمه اذا اراد ان تبقى شخصيته سرية وسنكون شاكرين جدا لتعاونكم
ترسل الصور الى
Photo
wa2el3abbas@yahoo.com
وسنكون شاكرين اذا ارسلتم تعليقات او شرح للصور من حيث مكانها ووقتها وماذا يحدث فيها

-
مظاهرة إجتماع القضاة
وعودة ضباط من اجل التفعيص

إضغط هنا

-
ثلاثة من العاملين بالإسعاف
يهددون بالإنتحار
بسبب ظلم مديرهم الفاسد

إضغط هنا

-
مظاهرة لأهالي المعتقلين
أمام مصلحة السجون


إضغط هنا

-
مظاهرة بهتيم
مظاهرة جديدة مفاجئة لشباب من أجل التغيير

إضغط هنا


-
معرض المغربلين
معرض مفاجيء لشباب من أجل التغيير


إضغط هنا

-
كوميديا الدعاية لمبارك

هذه الصورة بعد بعض التعديل معلقة على حوائط نقابة المحامين المعروفة بالنفوذ الناصري والإخواني
مصحوبة بالآية القرآنية الكريمة التالية
بسم الله الرحمن الرحيم
من المؤمنين رجال صدقوا ما عاهدوا الله عليه، فمنهم من قضى نحبه ومنهم من ينتظر وما بدلوا تبديلا
-

-
وإستمرار نقابة الصحفيين في منع الدخول الا بالكارنيه

-
الوعي المصري في أخبار اليوم

عدد السبت 27 أغسطس 2005
الصفحة السادسة
تحقيق بعنوان
على طريقة هايد بارك
الانتخابات على النت
عشرات المواقع الالكترونية ترصد وتراقب انتخابات الرئاسة

طبعا بطريقتهم
إضغط هنا لتقرأ الموضوع كاملا
-

-

موقع برنسا آراب الأسباني المهتم بالصحافة العربية يكتب عن تصويت الوعي المصري

Al-Wa'y al-Misri الوعي المصري Egipto

Egipto/ Elecciones

El diario electrónico Al-Wa'y al-Misri convoca a todos a hacer de observadores de las elecciones y tratar de fotografiar cualquier incidencia que ocurra, enviándola a Al-Wa'y al-Misri para publicarla. Nos dirigimos a todos los egipcios de todas las prefecturas, centros y aldeas de Egipto, con el fin de que con sus cámaras digitales, analógicas o teléfonos móviles, controlen los colegios electorales y a las instalaciones gubernamentales, con respecto a las intromisiones de la policía, los actos de violencia y matonismo, la policía secreta vestida de paisano, las provocaciones a los votantes, el traslado de los votantes desde instalaciones gubernamentales o privadas en autobús hacia los colegios electorales (...)

 

Domingo, 4 de septiembre de 2005

إضغط هنا للذهاب للموقع

-

-
وتصويت الوعي المصري في جريدة الحياة اللندنية

بلوغز «الوعي المصري» يجري حالياً تصويتاً إلكترونياً على مرشحي الرئاسة، وجاءت نتيجة التصويت كالتالي: 36 في المئة قالوا «لا شكراً، أنا مقاطع»، و34 في المئة اختاروا ايمن نور، وحصل كل من الرئيس مبارك ورئيس حزب الوفد الدكتور نعمان جمعة على 12 في المئة، وحصل احمد الصباحي على ثلاثة في المئة، في حين حصل كل من اسامة شلتوت، ووحيد الاقصري، ورفعت العجرودي، وممدوح قناوي على واحد في المئة، وحاز كل من ابراهيم ترك وفوزي غزال صفر في المئة.
إضغط هنا لتقرأ الموضوع كاملا
-

-