Tuesday, 16 September 2008
Exclusive - White House Suspicious Purse
Exclusive - White House Suspicious Purse
الآن وحصريا على الوعي المصري
فيديو من تصويري لإخلاء محيط البيت الأبيض وشارع بنسلفانيا وحديقة لافاييت بسبب حقيبة يشتبه في أنها قنبلة
This is a video I shot myself on Saturday
I was by the White House when I noticed a purse lying on a bench in Lafayette Park
The police did not take notice until an hour later
Then I started shooting this video
02:25 Posted in صفحات الغلاف | Permalink | Comments (12)
Friday, 12 September 2008
فاكرين أكثم بتاع عمارة مصر الجديدة
فاكرين أكثم بتاع عمارة مصر الجديدة
وصلتني أنباء غاية في الفاشية تدل على حقارة ووساخة هذا النظام
فاشية ما شفتهاش من أيام محارق النازي وترحيل عبناصر للنوبيين ومذابح رواندا
الحكومة قررت تسوية أرض الدويقة التي سقطت عليها الصخور وإعلانها مقبرة جماعية وتسميتها مقبرة الشهداء رغم إعتراض الأهالي ورغبتهم في تسلم جثث ذويهم لدفنها
نعم الحكومة قررت تسوية الأرض على الجثث وعلى الأحياء دون أن تتكبد العناء في رفع الأحجار والبحث
هل تذكرون عمارة مصر الجديدة وأكثم الذي إستخرجوه من تحت الأنقاض بعد حداشر يوم
يبدو أن أكثم كان محظوظا لأنه من سكان مصر الجديدة الهاي وما ينفعش الحكومة تسوي ارض العمارة وتعمل مقبرة في قلب مصر الجديدة الهاي كلاس
لكن ممكن تعمل كده في حته زي الدويقة ما بيسكنهاش حد مهم ولا عليه الطلب
فقط مجرد بني أدمين ما يساووش في نظر الحكومة على أكثر تقدير خمستلاف جنيه
فمش مهم لو كان حد حي ولو شخص واحد فقط
نردمها فوق راسهم
ربنا ما يكتبها علينا ولا عليكم يارب
عملية قتل جماعي أولا بالتباطؤ في عملية الإنقاذ وثانيا بالردم
كنت من قبل إقترحت إقتراحا فور وقوع الحادث ولم يفدني أحد هل يصلح أم لا لأني مش مهندس
وهو إستخدام روافع البناء أو روافع المواني التي يمكن تفكيكها ونقلها بمنتهى السهولة على سيارات نقل صغيرة
وفي أعلى صورة للروافع التي أتحدث عنها إلتقطها لأحد المشاريع الضخمة في عندما كنت في عمان بالأردن لحضور أحد المؤتمرات
والغريب أنه بالفعل وعلى بعد أمتار قليلة جدا من موقع الحادث يوجد مشروع إعماري ضخم أثار الكثير من الجدل واللغط لأنه في مواجهة قلعة صلاح الدين التاريخية ويستخدم مثل تلك الروافع ولم يفكر كلب من المسئولين في الإستعانة بتلك الروافع التي يمكنها رفع جبل زي اللي نحتوه بالفعل من أجل هذا المشروع ونقله لإستخراج الضحايا والجثث
بجد مش قادر أمسك نفسي وأبقى مؤدب
أحه يا ولاد المرا الشرموطة دي أرواح ناس
02:25 Posted in صفحات الغلاف | Permalink | Comments (55)
Friday, 05 September 2008
حد يحط كمين مرور في منزل كوبري - تعالوا نشوف
حد يحط كمين مرور في منزل كوبري - تعالوا نشوف
الصورة ليست مشهد من فيلم أكشن أمريكاني
الصورة هي نتيجة فساد بعض رجال شرطة المرور ووضع كمين في المكان الخطأ مما نتج عنه تدمير ممتلكات عدد من المواطنين وتعريض حياتهم للخطر مقابل سبوبة قذرة لرجال الشرطة الشرفاء
السيارة الألفا روميو الفضية هي سيارة الصديق فؤاد رؤوف منصور
كان رايح شغله الصبح في المعادي عن طريق الدائري
وبعد كارفور وعند المنزل المؤدي إلى الأوتوستراد فوجيء بكمين واقف عند منزل الكوبري
المفترض من هذا الكمين منع سيارات النقل من إستخدام الكوبري
يعني المفروض يبقى على مطلع الكوبري
لكن ازاي يعملوا سبوبة
يقفشوا العربيات وهي نازلة بقى ويظبطوا المصلحة في المصيدة
ويكون الضحية أبرياء
وهذه ليست الكارثة الأولى بسبب الكمائن المرورية الخاطئة أو إيقاف الطريق من أجل عبور مسئولين كما حدث العام الماضي عند مارينا وهذا العام أيضا
فؤاد كان واقف في اللجنة وقدامه خمس عربيات
قوم جات عربية نقل رينو ضخمة اللي انتم شايفنها دي محملة بلوكين رخام من المحاجر ومش واخد خوانة ونازل المنزل وواخد سرعته لانه معروف في قوانين المرور في بلاد البلالا ما ينفعش حد يعمل لجنة مرور على منزل كوبري
قوم راحت طاخ راشقة في الألفا روميو
راحت الألفا روميو داخلة تحت العربية الدودج رام لغاية ما بقت الدودج فوق سقف الالفا روميو وبعدين قلبتها على جنبها وبعدين كملت على عربية شيفروليه اوبترا قدام منها طلعت على كبوت الالفا روميو
وطبعا سواق النقل هرب
وفؤاد ضاع عليه ميت ألف جنيه تمن العربية
بالمناسبة اللجنة كان فيها عقيد شرطة
علشان محدش يقول فساد أمناء الشرطة والعساكر بس
فؤاد راح للعقيد وقال له حد يحط كمين مرور في حته زي دي وهوب إختفى العقيد تماما من موقع الحادث
فؤاد عموما عمل محضر في نقطة شرطة صقر قريش
السيارة النقل فوق الجزء الخلفي من سيارة فؤاد
الدودج رام مقلوبة على جنبها بعد أن دفعت السيارة النقل سيارة رؤوق تحتها
نسيت أقولكم إن ربنا سترها قوي مع رؤوف وكل الناس اللي كانت في الحادثة ومحدش حصل له حاجة
00:05 Posted in صفحات الغلاف | Permalink | Comments (51)
Thursday, 04 September 2008
مزاعم جريدة الأخبار حول فتاة العصا الكهربائية
مزاعم جريدة الأخبار حول فتاة العصا الكهربائية
مباحث الجيزة تكشف سر صاحبة كليب عصا الأمن المركزي
كتب محيي عبدالرحمن:
كشفت مباحث الجيزة بالتنسيق مع مصلحة الأمن العام سر فتاة الهرم التي صدمت محاسبا وهددته بعصا أمن مركزي مدعية انها ابنة لواء شرطة.. تم القبض عليها وتبين انها صاحبة شركة ملابس وهربت عقب نشر كليب خاص بالواقعة علي الانترنت وتبين ان العصا التي كانت معها مزيفة احيلت المتهمة للنيابة للتحقيق.
كانت بعض الصحف الخاصة والمستقلة قد نشرت كليبا يحوي مشاهد مصادمة سيارتين احداهما تقودها فتاة ونزلت منها وفي يدها عصا تشبه العصا الكهربائية التي تستخدمها قوات الامن المركزي هددت بها قائد السيارة الثانية الذي لم يقم بتحرير محضر بالواقعة.. عقب النشر عن الحادث تحركت مباحث الجيزة باشراف اللواء محسن حفظي مساعد الوزير لامن الجيزة بالتنسيق مع مصلحة الامن العام باشراف اللواء عدلي فايد وتوصلت التحريات باشراف اللواء علي السبكي مدير الادارة العامة لمباحث الجيزة الي ارقام السيارة التي كانت تستقلها صاحبة الكليب وتبين ان صاحبتها مطلقة 35 سنة من الاسكندرية وتسكن في شقة بشارع فيصل واختفت فور علمها بنشر صورها في الحادث علي النت.. تم القبض عليها باشراف اللواء كمال الدالي مدير المباحث واعترفت بادعاء انها ابنة لواء بالامن المركزي خوفا من المارة الذين تجمعوا حولها عقب اصطدام سيارتها بسيارة المحاسب.
هذا هو ما نشرته جريدة الأخبار الحكومية
لاحظوا انهم قالوا عصا أمن مركزي وإحنا ما قلناش أمن مركزي
وقالوا لواء وإحنا ما قلناش لواء
قلنا عميد
وأجزموا ان العصاية مزيفة وإنها شومة بس
شوف إزاي
عصيان الغلية بقت بتطقطق يا جدعان
أصل إحنا عمرنا ما نزلنا مظاهرات في الأربع سنين اللي فاتوا وعمرنا ما شفنا عصيان كهربائية
وتطلب الأمر إشراف أربع لواءات
محسن حفظي - مساعد الوزير لأمن الجيزة
عدلي فايد - مصلحة الأمن العام
علي السبكي - مدير إدارة مباحث أمن الجيزة
كمال الدالي - مدير مباحث
علشان يجيبوا إسم صاحبة عربية من مرور إسكندرية !!!
برضه شوف إزاي
بالمناسبة أنا جات لي تسريبات من وزارة الداخلية مفادها ان كان فيه بيان آخر للداخلية بيقول إن البنت بتشتغل في فندق في شرم الشيخ وإنها بنت عامل بسيط - يظهر كانوا عاوزين يطلعوها بتشتغل في الدعارة
دلوقت بقت صاحبة شركة ملابس؟
ليه الداخلية غيرت كلامها؟
وخلينا ورا ال**** لحد باب الدار
-
تحديث
المصري اليوم أيضا تنشر بناء على كلام الداخلية
وزي بالضبط ما التسريبات اللي قلتلكم عليها وصلتني
طلعوها بتشتغل في فندق في شرم الشيخ
وفي نفس الوقت بتتاجر في الملابس
وطلعوها من العجمي البيطاش بالإسكندرية
وفي نفس الوقت أبوها طبيب بشري في جرجا وسوهاج
وبيان انها متطلقة وعندها 35 سنة
وبيان انها عندها 30 سنة بس !!!
هو فيه ايه بالظبط؟
هو الداخلية طلعت بيانين متضاربين؟
واحد راح الأخبار
وواحد راح المصري اليوم؟
إضغط هنا
مش باقولكم الموضوع فيه إنه
خلينا نشوف
-
تحديث ثاني
روزاليوسف تدخل على الخط
دخلت روزاليوسف على الخط وإستغلت الموضوع للهجوم على المصري اليوم بعنوان مثير
مديرية أمن الجيزة تكذب المصرى اليوم
وقالت كلام جديد لم يذكر في الأخبار ولا المصري اليوم
وطلعت الفتاة عليها تلات قضايا شيكات بدون رصيد
كما قالت روزاليوسف بالنص : وتبين أن العصا التى كانت تحملها غير خاصة بالشرطة أو أى جهة أمنية
مع إن بيانات الوزارة ذات نفسها بتقول إنها رمت العصاية
يبقى ازاي روزاليوسف بتجزم إنها غير خاصة بالشرطة ولا أي جهة أمنية
ولسه ياما ها نشوف
05:05 Posted in صفحات الغلاف | Permalink | Comments (21)
Monday, 01 September 2008
فتاة العصا الكهربائية طلع إسمها شيرين
فتاة العصا الكهربائية طلع إسمها شيرين
من المصري اليوم برضة
البنت اسمها شيرين
الواقعة تكررت في كفر طهرمس
اهالي شارع فيصل كانوا عاوزين يضربوها
خبطت له العربية وجريت بدون ان تعتذر
وعندما اوقفها تجاهلته واخذت تتحدث في المحمول
البنت ادت الولد الفلوس لكن قالتله - بس على فكرة كس امك
الولد اتصل بضابط صاحبه يستشيره قانونيا فقال له اعملها محضر بالواقعة حتى لو بنت وزير
الأهالي قالوا أن الولد تعامل معاها بأدب
الولد كان معاه خطيبته وهي اللي اقنعته يمشي
أم البنت حضرت وإعتذرت وأصيبت بالإغماء
المصري اليوم تعرفت على مصور الكليب أيضا وإسمه كريم
والواقعة بقالها شهر
إضغط هنا لقراءة الموضوع كاملا
وشكرا للمصري اليوم
-
ملاحيظ
انا نشرت الكليب علشان استخدام النفوذ والأسلحة المحظورة
وليس علشان سب الدين
لان انا مش ربنا ولا عندي ملايكة يحاسبوها
ولا عندي جنة ونار احطها فيها
ولا حد فيكم عنده
وانا شخصيا باسب الدين ساعة الغضب
بس حد فيكم يستجرى يوقف سواق ميكروباص ويضربه علشان سب الدين؟
يعني يستغلوا نفوذهم براحتهم
ويبطلجوا على الشعب
وياكلوا حقوق الناس
ويعذبوهم
لكن كله الا سب الدين؟
بالضبط نفس الموقف في قضية اهانة الرسول
يعني اوكيه يحتلونا
واوكيه ويسرقوا مواردنا
واوكيه يرسخوا حكم حكام موالين ليهم علينا
لكن برضه لو كانت البنت لابسة نقاب لم يكن الوضع ليختلف
ولو كانت رجل بشنبات برضه نفس الكلام
طالما فيه عصاية مكهربة واستخدام لنفوذ ابوها
اما تعليقات القراء فماليش دعوة بيها نهائيا
هو ده الشعب وهي دي ثقافته المنحطة حاليا اللي بنحاول نغيرها
يا اما ناس عندها هوس ديني من بتوع ارجموها واقتلوها
يا اما ناس عندها هوس جنسي جاية تفك بريزة على رجلين البت
وكل دول خارج الموضوع تماما
وده علشان بس المدونين بتوع خالف تعرف محبي الظهور وسرقة الأضواء وسلاح التلميذ واللي فيهم بيجيبوه فيا
اللي قالوا ان الفيديو واقعة تحرش جنسي ومازالو مستمرين في العبط
صحيح
أخذتهم العزة بالإثم
العند ولعب العيال حلو
او هي مجرد نفسنة لا اكثر ولا اقل واللي ما يعرفش يبني اسهل يهدم
هما عموما اتنين تلاته مدونين مغمورين بس الواحد بيذكر الموضوع من باب الشفافية مش من باب الرد عليهم لأنهم اهيف واقل من الرد
مش عارف شوف كام راجل اتحبس بتهم التعذيب وصعبان عليهم نحبس بنت علشان بنت
هي دي بقى حقوق المرأة
ايه التهريج ده
وانا موقفي من موضوع حقوق المراة معروف ومحدش يقدر يزايد عليه ابدا
واللي يحاول يزايد ينسى
واللي عايز يعرفه يراجع ارشيف المدونة من اول احداث الاستفتاء 2005
وصور نوال وشيماء
وكليبات البنات اللي بتتعذب في اقسام الشرطة
وصور فضيحة التحرش في العيد
وفيديوهات التحرش المختلفة
وكليب الظابط اللي بيقلع البنت
وكل أنواع العنف ضد المرأة
انما تحويل الامر الى حق المراة في البلطجة زي الرجل
دي شرمطة وقحوبية
عموما لو البنت اتحاكمت بتهمة سب الاديان هاكون اول من يدافع عنها
غير كده لا تنازل عن محاسبتها ومحاسبة أبوها على استخدام النفوذ واستخدام عصا كهربائية من النوع ذو الإستخدامات العسكرية مش حتى تيزر حريمي او سلف ديفنس من اللي البنات بيجيبوه من بره
وعموما مصر ما اتحبسش فيها حد بتهمة سب الدين غير واحد مسيحي غلبان مالوش حد من كام سنة
تقريبا كان عربجي او زبال حاجة زي كده
11:26 Posted in صفحات الغلاف | Permalink | Comments (48)
Sunday, 31 August 2008
المصري اليوم تتوصل لمعلومات حول الكليب
المصري اليوم تتوصل لمعلومات حول الكليب
توصلت جريدة المصري اليوم المصرية المستقلة لتحديد شخصية الشاب الذي كانت الفتاة تهدده بالعصا الكهربائية ونشر الخبر في عدد أمس في الجريدة على الصفحة الثالثة
والشاب صاحب السيارة الهيونداي إلانترا ملاكي جيزة
٥١٧٠٩٨
إسمه أحمد السيد الشهير بحمادة
28 سنة
محاسب
ويسكن في العمرانية
تفاصيل أكثر على موقع المصري اليوم
إضغط هنا
06:52 Posted in صفحات الغلاف | Permalink | Comments (14)
Saturday, 30 August 2008
بمناسبة شهر رمضان - عمر عفيفي - سنة أولى مباحث
بمناسبة شهر رمضان - عمر عفيفي - سنة أولى مباحث
حصريا وعلى مدونة الوعي المصري فقط
من مؤلف كتاب
عشان ما تنضربش على قفاك
ننفرد حصريا بنشر أحدث كتابات العقيد عمر عفيفي
"سنة أولى مباحث"
الحلقة الأولى
صيام المباحث
إضغط هنا للقراءة
09:25 Posted in صفحات الغلاف | Permalink | Comments (18)
Monday, 25 August 2008
بنت الباشا الظابط بتبلطج بعصا كهربائية ممنوعة قانونا
بنت الباشا الظابط بتبلطج بعصا كهربائية ممنوعة قانونا
لوحت بالعصا الكهربائية في وجهه
وقالت له : ك* أمين أم اللي خلقك
لو دكر وراضع من بز أمك خليك واقف
وهددته بإصابته بالشلل بواسطة العصا الكهربائية
وإتصلت بأبوها تقول له إبعتلي ظابط في شارع فيصل دلوقت
إبنة ضابط شرطة برتبة عميد في مديرية أمن الجيزة تستخدم عصا كهربائية ممنوعة ومجرمة قانونا في خناقة في الشارع بعد أن صدمت سيارة مواطن بسيارتها من الخلف وتستخدم ألفاظ غاية في البذاءة لا أستطيع أنا شخصيا بكل بذاءتي أن أتفوه بها
طبعا تربية أبوها
بس يا ترى دربها كمان على العصا الكهربائية لترويع المواطنين كما يستخدمها هو شخصيا في تعذيبهم
سمعنا وشفنا كتير ظباط شرطة بيخلوا عربيات الشرطة بتاعة البلد والشعب تشتغل موصلاتي خصوصي لولادهم وبناتهم وزوجاتهم وهم رايحين المدرسة أو الجامعة أو يعملوا شوبنج
لكن دي أول مرة نشوف بعينينا أبناء هؤلاء السفلة الفاسدين وهم يستخدمون نفس أدوات إرهاب ذويهم إلى جانب النفوذ لأنه يبدو أن النفوذ لا يكفيهم ويجب التعامل مع المواطنين كما يتعامل آباؤهم
ها يا منى يا ناصرجية يا مناضلة
لسه ها تسمعي كلام الأمن وتخافي على برنامجك أحسن أحمد بهجت يوقفهولك
ها يا معتز
لسه بتتلقى الأوامر بالتليفون من أمن الدولة وتعيط علشان بيتدخلوا في برنامجك بس برضه خايف يتقطع عيشك
ها يا إبراهيم يا عيسى
لسه بتعند مع المدونين علشان بينتقدوا سياستك في إدارة الجرنال
لسه ها تنفذوا تنبيهات الأمن بعدم التعامل مع المدونين ومقاطعتهم
لسه الأنا العليا بتاعتكم بتوجعكم
ومش عاوزين حد يبقى نجم جنبيكم
على راحتكم
لكن ده مش نضال اللي بيجيب مرتبات بعشرات الألوف في مقابل إنكم تتكلموا في حدود المسموح وما تتعدوش الخطوط الحمرا اللي المدونين ياما زقوكم علشان تعدوها لكن انتم رجعتم تاني كسكستم لورا
اتقوا الله في بلدكم وفي الناس اللي مصدقاكم ووثقت فيكم وبتجيب لبرامجكم إعلانات وتعلي نسبة المشاهدة وتعلي نسبة التوزيع لجرايدكم
هذا هو رقم سيارة هذه المواطنة السافلة
شيفروليه أوبترا سوداء
ملاكي الإسكندرية
180707
مطلوب تحقيق في هذه الواقعة
مطلوب محاكمة هذه الكلبة
ومحاكمة أبوها
الفيديو وصلني على المدونة
إضغط هنا لتشاهد الفيديو
18:30 Posted in صفحات الغلاف | Permalink | Comments (149)
Tuesday, 19 August 2008
عاجل - حريق مدمر في مجلس الشورى المصري
عاجل - حريق مدمر في مجلس الشورى المصري
وقت كتابة هذه السطور مازال يشتعل حريق مدمر في مبنى مجلس الشورى دون أن يتمكن أحد من السيطرة على الحريق رغم إندلاعه من أكثر من ثلاث ساعات
وكان هذا الفيديو المسجل تعليقي على الحريق لقناة الجزيرة
إضغط هنا لمشاهدته
كما يمكنكم متابعة آخر تطورات الحريق عن طريق خدمة تويتر الخاصة بالوعي المصري على العامود الأيمن للمدونة
21:40 Posted in صفحات الغلاف | Permalink | Comments (39)
Wednesday, 13 August 2008
هل يعلق العادلي على المدونات كما علق نظيف
هل يعلق العادلي على المدونات كما علق نظيف
في هوجة تعليق أحمد نظيف أو من يتظاهر بأنه أحمد نظيف على المدونات وإشادته بها هل يعلق حبيب العادلي أيضا على المدونات
والحقيقة أن تعليق العادلي مطلوب ردا على كثير من التساؤلات وعلامات الإستفهام
مثل لماذا لم يكشف النقاب عن الغالبية العظمى من ضباط وأمناء الشرطة الذين يظهرون بوضوح وبملابسهم الرسمية في اكثر من دستة من الفيديوهات التي نشرناها على الوعي المصري ولم يدان الا ثلاثة فقط من افراد الشرطة اثنان في بولاق الدكرور وواحد فقط في امبابة وصاحبت هذه الادانة ادانة الضحية وحبسه ايضا
 |  |
فقد حبس عماد الكبير ثلاثة اشهر بتهمة مقاومة السلطات
وحبس ضحية كليب القفا في إمبابة بتهمة السرقة
عقابا لهما على التبليغ عما وقع ضدهم من تعذيب
ولماذا تم حفظ التحقيق في كليب الشخص الذي يجبر فتاة على خلع ملابسها
نعم ربما تسمعون هذه المعلومة لأول مرة
لكن هذه هي الحقيقة وهي أنه تم حفظ التحقيق في الواقعة
ولماذا تهدد وزارة الداخلية بعض من ظهروا في كليبات التعذيب وتخيفهم حتى لا يتحدثوا رغم انهم بالفعل لم يتحدثوا
وقد تعرفنا بالفعل على شخصيات بعضهم لكنهم رفضوا التحدث خصوصا الفتيات
ولماذا أجبرت بعضهم على مغادرة البلاد خصوصا الى ليبيا وكأنهم مجرمين وليسوا من اجرم في حقهم
مطلوب تعليق حبيب العادلي على ممارسات ضباطه الإعلامية
وتحرشهم الإعلامي والأمني بمن يكشف التعذيب لا من يمارسه
ومكالمات التهديد التي تصل النشطاء على تليفوناتهم
 |  |
مطلوب تعليق العادلي على اتهام مساعده للشئون القانونية ومحافظ المنيا حاليا بأني لي قضايا سابقة ومشبوه في عدد من البرامج الحوارية على الفضائيات
ولماذا يخلو الفيش والتشبيه الخاص بي والصادر من وزارته وزارة الداخلية من اي من الاكاذيب التي اطلقها مساعده رجل القانون
 |  |
مطلوب تعليق الوزير على أداء شرطة النجدة عندما يتصل بها مستغيث
مطلوب التعليق على البلطجة في الشوارع وغياب الامن وتواجده الكثيف فقط في الاماكن السياحية وحول المسئولين لحمايتهم وحول اي نشاط سياسي معارض لقمعه
 | |
 |  |
مطلوب التعليق على غياب الحماية للإناث في الشوارع وفي قلب البلد وليس في المناطق النائية وهتك أعراضهن حتى في الأعياد الرسمية التي تتشدق الوزارة دائما بتوفير الحماية للمواطنين فيها
 |  |
مطلوب تعليق على العلاقة بين الشرطة والمواطن
وليه بقى المواطن الشريف مش بيخاف من الحرامي لكن بيخاف من البوليس حسب إحصائية أجراها الوعي المصري ومازالت مستمرة للتصويت
84% بيخافوا من البوليس
16% بيخافوا من الحرامي
 | |
 |  |
مطلوب التعليق على اختطاف وتعذيب نشطاء الإنترنت
مطلوب تعليقك على تدخل الشرطة في تزوير الإنتخابات
 |  |
 |  |
 |  |
 *** | |
مطلوب تعليقك يا وزير على تدخل الشرطة لطرد المصريين من بيوتهم وأراضيهم لحساب رجال الأعمال والمحتكرين والإقطاعيين
مطلوب تعليق على العنف الأمني المبالغ فيه وغير المبرر ضد التظاهرات والأنشطة السياسية والإحتجاجية السلمية
 | |
| *** | |
 |  |
| *** | |
 |  |
| *** | *** |
 |  |
يا وزير الداخلية مطلوب تعليقك على فيديوهات رجالك التالية
 |  |
 |  |
 |  |
 |  |
 |  |
 |  |
 |  |
 |  |
بس برضه مافيش مانع الدكتور نظيف يعلق على السؤال التالي
لما هو مافيش موارد للتعليم
اللي هو مولد الطاقة البشرية المنتجة لأم البلد
وبتخفضوا اعداد المقبولين في الجامعات المصرية
منين فيه موارد لوزارة الداخلية إنها تزيد أعداد المقبولين في كلية الشرطة خمسين في المائة بحجة وجود عجز في الظباط مع ان وزارة الداخلية غير منتجة وظباطها وأمنائها بياكلوا بلاش وعالة على البلد ده غير اكل السحت والرشاوى والاتاوات وقانون المرور والشاي بتاعنا يا باشا وانا اجيبلك الرخصة من الباشا
!!!
وفي النهاية مطلوب رد على هذا السؤال
يا عادلي بيه
إشمعنى إنت بعد كل اللي عرضناه ده
إشمعنى إنت مش بيشيلوك ليه
-
ملحوظة
***
الفيديوهات المصحوبة بهذه العلامة هي من تصويري
14:41 Posted in صفحات الغلاف | Permalink | Comments (34)
Monday, 11 August 2008
إهتمام إعلامي عالمي بفضيحة كروت الإنترنت التي كشفناها
إهتمام إعلامي عالمي بفضيحة كروت الإنترنت التي كشفناها
كنا قد نشرنا عن هذا الموضوع بتاريخ 30 مايو
بعنوان
كارت الإنترنت الشقي من أمن الدولة للإتصالات
Egypt's Hotspots Now Under Surveillance
إضغط هنا
ثم نشرت الشبكة العربية لمعلومات حقوق الإنسان بيان بهذا الخصوص بعنوان
مصر : مزيد من الرقابة وانتهاك الخصوصية لمستخدمي الانترنت
الشبكة العربية تنشر أدلة الانتهاك
إضغط هنا
وإهتمت وسائل إعلام عالمية أيضا بالموضوع
فقد تلقيت إتصالا من راديو البي بي سي
كما نشرت جريدة لوس أنجلوس تايمز الأمريكية عن الموضوع
EGYPT: New warning to cyber dissidents
Click Here
ونشر موقع قناة الجزيرة أيضا عن الموضوع
انتقاد حقوقي لتشديد الرقابة على رواد مقاهي الإنترنت بمصر
إضغط هنا
وجريدة الديلي نيوز
ومصدر في شركة لينك دوت نت يعترف بأن الجهاز الأمني هو الذي فرض هذا النظام الجديد بحجة
Online monitoring a violation of internet user privacy, says rights group
Click Here
وموقع منصات اللبناني
EGYPT: New curbs on Internet cafe users
Click Here
18:25 Posted in صفحات الغلاف | Permalink | Comments (5)
Saturday, 09 August 2008
صور لم تنشر من قبل ليوسف شاهين
صور نادرة وحصرية لم تنشر من قبل
للمخرج الراحل يوسف شاهين
من أرشيف الوعي المصري
إلتقطت هذه الصور أثناء إعتصام نادي القضاة عام 2006
وتحديدا يوم السابع والعشرين من أبريل وهو يوم فض الإعتصام بالقوة
وكان يوسف شاهين يومها يقوم بزيارة نادي القضاة للتضامع معهم في إعتصامهم وقامت قوات الأمن وقتها بتطويق نادي القضاة والمربع الذي تقع فيه كل من نقابة الصحفيين والمحامين ودار القضاء العالي ونادي القضاة وقبضت على كل المشاركين والمتواجدين في الإعتصام
إلتقطت الكثير من الصور ولقطات الفيديو في ذلك اليوم ومنها اللقطة الشهيرة لرجال الشرطة وهم يمزقون علم بلدهم مصر الذي رفعه المعتصمون تضامنا مع القضاة على الرصيف المقابل وهو ما أثار الكثير من الغضب وقتها
لكني لم أتمكن من نشر كل ما إلتقطته في ذلك اليوم لأنني علمت أن هناك أمر بالقبض علي بسبع تهم مختلفة وإضطررت للهروب في بيت بعض الأصدقاء ثم غادرت القاهرة لمدة أسبوع حتى طمأنني المحامون أنه لا خوف من القبض علي
وترجع ندرة تلك الصور ليس إلى أنني المصور الوحيد الذي سجل هذا الحدث فقد حظيت تلك الزيارة وأحداث الإعتقال خارج النادي بالكثير من التغطية من مختلف الفضائيات ولكن للأسف منعت قوات الأمن خروج الصحفيين والمصورين والإعلاميين إلا بعد مصادرة جميع الأشرطة والأفلام التي صوروها في ذلك اليوم
بينما تمكنت انا من الهروب والتسلل إلى نقابة الصحفيين ثم الهروب من نقابة الصحفيين تحت جنح الظلام محتفظا بجميع الصور ولقطات الفيديو التي صورتها ذلك اليوم
داخل نادي القضاة إستقبل يوسف شاهين المستشار محمود الخضيري بالقبلات والأحضان
يوسف شاهين مع ناصر أمين
وخلفهم المخرج المدعي الفاكس خالد يوسف اللي بيستغل إسم يوسف شاهين علشان يجيب تمويل فرنسي لأفلامه الفاكسه اللي كلها يفط لحمدين صباحي ولقطات جنس لأطفال الشوارع ومحاولات فاشلة لتصوير لقطات أورجازم وسحاق مش عارف حتى يعملها عدل
وخالد يوسف مخرج يحشر الوساخة الناصرية في أفلامه والمبنية على إحتقار الطبقات الدنيا والتنظير لسحب النخب الناصرية لها من رقبتها زي البهايم نحو الهاوية كما حدث في الوكسة وليس نشر الوعي بينها لتتخذ تلك الطبقات قرارها بنفسها
وقارنوا بين بهية المصرية الواعية في فيلم العصفور
وبهية الجاهلة الهبلة اللي بتروح للإخوان المسلمين في فيلم هي فوضى
هي دي بصمة خالد يوسف الفاكس ورأيه في شعب مصر
خالد يوسف اللي الشباب بيخش أفلامه مش علشان القصة
لا علشان المناظر
لقطات باسمة بين الخضيري وشاهين قبل أحداث دراما فض الإعتصام
بس الله يسامحه صديقي المخرج محمود صابر - بتاع فيلم كش ملك وتنهيدة - حضر جنازة يوسف شاهين في الفجالة وحكالي موقف في قمة الزبالة حصل في الجنازة من كمال أبو عيطة من حزب الكرامة
المفروض بيهتف لشاهين في الجنازة يقوم من ضمن الهتافات يقول : كان معانا في الكرامة
إيه الأخلاق دي
حتى الجنازات بتتركب سياسيا
00:05 Posted in صفحات الغلاف | Permalink | Comments (3)
Friday, 08 August 2008
فيديوهات وإنترفيوهات - القاهرة بودابست رايح جاي
فيديوهات وإنترفيوهات - القاهرة بودابست رايح جاي
تقرير لقناة الجزيرة عن المدونات والفيس بوك
التقرير باللغة العربية
إضغط هنا
-
في برنامج آي تك على قناة الحرة
كيف يحارب النظام المدونات والمدونين
باللغة العربية
إضغط هنا
-
On SBS TV - Australia
المدونات والتعذيب في أقسام الشرطة
In English
Click Here
-
Interviewed by The Hub in Budapest
Bloggers are the spark you need to start the oven
باتكلم عن تجربتي في التدوين ودور المدونين كفتيل إشعال للصحافة والمجتمع المدني والأحزاب وليس كبديل لهم
وتعليق من علاء سيف
In English
Click Here
-
Global Voices Summit - Budapest
Part of my speech at the bloggers summit
عرض لبعض الفيديهات اللي نشرتها على موقعي بعد ما خلصت كلمتي في المؤتمر
In English
Click Here
-
On France 24
تعليقي على أحداث القبض على نشطاء الفيس بوك في الإسكندرية
على موقع تلفزيون فرانس فان كاتر
"Paranoid of new media"
Authorities arrest Facebook users
In English
Click Here
Traque aux cyber-dissidents sur Facebook
En français
Cliquez ici
-
On Radio France International
The Facebook Arrests
تعليقي على أحداث القبض على نشطاء الفيس بوك في الإسكندرية
على راديو فرانس إنترناسيونال
In English
Click Here
12:20 Posted in صفحات الغلاف | Permalink | Comments (2)
Wednesday, 06 August 2008
ما تطلبش بوليس النجدة أطلب ماكدونالدز أسرع دليفري في مصر
لو بيقتلوك ما تتصلش بالنجدة
أطلب ماكدونالدز أسرع دليفري في مصر
أنا عارف إني نشرت الموضوع ده قبل كده من مدة
بس قلت أنشره تاني بمناسبة الناس اللي علقت على فيديو التقطيع بالمطاوي
وقالوا ليه الناس ما إتصلتش بالشرطة
والإجابة ها تسمعوها في الفيديو ده
مكالمة تليفونية من شخص يريد التبليغ عن خناقة كبيرة في الشارع في عين الصيرة بالقاهرة
شرطة النجدة مش بترد على الناس
وقال ايه
بتشغلهم مزيكا !!!
مزيكا أي والله يا مؤمنين مزيكا !!!
يمكنكم سماع صوت الخناقة والطحن والتكسير في خلفية المكالمة
دقيقتين واربعتاشر ثانية محدش بيرد غير أنسر ماشين ومزيكا !!!
يعني لو واحد بيتقتل واتصل احسنله يطلب دليفري كنتاكي
على الاقل يتغذى بسندوتشين ولا وركين فرخة قبل ما يروح الآخرة
دقيقتين وأربعتاشر ثانية
يعني يكون القتيل إندبح وإتشفى وإتعلب كمان في كراتين
ولو واحد بيغتصبوها على ما الشرطة ترد عليها تكون حامل في الشهر التالت
إسمعوا بنفسكم حرقة الدم
ولما البهوات ردوا قالوله شكرا وقفلوا في وشه السكة !!!
إضغط هنا لتسمع المكالمة
12:22 Posted in صفحات الغلاف | Permalink | Comments (10)
Friday, 01 August 2008
عندما أدب شعب كفر الشيخ الشرطة التي فرت مذعورة
عندما أدب شعب كفر الشيخ الشرطة التي فرت مذعورة
لقطتين فيديو بعتهملي مواطن وقاريء من كفر الشيخ
جرت الأحداث في أوائل شهر يوليو
والواقعة هي إن كان فيه حفل زفاف
وكعادة الشرطة في كل مكان إنها لازم تنكد على الناس بالذات لما يكون فيه فرح
وطبعا كلنا عارفين الشرطة بتروح الأفراح ليه ومش محتاج اوضح
ولا إنتم مش عارفين ؟؟؟
بس المرة دي الظابط الهمام محمد القاضي
وهو بالمناسبة ضابط مكروه جدا في كفر الشيخ بشهادة الأهالي
قرر يقبض على واحد من المعازيم وياخده رهينة إكمالا للتنكيد على الناس في فرحهم والتنكيل بهم لعدم الرضوخ له
وهنا بقى ومن المرات القليلة هب المواطنين في وجه الشرطة وفي وجه هذا الظلم والبلطجة وخلصوا الولد من براثن الشرطة وعجنوا العساكر والمخبرين والغفراء ضرب
لدرجة إن ضابطنا الهمام محمد القاضي أخد البوكس وفلسع وهرب بأقصى سرعة بدون حتى ما يحاول يدافع أو يخلص أو ينقذ اللي كانوا معاه من غضبة الأهالي
اللقطة اللي فوق بتصور هروب الظابط الشجيع محمد القاضي وتركه لرجال الشرطة للأهالي يطحنوهم ضرب كما ستشاهدون
إضغط هنا لتشاهد اللقطة الأولى
ودي اللقطة اللي بتبين رجال الشرطة وهما بيحاولوا القبض على شاب من معازيم الفرح
هي اللقطة بس مضلمة في الكام ثانية الأولانيين بس بعد كده بتوضح
بالمناسبة كل المشتحين على الأرض هم من رجال الشرطة والغفراء اللي الأهالي هما اللي بعد كده طلبولهم الإسعاف بعد هروب قائدهم المظفر محمد القاضي بيه
إضغط هنا لمشاهدة اللقطة الثانية
-
فيه ناس كتير بتبعتلي بتقول لي إنت مش بتدون اليومين دول ليه
بقالك فترة مش بتنشر جديد
وعلى العكس تماما
أنا موجود كل يوم
وكل يوم بانشر جديد على تويتر
ماهو ده نوع جديد من التدوين بالرسائل القصيرة برضه
لقراءة ما أنشره على تويتر أنظر العامود الأيمن للمدونة في الجزء الخاص بتويتر
يعني مثلا كتبت عن فيلم حسن ومرقص
وعن فيلم آسف على الإزعاج
وتابعت إعتقالات النشطاء في الإسكندرية
كله على تويتر
وتعالوا كل يوم
لأني بأنشر جديد كل يوم
-
الوعي المصري بتشكر كل القراء والمتفاعلين معاها
وكل اللي بيبعتولنا لقطات تبين أوجه الفساد في مصر
بس عزيزي القاريء تذكر دائما
سلامتك أهم من اللقطة
13:47 Posted in صفحات الغلاف | Permalink | Comments (19)
Monday, 07 July 2008
التقطيع بالمطاوي في أزهى عصور البلطجية
عدد هذا الأسبوع هو من إعدادكم أنتم
نعم أنتم القراء وليس أنا المدون
وكل المواد المنشورة أنتم الذين تحصلتم عليها أو صورتموها وليس أنا
مواد يخشى الإعلام التقليدي نشرها وتحمل مسؤليتها
ووثقتم أنتم في نزاهة المدونين لينشروها
وللأسف المواد التي سترونها لا تسر عدو لا حبيب
نفسي أوريكم حاجات حلوة في البلد بس نبقى بنضحك على نفسنا
لأن مافيش واحدة بيبقى عندها غرغرينا وتلون صوابع رجليها
هذا الفيديو ينتشر بين الشباب على التليفون المحمول
ولا نعرف مصدره ولا قصته
لكن مما يبدو أنه في حي شعبي من عشوائيات القاهرة
لظهور التوكتوك في اللقطة
أحذر من مشاهدة الفيديو لضعاف القلوب
لكن هذا للأسف ما يحدث في غياب الأمن الذي لا هم له إلا حماية النظام بمليون ونصف فرد شرطة وأمن مركزي ومرتبات تصل إلى مليون جنيه لبعض الضباط في بلد جعانة وشبابها عاطل والحكومة ما بتعينش إلا في الشرطة بس - سبحان الله - ويطلق كلابه من أمناء الشرطة والضباط لتثبيت الشرفاء في الشوارع وفرض إتاوات عليهم تحت ستار قانون الطواريء أو يرموا جتتهم عليك لو عندك عربية لأنك ماشي في شارع أبوهم ولازم تدفع الجزية أو يتحرشوا بالسائحات والأجنبيات كما إشتكى البعض ونشر في تحذيرات بعض الدول لرعاياها الذين إشتكوا أيضا من المنظر المؤسف لكثرة رجال الشرطة علىالفاضي في كل مكان بدون داعي وكأن مصر دولة بوليسية عسكرية - لا سمح الله - كما أصبحت الشرطة لا هم لها حاليا إلا ضبط كل من معه تليفون محمول بكاميرا وبيصور في الشارع وكل يوم أشوف خناقة لهذا السبب
لقد شاهدت هذا الفيديو مرة واحدة فقط ولم أقو على مشاهدته مرة أخرى لذا لزم التحذير من عنف ودموية الفيديو
إضغط هنا لمشاهدة الفيديو
تحديث
وردتنا معلومات تفيد بأن أحداث هذا الفيديو جرت في الطالبية بالهرم بمحافظة الجيزة
-
العيش أبو دود
هذه الصور أرسلها لنا القاريء أحمد قاسم
من إحدى مدن الدلتا
وده العيش اللي بياكلوه هناك عندهم
-
الآثار دي جاية منين ورايحة فين
إضغط هنا
الفيديوهات دي بعتهالي شخص عنده محل موبايلات بيقول إن ناس جوله ومعاهم موبايل وقالوله يطبعلهم الأفلام اللي عليه على إسطوانة
صاحب المحل شاف الأفلام وحس بالشك
فأخد نسخة منهم لنفسه
وبعتهالي علشان أعرف إيه قصتها
لو حد عرف إيه قصة الآثار دي ياريت يبلغنا
هم أربع لقطات لعدد كبير من التماثيل والآثار
إضغط هنا
إضغط هنا
إضغط هنا
23:05 Posted in صفحات الغلاف | Permalink | Comments (58)
Wednesday, 18 June 2008
توضيح حول مركب الصيد التي أغرقها الليبيون
يا سبحان الله يا رب على الصدف السيئة
لم تمر أيام قليلة على نشرنا لفيديو يثبت بالصوت والصورة إغراق البحرية الليبية لمركب صيد مصرية مسالمة بقصفها بالمدفعية حتى فجعنا بخبر المهاجرين المصريين الذين غرقوا مع مركب آخر في ظروف غامضة تبعث على الشك والريبة خصوصا وأن المسافة بين ليبيا وإيطاليا ليست بحر الظلمات يعني وإحنا مش داقين عصافير ولا ديوثين ها نسكت على قتل شعبنا
والوعي المصري تحب أن تؤكد أن المركبين هم مركبين مختلفين وأن الواقعتين واقعتين مختلفتين
وإن كنا لا نستبعد أن يكون مركب المهاجرين قد أغرق بنفس الصورة
لاحظوا أن ليبيا نفت بالفعل أن يكون المركب قد غرق بصاروخ
يعني يكاد المريب يقول خذوني
وبالبلدي اللي على راسه بطحة بيحسس عليها
فالبحرية الليبية يبدو أنها تستخدم المراكب المصرية للتدريب على القصف البحري
حيث أن أبو فايزة هي المركب رقم 14 التي تغرقها البحرية الليبية بالمخالفة لكل المواثيق والأعراف والقوانين البحرية والدولية
المركب التي نشرنا عنها إسمها أبو فايزة
من مدينة رشيد
وإحتجزت السلطات الليبية الصياديدن الذين كانوا على متنها لمدة شهرين وأفرجت عنهم
وهم 17 شخص بينهم طفل
قفزوا جميعا من المركب قبل غرقها
وريس المركب على قيد الحياة في مدينة رشيد وإسمه أحمد سعيد شتا
وجميعهم شهود على إجرام النظام الليبي الإرهابي والعميل
وأغرقت منذ ما يزيد على شهرين حين تم تصوير هذا الفيديو
أما مركب المهاجرين فقد أغرقت منذ حوالي عشرة أيام
ونكرر أنها مركب مختلفة وواقعة مختلفة
ونطالب بتحقيق دولي فيما يفعله النظام الليبي المجرم
فنحن نعرف أن الدول الأوروبية تشكو من الهجرة غير الشرعية عن طريق ليبيا
ويبدو أن معمر القذافي قد وجد وسيلة سهلة للقضاء على الظاهرة
طبعا في ظل صمت الدول الأوروبية المعرصة طالما بيخلصهم من المشكلة وبيقوم بالديرتي وورك بتاعهم نيابة عنهم
ونداء للصحافة والإعلام المصري
كفاية تعريص بقى
تصلني رسائل سباب وهجوم تذكرني بوجود خمسة ملايين مصري في ليبيا
وإن ليبيا خيرها عليهم وعلى مصر
المصريون الموجودين في ليبيا موجودين للعمل وبناء ليبيا وليسوا عوالة ولا شحاتين
والمصري مش رخيص علشان نسكت على اغراق مراكبنا
وإحنا خيرنا عليهم من أيام السور الشائك بتاع موسوليني
نفس التعريص بتاع الكلام عن علاقات الأخوة
نسيب أمير قطري يهرب بعد ما يفعصله كام بني آدم مصري
ونسيب شرموطة سعودية تهرب بعد ما تهدم عيلة بسواقتها المستهترة
وكله بإسم العروبة والإخوة والعلاقات الحسنة
وكس أم الشعب يعني أرخص حاجة
والجرايد والفضائيات والبرامج الفضائية والأحزاب اللي بتقبض من الأخ العقيد
والحريصين على المحافظة على علاقة جيدة به علشان يعزمهم في مهرجاناته السفيهة والسخيفة ويجزل لهم العطاء
سكوتكم عن ليبيا تحديدا شيء مريب
مش علشان راجل أهبل بيفرق فلوس شعبه عليكم يبقى نفرط في حقوق وكرامة وأرواح شعبنا
ردوا ردت المية في زوركم
سكوتكم عن النظام الليبي تواطؤ منكم في قتل الشعب المصري
ها نلاقيها منكم ولا من الحكومة
إتقوا الله
إتقوا الله
إتقوا الله
14:20 Posted in صفحات الغلاف | Permalink | Comments (62)
Saturday, 14 June 2008
خولات الأخ العقيد يتباهون بإغراق مركب صيد مصرية
وصلني هذا الفيديو اللي يحرق الدم لخولات البحرية الليبية وهم يستعرضون عضلاتهم على مركب صيد مصرية مدنية لصيادين غلابة ويطلقون نيران مدفعيتهم عليها دون أدنى مقاومة من المركب التي ضلت طريقها ويقال أنها أجبرت على دخول المياة الليبية عنوة
وفعلا غرقت المركب المسماة أبو فايزة في قاع البحر
وهي تقريبا رقم 14 التي تغرقها البحرية الليبية
بالمخالفة لكل القوانين والأعراف الدولية
بدون أدنى رد من النظام المصري ولا حتى فسية من غير صوت
وهذا الفيديو إلتقطه أحد خولات البحرية الليبية وتسمعون تعليقاته هو زميله بما يذكرنا بتعليقات خولات الداخلية المصرية في فيديوهات التعذيب المعروفة مما لا يدع مجالا للشك بأننا فعلا أمة عربية واحدة بنت ديك كلب
حاولت تفريغ بعض وليس كل ما جاء في الفيديو كالتالي
فيهم نار
هاي الجرافة المصرية نناوروا فيها
ريتها
ولعت فيها ريتها
جرافة مصرية كلبة
توّ نشوفوها نشوفوها
هاي توّ بيرموا مدفعية
رموها سمعت ولا
كتير منيح هذا
الكلاب المصريين
رؤية وسماع هذه القذارة يجعلك غصب عن عينك تترحم على الرئيس الراحل محمد أنور السادات الوحيد اللي عرف يعلم القذافي الأدب لما بعت الطيران المصري يطرقعله على قفاه في طبرق وإحتل سرت في ساعة ونص وطرقع لليونان كمان لما رحلت المصريين وأجبرهم يرجعوهم
في عصر مبارك عصر السلام والمسالمة - خليها المسالمة علشان نبقى مؤدبين - الزيادة عن اللزوم
بقينا ملطشة لبدو الخليج الكفلاء وبلطجية حماس في رفح وسفن الشحن الأمريكية في خليج السويس والبوليس اليوناني اللي بيرمي المهاجرين المصريين في البحر وسوريا اللي المصريين مرميين في معتقلاتها وأخيرا خولات معمر القذافي في المتوسط
مهداة لكل كلاب وعملاء وقبيضة معمر القذافي المعرصين ومضحكي البلاط من حاملي الشنط وحضور مهرجان الفاتح وناشري الملاحق الإعلامية والباحثين في الكتاب الأخضر
إتفو عليكم ينعل أبوكم
إضغط هنا علشان دمك يتحرق
-
تحديث ومزيد من المعلومات حول الحادث
وقع الحادث المصور منذ اكثر من شهرين
وألقت البحرية الليبية القبض على جميع بحارة المركب
وإسم المركب هو أبو فايزة
وهو من مدينة رشيد
وكان على متنها 17 فرد
وريس المركب إسمه أحمد سعيد شتا
15:20 Posted in صفحات الغلاف | Permalink | Comments (74)
Monday, 09 June 2008
كارت الإنترنت الشقي من أمن الدولة للإتصالات
كارت الإنترنت الشقي من أمن الدولة للإتصالات
Egypt's Hotspots Now Under Surveillance
بعد إجبار كافيهات الإنترنت الفقايري على أخذ إسم ورقم بطاقة كل من يستخدم الإنترنت واجه جهاز مباحث أمن الدولة المجرم وإبنه غير الشرعي مباحث الإنترنت اللي للعبد لله ملف فيها - حتى بالأمارة ورق الملف لونه أزرق وما تسألونيش عرفت إزاي - واجه مشكلة جديدة وهي كافيهات أولاد الذوات اللي فيها واي فاي مفتوح زي اللي جنب الجامعة الأمريكية وفي المولات الكبيرة والزمالك واللي فيها الشباب بيروح ياخد اللابتوب ويقعد على الإنترنت
ويظهر الشباب ولاد الذوات الوحشين الأشقيا بقوا هما كمان بيشتغلوا في السياسة وبيستخدموا الإنترنت لأغراضهم الدنيئة دي
لكن طبعا مش ها يبقى شيك خالص إنك تخش ستارباكس أو سيلانترو أو بينوز أو كوستا أو بوتري أو وات إيفر كافيه فتلاقي جارسون بيقولك بطاقتك يا كابتشين
طب تعمل إيه يا عبرحيم يا أمني تعمل إيه يا عبرحيم يا أمني
ها نسيب الحبل على الغارب للعيال دي كده ولا إيه
مافيش كنترول
لازم نحزمه لازم نكتفه على رأي مرقص افندي في مسرحية حسن ومرقص وكوهين
أه
نقفل الواي فاي ونخليه بباسوورد
أوكيه قشطة فكرة كويسة بس مش حل برضه
وبعدين إنت عاوز الناس تفتكر إن إحنا عندنا حسن نيه وواثقين فيهم
لأن كده برضه مش ها نعرف مين اللي داخل ومين اللي خارج وإزاي ها تجبره إنه يعرف عن نفسه ماهو أي باسورد يستخدمها أي حد ويرمي الكارت وخلاص
لا بص بقى احنا ها نزود مرحلة في الموضوع
إيه هيا يابو مخ جهنمي
إن الباسوورد والتسجيل مش كفاية
أيوة يا حلو ده انت ها تعمل كونفيرميشان عن طريق ان تدينا رقم تليفون جنابك واحنا نبعتلك أكتيفيشان كود
وطبعا إنت زي الشاطر اجبرناك تسجل معلوماتك كاملة عن خط تليفونك المحمول ولا إنت نسيت لما هددنا بإيقاف أرقام المحمول اللي مالهاش معلومات
طبعا بكده إحنا عرفنا انت مين بالظبط وكمان ها نقدر نعرف انت دخلت انهو مواقع وعملت ايه فيها يا لئيم ماهو كل العملية دي أساسا لازم تحصل عن طريق بروكسي ومن وظايف البروكسي انه بيسجل الترافيك وكمان ممكن يتعمل - سنيف - لباكيتات الداتا بتاعة حضرتك
طبعا الكلام ده مش ها يفهمه غير الهاكرز بس ما علينا مافيش متسع للشرح
المهم إن العقلية الأمنية التوتاليتارية المترسخة من أيام المجرم المهزوم عبناصر لازم هي كمان تطور نفسها وتجاري العصر
ومش عاوز أي واحد إبن ميتين كلب يرد عليا ويبررلي هذه الخطوة الغير مبررة أصلا وإنها بحسن نية وأنه لا منظور أمني خلفها
إضغط هنا للتكبير
دي صفحة الواجهة اللي بتتفتحلك أول ما تخش على الواي فاي بتاع الكافيه وبتطلب منك تسجل أو تحط اليوزر نيم والباسوورد اللي إنت واخدهم
إضغط هنا للتكبير
طبعا علشان تسجل مطلوب منك معلومات إجبارية
إسمك
إيميلك
رقم تليفونك
تاريخ ميلادك
حاجات بسيطة خالص لازم تتعود إنك علشان تشرب كوباية قهوة وتشوف إيميلك تبلغها لمباحث أمن الدولة في بلد الحريات وأزهى عصور - من العصر والفعص - الديمقراطية
بعد كده بعد ما سيادتك زي الشطور الأمور إديتلهم رقم تليفونك ها يبعتولك كونفيرميشان كود على موبايلك برسالة إس إم إس مش ها تعرف تخش من غيره علشان يضمنوا إنك ما إديتلهمش رقم موبايل بلاستيك يا شقي فبلاش الحركات دي من الأول وخليك سلس
إضغط هنا للتكبير
وبتحط الكود في الصفحة دي
إضغط هنا للتكبير
وبعدين تدوس أكتيفيت
إضغط هنا للتكبير
ودلوقت إنت أكتيف
أكتيف تحت المراقبة يعني
شفتم إزاي العملية سهلة وبسيطة وزي شكة الدبوس
بدل ما تضيع وقتك في كلام فاضي وتدردش مع صحابك
وبدل ما تشرب الكابوتشينو سخن يلسع لسانك
تعمل الكام خطوة الظراف دول على ما يبرد
هو إنت يعني ها تروح الكافيه ليه غير علشان تتحط تحت المراقبة
هو إحنا عندنا أغلى ولا أهم من مباحث امن الدولة
وطز في وقت وخصوصية حضرتك
12:15 Posted in صفحات الغلاف | Permalink | Comments (56)
Friday, 30 May 2008
فضيحة تهريب الزبالة
إلتقطت عدسة الوعي المصري الشقية اللي ها توديني في داهية هذه اللقطات في يومين مختلفين لصفقة تهريب زبالة بين الشركة الأجنبية وزبال محلي حيث قام العمال بنقل أشولة الزبالة من على سيارة الشركة الأجنبية إلى سيارة الزبال الوطني في صفقة مريبة عجيبة وراء قفا كل من المواطنين والحكومة ذات نفسيتها
شوال
والتاني
والتالت حدفوه وهكذا
وحمادة يلعب
ورشا تلعب
والكبير يعمل سبوبة
والصغير كمان يعمل سبوبة
وقفانا إحنا يورم
-
توضيح
وردت على الموضوع عدة تعليقات تنم عن عدم المام وفهم لأبعاد الموضوع الخطيرة والكبيرة والتي هي ليست على مستوى الأفراد المتورطين في تهريب الزبالة الذين يظهرون في الصورة ولكن على مستوى الدولة ككل لأن النظام فرض علينا فرضا وإجبارا الشركات الأجنبية وفرض علينا رسوم الزبالة فوق فاتورة الكهرباء والتي تتبع عقد إذعان وكنا في أول الأمر نعتمد على الزبالين المحليين فلماذا إذا كان إدخال الشركات الأجنبية في النص طالما العملية برضه في النهاية بترجع للزبال المحلي إلا إذا كان هناك صفقة من الأول فيها فساد كبير وضخم ومهول يتورط في النظام لعمل سبوبة من وراء دخول تلك الشركات الأجنبية بينما الخدمة هي هي والزبال المحلي بيشيل في الأخر عن طريق صفقات أصغر يقوم بها موظفوا الشركات الأجنبية لتهريب الزبالة كما نرى في الصورة
بالمناسبة بعض المناطق تدفع رسوم الزبالة ثلاث مرات
مرة لزبال الحته
ومرة على فاتورة الكهرباء
ومرة ثالثة كرسوم نظافة على الإيجار
مش باقول لكم قفانا ورم
13:35 Posted in صفحات الغلاف | Permalink | Comments (30)
Thursday, 29 May 2008
إلا هما مين دولم ياخويا؟
إلا هما مين دولم ياخويا؟
الصورة دي لقطتها في ميدان التحرير بعد إضراب سته إبريل وموضوع الفيس بوك
بدون تعليق
09:10 Posted in صفحات الغلاف | Permalink | Comments (16)
Friday, 23 May 2008
هو عدم اللامؤاخذة مش الأهرام ده بينطبع في مصر
خوفو وخفرع ومنقرع بنوا الأهرامات التلاته
وسليم وبشارة تقلا أسسوا جريدة الأهرام الغراء
أما عامر بيه الله يعمر بيته فبنى أهرامات بورتو السخنة
علشان يعلن عنها على صفحة كاملة في آخر صفحة في جريدة الأهرام
ليه ياربي ما خلقتنيش عندي شاليه في مارينا وعربية هامر
أكيد أكيد أكيد يعني مكانش ها يحصلي حالة الإستفزاز اللي أنا فيها بقالي تلات أسابيع دي
أصل أنا عقبال أملتكم قررت أشتري الأهرام الإسبوعي بتاع الجمعة كام أسبوع كده علشان كنت مقرر أكتب حاجة عن الإعلانات المستفزة فيه
والحمد لله لم يخب ظني بل أستفزيت أكتر ما أنا كنت معد نفسي إني أستفز
الحقيقة بقى عندي شك إن جرنال الأهرام بينطبع في منتجع نيس أو مونت كارلو أو جزر الباهاماس
بقى صعب قوي أصدق إن جرنال الأهرام بينطبع في مصر كجرنال قومي للشعب المصري بيقروه المصريين وبعدين يلفوا فيه السندوتشات
الجرنال بقى إيه حاجة ما أقولكمش تصاوير تشرح القلب وينفع تتعلق على الحيط
ولو إن الحبر الخرا بتاعهم هو هو اللي بيوسخ الإيدين ده
لكن منتجعات إيه وريزورتات إيه وشاليهات إيه وعربيات إيه
الله أكبر الله أكبر
اللهم لا حسد
فين الكلاب بتوع المعارضة يشوفوا العز والنغنغة اللي البلد فيها
أيوة العز
وصدقوني مش بارمي كلام على أحمد عز اللي مسيخنا أجدع تسييخ
طب والله ما عندي حقد طبقي
أنا إبن ناس طبقة متوسطة ولا فضل لي في ذلك
ولحد 2004 كان تحت طيزي عربية بيجو محترمة بتاعة أبويا كنت مسيطر عليها لحد ما شم خبر إن أخلاقي تلفت وبقيت باروح المظاهرات فسحبها مني
ومش محروم ولا حاجة وباروح مارينا أي نعم بابقى معزوم عند حد بس أهو برضه إسمي باروح
إنما اللي بيتنشر في الأهرام ده يا سداحمد أفندي أوفر أوفر أوفر
أسيبكم تتبضنوا
وصدقوني حتى لو مصر مافيهاش أزمة عيش ولا أزمة بطالة ولا عنوسة ولا إسكان ولا غلا ولا كوا
ولا ناس بتتظاهر بالحلل والطشوت والجراكن علشان المية مقطوعة بينما إحنا عمالين نتوسع في ملاعب الجولف أم نجيلة بالألوفات رغم إن أهالينا وأهالي المسئولين والمستثمرين واللي بيشتروا من المستثمرين كان كبيرهم يلعبوا الحكشة بجريد النخل
لكن برضه ها تتبضنوا
حلم يتحقق وسط الحضارة
آه والنعمة بيقول الحضارة
يا طلعت يا مطلعنا عالتلال
يعني كل واحد يشتري ظرف ويروح
والأحسن يشوفله حد يظرفه
فعلا مافيش أقرب من كده إنت بس خد ميكروباص الساحل الشمالي اللي يمكن يكون غلي علشان إنت كلك نظر أسعار السولار وكده وبتاع
هوا يعني إيه كومباوند ويعني إيه سمارت هوم؟
ويعني إيه تكنولوجيا أساسا؟
أيوة وأنا برضه باحب الصيف علشان باستحمى بمية ساقعة وأوفر غاز نصدره للغلبانة الصدمانة العدمانة إسرائيل وكله بثوابه
أيوة
فلاور يعني وردة
عرفتها دي
بجوار الجامعة الأمريكية ذلك أفضل جدا
داماك تقيل يا مضروب
وأنا اللي كنت فاكر إن أقرب قرية للقاهرة هي كفر طهرمس
لا ده بقى مش إعلان على صفحة وحياتك مش شايف التنيتين
ده إعلان على صفحتين في وسط الأهرام
وبالعنجليزي
وكل واحد وعلامه بقى يا قفا
أهو مكتوب أهه هاشتهجاهالك : ماونتين ديو
يعني القزازة بجنيه بس وقوي قلبك
-
خبر غير متعلق بالموضوع
تغيير موقع الشبكة العربية لحقوق الإنسان
رسالة وصلتني من الأستاذ جمال عيد
الأصدقاء الأعزاء ،، بدءا من اليوم الجمعة 23 مايو 2008 ، اصبح الموقع الجديد للشبكة العربية لمعلومات حقوق الإنسان هو : www.anhri.net بدلا من الموقع القديم hrinfo.net ، نظرا لتحكم موظف سابق بالشبكة بالدومين القديم للشبكة ورفضه أن يرده له ويحوله لحساب الشبكة العربية. نعلم حجم الارتباك الذي سوف يتسبب فيه تغيير الدومين ، ونتطلع لتعاونكم وأن تساعدونا في تقليل حجم الخسائر والإرباك المتوقع حدوثه
كل ما نرغبه منكم أن يشير كل منكم إلى الموقع الجديد على موقعه أو مدونته ولتكن مثلا جملة: الموقع الجديد للشبكة العربية لمعلومات حقوق الإنسان هو : www.anhri.net مساعدتكم ودعمكم هما شيء رائع فلا تبخلوا به علينا
تحياتي
جمال عيد
15:05 Posted in صفحات الغلاف | Permalink | Comments (40)
Tuesday, 20 May 2008
مساءك سكر زيادة
16:48 Posted in صفحات الغلاف | Permalink | Comments (8)
Monday, 19 May 2008
الكرنك 2008
الكرنك 2008
أحمد ماهر يحكي تجربته مع الإختطاف والتعذيب بكلماته هو
| استيقظت صباح ذلك اليوم متعبا بعد يومين من العمل الشاق المتواصل .. فقد كاد عملى يضيع بسبب 4 مايو الذى لم يؤتى بثماره ذهبت الى عملى مبكرا .. فاليوم لابد من اجراء بعض الحسابات الهامه و طباعة لوحات فى غاية الاهميه و تسليمها للمكتب لا اعرف لماذا لم اكن متفائلا ذلك اليوم .. اتصلت بكثير من الاصدقاء .. و كنت لاول مره منذ اكثر من شهر اذكر مكانى فى التليفون بصراحه *ايوه يا زميلى .. انا انهارده فى التجمع الخامس .. فى شارع التسعين .. ايوه فى المعرض ..هامشى على الساعه واحده *ايوه يا بشمهندس طبعت كل اللوحات و الاستشارى مضى عليها ووافق .. جاى دلوقتى على المكتب كان بعض العمال قد اعدوا طعام الغذاء و لكنى فضلت التحرك لان هذا اليوم كان مليئا بكثير من المواعيد الهامه ركبت سيارتى المتهالكه و بدات فى التحرك و لمحت فى المرأه اليتيمه سياره بيجو مسرعه تتوقف فجاه امام الموقع الذى اشرف عليه جاء خاطر فجأه بداخلى انها قد يكون بها بعض ظباط امن الدوله ههههههه .. طب كويس انى مشيت تعانى سيارتى من بعض الامراض المستعصيه التى تجعل تحركها بطيئا و تحتاج لأموال كثيره لكى تشفى و تعود سياره مره اخرى .. زقزوقه حبيبتى اكيد هاصلحها فى يوم من الايام ..دى ياما شاليتنى و انقذتنى من اخطار كتير .. ايه يعنى الكبالن مكسره و علبة الدركسيون بتزيق و لا المقص مكسور و ملحوم اى كلام ايه المشكله ان مافيش استبن و مافيش كوريك وواخده كام خبطه ..اول الشهر هاجيبلك بطاريه جديده يا زقزوقه..انا مسميكى زقزوقه علشان الناس بيزقوكى كتير ابتسم فى خاطرى الى ان فوجئت بسياره ميكروباص اجره سوهاج تقطع الطريق ايه ابن الهبله ده ..الشارع فاضى و الدنيا صحرا و مش عارف يسوق .. حبكت يركن قدامى احاول التحرك .. فأجده مصمم على الغلاسه ..ايه ياد يابن ال**** .. اقطع الشتيمه لاننى لمحت ان كل من فى الميكروباص ينظرون إلى بتحفز واضح .. الشرر يتطاير بوضوح من اعينهم .. اول مره المح الشرر ينطلق من العيون ... اجسام ضخمه .. حلاقه زيرو .. نضارات شمس .. يانهار اسود .. انتوا جيتو اعود بالسياره للخلف سريعا .. لا اعرف لماذا ثمانية بغال ينزلون دفعه واحده من الميكروباص و يحاولون اللحاق بى .. يشيرون لشخص ما فى الخلف انظر خلفى فأجد ثلاث سيارات ملاكى يسدون الطريق مره واحده ..ارتطم بواحده .. اتحرك للامام مره اخرى و يبدأ قذف الطوب و الحجاره على السياره .. هى بقى فيها طوب كمان؟؟ سائق الميكروباص الصعيدى الغلبان يسد الطرق و يصدمنى بظهر سيارته .. ليه كده بس ياسطى احنا غلابه زى بعض .. عملتيها يا زقزوقه .. اخص عليكى افاجىء بأياد كثيره تمتد الى ملابسى و تفتح الباب و تبدأ حفلة اللكمات و السباب.. مباراه - محدش ليه دعوه .. كله يمشى .. احنا امن دوله .. ياللا من هنا يا ** انت و هو اجد نفسى فجأه بداخل الميكروباص .. - مانت وقعت أهوه يا **** فيه حد يهرب من امن الدوله يابن ال*** - احنا هانعرفك احنا مين يابن ال**** - كسروله العربيه ... كسروا عضم امه ابن ال*** ده .... مش عايزه يبطل صويت هكذا هتف كبيرهم .. و الجميع عنده ضمير شديد فى تنفيذ الأوامر ... ضرب شديد من جميع الاتجاهات .. و بجميع اطرافهم .. إيد و رجل آآآآآآآآآآآه هكذا هتفت انا رغم محاولتى للتحمل .. لكن الضرب كان فعلا شديد و متواصل .. و من يتعب منهم الباقى يكمل .. و لكن هل اشترك معهم السائق الصعيدى الغلبان أم اكتفى بقيادة السياره؟؟ قبل الضرب تبرع احدهم بوضع التيشيرت فوق وجهى .. و تبرع اخر بتقطيع الفانله الداخليه لنصفين .. و تبرع ثالث بربط النصف فوق عينى و تبرع اخر بربط يدى خلف ظهرى بالنصف الاخر .. و تبارى الاخرون فى تكتيفى و ضربى ... منتهى التعاون فعلا يتوقف الميكروباص بعد رحله قصيره جدا امام احد المبانى .. احد الشوارع المجاوره .. لابد انه احد فيلات احد الباشوات ..او مقر خفى لامن الدوله يجرجرونى على السلالم و انا معصب العينين وسط ركلات و صفعات و سب لجميع اهلى .. الكبير و الصغير يلقون بى على بلاط احدى الغرف .. البلاط بارد رغم حرارة الجو ..يا سلااااام ياتى احدهم و يستبدل الفانله الداخليه بكلابشات حديديه حول يدى وراء ظهرى و يغلقها على اخرها *يا ريت تخف الكلابشات شويه ... - إخرس ياد يابن ال***** ... انت بتتكلم ليه - قوم اقف ياد ..انت بقى المناضل؟؟ .. انت بقى اللى هاتعمل اللى محدش عمله؟؟؟ ... انت يابنى هتسافر دلوقتى - ابقى تعالى *** على قبرى لو شوفت الشارع تانى .. يابن ال***** - حضروا الكهربا .. الواد ده مش متربى و مش عارف ازاى يعامل اسياده - احنا ياد اسيادكوا و اسياد كل البلد دى .. هنعرفك دلوقتى احنا مين - مابتردش علينا ليه * يعنى اتكلم و لا اخرس ..؟؟؟؟ - ... يا جماعه قولت مش عايزه يبطل صويت .. احنا هانطلع دين امك * آآآآآآآآآآه فجأه انفتح مره اخرى دش كبير من الضربات و الصفعات و الركلات من جميع الإتجاهات .. انهم بلا شك لا يقلون عن 15 جثه و أحجام اياديهم و ارجلهم مختلفه فى المقاس و القوه لا اعلم كيف يحفظون هذا الكم الهائل من السباب .. رغم انى كنت اعتقد ان لسانى طويل لكنى سمعت شتائم لم اكن اتخيل انها موجوده ... قاموس لغوى عظيم استمر دش الضرب و السب اكثر من 30 دقيقه .. تبعه بعد ذلك بعض التوابع القليله لبعض راغبى التسليه - انت بقى اللى عاملى فيها راجل؟؟؟ - قول انا مره تذكر فلتلتزم بسلاح الصمت - قول انا مره - قول انا مره و تنهال الصفعات و الركلات مره اخرى كم كنت اود ان اقول له انت مره و لكننى وجدت نفسى اردد * حسبى الله و نعم الوكيل - و كمان بتحسبن علينا؟؟؟ دا انت هايطلع دين امك خلاص سيبه هو لما يركب الزحليقه هايقول كل حاجه فجأه يختفى الجميع ... تمر الدقائق كالسنين ... إلى ان اسمع اصوات كثيره .. نساء و أطفال و شيوخ و رجال ... زعيق و خناق و شتيمه مين دول .. هو انا فين ... بس اكيد انا فى القسم * لو سمحت - عايز ايه * هو انا فى قسم القاهره الجديده؟؟؟ - مش قالولك ماتفتحش بوقك ياض *خلاص انا عرفت .. طب ممكن تفك الكلابشات شويه .. مش هما مشيو برضه .. انت من القسم ولا تبعهم؟؟؟ *خلاص يا عم مش هاسأل تانى .. بس يا ريت تخف الكلابشات شويه - حاضر المفتاح تحت و هانزل اجيبه إنه بالتاكيد احد عساكر القسم .. إنه لا يسبنى كما فعل الاخرون .. و لكن اين هم .. و لماذا اختفوا فجاه؟؟؟ - اخف الكلابشات عن كده كمان؟؟ * لا كده قشطه .. شكرا يا ذوق .. ممكن بقى شوية ميه علشان عطشان و الجو حر - حاضر .. انت طلباتك كترت قوى ماتتعودش على كده يأتى لى بزجاجة مياه و يشربنى * جزاك الله كل خير .. طلب اخير بقى - لأ * طب خلاص و تمر الدقائق مره اخرى و الذباب يقف على ظهرى و جروحى * لو سمحت - ايه تانى .. انت مش بتبطل طلبات * عايز سيجاره - نعم؟؟؟ * سيجاره .. انا كان معايا علبة سجاير فى العربيه .. هات واحده و خدها كلها - طب و هاتشربها ازاى و انت متكلبش * فكنى او شربهالى - يا عم سيبك منه انت هاتسمعله كمان .. دا عيل ابن **** انت بتتكلم معاه ليه مش كفايه شرب * ربنا يسامحك - انت بتشتغل ايه * مهندس - مهندس ؟؟؟؟ طب و هما جابوك هنا ليه * اصلى معترض على زيادة الاسعار و البهدله اللى عايشينها .. تسمع عن الفيس بوك - لأ * طب ممكن سيجاره؟؟ - طيب لما الظابط ينزل بس أخيرا وجدت بعض البنى ادمين فى وزارة الداخليه - هاولعهالك و هاشربهالك فى السريع .. بسرعه قبل ما الظابط يرجع * قشطه - خلاص يا عم شربت السيجاره ... عايز حاجه تانى ... ياريت تتكتم بقى * حاجه اخيره .. معلش اصل عنيا اصلا تعبانه و اللى رابطها رابط بضمير شويه و عاملالى صداع .. يا ريت تخفها شويه - طب كمان شويه علشان فيه حد جاى * انتوا بتتكلموا معاه ليه يا ولاد ال***** هات ضهرك ياد ... ارفعله التيشيرت علشان ادهنله المرهم مرهم؟؟؟ ... كريم ؟؟؟؟ غريبه ياللا انزل معانا ..حاسب السلمه لف يمين يابنى اتحرك متخشب ليه كده اركب الميكروباص مره اخرى و معى اتنين عساكر او مندوبين غلابه من القسم يرافقهم ضابط امن الدوله ابو مرهم اجلس على الكرسى الخفى نائم مختفى عن انظار الماره ... و يستمر صديقى الذى لا اعرف اسمه فى امدادى بكام نفس كل ما اطلب منه اساله ... * هو الظابط اللى راكب العربيه معنا اسمه ايه؟؟ - و الله ماعرف .. بس هو ابن ***** * طب تعرف اسم اى ظابط من اللى جابونى القسم ؟؟؟؟ - لأ ... و اسكت احسن لك * احنا رايحين لاظوغلى طبعا - مش عارف * بس انا عارف - و عرفت منين و انت متغمى .. انت شايف ولا ايه * لا يا عم .. من الاتجاهات .. انا مهندس .. دماغى جواها خريطه - ماشى يا خفيف .. بس انا اخرى معاك على الباب .. هناك مش هاعرف اعملك اى حاجه تمر على الافكار مجتمعه تاره و متفرقه تاره ... ترى هل علم احد الزملاء بذلك .. ترى هل تحرك أحد .. لو تم سجنى ..من سيدفع عنى اقساطى و ديونى الكثيره ... و من و كيف و هل ... ياللا بقى .. كله بيطلع فى الغسيل - ياللا علشان نازلين ..وطى علشان الباب اتذكر تلك رائحة فى هذا المكان ...رائحة التعذيب و الموتى... حضرت الى هنا منذ عامين بعد خروجى من سجن طره .. و لكن وقتها كنت ارى كل شىء و لم يغمينى احد اتذكر شكل تلك البلاطات التى امشى عليها الان .. و تلك العتبه التى تفصل بين العالم العلوى و السفلى اتذكر رائحة دورات المياه التى فى الممر الذى تحت الارض بجوار زنازين الاسلاميين .. لابد اننا مررنا عليها .. هل سيضعوننى فى تلك الزنزانه الى كنت اسمع من بداخلها يطلبون الرحمه من الله و يصرخون اتذكر ذلك السلم الحديدى الذى اصعد عليه الان .. رأيته منذ عامين و كنت اجلس امامه منتظر انهاء اجراءات الافراج و كان المعتقلين الاسلاميين و الشباب الملتحين يصعدون عليه على ارجلهم و ينزلون عليه محمولين و فاقدى الوعى ... و لكن.. لماذا انا صاعد عليه الان. . ينتهى السلم و الكعبله.. ثم ادخل فى طرقه ثم مصعد يرافقنى ثلاث على ما اعتقد .. ضاط امن الدوله و الاثنين الغلابه من القسم - هاتودوه لمين - عمرو بيه - مش عارف هو فين .. اطلع بيه الاداره على طول ...هو احزاب ؟؟؟ انت تبع حزب ايه؟؟؟ * كله زى بعضه - انت ردودك مستفزه على فكره .. خف شويه - اقف هنا تمر الدقائق و استمع لحوار العساكر و المخبرين و ضحكهم و كلامهم عن البنات و الحشيش و الدنيا و الحياه اضحك و اشترك فى الحوار .. و اهو كله يفيد التانى بخبراته فجأه يصمتون .. و اسمع اقدام ثقيله تقترب ... و يصيح بصوت رهيب - انت بقى اللى عمال تسخن الناس و تنهال الضربات و الصفعات و اللكمات.. و فجاه يتركنى و يكمل طريقه - معلش يا أحمد مفيش فى ايدى حاجه اعملهالك هنا * ............ اسمع الكثير من الاقدام التى تقترب .. شكلها هاتبقى حفله .. استر يا رب - انت بقى اللى عاملى فيها زعيم و مش هامك امن الدوله .... هاتولى ابن ال**** ده على جوه كثير من الايادى تسرع لتلبية النداء .. مع بعض المجامالات بكام ضربه على كام شلوت ... و لزياده فى المجامله يتم جرى على الارض .. إلى أن أدخل مكتب واسع مكيف به موكيت على الارضيه تنبعث منه رائحة الفخامه .. ده شكله مكتب حد من البشاوات الكبار قوى - بص يا باشا .. احنا نطلعله أمر إعتقال و نخلص منه - وليه ... هو هايخر بكل حاجه دلوقتى - يا باشا دا صنف ابن **** .. الاشكال دى لازم تتربى علشان يعرفوا احنا مين ... يابنى انت حشره .. ولا حاجه..و اى حد بتتحمى فيه ولا هايعرف يعمل لك حاجه... الاحزاب بنت ال**** و شوية ال**** اللى عاملين مراكز حقوق انسان دول نلمهم فى عربيتين بالطبع لم ينسى هذا الضابط الطيب ان يدعم أقواله ببعض السباب لجميع الشخصيات السياسيه فردا فردا من جميع التيارات من اقصى اليمين لأقصى اليسار ايمن نور, جميله اسماعيل , امير سالم , اسامه الغزالى حرب , مجدى احمد حسين , محمد عبد القدوس , جورج اسحق ... بالاضافه الى اهلى اللى ماعرفوش يربونى و جلس الباشا الكبير على مكتبه .. و سمعت ازيز الكرسى و جلس حوالى 4 او 5 ضباط اخرين بإختلاف اصواتهم.. بخلاف بعض المخبرين عند الحاجه لأى مساعده - قوللى بقى يا بتاع الفيس بوك انت ... ازاى يجيلك استدعاء من 10 ايام و ماتجيش * انا مجاليش اى استدعاءات - رد على الباشا عدل ..... و تبدأ مسابقة الضرب و الركلات * آآآآآآآآه - هاسألك السؤال تانى .. ازاى يجيلك استدعاء بك..... و ماتجيش يابن ال**** * دا كان مجرد تليفون اللى جالى ... ماكانش استدعاء رسمى ..و كان الكلام عن دردشه مش استجواب - لأ .. ده اسمه استدعاء ... انت بقى ماجيتش لييييه؟ - يا باشا سيبنى عليه شويه دا عيل لبط .. سيبنى اعدلهولك شويه * ماكنتش شايف أى فايده أو هدف من حضورى هنا - احنا بس اللى نحدد ايه المفيد و ايه غير المفيد ... مش انت - يا باشا دا عيل مش متربى يا باشا ... سيبنى اظبطه شويه ... الكهربا جوا جاهزه - و ليه الكهربا ... هاتتكلم عدل ياد ولا نخليك تخر بكل حاجه لوحدك؟؟ و تبدأ مسابقة الضرب و الركلات كأنى كره فى ملعب واسع * أآآآآآآآآآآآآآآآآه .... آآآآآآآآآآآآآآآآآآآآآآآآآآه ... - ايه بقى باسوورد الجروب * مش فاكر اصلى كنت كاتبه فى ورقه و ناسيها (صفعه قويه)..... آآآآآآآه - يا جماعه انتوا إزاى تجيبوهولى مش متظبط ... ظبطوه الاول قبل ما يدخلى ... هاتوهولى جاهز علشان الوقت و تعب القلب انقض على الجنود و الضباط الاشاوس المغاوير حماة الوطن .. حماة الامن و الامان فى مسابقه جديده للركل و الصفع و السب ... و بدأ البعض فى تقشير ملابسى .. و تطوع احد الضباط المحققين بسحبى على وجهى و صدرى على الارض و خرج بى خارج المكتب ابو موكيت الى الطرقات ام بلاط وسخ .. مسحولا على وجهى يجرنى هو و يساعده أخرون عندما يتعب اتذكر اننى فى المرحله الابتدائيه كنت اسمع احدى المدرسات تهدد الفصل .... إللى هايتكلم هامسح بيه البلاط .... و كنت اتعجب وقتها .. كيف يكون ذلك ... و اخيرا جائنى الجواب بعد عشرين عاما ... هذا هو مسح البلاط .. اديك جربت ازاى يتمسح بيك البلاط .. مبسوط؟؟ و لكن ماذا اقول للباشا الذى يتتظر الباسوورد - افتكرت ياد يا ***** ولا نجيب العصايه ... هاتولى اتخن عصايه عندكوا * افتكرت ... اعتقد كان مكتوب كمان فى رساله على الموبايل.. مش فاكر مسحتها ولا لأ - استنى كده ... موجوده .. دى مبعوتالك من رقم اسراء ... هى لسه بتدخل؟؟؟ * لا يا باشا مابتدخلش على الجروب - احنا عارفين من غير ما تقول يا رب محدش منهم يجرب الباسوورد .. بس الغريبه ان كمان محدش سألنى عن الايميل ... شكل الظباط اللى بيفهموا فى النت لسه ماجوش - مين بقى مشيره؟؟ * مشيره؟؟ - انت هاتستعبط ... يا جماعه قولنا ظبطوه تعود مره اخرى لمباراة الصفع و التنكيل .. لم اكن اعرف من اى اتجاه تاتى الضربات.و اللكمات .. و لكنى متأكد اننى لو كنت حر اليدين و ارى وجوههم ما استطاع احد او جرؤ على ذلك * آآآآآآآآه ... ايوه ايوه عارفها ... مالها؟؟؟ - اسمها ايه بالكامل و ساكنه فين؟؟؟ * ماعرفش - لا تعرف * هاعرف منين ... ماعرفش ....(ضرب) آآآآآآه ... ماعرفش ....(ضرب) أأأأأأأأأه - طب و فاطمه * هاعرف منين ... ماعرفش .... آآآآآآه ... ماعرفش .... أأأأأأأأأه - طب و ايناس * هاعرف منين ... ماعرفش .... آآآآآآه ... ماعرفش .... أأأأأأأأأه - طب و عمر * هاعرف منين ... ماعرفش .... آآآآآآه ... ماعرفش .... أأأأأأأأأه... محدش يعرف حد ... كله من على النت - طب و ...... طب و ....... - ايه علاقتك بجميله اسماعيل .. و ليه بتبعتلك رسايل * ماهى بتبعت للناس كلها ... كل الاحزاب و القوى ايه المشكله لما تبعت لى - نجلاء بدير .. احمد محسن .. فهمى هويدى ...اسئله .. اسئله .. اسئله * اجوبه متناثره يتخللها اصوات ضرب و صراخ يكتفى الباشا بهذه الاسئله و اجوبتى التى تشبه المهلبيه ..و يصمت لفتره و انهض لأقف مره اخرى .. و اسمع وقع خطوات تاتى من بعيد تقترب منى .. ثم قجاه اتلقى صفعه على اذنى اليمنى فأرى نورا مبهرا رغم الظلام الدامس .. و فجاه اسمع تصفير غريب .. كأنهم جميعا ابتدئوا فى الصفير .. و لاول مره فى حياتى اتأكد من صحة ما كنت اراه فى كارتون توم و جيرى من عصافير و نجوم تدور حول من يتم ضربه على رأسه .... لقد رأيت تلك العصافير الصغيره و النجوم بالفعل.. ... هل زار مخرجوا تلك الافلام مبنى امن الدوله فى مصر من قبل؟؟؟ - خلاص خدوه .. و إحمد " ربنا" انك وقعت فى ايد حد حنين .. ممكن بعد كده تقع فى ايد حد ما بيرحمش ما هذا .. لقد نطق الباشا كلمة " ربنا" ... هل يقصد " ربنا"؟؟ هل " ربنا" هو " ربه" ام يقصد "رب" اخر و لكن على اية حال واضح من كلامه انه له "رب" و قد كنت اعتقد ان هؤلاء البشاوات يعتقدون انهم هم الالهه .. لابد انهم مقتنعون انهم ارباب متفرقون يجمعهم " رب" كبير فى وزارة الداخليه او فى رئاسة الجمهوريه و لكن ربنا نحن يأمرنا بالرحمه و سوف يحاسبنا على ما نفعله .. بالتاكيد لم يأمرهم ربهم بذلك و بالتاكيد هم مقتنعون انه لن يحاسبهم يا ربى حمدا لك انى اعبدك انت وحدك .. لا شريك لك .. و لا اعبد رب هذا الباشا و من معه . فانت الرحيم . و انت المنتقم يقتادنى العساكر و الامناء للادوار السفليه ... انزل على نفس السلم الحديد لا تقوى رجلى على حملى.. اتذكر شكل ذلك الشاب الملتحى من سنتين يتم استبدال الكلابشات باخرى قديمه مؤلمه و يتم ربطى فى باب حديد .. تمر الدقائق و ادخل فى النوم - انت يا ابنى ياللى نايم و انت متكلبش .. انت ازاى نايم كده؟؟ .. انت تبع ايه؟ ... شكلك كده عيل روش و جاى غلط * فيس بوك - مين؟؟؟ * مش مهم ... ممكن بس تفك الكلابش من الباب او تربطنى عدل علشان عايز انام شويه تمر الساعات و انا نائم بالكلابشات و الغمامه على عينى و ملقى على الارض اتذكر محمد الشرقاوى منذ سنتين .عندما كان يتعجب قائلا يابنى انت ازاى بتعرف تنام كده فى اى حته و اى زنزانه و اى وقت - مش انت اللى الظابط كلمك فى التليفون من عشرتيام * اه - طب هو اجازه انهارده .... انا كلمته و جاى دلوقتى و اكيد مش هيوافق على اللى حصل * يا رااااااجل ههههههههههه - بتضحك على ايه ... انا غلطان ... خليك كده مرمى لحد ما يبان لك صاحب اصعد معه بعد قليل للضابط الذى يقولون انه قطع اجازته لإنقاذى ... يؤنبنى بسبب دماغى الناشفه ثم يصطحبنى للمدير و تبدأ النصائح الابويه الحنونه - احنا مش ضدكوا .و لا سفاحين زى ما جرايد المعارضه ما بتصورلكوا ... و البلد قطعت شوط كبير فى طريق الديمقراطيه ... بس الشعب المصرى هو اللى مش مهيأ للديمقراطيه * امال ايه اللى حصلى انهارده ... يعنى كل الضرب ده و كان مثلا بيتهيألى؟؟ - معلش .. اعتبرنا زى والدك * ********* - احنا و الله مش بننجح الفاسدين فى مجلس الشعب ولا بنساعد الحزب الوطنى .. بس هى البلد كده .. و احنا برضه بنكشف قضايا فساد كتير * ********* - فكر فى حزب او جمعيه اهليه او مركز دراسات ... لكن الفيس بوك لأ لأ لأ بالطبع لم يكن النقاش مثمر او مفيد و لا اعرف ما الذى دفعنى للنقاش معهم ... استعنت بسلاح الصمت مره اخرى و جلست استمع مع هز رأسى بين كل فتره و اخرى كدليل على الاقتناع التام .. رغم ان رقبتى كانت قد تسمرت على اتجاه واحد و رفضت اى حركه يمينا او يسارا تزداد الالام فى جسمى بمرور الوقت ... تزحف ببطء و ثقه تامه من الوصول لجميع انحاء جسدى .. يدى اليمنى لا استطيع تحريكها .. اذنى اليمنى ايضا و ياللصدفه لا استطيع ان اسمع بها .. أحس و ياللغرابه ان هناك من ضربنى ضربا مبرحا منذ قليل - حاجاتك كامله؟؟؟ · لا فيه كاميرا فيديو ديجيتال ناقصه .. دى غاليه و كمان جايبها بالقسط .. لسه مشتريها من شهرين .. كان مقدمها 500 و قسطها 150 فى الشهر - هاندور عليها ... سلام يا احمد و فكر كويس *الو * الو * انت كويس؟؟ * كويس * عملوا فيك ايه؟؟ *حاجات كتير عملوها و حاجات كتير ماعملوهاش *كنت خايفه قوى عليك * من ايه ؟؟ .. ماتخافيش * ........ * بطلى عياط و متخافيش * احمد انا حجخعبيتنبمرؤالساكنسسجخصخ * ايه؟؟؟ .. بطلى عياط مش فاهم منك حاجه عفوا ... لقد نفذ رصيدكم يرجى اعادة شحن البطاقه |
تمت
14:18 Posted in صفحات الغلاف | Permalink | Comments (24)
Tuesday, 13 May 2008
الضرايب - مصلحتك عند أم التيتي
الفيديو ده وصلني من صديق
شوفوه هنا
وبعدين تعالوا كملوا قراية
شفتوه؟
إيه رأيكم
دول مش مدونين زينا لأن إحنا بقينا خلاص نخب دلوقت والفضائيات والجرايد والأضواء بوظتنا
دول مش شباب في أحزاب ولا حركات ولا تنظيمات ولا أي حاجة ولا ليهم في السياسة
ده مجرد شباب عادي من اللي بنشوفهم في الشارع
دول الشباب اللي مش لاقي وظيفة ولا سكن ولا جواز ولا تعليم
دول الشباب اللي أي أمين شرطة بتلاته تعريفه بيوقفهم ويبتزهم في الشارع يا إما ياخدهم تحري
دول الشباب اللي الحكومة مش عاجبها المزيكا اللي بيسمعها أو الكتب اللي بيقراها
دول الشباب اللي بيشرب بانجو على النواصي وبيتجوز عرفي وبيشيل كلاشينكوف وبيبقى إرهابي أو بيشيل جيتار ويعبد الشيطان
ستوب
ده مش كلامي على فكره
دي الصورة اللي رسمها كل من النظام والمعارضة للشباب - اللاسع على رأي رفعت السعيد - علشان يكتموا حسهم ويخلوهم ما يتدخلوش في الفته اللي بين النظام والمعارضة
الشباب أكثر فئة مهمشة في مصر رغم إنها أكثر فئة بتعاني
كل الدول المحترمة في العالم بتعمل للشباب empowerment
لكن دولتنا المصرية بتعمل للشباب impoverishment
لكن الجيل ده من الشباب مختلف عن حنجورية السبعينات والستينات المازوخيين محبي الفاشية
الجيل ده بقى عنده صوته وعنده إعلامه وصحافته وفنه وأدبه وثقافته الخاصة
وأهم من ده بقى عنده وعيه
وعي مصري
يعني الواحد لو بطل تدوين أو باع القضية أو حصل له أي حاجة ها يبقى مطمئن على وعي الشباب
الشباب اليوم أصبح له درع وسيف
معلش لازم حته - سادات - كده علشان نكيد العوازل
-
هوامش
حاولت معرفة صناع هذا الفيديو
هما غالبا من الإسكندرية واللي مصور الفيديو إسمه مودي
أو محمد رزق
والجماعة مسمين نفسهم هوب النبي يللا
لو حد عنده معلومات أكتر عنهم أهلا بيه
14:22 Posted in صفحات الغلاف | Permalink | Comments (52)
Friday, 09 May 2008
أحدث طريقة مصرية لمعرفة باسوورد الفيس بوك
ده ضهر صاحبنا أحمد ماهر المؤسس الحقيقي لجروب الإضراب على الفيس بوك وليس البالونة الإعلامية التي نفختها بعض الصحف المستقلة وفي النهاية فست وقالت حرمت
وده قفا صاحبنا أحمد ماهر
وده ضهر صاحبنا أحمد ماهر من غير فلاش علشان تشوفوا اللون الأزرق الجميل اللي أكيد لم يكتسبه من حمام شمس على أحد شواطيء مصر الجميلة
كتف أحمد ماهر
ودي الخرابيش في ضهر صاحبنا أحمد ماهر
ودي آثار صوابع المجرمين في ضهر معلمة في ضهر أحمد ماهر صاحبنا
ودي صوابع المجرمين معلمة في رقبة أحمد ماهر صاحبنا
ودي آثار الضرب ببوز الجزمة معلمة في دماغ أحمد ماهر صاحبنا
وده طبعا قرار إنساني إتخذه الأب الإنسان حبيب العادلي في لحظة إنسانية لأن أحمد ما طلعش في الفضائيات وقال حرمت ومش هاعمل كده تاني
بعد قليل مقابلة حصرية بالفيديو مع أحمد فيها يروي كيف تم إختطافه من سيارته بالشارع بعد مطاردة من ميكروباص وثلالث سيارات وثمانية من الوحوش الآدمية وكيف تم سحله على الأرض في قسم شرطة القاهرة الجديدة ثم في لاظوغلي وكل ده علشان باسوورد الجروب بتاع الإضراب على الفيس بوك
تابعونا وإنتظرونا
-
تحديث - المزيد من صور الإعتداء على أحمد ماهر
ده التيشيرت بتاع أحمد ماهر اللي مباحث أمن الدولة قررت تخليهوله قميص يظهر موضة جديدة
عروة بنطلون جينز طقت بسبب الطريقة الوحشية اللي رفعوا بيها أحمد وجرجروه من حزام البنطلون
ركبه بنطلون أحمد من السحل على الأرض
سيارة أحمد وأثار صدمة الميكروباص الذي أغلق عليه الطريق
آثار قالب طوب أحمر من الأحجار التي قذفوها على السيارة وهو أحد الأسلحة الحديثة لمباحث أمن الدولة تيمنا بالإنتفاضة الفلسطينية
سيارة أحمد من الخلف بعد أن صدموها فإنخلع الشكمان والإكصدام الخلفي وإضطر أحمد لربطهما بالحبال
-
التحديث الثاني
|
| |
| فيديو يبين آثار الإعتداء على أحمد ماهر | |
 |  |
| شهادة أحمد ماهر حول تعذيبه الجزء الأول إضغط هنا | شهادة أحمد ماهر حول تعذيبه الجزء الثاني إضغط هنا |
-
تحديث
هيومان رايتس ووتش تطالب بالتحقيق في الواقعة
إضغط هنا
-
هوامش
أحمد ماهر هو المؤسس الحقيقي لجروب الإضراب على الفيس بوك وليست إسراء عبد الفتاح كما زعموا والسبب في وجود إسمها وحدها على الجروب الآن هو أن فيس بوك أوقفت حساب أحمد ماهر لأنه كان يرسل عدد ضخم من الرسائل يوميا ليضم أعضاء للجروب وكان هذا المجهود هو سبب إنضمام أكثر من سبعون ألف عضو للجروب فإعتبره سبامر واوقفوا حسابه بينما كان كل دور إسراء هو المساعدة في الإدارة وحذف التعليقات المسيئة فقط لكن بعض وسائل الإعلام كانت تبحث عن قصة شيقة وبالونة لنفخها ولم يكن همهم أبدا الدقة في المعلومة أو البحث عن الحقيقة والقصة السليمة مما أضر بالحركة الوطنية من اجل التغيير ككل وبمصداقية نشطاء الإنترنت خصوصا وهو أمر لا يمكن التسامح فيه لأنه كاد أن يهدم مجهود إستمر أكثر من أربع أعوام على الإنترنت
وأحمد ماهر عضو سابق في حزب الغد وحركة شباب من أجل التغيير كما سبق إعتقاله في أحداث نادي القضاة في ربيع عام 2006 وبقي في سجن طره عدة أسابيع وهو متزوج ولديه طفلة رضيعة عمرها فقط بضعة أشهر وهذه لم تكن أول محاولة لإختطافه وهو يبيت في مواقع العمل وفي سيارته منذ الإضراب
ها يا معتز ها تستضيفه في تسعين دقيقة زي إسراء؟
ها يا منى ها تستضيفيه في العاشرة مساء زي إسراء؟
ها يا إبراهيم ها تخليه يكتب مقال عندك في الدستور زي إسراء؟
إيه الموضوع مش جذاب كفاية؟
بقى بايت؟
الأمن محرج عليكم؟
خلاص أستضيفه أنا
09:35 Posted in صفحات الغلاف | Permalink | Comments (79)
Thursday, 08 May 2008
I Won The Hellman Hammett Award
I Won The Hellman Hammett Award
وائل عباس يفوز بجائزة هيلمان هامت
الجائزة تمنحها منظمة مراقبة حقوق الإنسان
هيومان رايتس ووتش
Human Rights Watch
ومؤسسة الكاتبة ليليان هلمان التي تمنح الجائزة بإسمها هي وزميلها الكاتب داشيل هامت
وليليان هيلمان وداشيل هامت من الكتاب الأمريكيين الذين تعرضا للقمع والإستجواب في الخمسينات - الحقبة المكارثية - بسبب كتاباتهما ومعتنقاتهما السياسية وظلت ليليان بدون عمل لفترة طويلة بينما أرسل داشيل للسجن لإتهامهما بالشيوعية
عملت ليليان هلمان أيضا بالتدريس في جامعتي هارفارد وييل المرموقتين وتوفيت عام 1984 عن عمر ناهز تسع وسبعون عاما
وداشيل هامت هو مؤلف رواية الصقر المالطي اللي إتعملت فيلم شهير وكان بطولة هامفري بوجارت سنة 1941
وهو لم يكمل تعليمه وعمل كحمال في السكة الحديد وساعي وعمل أيضا كمخبر خاص - ده مش زي المخبرين بتوعنا على فكره ده حاجة زي كولومبو كده - ثم كتب عن تجربته تلك عدد من الروايات البوليسية الواقعية وحارب في الحرب العالمية الأولى والثانية وتوفي عام 1961
كلا الكاتبين هاجما فساد المجتمع الأمريكي وفساد السلطة والفاشية ورأس المال ودافعا عن الحريات المدنية
التفاصيل عن الجائزة قريبا
09:43 Posted in صفحات الغلاف | Permalink | Comments (22)
Tuesday, 06 May 2008
في الفضائيات وكده
الدنيا غم ولو الواحد إتكلم ها يشتم ويقل أدبه على الجميع حكومة ومعارضة وإخوان وخصوصا صحافة وفضائيات نفخ البلالين وخلق ابطال من ورق بحثا عن قصة سكسي وسخنة اللي ودتنا في داهية وعرفت النظام ديتنا - واللي تعرف ديته اقتله - والنظام فعلا قتلنا بالأسعار والمعارضة العاقلة المعرصة اللي ابتدت تهاجم الشباب لانه مش معرص زيهم بعد ما نفس الشباب وقف جنبهم وحققوا مكاسبهم السياسية والاعلامية والمادية
وفي ظل هذا الغلاء وموجة الفشخ العام التي نعيشها وحتى تمر بسلام أو غير سلام ها أحط لساني جوا بقي مؤقتا
وها أسيبكم مع شوية برامج ظهرت فيها مؤخرا
وطبعا باتكلم بكل أدب وحشمة وإحترام على غير العادة
بس يمكن باقول كلام كويس
ويمكن أستاهل ضرب الجزمة
على الجزيرة
تحت المجهر
الوثائقي الجديد عن المدونين
المدونون - الصحفيون الجدد
إضغط هنا لتشاهده كاملا
-
على الجزيرة أيضا
ما وراء الخبر
وده كان على الهواء مباشرة
الجزء الأول
الجزء الثاني
الجزء الثالث
-
On AlJazeera English
طالع في حته صغيرة في آخر الوثائقي يعني في الجزء الرابع تحديدا
مع إنهم حلبوني تسجيل لمدة ساعة
A Nation in Waiting
الجزء الأول
الجزء الثاني
الجزء الثالث
الجزء الرابع
يستحق المشاهدة بس ها تلاحظوا فيه ريحة ناصرية ونخبوية شوية
-
في تقرير إخباري لقناة الساعة
عن مصداقية الصحف الحكومية والمستقلة والإنترنت
إعداد الزميلة دينا سمك
إضغط هنا
-
ملحوظة علشان المتفلسفين ومحبي الشائعات ومروجوها
لم أتقاضى ولا مليم عن الظهور في أي من تلك البرامج
08:50 Posted in صفحات الغلاف | Permalink | Comments (14)
Sunday, 27 April 2008
وثائقي جديد عن المدونون على الجزيرة
وثائقي جديد عن المدونون على الجزيرة
إعلان وثائقي المدونون الجديد على الجزيرة
المدونون .. الصحفيون الجدد
الأربعاء القادم
التاسعة وخمس دقائق مساء بتوقيت جرينتش
منتصف الليل وخمس دقائق بتوقيت القاهرة
الخامسة وخمس دقائق بعد الظهر بتوقيت نيويورك
بعد برنامج حصاد الأربعاء
إضغط هنا لتشاهد الإعلان
23:01 Posted in صفحات الغلاف | Permalink | Comments (56)
Saturday, 26 April 2008
إعلان فودافون الجديد
طولت شعري
قصرت شعري
ولا عبرتني
حلقت السكسوكة
ربيت السكسوكة
ولا هي هنا
وفي يوم
...
ما حصلش أي حاجة
لأني إكتشفت
إن أنا اصلا فودافون
-
هوامش
البوستر صممته منذ عدة سنوات في إطار حملة على الإنترنت ضد شركات المحمول الإحتكارية في مصر لما قرروا يقللوا فترة الصلاحية وده كمان بوستر موبينيل
14:03 Posted in صفحات الغلاف | Permalink | Comments (22)