Ok

By continuing your visit to this site, you accept the use of cookies. These ensure the smooth running of our services. Learn more.

Wednesday, 07 November 2007

ياريتني كنت معاهم في نطق الحكم على إسلام نبيه

ياريتني كنت معاهم في نطق الحكم على إسلام نبيه

للأسف أنا في بيروت ومصر مقلوبة
مش مصدق
إسلام نبيه خد تلات سنين مع الشغل والنفاذ
الحكم الصراحة مخفف وقليل وتقريبا هو بالفعل قضى تلات ارباع المدة لانهم ها يحسبوله من أول ما بسلامته إتحبس
بس ده مش هو اللي دار في ذهني اول ما وصلني الخبر من المدونين برسالة على تليفوني المحمول
حكم انا مش بارد على الموبايل وانا خارج البلاد لان الدقيقة باربعة جنيه
من ساعة ما وصلت بيروت مش عارف اخش على النت لان الانترنت هنا في الاوتيل غالي فشخ والساعة بتمانية دولار يعني معدية الاربعين جنيه
وانا ساكن في اوتيل رغم انه في وسط بيروت على البحر والمارينا الجديدة اللي بيبنوها انما الحته مقطوعة وبيروت على كف عفريت مليانة امن وجيش ومغاوير ونقط تفتيش وبلوكات اسمنت والتلفزيونات كلها عمالة تشتم في بعض والشرطة بتوقف الناس تسألهم على بطايقهم الشخصية
قاعد أنا في فندق مونرو شارع كينيدي
أه والله شوفوا الصدف مونرو وكينيدي
والفندق اللي قدامي فندق انتركونتينينتال فينيشيا قاعد فيه نواب اربعتاشر آذار لأنهم خايفين من الإغتيالات ومتأمن تأمين جامد قوي
وزي ما كنت في الأردن قاعد في راديسون ساس اللي حصل فيه الانفجار
من حظي ان فندق مونرو بيطل على الحتة اللي حصل فيها اغتيال رفيق الحريري
هابقى انشر الصور بقى لما الاقي انترنت رخيص شوية
المهم انا عمال ارغي ونسيت انا كنت باتكلم عن ايه
اول ما جاتلي رسالة الحكم على اسلام نبيه مش فاكر من مين لانها وصلتني من مليون واحد
ولبنى حاولت تتصل بيا على الموبايل بس انا قفلت عليها
معلش يا لبنى
المهم انا كنت تقريبا ها ارقص وعمال الف الاوتيل ادور على حد اقول له
قلت الأول لدينا حشمت الصحفية بالأهرام إبدو اللي معايا في المؤتمر
وبعدين لرانيا المالكي رئيسة تحرير الديلي نيوز
وقعدت أقول لناس تانية ما اعرفهمش زي العبيط
وقعدت ادور على وائل عبد الفتاح لانه معايا برضه بيحضر نفس المؤتمر لكن ما لقيتهوش
بس بجد كنت في حالة نشوة عارمة
عقبال كده ما نفرح في سيادة اللوا أحمد ضياء اللي بيلوث سمعة الشرفاء
أي نعم أنا ما كنتش في الجلسة
بس الصديقة الصحفية الأسبانية لالي سانديمونجي بعتتلي شوية صور معبرة لعماد الكبير بعد النطق بالحكم
قلت أشارككم معايا فيهم











أنا في بيروت باحضر مؤتمرين
الأولاني منظماه جريدة الأخبار اللبنانية وهو عن الموضوعية في الإعلام
والتاني هو بيروت ميديا فورام
اللي منظماه مؤسسة فريدريش آيبرت والمعهد الفرنسي للشرق الأدنى والمعهد الألماني للأبحاث الشرقية
فمش ها أقدر أرد على تليفونات للأسف لكن ممكن أستقبل رسائل المحمول
مش عارف حسيت إن غرفتي إتفتشت وأنا مش موجود ليه
مش بارانويا ولا علشان أنا واد مهم وجامد ولا حاجة
بس يمكن علشان شباكي بيبص على فندق فينيشيا اللي قاعد فيه النواب
وكنت باقف في الشباك أصور بالكاميرا
ربنا يستر
لبنان فيها غليان من تحت وشكلها داخلة على حاجة

Comments

Ya Emad Ya Kebeer,

Alf, alf, alf, .................................. Mabroooooooook. ALLAH AKBAR over all oppressors and tyrants. The state of injustice is one hour and the state of justice is throughout. I live in North America and I don't have an Arabic keyboard. Congratulation to Emad and everyone who supported him. May ALLAH reward you Wa2l for your efforts. Keep up the good work please. And keep tracking down the sadistic and brutal Egyptian police officers. Publish their scandals everywhere. Someday they will understand that Egyptian people are not bunch of animals and they have to learn how to treat people in a humble and human way.

Posted by: H K | Wednesday, 07 November 2007

الفضل لله ثم لك ياخ وائل وربنا يجعلني واياك فى نصرة المظلومين دائما . وأنا استغربت ازاى المحاكمه تتم ويفوت عليها اكتر من يوم ومشفتاش حاجه على المدونه بصراحه انا قلت عليك خفت ليكون جرالك حاجه او اصيبت بمكروه لكن الحمد لله اطمنت عليك انك بخير وكمان فى بيروت حته واحده لعبه معاك ياسيدى وربنا يوفقك بصراحه انا معجب بيك جدا بس مش موافقك على بعض ارائك لكن ارائك تحترم ولك الحريه فى ذلك ويارب ترجع لنا ب 1000 سلامه .والسلام عليكم ورحمة الله وبركاته

Posted by: ahmed nasef | Wednesday, 07 November 2007

كنت اتمنى ان امدح ولكن قلبى لا يسمح
www.elbakry.blogspot.com

Posted by: دكتور علاء رفاعى | Thursday, 08 November 2007

بجد الف مبروك ياوائل وعاوز ابعتلك عن واحد ظابط لسه بيستخدم والله الكرباج السودانى فى التعذيب وهو احمد رمضان / رئيس مباحث العاشر من رمضان اول ويله ورينا شطارتك

Posted by: مصرى بيكره الظلم | Thursday, 08 November 2007

الحكم مخفف جداً لان ما جرى عدة جرائم:
1- انتهاك عرض مواطن مصري
2- تعذيبه
3- استغلال استخدام سلطة القانون
4- تصوير انتهاك العرض
5- نشر الفيديو لاذل عماد في مكان عمله

لكن على الأقل الضابط سيحسب حساب المدونين ولسانهم الطويل

مدونة كاريكاتو العرب:
www.arabcaricature.blogspot.com

Posted by: كاريكاتور العرب | Thursday, 08 November 2007

عماد كان لابس بدلة و متشيك ، الراجل كان رايح فرحه، رايح يقول للباشا اللي شكله ما عندش حاجة يهتك بيها عرض الناس فاستعمل مقشة ، رايح يقوله شوف مين فينا اللي ...... في الاخر، انا بقت بطل قومي و رمز لثورة شعب على الشرطة و انت بقيت كلب من غير دبابير ولا حتى شرايط. و احتمال يكون قاله بس لما تطلع من السجن يا باشا ها نبقى مواطنين زي بعض و ساعتها ها اعمل فيك زي ما عملت فيا.
يمكن يكون عماد سواق مش ملتزم باي قواعد مرور زي كل سواقين مصر و يمكن يكون كمان بيتعاطى مخدرات و بيعط مع نسوان بس اسلام بيه نبيه بقا اسوأ منه بقا سوابق و يمكن يصنفوه مريض نفسي و كمان ناقص رجولة ، اصل لو كان عنده رجولة كان على الاقل عذب عماد من غير مساعدة امين الشرطة. هو انت متجوز يا اسلام ؟؟؟؟

Posted by: أحمد | Thursday, 08 November 2007

Very sadly, on the same day, another poor Egyptian man dies after 3 days of torture by the hands of Egyptian police animals! (http://news.bbc.co.uk/2/hi/middle_east/7082446.stm)

Posted by: Egyptian | Thursday, 08 November 2007

والله دى اول خطوه فى طريق الاصلاح الداخلى فى بلدنا والحكم مش قد كدا بس نحمد ربنا ان تم الكحم والبت فى الموضوع بدل ما كان الموضوع يفضل مركون كام سنه لحد ما الناس تنسى ويطلعوه من بره بره

Posted by: محمد صالح | Friday, 09 November 2007

ازيك يا وائل ايوة ياعم يابختك في بيروت طبعا انا متابعه المدونه بتاعتك من زمان بس اول مرة ابعت تعليق بصراحة المهم يا سيدي احنا كلنا بجد مصدقناش اللي حصل بس الحمد لله بس يا ترى ده حيكون عبرة للناس التانيين اللي بتستغل نفوذها ؟ بيتهيالي حيفضل في ناس كدة برضه واحنا حنفضل مش سايبينهم لاننا بشر زي ماهما بشر ربنا ينصر الحق ان شاء الله ويهدي الناس كلها لان كلنا اخوات وبشر مش معقول نعمل كدة في بعض على العموم اخر حاجة احب اقولها ان الأيام دوائر .. اذا كان اليوم لك فغدا عليك ... ولن أقول ربما يكون عليك ... طبعا الكلام ده معروف موجه لمين . ربنا يكرمك ياوائل ويوفقك . على فكرة اختك اسكندرانيه زيك

Posted by: remo | Friday, 09 November 2007

ازيك يا وائل ايوة ياعم يابختك في بيروت طبعا انا متابعه المدونه بتاعتك من زمان بس اول مرة ابعت تعليق بصراحة المهم يا سيدي احنا كلنا بجد مصدقناش اللي حصل بس الحمد لله بس يا ترى ده حيكون عبرة للناس التانيين اللي بتستغل نفوذها ؟ بيتهيالي حيفضل في ناس كدة برضه واحنا حنفضل مش سايبينهم لاننا بشر زي ماهما بشر ربنا ينصر الحق ان شاء الله ويهدي الناس كلها لان كلنا اخوات وبشر مش معقول نعمل كدة في بعض على العموم اخر حاجة احب اقولها ان الأيام دوائر .. اذا كان اليوم لك فغدا عليك ... ولن أقول ربما يكون عليك ... طبعا الكلام ده معروف موجه لمين . ربنا يكرمك ياوائل ويوفقك . على فكرة اختك اسكندرانيه زيك

Posted by: remo | Friday, 09 November 2007

الحكم دلع خالص لكن يبقى انه عمل شوية شوشره ولو خفيفة لكل ظالم تسوله نفسه بالاعتداء يبقى ان اشكرك يا وائل بعنف

Posted by: ابو اعصار | Saturday, 10 November 2007

Dear Wael, First i want ot say congratulatian for that Emad el kabier has heard what he must heard years ago, i am also happy because the fucking officier has been found guilty. I am a gree with you that 3 year not long engouh . I have been also folterd byy a fucking other officer in my city home AL Minia 15 years ago, in that time was no internet Anyway it is first step for freedom. I live in Holand and i read your interview in Beiroet with the dutch journalist of Volks krant Ferry Biederman. If you do not mind i shall take the artikel with me when i come to cairo at 27 december it is a bout 6 weeks. If like to have it just mail me back, it wil be als my pleasure to talk to you once because your are doing a lot for my lovely country Egypt and i am political active in Holalnd i am meber in the citycuncil of Enscehde the city i live, my party PVDA is samialer to the labout party in England we are on the left side of the political spectrum., you are a brave wel educated young man. have a nice day and i hope to see you in cairo. my mailadres ie:

sherifanwarahmed@hotmail.com

have a nice day

Sherif

Holland

Posted by: sherif Anwar Ahmed | Saturday, 10 November 2007

حقيقى اول مرة احسن ان المدونات جابت نتيجة ملموسة حتى لو شايفها البعض انتصار جزئى
بس دى خطوة مهمة فى سبيل القضاء على الفساد الى منتشر فى كل حتة
كان نفسى الحكم يبقى اطول من كدة علشان يبقى عبرة لكل شرطى سادى ومريض
اكرر إحترامى لك ولشجاعتك

Posted by: هرطقة | Saturday, 10 November 2007

والله الواحد قال اهو لسه فى امل
الحمد لله على الخبر المريح ده فى سط الخنقه اللى احنا عايشنها
وخف يا وائل فى لبنان كفيا القلق اللى انت فيه فى مصر سا نجم
:)
ترجع بالسلامه يا نجم

Posted by: وسام الزحلان | Saturday, 10 November 2007

انا نفسى اسأل القاضى اللى أصدر الحكم بأمارة ايه الرافه دى وهل كنت هاتحكم على عماد نفس الحكم لوكان هو اللى عمل كده فى الضابط الخول
وليه طلب ياوائل كنا عايزين شوية صور للخول واهله بعد سماع الحكم

Posted by: mohamed | Saturday, 10 November 2007

هو ده الشغل ياوائل باشا وان شاء الله الى الامام أنت وكل المدونين المخلصين .

Posted by: ميكى | Sunday, 11 November 2007

أدعوك للمشاركة في الحملة ضد جريدة المصري اليوم

زوروا مدونة مظلومين للتعرف على الحملة وأسبابها وأهدافها

كن إيجابيًا وشارك وقل
لا للكذب والتلفيق

مالك مصطفى

Posted by: mazlomen | Monday, 12 November 2007

عادت لحية احمد عرابى مره اخرى على صفحات المصريون فى عمود الاستاذ جمال سلطان والغريب ان الاستاذ جمال يوحى للقارىء ان الجامعه غيرت الصوره خوفا من اللحيه وليس لان الصوره لم تكن اصلا لعرابى بل للخديوى توفيق وان الجامعه تداركت هذا الامر اخيراوغيرت الصوره
http://www.almesryoon.com/ShowDetailsC.asp?NewID=40912&Page=1&Part=8

Posted by: المحروسه | Tuesday, 13 November 2007

الحمد لله الحق بان أخيرا

Posted by: جورج محمد جورج | Tuesday, 13 November 2007

PLEASE READ THIS!!



من مناقب سيد طنطاوي
رسالة الي جبهة العلماء

طالعنا فضيلة الامام الاكبر الشيخ الدكتور الفاضل سيد طنطاوي بفتوي جديدة ضد الصحفيين المنحرفين الذين تخطوا حدود العدالة وبعدوا كل البعد عن سماع او فهم الايات الشريفة للكتاب الكريم ودستور البشرية الاوحد هاؤلاء الصحفيين وما اكثرهم يجب ان يجلدوا بلا هوادة حسب توصيات فضيلته (وقد جاء في نص الاية ان لا تقبلوا لهم شهادة ابدا واولائك هم الفاسقون) والقرأن الكريم يصف في هذه الاية الكريمة من سورة النور ادانة للذين يرمون المحصنات العفيفات الشريفات بجريمة الزني ولم يأتوا علي دعواهم باربعة شهود عدول يشهدون بما نسب اليهن من الفاحشة فقد وجب اقامة الحد عليهم بالجلد ثمانين جلدة وقد وجب عليهم ثلاثة احكام الاول الجلد - والثاني ان ترد شهادتهم ابدا - والثالث ان القرأن قد دمغهم بالفسق واشترطت احكام القرأن ان يظل الذين ارتكبوا هذا الجرم الشنيع في حق النساء المحصنات العفيفات هكذا - بقية حياتهم الا ان يتوبوا توبة نصوحا نهائية ويستغفرون ربهم بكل اخلاص ويندموا علي ما فعلوا ويصلحوا العمل والنية والقول فان الحق جل وعلا من بعد ذلك لغفور رحيم كما وعد ووعده الحق.

فمن اين جاء فضيلته بأتهام الصحفيين وطلب عقوبتهم بالجلد ثم بالحبس لانهم رموا المحصنات بجريمة الزني؟ ومن هن المحصنات العفيفات المجني عليهن؟ وحيث انه لا وجود لهذه الجريمة مطلقا - ولم يحدث ان ارتكب الصحفيون اوغيرهم جريمة رمي بالفاحشة في حق اي امراة مسلمة شريفة ومحصنة كما نص القرأن الكريم في الاية الشريفة في سورة النور. لذلك ولما تقدم فقد اصبح واضحا جليا ان هذا الحكم محض افتراء اولا علي الله جل وعلا لاستعمال كلماته التامات في غير موضعها - وهذا تقليد دقيق لاحبار اليهود وعلمائهم الذين كانوا يسمعون كلام الله ثم يحرفونه من بعد ما عقلوه وهم يعلمون انهم يرتكبون جربمة عن بصيرة وهكذا فعل بالضبط فضيلته حينما حرف الكلام عن مواضعه من بعد ما عقله وهو يعلم تماما ما هو مرتكب.

ثم وجوده في هذا المنصب الرفيع وهو يتربع علي كرسي الامامة لاكبر واشهر قلعة علمية للدين الحنيف في العالم اجمع يعطي لتصريحاته صفة الحكم اي انه بتلك الفتوي تعتبر حكما يدعي فيها استشهاده بايات القرأن الكريم لاصدارها غير ان هذا الحكم ليس فقط تحريف الكلام عن مواضعه ولكن ايضا كفر وفسق وظلم شائن في حق الله جل وعلا وفي حق الابرياء من الذين حكم عليهم فضيلته بالجلد زورا وافكا وبهتانا - ونص القرأن الكريم يكرر في سورة المائدة وحدها - فقال: (ومن لم يحكم بما انزل الله فاولائك هم الكافرون - ومن لم يحكم بما انزل الله فاولائك هم الظالمون - ومن لم يحكم بما انزل الله فاولائك هم الفاسقون).

ان جبهة العلماء بما تضطلع بمسئولية حماية الدين الحنيف من الزندقة والزنادقة الذين يلاحظ بشدة نمو نشاطاتهم المشبوهة في العقدين السابقين لم يذعنوا لما هو جارا في هذا البلد ويردوا عليها ردا رادعا ويجب ان ينظروا نظرة ثاقبة في تدابير المجرمين ومساندة الشيطان الاكبر لما يدبرون من محاولات لئيمة فاجرة لهدم الدين الحنيف ومحاولة الغاء المناهج الدينية في المدارس عموما وفرض مناهج ومؤالفات اخري علي المعاهد الازهرية تتناقض مع الكتاب الكريم وتتدخل بالفاظ وروايات فاسدة الي معانيه السامية ثم كانت الطامة الكبري ومصيبة المصائب ان ياتوا بكتاب مزور يسمونه قرآنا ويوزع علي طلبة وطالبات المدارس في مصر ويحرفون في اسماء الله الحسني جل وعلا ويدخلون اسماء ما انزل الله بها من سلطان - وكلها اصابع الصهيونية تلعب بكتاب الله وبالوحي الآلهي الذي لا يأتيه الشك من بين يديه ولا من خلفه والعجب العجاب انه شاهد ونشهد بما يعبثون بقيم ديننا الحنيف وهم شراذم من الجهنميين الذين ضمن الله الجبار جل وعلا لهم الخلود في جهنم لا يخفف عنهم العذاب وما هم منها بخارجين ابدا.


وفضيلته منافق خطير باع الاخرة بالدنيا وباع تقوي الله جل وعلا واستبدلها بمداهنة فرعون مصر الحاكم الجائر والذي بلغ من الكبرعتيا - ولا يمكن لفضيلته - وقد بلغ من عمره المديد ايضا في النفاق والكفر والفسق والظلم ما لم يبلغه اي احد اعتلي هذا المنصب منذ نشاة الجامع الازهر الشريف وعلي مر القرون - والذي يطلب منه التوبة الي الله جل وعلا يطلب الوهم - فهذا الرجل اعرفه جيدا والتقيت به فصددت عنه وصد عني ولفضيلته كوارث ومصائب كثيرة تعف النفس عنها ثم ان الذي سمي المشركين نجس هو الله سبحانه وتعالي والذي حكم بالكفر والظلم والفسوق علي من لايحكم بما انزل الله جل وعلا هو الحق سبحانه وتعالي ولا حياء في الدين ففضيلته حكم بما يخالف ما انزل الله علي نبييه فهل عند احدكم ادني شك في الحكم عليه بالكفر والفسوق والظلم؟ لماذا لا نقول ما حكم الله به في كتابه العزيز ام ان هذا الحكم لا ينطبق علي فضيلته؟ واذا رأيتم هذا فقد خالفتم امر الله بما نص عليه القرأن الكريم الذي لا جدال فيه ولا تأثيم ولا اخالني انكم ستخالفون اوامر الله وحكمه من اجل التلطف مع زنديق عاتي تآكل من الفجور الي ابعد الحدود والكافرون هم الظالمون.

وسنورد في مناقبه قريبا ان شاء الله ما يستوجب معه ايقاظ الضمائر وتحريك الهمم لنبذ هذا المنافق بعيد عن ساحة الدين الحنيف وكفي تلوثا لسمعة الاسلام والمسلمين في مصر المغلوب شعبها علي امره - ولا حول ولا قوة الا بالله العلي العظيم.

Posted by: tamer suhail | Wednesday, 14 November 2007

حد يجاوبنى بسرعة وضرورىىىىىىىىى
اشترى علم مصر كبير ومفتخر كده منيييييييييييييييين
ارجوووووووووووووكم اللى يعرف يقوللى
لانى دوخت عليه

Posted by: shabfa2re | Wednesday, 14 November 2007

على فكرة يا وائل
الأسبوع سرقوا علامتك المميزة مع مقال مصطفى بكري
إدخل اللينك ده
http://www.elaosboa.com/elosboa/issues/554/bealakl.asp

Posted by: مواطن | Thursday, 15 November 2007

بلاغ لمن يهمه الامر
ومازال الاهمال والتزوير فى المستشفى التى اعمل فيها
واخرها وفاة حمدان
www.allarefay555.blogspot.com

Posted by: دكتور علاء رفاعى | Saturday, 17 November 2007

اسفه للتطفل و التعليق على غير الموضوع المنشور
الرجاء زيارة الرابط الموجود لعل و عسى
http://elnaswiel3alam.blogspot.com/2007/11/blog-post_17.html
شكرا

Posted by: Hafsa | Saturday, 17 November 2007

بلاغ لمن يهمه الامر
ومازال الاهمال والتزوير فى المستشفى التى اعمل فيها
واخرها وفاة حمدان
http://www.elakhbar.org.eg/issues/17341/1100.html

دكتور علاء رفاعى
استشارى الجراحة
www.allarefay555.blogspot.com

Posted by: دكتور علاء رفاعى | Monday, 19 November 2007

والله خبر فى الجون
وترجع بالسلامة يا وائل وتنور مصر
وترجع مليان كده بالأخبار الجديدة

Posted by: رفع البيج رانك | Monday, 19 November 2007

أنا كنت فاكرك من أسكندرية يا دكتور علاء

Posted by: أبو رشـــــــــــــــــــــــــــــــــــــــــا | Monday, 19 November 2007

ممكن يا استاذ وائل تضيف الفقرة دي عندك http://www.youtube.com/watch?v=xqb57qSHpDE

Posted by: محمد | Tuesday, 20 November 2007

يااااااااه
اخيرا
الحمد لله ان الواحد شاف اليوم ده

هى دى نهاية الظلم
ومع ان الحكم مخفف خالص لكن برده اهو احسن من مفيش

مبروك لعماد الكبير

ومبروك ليك يا وائل يا جامد
وترجع بالسلامة

Posted by: شاب مصري مفروس | Thursday, 22 November 2007

Salam Wael,

Your effort is being appreciated. I hope you gain more fame and more power. I hope you use them to benefit your nation.

Since you're becoming an icon, there will be lots of youths learning from you and trying to follow your steps. If you allow me, it might be better if some slang words like "fashkh" are avoided. I don't think such words are adding any strength to your cases.

Best wishes and my regards,
Mahmoud

Posted by: Mahmoud | Thursday, 22 November 2007

البيه المحكوم عليه سيقضي المدة الباقية في سجن خمس نجوم ، العملية كلها للاستهلاك العام وتحسين الصورة القبيحة للنظام الدكتاتوري
--------------------------------------------
شهرة عالمية لمبارك وعائلة كس أمه
اقرأ هذا التقرير

Russia and China have expressed their anger of the United States backing of some of the most corrupt nations on Earth, including:

Georgia: Ruled by a dictator who declared a state of emergency, closed down all independent media and imprisoned all opposition leaders.

Pakistan: Ruled by a dictator who declared a state of emergency, closed down all independent media and imprisoned all opposition leaders.

Egypt: Which suspended democratic rule in favour of Mubarak’s son becoming the new leader, closing all independent media and imprisoning all opposition leaders and supporters.

Saudi Arabia: The world’s most cruel theocracy that has crushed all opposition and independent media and denies all basic human rights to women.

Kosovo: A Serbian province ruled by criminal gangs who under the protection of US forces has been allowed to conduct a massive campaign of ethnic cleansing.

Israel: The world’s only nation whose people have voted their prime minister the most corrupt politician in their country’s history.

Ethiopia: One of the most brutal of all the African nations pushed by the United States to invade Somalia where over 1 million Somalis are now homeless and war is about to erupt between Ethiopia and Eritrea.

Posted by: المصري افندي | Friday, 23 November 2007

الله أكبــــــــــــــــــــــر

Posted by: princesssamz | Tuesday, 27 November 2007

في تقرير يرصد أوضاع حقوق الإنسان خلال الفترة بين عامي 2003 و2006، قال مركز "النديم" لعلاج وتأهيل ضحايا العنف إن ممارسات التعذيب وقعت في أقسام الشرطة ومقار مباحث أمن الدولة ومكاتب الأمن وفي محطات المترو والجامعات بل وفي الشارع نفسه.
وأورد التقرير الذي يقع في 261 صفحة أسماء 50 شخصًا لقوا مصرعهم تحت وطأة التعذيب خلال تلك السنوات، من بينهم سجناء ماتوا بسبب شدة الحر خلال ترحيلهم في سيارة شرطة شبه مغلقة لمسافة طويلة ومتظاهرين أو محتجين على قرارات إدارية أو على تنفيذ أحكام قضائية قتلوا برصاص الشرطة.
وأشار التقرير إلى أن عددًا من الأشخاص قتلوا تحت وطأة التعذيب هذا العام لم يشملهم التقرير، فيما أورد التقرير قائمة بأسماء 272 ضابط شرطة قال إنهم "ممن تلوثت أيديهم بجرائم التعذيب".
وطالب المركز بملاحقة الضباط المنشورة أسماؤهم في التقرير "ان لم يكن اليوم فغدًا. فجرائم التعذيب - مثل جراحه - لا تسقط بالتقادم".
وقال التقرير إنه يتناول أحداثًا "شهدت عنفًا بوليسيًا جماعيًا لم يستثن فئة من فئات المجتمع ولا موقعا في البلاد إلا وتحول إلى ثكنات لرجال الشرطة ومباحث أمن الدولة وجيشها من الأمن المركزي".
وأضاف المركز الحقوقي أن التقرير "توثيق لسياسة الحكم بالحديد والنار يتحمل مسئوليتها كل من وضعها أو وافق عليها ومن قام على تنفيذها من رأس الدولة إلى مخبريها".
ونفى التقرير أن تكون عمليات التعذيب هي حالات فردية كما تقول وزارة الداخلية، وقال إن من بين المؤشرات الدالة على أن "التعذيب هو السياسة الرسمية للدولة وليس فقط مسئولية ضابط هنا أو هناك.. استخدام نفس طرق التعذيب في كافة أماكن الاحتجاز من الضرب إلى الجلد إلى الحرق بالسجائر المشتعلة إلى التهديد بهتك العرض أو القيام به وتغمية العيون والتعرية الكاملة طوال أيام التعذيب".
ولفت إلى أن تم تسخير إمكانيات الدولة "للتغطية على جرائم القتل تحت التعذيب" ما اعتبره يمثل دليلاً إضافيًا على تورط السلطات العامة في تلك السياسات".
وحمل التقرير، رئيس الجمهورية المسئولية المباشرة عن ذلك، وقال إن "الصلاحيات التي يتمتع بها هي نفسها التي تجعله مسئولاً عن سياسات التعذيب المنهجي والتي من الممكن أن يحاسب على أساسها وفقا للقانون الدولي كجرائم ضد الإنسانية".

انتهى التقرير
---------------------------------

هل هناك حاجة إلى أي دليل آخر على أن مبارك ابن متناكة يستحق الخضوع لمحاكمة دولية بتهمة ارتكاب جرائم ضد الإنسانية؟

لو حكموني لحكمت بإطفاء سيجارة في طيظه قبل شنقه

Posted by: المصري افندي | Tuesday, 11 December 2007

مصر ولاده ربنا معاك بس خد بالك من نفسك انت ولد

Posted by: هاله | Tuesday, 25 December 2007

The comments are closed.