الوعي المصري

شكرا على الهدية الجميله دى يا وائل.........بس على فكره انا مواليد 87 وسمعتها قبل كدا كذا مره بس فى الغالب على الاذاعه مش التلفزيون.........شكلك مش متابع اذاعه :)

Posted by: Dr Nemo | Monday, 08 December 2008

تعديل معلش::::: عندك حق يا كبير....انا استعجلت فى التعليق....اصل الدخله مألوفه ليا.....فعلا اول مره اسمعها..........لا يبقى كده هديه فى الجون يا كبير.............بس مش ملاحظ ان الاجيال الجديده وللاسف احنا حتى جيل التمانينات بقى مش بيحب الاغانى الوطنيه......لدرجة انى بقيت ساعات بحس بالسذاجه وانا بسمعها......."هما عايزين كده صح؟؟!"

Posted by: Dr Nemo | Monday, 08 December 2008

انا من مواليد 75 يا وائل والاغنية فعلا من الاغاني الجميلة جدا اللي كنا بنرددها واحنا عيال صغيرة .. بعكس الاغاني والاوبرتات اللي كلها نفاق .. والله اول ما سمعتها افتكرت هذه الايام وبدأت استرجع مقطع صوت بلادي الذي كنت احفظ لحنه جيدا بدون بعض الكلمات وكيف كنت أقوم بتاليف اي كلام لاكمل اللحن ..

Posted by: محمد عبد التواب | Monday, 08 December 2008

ALLAH, ALLAH YA WAEL, I remmember this song , Especially SOAT BELLADY Part. Eid Saed, from Canada

Posted by: Rasha | Monday, 08 December 2008

شكرا يا وائل اغنية جامدة فعلا

وكل سنة وانت طيب ومصر كلها بخير يارب

Posted by: مصر المسلمة | Monday, 08 December 2008

HI every one
This Egypt which no one whant to be remmeber espicail the muslum brotherhood
happy AED for u ,your family all the Egyption muselm and coptic
By the way i am coptic

Posted by: ayman farag | Monday, 08 December 2008

Yaaaah, I almost cried when i heard "Sot belady". When was the last time I heard it?? Thanks Wael

Posted by: Ahmad | Monday, 08 December 2008

كل عام وانتم بخير وشكرا يا وائل على الهديه الجميله ولو انها قلبت علينا المواجع ورجعتنا لعهد كان المصرى بدا يشم نفسه ويبدا يرفع راسه بجد عهد اعتقد ان السادات كان بدا يقوم فيه باصلاحات جديه لمصر والاغنيه فكرتنا للاسف بمزارع القمح ومصانع الغزل والنسيج فخر الصناعه المصريه من فخر الزراعه القطنيه ؛فاين مزارع القمح واين حقول القطن واين قلاع الغزل والنسيج ؟!!!يا ميت خساره والف حسره وملعون ابو الخونه والمخربين الذين لن يرحمهم التاريخ

Posted by: مصرى | Monday, 08 December 2008

الاغنية حرام لانها فيها رقص و ستات لبسة لبس شفاف وفاضح

Posted by: ahmed | Tuesday, 09 December 2008

دي أحلى هدية أنا خدتها في العيد ده
ميرسي يا وائل :)

Posted by: محمود | Tuesday, 09 December 2008

http://cdnll-3.liveleak.com/s/18/media18/2008/Dec/8/LiveLeak-dot-com-9f426a8347d4-1.jpg?h=9688e6e96028005b47054f96c7930298&e=1229396415&rs=150

Posted by: الحق يا عبيط بص الصورة دي | Tuesday, 09 December 2008

واخد بالك يا وائل ان الاغنية دي طلعت وقت مقاطعة العرب " الاشاوس" لمصر بعد اتفاقية كامب ديفيد و مع ذلك كلامها بيقول " اي اخ عربي يعوزوه يلاقيه"
و نفس الوقت بتتكلم عن كرامة المصري من غير ما تمحي شخصيته وسط مفاهيم القومية العربية و الكلام الفاضي ده

Posted by: Hafssa | Tuesday, 09 December 2008

عزيزي وائل,
كل عام و انت بخير.
أثرت شجون و ذكريات يا وائل بعرضك "صوت بلادي"
هذه الأغنية تم تنفيذها بعد مقتل السادات رحمة الله عليه.
كان ساعتها مصر كلها واقفة ضد ما يمثله قتلة السادات, و كان حسني مبارك وقتها مسكين يا ولداه, وكنا واقفين وقفة رجالة, لكن من تحتسبه موسى صار فرعون و بجدارة.
غمة و ستزاح, بالرضى او بالغصب ستزاح, عندها سنبدأ من جديد و على بياض, نحن او من سيأتوا من بعدنا.

Posted by: أحمد مهران | Tuesday, 09 December 2008

مرحله خروج مصر من طمس الهويه بدات على يد اسرة محمد على وبالتحديد الخديوى اسماعيل لما انشا البرلمان المصرى ولم يكن لجاهل امعه ان يدخله بل كان يشترط ان يكون على درجه من التعليم ولوقاره كان اعضاءه على درجه من الوقار فى الزى وكل مدن القاهرة الرئيسيه تقريبا بناها اسماعيل بدا من ميدان التحرير وحتى الحوارى المصريه القديمه والازقه اعتنى بها وبلطها ولم تكن بتلك القذارة التى هى عليها بل كانت الخياله تمر بها ليل نهار لعنايه العامه ولم تكن متروكه للاوبئه والفوضى
لا احد يقول ان مصر كانت عامرة قبل تلك الفترة بل كانت خرابه وفوضى
كل الشركات المصريه العامه الموجوده حاليا ونسبهاعبد الناصر لنفسه هى بايادى المصريين الوطنيين قبل الثورة ومن وسع الحريه فى مصر كانت رؤوس الاموال جاهزة للاعمار فى اى لحظه وكان اى مستثمر عرضه للغنى بمجهوده وعرضه للانهيار والافلاس اذا كل لانه كان بمصر حريه السوق وليس احتكار السوق
فى انتظار اى اى امعه يقولى اسم شركه بنتها الثورة بالاسم قوت الصناعه الوطنيه وانا احط صباعى فى عيونه بس يقولهالى بالاسم

لم يكن البترول ظهر وكان العرب يشحتون التكيه واول دستايرهم على يد اساتذة مصريين مثل عبد الرزاق السنهورى وكثيرين

ومن لحظه نهضه على يد اسرة محمد على اتى ساهمت فى عوده روح الانتماء للمصريين التى ذابت فى حضن الخلافه واول بعثات لاكتشاف منابع النيل واول بعثات لكشف الاثار المصريه واول بدايه لدراسه الحضارة القديمه كانت على يد محمد على

ولما جاء عبد الناصر اعاد طمس الهويه المصريه فى عباءة خلافه اخرى بمسمى قوميه مهلهله واختفت مصر وصارت الجمهوريه العربيه

عاد السادات واظهر تلك الروح بعد انتصار ساحق فى حرب 73 واتجاه للاعمار فكانت هناك بدايات اخرى للشعور بالانتماء
حقيقى الاغنيه مفيهاش ريحه تمجيد لحاكم كلها عن شعب مصر فقط حلوة عيش حياتك بس ابحث عن ذاتك يا ترى بحثت عن ذاتك ايها المصرى ام لا ام تراك الان جماعات امعه مرة لون سعودى ومرة لون ايرانى ومرة لون امريكى ومرة على حسب الريح

Posted by: البحث عن الذات | Tuesday, 09 December 2008

ezayak ya wael
kol sana we kol masr be kheer
al youm we ana batasaf7 al akhbar laqyet shee ela 7ad ma mohem laqeet salat al 3eed al stat betsaly gamb al regal we taba3an fi sora (Photo) be tadol en al 7ezb al watany howa ely menazam alsalah fi al sa7ah deeh fi al mohandseen we deeh al saf7a bel sawar ale betadol 3ala kalamy bas yareet tel7aq teshofha http://www.youm7.com/News.asp?NewsID=55430
wa salam

Posted by: Simo | Tuesday, 09 December 2008

I remembered it now Ya Waad Ya Wael. In the 80's, I remember our Social Studies teacher teaching us the last part of this song and it was already in use in the morning assembly. But I wonder why did those bastards stop it ?!

Posted by: Al-Jazary | Tuesday, 09 December 2008

بسم الله الرحمن الرحيم
الأستاذ وائل عباس في الحقيقة أنا لسة متابع جديد لموضوع البلوجات و اللي كنت أعرفه عن البلوج مكنتش أتوقع أنه بالأحترافية دي أهنئك عليها بجد من يوم ما قريت بلوجك و هي في الفيفوريت و بتابعها علطول بس في سؤال محيرني مش عارف هوا شخصي و مش من حقي أساله و لا أيه؟؟؟!!!! بالنسبة للي أنا شايفه في بلوجك من مجهود متواصل و سفر للخارج هل البلوج دي حاجة أضافية في حياتك يعني ليك شغل صحفي مثلاُ او أي شئ تاني و البلوج دي هواية و لا أيه أصل الواحد هنا في مصر و خصوصاً الشباب زينا انت عارف أنه في دوامات متواصلة من العمل و الجهد لمتطلبات الحياه و الجواز فهل أنت في و من مثلك في هذة الدوامة و لا نذرت نفسك للحقيقة و هذة البلوج؟؟؟؟ أسف لو طولت

Posted by: amro salem | Tuesday, 09 December 2008

يا نهار اسود يا جدعان هزلت انا عمرى ما صليت العيد ولكن احب جدا اسمع التكبيرات والصلاه من الجامع المجاور لبيتنا ولا اشعر بالعيد الا اذا سمعت التكبيرات كما اسمع ان صلاة النساء تجوز شرعا وسمح بها الرسول عليه الصلاة والسلام ولكن بهذه الطريقه كما اوردها الاخ سيمو نقلا عن اليوم السابع من جامع بالمهندسين تبقى هزلت ولا يليق ابدا ان تصلى النساء الى جوار الرجال وامامهم بهذا الشكل الذى رايناه فى الصور ومش معنى خروج المراه للعمل واختلاطها بالرجال ان نطبق هذا فى الصلاه فالصلاه عباده لها قدسيتها وليست تهريجا وكل واحد يشغل عقله ويفهم لوحده لماذا لا يجب على المراه الاختلاط بالرجال اثناء الصلاه كما ظهر بالصور ومش كل داعيه مودرن يفتى باى شىء وتبقى سبهلله وينتفى المعنى الحقيقى من الصلاه وهو القرب الى الله بالتركيز اين رجال الازهر وحسبنا الله ونعم الوكيل فى كل من يشوه ديننا ويقلبه الى تهريج

Posted by: مسلمه غيوره على دينها | Tuesday, 09 December 2008

Dear Wael
Thank you so much for your grand present to us. I cried and had lots of tears in my eyes. You brought great memories back flooding. I do remember this song as I was a Medical student at Mansoura University, I think, and it was after Camp David agreament. The voices of the singers are great, the music is fantastic and the words are a real reflection of what Egyptians are all about. The fact remains that we are Egyptians and Egyptians only. We have a great civilisation that still alive to this minute. We are lucky to be Egyptians
Time has come for all of us to prove to the world once more that we are still the same, working hard, freedom of speech, respect for all religions .No to fanatics and no to millitants. What matters at the end of the day is who you are and how good you are to yourself, your family and your community.
Sadat was a great Leader and had a great vision and its shame that we lost him early .He loved his country and a was true Egyptian.

Posted by: Dr A Samieh MBBCh, MRCP, MBA, Great Britain | Tuesday, 09 December 2008

وائل، انت بتتعجب ليه الاغنية مغضوب عليها ، انت أشرت للمقطع اللي بيتكلم عن الذات ، والشيء بالشيء يذكر، ففي نهاية الأغنية يظهر- على ما أعتقد - قبر المرحوم الرئيس السادات
وأستئذنك أن أضع الأغنية في البلوج وفي صفحتي على يوتيوب
وشكرا على هديتك الجميلة

Posted by: وادي عبقر | Tuesday, 09 December 2008

واصيله يا خطاوى ولادنا وتسلم الخطاوى يا جايه من كفر بهيه والطرحه محلاوى ....كلام جميل بس كيف اصبح كفر بهيه واين الطرحه المحلاوى ؟ كفر بهيه اصبح كله ابراج وخوازيق اسمنت مسلح وحا يبقى اسمه كفر الخواجه او كفر البيه بعد اتجاه اعين اسيادنا البعدا المستثمرين للاراضى الزراعيه وجزر النيل المنتجه للخضار والفاكهه والطرحه المحلاوى بقت طرحه صينى بعد تخريب وخصخصة مصانع المحله ولا اراكم الله مكروه فى عزيز لديكم

Posted by: بنت بهيه | Wednesday, 10 December 2008

يا هداياك يا ابو عباس
دايما بتفاجأنا

Posted by: شادى الخطيب | Wednesday, 10 December 2008

100 100 ya 3am wael, i do remember el song very well, reminding me when we were proud for being egyptians, good old days ma man.

salam for now

Posted by: bakr | Wednesday, 10 December 2008

لا بجد يا وائل
انا فعلا كنت مهاجمك ساعة موضوع بوش و المقابلة و بتاع

بس الإختلاف في الرأي لا يفسد للود قضية

بجد إختيار موفق و الأغنية معناها السياسي رهيب بجد
فعلا أغنية حلوة و مليانة بالمعاني الرهيبة

كل مدي بتأكد أن السادات كما وصفة ليا احد الشخصيات اللي بحترمها ان السادات صلب لأجل مصر بالمعني المسيحي

رغم إختلافي معاه علي انة عسكري و استبدادي بس الراجل دة لو كان ربنا مد عمرة شوية كانت مصر حتختلف كتير عن النهاردة

Posted by: مصري مجنون | Wednesday, 10 December 2008

اختيار راثع وفاكر الاغنيه وكانت فى فترة بيذيعوها بعد ماتشات المنتخب ومن حوالى اسبوعين فى برنامج البيت بيتك افتكرها المغنى هشام عباس وغناها سولو وكان رائع وعلى مااعتقد انه قال كاتبها محمد حمزة وكل عام وانتم بخير

Posted by: mohamed italy | Wednesday, 10 December 2008

في عيد الأضحى ال فات كنت قاعد مع مجموعة من الناس ال كلهم تجاوزا الثلاثين، و قعدنا نفتكر الأغاني الوطنية و مغنييها، و منها طبعا الاغنية دي ال أنا لسى فاكرها من يوم ما شفتها على تلفزيون جدي الأبيض و أسود.

المفاجأة بالنسبة لي كانت أن بعض الناس دول كانوا محتفظين بتسجيلات للاغاني دي على تلفوناتهم! و كثير منهم عارفين أسماء المغنيين، على غير حالي.

تكلمنا كمان عن وقت كان فيه نوع من الوعي الموحد بين الناس..يعني أنت بتنزل الشارع و عارف أن كل الناس تفرجت على ال أنت تفرجت عليه امبارح..أي واحد كان بيقلد موقف أو لازمة من مسلسل أو فلم كانت كل الناس بتفهمها.

طبعا من ناحية ثانية، الأحادية دي كان لها سلبيات، خصوصا لما تكون ال محتكرة تكوين الوعي دا هي الحكومة بغباوتها، و عجزها الإعلاميين و استبدادها.

احنا ضيعنا على نفسنا كل الفرص ال كان التلفزيون و الراديو ممكن يوفروها كأدوات للتغيير الاجتماعي. لكن دالوقت فيه الإنترنت.

Posted by: أحمد غربية | Thursday, 11 December 2008

يخرب بيت دماغك,دى فعلا دماغ متكلفة.انا مواليد الستينات/ والاغنية تمثل الكثير فى وجدانا
انا شعرت بالنشوة وانا اسمعها.وهى ممنوعة لسببين اولا /مصرمعدشى فيها رجالة -الا قلييييل-ومضطهدين ومينفعشى نغنيلهم .ثانيا/ الحكومة مصرة على محو الشعور الوطنى والانتماء عند الشباب والجيل الجديد-والاغنية بتقول والبركة فى شبابك

Posted by: DR/ASKAR | Thursday, 11 December 2008

حزين على الكويت التي كانت اكثر دول الخليج تحررا - الان يتصدر الساحة بها السلفيين والاخوان وما اسخم من ستي الا سيدي
......................................
الواحد كان نفسة يقول كل سنة وانت طيب بس اللى زيك مينفعش معاهم اللى كس امك
يعنى الكويت لما بقة فيها ناس بتقول حرام وصلوا واتقوا الله باقت دلوة متخلفة يعنى الدولة اللى تشوف طاعة ربنا وتنفذها تبقى متخلفة لكن الكويت لما كانت جنس ثالث والراجلة تتحول نسوان وفجر وقلة ادب كدة بالنسبالك كويسة ياجدع انت اتقى الله لو مرة هو انت اللى يصلى ويشوف طاعة ربنا بعيد عن السياسة يبقى سلفى وطالبان دا انت زعلان لما واحد بعتلك رسالة وقلك لك الاجر والثواب انت معقلتش على الرسالة انت عقلت على كلمة لك الاجر والثواب كس امك كدة كدة ليك رب يحسبك صليت بقة مصلتش اتبعبصت اتنكت كلة مكتوب عند ربنا وهنشوف اخرة اهلك اية
عيد غم منك لله

Posted by: gaga | Thursday, 11 December 2008

هايلة يا وائل، و الله كانت على بالي من يومين تلاتة و دعكت النت لحد ما لقيت نسخة جامدة للشريط كله، و عموماً أوبريت الأرض الطيبة كلمات حسين السيد و ألحان محمد عبد الوهاب، و فعلاً مش عارف ليه بقى ممنوع من العرض الكليب ده، يمكن لأنه معادش مناسب للحقبة التاريخية اللي احنا عايشينها دي، ده زمن و الأوبريت بيتكلم عن زمن تاني و يمكن عن مصريين و عرب تانيين

Posted by: AntiZionism | Thursday, 11 December 2008

الصناعه المحلاوى وكان يا مكان اول مدينه صناعيه فى العالم لصناعه الغزل والنسيج لاول بلد صنع النسيج ده كلام اكيد
المحله ليست وليده الثورة المحله منذ عهد الفراعنه وكان اسمها ديدوسيا او على اسم نبات التيل
ولما حط العرب على مصر سموها محله الكبراء لان منها عملوا سلاطين وملوك عايقين وبقاليهم منظر وسبحان العاطى الوهاب ولما حط المماليك سموها وبالتحديد قلاوون المحله الكبرى وكانت مغرقه العالم القديم بصناعتها اكبر مصدر نسيج وملابس تخيلوا ولما جاء محمد على انشا مئات مصانع او ما عرف بالفابريكات للغزل والنسيج وصارت متطورة واكتسبت طابع حر بمجىء طلعت حرب اى انها مصريه ولا تنسب لاى احد وليست وليده ثورة عبد الناصر اما الان فهلكت المحله الكبرررررررررررررررررى وغزانا الصينى بالقطن عديم التيله ومشتقات البترول
بجد هو القطن فين
ويضاف على النسيج والعلم بالعلم ان مصر اول دوله صنعت الزجاج اول دوله صنعت السلاح اول دوله صنعت النسيج اول دوله صنعت الزيوت اول دوله صنعت الخيش اول دوله صنعت الشمع اول دوله صنعت الصمغ اول دوله صنعت الحلى اول دوله صنعت الجلود اول دوله صنعت الدباغه اول دوله صنعت الورق اول دوله صنعت الصابون واول دوله صنعت العطور واول دوله صنعت النقود والعقود واول دوله فى صناعه الخشب والمنتجات الخشبيه واول دوله كيمائيه على وجه الارض اين ذهبت الصناعات الصغيرة التى قام على اساسها الدول المتقدمه
واين ذهب الصناع والى اين نحن ذاهبون

Posted by: البحث عن الذات | Thursday, 11 December 2008

بروح امك يا سى جاجا بتتكلم فى الدين وانت ما عندكش ريحته على الاقل يبقى لسانك عف مش محموق على الدين وقبيح وفظ تيجى ازاى دى يا حيلتها واذا كنت بتدعى الايمان فليس المؤمن بطعان ولا لعان لكن اقرب صفه ليك انك مخبر غبى او انسان حقود وما تنساش تسمى نفسك باللغه العربيه بدل اسماء الفرنجه يا جاجا

Posted by: غاغا | Thursday, 11 December 2008

هو انت من الهبل اللى زى وائل كل اللى يشتمة يقول علية مخبر وامن دولة وبعدين انا اسف بلاش اتحمق على دينى علشان لسانى ظفر المفروض لما حد يسب دينى قدامى اقولة لا انا مقدرش ارد عليك علشان لسانى مش عفيف احة يا حليتها وبعدين ياعم القمور لو حراق اوى دا ايمالى كلمنى علية علشان عندى مرهم يخفف ليك الحرقان ويحد من الكسكسة للغير
ابقى سلملى على اللى بيفهموا زيك
ايمالى علشان لو عايز المرهم
m_hamo_n_love@yahoo.com

Posted by: gaga | Friday, 12 December 2008

شكرا ياوائل على الاغنية الجميلة وبصراحة هى من بعد التمانينات ومابتذاعش علشان مانزعلش جيرانا الى فى الغابات الى جنبا وبعدين ثانيا على الرجالة خلصت من مصر ومابقاش فيها غير الى لامؤاخذة واظن انتا ادرى واحد بيهم واخيرا سلام

Posted by: ابو مازن | Friday, 12 December 2008

يا ماشا الله يا جدعان يا ما شا الله ويا خمسه وخميسه .... اللى بتخمس عليهم ايمان دول الشباب اللى استشهدوا فى 67و73وما فاضلش منهم غير اعداد بسيطه مش عارفين يتجوزوا عشان يزودوا نسلهم من الشبان الجدعان وده بسبب البطاله و الظروف الاقتصاديه القذره التى صنعتها ايادى غير امينه وغير وطنيه

Posted by: مصرى | Friday, 12 December 2008

من امريكا بقولك شكرا شوقتنى لمصر وتراب مصر ربنا يحميك انت واللى زيك

Posted by: عادل المصرى | Saturday, 13 December 2008

كان نفسى تكتب الأغنية بتقول إيه علشان مش عارفاها و على العموم شكرا على الأغنية
اجمل صور
http://www.agmalsewar.com/best-photos.html

Posted by: sendrella | Saturday, 13 December 2008

أغنية رائعة يا وائل
شكراً لك

Posted by: Hasan | Monday, 15 December 2008

خبر موسم ونهاية 2008 بوش والحذااء بوش يبدا حكمة بتفجير برج التجارة العالمى فى موطنة امريكا على يد العرب وينتهى بالضرب بالجزم فى الشرق الاوسط على يد العرب
تحياتى لكل جزماتى

Posted by: gaga | Monday, 15 December 2008

لو انك واد وسخ بس الاغنيه تستاهل بجد انى اشكرك عليها .. بصراحه انت نستنى انك واد وسخ بالاغنيه دى ..لو تبطل قباحه وطوله لسان تبقى ميه ميه ..انما انت بتطرد الناس من عندك ..ياعم انا عارف اننا بنسمع الشتايم دى طول النهار واحيانا الشتايم دى بتعمل راحه نفسيه لينا لما نتكلم على حال البلد ..بس على الاقل يبقى فيه حته نضيفه نستخبى فيها ..على فكرة معنى ان الناس تشتم فيك ..انك ناجح ..الناس مابتشتمش الفاشل ..بس طريق النجاح مش سهل ياعم ..لازم تحافظ على نجاحك ..لانك بقيت امام المدونين ..يعنى انت الى فى الوش ..يوم ماتكون وحش هايقولو علينا معاك وحشين ..فهمت ياكابتن؟

Posted by: ميجووووووو | Monday, 15 December 2008

وائل اوعه ياواد تمشى مع الرايجه وتنضم للهبل بتوع التضامن مع الجزمة والله بعد ماشفت التعليقات وردود الفعل على المنتديات ومواقع الصحف بتاكد انمافيش فايدة فى الشعوب الزفت دى الى عاوز يعمل لصحفى الغبرة تمتال والى يشترى الجزمة ويعملها متحف واكيد ايران مش حتفوت الفرصه وتعمله ميدان حالة عته على هبل على تمر هندى ده غير الصحفيين الاشاوس زى بكرى وعبد البارى عطوان وغيرهم الى لو واحد فيهم جدع وابن جدع يقول لو الجزمة دى جت من اى واحد منهم ضد اى حاكم عربى كان حصل له هو واهله والبلد الى اتولدفيها هنا مثلا فى ايطاليا قالوا الخبر واتريقوا على بوش بس بشياكه وماادوش الموضوع اكتر من حقه واعتقد فى معظم دول اوروبا بصراحة الواحد بدا يفقد الامل تانى فى شعوبنا العربيه تانى بالمناسبة عبد الناصر ولا الاسد ولاصدام كان رد فعلهم حيبقى ازاى

Posted by: mohamed italy | Monday, 15 December 2008

انا فرحت جدا بالاغنيه و كنت اتمني انك تفرغها و تكتبها لمن يرغب في الاحتفاظ بكلماتها
و بالمناسبه
اسم المؤلف ورد بالافيش في نهاية الاغنيه لكن معرفتش اقراه
تحياتي

Posted by: ذو النون المصري | Monday, 15 December 2008

ايوووووووووه اسكندراني رجعتني فلاش باك لاكتر من 20 سنه انا من مواليد 73 وفاكر الأغنيه دي وكنت بحب الحته بتاعة سوزان عطيه وهي بتقول روما ....نو ومحدش يفهمني غلط !! كانت رائعه وكنت بسترخم اوي توفيق فريد جدااااااا وهوه فعلا منجحش يظهر بعد كده عشان انا استرخمته !! هاهاها شكرا وتسلم يا باشا

Posted by: semsem | Tuesday, 16 December 2008

Allah Ya Wael.....Thank You for the song.
Happy Holidays and 3eid Sa3eid from California :)

Posted by: maged Kamel | Tuesday, 16 December 2008

وائل.الأغنية احلى حاجة على المدونة بتاعتك انا مواليد 75 و فاكره الأغنية كويس اوى كنت فى اعدادى وقتها و صدقنى مفيش مرة كنت اسمع الأغنية ديه الا و جسمى كله يأشعر خصوصاً المطع الأخير و كل المصريين واقفين بيغنوها. الأخراج و الكلام و اختيار فرقة رضا و المغنيين و اللحن كللله اكثر من رائع. ياااه بجد قلبت المواجع و حزنت على زمن جميا اوى عاشته مصر. الله يرحمها البلد ديه. خلاص نهايتها ابتدت للأسف.

Posted by: مهمومة بمصر | Wednesday, 17 December 2008

شوف يا وائل انا اول مرة اسمع الاغنية دى لكن اقدر اقولك ببساطة ليه ماينفعش تتعرض فى التليفزيون لان الاغنية دى مالهاش اى علاقة بالواقع الحالى يعنى نقدر نقول اغنية خيالية مش وطنية ولو مش مصدق اقرا مدونة الوعى المصرى وانت تشوف الواقع.

Posted by: ٌRita | Monday, 29 December 2008

بالنسبه لسؤالك عن عدم عرض الاغنيه فى التليفزيون المصري اقولك انا انه غباء وبيروقراطيه من القائمين على التليفزيون ها تقولى ليه اقولك حسب ما انا عايشت الفتره دى
الاغنيه انتجت لتذاع فى احتفالات اكتوبر 1981 وبالفعل اذيعت عده مرات وباغتيال السادات فى العرض العسكرى قامت بعض تلفيزيونات الدول الاعضاء فى جبهه الرفض اذاعه الاغنيه بعد اجراء مونتاج لها تصور حادثه اغتيال السادات على مقطع من الاغنيه الذى يقولون فيه
رجاله وطول عمر بلادك يا بلدنا رجال
وبالطبع اغضب هذا النظام المصرى فقام الاخوه البيروقراطيين فى التليفزيون بعدم اذاعه الاغنيه تملقا للحكومه بغباء شديد حيث ان الذى شاهد هذا التصوير هم قله من المصريين اللذين كانوا يعملوا فى الدول العربيه وفى الداخل من سربت اليهم شرائط الفيديو التى كانت اجهزه حديثه العهد على المصريين وكان لا يمتلكها الا العاملين بدول الخليج
عرفت الحكايه يا عم يعنى مش حكايه الاغنيه بتتكلم عن ايه او اللى ملحنها مين بيغنيها مين

Posted by: شيريو | Thursday, 01 January 2009

واللله العظيم انا عيطت لما سمعتها ومش بايدي حاجة ياريت مصر ترجع تاني ياريت ترجع الرجالة بدل منعيط مش عارف اقولك ايه بجد حقيقي .... مهندس حسين مهندس ديكور 28 سنة

Posted by: حسين | Tuesday, 06 January 2009

روح يا شيخ ... الله يبارك لك. أنا دوخت عالفيديو ده ولقيته عندك بالصدفة. وبعيدا عن الغنوة وبمناسبة مدونتك الصاروخية ذات الطابع السياسي، فعلا مصر بتخسر أجيال جاية مستقبلا بتنشأ محرومة من حب البلد دي ومن تأثير النوع ده من الفنون على زرع ما يشبه جين وراثي مكتسب اسمه حب مصر. الظاهر زي ما تفضلت إن حب مصر بقى عيب أو حرام أو يعاقب عليه القانون لدى البعض. أحييك وأشكرك على إتاحة الفرصة لتحميل هذا الفيديو لأغنية من أحب الأغنيات لقلب أخيك العبد لله. وصباحه مصري أصيل أكتر من عبد الرحيم عمرو

Posted by: إيهاب فؤاد | Monday, 09 February 2009

على فكرة نسيت أقول لك إن الأوبريت تأليف حسين السيد.

Posted by: إيهاب فؤاد | Monday, 09 February 2009

في الصميم ..
شكرا ليك

Posted by: حدوتة مصرية | Thursday, 08 September 2011