Ok

By continuing your visit to this site, you accept the use of cookies. These ensure the smooth running of our services. Learn more.

Saturday, 27 October 2007

إقتراحاتكم حول خدمة رسائل المحمول

إقتراحاتكم حول خدمة رسائل المحمول

هذا البوست هو لتلقي إقتراحاتكم وشكاواكم وتجاربكم مع خدمة رسائل المحمول للأخبار التي تقدمها الوعي المصري عبر موقع تويتر خاصة وقد بلغ عدد المشتركين حاليا 1200 مشترك وصرنا من اكثر الخدمات المتبوعة على موقع تويتر
ويمكنكم أيضا المناقشة وحل مشكلات بعضكم البعض لمن لديه خبرة في التعامل مع تويتر أكثر من الآخرين
في إنتظار تعليقاتكم
ولا تنسوا أنه يمكنكم قراءة خدمة المحمول دائما على العمود الأيمن في المدونة

رسائل وأخبار جديدة على مدار اليوم
أخبار عاجلة تنشر وتصلك على محمولك فور حدوثها
وأهلا بكم

Tuesday, 23 October 2007

الوعي المصري في بيوت عمال المحلة

الوعي المصري في بيوت عمال المحلة

فيديو 1
مقابلة مع أحد من شاركوا في الإضراب
إضغط هنا
لم أتمكن من تغطية إضراب عمال غزل المحلة في وقتها كما ينبغي لظروف خارجة عن إرادتي وخارجة عن الميزانية
لكن تشاء الظروف والصدف أن أسافر إلى المحلة وأتمكن من اللقاء ببعض العمال وقيادات الإضراب بعد إنتهاؤه
وربما إنتهاء الإضراب يجعل الصحافة والنشطاء يظنون أن كل شيء على ما يرام وأن عمال المحلة قد حلت مشكلاتهم وإنتهى الأمر على ما يرام
ولكن كما ستشاهدون في تلك الفيديوهات فإن الأمر مختلف عما نظن هنا في القاهرة
قابلت الكثير من العمال معظمهم رفض التصوير خوفا من - الكلابوش - على حد تعبيرهم
لكن الحقيقة أن العمال بمجرد معرفتهم بوجود صحفيين بخارج المصنع تجمهروا حولنا وكل منهم يريد الحديث وان يحكي مشاكله فبعضهم عدد أهمية المصنع وبعضهم تحدث عن الأجور والمعايش والدروس الخصوصية وبعضهم تحدث عن السكن والتأمين الصحي وتواطؤ النقابة
ثم إنضمت عناصر من أمن المصنع لمراقبة ما يقوله العمال
ثم شخص قال انه رئيس وردية هو الوحيد الذي شكك في أقوال العمال وهاجمهم

فيديو 2
جولة في شقة العامل
إضغط هنا
أحد الأشخاص الذي نجحت في التصوير معهم والتصوير في منزله ربما يكون من أحسن العمال حالا
ولكن كما سترون إذا كان هذا هو وضع أحسن العمال
يمكنكم تخيل الباقي
خصوصا أن المحلة الكبرى هي مدينة مزدحمة وكبيرة مثل القاهرة مع الفارق في تدني الخدمات ومثلها مثل القاهرة المدينة تتضخم وتزحف وتكبر ولا تكفي سكانها فيكونون عشوائيات على الأطراف حتى وصلوا إلى الطريق الدائري حول المحلة وكثير من العمال لا يمكنه السكن داخل المحلة لغلو الإيجارات فيسكنون في القرى المحيطة ويذهبون للعمل كل يوم
ووسيلة مواصلاتهم غالبا هي دراجة هوائية
وبالمناسبة هذا العامل له في الخدمة خمسة عشر عاما لم يحقق فيها شيئا لنفسه واسرته ولا يستطيع حتى تشطيب شقته

فيديو 3
العامل يتحدث عن فساد التأمين الصحي وضرورة التظبيط مع طبيب خارج المستشفى
كما أخبرني أنهم يعطون علاج واحد لكل الأمراض
إضغط هنا

وفي النهاية أحب أشكر كريم البحيري على مجهوداته أثناء الإضراب وأثناء زيارتي للمحلة
ملحوظة أخرى على مدينة المحلة وهي أنه بسبب الفقر وتدني الأحوال المعيشية هناك أصبح للسلفيين نفوذ كبير في المدينة العمالية والتي من المفترض ان يكون فيها النفوذ لليسار
أما ما هو مؤكد فهو نية العمال للقيام بإضراب جديد إذا لم تنفذ مطالبهم في المدة المحددة

Thursday, 18 October 2007

يا خرابي يا عرابي

يا خرابي يا عرابي

رغم إن انا معروف عني تقل الدم ومش مشهور بالقفشات والتنكيت مع الناس ومش واد إجتماعي خالص لكن هذا الموقف حصل بالنص لا أكثر ولا أقل بدون مبالغة والله على ما اقول شهيد بيني وبين راكب في مترو الأنفاق قبل الإفطار في أحد أيام رمضان وكان هذا الراكب يبدو عليه رقة الحال ويرتدي جلباب رث مخيط يدويا من كثرة ما تمزق
هو - مش المحطة اللي جاية دي مبارك
انا - لا اللي جاية دي غمرة وبعدها رمسيس يا حاج
هو - لا ماهو رمسيس شالوه خلاص وبقت بتاعة مبارك
انا - على رأيك
هو - طب كويس غمرة محطة صغيرة مش بيقف فيها كتير
انا - صح بس مبارك بيقف فيها خمسة وعشرين سنة
فترة صمت ...
انا - انت نازل رمسيس ولا ايه يا حاج
هو- لا انا نازل السيدة زينب بعد يا خرابي يا عرابي
انا - لا يا حاج السيدة زينب بعد سعد زغلول لما يقول مافيش فايدة
هو - أومال يا خرابي يا عرابي دي بيقولوها إمتى
انا - يا خرابي يا عرابي دي بعد مبارك
تابعنا بقية الركاب في عربة المترو ونظرات الفزع والذعر تعلو وجوههم لأننا في نظرهم إتكلمنا كلام كبير قوي في السياسة وبعضهم أظهر الضيق ولسان حاله يقول عاوزين نروح بيوتنا يا عم إنت وهو عندنا عيال والدنيا رمضان
وبعدين إبتدت البسمات تعلو وجوههم ويضحكوا على كلامنا

Sunday, 07 October 2007

محتجبون ونصلح الساعات

محتجبون اليوم
ونصلح الساعات

محتجبون ضد قمع حرية النشر
محتجبون ضد قمع حرية التعبير
محتجبون ضد حبس المدونين
محتجبون ضد الهجوم على المدونات
محتجبون ضد حبس الصحفيين الصغار
محتجبون ضد أكل حقوق الصحفيين الصغار
محتجبون ضد كل ما يتعرض له الصحفيين غير النقابيين
أما الصحفيين الكبار فلهم صحف تحتجبلهم
وإحتجابنا لله والوطن
مش دعاية لأجندة حد في إنتخابات نقابة الصحفيين

Saturday, 06 October 2007

قصاقيص من حياة الشهيد أنور السادات في ذكراه

قصاقيص من حياة الشهيد أنور السادات في ذكراه

-
مرحلة مصر الملكية
الصورة بأعلى
السادات في سيارة الترحيلات أثناء محاكمته في قضية إغتيال أمين عثمان 1946

السادات في قفص الإتهام في نفس القضية



مع والده محمد السادات أثناء القضية

بعد صدور الحكم ببراءته

مقهى البوسفور حيث إعتاد الجلوس عندما كان هاربا من سجن الأجانب 1943 وكان وقتها يعمل حمالا على سيارة نقل
والغريب أنه عاد ليجلس عليه وهو رئيس جمهورية في 1975
-
مرحلة الإنقلاب العسكري

بعد الإنقلاب العسكري يتفاوض مع قائد القوات البريطانية في مصر على الجلاء في 1954

مع عمال مصنع الشركة الشرقية للدخان

في إحدى الجولات الميدانية
وفي الصورتين السابقتين ترون شعبية السادات التي إكتسبها من نضاله قبل الإنقلاب العسكري وإستمرت معه
وربما إستفاد منها جمال عبد الناصر نفسه والذي كان كل تاريخه أنه حوصر من اليهود في الفالوجا في فلسطين
بينما كان السادات هو الوحيد في مجلس قيادة الثورة الذي له تاريخ نضالي حافل من العمليات الوطنية والسجن والإعتقال والهروب والتخابر مع النازيين وشهرة واسعة إعلاميا كبطل شعبي مصري غامض نشرت قصص عملياته ومحاكماته في الصحف والمجلات تكاد تتكون له سيرة شعبية وتحلم به الفتيات
وهذا يوضح نقطة أخرى من إتهام البعض للسادات من أنه كان محبا للظهور الإعلامي
لأن كان السادات ظاهرا إعلاميا رغم أنفه منذ وقت طويل وتتصدر صوره الصحف والمجلات ليس كنجم سينمائي ولكن بأعماله

يخطب الجمعة كما إعتاد في مسجد آل الخولي بالمنيل 1954
-
السادات رئيسا للجمهورية

يحطم جدران سجن طرة

يحرق أشرطة وملفات التنصت في فناء وزارة الداخلية

خطاب جماهيري حي منه للشعب وجها لوجه

موكب السادات في شارع القصر العيني والجماهير تحييه

مجموعة صور تبين شعبية السادات بين المواطنين العاديين

وكيف كان موكبه شعبيا يحتفي به الناس

محبة الناس للسادات لا يمكن تزييفها
على عكس ما يحاول مزوري التاريخ









صور تنبض بالحقيقة كما عودناكم في الوعي المصري
وليس كتب تنضح كلماتها بالكذب كما عودكم كتاب عصر الفاشيست المنهزمون
وخرفان الغضب الكذابين




وفي أسوان مظاهرة بالمراكب للترحيب به

ورغم كل تلك الحفاوة الشعبية بمواكبه
كان السادات يستخدم الهليكوبتر في تنقلاته كي لا يعطل المرور ومصالح المواطنين

وكفلاح بسيط لا يجد غضاضة في الشرب من مياة حمام السباحة حتى وهو رئيس للجمهورية متاح له أن يشرب مياة إفيان مستوردة رأسا من فرنسا

وهذه بعض الصور تبين مخالطته للشعب المصري بتواضع كواحد منهم













وكان يسمح للجماهير بدخول القصر الجمهوري
-
صور نادرة وطريفة ولها قصة

صورة نادرة لجيهان السادات بالحجاب أثناء الحج 1971

شرائط فيديو تكشف تعاملات البعض مع الإتحاد السوفيتي وقتها لتخريب مصر ومنهم شخصيات مازالت في دائرة الضوء حتى الآن ولكن تغير مصدر تمويلهم ليصبح ليبيا وسوريا وكل من يدفع
وكان السادات لا يلقي التهم جزافا فيظلم الناس كالنظام الحالي
بل كان يتأكد كل التأكيد بالصوت والصورة

في زيارة قبر أخية الطيار عاطف السادات
والذي مات في أول العمليات الجوية في حرب أكتوبر 1973

وكان السادات إبن نكتة ويعرف يتمسخر باللي قدامه من غير ما حد يمسك عليه حاجة
ومن ضمن حركاته أنه إرتدى تلك الكرافته أثناء مفاوضات كامب ديفيد وهي الكرافته التي أثارت حنق الإسرائيليين لان الوحدة الزخرفية فيها هي الصليب المعقوف رمز النازية التي أذاقت اليهود الويلات
هل كان يقصد أم أنها مجرد مصادفة
لا أحد يعلم أبدا ماذا كان يدور بهذا العقل الذي ليس بالهين أبدا
 


وأخيرا هذه الصورة النادرة التي لم تنشر من قبل في أي مكان
ببساطة لانها من ألبوم صور عائلتي أنا
وهي تجمع والدي في أقصى اليمين مع السادات في المنتصف
وإلتقطت في منتصف الخمسينات في بورسعيد حيث كان السادات يقضي فترة المصيف وتصادف أن يكون والدي أيضا هناك
وأراد والدي وأصدقاؤه التقاط صورة مع البطل الشعبي الشهير وعضو مجلس قيادة الثورة آنذاك البكباشي محمد أنور السادات
-
جنازة السادات

جنازة السادات الرسمية والتي قال الحاقدون أنها لم تكن شعبية كجنازة المهزوم جمال عبد الناصر المعدة مسبقا

لكن الحقيقة كما تظهر هنا في الصور
هذه هي جنازة السادات الشعبية والتي منعها النظام والتي وصلت حتى شارع صلاح سالم ثم أوقفها الأمن
هاهي لتخرق عيني مزوري التاريخ من كتاب الفكر الناصري الفاشي

وكان هتافهم في رحاب الله يا سادات

والقصاص من الخونة



ومن لم يتمكن من حضور الجنازة بحث عن أقرب جهاز تلفزيون في مقهى أو محل ليشاهد الجنازة
-
الفاتحة للسادات أمانة
-
ملحوظة
هذا العدد تذكاري وليس موضوع للمناقشة والفذلكة

Tuesday, 02 October 2007

قصة مدينة مع موكبين ورئيسين وعربية كاديلاك واحدة

قصة مدينة مع موكبين ورئيسين وعربية كاديلاك واحدة

صورتين نادرتين محدش يسألني جبتهم منين
الموكب الأول هو موكب الرئيس الراحل محمد أنور السادات
والمدينة هي بورسعيد
اندفع هذان المواطنان نحو سيارته لتحيته
والنتيجة الصورة المعبرة دي
ومنطقة تجارية حرة في بورسعيد علشان الناس تاكل عيش

الموكب الثاني هو موكب الرئيس الحالي
والمدينة هي برضه بورسعيد
والعربية هي هي سبحان الله نفس العربية الكاديلاك - قارن بنفسك
اندفع هذا المواطن لتقديم شكوى
والنتيجة ابو العربي اتقتل
وبورسعيد إتكدرت
وقفلولها المنطقة الحرة
والصورة دي إختفت لحد ما ظهرت دلوقت
-
تحديث هام للبوست
أنا باشكر كل المعلقين وكل الناس اللي بعتولي رسائل خاصة
وفعلا الصورة التانية ممكن تكون مش هي صورة أبو العربي
والإعتراف بالحق فضيلة
وباشكر الناس اللي بعتتلي صور إضافية لمواكب السادات
وكلها بتوضح الفكرة اللي قصدتها أكتر
وهي إن محدش كان بيتقتل علشان قرب من موكب السادات

حتى لو قرب كداهو

أو حتى وصل لدرجة كداهو
وفي الصورتين الأخيرتين طراز السيارة الكاديلاك بالمناسبة مختلف عن الصورتين بأعلى
فالكاديلاك هنا أحدث

Monday, 24 September 2007

عندما قال مبارك وعليكم واحد

عندما قال مبارك وعليكم واحد

قام حسني مبارك بزيارة مفاجئة لمدينة السادس من أكتوبر بدون ما يقول للناس ولا يخلي الناس تعمل حسابها
وتقول الأسطورة إنه عمل نفس الموقف السنة اللي فاتت
طب إيه الجديد
ها نقولك الجديد بعد شوية
بس نحب نقولك ان مصالح الناس اتعطلت واشغالهم والجامعات وتم اغلاق كل مداخل مدينة السادس من أكتوبر وده بحسب روايات شهود العيان ورواية القاريء العزيز مرسل هذه اللقطات ك ي
فضل الناس يدوروا في دواير مغلقة وتحول ميدان جهينة إلى جراج كبير للسيارات وترك الناس سياراتهم وإفترشوا العراء وبدأوا الصلاة في الحدائق والدعاء على مبارك والناس تحاول مع الظباط برضه علشان يعدوهم لكن مافيش فايدة لدرجة إن الظباط هما كمان دعوا على مبارك
إستمر هذا الموقف لعدة ساعات
ويروي ك انه كان في مشوار لتخليص ورقه في الجامعة بينما كان هناك رجل آخر ذاهب لتسلم جثة والدته من مستشفى دار الفؤاد وست عاوزة تجيب أطفالها من المدرسة وحتى سكان مينا جاردن سيتي التي لا تبعد شيئا عن ميدان جهينة لم يتمكنوا من الذهاب الى منازلهم

وظل الإنتظار من الصباح الباكر حتى الواحدة ظهرا
حتى ظهر موكب بسلامته ومر
لكن المفاجأة الكبيرة والمهموز الكبير اللي لبسه السادة المواطنين
هو إن مبارك مكانش في الموكب الوهمي !!!
لكن وصل بطيارة هليكوبتر
رآها الناس في السماء
فإنهالوا عليه بالدعاء
وضاع يوم عمل ويوم جامعة ويوم كل من أراد قضاء مصلحة في ستة اكتوبر

Sunday, 23 September 2007

صور وفيديوهات من أحداث العصافرة

صور وفيديوهات من أحداث العصافرة

تضاربت القصص حول أسباب أحداث العنف الطائفي بمنطقة العصافرة بالإسكندرية بشارع الثلاثين
فوزارة الداخلية بتقول أنه خلاف على تجارة المخدرات وده طبعا احلى كلام محششين
ومواقع الإسلامجية بتقول إن واحد مسيحي كان واخد واحدة مسلمة في شقته ودي القصة اللي نقلتها وكالات الأنباء العالمية للأسف بدون تحقيق وتدقيق
وناس تقول واحد مش عاوز واحد يفتح محل جنبه
وناس تقول اتنين مسيحيين اتخانقوا ودخل واحد مسلم يخلص فإنضرب
وناس تقول خلاف على وصلات الديش وهذه هي القصة التي توصل إليها الوعي المصري كما ستسمعون في الفيديوهات
والحقيقة إن محدش عارف الحقيقة

ولكن تبقى الحقيقة هي ان بهايم مسلمين وبهايم مسيحيين حولوها لعنف طائفي
وبهايم من الشرطة جم متأخرين وإعتقلوا ناس مالهاش دعوة كانت ماشية في الشارع وشباب صغير كانوا خارجين من الجامع بعد صلاة التراويح علشان يقولوا قبضنا على ناس وهما مالهمش علاقة أصلا بالموضوع
والمحصلة قهوة واحد مسيحي اتدغدغت واصابات من الجانبين
والنتيجة الأهم هي ضغائن تنتظر التفجر من جديد

والطريف كما ستسمعون في الفيديوهات واحد بيقول انهم كانوا بيحوشوا القزايز اللي بيحدفوها على بعض كانهم ها يحاربوا إسرائيل
وعلى كل حال بنشكر المدونة داليا المرغني على التغطية والصور والفيديو رغم إن الشرطة مسكوها ومسحوا معظم الصور منها لكن ربنا أراد إن تليفونها يفصل شحن فما قدروش يمسحوا الباقي

يمكن الصور مش قد كده لكن إسمعوا وشوفوا الفيديوهات
-
فيديو 1

شباب المنطقة يروون الأحداث وكيف أن الأمر خلاف على وصلات الديش بخلاف رواية الداخلية ورواية الإسلامجية
إضغط هنا
الملف صوت فقط
-
فيديو 2

البوكس واقف يلم كل اللي معدي
إضغط هنا
-
فيديو 3

شاهد عيان يقول بيحوشوا القزايز كأنهم مستنيين إسرائيل
إضغط هنا
-
فيديو 4

سيدة تقول إبن أخويا كان معدي مسكوه
إضغط هنا
-
فيديو 5

شارع الثلاثين بعد الأحداث والزجاجات المهشمة على الأرض
إضغط هنا

-
وهذا تعليق وصلنا من أحد سكان المنطقة
الاخ العزيز وائل عباس في تصحيح لبعض الامور الصغيرة في التغطية اولا الموضوع كان في سيدي بشر ام الدنيا وليس العصافرة العميلة ثانيا : رواية البنت المحجبة دي رواية الامن وليس الاسلامجية اللي بجد كانوا بره الموضوع تماما ثالثا : الرواية الصحيحة هي خناقة صيع بين العيال بتوع الوصلة وتجار الخردة المسيحيين يعني الموضوع صيع في بعض لا المسلمين ليهم فيها ولا المسحيين رابعا : اللي كبر الموضوع وخلاه ياخد بعد طائفي بصراحة التغطية الاعلامية المثيرة والشائعات لدرجة ان سواق التاكسي اللي رجعت معاه لبيتي اللي هو في شارع 30 مركز الاحداث حكي ليا حكاية تانية خالص عن مسيحي دخل يشرب من محل عصير مسلم وشتم علي شهر رمضان وحاجات من دي للصبح خامسا : كان في فعلا تلفيات وزجاج كتيير جدا متكسر بس دا العادي في خناقات سيدي بشر وان كان زاد شوية ودا علشان دي خناقة تجار خردة والموضوع لا في تحفز ولا حرب ولا بتنجان سادسا : ما زال التعامل الامني الغبي هو سيد الموقف فهناك نقطة تمركز للامن المركزي علي بعد 3 دقائق من منطقة الاحداث في اول شارع 45 لم تحرك ساكنا ولم تاتي اي عربية امن إلا بعد ساعة من انطلاق الخناقة وطبعا كانت قوات تانية غير المتمركزة عند كنيسة ام القديسيين واللي نفسي اعرف هما قاعدين بقالهم سنة بيعملوا أيه طالما لن يتدخلوا في موضوع زي دا؟؟ الحاجة التانية تعاملهم مع الاهالي وسكان المنطقة كان مستفز لاقصي درجة واخدوا عاطل علي باطل لدرجة ان دخلوا عند ولد مكوجي وسئلوه عن بيت واحد هو ميعرفوش ولا تتصور حجم الضرب والتلطيش اللي خده علشان قال للظابط معرفش لدرجة ان الولد لغاية دلوقتي وشه وارم والحمد لله ربنا ستر والباشا سابه بعد ما حاطه في البوكس دي بس شوية نقط حبيت اوضحها وسلام بحري من سيدي بشر الحرة

Saturday, 22 September 2007

أنا وجحا والبضان في رمضان

أنا وجحا والبضان في رمضان

يعني عملت اللي عليا وكتبت إقرار المفروض كل اللي داخل المدونة موافق عليه
وفهمت الناس إن مش المفروض أغطي كل حاجة ومش مفروض اكتب عن كل حاجة طالما غيري بيكتب وبيصور وبيغطي وفيه تناول إعلامي للموضوع لأن المدونة أساسا عملت إسمها بتناول ما يتجاهله الإعلام
وقلت ميت مرة إني مش بأشتغل عند حد ولا عضو في أي حزب أو تنظيم أو حركة ولا باخد تمويلات ومش عاوز آخد تمويلات واللي بياخد تمويلات الله يسهله
حتى حركة شباب من أجل التغيير اللي أنا واحد من مؤسسينها سبتها لما بتوع الأحزاب الوسخة بضنوني
وقلت أن أولويتي هي مصر أولا - بصفتي مؤمن بالقومية المصرية - وقبل أي قضية أخرى إلا ما أرتأيه انا شخصيا على المستوى الإنساني
لكن مهما أعمل فيه ناس كده بضان بيحسسوني كأني جحا
فاكرين قصة جحا وإبنه والحمار
كانوا ماشيين في الشارع
والناس قالت بقى عندهم حمار بيمشوا جنبه ومش بيركبوه ده ايه الغباء ده
قام جحا ركب الحمار
قامت الناس قالت بقى الراجل النطع ده يركب وسايب إبنه يمشي
قام جحا نازل ومركب إبنه
قامت الناس قالت بقى الواد قليل الرباية ده يركب وأبوه ماشي
قام جحا ركب هو وإبنه على الحمار
قامت الناس قالت معندهمش رحمة بالحيوان وراكبين هما الاتنين فوق الحمار
والخلاصة إنك مهما عملت مش ها تعجب حد
وده اللي حصل في تغطية زيارة رفح اللي نشرتها
ودي بعض الرسائل الوقحة اللي وصلتني على الإيميل أو كتعليق على المدونة من ناس فاكراني بأشتغل عند اللي جابت أمهم رغم إن بعضهم في نظري بصراحة خونة لأنهم يهتمون بقضايا أخرى - غير مصرية - ولا يولون إهتمامهم للقضية المصرية - نهائيا - ولا تراهم في أي فعالية تخص مصر لأنهم يعملون حيث تأتي - التمويلات - وحيث إنتماؤهم للبلد اللي حدفتهم علينا وإحنا إديناهم الجنسية - والكلام إلك يا جارة - وتلاقيهم دايما يتشدقوا بالعروبة - ودول ديتهم معروفة - ويتشدقوا بالإسلام وكأن مصر دي بلد كافرة بنت كلب مش محتاجة اللي يساعدها فبيدوروا على بلد مسلم يساعدوه
الأحمر هو تعليقي أنا
-
1
أسف أيه بس يا اخ وائل - سحبت الأسف والله بعد اللي شفته من أشكالكم - بعد ايه المفترض نشر هذه الصور في وقتها في عز أزمة العالقين - وهي الأزمة خلصت لا مؤاخذة - مش بعد خراب مالطة - ده بدل ما تشكرني إني جددت إهتمام الناس بالموضوع - وانتا شفت بعينك حجم المأساة ولا عشان هما مش مصريين وفلسطينين - لا تعليق علشان ما أقلش أدبي بس عموما ده إسمه إبتزاز عاطفي ومستمر من ستين سنة - بجد أنا حزين لأهمالك - شفتوا إهمالك دي ولا كأني السفرجي بتاعهم - ولعدم ردك علينا في أن تعطينا الصور ولو بالعلامة المائية للوعي المصري
-
2
من أهم مباديئ الصحافة - والله عال وبقينا بنتعلم الصحافة من اللي يسوا واللي ما يسواش - سرعة نقل الخبر الصحفي لكن أن يتم نقل الخبر بعد مرور ما يقرب من شهرين من باب اه مادة أعلاميه عندي والسلام فهذا ما احسسته من رسالتك يا أخ وائل أرسلنا لك بعد العودة راجين بأن تسلمنا الصور لآبرازها لوسائل الأعلام دون أي رد منك ، لو قام أمين شرطة بصفع منادي ميكروباس في أسوان لذهبت علي الفور وغطيت الخبر ونشرته علي كافة المواقع في نفس اليوم - آه طبعا وإنت مال أمك ولا هو علشان إنت مش مصري ومعاك الجنسية المصرية بالأونطه يعني ولا هو المصري دايما رخيص عند العرب ومالوش تمن ومش مهم مشاكله وقضاياه - رغم أيماني الشخصي بهذا ، لكن عشان دول فلسطينين فيستنوا شوية عشان حضرتك مشغول - رجعنا تاني للابتزاز العاطفي بتاع الستين سنة رغم إن احوالهم والله أحسن من احوالنا وده بحسب تقارير الأمم المتحدة الإقتصادية وعلى الأقل المصريين عالقين في بلدهم مش بلد غيرهم وما عندهمش أمل ولا حتة يروحوها ولا حد بيديهم إعانات - وينفتح معبر الصهاينة العوجة ويعبر معظم العالقين معلش يستنوا سعادتك - وسعادتي ليه ما البركة فيكم معاكم تمويلات وكاميرات ووراكم احزاب سياسية ممولة خاينة بجرايدها وعندكم لسان زي الفرقلة عليا وبناقصني أنا وكاميرتي يعني لأنكم خسرتوني خلاص هو انا يعني اللي هافرق معاكم - ويمكث بعض العالقين وينضم أليهم غيرهم برضه يستنوا سيادتك شوية لما تفضي لكن ما مغزي أن تنشرها بعد شهرين دون اشارة حتي لتجدد المعاناة الحالية حتي تعليقاتك كانت لا تدل بأحساس بمعانتهم التي لو أحسستها فعلا لما قمت بتأخير النشر حتي الأن
-
3
يابنى شوف العالقين فى قلعة الكبش واللى نايمين على ارصفة ميدان السيدة عائشة وكورنيش الملك الصالح وبعيدن ابقى شوف الجنسيات التانية
لحد امتى بقى هنفضل شاغلين بالنا بالغرب وسايبين اهل بلادنا ينامو فى الشوارع وياكلو الاسفلت
وايه محسوبكم محسوبكم
انت نفسك تشتغل قهوجى بعد الضهر ولا ايه ؟
تصدق بالله إنت الوحيد اللي معاك حق فيهم
أنا المفروض فعلا أشتغل قهوجي علشان ألبي طلبات كل الناس
-
التعليق النهائي لكم

Tuesday, 18 September 2007

الوعي المصري مع العالقين في رفح والعريش

الوعي المصري مع العالقين في رفح والعريش

معلش هي التغطية متأخرة شوية لما فضيت علشان ما اعملهاش سلوقة واي كلام
بس أحسن من مافيش خالص
أخدنا شوية مساعدات كده على ما قسم من اهل الخير وطلعنا على رفح كل واحد من جيب أبوه
كنا متنوعين سياسيا لأقصى درجة تتخيلوها
أخدنا اوتوبيس للعريش من ميناء - قال إية - مبارك البري

ووصلنا العريش ونزلنا الحاجات من الأوتوبيس

وقعدنا في العريش شوية وقابلنا بعض العالقين هناك وقابلنا ناس من حزب التجمع

واللي إستغربتله إن الأمن لم يعترضنا ولا مرة طول رحلتنا نحو رفح على عكس ما عملوا معانا سنة 2004 لما وقفونا في بالوظة قبل العريش والأمن المركزي عزقنا ضرب إحنا والأجانب اللي كانوا جايين متضامنين معانا

صور من أرشيف الوعي المصري
لقافلة التضامن مع الفلسطينيين المتوجهة إلى رفح 2004





بالوظة - سيناء - 10 ديسمبر 2004

والغريب إن حظي مع سيناء ما يجيش إلا في المشاكل
مافيش بس غير هي مرة واحدة اللي رحت دهب فسحة السنة دي مع أصدقاء أجانب
والغريب ان الإجراءات الامنية في جنوب سيناء بالعبيط
وقفونا حوالي 35 مرة بدون مبالغة من أول نفق الشهيد أحمد حمدي لحد دهب
بس المسخرة اللي سمعتها من ناس أجانب صحابي كانوا هناك لوحدهم ان الكماين دي طلعت سبوبة بتعملها الشرطة مع السواقين علشان ينصبوا على السياح الأجانب علشان كده في سيناء لو ركب معاكم ظابط او امين شرطة التاكسي او الميكروباص اعرفوا انه واخد 30% من السواق
ها ابقى اشرحلكم بعدين بقى علشان ده مش وقته
بس بجد موضوع فضيحة بكل المقاييس
مافيا شرطة وسواقين !!!
باقي المرات اللي رحت سينا كان تضامن 2004
وتفجيرات شرم الشيخ 2005
ودي قعدت فيها أسبوعين في شرم الشيخ
لكن كانت شرم الشيخ مهجورة بتنش
والمرة دي بتاعة العالقين 2007

لقطات من أرشيف الوعي المصري
لتفجيرات شرم الشيخ

23 يوليو 2005

فندق غزالة جاردن



داخل الفندق

أحد المصابين من السعودية في المستشفى

نرجع بقى مرجوعنا للعالقين في العريش ورفح
هنا قدام مقر الهلال الأحمر وتوزيع الإعانات عليهم

يعرضون وثائقهم





أنهكه الحر

باب مقر الهلال الأحمر

سمح لنا أحد السكان بالتصوير من بلكونة منزله

لكن هذا لم يعجب الشرطة كما ترون
مع اننا يعني بنصورهم وهما بيقوموا بشغلهم
وبعدين رحنا المخيم اللي قاعدين فيه في العريش

شاهدوا فيديو لمقابلات مع بعض العالقين

إضغط هنا
أهم شيء في تلك الفيديوهات أن تسمعوا رأيهم سواء في حماس أو في فتح وهناك من قالوا كلاما في غاية القوة لكن رفضوا تسجيله ربما خوفا من بطش حماس أو بطش فتح



وبعد كده رحنا نشوف باقي العالقين في رفح















وبعدين رحنا نتفرج على الحدود اللي كل يوم بيتقتل عليها متسللين
مصريين وفلسطينيين وسوادنيين وجنود حرس الحدود المصري أيضا
على الرغم مما في ذلك من مخاطرة
لكن لم نستطع المقاومة
فهذه حدود مصر مع إسرائيل وفلسطين
وأقصى نقطة في حدود مصر الشمالية الشرقية
حيث يمكنك رؤية رفح وقطاع غزة
وكانت تجربة مثيرة جدا بالنسبة لي شخصيا أن أكون هناك

محسوبكم عند معبر صلاح الدين المغلق حاليا

الجدار العازل





أغنام ترعى في المنطقة

برج حراسة مصري

نقطة تابعة لحركة حماس
لاحظوا الأعلام الخضراء المميزة

لقطة تذكارية على الحدود

مع تحيات محسوبكم

Saturday, 15 September 2007

فيديوهات مدون في أمريكا

فيديوهات مدون في أمريكا

فعاليات كتير حصلت وحضرتها وغطيتها وما نشرتهاش
ومش عارف راكنها ليه
أنا بقيت كسلان يمكن ولا ده من الإكتئاب والإحباط على المستويين الشخصي والعام
ولا يمكن بأشاور عقلي أخش التقفيصة أنا كمان زي غيري
وإشمعنى أنا يعني اللي لازم أبقى نشيط وباعمل حاجة وهو أصلا مافيش حاجة بتحصل
خليني كده أحسن بدل ما أخش هوجة المزايدات الناتجة عن حالة الفراغ اللي بيعاني منها الكل
خصوصا إني معبي من الإخوان اللي مدونينهم بيشتموني
وبرنامج حزبهم الجديد الذي لا يقال عنه إلا أنه برنامج وقح خصوصا فيما يتعلق بالحريات
وحتى عبد المنعم صديقي طلع في قناة الحرة يقول المدونين العلمانيين
عموما كل سنة وانتم طيبين بمناسبة رمضان
مش طالبة أتكلم في السياسة كمان وانا صايم علشان كده قلت أنشر حاجة خفيفة وان كانت برضه غصب عني لن تخلو من السياسة لان كما يقول المثل يموت الزمار وصوابعه بتلعب
وفي حالتي أنا بتدوس على زر - الشاتر - بتاع الكاميرا
طبعا فيه ناس كالعادة ها تدخل تشتم وتلعن كانها مدونة ابوهم مش مدونتي وانا حر فيها زي ما عملوا لما غطيت رحلة إسطنبول
وناس تانية ها تخش تزايد وتقول لي ليه مش بتتكلم عن قضايا الصحفيين اللي بيتحاكموا وصدر ضدهم أحكام
وها تلاقي الناس كلها بتهاجم قضاء مصر النزيه الشريف العفيف اللي ما يصحش حد ييجي جنبه كما يزعم اللواء الكذاب احمد ضياء وكما زعم محامي اسم النبي حارسه وصاين - عصايته - من العين سي اسلام نبيه باشا بيه
مش عارف ايه الصحوة دي كلها وكانت فين لما قضاء مصر طلع الواد بتاع شها العفريت الحبرتقي اللي بيتشاقى هو اللي كهرب نفسه وحرق نفسه وبعد كده انتحر ولا مش كده بس ده الراجل الارهابي بتاع حدايق القبة ابو دقن طلع هو كمان كهرب وحرق نفسه وبعد كده انتحر علشان يرمي بلاه على ظابط امن الدولة الشريف العفيف المكافح ابن الناس - شوف يا اخي الافترا بتاع الارهابيين وصل لحد فين - لا وكمان الارهابي مخلف ارهابيين اطفال صغيرين سابهم وراه من غير ما حد يصرف عليهم علشان يطلعوا ارهابيين على اصله بقى وعارفين ان البوليس قتل ابوهم والواد بتاع امبابة طلع هو اللي كان بيلطع نفسه بالقفا كمان والظابط طلع براءة وجالي يطلعلي لسانه في محاكمة إسلام نبيه ويوريني ازاي انه بره
وما سمعناش حد إعترض بجيصة أو حتى فسية
دلوقتي بس بننتقد قضاء مصر ومش عاجبانا الاحكام
يا ترى لما الدور ييجي علينا ها يبقى معانا فلوس الغرامة والكفالة
اللهم إني صائم
علشان كده قلت مش ها اتكلم في السياسة الأول بس أعمل إيه إنتم اللي إستدرجتوني في الكلام
ما علينا
نرجع لموضوعنا
أنا قلت أسلي صيامكم وآخدكم في جولة سياحية في بلاد الشيطان الأكبر أمريكا على رأي أحمقي نجاد - ودي بالمناسبة مش من عندي ده الإيرانيين هما اللي بيسموه كده والله
ودي مش تغطية كاملة للسفرية لكن دي بس الفيديوهات المتاحة اللي انا صورتها هناك
والتغطية الكاملة بقى ربنا يسهل وعليكوا خير وربنا يدينا ويديكم طولة العمر ويدينا الحرية من الوطني والإخوان ومن امريكا والسعودية الوهابية ومن مبارك وولده جمال
لكن قبل ما نروح امريكا ودونا أسبوع عمان في الأردن
ويا أخي ما يختارولناش أوتيل نقعد فيه غير سبحان الله راديسون ساس اللي كان فيه التفجيرات اللي مات فيها مخرج فيلم عمر المختار مصطفى العقاد
وده كان فيديو من شباك الغرفة اللي كنت قاعد فيها

إضغط هنا
وإستقبلتني واشنطون بالأمطار والجو البارد وحمدت الله إني ما جيتش في التلج لأن طلع إن الهدوم اللي عندي كلها حتى لو لبستها فوق بعض ما كانتشي ها تنفع لأني كنت لابس جاكت جلد وتحتيه جاكت بزعبوط وتحتهم بلوفر وبرضه مافيش فايدة
الملابس الشتوي اللي عندنا في مصر دي ورق الصراحة
ودي جولة بالأوتوبيس في شوارع واشنطون الماطرة

إضغط هنا
وبما إني في واشنطون كان لازم أمسي على حبيب الكل الحاج بوش أعظم حشاش حكم امريكا واكبر أفيونجي بيعرف يتكلم في السياسة أمام الإعلام وعارف الفرق كويس بين استراليا واوستريا او النمسا

إضغط هنا
وكان لي نصيب أغطي المظاهرات حتى وانا هناك ودي مظاهرة نظموها الناس بتوع حركة ماس او مسلمي أمريكا قدام السفارة المصرية في واشنطون وفي الفيديو ها تشوفوا نورا يونس وهي بتخطب وتهتف

إضغط هنا
وده راجل طيب كان واقف يغني قدام البيت الابيض اغاني عن السلام وعلى فكره ده مش شحات ده متظاهر والاغاني كانت جميلة وحزينة لدرجة ان عنيا دمعت وقلتله شكرا انت جميل

إضغط هنا
وده ميدان دوبونت سيركل اللي سكنت فيه لمدة اسبوع وبالنسبة لي انا شخصيا هو احلى حته في واشنطون المملة وده يوم كده نزلت لقيت الناس بيرقصوا في الشارع ولحد دلوقت ما اعرفش ليه وما سالتهمش ليه بس صورتهم

إضغط هنا
ومن نافورة ميدان دوبونت سيركل لما الجو ابتدى يدفي ونخش على الصيف لفت نظري البط المهاجر وبالذات ذكر وانثى البط دول لانهم كانوا مع بعض على طول وكانوا مستمتعين بالشمس ومياة النافورة في ذلك اليوم فحسدتهم على راحة البال والحب المتبادل وبرضه صورتهم
على فكرة في عالم الحيوان دايما الدكر احلى من النتاية

إضغط هنا
وده برضه حمام من دوبونت سيركل كان فيهم دكر دبور عامل نفسه بياكل بس هو بيحرجم على الحريم لكن على مين لقطته برضه

إضغط هنا
وأنا في واشنطون زرت ستوديوهات الجزيرة إنجليش بناء على دعوة الزميل عماد موسى وكان على الهواء برنامج ريز خان مستضيف هبة قطب من القاهرة

إضغط هنا
وده مؤتمر صحفي للمتحدث يإسم الخارجية الأمريكية من اللي بتشوفوهم في التلفزيون منقولين على الهواء بالقمر الصناعي ومحسوبكم بقى كان هناك

إضغط هنا
وده مؤتمر صحفي كنت بأرد فيه على أسئلة الصحفيين عن التدوين والحريات في مصر
شفتوني وانا ماسك الميكروفون
هاهاها

إضغط هنا
ما قدرتش ما أروحش نيويورك - ذا بيج آبل أو التفاحة الكبيرة - خصوصا وإن الحياة مملة جدا في واشنطون فأخدت اوتوبيس من الحي الصيني بيروح نيويورك وقعدت هناك يومين وللأسف مكانش معايا ولا رقم تليفون حد اعرفه في نيويورك واضطريت ابات في اوتيل - يعني اللي وفرته في الاوتوبيس الصيني وعملت ناصح كعيته في الاوتيل - وده فيديو من فوق مبنى الإمباير ستيت أعلى مبني في نيويورك واعلى مبنى في العالم سابقا

إضغط هنا
ومن أهم الأماكن في نيويورك ميدان تايمز سكوير اللي بيحسسك كأنك عايش جوه إعلانات التلفزيون وللأسف الجيش الأمريكي كان حاطط مركز تطوع متنقل للجيش الأمريكي في وسط الميدان منظره عكنن عليا ولو إني كنت باركب المترو في واشنطون من المحطة اللي تحت البنتاجون وباشوف العسكريين والاشكال الوسخة دي كل يوم

إضغط هنا
ودي جولة بالأوتوبيس في شوارع نيويورك أو بالأصح شوارع مانهاتن

إضغط هنا
بعد ما قعدت في دوبونت سيركل أسبوع سكنت في اليكساندريا - أو الإسكندرية - في ولاية فيرجينيا لمدة أسبوع برضه وبعدين بقية المدة قضيتها في مقاطعة أرلينجتون برضه في ولاية فرجينيا وكنت بأنزل شغلي في مجلة سليت كل يوم في واشنطون بمواصلتين أولهم أوتوبيس لحد مبنى البنتاجون وبعدين باخد المترو من تحت البنتاجون زي ما قلتلكم
أي والله محطة المترو تحت البنتاجون ما نقلوهاش والغريب ان محدش بيوقفك يقولك بطاقتك يا كابتن او باسبورك يا كابتن ولا بيفتشوا شنطتي رغم اني كنت بابقى شايل شنطة ضهر فيها لابتوب كل يوم مش زي عندنا لو ولية شايلة بطة رايحة بيها السوق يفتشوا تحت جناحاتها أحسن تكون حاطة متفجرات تفجر مترو الأنفاق
وده فيديو من مهرجان إسمه مهرجان أرلينجتون للتذوق يظهر بيتعمل كل سنة علشان الناس تجرب مطاعم المنطقة وأحلى حاجة فيه جنب الأكل هي العاب الاطفال والتسلق وساعتها اتمنيت لو كنت لسه طفل

إضغط هنا
وده فيديو تاني كنت باحاول اصور فيه نظام المرور في فرجينيا وبأشرح وبأعلق بصوتي وما كنتش واخد بالي إن الهوا كان ضارب جامد في ميكروفون الكاميرا فكل الصوت اللي طلع كان عبارة عن وش

إضغط هنا
ودي زي ما قلت كانت شوية فيديوهات على ما قسم كده مش كل التغطية بتاعة أمريكا كنت قاعد باسلي صيامي إمبارح ورفعتهم

Wednesday, 12 September 2007

جديد الوعي المصري على المحمول

جديد الوعي المصري على المحمول

نشكر للقراء الثقة الغالية
فقد بلغ عدد المشتركين في خدمة رسائل الوعي المصري القصيرة على المحمول أكثر من ألف مشترك حتى الآن
ولكن يبدو أن البعض يجد صعوبة في تلقي الرسائل على محموله بسبب عيب في متصفح ميكروسوفت للإنترنت المسمى انترنت اكسبلورار يجعلهم غير قادرين على وضع علامة على
Notifications on
لذا كما قلنا من قبل يجب إستخدام متصفح آخر مثل فاير فوكس
كما يمكنكم قراءة آخر عشرون رسالة على المحمول على موقع الوعي المصري مباشرة وذلك في العامود الأيمن من الصفحة

Friday, 07 September 2007

مع ريز خان على الجزيرة إنجليش

مع ريز خان على الجزيرة إنجليش

إضغط هنا لتشاهد الحلقة

Wednesday, 05 September 2007

بلطجية لإعاقة تصوير إسلام نبيه في القفص

بلطجية لإعاقة تصوير إسلام نبيه في القفص

لم أتمكن من حضور جلسة اليوم خمسة سبتمبر لكن وصلتني رسالة من نوارة من داخل القاعة بتقول لي أن محامي إسلام نبيه شتمها في مرافعته وهو شيء مش مستغرب من مثل هذا المحامي لأنه في الجلسة السابقة التي أنشر تغطيتها اليوم إستمر يكرر كلمة الكلب الكهربائي في وصف خبير الأصوات بالإذاعة والتلفزيون
وإليكم صور جلسة اتنين سبتمبر وبعض الفيديوهات

خارج القاعة قبل الجلسة

الإعلام منتظرا

داخل القاعة الكاميرات متأهبة

بدون تعليق

إسلام يدخل القفص
يارب للأبد

عماد الكبير الضحية اللي عاوزين يعملوه مجرم بالعافية

النيابة

القاضي

ناصر أمين محامي عماد الكبير يترافع

ثم يتحدث للصحفيين بعد الجلسة
أما محاميي الدفاع عن إسلام نبيه فكرروا نفس الكلام حول المؤامرة على يا حبة عين أمه زينة الشباب المظلوم إسلام نبيه وعن الناس اللي بتقبض من بره علشان يشوهوا سمعة مصر
بره الجلسة استوقفتني صحفية ومصور من جريدة أخبار الحوادث وكما توقعت سؤال سخيف عن ما ردك على إتهامات الدفاع لمنظمات حقوق الإنسان والمدونين بتلقي أموال من الخارج وقاموا مصورينني صورة
رديت قلتلها المحامي ده ببساطة بيقول كلام يعاقبه عليه القانون
كس أم التعريص في البلد دي يا أخي
بلد تروح تطلب حقك يطلعوك مجرم وخاين ومرتشي وبتقاوم السلطات وتتحبس تلات اشهر ويطلع لك سوابق من قبل ما تتولد وبتتعامل مع جهات أجنبية وبتشوه سمعة مصر وبتشارك في مافيا إتحاد تجار المخدرات مع بتوع حقوق الإنسان
بس الجديد في هذه الجلسة هو إستخدام بلطجية داخل القفص علشان يداروا على إسلام نبيه من المصورين
شاهد فيديو البلطجية في القفص

إضغط هنا
كما تم التنبيه على العساكر أن يرفعوا ايديهم واذرعتهم أيضا لحجب إسلام نبيه
وتم حصر المصورين في ممر ومنعهم من التحرك في القاعة بحرية كما كان يحدث في الجلسات السابقة
بس على مين
خدوا الفيديو ده صورته في الخباثة
نظرات إسلام نبيه الزائغة

إضغط هنا
بالذمة مش ينفع إسم فيلم روائي قصير
في إنتظار نتائج جلسة اليوم من نوارة والزملاء
-
تغطية تأخر نشرها
الوعي المصري في رفح
بعد قليل

Tuesday, 04 September 2007

قاطعوا وائل الإبراشي مشاهدين وضيوف

قاطعوا وائل الإبراشي مشاهدين وضيوف

وائل الإبراشي لا يحترم ضيوفه
وائل الإبراشي إعلامي غير أمين وغير موضوعي
وائل الإبراشي يبدو أنه يعمل من أجل أجندة غامضة أو أجندة تخدم مصالحه الشخصية وسبوبته وإستمرار تواجده حتى ولو بالتلفيق ودهس أبسط قواعد العمل الإعلامي بالجزمة
لم يصلنا أي رد أو توضيح من وائل الإبراشي حتى الآن على ما نشرناه عن عمل مونتاج لأقوالي على برنامج الحقيقة
قاطعوا برامج وائل الإبراشي
قاطعوها كمشاهدين
وقاطعوها كضيوف إذا طلب منكم الحديث في البرنامج
وائل الإبراشي ليس من تأتمنوه على أقوالكم بعد الآن

Saturday, 01 September 2007

أحّة يا وائل يا إبراشي

أحّة يا وائل يا إبراشي

وائل الإبراشي يقتطع كلامي المسجل في برنامج الحقيقة ويضعه خارج سياقه على طريقة إعتراف نور الشريف - أنا شيوعي - في فيلم الكرنك
لم يكتف وائل الإبراشي بالتزوير والتلفيق وسرقة المواضيع والصور في جريدة صوت الأمة فنقل نشاطه في التدليس والتلفيق إلى قناة دريم حيث يقدم برنامج الحقيقة
برنامج الحقيقة لم يعد برنامجا حواريا ولكنه صار أقرب إلى فيلم سيما يعرض رؤية ووجهة نظر بسلامته أو وجهة نظر الأجهزة الأمنية العليا التي يتعامل معها ويخطب ود المتطرفين والسلفيين ويرضي مزاج المشاهدين في السعودية
الحلقة كانت عن تنصير محمد حجازي وأنا أدليت بشهادتي كمدون تابع وأرخ فعاليات حركة كفاية وتكلمت بحيادية بدون هجوم أو دفاع عن محمد حجازي ولكني إتهمت النظام المصري وقلت بمسئوليته عن أحوال الشباب المتردية ماديا وإجتماعيا ودافعت عن حركة كفاية فحذفوا كلامي هذا وأظهروه بغير معناه

إضغط هنا لمشاهدة الفيديو
وائل الإبراشي ومعدي ومخرجي البرنامج تصرفوا كأن الضيف ولية مكسورة الجناح ها نقصقص كلامها ومش ها تقول حاجة ونسوا أني مدون وأن الديمقراطية وحرية التعبير لها أنياب تدافع بها عن نفسها
الحلقة كانت معدة مسبقا للنيل من محمد حجازي وأنا لم يعجبني هذا الجو الغير محايد في برنامج يفترض أنه حواري وموضوعي
المخرج والمصور من ذوي اللحى السلفية ناقشاني بعد التصوير في حد الردة وقالا أن محمد حجازي يجب أن يقتل ولما حاججتهم بأنه لا يوجد ما يسمى حد الردة وتحديتهم أن يأتوا بآية من القرآن تقول بذلك برغم أن هناك آيات تحدد عقوبة الزنا بهتوا
لكن الفراش اللي بيجيب الشاي والقهوة قال لا فض فوه بأن كلامي غلط
أصبحت هذه هي الأشكال التي تسيطر على الإعلام حاليا
حاججتهم هل ترضى أن يتزوج كافر من إبنتك لمجرد أن بطاقته مكتوب فيها مسلم فإمتعضوا ولم يقدروا على الإجابة لكن يبدو أنهم أضمروا في أنفسهم
كنت أتحدث عن أحوال الشباب عموما ودور النظام والفقر والبطالة في إنحراف الشباب من اجل شقة أو من أجل السفر للخارج ولم أحدد محمد حجازي وذكرت مثال من يدعون على أنفسهم الشذوذ الجنسي ليلجاوا للخارج  لكنهم قصوا كلامي ووضعوه في إطار الهجوم على محمد حجازي
ما حدث غير مقبول ويعتبر تدليسا وتزويرا في أقوالي وإيحاء للناس بغير الحقيقة

هذه هي الورقة التي كتبت فيها النقاط التي سأتناولها في الحلقة والحمد لله مازلت محتفظا بها
كان كلامي عبارة عن أن دخول محمد في المسيحية لن ينقص الإسلام شيئا ولن يزيد المسيحية جراما
تحدثت عن الزواج المدني وتغيير الدين كيف كان في الستينات والسبعينات وكيف كانا شيئا معتادا لا تثار حوله الجلبة فلماذا تثار الجلبة الآن
تحدثت عن إستخدام النظام لهذه الأمور للتغطية على أمور هامة وكيف أن الناس حاليا لا يتحدثون إلا في الكورة ومحمد حجازي
وكيف أن النظام يستخدم هذه المواضيع للنيل من المعارضة وتشويهها كتشويه حركة كفاية وفندت علاقة جورج إسحاق بالتنصير لأنه كاثوليكي وحجازي صار بروتستانتيا بينما الكنيسة المصرية أرثوذكسية وهو ما يجعل لا علاقة لها تماما بالموضوع وهو أمر من الخطير إغفاله إعلاميا
كما أشرت إلى أن جورج إسحاق كان عضوا في حزب العمل الإسلامي
كما ان تبني النظام لهذا الاتجاه المتخلف هو ما ينشر عدم التسامح والفتنة
تحدثت عمن ألصقوا منشورات على باب شقة عائلته وباب العمارة تهدر دمه
وتحدثت عن الشيخ البدري الذي إستضافه في الحلقة وإتهمته بأنه أيضا غاوي شهرة
-
سوابق وائل الإبراشي
سرق صورة من الوعي المصري للزميلة رشا جدة تبكي المعتقلين في إحدى المظاهرات على أنها فتاة تعرضت للتحرش الجنسي وسكتنا وسرق موضوعا بأكمله للزميلة سهير أباظة نشرته في جريدة البديل ونشره بنصه كاملا وبالصور المرفقة به
صوت الكدب والتأليف والفبركة

من مدونة أي حاجة بتاعة رشا جدة
إضغط هنا
كل سنة وصوت الأمة صحافة عرة والصحفيين بتوعها حرامية
من مدونة كبر دماغك بتاعة سهير أباظة
إضغط هنا
التفاصيل بعد قليل

Friday, 24 August 2007

الإعلان رسميا عن فوز وائل عباس بجائزة نايت

الإعلان رسميا عن فوز وائل عباس بجائزة نايت

كنا قد نشرنا الخبر من قبل
والآن نعيد نشره بعد أن أعلن رسميا اليوم
ويمكنكم الإطلاع على الخبر على موقع المركز الدولي للصحفيين
إضغط هنا - Click here
ويمكنكم أيضا الإطلاع على البيان الصحفي الخاص بالموضوع
إضغط هنا - Click here

وعلى موقع مؤسسة نايت
إضغط هنا - Click here

وائل عباس يفوز بجائزة نايت الدولية للصحافة
Wael Abbas wins the
2007 Knight International Award for Civic journalism

صباح اليوم كنت أتفقد إيميلي كالعادة لأجد رسالة من المركز الدولي للصحفيين يخبرني فيه بفوزي بجائزة نايت الدولية للصحافة

وجائزة نايت الدولية للصحافة هي من أهم جوائز الصحافة في العالم وهي اول من يعترف بمجهودات صحافة المواطن
وقد جاء في حيثيات الفوز ما يلي
أن الجائزة مقدمة تقديرا لتفانيك في مجال الصحافة في مواجهة تحديات هائلة وإعترافا بمجهوداتك لتطوير إعلام مستقل عالي الجودة في مصر وان المركز الدولي للصحفيين وبرنامج الزمالة الصحفية لمؤسسة نايت يثنون على مساهماتكم الكبيرة في رفع المعايير المهنية بين المدونين في مصر وان عملكم لهو مثال لما يتطلع الكثيرون لتحقيقه حول العالم
وهذه مقتطفات من الرسالة التي تلقيتها
Dear Wael Abbas
The International Center for Journalists, a non-profit group that administers the Knight International Journalism Fellowships, congratulates you on receiving the 2007 Knight International Award for Civic journalism
The Award is a testament to your devotion to the craft of journalism in the face of overwhelming challenges and recognizes your efforts to promote high-quality, independent media in  Egypt
The International Center for Journalists and the Knight International Journalism Fellowships program applaud your tremendous contributions to raising professional standards among bloggers in Egypt . Your work exemplifies the ideals so many struggle to realize worldwide
جدير بالذكر أن هذه الجائزة حصل عليها عدد من أهم الصحفيين الأمريكيين ومن مختلف دول العالم مثل توم بروكو من شبكة إن بي سي والذي قام بتغطية تفجيرات أوكلاهوما وسقوط حائط برلين وحرب فيتنام وكان أول من حاور ميخائيل جورباتشوف وبوب شيفر من شبكة سي بي إس ومقدم البرنامج الشهير فيس ذا نيشان وهو الذي أدار المناظرة بين بوش وكيري وشذا الجابوري مراسلة البي بي سي في العراق وخوسيه أنطونيو بيلا مصور أسوشيتدبرس

Thursday, 23 August 2007

عاجل - هو محمد الشرقاوي بقى مسيحي يا رجالة

عاجل - هو محمد الشرقاوي بقى مسيحي يا رجالة

سقطة جديدة لكن لا يمكن أن تكون غير متوقعة ممن سقطوها
السقطة ليست للناشط محمد الشرقاوي
لكن لجريدة الجمهورية الحكومية
إضغط هنا
فقد نشرت جريدة الجمهورية على صفحتها الأولى يوم 20 أغسطس الخبر التالي نصه

هاني عنان وإسحاق يعتزمان زيارة حجازي

يزور جورج اسحاق وحمدي جمعة وعدد من قيادات حركة "كفاية" منزل احمد عبده حجازي والد محمد حجازي الشاب الذي يطلب اعتناق المسيحية سعيا وراء اقناعه برفع قضية ضد المحامي ممدوح نخلة يتهمه فيها باستغلال الظروف المالية السيئة لمحمد ودفعه للتنصير.. التحرك الذي قام به جورج اسحاق يهدف الي تبديد الشكوك التي احاطت بحركة "كفاية" وانها السبب في اتجاه عدد كبير من أتباعها للمسيحية لم يكن آخرهم محمد حجازي أو محمد الشرقاوي أو غيرهما.. اتهام حركة "كفاية" بالتبشير مازال بدون دليل حتي الآن. ولكن دورها في الأنشطة الدينية معروف

وفي مكالمة تليفونية مع محمد الشرقاوي أعلن عن إعتزامه رفع قضية ضد الجريدة لنشرها أخبار عارية من الصحة
ومن الملحوظ دأب الصحف الحكومية على النيل من المعارضة بشتى السبل ومن هذا أيضا الزعم بدور حركة كفاية وقياداتها في الأنشطة الدينية كما تزعم جريدة الجمهورية
وهنا تعليق من محمد الشرقاوي نفسه على مدونته
إضغط هنا
ثم يأتي من يتساءل عمن وراء الفتن الطائفية ونشر هذه المعلومات الكاذبة التي تثير المشاعر ونشر ثقافة التحامل وعدم التسامح بين صفوف الشعب المصري وإذكاء روح العنصرية والتعصب ورفض الآخر ورفض حرية الإعتقاد وإستخدامها كسلاح ضد المعارضة
وجدير بالذكر أن هذه ليست أول مرة يحاول فيها الأمن نشر شائعات حول نشطاء سياسيين فقد سبق أن حاول الأمن نشر شائعات عن إعتناقي أنا شخصيا المسيحية عن طريق تعليقات تنشر على أوسع نطاق على الإنترنت لكن هذه أول مرة تستخدم فيها الصحف الحكومية
إقرأ في عشرينات عن إعتناقي للمسيحية
شملت حرب الشائعات أيضا تصريحات يدلي بها مسئولين أمنيين رفيعي المستوى حول نشطاء سياسيين على شاشات التلفزة لإستغلال الإنتشار الواسع للتلفزيون في إلحاق الأذى بالمعارضين
وأكبر دور في هذا الصدد قام به المدعو اللواء أحمد ضياء الدين والدين منه براء وهو مساعد أول وزير الداخلية للشئون القانونية - قال قانونية قال

Saturday, 18 August 2007

إذا كانت لا تصلك رسائل الوعي المصري على المحمول

إذا كانت لا تصلك رسائل الوعي المصري على المحمول

إذا كنت إشتركت في خدمة رسائل الوعي المصري القصيرة على المحمول ولم تصلك رسائل حتى الآن وهي شكوى وردتنا من كثير من المشتركين فإتبع الخطوات التالية
إدخل إلى حسابك في موقع تويتر
إذهب للصفحة التالية
إضغط هنا
ثم تأكد أن الزر الموضح بالصورة مكتوب عليه
Notifications on
لكن في حالة إذا كان مكتوب عليه
Notification off
فإضغط على الزر حتى تظهر لك المساحة الصفراء المبينة بالأعلى وقم بالإختيار الموضح
ثم إضغط علامة X الموجودة في الطرف الإيمن للمساحة الصفراء لتغلقها
إذا لم تتغير العبارة المكتوبة وتظهر علامة صح باللون الأخضر وهو ما يحدث غالبا مع مستخدمي الويندوز وبرنامج التصفح إنترنت إكسبلورار فيجب عليك أن تستخدم متصفح فايرفوكس
Get Mozilla Firefox
-
ملحوظة
وردتنا أيضا تساؤلات حول مجانية هذه الخدمة
نعم هذه الخدمة مجانية في مصر وكل دول العالم ولا أحصل أنا أو تويتر على أي مقابل منها
لكن هناك دول مثل الولايات المتحدة تحاسبك فيها شبكات المحمول على الرسائل الواردة
وهذا بينك وبين موفر خدمة المحمول ولا علاقة للخدمة بهذه التكلفة
-
وصل عدد المشتركين في هذه الخدمة الآن وحتى كتابة هذه السطور إلى أكثر من 500 مشترك

Thursday, 09 August 2007

تقرير خاص لقناة الحرة عن المدونين المصريين

تقرير خاص لقناة الحرة عن المدونين المصريين

تحدث في التقرير كل من خالد البلشي وجمال عيد ومالك مصطفى وشاهيناز عبد السلام وعبد المنعم محمود وآخرون بالإضافة إلى العبد لله
شاهد الجزء الأول

إضغط هنا
-
الجزء الثاني

إضغط هنا
-
الجزء الثالث

إضغط هنا
-
الجزء الرابع

إضغط هنا
-
الجزء الخامس

إضغط هنا
-
الجزء السادس

إضغط هنا

Wednesday, 08 August 2007

هوجة - دقن - عرابي

هوجة - دقن - عرابي

هاجت الدنيا وماجت وقامت ولم تقعد وإنبرى الإسلامجية إزاي جامعة الزقازيق تحلق دقن أحمد عرابي اللي في الشعار بعد كل السنين دي وتخليه أقرع كده من غير دقن وإنبرى عظماء الكتاب يتحدثون عن المؤامرة الأمنية لحلق دقن عرابي لأنها تحرض على الإرهاب من وجهة نظر الأمن وتوالت ردود الأفعال الأتفه من بعضها سواء من المتأسلمجية أو من إدارة الجامعة التي طلعت أهبل من الجميع وهل هذا بسبب موضوع فتحه موقع تافه لا ينشر الا الاخبار المفبركة والامنية والهجوم على المعارضة المصرية وهو موقع من المعروف ان الامن قام بإنشاؤه من أجل دحض مصداقية أخبار المواقع الإلكترونية وإختار القائمين عليه القيام بدور الأراجوزات الأمنيين رغم إنتماؤهم السابق لأحد الجماعات الإسلامية الراديكالية العنيفة وأكثر من مرة أقوم أنا أو أحد الزملاء بمحاولات للتحقق من أخبار هذا الموقع خاصة ما يتعلق منها بوقائع تعذيب فيثبت أنه لا أساس لها من الصحة وان حتى الشخصيات وأرقام المحاضر غير موجودة بالمرة

والسؤال هنا هو صحيح عرابي كان بدقن
طب وها نتعب نفسنا ليه
ماهو فيه صور كتيرة اترسمت له في هذا العصر من رسامين مصريين وأجانب
بل كمان كانت فيه صور فوتوغرافية ليه



محاكمة عرابي

عرابي - على اليمين - في المنفى
طب خدوا دي بقى
صورة فوتوغرافية نادرة لأحمد عرابي نفسه ومش رسمة

طب مش يمكن ياد يا وائل عرابي كان مربي دقنه في فترة ما
آه صح معاكم حق هو فعلا كان مربيها
بس الكلام ده بعد ما كبر وعجز ودقنه إبيضت والملكة فيكتوريا اصدرت عفو عنه ورجع مصر

وبرضه ما كانش شكله زي ماهو في الشعار حتى شوفوا
مش نفس حتى تقاطيع الوش والجمجمة

سبحان الله
أما والله حاجة تحير
أومال اللي في الشعار ده يطلع مين
أقولكم الغلطة التاريخية اللي وقع فيها المصمم من تلاتين سنة وبيصلحوها دلوقت
اللي في الشعار ده طلع الخديو إسماعيل

وتوته فرغت الحدوته
ورجاء لا تنشغلوا بالتوافه عن ما هو هام وحيوي ولا تتبعوا المواقع الأمنية

Friday, 27 July 2007

فضيحة للوزير بتاع نبض الشارع

فضيحة للوزير بتاع نبض الشارع

في تصويت أجراه موقع وزارة الإتصالات بذات نفسه
إضغط هنا
ثبت باليقين أن وزير الإتصالات لا علاقة له بنبض الشارع كما يزعم
فقد صوت حتى هذه اللحظة 57% من المصوتين على أن النصبة الجديدة لا مستفيد منها الا حيتان شركات الإنترنت
بينما صوت 41% بأن الإختيارات المتاحة كلها لا تصلح
وصوت على أن النفع سيعود على المشتركين أو نبض الشارع شخصين فقط
يبدو أنهما الوزير وبتاع ناترا فقط
-
تحديث
وصلت النسبة الآن إلى رقم قياسي وهو 62% لحيتان الإنترنت
و 36% كل الإختيارات لا تصلح
-
تحديث ثاني
وصلت النسبة الآن إلى 92%
-
ملحوظات هامة
في تصريحات للوزير لتهدئة الأمور قال أن التحجيم سيكون للمشتركين الجدد فقط !!!
وهو ما لا نريده لا للقدام ولا للجدد الذين من حقهم نفس الخدمة
كما أننا نريد بالفعل تخفيض حقيقي للأسعار لأن الوزير دشن كابل فالكون العام الماضي وتأتيه الأجهزة مجانا كمنح فبالتالي يجب أن يخفض الأسعار !!!
كما ان رئيس الجهاز القومي لتنظيم الاتصالات اضفى غموضا على تصريحات الوزير عندما صرح قائلا ما يلي
إنه من حق المشترك أن يستمر فى الحصول على سرعة 256 كيلوبايت/ثانية غير مقيدة بسعة تحميل بالقيمة المتعاقد عليها من قبل حتى نهاية عقده أو التحول إلى نظام الاشتراك الشهرى بمبلغ 45 جنيها مع التقيد بسعة التحميل 2 جيجابايت أو نظام 60 ساعة شهريا أو الباقات الجديدة وسداد قيمة الاستهلاك أو الساعات الزائدة
ممكن بقى حد يفهمنا يعني إيه حتى نهاية عقده
يعني الواحد لما يروح يجدد الإشتراك الشهر الجاي يقولوله بح
ولا إمتى بالضبط
لأن أنا شخصيا مش عارف عقدي ها يخلص إمتى
-
ملحوظة أخرى
إلى جانب أن القرارات الجديدة ستكون بمثابة إنتكاسة للمدونين والصحفيين ومحبي الأفلام والألعاب وكل من يتعامل في أحجام ملفات كبيرة
فهو أيضا إنتكاسة لمطوري المواقع
ولسوق تطوير المواقع في مصر
لأن المعلنين وأصحاب المواقع سيكون من مصلحتهم تقليل كمية الجرافيك والفلاش في مواقعهم حتى يقبل الزوار عليها
وبالتالي سيجبر مطوري المواقع على تحجيم مواهبهم وعدم تطويرها في مجال تطوير المواقع
وسيؤثر ايضا على تامين المواقع وعمل باك آب لها وتحميل الأبديت
لأن كل ما سبق يستهلك باندويدث ليس بالهين
-
وتحجيم الإنترنت في مصر
في جريدة الحياة اللندنية

إضغط هنا

Thursday, 26 July 2007

تسجيل حلقة العاشرة مساء مع وائل عباس

تسجيل حلقة العاشرة مساء مع وائل عباس

بناء على الطلب المستمر والملح للجماهير بنشر الحلقة
لا يسعنا إلا تلبية رغبة الجماهير
كان ضيوف الحلقة الشاعر سيد حجاب والمدون البراء أشرف والعبد لله
وموضوع الحلقة كان 23 يوليو 1952
الصراحة أنا كنت رايح الحلقة سانن السكاكين ومحضر نفسي
بس فوجئت بإن الشاعر سيد حجاب راجل طيب جدا وذوق وماكانشي ها ينفع أعمل معاه الليلة دي
طبعا الناس كانت متوقعة مجزرة حية على الهواء مباشرة
وكراسي وجزم بتطير من شاشة التلفزيون
الحقيقة السيناريو ده كان ممكن يحصل لو كان الضيف حد من الناصريين ضعاف العقل والحجة طويلي اللسان
وده اللي منى الشاذلي قالتهولي بعد الحلقة
فيه ناس رأيها إن سيد حجاب أكل الجو وأعطي فرصة اكبر للكلام
وفيه ناس رأيها إن إحنا اللي كلناه
أسيبكم تتفرجوا على الحلقة
الجزء الأول

إضغط هنا
-
الجزء الثاني

إضغط هنا
-
الجزء الثالث

إضغط هنا
-
الجزء الرابع

إضغط هنا
-
الجزء الخامس

إضغط هنا
-
الجزء السادس

إضغط هنا
-
الجزء السابع

إضغط هنا
-
الجزء الثامن

إضغط هنا
-
الجزء التاسع

إضغط هنا

Wednesday, 25 July 2007

رسالة للوعي المصري تكشف سر تحجيم الإنترنت

رسالة للوعي المصري تكشف سر تحجيم الإنترنت
أمن الدولة وليس الإتصالات وراء الموضوع

وصلتني هذه الرسالة من مجهول يقول بقرابته من وزارة الاتصالات ويروي أحداث إن صحت فهي كارثة بكل معنى الكلمة
وإليكم نص الرسالة التي وصلتني


استاذ وائل أولا أنا معجب بشغلك ومتابعه بشكل دورى ثانيا أنا هنا هاطرح أمر مهم المسألة لا هى مسئولية المهندس عمرو بدوى ده زى ما بيقولو عبد المأمور وأجزم أنه لا يفهم نصف ما قال هو يأخذ التعليمات وينفذ وليس له رأى فى المسألة، أما المهندس طارق كامل فالأمر بصراحة معقد بالنسبة له وأزعم أنه يقف فى صف تحرير الاتصالات ورفع اشكال الرقابة لكنه لا يستطيع الخروج على النظام هو فى النهاية واحد من خدامه وإن كان يريد فعلا الاصلاح واقول ذلك بحكم قربى منه وقرار تعديل خدمات الاتصال بالانترنت بشكله الراهن بعيد عما أراد لكنه اضطر لاصداره ما سأقوله هو الحقيقة وإن نفوها لكن الأمر تجاوز اسرار العمل والحرص عليها إلى الاضرار بهذا البلد والعبث بمستقبله وفرض التخلف عليه بدعاوى الخوف على أمنه ذاته الحكاية تبدأ منذ عدة أشهر فى اجتماع شبه سرى اتسم بالسخونة والحدة نظمته جهة سيادية عليا (الاسم الحركى لرئاسة الجمهورية كما نعلم جميعا) وأشرفت عليه جهة أمنية حساسة (الاسم الحركى للمخابرات ايضا) عقد فى مركز الدراسات الوطنية التابع للحزب الوطنى بمصر الجديدة فى إبريل الماضى (ولا أحد يفهم المنطق من اختيار هذا المكان الذى يقع ضمن نطاق حركة جمال مبارك اليومية وعلى الرغم من عدم حضوره كانت سلوكيات من حضرو تشى بأن ثمة من يراقب كانو يكلمون هذا المن يراقب اكثر مما كانو يكلمون بعضهم) السبب الذى ادركته من الاجتماع له علاقة بتنامى ظاهرة التدوين وبروز آثارها على المستويات الدولية والاقليمية والمحلية وتحول المدونون لصناع أخبار من المقام الأول تتهافت عليهم الصحف ومحطات الاخبار العالمية، وصاروا يزعجون السلطان فى نومته الهادئة بشرم الشيخ، فى الاجتماع الذى حضرته لسبب تقنى بحت التقى بشكل أساسى كبار المسئولين فى ثلاثة جهات هى مباحث أمن الدولة ووزارة الاتصالات والشركة المصرية للاتصالات مع وجود ممثلين لوزير الداخلية (المفتش العام رئيس مباحث القاهرة) وإدارة التفتيش القضائى بوزارة العدل، وعرضت ورقة عمل أثارت مزيد من الجدل قدمها إثنان من الضباط العاملين بمباحث أمن الدولة عن الاستخدام السياسى لشبكة المعلومات الدولية هكذا كان عنوان الورقة، وطرح الضابطان باختصار رؤية مؤداها أنه ليس دور الداخلية أو مباحث أمن الدولة وحدهما ملاحقة عناصر الاشتباه السياسى الاليكترونيين (هذا ما اطلقوه على المدونين) وأكدوا على قيام الوزارة بمحاولة التنسيق مع كلا من شركة الاتصالات ووزارة الاتصالات ومزودى الخدمة وقدمت قائمة بخطوات يجب اتخاذها من قبل هذه الجهات للحد من تنامى عناصر الاشتباه السياسى وحرية عملها على الشبكة الدولية للمعلومات لكن تملصت تلك الجهات من المسئولية رغم وعودها باتمام هذه الاجراءات، وقدموا خريطة احصائية تفصل الاتجاهات السياسية الموجودة على الشبكة وتصنيفها من حيث الخطورة واسماء العناصر القيادية فيها، مع طرح بعض المعلومات عن الصلات الدولية لبعض العناصر وجهات تمويلها، وكان على الرأس من هذه القائمة من نسميهم المدونون. وطرحت فى نهاية الورقة عدة توصيات للحد من الظاهرة أهمها أن تستجيب جهات تقديم الخدمة لمطالب أمن الدولة، وأن تقدم المعلومات والبيانات المطلوبة فى حينه مع السماح بوجود عناصر أمنية ضمن منظومة عملها لتسهيل الاتصال وتبادل المعلومات والأهم القيام بعمليات التدخل الاليكترونى وإعادة النظر فى شروط تقديم الخدمات الجماهيرية للاتصال لضبط فضاء الاتصال والحد من قدرة العناصر المشبوهة على العمل من داخل الدولة. قام وزير الاتصالات طارق كامل بنفسه بتفنيد الدعاوى التى أطلقتها ورقة العمل، واتهم مباحث أمن الدولة بالعمل على إضعاف سوق الاتصالات المتنامى لمجرد مخاوف لا ترقى للتهديدات التى تبرر تحجيم هذا النمو، الذى يعتبره طارق بحسب ما سمعت منه اكثر من مرة انجازا شخصيا له سيذكره التاريخ وسيغير وجه مصر، وقد حاول رئيس مباحث أمن الدولة أن يفهمه أن تقدير المخاطر هو عملهم الاصيل وليس عمل وزارة الاتصالات فاستشاط طارق كامل غضبا وبدأ فى توجيه النقد الحاد للرجل وسط ذهول الموجودين الذين تهامسوا عن أنه ما كان يجرؤ على فعل ذلك لولا صلته القوية بجمال مبارك، ونفى طارق عدم تجاوب وزارته مع مباحث أمن الدولة لكنه أكد على أن الجهاز فى ذات الوقت لا يمتلك رؤية واضحة ولم يقدم استراتيجية مقترحه ليناقشها مع الوزارة وجهات تزيود الخدمات الاليكترونية وكل ما كان يتلقاه موظفوه هو أوامر من ضباط كانت ترد فى النهاية إليه شخصيا وكان يؤشر فى بعض الاحيان بالاستجابة للمعقول منها ويؤشر بعدم الاستجابة والتسويف على بعضها، وأشار إلى تورط أحد الضباط فى حملة تشويه سمعه نشبت بين شركتين ومحاولته باسم جهاز مباحث أمن الدولة اقناعنا باتخاذ اجراءات ضد الشركة، وهو ما رفضناه ورفعنا بشأنه تقريرا لأمن الدولة التى لم ترد حتى حينه. ورد هازئا من النقد الوارد بالورقة حول تعثر التعاون بين وزارته والمباحث العامة وأمن الدولة قائلا أن الإمكانيات الجبارة التى تملكها هذه الأجهزة غير متاحة لدية وتعجب من محاولتهم نقل مسئولية الرقابة الاليكترونية إلى مؤسسته ولمز بضآلة قدرة أفراد هذه الأجهزة الامنية على ملاحقة النشطين، وقال طالما أنه وزير فلن يسمح بتحول وزارته لفرع من فروع المباحث لأنه ببساطة يفتقر لإمكانياتهم ولم يشارك فى وضع استراتيجية امن اليكترونى منبها لورقة عمل اخرى طرحت على جهة سيادية ولم يدع لمناقشتها رغم اتصالها مباشرة بعمل مؤسسته وقال باللفظ هذه عشوائية واصفا عمل كهذا بأنه يؤدى فى النهاية لوضع أمن مصر على المحك. وضرب مثالا بمحاولة مباحث الاتصالات تحجيم ظاهرة شبكات اعادة توزيع خطوط الدى إس إل التى يمر من خلالها حسب الإحصاء الذى قامت به الوزارة أكثر من ثمانين بالمئة من تدفقات البيانات عبر الشبكة، وهى جهة تابعة للداخلية وتنسق مع الوزارة، وانتهى الامر بفشلها بسبب تواطوء المباحث العامة فى الأقسام وأفراد أمن الدولة، وقال بكل الصراحة إنهم يلقون الرشاوى ويمتلوكن العديد من هذه الشبكات، وقال إنهم يعملون ضد أنفسهم، فلا مجال هنا لاتهام الاتصالات بالمسئولية. حاول ممثل الجهة السيادية تلطيف الأجواء بين الوزير ورئيس مباحث أمن الدولة الذى بدأ فى التململ وحرص على إشعار الوزير بأنه غير منتبه لكلماته مما ازاد طارق حدة وتوترا، وذكرهم ممثل الجهة السيادية بتوجيهات القيادة العليا بضرورة العمل على حل المشكلة وإيجاد آليات تنسيق أكثر فاعلية. وطرح ممثل الجهة الأمنية الحساسة إنشاء فريق عمل خاص يعمل كمجموعة تنسيق يتولى كل ما من شأنه تأمين الاتصالات عبر الشبكة، وطلب طارق الكلمة وشكر المتحدثين، وأعلن عن تقبله لاقتراح الجهة الامنية الحساسة بشرطين الأول ألا يحجم هذا من نمو قطاع الاتصالات وأشار بتقرير سلمه بيده لممثل الجهة السيادية حول التنامى السريع للقطاع والآثار الاقتصادية المترتبه على ذلك على مجمل اقتصاد الدولة وسلم ورقة عمل معدة مسبقا عن الاثر الاقتصادى لوقف التقدم فى بعض نواحى القطاع كالاتصالات الجيل الثالث والتشبيك الرخيص والانترنت فائق السرعة أما الشرط الثانى فهو أن تكون مخاطبات أفراد جهاز أمن الدولة لأجهزة وزارة الاتصالات رسمية (ِأشار متهكما إلى أنه من بين ثمانمئة طلب له علاقة بالأمن كان هناك ستمئة وثلاثة عشر طلبا من أمن الدولة خمسة وتسعون فى المئة منها جرت عبر اتصال هاتفى وبلغة مبهمة) وتقتصر على موضوعات محددة وفق اجراءات يتفق عليها وليست بصورة عشوائية تثير اللبس واحيانا الشبهة. وأكد طارق كامل أن السرية فى هذا الأمر مهمة فسمعة الجهات المقدمة للاتصال هى أغلى استثماراتها ولا يضرها شئ بقدر أن يقال انها لا تحافظ على سرية الاتصالات المنقولة عبر بنيتها الاليكترونية ومرافقها. وذكر بأن هذا الحرص على ضمان السرية يشمل الشركات والافراد وطالب أن يضم للجنة عنصر قانونى وقضائى حتى لا تتعرض مؤسسته لمشكلات ومنازعات من أى نوع بسبب هذا التعاون على أن يرأسها شخص من خارج الداخلية والاتصالات وهو طلب ذكى يجعل الأمر يقع فى سلطة الرئاسة أو المخابرات بما يحجم قدرة أمن الدولة على الحركة. ووافق ممثل الجهة السيادية على هذا الطلب وسط صمت مطبق من ممثلى أمن الدولة واجتمعت اللجنة وللأسف مالت لمطالب أمن الدولة ومنها تحجيم حجم التحميل الشهرى وعلى فكره كان حد اتنين جيجا هو حد التحميل اليومى باعتباره يقارب المستويات فى الدول المتقدمة وبسعر منافس عالميا الذى اقترحناه وليس الشهرى الذى صعقنا عندما قررته اللجنة وفرضته علينا وصعقت معه شركات تزويد الخدمة بصراحة لا أظن أن حملتكم ستسفر عن شئ ولا أظن أن الأمن سيفهم مقتضيات النمو الاقتصادى فى عصر التكنولوجيا مهما كتبنا فيها ن أوراق وأعلم أن الكبار لا يسمعون كلام مهندسى الاتصالات بل يسمعون كلام الضباط دعنى أهمس فى أذنك أفكر بالرحيل جديا من مصر أنا وعدد من الزملاء من شباب الوزارة إنهم يهدمون أحلامنا ويحولوننا لمخبرين تافهين دبى فى انتظارنا يا صديقى وبعرض مغرى وهاهنا يقهروننا ترى ماذا نفعل

Saturday, 21 July 2007

قلوط إضافي بمية وخمسين قرش

قلوط إضافي بمية وخمسين قرش

عاجل
مصلحة المجاري تحدد مقادير الإتصال بشبكة المجاري أسوة بجهاز الإتصالات
عفوا على اللغة المستخدمة في هذا البوست
لكن إذا سكتم فلن يكون أي مما ورد في هذا البوست مستغربا بعد اليوم
قررت مصلحة المجاري بداية من شهر سبتمبر القادم تخفيض أسعار خدمة المجاري إلى النصف
على ان لا يتجاوز معدل إستخدام الحمام إتنين كيلو براز صلب وخمسة كيلو بول سائل شهريا
وسيحاسب المشترك على كل كيلو براز إضافي بمعدل عشرة جنيهات
وهناك عرض آخر يسمح بتنزيل 60 خرية في الشهر
بمعدل خريتين في اليوم
ومن يريد إنزال قلوط إضافي سيكون عليه أن يدفع 150 قرشا للقلوط
وقال مدير المصلحة أن هذا القرار جاء بناء على نبض جيص الشارع
ومحدش أحسن من حد

تسقط الناترا

يسقط بدوي
يسقط كامل
لا للنصب على مستخدمي الإنترنت
لا للإنترنت محدود الباندويدث
لا للإنترنت المحدود الساعات
لا للإنترنت المراقب
لا لتقييد الإتصالات
شركات الإنترنت باعت لنا سرعات وهمية لسنوات
وسكتنا
والآن سيبيعونا الهوا في قزايز
الوزير دشن كابل فالكون العام الماضي في السويس والمفروض أن يخفض الأسعار للنصف بدون شروط
كيف يزعم الوزير أنه يشجع خدمات ال Video Conference و ال VOIP بعد الآن
الوزير يقارن أسعار الدي إس إل بالدايال آب في أول سابقة من نوعها في العالم ما يعملهاش عبيط
ويقسم السعر على ستين ساعة
رغم أن شهور ربنا فيها 720 ساعة !!!
مافيش دولة محترمة تعمل DSL بالساعة
أجهزة DSLAM إنخفضت أسعارها حول العالم
وتعطى لمصر مجانا على هيئة منح
في النظام القديم كان ممكن تستهلك 80 جيجا في الشهر
يعني في النظام القديم
80 جيجا = 95 جنيه
لكن في النظام الجديد
80 جيجا = 1800 جنيه
يبقى الأسعار بقت نار مش إنخفضت

تحديث
بدوي بتاع الجهاز إياه بيقول مافيش تحديد للساعات وده متروك للشركات بينها وبين المواطن لكن التحديد هو للباندويدث فقط
حد والنبي يسقفله علشان جاب التايهة
بالمناسبة 2 جيجا ممكن يخلصوا في 7 ساعات فقط
أما وزير الاتصالات بسلامته فبيقول أن التعديلات جاءت بناء على نبض الشارع
واحب أقول له إنت راجل أصلا بتاكل في أته محلولة
مكتب مكيف وعربية مكيفة وحراسة بتجيبك من بيتكم وبتوقفلك الشارع
حا تحس بنبض الشارع منين
إنت راجل مش بتشوف تحت رجليك أصلا
وعمرو بدوي بيه بيقول
أن الزيادة عن هذا المعدل تحدث عند تحميل أفلام أو موسيقى أو أغانى وهو ما يستوجب دفع المقابل عن هذه الخدمة مشيرا إلى أن الهدف من الانترنت هو إتاحة المعلومات والاستفادة منها وليس مجرد تحميل الأفلام
طب والله عال
بفلوسنا وكمان مش عاجبهم
ده إيه البجاحة دي
طب وإنت مال طنط لا مؤاخذة ينزلوا بيها العاب ولا افلام
لاهو عيب ولا هو حرام
اومال هما مشتركين في الانترنت ليه اصلا وبيدفعوا دم قلبهم
وبعدين دلوقت في قنوات واذاعات بتبث على الانترنت وفيه مواقع بتعمل ستريم للفيديو اونلاين زي يوتيوب
التعديلات الجديدة ستحجم كل هذا
هذه فاشية
ده لو هتلر عايش كان صحى موسوليني وسقفولك لانك غلبتهم في كيف تكون الفاشية
هو إنت بقى ها تربينا وتعلمنا الادب وتعلمنا نستعمل الانترنت في ايه وما نستعملهوش في ايه
والله ان هذا الا جزء من تقييد الحريات والديكتاتورية في مصر
الا يكفي الناس ما هم فيه من خنقة وقلة مرتبات وقلة رعاية صحية وقلة مواصلات
هو ليه كل واحد فاشي ابن قحبة من بتوع الليبرالية الجديدة ولجنة السياسات ورجالة جمال مبارك مش بيفكر غير في انه يمد ايده في جيوب الناس ومحدش بيفكر في زيادة دخل الناس
كل المصالح الحكومية عمالة تتملي عيال صغيرة خولات الواحد منهم غر معندوش خبرة غير انه من رجالة جمال مبارك ويبعبص في الجهاز أو الهيئة أو المصلحة اللي هو فيها وتسال الواحد منهم تلاقيه نائب رئيس هيئة وهو دخيل عليها وسنه ما ينفعش يمسك منصب زي ده وبياخدوا مرتبات نظام أمريكاني مش نظام مصري يعني بياخدوا الوف مؤلفة في بلد جعان
-

-
الإنترنت والمدونين والرقابة
ما خفي حول تعديلات أسعار النت الأخيرة
ما خفي من التعديلات الجديدة لأسعار الإنترنت هو أنه سيؤثر على المدونين تحديدا ممن يحتاجون لرفع كميات كبيرة من الصور وملفات الفيديو لان ما سيتاح لهم من باندويدث لن يكفي حتى يومين فقط من الشهر
الخطر الأكبر هو أن هذه التعديلات ستتطلب تعديلات تقنية ستكرس لإستخدام البروكسي سيرفر حيث أنه الطريقة الوحيدة لتحديد ما يسمى ب كوتا لكل مشترك من كمية الداونلود وما ناحية أخرى فالبروكسي يسهل جدا عملية الرقابة على ما يفعله المستخدم ويسهل حجب المواقع
كما أن هذه التعديلات ستؤثر على كل مهتم بالإعلام سواء من صحف وصحفيين واذاعيين ومحطات فضائية تنشر الصور والفيديوهات على الانترنت او تنقل كميات كبيرة منها الى المطابع او بين فروعها وعلى حتى المواطن العادي المهتم بمطالعة تلك المواقع
مما يعني أن الصحافة أيضا مضرورة ولا يجب أن تسكت
-
إنت بتفهم يا وزير الإتصالات
الانترنت عالي السرعة المفتوح أربعة وعشرين ساعة ماذا كان الغرض من اختراعه اساسا
الغرض من السرعة هو ليس مجرد السرعة !!!
السرعة ميزتها انزال الملفات الكبيرة في اسرع وقت
كما ان الغرض منه هو نشر ثقافة الاستريم اونلاين
اي مشاهدة التلفزة والفيديو على الانترنت
دلوقتي انت بتعمل ايه يا وزير؟؟؟
انت بتفهم ؟؟؟
خالص ؟؟؟
مرحبا بك في موسوعة جينيس بجد
لأن اللي انت بتعمله ما اتعملش في بلاد تركب النسانيس
-
نكته طلعت في الأزمة على عمرو بدوي
بعد أن عشنا عصر الديال آب
وعصر الدي إس إل
الآن جاء الوقت ...
لعصر الانترنت
البدوي

Sunday, 15 July 2007

وائل عباس بتاع الإخوان المسلمين

 وائل عباس بتاع الإخوان المسلمين

طب قل لي الحاجات دي اتنشرت أو اتسربت ازاي من وجهة نظرك لحد ما غرقت الإنترنت ووصلت لناس كتير.. ده فيه مثلاً موقع الوعي المصري بتاع "وائل عباس" كان بينفرد كل يوم تقريباً بكليب تعذيب وخبايا جديدة أو فضيحة جديدة للداخلية.
عشان بتاع الإخوان المسلمين..

مين ده اللي بتاع الإخوان المسلمين؟
موقع الوعي المصري..

بس "وائل عباس" على ما أعتقد ضد الإخوان فازاي تقول انه معاهم؟
بص.. أنا لا أبرئ أي شخص يشوه صورة بلده على الإطلاق مهما كانت دوافعه.. أكيد مش مصري 100 في الـ100.. انقد بلدك زي ما إنت عاوز لكن ماتشتمش بلدك. ماتحاولش تخلي بلدك قدام العالم كله إنها بلد الدعارة والتحرش الجنسي. ماباقولش إن احنا في دولة ماحصلتش لكن عيب لما تشوه سمعة بلدك..

يعني أنا لو مكان "وائل عباس" كصحفي وفي إيدي كليبات زي دي مانشرهاش ولا اتكلم عنها؟
لأ.. انشرها..

أمال بتتكلم عن إيه؟.. عن التناول؟
بالظبط.. هم اللي عملوا موضوع التحرش الجنسي دول عملوه ليه، ما العائد عليهم من ذلك؟ هل استفادوا شيء ولاّ أظهروا بلدنا بصورة سيئة؟

أمال كانوا يتناولوا الموضوع ازاي من وجهة نظرك؟
هذا الموضوع هل فعلاً حصل فيه وقائع ولاّ ماحصلش.. كام واقعة.. واحد ولاّ اتنين.. مايبقاش ترويج لأن ده بيحصل بصورة كبيرة، لكن الصورة التي قدمت كانت ضد بلدنا وأثرت علينا والناس المصريين المتغربين في الخارج بقى منظرهم وحش في الدول اللي هم فيها بسبب واقعة زي كده. عشان كده مثلاً ماتلاقيش في الأهرام خبر عن قضية آداب، وليس معنى هذا إن مافيش قضايا آداب.. لا فيه.. بس هاستفيد إيه بنشرها لما آخرين يكبروها ويقولوا نقلاً عن الأهرام ويضروا سمعة البلد بيها.

ده جزء من حوار طريف جدا أجراه موقع بص وطل مع الصحفي الجهبذ أحمد موسى
وزي مانتوا شايفين لما وائل عباس ما طلعش من الاخوان ما عرفش يرد وقال ان وائل عباس مش مصري 100%
أهو أي تخبيط في خلق الله والسلام
طب يا أستاذ أحمد يا موسى
مش عيب على إعلامي مخضرم زي سيادتك كشف تنظيم ثورة مصر الوحشين يقول كلام إعلامي أهبل زي ده
فيه حاجة إسمها المصريين بقى منظرهم وحش بره وفيه حاجة إسمها سمعة البلد
ماهو سمعة البلد دي برضه اللي انتم - على اعتبار انك منهم وفخور بذلك - بتعملوا بيها اعلانات ترويج للسياحة على انها شوية رقاصات ونسوان بالمايوهات على ان هي دي مصر فاتحة رجليها قصدي دراعاتها للفلوس الخليجي
انت سعادتك طبعا مصري متأصل 100% لانك قاعد في مكتب مكيف وبتشتغل في مليون حته أوربت والأهرام وهلم جر ومنهم جهاز الأمن وبتاخد على قلبك قد كده ربنا يزيد ويبارك وتلاقيك راكب عربية سبعة متر ومش حاسس ببقية الناس ولو عندك بنت اكيد مش ها تروح سينما مترو بتاعة الغلابة علشان يتحرشوا بيها الصيع ولو ابنك مسكوه بيحشش أكيد مش ها يحطوله العصاية في اللامؤاخذة إسم الله على مقامك
علشان تكمل ضحك إضغط هنا

Friday, 13 July 2007

تأجيل نشر خبر الجائزة

تأجيل نشر خبر الجائزة
قررت جريدة الوعي المصري الإلكترونية تأجيل نشر خبر الجائزة حتى يتم الإعلان رسميا عن الفائزين

Friday, 06 July 2007

تأجيل محاكمة الظابط الفرفور دلوعة الداخلية

 تأجيل محاكمة الظابط الفرفور دلوعة الداخلية

حضرت مع مجموعة من المدونين المهتمين جلسة الرابع من يوليو لمحاكمة الضابط الفرفور دلوعة الداخلية اللي عنده ميول شاذة إسلام نبيه ولم يكن أحد يتوقع الكثير من الجلسة بل أن بعضهم تمنى التاجيل لما بعد اجازة القضاء حتى يستمر حبس إسلام نبيه شهرين زيادة

ولو اني اشك في حكاية انه محبوس دي خصوصا ان الواد حالق شعره عند حلاق نضيف مش حلاق السجن وكل مرة بيجيبوله عساكر تقف قدامه علشان محدش يصوره في القفص
مش عارف امتى نخلص من التعريص بقى وتقطع يد فاطمة بنت محمد كما يعاقب غيرها

ولوحظ امتلاء كراسي المحكمة بالعساكر والضباط والمخبرين والشرطة السرية في ملابس مدنية لدرجة ان ما كانش فيه مكان اقعد انا وزميلتي الصحفية ماندي غير بين المخبرين فقررنا اننا ندردش بقى ونسمعهم من المنقي خيار لحد ما واحد من المخبرين قال ان موضوع التصوير بالفيديو ده بقى اي حد بيتبلى بيه على اي حد فقلتله لا وانت الصادق ده بقى بيثبت اللي ما كانش حد بيقدر يثبته وختمت كلامي بدعوة ربنا يخلصنا من الظلمة فقطم وبطل يتكلم خالص

كل المحكمة شرطة
وكالعادة حضر الظابط المتعاطف اللي كان بيضرب البياعين في ميدان الجيزة اللي قلتلكم عليه قبل كده اما الضابط الناجي من الحكم في كليب القفا بتاع امبابة فمن ساعة ما نشرت صورته وهو بطل ييجي
يعني فيه ناس صدغة وبجحة وفيه ناس بتتكسف على دمها

اللي على شمال الصورة ده اخو اسلام نبيه حتى نفس القفا
المهم بدأت مرافعات الدفاع وكالعادة الدفاع نسي المتهم زي كل مرة وافتكر ان المحاكمة دي هي محاكمة منظمات حقوق الانسان وابتدى يرغي بقى ويشتم كالعادة ويشتم في جريدة الفجر وفي الامم المتحدة اللي بتعتمد تقاريرهم ويتهمهم بالتعاون معها مع ان مصر عضوة في الامم المتحدة فقررت اخدلي تعسيلة كده طالما العملية ها تبقى ملل زي كل مرة
وإذ أستفوجأ وانا نايم بان المحامي قال ايه بيقول وائل عباس !!!
وائل عباس مين فين ليه ازاي !!!
اتاريه يظهر حد فطمه على الليلة ودخله على النت وقال له هما دول العيال الخولات بتوع الانترنت - على رأي أحمد فؤاد نجم - اللي نشروا الفيديو وخدته منهم جريدة الفجر فقالك تعالى نشوط فيهم بالمرة
قوم سيادة البيه الافوكاتو بيقولك
طالعت موقعا من المواقع التي تسمي نفسها بمواقع حقوق الانسان أو مواقع مش عارف ايه للاستاذ وائل عباس - اسمها مدونة يا متعلم يا متنور - باعت استغاثة للامم المتحدة بيقولها من فضلكم شكلوا لجنة تحقيق في مصرع الزعيم الخالد - مش ده عبد الناصر باين - أنور السادات على غرار ونسق الحريري رحمة الله عليه رئيس وزراء لبنان يعني بيدعو الامم المتحدة ان تتدخل - شفتوا تتدخل دي جامدة قوي - في قضاء مصر وبيهدر - شفتوا بيهدر دي بقى مش بالذمة أجمد من تتدخل - ما انتهت اليه تحقيقات مصر ويحرض - أيوة يحرض ماهو مش جديدة عليا كل تقارير أمن الدولة بتقول عليا محرض - دول العالم علينا - دي بقى جديدة يعني الأول كنت باحرض شوية مدونين على ما قسم دلوقتي بقيت باحرض دول العالم بحالها والله واترقيت يابو وائل - هذه كما قال الاستاذ عادل عبد الحي هي ليست قضية عماد - والله فعلا انت لحد دلوقت ما اتكلمتش لا عن عماد ولا عن اسلام وقاعد تفعص في كلام مالوش اي علاقة بالقضية أساسا ومش عارف القاضي ما سكتكش ليه من بدري - هي قضية بتر يد الأمن في مصر - يا بتاع الأمن إنت يا حلو - وقضية تجعل من الأمن خائفا مرتعدا مذعورا - آه صح حتى بالأمارة هما عملوا حريمات علشان يهددوني - والدليل قدمته اليكم

إضغط هنا لمشاهدة الفيديو

الفيديو من تصوير نوارة نجم
الى هنا انتهى ما قاله العالم العلامة والجهبذ الفهامة فحل فحول المحاماة في بر مصر المحروسة والكلام الأحمر ده كان تعليقي أنا
أومال يا باشا لو كنت قريت مقالي في الواشنطون بوست وأنا باحرض أمريكا تقطع المعونة عن مصر ويصادف بعدها بكام يوم انهم فعلا يسمعوا كلامي ويقصوا من المعونة ميتين مليون دولار ودي كمان أمريكا القوة العظمى محطمة الأمم بقى بيحرضها العبد لله وهو قاعد بالفانلة والكلوت على الكمبيوتر في بيتهم
ده أنا سري باتع بقى يا عيال ومش محتاج امم متحدة ولا دياولو ده حتى الامم المتحدة بقت شرابة خرج
والمحامي قال لك كده من هنا ولقيتلك البت نوارة بنت عم أحمد فؤاد نجم مفحومة من العياط
إيه يا بنتي أومال لو كانوا بيحكموا عليا بالاعدام كنتي عملتي ايه
وقدم المحامي الجهبذ عدة أدلة جديدة للمحكمة أثارت إستغراب الصحفيين والمراسلين وممثلي منظمات حقوق الإنسان ليس لأن المحامي قدمها وهو محامي نتوقع منه العجب العجاب ولكن الإستغراب كان لأن القاضي قبلها وهي أدلة لا علاقة لها بالقضية من قريب أو من بعيد
مثل شريط فيديو لقناة أوربت قدمه له صديقة وصديق الأمن موسى بيه لخناقة في موقف بولاق الدكرور ليس لعماد الكبير اي علاقة بها ليثبت ان عماد الكبير بلطجي وده برضه لا علاقة له بالقضية وعلى فكرة كثير من مصوري الفضائيات قالولنا ان حد اتصل بيهم يروحوا يصوروا الخناقة ما راحوش الا قناة اوربت وموسى بيه بتاع الشريط
وزي ما نوارة حذرت من قبل من الموضوع ده فيبدوا ان النية كانت مبيته للنيل من عماد الكبير لان ايه يخلي حد يتصل بالفضائيات علشان تروح تصور خناقة في موقف بولاق الدكرور بتحصل كل يوم من مليون سنة وماهياش حرب العراق يعني الا اذا كان العملية فيها موسى - قصدي فيها إنة
كما قدم المحامي الجهبذ عدد من جريدة الفجر قال ايه طلع قبل ميعاده بيومين
وقدم صورة من الوعي المصري تثبت أن وائل عباس عايز يبتر ويروع ويخوف ويرعد ويذعر الامن لانه بيطالب بلجنة تحقيق في مقتل السادات وفات المحامي الجهبذ اني فقط حاطط لينك لموقع والتماس عاملينه ناس تانية ومش انا اللي عامله اصلا ولا انا اللي مقدم الالتماس ده للامم المتحدة من اساسه
انا بس باقول قالوله ولا هو قالوله دي بقت عيب
وكما رأيتم فإن تلك الأدلة لا علاقة لها بواقعة تعذيب عماد من قريب ولا من بعيد ولا تبريء ساحة المجرم إسلام نبيه ومن هنا كان إستغراب وإستنكار قبول القاضي بها كأدلة
وفي النهاية طلبت النيابة التاجيل للاطلاع على الادلة الجديدة وتاجلت المحاكمة حتى الثاني من سبتمبر القادم
-
ركن الكاريكاتير
تعذيب في تعذيب


















Saturday, 30 June 2007

وظيفة إيه اللي تقلب الرجالة حريمات

وظيفة إيه اللي تقلب الرجالة حريمات

مجدد - الملفات الصوتية بأسفل
English explanation available at end of page
محاولة جديدة للتشهير بالعبد لله قام بها ضباط ذوي ميول جنسية مشكوك فيها عن طريق الانترنت وذلك عن طريق اقدم لعبة بيعملوها الشواذ الخلايجة وهي انتحال شخصية بنت بس هما ما يعرفوش ان البنات مش بتندلق كده على طول فما لعبوهاش صح
بس غلابة نلتمسلهم العذر لانهم قعدوا اربع سنين في الاكاديمية ما بيشوفوش حريم وما يعرفوش الحريم بتتصرف ازاي
ومعذرة على كلمة حريم للأخوة النسويات
عموما اضحكوا معايا على السيناريو
المفروض يعني ايه انهم كانوا عاوزين يثبتوا ان اللي بيتكلم عن التحرش الجنسي هو نفسه بيتحرش بالبنات مع ان المفروض اللي بيتحرش هو اللي بيبتدي لكن لما واحدة هي من نفسها تقولك تعالى يبقى هي اللي بتتحرش بيك يا أغبيا
الملفات الصوتية هي بعد ما انكشف الملعوب وكلموني بصوتهم بقى وابتدوا يهددوني بالتشهير بيا وبتلفيق قضايا سلاح وقضايا تخابر مع اسرائيل ويحاولوا يستدرجوني في الكلام عن مبارك وجمال مبارك وكان عندهم تليفون بيرن ترنك كل ما يرن يقفلوا الصوت ويرجعوا تاني وكانوا ها يموتوا وأكلمها بالمايك مش عارف ليه
بالأعلى صورة البنت الغلبانة اللي كانوا مستخدمينها تمويه

كلاكيت أول مرة

هجرتك يمكن انسى هواك zaman (11/06/28 12:51:22 Õ): مساء الخير
هجرتك يمكن انسى هواك zaman (11/06/28 12:52:01 Õ): ازيك يا استاذ وائل
هجرتك يمكن انسى هواك zaman (11/06/28 12:52:09 Õ): انا مدام نورا من اليكس
Wael Abbas (11/06/28 12:52:34 Õ): hi
هجرتك يمكن انسى هواك zaman (11/06/28 12:52:45 Õ): اخيرا افتكرت
Wael Abbas (11/06/28 12:52:55 Õ): lol
هجرتك يمكن انسى هواك zaman (11/06/28 12:53:02 Õ): ههههههه
هجرتك يمكن انسى هواك zaman (11/06/28 12:53:09 Õ): ميرسى
هجرتك يمكن انسى هواك zaman (11/06/28 12:53:22 Õ): انا معجبة جدا بكتابات حضرتك
Wael Abbas (11/06/28 12:54:05 Õ): el 3afw
هجرتك يمكن انسى هواك zaman (11/06/28 12:54:30 Õ): خاصة موضوع التحرشات ده
هجرتك يمكن انسى هواك zaman (11/06/28 12:54:34 Õ): موضوع خطير
Wael Abbas (11/06/28 12:54:34 Õ): e7na etkallemna abl kida ?
هجرتك يمكن انسى هواك zaman (11/06/28 12:54:45 Õ): تقريبا
هجرتك يمكن انسى هواك zaman (11/06/28 12:54:50 Õ): بس انت مش رديت
Wael Abbas (11/06/28 12:55:03 Õ): اه
هجرتك يمكن انسى هواك zaman (11/06/28 12:55:03 Õ): غير السلام بس ويعد كدة سكت
Wael Abbas (11/06/28 12:55:05 Õ): معلش
هجرتك يمكن انسى هواك zaman (11/06/28 12:55:16 Õ): اوكى ولا يهمك
هجرتك يمكن انسى هواك zaman (11/06/28 12:55:42 Õ): هو حضرتك متجوز او مرتبط
Wael Abbas (11/06/28 12:55:50 Õ): لا
Wael Abbas (11/06/28 12:55:53 Õ): ليه ؟
هجرتك يمكن انسى هواك zaman (11/06/28 12:56:07 Õ): لا ابدا مجرد سؤال
هجرتك يمكن انسى هواك zaman (11/06/28 12:56:15 Õ): بصراحة اى وحدة تتمناك
Wael Abbas (11/06/28 12:56:34 Õ): ميرسي
Wael Abbas (11/06/28 12:56:46 Õ): ده بس من ذوقك
هجرتك يمكن انسى هواك zaman (11/06/28 12:56:49 Õ): no at all
هجرتك يمكن انسى هواك zaman (11/06/28 12:57:27 Õ): اوكى يا استاذ وائل ممكن نتكلم وقت تانى بليز
Wael Abbas (11/06/28 12:57:55 Õ): اوكيه
Wael Abbas (11/06/28 12:57:58 Õ): زي ما تحبي
Wael Abbas (11/06/28 12:58:12 Õ): بس انا مش موجود على طول للاسف
هجرتك يمكن انسى هواك zaman (11/06/28 12:58:32 Õ): يا ريت الفرصة تسمح عن قريب
هجرتك يمكن انسى هواك zaman (11/06/28 12:58:43 Õ): ميرسى جدا باى باى
Wael Abbas (11/06/28 12:59:00 Õ): باي

كلاكيت ثاني مرة

هجرتك يمكن انسى هواك zaman (15/06/28 03:56:20 ã): هاى
هجرتك يمكن انسى هواك zaman (15/06/28 03:56:26 ã): ازيك يا وائل
Wael Abbas (15/06/28 03:56:43 ã): هاي
Wael Abbas (15/06/28 03:56:51 ã): مين معايا ؟
هجرتك يمكن انسى هواك zaman (15/06/28 03:56:57 ã): نسيتنى
هجرتك يمكن انسى هواك zaman (15/06/28 03:57:03 ã): انا مدام نورا
Wael Abbas (15/06/28 03:57:08 ã): اه
Wael Abbas (15/06/28 03:57:09 ã): اهلا
Wael Abbas (15/06/28 03:57:13 ã): ازيك
هجرتك يمكن انسى هواك zaman (15/06/28 03:57:20 ã): كويسة
هجرتك يمكن انسى هواك zaman (15/06/28 03:57:22 ã): وانت
Wael Abbas (15/06/28 03:57:44 ã): الحمد لله
Wael Abbas (15/06/28 03:57:47 ã): تمام
هجرتك يمكن انسى هواك zaman (15/06/28 03:58:05 ã): يا رب دايما
هجرتك يمكن انسى هواك zaman (15/06/28 03:59:57 ã): الحر عامل ايه معاك
Wael Abbas (15/06/28 04:00:01 ã): رهيب
هجرتك يمكن انسى هواك zaman (15/06/28 04:00:11 ã): ازاى يعنى
Wael Abbas (15/06/28 04:00:18 ã): ولا مروحة نافعة
Wael Abbas (15/06/28 04:00:26 ã): وحتى الدوش
Wael Abbas (15/06/28 04:00:31 ã): خمس دقايق اعرق تاني
هجرتك يمكن انسى هواك zaman (15/06/28 04:00:32 ã): هههههههههه
هجرتك يمكن انسى هواك zaman (15/06/28 04:00:40 ã): تعرف
هجرتك يمكن انسى هواك zaman (15/06/28 04:01:03 ã): برغم انى قاعدة فى المكيف بس سخنة على الاخر
Wael Abbas (15/06/28 04:01:16 ã): ليه كده
هجرتك يمكن انسى هواك zaman (15/06/28 04:01:22 ã): مش عارفة
Wael Abbas (15/06/28 04:01:31 ã): يمكن عيانة ؟
هجرتك يمكن انسى هواك zaman (15/06/28 04:01:35 ã): تفتكر ده يكون ايه
Wael Abbas (15/06/28 04:02:01 ã): قستي درجة حرارتك ؟
هجرتك يمكن انسى هواك zaman (15/06/28 04:02:08 ã): يمكن من الوحدة
Wael Abbas (15/06/28 04:02:15 ã): اه
Wael Abbas (15/06/28 04:02:18 ã): ممكن برضه
Wael Abbas (15/06/28 04:02:22 ã): هو جوزك فين ؟
هجرتك يمكن انسى هواك zaman (15/06/28 04:02:33 ã): ف ايطاليا
هجرتك يمكن انسى هواك zaman (15/06/28 04:05:26 ã): تفتكر ايه الحل
Wael Abbas (15/06/28 04:05:58 ã): اتفرجي على فيلم سخن
هجرتك يمكن انسى هواك zaman (15/06/28 04:06:11 ã): هههههههه اخص عليك يا وائل
هجرتك يمكن انسى هواك zaman (15/06/28 04:06:31 ã): لا بجد
هجرتك يمكن انسى هواك zaman (15/06/28 04:06:37 ã): هو الفيلم ينفع
هجرتك يمكن انسى هواك zaman (15/06/28 04:06:49 ã): ده هيتعبنى اكتر
هجرتك يمكن انسى هواك zaman (15/06/28 04:07:08 ã): طيب ايه رايك تيجى
Wael Abbas (15/06/28 04:07:31 ã): والله انا لو في اسكندرية كنت جيتلك على طول
Wael Abbas (15/06/28 04:07:34 ã): اتفرج معاكي يعني
هجرتك يمكن انسى هواك zaman (15/06/28 04:07:40 ã): ههههههه
Wael Abbas (15/06/28 04:07:45 ã): بس انا لسه راجع امبارح
هجرتك يمكن انسى هواك zaman (15/06/28 04:07:54 ã): وايه المشكلة
هجرتك يمكن انسى هواك zaman (15/06/28 04:07:59 ã): تعالى تانى
Wael Abbas (15/06/28 04:08:10 ã): والله ممكن
Wael Abbas (15/06/28 04:08:12 ã): ليه لا
Wael Abbas (15/06/28 04:08:22 ã): طب اديني تليفونك ونظبط
هجرتك يمكن انسى هواك zaman (15/06/28 04:08:41 ã): تليفونى دلوئتى لا
هجرتك يمكن انسى هواك zaman (15/06/28 04:08:44 ã): افكر الاول
Wael Abbas (15/06/28 04:08:48 ã): هاهاها
Wael Abbas (15/06/28 04:08:49 ã): اوكيه أنا قلت كده برضه

يعني متآمر وأهبل كمان
مقتطفات من كلامهم
فاكر الصورة بتاعتك جنب البندقية البلاستيك
ايه رأيه نخليها حقيقية وتتحبس ميت سنة في قضية سلاح
يعني انت سافرت أمريكا على حساب إسرائيل
يعني انت اللي ها تصلح الكون
ايش وصلك تتكلم عن اسيادك
دول لو عملوا زي صدام يلا البلد ها تغرق
الراجل ماشي بحكمة وماشي بتأني علشان البلد ما تضيعش
هو إنت أحمد عرابي ولا سعد زغلول في زمانه
احنا معندناش كاميرات هنا يا وائل خالص
مكتوب على الباب ممنوع استخدام الموبايل
يا كس امك الريس اللي انت بتتكلم عنه دلوقتي ده معيشك في حرية ومخليك تشتم في الظباط وتشتم في أسيادك
ده رئيس جمهورية بمزاجك غصب عنك لزما تحترمه
والسيد جمال مبارك برضه ابن رئيس الجمهورية
المجرم لازم ياخد جزاته
سيبك من قانون العقوبات اللي انت بتتكلم عنه
احنا القانون
يوم ما ها تقع في المصيدة ها تقول الحقيني يامه وها تعيط
هاتشوفني عن قريب يا وائل حاضر يا حبيبي بس كده
يابني احنا بتناقش مع بعض
اعتبره برنامج العاشرة مساء اللي انت طالع بيه السما ده
السيد جمال مبارك مديك حرية وتروح امريكا وتلخبط في البلد وتعك
وحياة كس أمك لأعرفك على كل كلمة انت قلتها
انت تعرف ايه عن البلد انت حته خول شاذ جنسيا بتتناك تعرف ايه يا علق
البلد دي لماك لامة شاب خول اهه زيك عايش
انت عايش من خير البلد اهه ياله يابن الشرموطة
وحياة كس امك لأعرفك ازاي تروح أمريكا على حساب إسرائيل
وخلي أمريكا تنفعك وخلي إسرائيل تنفعك
ايه الموقع اللي انت عامله يابن الوسخة ده
عايز اشوف اخرة الخولنة بتاعتك ايه مانتا عريت البلد كلها
عريت البلد قدام العالم كله يابن الوسخة
يعني هو الراجل علشان مسالم معاكم وما بيعاملكوش معاملة وحشة
ماهو ممكن يلم اشكالك والاشكال اللي زيك ويرميهم في المعتقل مثلا يعني ومن حقه
على فكرة الحل لسه في ايدك الحل انت عارفه كويس
إضافة
نسيت أقول إنهم في الأول خالص قبل ما أبتدي اسجل كلموني عن إسلام نبيه وقالولي ها تتحبس قريب وإن مبارك ده زي أبوك ولو معاك رشاش ها تعمل بيه إيه
-
إستمع إلى تسجيل للتهديدات الأمنية

الجزء الأول
إضغط هنا

الجزء الثاني
إضغط هنا

-
فيديو لأحمد شريف
يترجم التهديدات بالإنجليزية
English Translation of the intimidations

Click here
إضغط هنا


Also read this

Tuesday, 26 June 2007

عاجل - إختطاف مترو الأنفاق

عاجل - إختطاف مترو الأنفاق

تغطية وتصوير أكرم الإيراني
بعد غرق البواخر والعبارات وبعد سقوط الطائرات وانقلاب القطارات مفاجأة جديدة يفاجئنا بها مترو الأنفاق
اليوم حوالي الساعة 5.30 مساءً كنت بداخل مترو الأنفاق رقم ( 5701 ) المتجة الى المرج وبعد توقف المترو مدة لاتقل عن 15 دقيقة بمحطة سعد زغلول بدأ المترو في السير بسرعة لا بأس بها ولكن المفاجأة ان المترو لم يتوقف نهائياً في المحطات اللتي في خط السير وهذا ما سبب بعض الهرج والمرج بين رواد المترو الراكبين او المنتظرين على المحطات مما أثار الشك بداخل قلوب الركاب على ان المترو قد تم أختطافة من أحد العناصر الأرهابية وهذا بناء على عدم توقفة أكثر من 9 محطات متتالية وسيره بسرعة رهيبة مما جعل بعض النساء يسرعن في القاء الصرخات المدوية وبكاء بعضهم

وبعد ذلك تم أيقافة بين محطتي حمامات القبة وسراي القبة وبعدها علمنا ان المترو كان يسير بدون فرامل فبعد التوقف أسرعت الناس في فتح الأبواب يدويا بالقوة والنزول على القضبان مما حول شريط مترو الأنفاق الى طابور جمعية وفي نفس الوقت خرجت بعض الهتافات التلقائية اللتي تندد بإدارة المترو والسكك الحديدية ومنهم من هتف ضد النظام ككل ومنهم من أصر على سباب رئيس الجمهورية لانة السبب في الغلب اللي احنا فية على قول أحدهم فكانت شبة مظاهرة عفوية أمام قصر القبة ولكن داخل أسوار مترو الأنفاق فمن المسئول عن ذلك