Ok

By continuing your visit to this site, you accept the use of cookies. These ensure the smooth running of our services. Learn more.

Friday, 19 October 2012

Wael Abbas at SHARE Beirut

Wednesday, 17 October 2012

عبد الناصر والأقليات .. أساطير وحقائق


وائل عباس يكتب لجريدة لبداية
عبد الناصر والأقليات .. أساطير وحقائق
إضغط هنا لقراءة المقال

Saturday, 13 October 2012

وائل عباس وسامي بن غربية على إل بي سي

وائل عباس وسامي بن غربية على إل بي سي نيوز
حماية الثورة أصعب من إسقاط الديكتاتوريات

Wednesday, 03 October 2012

Quentin Tarantino

Quentin Tarantino

اللي بيحبوا كوينتن تارانتينو تلات انواع :
مراهقين أو عشرينيين عندهم مراهقة متاخرة أو ثلاثينيين ما عاشوش المراهقة أصلا ...
وغالبا ها تلاقيهم بيحبوا شخصية اليكس ديلارج في - البرتقالة الميكانيكية - بتاع ستانلي كوبريك
بس طبعا قبل ما يتحبس ويعملوا عليه التجربة
وبينسوا بقية الفيلم
وفرق شاسع طبعا بين كوبريك وتارانتينو
محدش يزعل :)

Sunday, 30 September 2012

إستغاثة من عمال قناطر إدفينا

إستغاثة من عمال قناطر إدفينا

نشكوى لسيادتكم من قيام هندسة قناطر ادفينا مركز رشيد محافظة البحيرة التابعه للادارة العامة لرى قناطر الدلتا بالقناطر الخيرية باخلاؤنا من المساكن الادارية التى قضينا فيها 49 عاما بدون توفير البديل وعلمنا انه  جارى الترتيبات الامنية والاتصال بالقوات المسلحة المنطقة الشمالية بالاسكندرية للاتحاد مع قوات الشرطة بمدرية البحيرة لاخلاء المساكن بالقوة الجبرية دون توفير السكن البديل برجاء وقف تنفيذ قرارات الاخلاء لحين توفير المسكن البديل  
   ونحن نتسائل كيف يتم تشريد 16 اسرة من المنطقة فى ظل ثورة الديموقراطية والعدالة الاجتماعية 
 
الرجاء اتخاذ اجراءات اللازم حيث ان هناك اسر سوف تشرد وليس لهم اى مسكن بديل
الاسم / حسين انور حسين المسلمانى
العنوان / قناطر ادفينا – رشيد – البحيرة
موبايل / 01093031233

Tuesday, 25 September 2012

طابور مدرستي الإبتدائية من فيلم سينمائي نادر

طابور مدرستي الإبتدائية من فيلم سينمائي نادر

فيلم يوسف وزينب إنتاج مشترك بين مصر وجزر المالديف في أوائل الثمانينات
الفيلم نادر العرض ولا أعتقد أن أحد شاهده من قبل
بطولة فاروق الفيشاوي وليلى علوي
قصة وسيناريو بشير الديك وإخراج محمد خان
اللقطة لطابور مدرسة أحمد ماهر الإبتدائية
أستطيع تمييز جرس المدرسة المميز اللي كان بيضربه عم عيسى النوبي
ومدرسيني خصوصا أستاذ حمدي
وأنا كنت في هذا الطابور بس مش واضح :)
روحونا يومها بدري علشان يفضوا المدرسة
والعيال تاني يوم قعدوا يفتوا بقى انهم شافوا فاروق الفيشاوي بيبوس ليلى علوي وفشر للصبح :)

للاسف المدرسة استردها وزير الخارجية السابق احمد ماهر حفيد احمد ماهر باشا
وهدم الفيلا والمباني الاثرية التي كانت على طراز الريف الانجليزي وحولها الى مدرسة تجريبية للغات بنفس الاسم
مدرستي كانت من المدارس النموذجية على مستوى الجمهورية وتقع بشارع مصر والسودان - شارع الملك - بحدائق القبة

أحمد ماهر باشا كان رئيس وزراء مصر في عهد الملكية
واغتاله الاخوان المسلمين داخل البرلمان

 

Saturday, 22 September 2012

Wael Abbas on ORF - Mohammad Movie

Wael Abbas on ORF - Mohammad Movie


مقابلة على التلفزيون الرسمي النمساوي
اذيعت بتاريخ 20 سبتمبر 2012
باللغة الألمانية
German only

Monday, 03 September 2012

وائل عباس في برنامج 90 دقيقة - معارضة الإخوان

وائل عباس في 90 دقيقة - معارضة الإخوان


الحلقة اذيعت بتاريخ 2 سبتمبر 2012

Thursday, 30 August 2012

ليلة القبض على فرخة

ليلة القبض على فرخة
كما وعدكم مرسي

عاد الأمن إلى ربوع مصر مرة أخرى
وعادت ريمة لعادتها القديمة

الفيديو صوره شخص لا يريد إظهار شخصيته وأرسلى لي
ويظهر الفيديو بوكس شرطة في مدينة الشروق بينزل دجاج وبيض لسوق المدينة
وكان سايق البوكس ضابط كبير وحاطط بنته على حجره
قام البوكس بانزال حوالي 40 دجاجة وعدد كبير من كراتين البيض
رقم البوكس ب11 9797
متوقع رد من وزارة الداخلية مماثل للرد بتاع البوكس اللي كان بينقل تلاجة
وها يقولولنا يعني نسيب التلاجة اللي نقلناها لمكتب الظابط فاضية !!!

 

Monday, 27 August 2012

Wael Abbas on Tweetnadwa

وائل عباس في تويت ندوة حول قرارات مرسي

Sunday, 19 August 2012

الأخبار تسرق تويتاتي

جريدة الأخبار الرسمية تسرق تويتاتي

A0mSuXDCMAAN7lJ.jpg


هذا الكارتون منشور بجريدة الأخبار
بتاريخ أمس
وهو عبارة عن تويتات مسروقة من هاشتاج قمت بعمله عن المادة 178 من قانون العقوبات
ولا يوجد أي إشارة لأن هذا من كلامي
ويمكن مشاهدة أصل بعض التويتات هنا
بتاريخ 16 أغسطس
https://twitter.com/waelabbas/status/236039181648928768
https://twitter.com/waelabbas/status/236038265055092736
https://twitter.com/waelabbas/status/236038807319879680
https://twitter.com/waelabbas/status/236038396932415489
https://twitter.com/waelabbas/status/236038847824289792
https://twitter.com/waelabbas/status/236038617389228032

Tuesday, 14 August 2012

جمهورية فايمار

جمهورية فايمار

weimar_hyperinflation.jpeg
بعد إنقطاع حوالي خمس سنوات
قررت أكتب مقالات تاني

وائل عباس يكتب : جمهورية فايمار
البديل
إضغط هنا

Monday, 13 August 2012

Wael Abbas on Radio Sawa: Morsi's Decisions

وائل عباس VS حمدي حسن على راديو سوا


وائل عباس : انا متشكك في قرارات مرسي وفي حالة ترقب حذر
مرسي لا يهتم برأي اي فصيل سياسي غير الاخوان
مرسي كانت له مواقف مشينة على سبيل المثال تجاهل زيارة قيادات الكنيسة اثناء احداث دهشور
المطلب الشعبي كان الغاء البيان الدستوري وليس استبداله ب

بيان اخر ديكتاتوري
البيان الدستوري الذي اصدره مرسي يعطيه صلاحيات مشابهة لصلاحيات مبارك
كنا نتمنى دولة بها صلاحيات اقل لرئيس الجمهورية وصلاحيات اكثر في يد الشعب
يبدو ان الاخوان يعجبهم بشدة نمط الحكم في عهد حسني مبارك
مرسي اعطى طنطاوي قلادة النيل تقديرا للمجازر التي ارتكبها بحق الثوار والمواطنين على مدار عامين
المستشار محمود مكي هواه اخواني وكان متوقع تعيين شخص له هذا الهوى في المنصب

Saturday, 11 August 2012

وائل عباس وقصة الكاميرا الشهيرة - 2006

وائل عباس وقصة الكاميرا الشهيرة - 2006

وائل عباس وقصة الكاميرا الشهيرة - 2006
هذه القصة حدثت يوم الاستفتاء على رئاسة الجمهورية 25 مايو 2005
لمشاهدة الصور التي كانت في الكاميرا إضغط هنا
http://misrdigital.blogspirit.com/files/coverage/estefta2_25may05.htm

Monday, 06 August 2012

On Events in Sinai

تويتات ومناقشة مع سناء سيف عن أحداث رفح

وائل:
بلا تسليح خفيف بلا تسليح تقيل دول دبحوهم بسكاكين وخدوا منهم مدرعتين فيه ايه تقيل وخفيف في الموضوع؟ فيه خيبة تقيلة
وائل:
خدوها مني حكمة : أي العاب تحصل في سيناء بتقوي مركز المجلس السمكري وإفهموها زي ما تفهموها !!!
وائل:
ممكن احمي نفسي واعرف احمي نفسي لكن ممكن اسيبك تضربني لو الضرب ده ها يعملي مكاسب تانية اتاجر بيها اني انضربت واتهم طرف تاني بالمسئولية

وائل:
مافيش حاجة في الجيش او الشرطة اسمها وقت راحة من غير نبطشية حراسة يا غبي منك ليه !!!
وائل:
انت رايح عالحدود أصلا تحميني من العدو الجبار لكن لما ما تعرفش تحمي نفسك من مدني مش متدرب زيك ما تطلبش مني اعيط عليك !!! خلص الكلام
سناء: *
ليه عدم كفاءتهم تخليك متتعاطفش معاهم
وائل:
اكيد مش انا المسئول عن تدريبهم وتنظيمهم
سناء:
اللوم مش عليهم اللوم على اللي بيدير المؤسسة وبيحط عساكر مش متدربة تحمي الحدود والله أعلم ممسكهم سلاح عامل ازاي
وائل:
لو فهمتي كلامي ها تعرفي ان اللوم مبطن للي بعتهم انا كلامي مش بالسطحية اللي بتقريه بيها
وائل:
انا بالوم على المؤسسة ككل فعلا وكلامي مش موجه للعساكر لانهم مش بيقروا حاجة دلوقت كلامي للي بيبعتهم عريانين
سناء:
طيب ليه مش متعاطف مع حد آتقتل غدر منغير ميعمل حاجة أيا كان تابع لأنهي زفت مؤسسة؟
وائل:
لاني لو تعاطفت يبقى باتعاطف مع المؤسسة اللي باعتاه وبالتمس لها العذر لازم اكون قاسي زيهم بالظبط لان دي امور لا يصلح فيها التهاون
وائل:
احنا جيشنا كان مهزوم في سبعة وستين وطلعنا عليه نكت وكنا بنهزق اي عسكري نشوفه في الشارع خللي باباكي يحكيلك يا سناء
وائل:
احنا جيشنا كان مهزوم في سبعة وستين وطلعنا عليه نكت وكنا بنهزق اي عسكري نشوفه في الشارع !!! مش ها نطبطب دلوقت علشان خمستاشر نفر !!! فيه تهاون
وائل:
وبعدين احنا شفنا التدريب بنفسنا في محمد محمود ومجلس الوزرا !!! لو سمحتي بلاش عاطفية يا سناء !!! الطبطبة مش وقتها
وائل:
ثانيا نفس العقلية هي اللي بعتت دول عالحدود وبعتت غيرهم يضربونا وانا ما اقدرش اعايرهم غير بقسوة مماثلة
سناء:
متأكد انك بتعايرهم تفتكر هو فارق معاه عساكره أصلا؟ ولا دي طريقة لمواجهة بروباجاندا متوقعها؟
وائل:
لما هو يقرا ويعرف ان الناس بتعايره وانه مفضوح قدام الناس اكيد ها يشعر بشوية حرج !!! وده اللي خلانا بنينا الجيش قبل 1973
وائل:
بالاضافة لو هو عاملها علشان يكسب بنط على الاخوان ومرسي يعرف انها طبلت على دماغه هو والناس بتحمله المسئولية مش لمرسي
سناء:
أكيد التعامل مع أعزل مش معيار و معتقدش هنختلف على ان جيسنا فستك بس ملوش علاقة الناس دي مماتتش وهي بتضرب علينا فمظاهرة
سناء:
متعاطفة مع اللي آتقتل ونظرتي للمؤسسة متغيرتش يمكن بقيت احتقرها أكتر شوية بس مش فاهمة العلاقة
وائل:
العلاقة احراج المؤسسة قدام الشعب مش التعاطف معاها تعاطفكم بيقوي موقفها زي الناس اللي بتهتف ايد واحدة
وائل:
ثانيا هم هم العيال اللي انتي متعاطفة معاهم دول هم اللي بيقتلوا المتسللين الافارقة العزل نساء واطفال ولا نسيتي ؟؟؟
سناء:
مش أكيد وماتو فسياق مختلف هما فيه ضحية المؤسسة الوحيدة اللي بتعامل معاها بمنطق السيئة تعم الداخلية موصلتش للمرحلة دي مع الجيش
وائل:
واذا كان فيه تخاذل متعمد علشان يكسبوا نقطة ضد مرسي على اساس حماس ومتسللين لازم نقلبها نقطة ضدهم ضد المؤسسة المتخاذلة في تأمين نفسها
وائل:
يبقى لازم نبروز فشل تلك المؤسسة في كل اطار نقدر عليه مش نتعاطف معاها
سناء:
وجود الضحية دليل على فشل المؤسسة وتعاطفي معاها بيقوي غضبي ناحية المؤسسة ممكن صعب تعمل حملة مضادة بالمنطق ده بس أنا شيفاها كدا
وائل:
احنا هدفنا واحد بس ممكن اساليبنا مختلفة حسب فهمنا المختلف لمعطيات الموقف :)
سناء:
لو أخدتها من منطلق ان القيادات دي بترخص دمنا( جنود وشعب) وهتودي المؤسسة والبلد فداهية مش هتبقى بتقوي موقفها
وائل:
جندي يعني جزء من المؤسسة ليه المدني بيتحبس ست اشهر لو اعتدى على عسكري مش على ظابط؟ علشان هيبة المؤسسة يبقى الجندي جزء ولا مش جزء؟
وائل:
احنا لازم ننمي احساس عام بان هذه المؤسسة لا تقوم بواجبها بكفاءة شغل السياسة غير شغل الحقوقيين للاسف واحيانا بيكون غير اخلاقي اعترف
وائل:
اقري اللي بعتهولك عن حرب سبعة وستين يا سناء
سناء:
دا دي أم؟ تقريبا موصلش
وائل:
لا تويته مش دي ام
وائل:
وقلتلك قبل كده الجندي جزء من المؤسسة وعبد المأمور وهو نفس الجندي اللي بيضربنا بالاوامر وبيقتل المتسللين الافارقة العزل عالحدود
سناء:
عارفه انه رد سخيف بس هو ماخترش يبقى جزء منها :)
وائل:
اختار يسمع الاوامر حتى لو غلط وغير وطنية ولا انسانية اختار يضرب لاجئة افريقية حامل وطفلها بالنار ...
وائل:
اختار يجر بنت من شعرها بطول شارع واختار يكسر جمجمة طفل مراهق علشان الاوامر ... لا هو جزء من المؤسسة يا سناء
سناء:
عندك حق بس السيئة متعمش غير عالداخلية لحد دلوقتي عالاقل :)
وائل:
عندي وصلت للجيش خلاص :)
وائل:
انتم تعاملكم مع اسر الشهداء خلاكم عاطفيين ما قلناش حاجة احنا محتاجين حد عاطفي وحد تاني قاسي معندوش رحمة يلسوع الكلاب سيبي الناس تعبر
سناء:
محوشتكش بس رأي ان ده مش صحي ليك :)
وائل:
انا كده كده هاموت بذبحة صدرية ما تقلقيش :)
وائل:
قالك بعد الجيش الاسرائيلي ما قتل الارهابيين اللي قتلوا جنودنا التلفزيون الاسرائيلي هو اللي جايب قرآن حداد على أرواحهم !!!

* سناء سيف ناشطة في حركة لا للمحاكمات العسكرية وأخت المدون علاء سيف ومنى سيف وإبنة المحامي الحقوقي أحمد سيف الإسلام

Friday, 03 August 2012

Exclusive: Freedom of Information Law

حصريا : نسخة من قانون حرية تداول المعلومات

إضغط هنا لقراءة 21 صفحة من الهراء
 

Tuesday, 31 July 2012

Morsi Thanks Shimon Perez

مرسي يشكر شيمون بيريز

دي صورة فاكس مبعوت من رئاسة الجمهورية بمصر
لسفارة مصر في تل ابيب
ارسلها لي عبر تويتر شخص اسرائيلي لا اعرفه اسمه باراك رافيد
وهو المراسل الدبلوماسي لجريدة ها آريتز
عبارة عن خطاب شكر من مرسي لشيمون بيريز على تهنئته برمضان
ده مرسي الاخواني عدو التطبيع
ولسه كمان
بيقول لبيريز
عايزين نبذل مجهود لاعادة عملية السلام للطريق الصحيح
ده برضه مرسي الاخواني اللي ياما شتم كامب ديفيد

ده بقى خطاب سفارتنا في تل ابيب
المرفق مع فاكس السيد الرئيس المرسي
الفاكس ها تلاقوه منشور على ynet هنا
http://www.ynet.co.il/articles/0,7340,L-4262789,00.html
لكن خطاب السفارة من مصدري أنا
وإديله في شيكارة

Monday, 23 July 2012

Wael Abbas on Radio Hits 88.2 FM

Tuesday, 17 July 2012

Zartawi's Son Shitting Facism

عندما خري علينا إبن القرضاوي
نموذج للخراء الفكري الفاشي المتفشي - عبرحمن إبن أبيه

صوروني جنب علم حزب الله والنبي علشان أنا مناضل فشخ بقى

المكتوب داخل هذا المربع خراء خالص
أدخل على مسئوليتك الخاصة
منشور بجريدة اليوم السائع بتاريخ 9 يوليو 2012


تساءل بعض الشباب المحترم على بعض مواقع التواصل الاجتماعى عن حرية الاعتقاد، وأرسل لى البعض منهم أسئلة من نوعية: «ما الذى يضر الدولة فى أن أعبد الشمس أو القمر؟ وما الذى يضرالدولة فى أن أتشيع؟ وما الذى يضر الدولة فى أن يكون بعض أبناؤها من الملحدين؟» وإلى آخر هذا النوع من الأسئلة.

والحقيقة أن حرية الاعتقاد أمر مكفول فى الشرع والقانون، ولكن البعض يخلط بين حرية الاعتقاد، وبين حرية الدعوة والتبشير بمعتقد ما، قد يسبب تمزقا فى نسيج المجتمع.
المجتمع المصرى حباه الله نعمة لا ينبغى التفريط فيها، فالغالبية العظمى من المسلمين، وكلهم من السنة، والبقية من المسيحيين، وغالبية هؤلاء أقباط أرثوذوكس، وهذا النسيج وصل لدرجة من الانسجام تجعلنا محسودين ممن حولنا، وما حال العراق وسوريا ولبنان عنا ببعيد.
حين يتحدث اليوم بعض الأشخاص عن حرية البعض فى اعتناق المذهب الشيعى، أو فى عبادة الشمس والقمر والنجوم... إلخ، نحن هنا لا نتحدث عن حرية الاعتقاد، بل نحن نتحدث فى صميم السياسة والأمن القومى المصرى، لأن أى شكل من أشكال التبشير، أو نشر الأفكار فى هذا الموضوع، هى فى الحقيقة تغيير للنسيج الوطنى المنسجم منذ مئات السنين، وعبث بجينات التربة المصرية التى تكيفت مع كل العوامل الطبيعية، لكى تبقى وتنمو وتبدع وتحمى نفسها من كل الآفات.

أغلق باب بيتك، واعبد ما شئت، واكفر بما شئت، ولكن من حق المجتمع والدولة أن تتخذ جميع الإجراءات حين تكتب مقالة، أو تنتج فيلما، أو تؤلف رواية، أو تبدع قصيدة، أو تؤسس حزبا.. طبقا لهذا المعتقد الدخيل على الوطن.

حين يحدث ذلك.. يصبح القرار سياسيا، لا علاقة له بحرية المعتقد!
أحب أن أذكر الجميع بدولة هادئة حباها الله من جمال الطبيعة وخيراتها الكثير، وحباها الله أيضا نسيجا متناغما، ولكن شاء الله أن يكدر بعض أبناء هذا البلد هذا الصفو، وكانت النتيجة أن مات الملايين من أبناء هذا الشعب، وشرد الملايين، ودخل هذا البلد فى حروب استمرت لعشرات السنين، وما زال هذا البلد يعانى من ذلك حتى الآن.
أفغانستان...!

هذه دولة غالبيتها العظمى من المسلمين السنة الأحناف، وهناك أقلية شيعية صغيرة جدا، ولكن شاءت الأقدار أن يعتنق بعض أبناء هذا الشعب بعض الأفكار الشيوعية المتطرفة، فوصل بعض الملحدين إلى سدة الحكم، وأرادوا أن يفرضوا «تقدميتهم» على الشعب الأفغانى «المتخلف»!

!!!كس أم الجهل يعني بيفتي كمان في التاريخ الأفغاني

وحين رفض الأفغان ذلك وقاوموه، استعان هؤلاء بجيوش الاحتلال، فدخل الجيش السوفييتى، وبدأت قصة حزينة لم تنته فصولها حتى الآن.
هذه عبرة لمن يريد أن يعتبر، وهى حكاية، خلاصتها أننا لا ينبغى أن نفرط فى نقاط قوتنا، من أجل بعض أصحاب الأغراض.

فليعتقد كل من شاء ما شاء، ولكن الدعوة والتبشير لأى معتقد، يحول الأمر إلى قرار سياسى من حق بل من واجب الدولة أن يكون لها رأى فيه.
عاشت مصر للمصريين وبالمصريين...
 

وصلة المقال الأصلية
http://www1.youm7.com/News.asp?NewsID=726873

Thursday, 12 July 2012

وائل عباس في تويت ندوة: مسار الثورة بعد انتخاب مرسي

الجزء الأول

الجزء الثاني

Wednesday, 11 July 2012

Wael Abbas on CNN - Morsi & Parliament

Friday, 06 July 2012

عجبتني لعبة الهاشتاج قمت عامل #دولة_النساء

بعد هاشتاج ‎#دولة_قبطية‏ قررت أعمل هاشتاج ‎#دولة_النساء‏ يللا مين عاوز يشترك ؟؟؟

 

#دولة_النساء‏ وأنا ماشي في الشارع واحدة جت قرصتني في بزي وطلعت تجري

 

#دولة_النساء‏ كانت واقف في طابور في مصلحة حكومية جت واحدة من ورايا قعدت تحسس على طيزي

 

#دولة_النساء‏ وانا ماشي في الشارع واحدة راكب معاها اتنين صاحباتها على موتوسيكل صيني فقعوني بعبوص وطلعوا يجروا وهما بيضحكوا

 

#دولة_النساء‏ الولاد بقوا بيلبسوا محزق قوي والبنات اعصابها بتتعب خصوصا ان مافيش شغل ولا جواز

 

#دولة_النساء‏ لسه هاعملكم بقى هاشتاج ‎#دولة_الخولات‏ علشان تشوفوا الرعب اللي ها تبقوا فيه لو راجل اتحرش براجل !!!

 

#دولة_النساء‏ راجل بس بميت ست

 

#دولة_النساء‏ تمثيل الرجال في البرطمان ضعيف

 

#دولة_النساء‏ الرجالة بقوا بيزاحمونا في المواصلات قروا في بيوتكوا بقى

 

#دولة_النساء‏ الراجل مكانه البيت

 

‎#دولة_النساء‏ شعر الرجل عورة

 

#دولة_النساء‏ فرقة النهي عن البرمودا ضربوني بالخرزانة علشان شعر رجلي باين

 

#دولة_النساء‏ البت بصت على دراعي وقالتلي يا مألوظ إنت يا أبيض ياما نفسي

 

#دولة_النساء‏ قالتلي ما تيجي نيجي ونجيب مليجي مكنتش فاهم سألت واحد صاحبي فشرحلي ووشي إحمر قوي

 

#دولة_النساء‏ كان لابس جلابية بكباسين

 

#دولة_النساء‏ القبض على شبكة دعارة من الرجال اللبنانيين والأفارقة

 

#دولة_النساء‏ صاحبتي عايزاني أعمل حلاوة كل يوم

 

#دولة_النساء‏ شافتني بارقص في الديسكو شدتني من دراعي وقعدتني بالعافية

 

#دولة_النساء‏ كنت في الشغل النهارده وواحدة زميلتي قالتلي ان شعري باين من الطرحة وانها صايمة وعيب كده فاحرجت قوي

 

#دولة_النساء‏ كان عندي سيلك ابيل بس باظ

 

#دولة_النساء‏ بقيت البس قمصان بكم في عز الحر من كتر تحرش البنات بيا

 

#دولة_النساء‏ وانا واقف في الاوتوبيس جت واحدة تحك صدرها فيا وانا كنت مكسوف اقول للناس احسن اتفضح

 

#دولة_النساء‏ وانا صغير كان ابويا عارف اني باروح السينما مع صاحبتي لكن امي واختي لو كانت عرفت كانت قطعتني

 

#دولة_النساء‏ كل ما اروح معاها السينما تصر تقعدني في آخر صف وانا بابقى خايف قوي بتاعة الامن تشوفنا

 

#دولة_النساء‏ صاحبتي مصرة البسلها بوكسر بترتر وعدسات زرقا مع إني باحس نفسي بلدي قوي

 

#دولة_النساء‏ صاحبتي كانت عاوزاني اصبغلها شعري اصفر بس انا ما رضيتش والله لاقعدلها بالطرحة في البيت

 

#دولة_النساء‏ مراتي كانت عاوزاني بس مكانش ليا مزاج فقالتلي خش اوضة النوم والا الملايكة ها تلعنك

 

#دولة_النساء‏ عاجل صور بزاز المطرب عمرو دياب الحق قبل الحذف

 

#دولة_النساء‏ عاجل المشهد المحذوف لممثل الاغراء احمد عز من فيلم داري وراكك - اترك تعليق قبل الدانلود

 

#دولة_النساء‏ البنطلون الاسكيني لا دين له

 

#دولة_النساء‏ الرجال ناقصين عقل ودين

 

#دولة_النساء‏ الراجل خلق من ضلع أعوج

 

‎#دولة_النساء‏ الراجل زي صوباع الكفتة ينفع تاكله لو الدبان وقف عليه ؟؟؟

 

#دولة_النساء‏ زمان في العجمي كنت بالبس شورت دلوقت بالبس برمودا وبرضه بيبصولي بقرف

 

#دولة_النساء‏ انا عندي 37 سنة وفاتني قطر الجواز - انا عانس

 

#دولة_النساء‏ مراتي كانت راجعة وش الفجر وريحة بقها خمرة وكمان عاوزة تنام معايا بالعافية

 

#دولة_النساء‏ كنت راجع متأخر بالليل كلمت أختى تعدي عليا بالعربية علشان محدش يعاكسني في السكة

 

#دولة_النساء‏ ليه الراجل اللي بيشرب سجاير المجتمع بيبصله انه مش محترم

 

#دولة_النساء‏ انا كنت في مدرسة مشتركة والبنات كانوا بياخدوا الولاد في الحمامات ويعملولهم حاجات قلة ادب

 

#دولة_النساء‏ المديرة بتاعتنا كل شوية تغير السكرتير بتاعها - تاكله لحم وترميه عضم

 

#دولة_النساء‏ حبيت ااجر شقة مفروشة قريبة من شغلي صاحبة البيت رفضت تقعدني من غير محرمة

 

#دولة_النساء‏ قلتلها لازم نتجوز قالتلي انا ماقدرش اتجوز ولد سلملي نفسه

 

#دولة_النساء‏ ظاهرة الولاد اللي بيقفوا يتشقطوا في شارع جامعة الدول

 

#دولة_النساء‏ مراته لقته ما بيخلفش غير ولاد قامت طلقته واتجوزت واحد تاني

 

#دولة_النساء‏ نائبة سلفية في البرلمان تطالب بمنع اعلانات قطونيل ودايس

 

‎#دولة_النساء‏ وكانت قاعدة في البار وحواليها اربع رجالة لابسين عريان وسكرانين

 

‎#دولة_النساء‏ ماما جايبالي عروسة من الخليج بس اكبر مني بعشرين سنة

 

‎#دولة_النساء‏ خمسة ذئبات بشريات يتناوبون على اغتصاب رجل ويلقونه في الزراعات في حالة إعياء تام

 

#دولة_النساء‏ صاحبتي كل ما تلاقيني باتفرج على المسلسل التركي تغير القناة وتجيب الماتش 

 

#دولة_النساء‏ الولاد بقوا بيقولوا الفاظ صعبة قوي على تويتر هم فاكرين نفسهم ولاد ولا ايه

 

‎#دولة_النساء‏ وسابتني في العربية ونزلت تتخانق مع سواقة الميكروباص وانا كنت خايف قوي وعمال أقولها خلاص يا نانسي روحيني أبوس إيدك

 

‎#دولة_النساء‏ كان لابس فانلة داخلية زرقا من النوع الغالي

 

‎#دولة_النساء‏ وانا ماشي في الشارع امبارح واحدة قالتلي اللهم اني صايمة

 

#دولة_النساء‏ الولد المحترم ما يحطش صوره عالفيس بوك

 

#دولة_النساء‏ ازاي يا افندي تسمحلها توصلك بالعربية لحد البيت واهل الشارع يقولوا علينا ايه

 

#دولة_النساء‏ لازم اروح الجونة في الغردقة أو مرسى علم علشان اقدر البس مايوه براحتي

 

#دولة_النساء‏ ‎#أحمد_سكس_كول‏ البزوز ها يفرتك الترنج يا حمادة يا حبيب قلبي

 

#دولة_النساء‏ انا كنت في الساحل الشمالي في شاطيء للرجالة بس والبنات كنت برضه بتيجي تبص علينا بالجيت سكي حاجة قلة ادب والله

 

#دولة_النساء‏ مرة كنت هاعمل لواحدة محضر تحرش بس الستات إتلموا عليا وقعدوا يقولولي حصل خير يا باشمهندس عيلة وغلطت

 

#دولة_النساء‏ فيه اشاعات ان صاحبة محلات توحيدة ونورا حاطة كاميرات في غرف تغيير الملابس بتصور الرجالة وهم بيقلعوا

 

#دولة_النساء‏ كنت مصاحب بت سرسجية كانت تاخدني وراها على المكنة الصيني ونشد عالمقطم

 

#دولة_النساء وقف ختان الرجال مؤامرة صهيونية

 

#دولة_النساء الواد البنطلون ها ياكل من طيزه حتة

 

#دولة_النساء يعني مسلسل فاطمة التركي ها يبقى عن ان كريم اتعمل عليه جانج بانج

 

#دولة_النساء صاحبتك عايزة تعمل واحد وانت تقولها انك مش مستعد النهارده ومجهزتش نفسك

 

#دولة_النساء ضل مرا ولا ضل حيطة

 

#دولة_النساء ايه ده بصي العربية اللي قدامنا دي ده أكيد راجل اللي سايق

 

#دولة_النساء أحدث أغنية على روتانا : اتحجبت برافو عليك

 

#دولة_النساء البنات بتقف في البلكونة بالكولوت

 

#دولة_النساء الراجل المش حلو بيتبسط لما يتعاكس

 

#دولة_النساء يتمنعون وهم الراغبون

 

#دولة_النساء الميكروباص مشغل شريط للشيخة حسنية يعقوب بتجعر وتقول : لست حرا !!!

 

#دولة_النساء شارع شهاب كله محلات لانجيري رجالي

 

#دولة_النساء تركب الاوتوبيس تلاقيه كله ستات ولما تقولهم يوسعولك يقولولك انزل خدلك تاكسي

 

#دولة_النساء يعني عمرو رودريجز ينزل في مظاهرة للدفاع عن حقوق الرجالة والبنات على تويتر يعملوله هاشتاج : مسيرة الخولات ويتريقوا عليه يا حرام

Thursday, 05 July 2012

قلشات من إبداعي على هاشتاج #دولة_قبطية

#دولة_قبطية‏أخيرا عيد الأضحى بقى أجازة رسمية

 

#دولة_قبطية‏ الحكومة دبحت كل الخرفان في أزمة إنفلونزا الخرفان والمربيين المسلمين بيشتكوا من قطع عيشهم

 

#دولة_قبطية‏ لازم نشوف حل لأحوال المسلمين المتردية في عزبة الزبالين بالمقطم

 

#دولة_قبطية‏ جامع سمعان الخراز

 

#دولة_قبطية‏ المسلمين عضمة زرقا وبيعلقوا هلال في رقبتهم

 

#دولة_قبطية‏ وقالت الصناديق للصليب نعم

 

#دولة_قبطية‏ المادة الثانية : الإنجيل المصدر الرئيسي للتشريع

 

‎#دولة_قبطية‏ طول عمرنا بنحب المسلمين وعايشين سوا

 

#دولة_قبطية‏ الإخوان المسيحيين يحصدون كراسي البرلمان وجريدة الصليب والعدالة تنتقد الاشتراكيين الثوريين

 

#دولة_قبطية‏ المسلمين الخمرة عندهم حلال

 

#دولة_قبطية‏ جماعة منع الخطية تقتل شاب كان يسير مع خطيبته بالسويس

 

#دولة_قبطية‏ إوعى تودي مراتك عند دكتور مسلم علشان حرام

 

#دولة_قبطية‏ المسلمين مربيين أسود في المساجد

 

#دولة_قبطية‏ تفجير انتحاري امام مسجد في الاسكندرية اثناء صلاة عيد الفطر

 

#دولة_قبطية‏ المسلمين مش عارفين يركبوا حنفيات في الجوامع الا بقرار جمهوري

 

#دولة_قبطية‏ المفكر المسيحي جرجس العوا : المسلمين بيهربوا سلاح

 

#دولة_قبطية‏ رئيس البرلمان سعد الكفاتسي : وزير الداخلية قال مافيش خرطوش

 

‎#دولة_قبطية‏ المسلمين مزيتين

 

#دولة_قبطية‏ المسلمين الشيخ بينام مع مراتاتهم علشان يديها البركة

 

#دولة_قبطية‏ برفان ريحة الشيخ

 

#دولة_قبطية‏ اموال المسلمين حلال ونساؤهم غنيمة

 

#دولة_قبطية‏ هو ليه كل الجواهرجية مسلمين

 

#دولة_قبطية‏ رجل الاعمال المسلم عبد المنعم ساويرس عامل قناة لنشر الفكر العلماني الهدام

 

#دولة_قبطية‏ نائب متشدد في البرلمان قام يعلن عن قداس الأحد والكفاتسي رئيس البرلمان قال له اقعد لا تزايد على تديننا

 

#دولة_قبطية‏ مقاطعة شركة اتصالات وحملة اكسر شريحتك لان صاحبها اهان المسيح

 

#دولة_قبطية‏ وزارة الاوقاف تعلن عن مشروع جديد لتوحيد دق الاجراس في الكنائس

 

#دولة_قبطية‏ البت دي مش لابسة صليب دي أكيد مسلمة

 

#دولة_قبطية‏ مسلمين المهجر المشبوهين في كندا بينادوا بدولة مستقلة في الوادي الجديد

 

#دولة_قبطية‏ المسلمين بيدعموا مرشح الفلول ريمون شفيق علشان خايفين من الدولة الدينية

 

#دولة_قبطية‏ ما تاكلش من اكل المسلمين

 

#دولة_قبطية‏ اصله - لا مؤاخذة - مسلم

 

#دولة_قبطية‏ انا اعرف مسلمين محترمين ما بيرضوش ياكلوا لحمة قدامنا في الصيام

 

#دولة_قبطية‏ متطرفين مسيحيين يحتجون على بناء مسجد له مأذنة بدون ترخيص ويحاولون هدمها والأمن المركزي يتدخل لفض الإشتباكات

 

#دولة_قبطية‏ وزارة السياحة تعلن عن قرعة الحج والعمرة الى اورشليم القدس

 

#دولة_قبطية‏ المسلمين اكلهم زفر

 

#دولة_قبطية‏ المسلمين بيبوسوا بعض وبيعملوا قلة ادب في الجوامع

 

#دولة_قبطية‏ الاقلية المسلمة تحتج على تشويه صورة المسلمين في فيلم - بحب السيما - والفنانة الشيماء علوي ترد الفيلم ضد التطرف في كل الأديان

 

#دولة_قبطية‏ مسابقة حفظ الإنجيل المقدس

 

#دولة_قبطية‏ مرشح الإخوان المسيحيين لرئاسة الجمهورية : مشروب الخروب والتمر الهندي للسياح الأجانب فقط في أماكن مخصصة لهم

 

#دولة_قبطية‏ رحت أخلص ورق في الشهر العقاري لقيت الموظف راح الكنيسة وسايب الناس واقفة طابور

 

#دولة_قبطية‏ محلات الصليب وأم النور مش بيشغلوا غير مسيحيين

 

#دولة_قبطية‏ فتنة طائفية في قرية ميت ابو جرجس وحرق منازل ومتاجر المسلمين بسبب تحويل المسلمين احد المنازل لزاوية بدون ترخيص

 

#دولة_قبطية‏ مظاهرات للالتراز والاشتراكيين الثوريين في التحرير : يسقط يسقط حكم البابا

 

#دولة_قبطية‏ مليونية الفاتيكان في التحرير

 

#دولة_قبطية‏ الرقابة ترفض سيناريو فيلم لأنه يجسد شخصية مار جرجس

 

#دولة_قبطية‏ الاقلية المسلمة تشتكي بسبب تحفيظ أطفالهم الأنجيل في حصص اللغة القبطية بالمدارس

 

#دولة_قبطية‏ حزب أم النور السلفي في مليونية بيت لحم في التحرير يرفع الصلبان وأعلام الفاتيكان

 

#دولة_قبطية‏ كل ما تركب تاكسي تلاقيهم مشغلين ترانيم ومرة قلت لسواق ميكروباص يوطي الترانيم شوية الركاب اتخانقوا معايا وكانوا فاكرين إني مسلم#دولة_قبطية‏ متطرفين بيرشوا مية نار على اللي لابسة حجاب

 

#دولة_قبطية‏ الانبا فيلوباتير حسان : الشريعة المسيحية تحفظ حقوق المسلمين

 

#دولة_قبطية‏ نادر - مقار - المتحدث بإسم حزب العدرا أم النور

 

#دولة_قبطية‏ حبس مسلم ست اشهر لانه سب الدين

 

#دولة_قبطية‏ رفعوا الاناجيل في المظاهرة

 

#دولة_قبطية‏ الواد ده شكله مسلم بص مناخيره عاملة ازاي اكيد مسلم

 

#دولة_قبطية‏ الناس كلها بقت بتقول نهارك سعيد محدش بيقول سلامو عليكو ولو قلتها محدش ها يرد عليك

 

#دولة_قبطية‏ وزارة الاوقاف جهزت ميدان مصطفى محمود لاستقبال المصلين في قداس عيد القيامة

 

#دولة_قبطية‏ الأنبا متى صليب نخلة يهدد بفرض - العشور - على المسلمين ليدفعوها وهم صاغرون

 

#دولة_قبطية‏ الميكروفون بتاع الكنيسة ضارب عندي في البيت مش عارف أرتاح شكلهم قاصدين علشان أنا مسلم !!!

 

#دولة_قبطية‏ أبونا ده بيطول قوي في العظة خلينا نروح كنيسة تانية بتخلص بسرعة

 

#دولة_قبطية‏ التطرف انتشر في البلد والناس كلها لازقة كلمة الله محبة وتحتها سيف طويل على عربياتها مش معقول الحض على العنف كده !!!

 

‎#دولة_قبطية‏ مسيحي يتجوز مسلمة عادي لكن مسلم يتجوز مسيحية حرام

 

#دولة_قبطية‏ فضيحة بالوثائق : أم مرشح الرئاسة جرجس صلاح أبوسيفين معها الجنسية الأفغانية !!!

 

#دولة_قبطية‏ اتصل بنا على خط العلاج بالانجيل والرقية الصليبية لعلاج كل الامراض المستعصية

 

#دولة_قبطية‏ العلماء في افغانستان يثبتون الاعجاز العلمي في الانجيل

 

#دولة_قبطية‏ رئيس الجمهورية موريس العياط

 

#دولة_قبطية‏ الرئيس منير السادات هو اللي قوى شوكة التنظيمات الدينية المسيحية علشان يحارب بيهم الشيوعيين

 

#دولة_قبطية‏ الكرازة المرقصية تصدر فتوى بتحريم الكنافة والقطايف لانها من عادات المسلمين الكفار الدخيلة على مجتمعنا المسيحي

 

#دولة_قبطية‏ السجل المدني يمنع تسجيل أسماء أحمد ومحمد ومحمود لانها اسماء فيها تشكيك في العقيدة المسيحية

 

#دولة_قبطية‏ على فكرة في عهد مبارك فعلا منعوا حد يسمي ابنه : عبد المسيح وعبد الملاك الخ الخ !!!

 

#دولة_قبطية‏ المطرب حمادة هلال يشهر مسيحيته ويغير اسمه الى حمادة صليب

 

حذف برشام أبو صليبة من الجدول

 

#دولة_قبطية‏ يا واد يا كوفتس

 

PEPSI = Pay Every Penny to Save Islam مسروقة #دولة_قبطية

 

#دولة_قبطية‏ أكبر شركة أدوات منزلية : الصليب والنجمة الذهبية

 

#دولة_قبطية‏ أكبر شركة لحوم ولانشون : حلواني كريستيان

 

#دولة_قبطية‏ المسلمين من اهل الكتاب

 

#دولة_قبطية‏ يا اخي سواق الميكروباص كان مشغل قداس وبعدين ترانيم وبعدين ولع سوجارة حشيش وسب الدين لسواق تاني

 

#دولة_قبطية‏ الهاشتاج ده ها يقلب بضان اول ما السلفيين يصحوا

 

#دولة_قبطية‏ المسيحية دين الوسط

Tuesday, 03 July 2012

أنا بنت مين يا دادا

تعالوا نتكلم عني شوية بصراحة حيث ان انا فاضي

 

انا انسان عادي مش موهوب لكن عندي دأب وإصرار - ممكن أكون مبدع جزئيا إني باشوف استخدامات غير تقليدية لحاجات تقليدية

 

ممكن ازعم ان من ضمن الاستخدامات الغير تقليدية هي استخدام المدونات واليوتيوب ثم مواقع التواصل في العمل السياسي  والتغيير ويمكن كنت رائد في ده على مستوى العالم مش مصر بس لأني عملت حاجات محدش عملها قبلي أو فكر فيها

 

انا مكنتش مصور موهوب انا كنت باغزل برجل حمار دلوقت فيه ناس جديدة ويمكن موهوبة ومعاهم كاميرات حديثة وغالية ووراهم

جرايد كبيرة بتدفعلهم وترشحهم لجوايز - انا عملت نفسي

 

انا مكنتش صحفي موهوب لكن كنت جريء وفاجر ومتهور أحيانا وكنت باستغل ثغرات حرية التعبير في نظام مبارك أسوأ إستغلال ضده ودي كانت مهارتي

 

انا مكنتش اكتر صحفي ملتزم بمعايير واخلاقيات اخترعوها الهة الصحافة - طز فيهم - ومنها نشر صور ضحايا التعذيب لكن لولا ده لم يكن الملف ليفتح بالمرة

 

انا لم اكن اكثر ناشط بذل مجهود في قضية التعذيب فهناك منظمات عملت لسنوات لكن هباء لكن انا فقط فرقعت البالونة وصدمت الناس ولفت نظرهم

 

قبل حادثة التحرش الجماعي سنة 2006 انا شخصيا ما كنت لاصدق ان هذا يحدث في مصر ولو كان شخص حكالي ما شاهدته كنت قلت عليه بيفسي

 

انا شخص غير اجتماعي بالمرة لا احب ان يكون لي اتباع او مريدين او مؤيدين او انتوراج يمشي ورايا في كل حتة ودايما ها تلاقوني ماشي لوحدي

 

أنا شخص غير جذاب ودمي تقيل وده احيان كتير بيتدخل في حكم الناس على شخصيتي بطريقة غير موضوعية وعانيت منه من وانا في تانية ابتدائي

 

يكفي مثلا اقولكم اني كنت من الطلبة المتفوقين ومدرستي لما جت تطلع طلبة في التلفزيون في برنامج اوائل الطلبة ما اختارونيش واختاروا عيال درجاتهم أقل مني علشان شكلي مش أمور‎ :)‏

 

شكلي مش حلو ودمي تقيل على قلبك فاكيد مش هاستظرف عليك ولا هاهزر معاك ولا هاطلب منك جميل ولا هاجي أصاحبك

علشان عندي عزة نفس فخليك في حالك لكن لو انت جيتلي بنفسك ترزل عليا هانيكك

 

عمري ما عرضت نفسي او شغلي على جرنال او فضائية وطلبت منهم يستفيدوا بيا مش عارف ده نزق ولا غرور ولا عنطظة ولا هبل بس ربنا بيرزق برضه

 

عمري ما كنت اتخيل اني اطلع في التلفزيون ابدا ومع ذلك اصبحت ضيف مستمر على فضائيات كثيرة اكثرها اجنبية دون ادنى طلب مني والحمد لله

 

وانا صغير كان نفسي الف العالم زي انيس منصور وفكرت اشتغل مضيف طيران لكن شكلي ما ينفعش بس الحمد لله برضه لفيت العالم بدون ادنى محاولة مني ‎:)‏

 

انا اكتر انسان معندهوش دم بس في نفس الوقت حساس بطريقة بشعة شفته في حياتي - صعب اشرحها دي حاولوا تفهموها انتم ‎:)‏

 

انا كبرج عقرب صديق مخلص جدا لكل من يصادقني - بس بعد قرصات موجعة من الاصدقاء والحبيبات بنيت سور من الغموض حول نفسي تجنبا لمزيد من الصدمات مش براوي ولاحاجة

 

ناس كتير بتظن ان عندي بلورة سحرية وباتنبأ في حين ان الموضوع معادلة رياضية تافهة

تتطلب بس قراية شوية تاريخ ومعطيات ومقارنات باحداث مشابهة ‎:)‏

 

فيه ناس بتبصلي من منظور : احه هو شايف نفسه على ايه هو ما بصش في المراية - على فكرة شوف النفس من حق اي قرد واثق في نفسه - ليه متوقعني ابقى شخص مهزوز؟

 

ما اشوفش نفسي ليه؟ ما ظلمتش حد ولا سرقت حد عملت حاجات فخور بيها وجبت لناس حقوقهم وعلمت ناس كتير وحاسس اني انسان شريف وليا بصمة! حقي ولا لا؟

 

ثانيا ايه اللي يخليني ابقى مهزوز؟ سافرت العالم واكلت احلى اكل وعرفت الجميلات وطلعت في التلفزيون وكرموني في محافل دولية كتيرة كمان! معقول ابقى مهزوز وفاقد الثقة في النفس؟

Friday, 29 June 2012

Wael Abbas Cartoon 4

529018_10151882629560220_1330682252_n.jpg

Wednesday, 27 June 2012

رسالة إلى اللي عارف نفسه

انت عيشتك مرتاحة وراكب عربية محترمة ولقيت وظيفة بفلوس كتير بعد ما خلصت جامعتك الاجنبية مش عيب ! العيب انك تبقى فلول يا معرص !!! العيب انك منتظر سكان العشوائيات في الدويقة وامبابة يعتذروا لكس امك انهم عكروا عليك وحاولوا يحسنوا من احوالهم المعيشية ويرفعوا الظلم عن نفسهم !!! العيب انك تقبل على اخوك الانسان يتعلق في قسم الشرطة علشان مالوش حد وانت لو ليك مصلحة في القسم بتشوف حد يقضيهالك وانت واقف بره ليك واسطة !!! العيب انك تفتكر نفسك بتعمل على العدل والمساواه وتكافؤ الفرص وانت في الحقيقة كبيرك تشارك في عمل خيري لناس انت بتحتقرهم علشان تحس بذاتك الفارغ !!! محدش قال انه عيب تبقى غني - لكن عيب تبقى ابن قحبة !!! لو مش عاجبك اللي بيحصل اصمت لكن تشارك في قمع المظلوم والوقوف ضده بقيت ظالم معاهم !!!

Monday, 25 June 2012

عند بيت مرسي

 

morsi.jpg

إمبارح كنت عند بيت مرسي في التجمع الخامس والناس عاملة مهرجانات : واحد سلفي جه سلم عليا وقاللي انا باحبك قوي وانتم اللي علمتونا وشجعتونا واحنا كنا بنستخبى في الجوامع :) كنت فاكره ها يتخانق معايا اصلا :) قال لي انتم كان معاكم حق والبرلمان غلط ولازم نعترف بده وكان زماننا وفرنا سنة ونص :)

Sunday, 24 June 2012

بيت مرسي يوم إعلان النتيجة - بث حي

Monday, 18 June 2012

Dirty Heart

qazaretalqalb.gif

Sunday, 17 June 2012

أمام لجنة تصويت شفيق في التجمع الخامس