Ok

By continuing your visit to this site, you accept the use of cookies. These ensure the smooth running of our services. Learn more.

Thursday, 13 December 2007

New Torture Video - Shit on Yourself

شخ على نفسك

New Torture Video
Egyptian police torture a suspect by preventing him from going to the bathroom
ظنوا أنهم سيصيبوننا بالشلل
بمحاولة إيقاف حسابات يوتيوب وياهو بالشكاوى الكيدية
وهو التكنيك الجديد الذي تفتقت عنه قريحتهم
ظنوا أننا وقعنا وقعة لا قومة لنا منها
وظن الشامتون أن الملعب قد خلا لهم وشياطينهم
لكن عمر الشقي بقي
وإنتصرنا وبشروطنا كمان
ونواصل نشاطنا في فضح المجرمين مع فيديو جديد أرسله لنا مواطن مصري غيور على كرامة شعبه ورفض أن يذكر إسمه
والمعلومات التي وفرها لنا مرسل الكليب هي كما يلي
المتهم الشهير بسمورة في غرفة رئيس المباحث في بورسعيد
والضابط الذي يقوم بالتصوير إسمه شريف بيه
المواطن متهم على ذمة قضية مخدرات
والضباط يمنعونه من الذهاب إلى دورة المياة ويتلذذون بعذابه أثناء شربهم الشاي ويطلبون من ان - يشخ على نفسه
إضغط هنا لمشاهدة الفيديو
Click here to watch the video

Comments

ولله مبقاش في رحمه ما البلد خربانه بوجود الناس دي

بس ربنا علي الظالم بقي

عايزك تنشرلي الاغنيه دي عندك

www.myspace.com/BlackBulletz

اسمها قضيه بلد

Posted by: Romel-B | Thursday, 13 December 2007

انت عايز ايه يا اخ يللي ناشر الفيديو ده انا مش شايف اي حاجة انت عايز تعمل موضوع من لا موضوع ..ده تحقيق عادي مع واحد مجرم ولا فيه ضرب ولا زفت ولا اهانة ..عادي مجرد وسيلة ضغط عادية جدا ..انت عايزهم يعملوا ايه يقدموا ليه شاي ويجيبوا له غدا وسيجارة بانجو ..بجد انت عايز تعمل من اي شيء تافه عايز تعمل منه فيلم ..بجد بقت حاجة مملة اوي ..بجد انت عايز تعمل بطل من اي كلام ..بجد انا مش شايف اي حاجة في التحقيق ...انا نفسي اسئلك انت لو مكان الظابط وعايز تحقق مع واحد مجرم وتاجر مخدرات ..انابسئلك بجد لو عايز تستخدم معاه وسيلة ضغط هتعمل ايه ..ماهو لازم تزعق ولازم تشتم ولا زم تخوفه شوية ولا زم تمنع عنه النوم الاكل والشرب دي وشائل ضغط عادية جدا ...يعني الظابط هنا لاشتم بالاب ولا بالام ولا ضربه ولا ضربه بكرباج ولا عمل اي حاجة مجرد كلام عادي بيرخم عليه وده مفيهوش اي حاجة ...انا نفسي اعرف من الاخ وائل انت لو مكان الظابط ده قولي ازاي تحقق مع تاجر مخدرات ..بجد انت بتقول اي كلام في اي كلام وكلامك غير مقنع وعايز تعمل بطل علي الفاضي ..انت شاغل نفسك بحاجات تافهة وعامل منها فيلم ما تروح شوف نوارة نجم ولا منال وعلاء ولا الناس المحترمة اللي عمالة تبهدل نفسها عشان الناس تعيش بدل ما انت قاعد عمال تحط اي حاجة ولو حد رد عليك يبقي امن دولة ..بجد ربنا يشفيك

Posted by: انسان بيفهم | Thursday, 13 December 2007

السلام عليكم

يا انسان بيفهم
انت ما تعرفش فى القانون المتهم بري حتى تثبت إدانته
ازاى عادى ومجرد اجراء بسيط دى حقوق انسان حتى لو عمل حاجه غلط هما الظباط دول ايه مش بردوا بيناقدمين وحضرتك يعنى عايزهم يعذبوا وحق لا اله الا الله انا اقولك انت انسان مش بيتفهم لا دين لا انسانيه لا بيناقدمين عندهم عقول بيقبلوا حاجه زى دى تحصل لبينقادمين
وبعدين ربنا يشفى وائل ولا يشفيك انت ده انت مريض زيك زى اى ظابط للاسف اتخذتم العنف وسيله لرغابتكم عايز تقولى الظباط دول مش بيخادوا المخدرات لنفسهم فى حلاقات الانس الله يكسفك عاملين فيها بتوع قانون
انت بتقول وائل مش بيفهم طيب انت ام المفهوميه ازاى تمنع من شخص اكل وشرب وتعذبوه وانتوا اساسا ما تعرفوش لو هو فعلا مجرم وانا متاكده انك ظابط مريض ومش بس وائل اللى
حيقول عليك ظابط امن دوله وبعدين غيروا اسلوبكم ده بيقى قديم قوى
يا لهووى عليك بجد بتفهم ظابط بيرخم عادى يا ريت كنت حتطيت اسم تانى ده لو طفل حيضحك عليك


ياااا وائل للمره الالف بقولك غير من اسلوب كتابتك ارتقى بمستواك وما تنزيلش لامن الدوله
واعرف بل تاكد مادام بتعمل لله الله حيكون معاك وربنا يهدينا ويهديك
امة الله

Posted by: امة الله | Thursday, 13 December 2007

سمورة ده اشهر مجرم في بورسعيد وهما كانوا فرحانين لما مسكوه يا عيني عملوا انجاز ... بس
أما موضوع الشتيمة والاستفزاز فليه يعني هو مش بني ادم زيي وزيك ؟؟! مش فاهم بعدين هو مفيش وسيلة للاعتراف غير انهم يمرمطوا كرامة اللي خلفوه يعني بعدين اصلا كل ده مجرد تحقيق وزي ما قال الاستاذ الفاضل اللي قبلي المتهم برئ حتى تثبت ادانته! ربنا يشفي

Posted by: mohammed yousry | Thursday, 13 December 2007

طيب يعني تاجر مخدرات ومشهور بالاجرام ومسجل خطر ياخت امة الله انتي لو بتفهمي شوية هتعرفي ان الاخر المجرم ده ممكن يتحرش بيكي في الطريق ويمد ايده عليكي في مناطق حساسة من جسمك وممكن يقولك الفاظ خارجة وانتي ماشية مع اخوكي او جوزك ..ده واحد بتاع مخدرات يعني شخص مبرشم مسطول بلطجي ..حضرتك عايزة الظابط يتعامل معاه ازاي يجيبله اكل وينميه بميعاد ويصحيه بيمعاد وبلاش يقوله اي كلام يضايقه ولا حتي يقوله انت ياد ولا وحياة اهلك ولا يتعبه خالص ..وطبعا المجرم المسجل حطر لما يلاقي الظابط مؤدب ومحترم وابن ناس اكيد هيعترف علي طول لانه هينكسف من نفسه ..بجد انتي بتضحكي علي نفسك ..بجد انا شايف ان الظابط ده محترم جدا وبيعامله معاملة محترمة جدا يعني لا ضربه قلم ولاغلط فيه ولاغلط في امه ولابوه ولا قال اي حاجة ..غير انه منعه من دخول الحمام ...انا مع التعذيب والضرب بس بجد اللي الظابط هنا بيعمله مع واحد مجرم مسجل خطر وبتاع محدرات ومتهم بالتحرش الجتسي والاغتصاب بجدمفيهوش حاجة تزعلي بالعكس الظابط محترم معاه اكتر من اللازم بكرة يا اخت امة الله لما واحد يتحرش بيكي في الشارع ويقولك كلام وسخ وقذر ويمد ايده عليكي ..ساعتها هتقولي فين الظباط عشان يربو ابن الكلب ده وهتسبي وتلعني فيه ..لازم نكون منطقين في كلامنا بلاش نكون يا مؤدين اووووووووي او رافضين اوووووي بجد خليكو منطقين وقولو كلمة حق ان الكليب ده كليب عادي جدا مفيهوش اي اسائة لاي ظابط بالعكس الظابط كان محترم اووووووووووي

Posted by: انسان بيفهم | Thursday, 13 December 2007

ماذا لو كان هذا الظابط مكان هذا الشاب رغم إجرامه ماذا كان سيفعل ؟؟؟؟إن شاء الله يعاقب هذا الظابط على الهمجية والأسلوب الوقح الذى يعامل به مساجينه ؟؟؟؟

Posted by: همجيـــــــــــــــــــــــــــــــــــــه | Thursday, 13 December 2007

آسف كلامى السابق لم أكمله ،،،،، لكنى أرى أن هذا الشاب يستحق أكثر من ذلك لان تاجر السموم يستحق الاعدام وليس التهزئ ولان هذا الشخص معروف بهذا الاجرام فاعتقد انه يستاهل كده وأكثر من كده ... اما لو كان هذا الشخص شخص لم يثبت ادانته بعد فانا ارفض تلك المعاملات من الظابط مهما يكن !!!!

Posted by: همجيـــــــــــــــــــــــــــــــــــــه | Thursday, 13 December 2007

متهيالئ لو هو فعلا مجرم ومشهور كده يبقى ده الاسلوب الامثل للتعامل معاه لان المجرم فى الحالة دى اقرب للحيوان من الانسان فلازم يتعمل معاملة الحيوانات
ومفهاش حاجة لما الظابط يرخم عليه شوية ده فى المدارس الثانوى لو طالب حب يروح الحمام بيقولوا له لا
http://newegyption.blogsome.com/

Posted by: المصرى الجديد | Thursday, 13 December 2007

مستوى غريب من التعليقات مجرم لازم يتعامل معاملة الحيوانات الظابط ده محترم ماضربوش ولا قال له امك وابوك بس منعه يدخل الحمام انا مع الضرب والتعذيب بيرخم عليه بس شيء عادى فى زمن التبجح والضياع وعجبى

Posted by: ابو على | Thursday, 13 December 2007

الانسان اللى مش بيفهم

أسلوبك واضح يا حضرة الظابط..وحاطط اسم نوارة ومنال وعلاء فى الأخر قال يعنى عشان الناس ماتشكش فيك و بالمرة تضرب اسفين بين المدونين....لكن لو سعادتك كمنت متابع كنت حاتعرف ان منال وعلاء بقالهم أكتر من 6 شهور عايشين فى ايطاليا ومدونتهم شبه ميتة...وطبعا هما فى ايطاليا لظروف شغلهم مش لظروف النضال...

أما بخصوص بقية كلامك فكل اللى أقوله لك (بجد) انى أتمنى حد من أهلك يقع فى ايد ظابط محترم وابن ناس زى اللى فى الفيديو ...أو زى حضرتك

Posted by: m5m | Friday, 14 December 2007

يبدو ان هناك قسم جديد في الأمن للتشجيع على التعذيب وانتهاك حقوق الإنسان عبر مدونات الانترنت. التحقيق ليس مجموعة من وسائل الضغط تطبق على المتهم لتجبره بالاعتراف بما قام به وبما لم يقم به. وقسم الشرطة ليس مكان لعقاب المجرمين والاقتصاص منهم وإلا لماذا هناك محاكم وسجون. نحن ضد الإجرام بكافة انواعه لكن ضد انتهاك حقوق اي انسان ولو كان مجرماً.

مدونة كاريكاتور العرب - شر البلية ما يضحك.

http://arabcaricature.blogspot.com

Posted by: كاريكاتور العرب | Friday, 14 December 2007

يا انسان بيفهم
انا معاك انى مش واقعيه بتكلم بعاطفيه
بس بجد شكرا للمره التانيه انك بجد عرفتنى بنفسك يعنى ويمكن تكون الظابط نفسه يعنى الله اعلم بس بص حتى لو مسجل خطر ويمكن يتحرش ولا يعمل لى حاجه بذمتك انا عمرى حامن لظابط بعد ده كله على الاقل ممكن عنده سبب يتسامح عليه ورينى سبب الشخصيه الللى عامل نفسه بيدافع عن الشعب والقانون
طيب مممكن تقولى لو الظابط ده فعلا يا عينى بس بيدور على الحقيقه ليه بيضحكوا وليه صوروها اساسا لو فعلا بيدافع عن البلد وبيحمو مواطنيها زى ما انت بتقول انو دى الوسيله الوحيده طيب لو انا مش واقعيه اشرح لى ليه صوروها طيب الفيديو طريقة التصوير لو اى حد لاحظ مركزه على اماكن معينه بجد هو بعد كده فى ظابط اساسا يحمى وهو اساسا الظابط مش قادر يكتب فى المحضر انو اعترف يعنى هما مستنين اعترافه ولا بيتلذذو بالتعذيب لمرضهم النفسى
قول انت كلمة الحق لو تعرفها وخلى الشرف للي بيعرفوه
اول مره اعمل تعليق بس بجد اسلوبك المحترم خلانى ارد عليك عارف ليه لانو اسلوب واحد مريض نفسى بل معقد انسان تعذب وراح يدور على اليعذبه تصدق من كتر ما ضحكت على قد ما زعلت
بس بجد احيك على الذوق ده بس طلب بلاش اخت عشان انا اخوانى فى الله اشرف من اى واحد منكم وبجد شكرا مره تالته وكمان رابعه ما تتصوريش انا كنت متوقعه صفحة شتايم
بكره لما تطلعوا على المعاش ولا الموت قريب يعنى حتعرفوا معنى البتعملوا فى الناس مش غريبه عليكم بس الغريبه بجد انتوا بيجيكم نوم يلا افرحوا شويه واستنوا الجنه يا سلام جنه
تتمنوا لو رجعتوا الدنيا يلا عذبوا ذى ما انتوا عايزين
ربنا يهديك ويهديهم ويهدينا معاكم

Posted by: امة الله | Friday, 14 December 2007

walhy ana shayf en da 3ady gedn we f3ln el vedio da mafehosh 7aga asl 3ady en el zobat ydghto 3ala el mosageln keda,, asl ya3ni mesh haygblo shay wala 2hwa we na2s kman y23do 3ala maktbo we b3dein ama ygy el mosagl da y3mel 7aga fe el nas wala fe 7ad fena y2ololk el 7koma m3rsa wala mesh shayfa shoghlha tab ento 3ayzen eh.
we 3ala fekra 3ashan mat2olsh eny ana zabt ana doctor sydly we f3ln kont m3ak fe el vedios ely enta nzltha 2abl keda we ba7yk 3leiha gedn

Posted by: shehab | Friday, 14 December 2007

يعني سيادة الظابط المعلق باين اوي ان هوا نفس الشخص وبيقول نفس الكلام بالحرف وعاوز يقنع الناس ان فيه كذا واحد رايهم ان ده عادي
يظهر دي طريقة وزارة الداخلية الجديدة

Posted by: سؤال | Friday, 14 December 2007

يا جماعة انتم عمركم ما اتعاملتم مع مجرمين قبل كدة .. دول عالم ولاد حرام .. يعني تمسك الواحد متلبس و معاه الحاجة و يقعد يستهبل و يقولك دا أنا كنت فاكرها مش عارف إيه

دول اللي بيسرقوا مننا و لادنا .. الحرق فيهم حلال

على فكرة أنا مش ضابط بس للأسف واجهت النوعيات دي قبل كدة و عارف أنا بقول إيه

Posted by: someone | Friday, 14 December 2007

السلام عليكم
انا نفسى افهم هوه الشعب المصرى مش ممكن ابدا يفهم حاجه ويعرف يميز ده واحد بتاع مخدرات وسوابق عوزين ايه انتا عارفين ده كده الظابط مودب انا مش بدافع عنهم انا بحتقر الظباط جدا اللى بيعملوا كده بس فى الناس المحترمه واحد واقف فى اعتصام سلمى ماشى فى مظاهره سلميه ماشى صاحب راى سياسى ماشى انما تاجر مخدرات عاوزين ايه يعنى انا على فكره مش ظابط والله وانما شخص بيعرف يميز بين الفرقعه والحقيقه اصحوا يشعب ردود الافعال علشان تبقى صح وفعاله لازم تكون فى محله انما كده عطال على بطال مش صح

بالنسبه للاخ وائل هى المدونه بتاعتك وانتا مش بتشتغل عند حد بس يااخىممكن اعطيك نصيحه من شخص بيهتم جدا بمتابعه المدونه بتاعتك بالاش الالفاظ الخارجه بعد اذنك حتى نستمتع بالمدونه

Posted by: ghost | Friday, 14 December 2007

"يكاد المريب يقول خذونى"....أو بالبلدى" اللى على راسه بطحة"..كام واحد ورا بعض بنفس الكلام وفى النص يقول لك"أنا على فكرة مش ظابط والله" ..وعلى فكرة ممكن يكون صادق يعنى هو أمين شرطة أو مصدر سرى (مخبر يعنى) فبالتالى الراجل مش بيكدب
والله برافو عليك يا وائل انك مدوخهم حوالين نفسهم كده

Posted by: m5m | Friday, 14 December 2007

لما هو مؤدب و محترم و ظابط ابن ناس قوي، ما ظهرش وشه و لا وش حد من اللي قاعدين ليه؟
ولا خايفين يدوروا عليهم لو سمورة مات

Posted by: Fawzy El-khasran | Friday, 14 December 2007

السلام عليكم
لفت نظرى بعض الاخوة الكرام فى التعليقات ان هناك تعليقات كثير تتعلق بالقوميات فهذا اسمه عاشق الخليج يشتم فى تونس وهذا فلان المصرى يشتم الخليجيين وهلم جرا..وان كل هذه التعليقات يكتبها صهاينة واسرائيليون يريدون ان يوقعوا الفرقة والبغضاء بيننا نحن ابناء العالم الاسلامى ضمن مخطط سرى حقير ادى بالفعل للاسف بعض اهدافه..لذا اهيب بالمواقع المختلفة عدم نشر هذه التعليقات التى تنشر روح الكراهية بين ابناء الوطن الواحد كما اهيب بزوار الموقع نشر هذه الرسالة والتنويه على هؤلاء الدسائس كى نرد كيدهم فى نحورهم بأذن الله..كما احب ان اشكر من نبهنى لهذا الامر وجزاه الله عنى وعنكم خيرا..والسلام عليكم ورحمة الله وبركاته

Posted by: مصطفى منير | Friday, 14 December 2007

Keep the good work coming Mr.Wael

egyptlostgeneration.blogspot.com

Posted by: Hsaid | Friday, 14 December 2007

المجرم برئ حتى تثبت ادانته - فلا ينبغى علينا ان نتخذ اسلوب الغاية تبرر الوسيلة لابد ان نحارب الفساد ونتصدى له بكل ما نملك من قوى

Posted by: محمود | Friday, 14 December 2007

الساده اللى مش عجبهم الفديو وشايفين انه حاجه تفهه ومتستهلشى الفكرة مش فى بساطه التعذيب لكن الفكرة هل لو واحد عضو مجلس شعب محترم وطلع تاجر مخدرات والبوليس جابوه هيخليه يشخ على روحه ويعامله نفس المعامله مثلا

Posted by: non | Friday, 14 December 2007

يعني هو لو قلت راي مخالف ابقي ظابط شرطة عامة والله العظيم انا لاظابط شرطة ولا زفت ولا اي حاجة انا ابن ستين كلب وابن حمار اني حاولت اقول رايي في مدونة غريبة .بتعتبر اي حد يقول راي مخالف يبقي جاسوس ..هقول ايه بس حسبي الله ونعم الوكيل في التخلف مالوش لازمة الكلام طالما صادرتم علي رايي واعتبتروني ظابط شرطة ..مفيش فايدة مفيش فايدة مفيش فايدة ..ربنا معاكم بجد انت م تستحقوا الشفقة مش المناقشة سلاااااااااام مالوش لازمة النقاش ..

Posted by: انسان بيفهم | Saturday, 15 December 2007

السلام عليكم ورحمة الله وبركاتة
يا اخوان انا قريت خبر عن سمورة بتاع بورسعيد دة وعرفت ان عامل تشكيل عصابى وتاجر سلاح ومخدرات وحجات كتير وضرب على الشرطة نار ومبهدل الدنيا فى بورسعيد وبلطجى وبيفرض اتاوات...طيب يتعامل معاة صحيح ازاى ياخدو يحقق معاة فى الهيلتون ولة سلنترو مثلا ولة يجبلو ديفدية ههههههههههههههههه لا بجد الواحد لازم يكون موحايد هى الشرطة بتزودها طبعا مع المواطنين وكل يوم فى انتهاكات لحقوق المواطن المصرى بس انا شايف ان الشرطة على حق بس اعتقد ان الشرطة خزوقت سمورة ومصوروش الكيلب الموضوع مش هيعدى بالساهل يعنى هو بلطجى وهما زبانية يارب يتعدم سمورة ويتعذب ويارب كل يوم ظابط يتحقق معاة بسبب التعذيب ويتفصل من الخدمة

Posted by: الحاج احمد | Saturday, 15 December 2007

انا راجل محايد وبصراحة كسم اى واحد يشتم وائل عباس الراجل دة عرفنا حجات كتير عن الفشخ الى ببيحصل فى البلد ياريت يعنى ميجيش عيل متناك ولسة الخرية فى طيزو طرية يقعد يشتم فى الراجل ويقلل من شانة زى المعرص كمال وللعلم قضية وائل اشترهت جدا مع اليوتيوب انت زعلان عشان الراجل بقى مشهور دة انت عيل ابن شرموطة واطى صحيح وائل عالى كالسحاب لا يهمة نبح ولاد الكلااب......... اسف على الالفاظ النابية الى انا تلفظت بيها بس المعرص كمال عصبنى فعلا

Posted by: الحاج احمد | Saturday, 15 December 2007

الكليب ده لو حصل في أي بلد محترمة كان الدنيا قامت وماقعدتش وكان وزير الداخلية اترفد وقيادات الشرطة اتفورت لكن عشان مصر بلد بنت شرموطة ضباطها أوساخ وبلطجيتها أنجاس .... مش فارقة

Posted by: زكي قدرة | Sunday, 16 December 2007

على فكرة فعلا واضح ان المدونة دى معمولة لوائل عباس والهتيفة بتوعة واى حد يكتب رد ميوافقش هواهم يقولوا علية ظابط .
اولا الشخص اللى اسمة سمورة دة كان مشيب اهالى بورسعيد ولو كان حاطط عينة على واحدة زى امة الله دى اللى بتدافع عنة كان نالها غصبن عن عين اللى يتشدد لها .
دة شخص لا خير فية ومش مسلم اصلا لان الرسول بيقول المسلم من سلم الناس لسانة ويدة وبغض النظر ان كان سمورة دة اسطورة صنعها فساد امنى بس فى الاخر ربنا ريح اهالى بورسعيد من شرة . والمصيبة ان سمورة دة بتاع مخدرات واغتصاب وفرض سيطرة وكان شايل الالى على طول
انا عاوز اعرف رد فعل الشباب اللى بيدافع عنة اذا كان واحد زى سمورة دة اغتصب اختك كنت هتعمل فية اية؟؟؟؟
وكمان الكليب مفيهوش اى ضرب او حاجة مع انى كنت اتمنى اشوفة بينكوى
واقسم بالله العظيم انا ما ظابط ولا نيلة ولا ليا اى علاقة بالظباط بس لازم تعرفوا ان سمورة دة مسجل خطر وكل حتة فيكى يامصر فيها واحد زى سمورة والحل الوحيد والعملى ان المسجلين خطر فئة اولى ايديهم تتقطع

وعلى فكرة ياوائل الكليب هايف طحن ..
ودة ايميلى
M_veto2002@yahoo.com
على اخر الزمن مدونة الوعى المصرى هتدافع عن واحد زبالة زى سمورة

Posted by: بنهاوى | Tuesday, 18 December 2007

للأخوة اللى بيدفعوا عن سمورة انا هديكم لينك كليب ولسمورة برضة ويظهر فية وهوة يحمل مدفع الى فى احد شوارع بورسعيد علشان تعرفوا حقيقة سمورة دة اية بالضبط علشان تعرفوا انة بلطجى وابن ستين كلب . ودى سقطة كبيرة قوى للمدونة العزيزة الوعى المصرى انها مش بتتحرى الكليب الاول
والفيديو اهدأ خاص لامة الله

http://www.youtube.com/watch?v=G-Sl6JqD1b0&NR=1

Posted by: بنهاوى | Tuesday, 18 December 2007

وعلشان تعرفوا مين هوة سمورة ادى كليب لية وهوة شايل المدفع الالى فى احد شوارع بورسعيد
وياريت نسمع رأى الاخوة المدافعين عنة

http://www.youtube.com/watch?v=G-Sl6JqD1b0&NR=1

Posted by: بنهاوى | Tuesday, 18 December 2007

هههههههههههههه
بجد فيديو مضحك بل ساذج وياربى على الموسيقى قطعت قلبى
بنهاوى عادى جدا اصور فيديوهات لسموره بتاعكم واخلى يعترف واهلوا
وحتى لو مسجل خطر بنى ادم انسان ليه حقوق وبيعاقب
بجد يعنى محتاجين ناس بتفكر
يا جماعه شوفوا الفيديو وازاى هو بيعيط عايزين تفهمونا بعد التعذيب ده كلوا مش حيعترف على نفسه ولا حتى اهله ده يبقى عبيط لو ما اعترفيش

http://www.youtube.com/watch?v=gmxeOEUflac&feature=related

ملاحظه الموسيقى اللى انتو حاطينها خربة الموضوع ده كده انتوا فضحتوا نفسكم ما ينفعش موسيقى حزينه لمجرم وكمان حاطين الفيديو بتاع التعذيب وانتوا بتضربو انتو زفتوا الدنيا
يعنى غير انكم وصلتوا رسالة التعذيب طبعتوها بالموسيقى وكمان الاسئله ولخبتطكم وانتوا بتسالوا واخيرا لازم المفروض كنتوا جيبتوا الضرر اللى هوا عملوا كده احنا نقطنع بجد لو كنتوا عملتوا كده كنت اول واحده دافعت عنكم يا خرابى
لا بجد تعبة من الكتابه يلا كفايه عليكم كده
لا وكمان فى صوت ست مين دى؟؟؟؟؟؟؟
ولو ممكن حد يقولى هما الظباط متعودين يصوروا الاعترافات واشمعنا سموره؟؟؟؟؟؟؟؟؟؟؟؟

يا وائل الظباط دول خايفييين جدا لدرجة انهم بيحاولوا يعملوا اى شى عشان يطلعوا براءه
بجد لو عايزين اى مساعده احنا فى الخدمه حاولوا تجيبوا حاجه تدخل العقل للاسف انا مش فى مصر كنت ساعدتكم

Posted by: امة الله | Tuesday, 18 December 2007

!!.. شارف عام 2007 على الانقراض حاملا معه اسؤ ايام مرت على المصريين تفاوتت ما بين تعديلايت دستورية جديدة وفتاوى دينية الى طوابير امام رغيف العيش والنظر فى الغاء الدعم وتكدس مرورى لا مثيل له
... واليكم التقرير...!!!!
www.allarefay555.blogspot.com
www.elbakry222.blogspot.com

دكتور علاء رفاعى
استشارى الجراحة

Posted by: دكتور علاء رفاعى | Wednesday, 19 December 2007

كل عام وانتم بخير وعنك حق يا وائل بخصوص تكبيرات العيد كنت باابقى سعيده جدا وانا بااسمعها من ميكروفون الجامع الله اكبر كبيرا والحمد لله كثيراوسبحان الله بكرة واصيلا لا اله الا الله صدق وعده ونصر عبده واعز جنده وهزم الاحزاب وحده لا اله الا الله ولا نعبد الا اياه مخلصين له الدين ولو كره الكافرون اللهم صلى على سيدنا محمد وعلى ال سيدنا محمد000000000الى اخر هذا الكلام الجميل حتى ف صلاة الجمعه حرمنا من القران المجود الذى يذاع قبل الصلاه من مساجد الاحياء فعلا منهم لله ويا ريت الناس يبقى عندها وعى ونحافظ على الوسطيه والاعتدال فى كل شىء

Posted by: المحروسه | Wednesday, 19 December 2007

الادعيه فى الاسلام كثيرة وحتى لو فرضنا زى الاخوه المتحجرين مبيقولو ان باقى الكلام ده بدعه فالكلام جميل ومفيهوش ما يدعو لضلال ومن سن فى الاسلام سنه حسنه فله اجرها واجر من عمل بها اما بالنسبه للقران المجود معرفش ليه بيقولو عليه حرام مع ان التجويد فى القران بيدىلنا فرصه للتركيز والانصات اكتر من مجرد الترتيل ويمكن ربنا امر بالترتيل لو كان الانسان بيقرا مع نفسه علشان السرعه وعلشان ميضيعش يومه ويروح اشغاله اللى هى ايضا عباده انما التجويد لما يكون فى مجلس عباده والناس بتسمع ومحتاجه تتمعن فى الايات وتتفهمها والتجويد محتاج صوت حسن اما الترتيل فاى صوت ممكن يرتل وبصراحه اللى بنسمعه ماحصلش ترتيل وكانه سرد تيك اواى تسمعه فى المحلات فى المصالح فى العربيه وخلاص والرسول اختار بلال ليؤذن عشان صوته جميل ما بالك بقراءه القران اللى عايز اجمل الاصوات

Posted by: non | Wednesday, 19 December 2007

وائل
لمزيد من المعلومات عن هذا الشخص
زور مدونتى
www.sharm2t.blogspot.com

Posted by: شارم | Wednesday, 19 December 2007

تعقيبا بس على المصري افندي

هو اللي يقتل الابرياء في نظرك يبقى راجل ؟

Posted by: شارم | Wednesday, 19 December 2007

غالبا مامه شريف بيه كانت بتمنعه يخش الحمام لما كان بيتكون موش فاضيه مع بباه او اصحاب بباه علشان كدة بيطلع عقدة فى الناس

Posted by: مودى | Tuesday, 25 December 2007

Citizens of the United States are interested in your effort. It would be great to see an English translation of your website.

Posted by: John Hoff | Sunday, 30 December 2007

good work

Posted by: حدوتة مصرية | Thursday, 08 September 2011

The comments are closed.