Ok

By continuing your visit to this site, you accept the use of cookies. These ensure the smooth running of our services. Learn more.

Wednesday, 17 December 2008

فيديوهات أحداث التوك توك في الإسكندرية

فيديوهات أحداث التوك توك في الإسكندرية
 
أحب أوضح أولا لكلاب أمن الدولة الذين علقوا في البوست السابق أن التوكتوك لا ترخيص له ومع ذلك يصنع ويباع في مصر والذي يصنعه هو وزير بيعمل سبوبة اذا لا معنى لمطالبة سائق توك توك بترخيص والظابط اللي يطلب ده يبقى شرموط لان وزارته أصلا مش بتطلع تراخيص وبعدين لما هو من غير تراخيص يبقى سيادة الوزير بيصنعه ويبيعه في مصر ليه؟
الفيديو الأول
مظاهرة شعبية عفوية إحتجاجا على إحراق سائق توك توك حيا لأنه رفض تسليم مصدر رزقه وأكل عيشه لظابط بلطجي
الهتافات تقول الصحافة فين التعريص أهه
 
الفيديو الثاني
الهتافات تقول حاكم ظالم شعب جبان
الله أكبر
 
الفيديو الثالث
هتافات الله أكبر

الفيديو الرابع
نزول الأمن المركزي لإرهاب المواطنين

Tuesday, 16 December 2008

الظابط هو اللي رمى السيجارة على صاحب التوك توك

الظابط هو اللي رمى السيجارة على صاحب التوك توك

توك توك من أرشيف الوعي المصري
شاهد عيان على واقعة التوك توك في الإسكندرية أرسل للوعي المصري شهادته والتي تناقض الرواية التي تنشر في الصحافة
أرسل لي شاهد عيان أحتفظ بإسمه شهادته التالية حول الواقعة
انا اول مرة ابعتلك
اصل النهارده الى حصل فى شارع 45 بالاسكندرية بالعصافرة مشكلة كبيرة والى نشروا مصراوى مجرد كذب
الى حصل انا كنت واقف سعتها ظابط ما فى ادارة المرور كان عايز ياخد تك تك بتاع واحد الولد قالوا انزل من التوك توك
وانا حخدوا حضانا
قالوا صاحب التوك توك  على جثتى ده انا بصرف منه على امى وابويا واخواتى
الظابط حتنزل عزب عنك
راح صاحب التوك توك جاب جركن البنزين وحطوا على نفسوا وهو بدخل التوك توك
راح الظابط ولع سجارة ورمها عليه
راح الولد ولع جوة التوك توك ومات
الجمهور اتلم على الظابط وضربوا وحبسوا جوه بيت وكانوا عايزين المحافظ يستلموا
طبعا الامن المركزى نزل علشان يضرب الى مسكين الظابط
لكن الناس رحت محدفاهم بالطوب والامن حدفهم بالقنابل المثيرة
للدموع وحرروا الظابط الى كان ممسوك
واصبح شارع 45 سكنة عسكرية
المهم ايه الى حصل للظابط منعرفش

Monday, 08 December 2008

هدية العيد من الوعي المصري لشعب مصر

هدية العيد من الوعي المصري لشعب مصر

كل سنة وانتم طيبين
وزي ما قلت في تويتر سيبوا الخرفان في حالهم
مكنتش عارف اقدم للناس ايه في العيد لكن لقيت عندي الاغنية الوطنية دي
يمكن مش ها يفتكرها غير مواليد السبعينات زي حالاتي
اعتقد انها انتاج 1980
وبعد اغتيال السادات اختفت هذه الاغنية تماما من التلفزيون المصري وكانها مغضوب عليها رغم انها عن الشعب وللشعب وليس فيها ممالئة للحاكم غير ربما جملة - بس إبحث عن ذاتك - بخلاف باقي الاغاني الوطنية التي جاءت بعدها
الأغنية دي كانوا ابتدوا يعلموهالنا في المدرسة مع نشيد الصباح وتحية العلم والسلام الوطني
لكنهم فجأة بطلوا يخلونا نغنيها في الطابور برضه وكأنهم إكتشفوا إن فيها شرك والعياذ بالله
ربما الشرك هو أن يفتخر المصري بهويته المصرية وبتاريخه
لأن ما يجعل هذا الشعب طيع في يد من يحكمونه ان يكون فقيرا بلا تاريخ ولا كرامة ولا هوية يفتخر بها فيسهل تصديره برخص التراب
المقطع المفضل عندي في الأغنية هو المقطع الأخير من أول - صوت بلادي
الأغنية من ألحان محمد عبدالوهاب
إخراج حسين كمال
وللأسف مش عارف الكلمات من تأليف مين
إنتاج أفلام التلفزيون المصري تقريبا عام 1980
محمد الحلو
سوزان عطيه
توفيق فريد
زينب يونس
محمد ثروت
ايمان الطوخي
مع إستعراضات فرقة رضا لما كانت لسه بخيرها - مزز مزز يعني طول بعرض ما شاء الله
أتمنى إن الهدية تعجبكم

Thursday, 04 December 2008

I turned down an invitation to meet up with Bush

I turned down an invitation to meet Bush
أنا رفضت مقابلة بوش يا رجالة

تلقيت مكالمة تليفونية من موظف كبير في السفارة الأمريكية أول أمس لدعوتي لمقابلة الرئيس الأمريكي جورج دابليو بوش - أيوة هو لسه رئيس لحد ما أوباما يمسك - والصراحة أنا إستفوجئت بالدعوة دي وتذكرت إن بوش كان قابل مدون عراقي من فترة كده
بس هو يقابل مدون عراقي يمكن علشان هما محتلين العراق
لكن عايز يقابلني انا ليه؟
لو المقابلة في اطار ان انا صحفي او حتى مدون وهاعمل انترفيو حصري مع بوش وافرمه في الأسئلة يبقى اشطة
لكن مقابلة بوش في حد ذاتها ليست شرف
اقابل بوش ليه؟
بوش مش رئيس جمهورية بلدي ولا ولي أمري ولا ولي امر العالم كما هو متخيل
بوش مش رمز لأي حاجة كويسة أصلا علشان حد يتشرف أو يتكرم بمقابلته
مقابلة بوش تلطخ أي شريف وليست تشريف أو تكريم
انا مالياش حاجة عند بوش ولا طالب منه حاجة ولا في ايده اي حاجة ليا وحتى لو في ايده انا مش عايزها وانا اصلا ضد فكرة اي تدخل امريكي في مصر لا بالخير ولا بالشر - انا عايزه يكف اذاه بس ويبطل مساعدة ومساندة النظام المصري
سيبكم من غزو العراق والبلاوي الكتير التانية اللي بوش عملها في العالم كله
انا كفاية عليا ان بوش يقول مبارك رجل سلام
انا لم ارفض هذه الدعوة لخوفي من الانتقاد او بمعنى اصح الشرشحة بتاعة بعض التيارات السياسية
لان بصراحة احنا في مصر لا عندنا تيارات سياسية ولا بطيخ من بابه
ولان ببساطة كمان هاقابل بوش بتاع ايه
مش علشان انا قليل لا بالعكس علشان بوش ده ايه اصلا
بوش مش نلسون مانديلا ولا غاندي ولا الام تريزا الله يرحمها ولا حتى بانكي مون اللي زي قلته
انا الصراحة لو كانت جات لي دعوة لمقابلة اوباما - ومحدش يزعل مني - كنت ها ارحب جدا
على الاقل الحق قبل ما اوباما يمسك ويوسخ الدنيا وتبتدي الناس تنتقده
ببساطة لاني ها اقابل رمز تاريخي للتغيير في امريكا ورمز لرئيس دولة منتخب ديمقراطيا بجد والناس بتحبه وعندها امل فيه وده نموذج نتمنى نشوفه في كل دول العالم بداية بمصر
وممكن كمان اتجرا واقول ان انتخاب اوباما من اهم الاشياء منذ حركة الحقوق المدنية للسود ورموزها زي مارتن لوثر كينج ومالكوم اكس
لكن بوش ده رمز لإيه؟
انا باشتغل على الحريات السياسية والفردية وعلى مقاومة القمع والعنف والديكتاتورية
بوش بيرمز لإيه في اللي باشتغل عليه؟
الادارة الامريكية القديمة للاسف عارفة انها رايحة وبتشتغل بمبدأ يا رايح كتر من الفضايح وبتعمل انها بتكرم عدد من المناضلين في حين انها في الحقيقة بتلوثهم وعايزة تنسب الفضل في نضالهم ونجاحهم لنفسها قبل ما تمشي
وفي هذا الاطار مثلا الدعوة اللي جات لسته ابريل لحضور مؤتمر برعاية الخارجية الأمريكية
انا اول ما احمد ماهر سالني اروح ولا ما اروحش انا قلتله طبعا ما تروحش
خصوصا لما سمعت اسم جيمس جلاسمان وكيل وزراة الخارجية الامريكية للدبلوماسية والشئون العامة
لاني عارف ان الراجل ده جمهوري محافظ وبتاع بوش من الاخر وبتاع بروباجندا وفرقعة ويحب ينسب الناس للإدارة الامريكية الى جانب انه ماشي ماشي ومش ها يقعد في كرسيه في ادارة اوباما الجديدة
وده على فكرة برضه مش مزايدة على اللي قرروا يسافروا لان احمد نصار كمان صاحبي وانا قلتله انا اؤيده في تمسكه بوجهة نظره ولان في النهاية كل واحد ادرى بمصلحته وانا لست اذكى سياسيا من اي حد قرر يروح وكل واحد له وجهة نظره في كيف يفيد بلده وانا لا احجر على احد او افرض عليه النصيحة ويجب ان احترم اختياره
أنا باحب الشعب الأمريكي
والشعب الأمريكي هو اللي بيحتضني ويكرمني وليست الإدارة الأمريكية الفاشلة التي تريد قبل أن ترحل نسبة أي شيء ناجح لنفسها
وعجباني جدا مؤسسات المجتمع المدني هناك وتجربتها وقدرتها على التأثير والتغيير والإصلاح في أمريكا وان ليها وزن وكلمة مسموعة
ومصر على نقل تلك التجربة هنا واحياء وتحرير المجتمع المدني المصري من القيود والتخلص من عسكرة المجتمع وتركيز اتخاذ القرار في يد فئة قليلة لا تمثل الشعب ومصالحه
لان انا مؤمن ببساطة انه لا قومة لمصر من كبوتها الا بثلاث أشياء
صحافة واعلام حر من الرقابة والرقابة الذاتية
احزاب سياسية حقيقية حرة مش احزاب بتراخيص وموافقات
مجتمع مدني حي ونشط ومتحرر من كل القيود التي تمنع تكوينه وتمويله وعمله
وربما أمريكا ليست النموذج الامثل في حرية الصحافة ولا الاحزاب السياسية
لكن تجربة المجتمع المدني الامريكية جديرة بالاهتمام
-
I turned down an invitation to meet Bush
English translation by Marwa Rakha
I received a phone call from a senior employee in the American Embassy yesterday inviting me to meet up with President Bush - yes, he still is the president until Obama's official inauguration ceremony. To be honest, I was taken by surprise but I remembered that Bush did meet up with an Iraqi blogger. He might be interested in the Iraqi blogger because of the Iraqi invasion but why would he want to meet me? If the interview is related to my being a journalist or a blogger who gets the opportunity to hammer him with questions then cool but meeting Bush in itself is not an honor .. why would I consider meeting him?

Bush is neither my president nor my father; he is not the world's legal guardian as he would like to imagine. Bush is not a symbol of anything honorable to honor anyone who meets him; Meeting Bush would tarnish an honest man's reputation - it is by far nothing worthy of pride. I owe Bush nothing and he owes me nothing and even if he has something that I might want, I no longer want it. I am inherently against any American involvement in the Egyptian business be it good or bad. I just want him to hold his peace and stop supporting the Egyptian regime. Put the Iraqi invasion aside with all the other worldwide disasters that Bush brought on the world, it is more than enough for me that Bush calls president Mubarak “a man of peace”.
I did not reject the invitation for fear of criticism and live skinning of some political parties in Egypt because I can safely assume that we do not have anything even close to political parties in Egypt. Simply why would I be interested in meeting a person like Bush - he is not a Nelson Mandela or a Gandhi or a Mother Teresa -may she rest in peace.
Had this been an invitation to meet Obama - no offense - I would have gladly accepted it. At least I would have had the pleasure of meeting the man before he assumes office and dirties his hands. Now people love him and I would have liked to meet him when people still love him. I would have had the honor of meeting the icon of change in American history. He is the symbol of a truly democratically elected president. This is the model that we would like to see all over the world, starting with Egypt. I might even have the audacity to say that Obama's victory is a new landmark since the African American civil rights movement and its symbols - namely Martin Luther King and Malcolm X. But who is this Bush and what does he represent? I serve the causes of political and individual freedom and fighting oppression, violence, and dictatorship so how does Bush serve my cause?
The old American cabinet knows that they are on their way out so they decided to create havoc on their way out. They also decided to honor some activists when in fact by doing so America is disgracing them. They want to take credit for their strife and success before its fifteen minutes of fame are over. I love Americans as people and every time I visit America, it is because the Americans are supportive of me and my cause…. Maybe America is not the ideal solution for freedom of press and political parties but still it's civil society is an interesting experience to study and analyze.

Saturday, 29 November 2008

عيب قوي يا جريدة الفجر

عيب قوي يا جريدة الفجر

ده خبر منشور في صفحة الحوادث في جريدة الفجر
عدد الاثنين 1 ديسمبر
والصورة المستخدمة في الخبر لا علاقة لها اطلاقا بمحتوى الخبر
وهاقول لكم ليه
الصورة للزميلين أحمد الدروبي وسلمى سعيد أثناء توزيع بيانات حول الانتخابات الرئاسية عام 2005
والزميل أحمد الدروبي أعتقل عام 2006 في أحداث نادي القضاة
والصورة من تصوير الزميل علاء سيف
وده الأصل بتاعها

يبقى عيب قوي لما جريدة الفجر تستخدم الصورة دي في خبر زي كده

Tuesday, 25 November 2008

مهزلة أحداث كنيسة عين شمس

مهزلة أحداث كنيسة عين شمس

فيما يلي ساقدم لكم مجموعة فيديوهات حصلت عليها لما جرى من أحداث في منطقة عين شمس بسبب بناء كنيسة جديدة
والحكم النهائي لكم
أول فيديو لحرق لافتة مكتوب عليها لا للكنيسة مصحوبة بهتافات الله أكبر كما لو كانوا يحرقون علم إسرائيل
إضغط هنا

ركزوا في الكلام في الفيديو ده علشان تكتشفوا التواطؤ الأمني في اللي حصل وأمن الأمن كان من الممكن أن يتدخل أسرع لكن لغرض في نفس يعقوب لم يتدخل
إضغط هنا

طبول وتصفيق وكانه إحتفال في الإستاد لكن الفرق أن الأغاني ليست ضد فريق الزمالك للأسف
إضغط هنا
مجموعة فيديوهات للكر والفر مع الأمن المركزي
 

لو شاهدتم الفيديوهات فلن تفوتكم الملاحظات التالية
انهم شوية عيال خولات فاكرينة ماتش كورة وبيهتفوا بطريقة ماتشات الكورة
قاعدين ليه ماتقوموا تروحوا
وهو نفس نمط مظاهرات الحزب الوطني
لو تتذكروا مظاهرة ميدان الوحدة في إمبابة التي غطيناها عام 2005 عندما هتف البلطجية
خدوا سته رايح خدوا اربعة جاي
إن منظرهم مش منظر عيال متدينة وكلهم شباب عاطل من بتوع البانجو ووقفة النواصي
العيال جايبين طبول من بتاعة الاستاد وبيطبلوا عليها ويغنوا بالروح والدم نفديك يا اسلام
ومن اصواتهم تدرك انهم مراهقين وصبية ولو كان الموقف مختلف لظننت انها اصوات طابور مدرسة اعدادية
انها نفس الاشكال اللي شفناها في احداث التحرش بتاعة وسط البلد ونفس الاعمار واللي كانوا بيقولوا ها ننيك دلوقت بقوا بيقولوا لا اله الا الله

Wednesday, 19 November 2008

عودة الحياة لطبيعتها على يوتيوبي

عودة الحياة لطبيعتها على يوتيوبي

أعادت يوتيوب مرة أخر الفيديو المحذوف والخاص بجثث بدو سيناء الذين قتلتهم الشرطة المصرية المجرمة والقت بجثثهم في مزابل مدينة رفح
ويمكنكم الآن مشاهدتة مرة أخرى
ملحوظة الفيديو قاسي جدا
وملحوظة لرجال الأمن الأكفاء ممن علقوا على البوست السابق بالمدونة وحذفت تعليقاتهم
ياريت المرة الجاية كل واحد يحط صباعه في طيزه ويكتم
-
معلومات وإحصاءات عن حسابي على يوتيوب

يحتوي حسابي على عدد 243 فيديو هذه اللحظة
عدد المشتركين الدائمين في قناتي للفيديو 2977 مشترك
مجموع من شاهدوا فيديوهاتي حتى الأن 19845331 مشاهد
تسعة عشر مليون وثمانمائة وخمس واربعون ألفا وثلاثمائة وواحد وثلاثون
أي ما يقارب على ربع تعداد سكان مصر
أكثر الفيديوهات مشاهدة على الإطلاق هو تسجيل حلقة العاشرة مساء عن التحرش الجنسي
3768600 مشاهد
ثلاثة ملايين وسبعمائة وثمانية وستون الفا وستمائة
مجموع الفيديوهات التي شاهدها أكثر من مائة ألف مشاهد 49
وربنا يزيد ويبارك وحصوة في عين كل حاقد

Monday, 17 November 2008

YouTube deletes another video of mine

YouTube deletes another video of mine
آخرتها إيه مع يوتيوب

YouTube | Broadcast Yourself™

The following video(s) from your account have been disabled for violation of the YouTube Community Guidelines:

  • بدو سيناء يستخرجون ثلاث جثث من مقلب قمامة - (waelabbas)

This is the second Community Guidelines warning strike your account has received within six months. Accordingly, the ability to post new content to YouTube from this account has been disabled and will not return until two weeks after you acknowledge this message. Please review the YouTube Community Guidelines and refrain from further violations, which may result in the termination of your account(s).

For your reference, a copy of this message has also been emailed to the address associated with this account.

Sincerely,

The YouTube Team

Copyright © 2008 YouTube, Inc.

للمرة الثانية خلال أسبوع تحذف يوتيوب أحد فيديوهاتي
يوتيوب تحذف فيديو قتلى بدو سيناء الذين قتلتهم الشرطة والقت جثثهم في مقلب قمامة خارج رفح والذي رفعته البارحة فقط
وتمنعني من استخدام حسابي اور رفع فيديوهات جديدة او تمرير التعليقات على فيديوهاتي
وتهددني مرة أخرى بحذف حسابي
وهذا هو الإيميل الذي تلقيته منهم اليوم
هو الموضوع ده مش ها يخلص بقى

فيديوهات - ماذا يحدث في سيناء

فيديوهات - ماذا يحدث في سيناء

حصلت الوعي المصري على فيديوهين من مجهول أولهما يظهر مجموعة من بدو سيناء يستخرجون ثلاث جثث لبدو قتلتهم شرطة حبيب العادلي المجرمة والقت بهم في مقلب قمامة خارج مدينة رفح

أما الفيديو الثاني فيظهر مجموعة من جنود الأمن المركزي الغلابة أسرى في قبضة بدو سيناء ويعترفون بإسم الضابط القاتل المسئول عن القتلى الذين عشر عليهم في مقلب القمامة

Tuesday, 11 November 2008

YouTube removes a video & threatens me again

YouTube threatens me again
And removes one of my videos

This the latest email they sent me

The following video(s) from your account have been disabled for violation of the YouTube Community Guidelines:

  • Egyptian police beating a woman inside a police station - (waelabbas)

Your account has received one Community Guidelines warning strike, which will expire in six months. Additional violations may result in the temporary disabling of your ability to post content to YouTube and/or the termination of your account.
For your reference, a copy of this message has also been emailed to the address associated with this account.
Sincerely,

The YouTube Team

Isn't this gonna stop ever?

Friday, 07 November 2008

The Funny Mexican and his Obama song

The Funny Mexican's Obama song
 
A funny and original Latino Obama song
I met this guy in front of the Skyline polling center in Alexandria, Virginia
this song is his writing and singing
his name is Carlos Solis

فيديو حريق حزب الغد


نقلا عن مدونة ثورة مصر

وموقع فليكر يمارس الرقابة على الحملاوي

وموقع فليكر يمارس الرقابة على الحملاوي

ويهدده بايقاف حسابه
إقرأ التفاصيل عند حسام الحملاوي
مدونة عرباوي
http://arabist.net/arabawy/2008/11/05/flickrblues
http://arabist.net/arabawy/2008/11/04/flick-censors-my-ac...

Wednesday, 05 November 2008

تسجيل لفيديوهات التغطية الحية للإنتخابات الأمريكية أمس

تسجيل لفيديوهات التغطية الحية للإنتخابات الأمريكية أمس

لمن فاتته التغطية الحية أمس يمكنك مشاهدة تسجيل للفيديوهات التي تم بثها على الهواء مباشرة من تليفون العبد لله المحمول مباشرة للمدونة في تجربة ربما هي الأولى من نوعها في المدونات المصرية ونقلة نوعية مطلوبة في تغطية المدونات للأحداث تثبت أن المدونات أيضا تستطيع نقل الأحداث على الهواء وقت حدوثها
نعتذر عن قلة جودة وتقطيع الفيديوهات حيث ان سرعة الشبكة كانت تتارجح بشدة أمس ربما بسبب الضغط العالي عليها بسبب الإنتخابات
لكن دعونا نزعم أن التجربة الأولى للمدونات في التغطية الحية قد نجحت
ولا إيه رأيكم
بقى أن نجربها في مصر

فيديو من مركز تطوع لحملة أوباما في اليوم السابق للإنتخابات

لجنة إنتخابات

العبد لله قدام اللجنة

هو فين الأمن المركزي الأمريكاني

أمريكي مغربي يدلي بصوته

أمريكي فلسطيني أدلى بصوته

أمريكية منقبة أدلت بصوتها

الراجل اللي بيشتغل في البنك الدولي

المكسيكي الظريف وصورة أوباما

أغنية من تأليف المكسيكي الظريف عن باراك أوباما

إغلاق لجنة الإنتخابات في فرجينيا

حفلة مشاهدة لنتائج الإنتخابات والإحتفال بفوز أوباما

إعلان فوز أوباما على السي إن إن

عودة حسابي على الفيس بوك للعمل

عودة حسابي على الفيس بوك للعمل
ومبررات غير مفهومة لإيقافه

ده الإيميل اللي بعتوهولي من فيس بوك بعد ما رجعولي الأكاونت بتاعي

Hi Wael,

We have reactivated your account, however we do not allow users to send harassing messages to others.  Unsolicited messages will also not be tolerated.  Unfortunately, for technical and security reasons, we are unable to provide further details regarding your warning.  In order to prevent this from happening in the future, please refrain from sending messages of this kind.  For more information on conduct prohibited by Facebook, please read our Terms of Use, which can be accessed by clicking on the "terms" link at the bottom of any Facebook page.

Landon
User Operations
Facebook

حد فهم حاجة
يعني بيتهموني اني بعت رسائل تهديد لناس
أو بعت رسائل غير مرغوب فيها
اللي هو انا اصلا بارد على الناس بالعافية
وبعد كده مش يقولولي ده حصل امتى وفين ومع مين
لا يقولولي لاسباب تقنية وامنية مش ها نقدر نقول لك
أحه
يعني تعرفوا بس توقفوا حسابي بدون انذار
وبعدين ما تقولوليش ليه
هو انا كنت باشتغل عند كس أمكم !!!

Tuesday, 04 November 2008

بث حي بالفيديو من واشنطون للإنتخابات الأمريكية

بث حي بالفيديو من واشنطون للإنتخابات الأمريكية

الوعي المصري تقدم لأول مرة في المدونات المصرية
أول بث حي تجريبي للفيديو مباشرة من التليفون المحمول
تابعوا الإنتخابات الرئاسية الأمريكية في بث حي بالفيديو رأسا من موقع الحدث بواشنطون دي سي وولاية فيرجينيا بالولايات المتحدة
مواعيد البث سيتم إرسالها أوتوماتيكيا عن طريق تويتر وجايكو للمشتركين
كما ستظهر في مستطيل تويتر على المدونة
فتابعونا
-
تابعونا أيضا على رسائل تويتر وجايكو
-
هذه الصفحة تعرض آخر فيديو تم تصويره فقط
لمشاهدة الفيديوهات السابقة من التغطية الحية إذهب إلى الوصلة التالية
http://bambuser.com/channel/waelabbas
وإضغط
Video Archive
-
ملحوظة
البث تجريبي كما قلنا وحدوث خلل تقني ربما يكون متوقعا لكن ربنا يستر
وتعجبكم التغطية
-
في حالة حدوث خلل فني سنحاول إعادة البث على الوصلة التالية
http://qik.com/waelabbas

Sunday, 02 November 2008

Facebook disabled my account

Facebook disabled my account
فيس بوك يوقف حسابي بدون إبداء أسباب

فجأة وبدون أي مقدمات أوقف فيس بوك حسابي على الموقع
بدون إخطاري بالأسباب
أرسلت لهم رسالة إستفسار لم يردوا عليها حتى الآن
حسابي على الفيس بوك أنشر عليه فقط صوري الشخصية وصور الأماكن التي زرتها أو سافرت إليها ونادرا ما أنشر صور مظاهرات أو أستخدمه في السياسة
وأنا غير ناشط حتى في مجموعات مثل جروب ستة أبريل إلا فيما ندر
لأن لي تحفظات على نجاعة إستخدام فيس بوك في العمل السياسي
لقد حذف فيس بوك لي أحد الفيديوهات من قبل وهو عبارة عن مقابلة لي مع السي ان ان وتضمنت المقابلة لقطات من فيديوهات التعذيب الشهيرة ويبدو ان حد أمن إبن كلب من اللي انا ضايفهم بلغ ان الفيديو ده غير مناسب فحذفوه وبعدين اشتكيت فرجعوه وبعدين رجعوا حذفوه تاني والكلام ده كان من مدة شهور
لكن يوقفوا الحساب بتاعي كله ليه ؟؟؟
شيء غير مفهوم !!!
خصوصا وإنهم بيدعوا حرية الرأي وعاملين مشروع مشترك مع سي إن إن

Tuesday, 21 October 2008

بعد الإخوان تحويل تسعة من مشجعي الزمالك للنيابة العسكرية

بعد الإخوان تحويل تسعة من مشجعي الزمالك للنيابة العسكرية

هذا الفيديو يثبت أن الشرطة قبضت عشوائيا على عدد من مشجعي الزمالك وسلمتهم للجيش في إجراء غير قانوني بالمرة
وقام الجيش بدوره بحبس هؤلاء المشجعين المدنيين في السجن الحربي بملابس السجن مكبلين من الايدي والارجل وحلاقة شعرهم وإجبارهم على أعمال التنظيف إنتظارا لعرضهم على النيابة العسكرية متهمين بتهم عسكرية مثل
سب وزير الدفاع
إتلاف ممتلكات عسكرية حربية عن عمد
التعدي على عساكر حربية أثناء تأدية عملهم
وأهاليهم الآن يبكونهم لأنهم كانوا فاكرين ولادهم بيحضروا مبارة لكرة القدم مش مظاهرة سياسة !!!
وقعت تلك الاحداث بعد مباراة الزمالك والجيش في الاستاد الحربي
انا مش أهلاوي ولا زملكاوي
ولا من مشجعي الكورة أساسا
وما سمعتش عن النيابة العسكرية غير في محاكمات الإخوان المسلمين
لكن مشجعي الزمالك كمان؟؟؟
طب ليه من الأول بيتعمل ماتشات أصلا في إستاد الكلية الحربية؟
وليه أصلا بقى الجيش والشرطة ليهم فرق في الدوري
مش عاوزين الجيش والشرطة في الدوري !!!
تفاصيل أكتر عند جيمي

Monday, 20 October 2008

هزار الظباط والعساكر في سجن الوادي الجديد

هزار الظباط والعساكر في سجن الوادي الجديد

بلاش أنا أعلق
ضع أنت التعليق المناسب على الصورة
بس ياريت بعد كده ما نقراش في صفحة الحوادث خبر مكرر دائما يقول
مصرع مجند أثناء تنظيف سلاحه الميري

Sunday, 19 October 2008

العقيد عمر عفيفي يفضح حبيب العادلي

العقيد عمر عفيفي يفضح حبيب العادلي
ويكشف سر فشل الدفاع المدني في إطفاء الحرائق

تشهد الدائرة 105 تعويضات برئاسة المسشار مراد شفيق كيرلس والستشار عبد السلام البالكي بمحكمة استئناف القاهرة يوم الثلاثاء القادم الدعوي رقم 25392 المقامة من عقيد الشرطة السابق عمر عفيفي مؤلف كتاب عشان متنضربش علي قفاك والذي سافر مؤخرا لأمريكا بعدما تعرض لمطاردات ومحاولات لتصفيته جسديا من وزارة الداخلية عقب نشره كتابه لتعريف الناس بحقوقهم تجاه بطش وتجاوزات ضباط الشرطة والذي وزع خمسون الف نسخة في عشرة ايام .والدعوي المقامة من العقيد عفيفي ضد حبيب العادلي وزير الداخلية يتهمه بها انه تسبب عمدا في اصابته أثناء وبسبب عمله كضابط شرطة والتي نتج عنها أصابة عفيفي بعجز دائم وفقده خمسون بالمائه من صحته وقدرته علي الحركة وذلك اثناء عمله كضابط عظيم بإدارة الدفاع المدني بالجيزة وقيامه برئاسة مجموعات اقتحام لاطفاء حريق بسوبر ماركت سوق الحبايب بميدان الدقي مما تسبب في تقدمه بطلب إحالة للمعاش خوفا علي حياته من حبيب العادلي الذي كان مصمماعلي قتله والتخلص منه وهو ضابط شرطة وذلك لكثرة تحدثه بين زملائه من الضباط عن حقوق المصريين واستنكاره ما تقوم به الداخلية في حق المواطنين الابرياء مما جعل العادلي يحاول التخلص منه وهو ضابط مما دفع عفيفي للتقدم بطلب أحاله للمعاش خوفا علي ما تبقي له من صحة وبعد تأكده من أصرار العادلي علي التخلص منه ويذكر ان محكمة أول درجة حكمت لعفيفي بتعويض 300 الف جنيه عن خطأ حبيب العادلي ومحافظ الجيزة في عدم توفير الملابس والمعدات الواقية من النيران لرجال الدفاع المدني مما يعرضهم للآصابات المتكررة في الحرائق وقام العادلي باستأناف الحكم كيدا في العقيد عفيفي لتدويخه بالمحاكم عقابا له عن دفاعه عن حقوق المصريين ورفضه سياسة العادلي في تعذيب وقتل الابرياء من ابناء الشعب المصري

ويؤكد عفيفي ان الحكم الذي ينتظره لن يكن تعويضا لعفيفي فقط عن أصابته وما لاقاه من أضهاد من حبيب العادلي وأمن الدولةأبان كونه ضابطا بالداخلية بل يؤكد ان الحكم سيكون بمثابة أنتصار لكل ضباط وأفراد الدفاع المدني اللذين باتوا يحجمون عن أقتحام النيران أو التصدي لها خوفا علي حياتهم وتشريد أسرهم في حالة أصابتهم أو أستشهادهم لآن وزارة الداخلية والمحافظات لا توفر لهم أدني مستويات التأمين من الملابس الواقية ويذكر عفيفي ان البدل والإحذية التي يرتديها ضباط وجنود الدفاع المدني هي نفسها مايرتديها عمال النظافة وجامعي القمامة من الشوارع ولا تحميهم من النيران لانها غير مطابقة للمواصفات الفنية بل أن إحذية رجال الاطفاء عبارة عن (طزلك ) ثمنه خمسة جنيهات تشتريه إدارات الدفاع المدني من محلات شارع الجمهورية وهو مصنوع من البلاستيك لان الملابس الواقية والاحذية الواقية المطابقة للمواصفات الفنية العالمية غالية الثمن حيث يصل ثمن بدلة الحريق الي أكثر من خمسة الالاف جنيه وحذاء الاطفاء المطابق للمواصفات أكثر من الفين جنيه . وهو مايفسر عدم مقدرة ضباط الدفاع المدني بعدم المغامرة بحياتهم واقتحام الحرائق لمكافحة النيران بل انهم يقفون للاطفاء من الخارج كما حدث في حريق مجلس الشوري وحريق المسرح القومي الذي لايبعد خطوات معدوده من مطافي القاهرة ولم يتقدم فرد واحد للاقتحام

ويطالب عفيفي بتحسين أوضاع رجال الدفاع المدني المادية والمعنوية وأنشاء صندوق لتعويضهم في حالة أصابتهم أو وفاتهم ليكونوا مطمئنين علي اسرهم وأبنائهم ولا يكون مصيرهم ومصير أسرهم التشريد والشارع كمصير عفيفي وأسرته حيث ان معاش عقيد الشرطة بالمعاش لايتجاوز 600جنيه . ويطالب أيضا بضرورة الاهتمام بمرتباتهم ومساوتهم بزملائهم من مباحث أمن الدولة والمباحث الجنائية

ويؤكد عفيفي ان وزارة الداخلية تتعمد تشغيل الضباط الغير كفئ وغير مؤهلين في الدفاع المدني بل والمرضي بأمراض نفسية وعصبية لآن حبيب العادلي يعتقد أن دور الشرطة ينحصر في أمن الدولة وأمن النظام وتأمين المواكب ومطاردة المعارضين والصحفيين وتلفيق القضايا لخلق الله وأرهابهم ويؤكد عفيفي ان العادلي حول مؤخرا نصف سيارات الدفاع المدني الي سيارات لفض الشغب والمظاهرات بأستخدام ضغط المياه واستخدام المياه الملونه بل يؤكد ان معظم ضباط الدفاع المدني يتدربون حاليا علي كيفية ضرب الناس بسيارات الاطفاء بدلا من تدريبهم علي أطفاء الحرائق وأنقاذ الارواح

ويؤكد عفيفي أن جهاز الدفاع المدني لابد ان ينفصل تماما عن وزارة الداخلية والمحافظات لما بهما من فساد مستشري للركب ولابد من أنشاء مجلس أعلي للحماية المدنية تابع لرئاسة الوزراء أو رئاسة الجمهورية مباشرة ولابد من انعقاد المجلس الاعلي للدفاع المدني الذي لم ينعقد منذ تولي الرئيس مبارك الحكم سنة 1981 وذلك لان رئيس المجلس الاعلي للدفاع المدني هو نائب ؤئيس الجمهورية وفقا لنص المادة الاولي من القانون رقم 280لسنة 1970 بشأن انشاء المجلس الأعلي للدفاع المدني ولآن الرئيس مبارك يرفض تعيين نائب لسيادته لأنه حالف الف يمين ألا يعين نائبا له ومصر منذ توليه بلا مجلس أعلي للدفاع المدني وبلا خطة قومية وبلا استراتيجية لمكافحة الازمات والكوارث

ويؤكد عفيفي أن ضباط الدفاع المدني حاليا في حالة نفسية سيئة للغاية بعد انتقاد الاعلام والصحافة لهم وهم لايستطيعوا الدفاع عن أنفسهم أو أظهار الحقائق و لايستطيعوا أظهار فساد القائمين علي مرفق الدفاع المدني خوفا من التعرض للمسائلة والمحاكمة لآن العادلي يمنع أي ضابط من الاتصال بالصحافة أو الاعلام ويهددهم بالنقل والتشريد والاحالة للمعاش إذا ما عبروا عن الفساد بالجهاز أو فكروا ان يكونوا حقيقة في خدمة الشعب لأنه يؤكد لهم دائما ان الشرطة ليست في خدمة البشعب بل هي في خدمة مبارك وانجال مبارك وأصدقاء انجال مبارك أما الشعب مش مهم يتحرق يموت أو يروح في ستين داهيه ومعروفه ديته شوية صريخ في الجرايد وكام قنبلة مسيلة للدموع والبركة في قانون الطوارئ

نعم حول العادلي جهاز بكامله لخدمة حماية السلطة ليكن الامن أساس الحكم بدلا من العدل وبعدما دمر العلاقة بين الشعب والشرطة يقوم بأفساد العلاقة بين الضباط ورجال القضاء بعدما أصدر تعليماته للجبناء من ضباطه بأهانتهم وسحلهم وضربهم حتي في قاعات المحاكم لآرهابهم و للقضاء علي أخر القلاع الحصينة التي كان يحتمي بها المواطنين من بطش الشرطة وهو ماينذر بعواقب وخيمة

لقد فرغ العادلي وزارة الداخلية من الضباط الآكفاء بل أنه يطاردهم ويراقبهم وينكل بهم واستبقي علي أشباه الرجال معدومي النخوة والرجولة عندما يقتلون الحوامل ويتحرشون بأنفسهم جنسيا بالسيدات والبنات بالكمائن المنصوبة للمصريين في كل مكان بدلا من حمايتهم وصون أعراضهم

ويؤكد عفيفي انه من الصعب علي مبارك تغيير العادلي أو أقالته لانه لن يجد مثله من يقبل أن يقوم بمثل هذا الدور وخاصة في تزوير الآنتخابات وتلفيق القضايا وضرب المعارضين وأرهاب الصحفيين وأرهاب القضاة وأسقاط وقتل الحوامل ولآن مالدي العادلي من أسرار أصبحت ترعب النظام من فكرة التخلي عنه

ويقول عفيفي لكني لن أترك العادلي مهما طال الزمن وسألاحقه قضائيا في مصر وفي خارجها وسيدفع ثمنا غاليا عن جرائمه وجرائم ضباطه لآن كل قضايا التعذيب والقتل لا تسقط بالتقادم ولدي من المستندات والآدلة التي تدين العادلي ويؤكد أن كل ما تم من تعذيب وقتل وأنتهاك لاعراض المصريين والتنكيل بالمعارضة وتلفيق الاتهامات والزج بهم في السجون في كمائن قضائية تم بمعرفة وأوامر العادلي وتحت أشرافه ويذكر عفيفي أنه سبق أن حذر أيمن نور قبل حبسه بفترة عندما قابله أسفل منزله بالزمالك الثالثة صباحا ولمح له عما يحاك له من أمن الدولة ولكن أيمن نور أبتلع الطعم وصدق ان في مصر ديمقراطية

ويتمني عفيفي الافراج عن أيمن نور من الحكومة لآن المعارضة بالخارج لن تسكت والمجتمع الدولي لن يسكت عن هذا الظلم البين والذي يسئ لسمعة مصر ولو النظام حاول أن يكون ذكيا مرة و واحده لآفرج عن أيمن نور من نفسه أخذا بالمثل القائل
لو جالك الغصب خليها بجميلة

Friday, 17 October 2008

تحذير لقراء وزوار مدونة الوعي المصري

تحذير لقراء وزوار مدونة الوعي المصري

Monday, 13 October 2008

فضيحة جديدة من زنازين أقسام الشرطة

فضيحة جديدة من زنازين أقسام الشرطة

هذه الصورة أرسلت إلي عن طريق المسنجر وقد إلتقطت بالتليفون المحمول لغرفة الحجز في أحد أقسام الشرطة - لا نعرف أي قسم حتى الآن - وكما ترون فغرفة الحجز عبارة عن قفص حديدي يتكدس فيه المحتجزين بشكل أقل ما يقل عنه هو أنه - قرودي - غير إنساني ولا حتى حيواني لأن اللي عنده حيوانات عمره ما يحطها في زريبة بالشكل ده لأنه ببساطة يخاف عليها تنفق - منظر لا يمكن تخيله حتى في لوحة سيريالية ولا حتى في خيال شخص فشار مهولاتي أبو لمعة قد يحكي عن تكدس البشر بعضهم فوق بعض لكن الصورة أهه بألف كلمة وليس من رأى كمن سمع وربنا يخلي لينا التكنولوجيا

Sunday, 12 October 2008

فضيحة التنظيم الطليعي ولا فضيحة القطط

فضيحة التنظيم الطليعي ولا فضيحة القطط

إخص يا مصر
وأنا أقول يا ربي البلد حالها مش عايز ينصلح ليه أتاريها من النجاسة اللي إتزرعت فيها من أيام المجحوم عبناصر ومش عارفة تتطهر
رموز من العهد الناصري والساداتي والمباركي
مسئولين حاليين جدا وسابقين ومعارضين جامدين قوي
وزراء ورؤساء جامعات ورؤساء أحزاب وكتاب وصحفيين وإعلاميين ومشايخ في الأزهر و و و
ومناضلين حنجوريين من مدعي الشرف والطهارة والنقاء والعفة
وناس عمري ما تخيلت في حياتي إنهم يكونوا كده
إخوان ويسار وليبراليين و و و
رجالة وستات - شباب وعواجيز - مسلمين ومسيحيين
وإن غلب عليهم اليسار والناصرجية
خصوصا حدتو والحزب الشيوعي
كله كان بيكتب تقارير في كله
وصلوا لأعلى المناصب وأعلى المراتب الأدبية في الحكومة والمعارضة على مدى خمسين سنة
وكلهم بدأوها عصافير يكتبون تقارير أمنية ضد زملاءهم لصالح المباحث
كلهم إشتغلوا مع بعض لصالح نفس النظام القمعي القبيح
بعضهم عاش وإستفاد في كل العصور وكمل حتى يومنا هذا
وبعضهم إتحلق له وإستبعد في بعض العصور وعمل فيها معارض ولقاها بتكسب أكتر
وبعضهم توارى عن الأضواء خجلا من عمايله المهببة أو توارى التراب بالموت

هذه الفضيحة تفجرت على صفحات جريدة اليوم السابع
وأنا نادرا ما أنقل عن الصحف
لكن هذه المرة إستفز التعليق مني إستفزازا
لكن تعالوا نشوف كده تشكيلة خلطبيطية من الأسامي - بعضها وليس كلها - المختلفة أشد الإختلاف ولا طبق الكشري والتي لم يكن أحد ليتخيل أن هؤلاء يربطهم رابط واحد
محمد حسنين هيكل - مفيد شهاب - سامي شرف الشهير بسامي قرف - جمال بدوي !!! وكان وقتها إخوانجي - رفعت السعيد - عبد الغفار شكر الشهير بالدبور من كتر تقاريره - أحمد حمروش - محمود أمين العالم - خالد محي الدين - عبد الجليل مصطفى منسق حركة كفاية الحالي !!! -  صلاح الدين حافظ - علي الدين هلال -  حسني أمين - فاروق العشري - حسين كامل بهاء الدين وكان مسئول الجامعات !!! - ثريا حبشي - همت مصطفى - راجي عنايت - يوسف إدريس - سميرة حمزة - أسامة الباز - نوال عامر - حمدي السيد وكان مسئول عن الأطباء !!! - أحمد الخواجة - وجيه أباظة !!! - فؤاد محي الدين - ضياء الدين داود - مشهور أحمد مشهور - كمال الشاذلي وكان مسئول عن المنوفية !!! - النبوي المهندس - الشيخ عبد الحليم محمود وكان شيخ ازهر - عبد القادر حاتم - أحمد بهاء الدين - شعراوي جمعة - لطفي الخولي - أمين هويدي - عصمت عبد المجيد - مصطفى الفقي - وفاء حجازي - النبوي إسماعيل - فؤاد علام - حسن ابو باشا - إبراهيم شكري - رفعت المحجوب - مصطفى كمال حلمي - أحمد فتحي سرور !!! - عاطف صدقي !!! - صلاح حافظ - صلاح جاهين !!! - حسب الله الكفراوي !!! - ميلاد حنا - حلمي نمر - عائشة راتب !!! - حامد نصر أبو زيد
والقائمة طويلة ومذهلة وبها كثير من المفاجآت
فهيكل مثلا كان بيكتب تقارير وبيتكتب فيه تقارير
محمود أمين العالم كان من أنشط كتاب التقارير
عبد الغفار شكر إنخرط في هذه الوساخة منذ سن مبكر وكان من الأوائل والرواد وكان من ضمن مجموعة سميت البصاصون وكان إسمه فيها الدبور من كتر التقارير اللي كتبها !!!
نجيب محفوظ ومصطفى أمين إتكتب فيهم تقارير
أحمد سعيد مذيع الوكسة الشهير إتكتب فيه تقارير
وحتى العرب كانوا بيتجسسوا عليهم ويكتبوا فيهم تقارير
التقارير واضح إنها كانت بتتكتب عن كل حاجة في البلد - عن الإخوان والطلبة والعمال وعن الإشاعات وتقارير بغرض الزنبقة فقط لا غير
تقارير عن المسيحيين تحديدا وهو الشيء الذي يحرص الناصريون على إخفاؤه دائما لدرء شبهة التمييز ضد المسيحيين عن عصر عبناصر رغم إنه واضح إنه كان على ودنه
والمذهل أيضا هو كمية دكاترة الجامعة الذين قبلوا التعريص نهجا لحياتهم
ودي بعض نماذج لعناوين تقارير ومذكرات كتبها أعضاء التنظيم الطليعى فى الفترة 1965-1971
إتفرجوا على وساخة العناوين وأسماء من كتبوها
:
3/1/1965: مذكرة حول نشاط أحمد سعيد مدير صوت العرب.
14/3/1965: تقرير من محمود العالم حول مؤتمر الصحفيين العرب الأول بالكويت.
22/3/1965: مذكرة بشأن قيام الأمير دعيج السلمان الصباح بتهريب نقد مصرى مقدمها محمد حسنين هيكل.
31/3/1965: تقرير من العميد جمال هدايت بشأن شركة مصر الجديدة للإسكان والتعمير وتولى بعض المسيحيين مركز قيادية هامة.
4/4/1965: مذكرة مقدمة من محمود العالم حول ندوة فلسطين.
8/5/1965: مذكرة مقدمة من محمود العالم حول بعض الندوات السياسية بين طلبة الجامعة والطلاب العرب.
18/5/1965: تقرير بشأن ما يقال فى محافظة الدقهلية من السيد حامد ثور الدين سكرتير عام مساعد المحافظ مقدم من إبراهيم الشهاوى عضو التنظيم.
30/5/1965: مذكرة حول تزايد نشاط الإخوان المسلمين وإعادة تأسيسهم للأجهزة السرية.
31/5/1965: مذكرة بشأن مقابلة محمود العالم للدكتور كسير الأستاذ بجامعة كاليفورنيا.
31/5/1965: مذكرة بشأن الشيوعيين والصهيونية فى مجلة الرسالة.
9/6/1965: مذكرة معلومات عن يوسف العافى مقدمة من محمود أمين العالم.
11/6/1965: تقرير حول الخلاف بين أحمد حمروش وأحمد بهاء الدين وانعكاس هذا على العمل فى دار روز اليوسف.
10/7/1965: مذكرة عن بعض العائلات القبطية تقوم مساء كل ليلة بفتح جميع حنفيات المياه بمنازلهم.
10/7/1965: تقرير عن انضمام بعض الشيوعيين إلى الاتحاد الاشتراكى.
13/7/1965: مذكرة من محمد حسنين هيكل بشأن الشيوعى إدوارد يونان.
21/7/1965: مذكرة عن موضوع أشغال عبد الحليم حافظ مع أم كلثوم بخصوص حفلة 23/7.
24/7/1965: مذكرة حول ما يدور حول اعتقال مصطفى أمين.
25/7/1965: تقرير بشأن نشاط الإخوان المسلمين بالقاهرة مقدم من السيد فاروق راجى.
25/7/1965: مذكرة بخصوص كتابة شعار الإخوان المسلمين على بعض خطوط الأتوبيس خط 40 ورقمه 1963 نقل عام.
25/7/1965: مذكرة بشأن نشاط الإخوان بالدقهلية.
25/7/1965: مذكرة بشأن نشاط الإخوان بأسيوط.
25/7/1965: مذكرة بشأن نشاط الشيوعيين بالدقهلية.
29/7/1965: مذكرة مقدمة من محمود العالم عن مقابلة موسى مبارك فى السودان.
4/8/1965: مذكرة حول سلوك مدكور أبو العز محافظ أسوان من حسين أبو الحسن جاد وسعد الدين محمد مدنى عضوى التنظيم.
4/8/1965: مذكرة حول الإخوان المسلمين بمحافظة الدقهلية وتعيين أحد الإخوان رئيساً لمجلس خطاب مركز أجا مقدمة من د.أحمد وفيق عضو التنظيم.
1/9/1965: تقرير حول نشاط الإخوان المسلمين بالإسكندرية مقدمة على صلاح السيد حلقة شوقى عبد الناصر.
2/9/1965: مذكرة بخصوص متابعة نشاط الإخوان المسلمين بالقاهرة.
2/9/1965: تقرير مقدم من أحمد حمروش بشأن نشاط الإخوان المسلمين بالقاهرة.
2/9/1965: تقرير مقدم من أحمد حمروش بشأن حديثه مع مجدى حسين.
4/9/1965: مذكرة نشاط الإخوان فى بعض قرى بنى سويف.
4/9/1965: مذكرة عن نشاط المدرسين المصريين من الإخوان الموجودين فى قطر.
4/9/1965: مذكرة حول أحد أعضاء الإخوان المسلمين.
8/9/1965: مذكرة عن الشيوعيين فى المطرية.
9/9/1965: مذكرة مقدمة من عزب أحمد عضو التنظيم حلقة سامى شرف عن الإخوان المسلمين.
11/9/1965: مذكرة معلومات عن الإخوان المسلمين بمحافظة كفر الشيخ.
11/9/1965: مذكرة بشأن اتصال عناصر من مسئولى الإخوان المسلمين بالأردن ببعض المصريين فى جامعة الأزهر.
14/9/1965م: تقرير رقم 3 عن النشاط العمالى بحلوان.
15/9/1965: مذكرة مقدمة من محمود أمين العالم عن الهتاف العدائى لمرضى مستشفى الصدر بالجيزة.
15/9/1965: مذكرة حول الاشتباه فى عضوية بعض الطلاب للتنظيم السرى للإخوان المسلمين.
15/9/1965: مذكرة معلومات عن جماعة الخروج فى سبيل الله تنتمى إلى جماعة الإخوان المسلمين مقدمة من محمود سامى العفيفى.
15/9/1965: تقرير من عبد المجيد أبو زيد بشأن اعتقال الدكتور على النويحى من الإخوان الخطرين.
19/9/1965: تقرير بشأن نشاط الإخوان المسلمين مقدم من إبراهيم الشهاوى عضو التنظيم.
20/9/1965: تقرير من أحمد طه (مجموعة خالد) عن تحركات إخوانية.
21/9/1965: مذكرة عن الطلبة العرب المشكوك فى انتمائهم للإخوان.
29/9/1965: مذكرة عن برنامج مواجهة الإخوان المسلمين فى الجامعة.
2/10/1965: مذكرة بمعلومات عن الوسط الصحفى.
4/10/1965: مذكرة بشأن نشاط الإخوان بالأردن مقدمة من إبراهيم الشهاوى.
4/10/1965: تقرير بشأن عدم تعيين مسيحى بالأمانة العامة.
8/10/1965: مذكرة معلومات حول ما يردده بعض الصحفيين.
8/10/1965: مذكرة حـول جنازة مصطفى النحاس مقدمة من إبراهيم الشهاوى.
8/10/1965: مذكرة من عزب أحمد عضو التنظيم (مجموعة سامى شرف) ضد رؤسائه المهندس صلاح عامر وصلاح عبد القادر.
8/10/1965: مذكرة حول تصرفات مصطفى البرادعى نقيب المحامين إزاء موضوع الإخوان المسلمين مقدمه إبراهيم الشهاوى عضو التنظيم.
10/10/1965: تقرير من د.أحمد توفيق عن وضع الإخوان المسلمين بمحافظة الدقهلية.
10/10/1965: تقرير بشأن رد الفعل الشعبى لمؤامرة الإخوان المسلمين مقدمة من صالح سمرة عضو التنظيم.
11/10/1965: مذكرة عن وضع يوسف السباعى فى دار روز اليوسف.
11/10/1965: مذكرة بخصوص تصريح للوزير السيد يوسف وزير التعليم.
13/10/1965: تقرير عن أسماء بعض الإخوان المسلمين من نابلس وتأشيرة السيد الرئيس لسامى شرف "كل من يثبت أنه من الإخوان يرحل"، مقدمه د. أحمد توفيق.
16/10/1965: مذكرة بخصوص مقابلة جمال هدايت مع على صبرى وطالب زيادة مرتبه نظير قيامه بالعمل بنادى الشمس.
18/10/1965: تقرير حول ميول واتجاهات أساتذة جامعة القاهرة مقدمه عثمان عزام.
24/10/1965: مذكرة حول رواية نجيب محفوظ "ثرثرة فوق النيل".
27/10/1965: مذكرة بمتابعة نشاط الإخوان المسلمين بجريدة الأخبار.
28/10/1965: مذكرة عن الإخوان المسلمين بمركز ميت غمر مقدمة من أحمد توفيق.
28/10/1965: مذكرة حول متابعة عمليات ملاحقة شباب الإخوان.
2/11/1965: مذكرة عن أحد الأفراد يقوم بجمع تبرعات لأسر المعتقلين.
9/11/1965: تقرير مقدم من فاروق السيد متولى بشأن تصريحات الحاج قاسم أحمد طعيمة عضو مجلس الأمة (مجموعة عباس رضوان).
14/11/1965: مذكرة من ماهر محمد على بشأن الهتافات التى حدثت فى جنازة مصطفى النحاس.
25/11/1965: مذكرة عن اتجاهات المسيحيين.
16/12/1965: بخصوص شكوى من مجهول يقول فيها إن الذين بهيئة التحرير والاتحاد القومى هم أنفسهم الذين يتربعون على المراكز الرئيسية فى الاتحاد الاشتراكى الآن، ويسيرون على نفس المستوى المزرى من رشوة وفساد واستغلال وانتهازية.
27/12/1965: مذكرة حول الخلاف بين هيكل وخالد.
5/1/1966: تقرير من أحمد حمروش عن النشاط الجماهيرى بالسيدة زينب.
16/1/1966: تقرير حول نشاط جديد للشيوعيين.
16/1/1966: تقرير حول إشاعة مصطفى أمين حول صفقة القمح الأمريكى.
19/1/1966: مذكرة بمعلومات حول موقف السعودية من اليمن وإيران مقدمة من محمد حسنين هيكل.
19/1/1966: تقرير حول مسرحية "الفتى مهران".
19/1/1966: تقرير مقدم من صلاح زكى – ميشيل كامل – راجى عنايت – سعد كامل – صلاح حافظ (مجموعة أحمد فؤاد)، بشأن تعيين جلال الحمامصى مشرفاً عاماً على التحرير بدار أخبار اليوم.
29/1/1966: تقرير عن صدى استقالة حسن إبراهيم – عضو مجلس قيادة الثورة السابق.
13/2/1966: مذكرة بخصوص الشك فى وجود اثنين من الطلبة بكلية الهندسة بالإسكندرية من الإخوان المسلمين مقدمة من سمير حمزة.
13/2/1966: تقرير حول إشاعة خطف خالد ابن السيد الرئيس.
14/2/1966: تقرير عن اجتماع أحمد بهاء الدين مجموعة كمال رفعت بأعضاء التنظيم بمؤسسة روزاليوسف.
16/2/1966: تقرير مقدم من ثريا حبشى بشأن أمين لجنة العشرين بشركة مصر للمستحضرات الطبية.
17/2/1966: تقرير عن زينب الغزالى الجبيلى.
22/2/1966: تقرير فاروق عبد السلام حول ما أشيع حول موقفه بأخبار اليوم.
22/2/1966: تقرير على الراعى بشأن مسرحية "الشبعانين" للأستاذ أحمد سعيد.
3/3/1966: تقرير مقدم من وحدة المطابع (خالد محيى الدين) عن اجتماع اللجنة النقابية بمؤسسة أخبار اليوم مع محمد حسنين هيكل.
6/3/1966: تقرير بمعلومات عن تنظيم للشيوعيين لم يحل نفسه حتى الآن مقدمة د.أحمد توفيق.
9/4/1966: تقرير مقدم من جمال بدوى (مجموعة خالد) عن أقواله واتصالات حول تشكيل شيوعى.
30/4/1966: تقرير من أحمد حمروش عن نشاط معادٍ بالإسكندرية.
12/5/1966: تقرير د.حسين كامل بهاء الدين عن نشاط معادٍ بدكرنس الدقهلية.
14/5/1966: تقرير من أحمد طه (مجموعة خالد) عن سيطرة أذناب مصطفى أمين على الأخبار.
14/5/1966: حول تعليمات كنسية للمسيحيين بعدم تنظيم الأسرة مقدمة أحمد كامل.
9/6/1966: تقرير بخصوص الصحفى محمد جلال كشك.
12/6/1966: تقرير عن نشاط إخوانى فى قرية سنفا مركز ميت غمر.
5/7/1966: تقرير من صلاح حافظ حول تصريح للدكتور عبد القادر حاتم.
7/9/1966: تقرير عن نشاط إخوانى فى حلوان – مقدمة من عبد الغفار شكر.
8/9/1966: تقرير عن الدكتور محمد محمد الهاشمى بهندسة أسيوط.
28/9/1966: تقرير عن تصرفات الدكتور جلال يحيى أستاذ مساعد مادة الاشتراكية بجامعة أسيوط.
10/10/1966: تقرير من أحمد حمروش بشأن مقابلته مع فؤاد نصار.
31/10/1966: تقرير عن الدكتور إبراهيم سعد الدين مدير معهد الدراسات الاشتراكية.
10/5/1967: تقرير عن محاضرة ألقاها د.أحمد العشرى بكلية الحقوق.
22/5/1967: مذكرة بحديث بين الدكتور رفعت المحجوب والدكتورة فوقية حسين.
29/6/1967: تقارير حاتم صادق عن الدكتور حسين كامل بهاء الدين.
26/7/1967: معلومات عن ضابط الجيش من محمود العالم.
27/7/1966: مذكرة بمعلومات عن نشاط برلنتى عبد الحميد.
23/9/1967: مذكرة بمعلومات من محمود العالم عن أخبار اليوم والصحفيين بها.
23/3/1968: مذكرة حول تعيين محمود أمين العالم رئيساً لمجلس إدارة أخبار اليوم.
26/4/1968: تقرير من نبيل نجم بشأن مقال محمد حسنين هيكل فى جريدة الأهرام عن يوم 19/4/1967.
26/4/1968: تقرير عن عمل التنظيم الطليعى بجامعة عين شمس فى الفترة من ابريل 198 إلى مارس 1970.
16/1/1969: تقرير من الصفحى سامى داود على البرنامج التلفزيونى (الكاميرا أدراك).
28/1/1969: تقرير عن اتصال السيد أنور السادات بمحمود أمين العالم وإبلاغه باستلام إحسان عبد القدوس للعمل فى أخبار اليوم.
15/9/1969: مذكرة بمعلومات عن إعفاء محمود العالم من أخبار اليوم وأخرى بتاريخ 16/9/1969 عن نفس الموضوع.
-
يا نهار إسود يا جدعان
هي ولعت من شوية
ألطف بينا يا رب
إمتى بقى الشباب يفوق ويعرف إن الخير فيه هو بس
بس يبعد عن الأشكال اللي جابتنا لورا دي
كلهم زي بعض
حكومة ومعارضة
منبت واحد شيطاني وسخ

Wednesday, 08 October 2008

فيديو حريق مصنع شيبسي

فيديو حريق مصنع شيبسي

فيديو لحريق مصنع دوريتوس التابع لشركة شيبسي في مدينة السادس من أكتوبر
تصوير الزميل المدون محمد الطاهر

Monday, 06 October 2008

ليه الناصرجية خونة وعملا ولاد قحبة

ليه الناصرجية خونة وعملا ولاد قحبة

إضغط هنا
أنا كنت ناوي أحضر عدد تذكاري لحرب ستة أكتوبر
بس لقيتني ماليش نفس
بس برضه قلت ما يعديش الأحتفال كده
لابد من مهموز يمهمز العرصات القبيضة بتوع سوريا وليبيا وصدام سابقا وتلاميذهم المغرر بهم
ببساطة إتفرجوا على الفيديو ده لعسكري إسرائيلي بعد خيبتهم في حرب يوم كيبور أو حرب اكتوبر المجيدة
لاحظوا عينيه اللي في الأرض اللي مش بتواجه الكاميرا
معلش هو بالإنجليزي لكن ها أترجملكم ترجمة مصاطب لأن لازم كلنا نعرف الحقيقة
"
أنا مش موافق لأن المصريين فاكرين إنهم نجحوا في الحرب دي لأنهم حطوا شوية عساكر ودبابات على
ضفتنا - خدتم بالكم من ضفتهم دي - من القناة وفاكرين إن ده إنتصار ولما العرب يفتكروا إنهم كسبوا أو عملوا إنتصار كبير فده ها يشجعهم ومش بعيد بعد سنة أو إتنين يعملوا حرب تانية واحنا نخسر مزيد من الضحايا
"
وطبعا دي عقلية إسرائيل ودي الفكرة اللي بذلوا فيها كل الجهد إنهم ينشروها وهي إن مصر ما كسبتش الحرب
يا ترى هل نجحوا في نشر فكرتهم دي
للأسف الأرض الخصبة لهذا الخراء كانت الناصريين لا لشيء إلا أنهم أعداء لشخص السادات وبعدها زايد عليهم اليسارجية والإسلامجية وبقى الموضوع مين يكره السادات أكتر مش مين بيروج لكلام الصهيونية وبيضر مصر
بذمتكم مش الناصريين والبعثيين والقومجية واليسارجية والإسلامجية بيعملوا بالظبط اللي العسكري الإسرائيلي عاوزهم يعملوه
بيقللوا من قيمة النصر ويوسخوه وينفوه
وهم مش عارفين ده لمصلحة مين
ييجي واحد خول مجنون يكتب مذكراته زي الشاذلي يقولك الثغرة وكانوا ها يحتلوا القاهرة
بقى شارون لوحده بالشويتين اللي معاه ها يحتل القاهرة؟ وهو متحاصر في السويس وحالته كرب؟ وكيسنجر العرص قال للسادات لو صفيته ها نتدخل؟ ومافيش خطوط إمداد بينه وبين جيشه اللي بيتناك في سينا؟ بيمثل خطر على القاهرة؟ وابن المرا المجنونة الشاذلي اللي قاعد دلوقت في الجزائر - بالذمة حد يروح يلجأ سياسيا في الجزائر - كان عاوز السادات يسحب القوات من سينا علشان تدافع عن القاهرة؟ ضد شارون؟ ونحول النصر لهزيمة تاني؟ طب إدوني إنتم عقلكم وخدوا طيزي فكروا بيها!

Sunday, 05 October 2008

أهه تحرش جماعي في العيد السنة دي ومن الأهرام

أهه تحرش جماعي في العيد السنة دي ومن الأهرام

إشمعنى إحنا شتمونا ومسحوا بينا الأرض وقالوا شباب مصر بخير وما حصلش وإحنا بنهول
وآدي الخبر من المصري اليوم
إضغط هنا
ومن قناة العربية
إضغط هنا

Saturday, 04 October 2008

تسرب فيديو جديد من أقسام الشرطة

تسرب فيديو جديد من أقسام الشرطة

مطلوب معلومات عن هذا الفيديو والوقائع المتصلة به
إضغط هنا

Friday, 03 October 2008

إيه بقى البضان اللي بايضن قاله ده


قال بايضن لا فض فوه في المناظرة التي جرت بينه وبين ساره بايلن
عندما طردنا نحن وفرنسا حزب الله من لبنان كان لابد من إحلال قوات الناتو لسد الفراغ الذي تركه حزب الله والآن أنظروا ماذا حدث لقد أصبح حزب الله جزء من الحكومة الشرعية للبنان
أحه
ده حصل امتى وفين ده؟
في عالم بيزارو؟
هو حصل ان حد اصلا طرد حزب الله من لبنان؟ امريكا؟ فرنسا؟ اسرائيل؟ سوريا؟ مصر؟ الفلسطينيين؟ حزب الكتائب؟ حركة أمل؟ اللبنانيين نفسهم؟
هما قالوا ان بايضن صهيوني
طب أحه يعني صهيوني وأهبل؟
مش عارف هو بيتكلم عن إيه؟
ومديرة النقاش جوين إيفيل إزاي عدى عليها الحوار ده هي كمان وما قفشتهوش
طب سارة بايلين وجاهلة جاية من ورا الجاموسة - حيوان الموظ - في ألاسكا
فمفهوم إنها ما تقفشهاش على بايضن وتطلع ميتين أمه
إمتى أمريكا طردت حزب الله من لبنان
طب نقول الراجل غلط
هل كان يقصد طردنا سوريا من لبنان؟
طب سوريا طردوها اللبنانيين
وبعدين هو واضح انه كان يقصد حزب الله لانه بعد كده قال ان حزب الله اصبح جزء من حكومة لبنان الشرعية
يعني ما شاء الله عارف اهه
أومال فيه إيه؟
وبرضه أكيد ما يقصدش خروج منظمة التحرير الفلسطينية من لبنان لأن ده برضه أمريكا مكانش ليها فيه ناقة ولا جمل
وده حصل قبل إدارة بوش أصلا بربع دستة رؤساء
طب تعالوا كده نذاكر التاريخ سوا تاني ونفتكر
ها نلاقي إنه بالعكس بقى خالص تاريخيا
امريكا وفرنسا والقوة متعددة الجنسيات هما اللي خرجوا من لبنان لما حزب الله فشخهم في تفجيرات مطار بيروت سنة 1983
ده حتى بايلين اللي الكل كان مستنيلها على غلطة ما قالتش شيء يضاهي عباطة وبضانة وخيال بايضن الجامح والسارح في عالم بيزارو الموازي اللي بتحصل فيه حاجات محدش سمع عنها غيره

Monday, 29 September 2008

فيديو - مجزرة مدرسة الجزيرة بالعجمي - الإسكندرية

فيديو مجزرة مدرسة الجزيرة بالعجمي - الإسكندرية

نحن نفضح بالفيديو ما حدث في الإسكندرية في أحداث إغلاق مدرسة الجزيرة والتي تزعم الحكومة أنها مدرسة تابعة للإخوان المسلمين ونتج عنها إصابة مواطن بالشلل الرباعي ربما يكون موجودا في هذا الفيديو خصوصا أن هناك شخص يظهر محمولا من قبل الشرطة بلا حراك
ضرب وسحل أولياء الأمور والأطفال
إعتقالات بالجملة
رجال ونساء وأطفال يطحنهم أمن الدولة والأمن المركزي
وأول إستخدام للعصي الكهربائية يسجل فيديو
الفيديو أرسله مجهول من الإسكندرية
إضغط هنا

-
خلفية الأحداث
محافظ الإسكندرية أصدر قرارا بإغلاق المدرسة
لكن المحكمة أصدرت قرارا لصالح فتح المدرسة
تظاهر الأهالي من أجل تنفيذ قرار المحكمة بفتح المدرسة
لكن الأمن منعهم من الإقتراب من المدرسة وإعتدى عليهم
وأصيب المواطن حمادة عبد اللطيف أحد أولياء الأمور بشلل رباعي
نتيجة كسر في الفقرة القطنية الأولى بالعمود الفقري وتهتك النخاع الشوكي
ولم يفتح أي تحقيق في هذه التجاوزات الأمنية وكأن شيئا لم يحدث

Saturday, 27 September 2008

فيديو - حريق المسرح القومي بالعتبة

فيديو حريق المسرح القومي

الفيديو ده وصلني بالايميل وانا في مطار سيراكيوز منتظر أركب طيارة واشنطون فرفعته على يوتيوب ساعتها لكن ما عملتلوش بوست عالموقع اللي للأسف كان تحت الصيانة بقاله فترة ومش عارف أنشر عليه ودلوقت بانشره أهه ولو إنه بالفعل حقق عدد مشاهدين لا بأس به على الرغم من عدم نشره
الفيديو من تصوير محمد عيد
مجلة تحت الكوبري
إضغط هنا