Wednesday, 07 September 2005
النشيد الوطني لكفاية - طنطاوي
كفايه كفايه كفايه
خلاص زهقنا من الحكايه
خلاص زهقنا من الحكايه
مصر يا ام البلاد
بينهشوا فيكي الكلاب
و انتشر فيكي الفساد
ولادك احنا .. هنقول كفايه
كفايه كفايه كفايه
خلاص زهقنا من الحكايه
حسني باعك .. للامريكان
وإدّى اليهود على ارضك امان
بيبــرطعوا .. فيها من زمان
واحنا جينا نقول كفايه
كفايه كفايه كفايه
خلاص زهقنا من الحكايه
ليه يا شعب انت ساكت عليه
وسكوتك انت .. مهوّن عليه
من ارضنا ملى جيبه و ايديه
خلاص ياحسني بنقول كفايه
كفايه كفايه كفايه
خلاص زهقنا من الحكايه
يالا بينا نزيح اللي خان
و سابنا لعبه للامريكان
خلاص يا رّيس .. الوقت حان
خلاص زهقنا من الولايه
كفايه كفايه كفايه
خلاص زهقنا من الحكايه
سرقتوا خيرها و بعتوها ليه
وسبتوا شعبها .. يبكي عليه
كفايه نهب في حقّه يا بيه
خلاص زهقنا من الحكايه
10:30 | Permalink | Comments (5)
Comments
مصر متباعة من زمان و لكن أملنا فى بكرة نظيف علشان أولادنا أما احنا فاقروا علينا الفاتحة
Posted by: ghada | Monday, 12 September 2005
كفايه كفايه كفايه
كل ظالم له نهايه
Posted by: احمد | Monday, 19 September 2005
نشيد جميل ولحنة جاهز وياريت يردد فى المظاهرة القادمه
الظاهر ان الفجر اقترب0
Posted by: محمد فرحات | Thursday, 29 September 2005
اتمنى ان يتكاتف جميع طوائف الشعب للتغيير
Posted by: baraa | Monday, 03 October 2005
انت فين يا وااااائل انا مش عارفة أكلمك فيه مشاكل ولا إيه؟
Posted by: heba | Tuesday, 18 October 2005
The comments are closed.