الجزء الثاني
واستمرت المسيرة في شارع الفلكي
ووصلت ميدان الفلكي
ومرت بوزارة الاوقاف
وتابعها الناس ايضا من الشرفات
ووصلت ميدان طلعت حرب
ودخلت شارع قصر النيل
توقف الناس عند هذه اللافتة واشاروا اليها وهتفوا
يا منوفية قولي الحق ابنك باعك ولا لأ
ثم وصلت المسيرة الى ميدان مصطفى كامل
المظاهرة أمام جامع الكخيا بميدان الأوبرا
ثم اتجهت المظاهرة الى ميدان العتبة
الى حيث شر اريد بها
الباشوات ماشيين وراء المظاهرة
طبعا الزووم ديجيتال وتعبان ملة
كان ها يبقى معايا النهارده كاميرا فيها اوبتيكال زووم بعدسات - شنايدر كرويتزناخ - وده مالوش علاقة بالجبنة الشيدر طبعا
بس الله يجازي اللي كان السبب
وارجع واضحك على نفسي واقول معلش الشاطرة تغزل برجل حمار
خلينا ورا - الحمار - لحد ما نشوف بقى
المظاهرة في قلب ميدان العتبة
الواد المصوراتي بتاع الأمن معاه حتة كويسة النهاردة ابن الذين
اسمحولي أحسده شوية
يا قااااااااااااااااااادررررررررررررررر
يا جااااااااااااااااااامدددددددددددددددددددددددددددددد
جبت العدسة دي كلهااااااااااااااااااااااااااااااا منين
نزلت من علىالكوبري
طلعت فوق في جراج العتبة خدت الصورة دي
على ما نزلت عينك ما تشوف الا النور
عرفت ان البلطجية هجموا وضربوا الناس وخطفوا اليفط
وسمعت ان حجز قسم الموسكي اتفتح مخصوص وطلعوا المجارمة اللي فيه علشان المظاهرة
وواحد من حزب الغد قاللي انه شاف ناس فاتحين مطاوي
وواحدة تانية قالتلي انها سمعت ضابط بيقول للبلطجية قلعوهم
وصديقة اخرىة قالت لى انها اختبات مع زميلة لها في احد المحلات وكانوا كرماء ولطفاء ومتعاطفين وجابولهم مياة ساقعة يشربوا
طبعا خبيت العدة ومشيت متخفي من العتبة الى شارع فؤاد وكان معايا شوية نشطاء
مشينا في الشوارع الجانبية
ودي صورة بقية من بلطجية مبارك خلف دار القضاء العالي حيث صدرت لهم الاوامر بالتراجع
من هو هذا الرجل ؟؟؟
مطلوب معلومات ضروري
الراجل ده هو من كان يوجه البلطجية ويحركهم ويصدر لهم الاوامر
وانا بالقط الصورة دي كان بيقول لهم احسن يا شباب عشرة على عشرة
وروى لي احدهم انه شاهد البلطجية يقبضون عشرة جنيهات
المهم الراجل ده كان لابس كاب الحزب الوطني وشكله مش شرطة خالص
يعني مرجح يكون حزب وطني
والسؤال
طب ليه معاه لاسلكي ؟؟؟؟؟؟؟؟؟؟؟؟؟؟؟؟؟؟؟؟؟
الموضوع ده وراه فضيحة كبيرة !!!
هنا كنت باحاول القط مصور الامن ابو كاميرا فيديو
بس ابن الذين زاغ مني ورا عربية امن مركزي
الواد ده كان بيصور بتوع المظاهرة اللي وقفوا يتناقشوا مع الناس نفر نفر
وجاله واحد تاني قال له ام اخضر المحجبة دي تبع كفاية هاتهالي
قام رافع الكاميرا على كتفه ومصورها
ها تعملوا ايه بالصور يا ولاد الذين
وبالمناسبة الصورة ايضا مهداه لمن قال ان مافيش امن
الامن اهه مستخبي
ما بقي من المظاهرة توجه الى نقابة الصحفيين
نفس الواد تاني مستخبي في المبنى وبيصور
المرة دي حب ياخد تاره مني
فاديت له التحية العسكرية المباركية الشهيرة
بصباع واحد ...
موكب للنفاق دخل الشارع ومش عارف رافعين اعلام الدول العربية ليه
يمكن لان انظمة الدول العهربية بتؤيد مبارك ؟؟؟
ايوة انا كاتبها العهربية بالهاء صح محدش يصلحهالي
الواد البلطجي فوق العربية ضرب المتظاهرين بالعصاية
اخينا بتاع العشرة على عشرة تاني اهه
بس من غير الكاب ونضارة الشمس
مش كان نفعني دلوقتي شنايدر كرويتزناخ يا اسمك ايه ...
ما علينا
الحمد لله عدت على خير
بس محمد الشرقاوي اتشرح من الضرب