Ok

By continuing your visit to this site, you accept the use of cookies. These ensure the smooth running of our services. Learn more.

Tuesday, 08 February 2011

Qata prison massacre

مذبحة سجن القطا - وحقيقة قتل اللواء البطران

شهادة مسجون من الداخل : مسجون حاول ذبح قطة لأكلها
فيما يلي تسجيلات صوتية مع مساجين من داخل سجن القطا بطريق المناشي بالجيزة
ومع أهالي القتلى والمساجين
شهادات مفزعة عن المجزرة والقتل العشوائي والأحوال الإنسانية بالداخل
وحقيقة مقتل اللواء البطران الذي قتلته الشرطة وليس المساجين
ثم قالوا انه قتل في الفيوم
 
شهادة أبو عادل والد أحد السجناء المقتولين
 
مسجون : الشرطة قتلت اللواء البطران
 
زوجها وأبوها في السجن
 
مسجون : ضربونا بالنار داخل العنابر وإحنا مقفول علينا
 
زوجة مسجون : الشرطة أطلقت الرصاص على أهالي المساجين
 
زوجة مسجون : حصيلة القتلى 150 والجثث ملقاة في العراء

Sunday, 06 February 2011

Mubarak Gold in UK

وثائق بنكية: ثروة مبارك من الذهب الخالص

إضغط على الصورة للتكبير
وصلتني هذه الوثائق من مجهول
ولم يتسنى التحقق من صحتها من طرف محايد
وثائق بنكية لثروة مبارك من الذهب الخالص
أعتقد أن من يعملون بالبنوك الإنجليزية يمكنهم تأكيدها لنا

إضغط على الصورة للتكبير

إضغط على الصورة للتكبير

إضغط على الصورة للتكبير

إضغط على الصورة للتكبير
نحب نذكركم
تابعونا على تويتر ويوتيوب وبامبوزر
التحديث هناك أسرع من المدونة للصور والفيديو
http://twitter.com/waelabbas
http://bambuser.com/channel/waelabbas
http://www.youtube.com/user/waelabbas

Wednesday, 26 January 2011

the martyr of Suez

فيديو شهيد السويس من داخل المشرحة

وصلني الفيديو ده عن طريق الإيميل
مصحوبا بالرسالة التالية أنشرهما معا
فيديو للشهيد مصطفى رجب محمود من داخل المشرحة والممرض بيبلغ فى التليفون وبيقول
والنبى ابعتلى حد علشان مفيش حد معايا وده مات برصاصة فى المظاهرات واسمه مصطفى رجب محمود
ارجوا نشر هذا الفيديو حتى يتبين للعالم مدى حقارة هذا النظام الذى يقتل الشباب العزل
تخيل ان هذا الشاب اخوك الصغير او ابنك ماذا ستفعل
حسبى الله ونعم الوكيل

videos of yesterday's protests

فيديوهات صورتها إمبارح

دي العربية اللي الأمن ولعها بعد ما فرق المظاهرة علشان يتهم المتظاهرين بيها

دي لقطات للأمن بيستفرد ببعض المتظاهرين وبيعزقهم

دي لقطات للقبض على بعض الأشخاص

الأمن يطلق الرصاص الحي في الهواء

الغاز المسيل للدموع

هتافات
-
للمزيد من المتابعات
تابعوني على تويتر waelabbas

Sunday, 23 January 2011

riots in alexandria

مصادمات في الإسكندرية

وصلتني هذه الفيديوهات من قاريء في الإسكندرية نحتفظ بإيميله وأنشرها مع تعليقه بدون تعديل
وأطرح سؤال هل هي البداية ؟؟؟

السلام عليكم .. دي أول مره ابعتلك حاجه يا وائل وفعلا سعيد لان في مكان الكل بيبعتله اي فضيحة تعملها قوات الإحتلال على الأراضي المصرية
بص يا باشا .. كان عندنا في اسكندرية مشكلة من فترة بين شرطة الإزالة وبين بياعين الهدوم والحزمه وكل ماليه علاقة باللبس اللي فارشين في منطقة الساعة
المنطقة دي حيوية جداا ومليانة ناس طول اليوم بيشتروا من البياعين دول تقدر تقول سوق يعني
المهم الازالة جت من ييجي سنه كده ازالت كووول اللي عالشارع الرئيسي وحصل شد جامد بينهم وبين البياعين واتدخل فيها النائب مصطفى محمد بتاع الاخوان وكانت الحكومة مصرة ان العيال دي تمشي في اي داهية ومصطفى محمد مصر على انهم عيال سوابق بيدوروا على لقمه شريفة ولو اتزالوا هيرجعوا مجرمين ووصل لاتفاق يرضي الحكومة والبياعين في نفس الوقت وهو انهم يدخلوا في الشوارع الجانبية ويسيبوا الشارع الرئيسي .. وخلاص الكلام على كده والكل مبسوط .. جت الحكومة مؤخرا بقى وفجأة كده وفي موسم العيد اللي البياعين بيعيشوا عليه وقاموا داخلين الشوارع الجانبية اللي البياعين واقفين فيها وقاموا مدورين فيهم الضرب عشان يزيلوهم
ولإن الاسكندرانية دمهم حامي قاموا البياعين قالعين قمصانهم ولفوها على وشوشهم عشان ما يبانوش وقاموا ماسكين الضباط بتوع الازالة والمخبرين ورنوهم علقة محترمه قلعوهم فيها هدومهم وبدأت المعركة يا باشا
الفيديو الأول ده فيه المواطنين لما تضامنوا مع البياعين ووقعوا ضابط كان داخل بالموتسكل بتاعه يفض الناس وولعوا في الموتسكل
هتشوف منظر جميل للناس ملمومين حوالين الموتسيكل وهو بيتحرق زي قبائل الموا موا الافريقية وعمالين يهتفوا هتافات ابيحة
الفيديو الثاني ده بقى كانت العربيات المصفحة وصلت والناس واقفين ورا تلة زلط من بتاع السفلته ده وقعدوا يرموه وبعد كده الحكومة طلقت الجرايه عالناس بالكلاب
الظريف ان الناس طلعت تجري وهي لسه بتهتف هتافات ابيحة
تحياتي يا وائل

Saturday, 22 January 2011

On Riz Khan with Sami And Naser

مع ريز خان وسامي وناصر عن تونس
 
حلقة من برنامج ريز خان على الجزيرة إنجليش الذي إستضافني أنا والمدون التونسي سامي بن غربية والمدون الموريتاني ناصر ودادي للحديث عن السوشيال ميديا وما جرى في تونس

Tuesday, 11 January 2011

blocked in Tunisia and proud

محجوبون في تونس ولنا الفخار

بعد حجب هذه المدونة في الصين
تفاصيل هنا
نفخر بأن حساب تويتر الخاص بي محجوب الآن في تونس
وهذا وسام على صدري

Monday, 10 January 2011

Prove di democrazia

من برنامج عن الإنتخابات على التلفزيون الإيطالي



بعض اللقطات من برنامج إخباري على التلفزيون الإيطالي الإخباري
Rainews 24
بعنوان Prove di democrazia
يمكنكم مشاهدة الحلقة كاملة هنا
Prove di democrazia
يظهر في الحلقة إلى جانب العبد لله
أحمد عز - إبراهيم عيسى - عبدالله كيمو - منى مكرم عبيد - عصام العريان - جمال عيد - علاء الأسواني - عادل السيوي
-
وفي حلقة من برنامج إنسايد ستوري
على قناة الجزيرة الإنجليزية
مع روبرت فيسك وآدم ويستبروك عن ويكيليكس

Inside Story - Aljazeera English
Wikileaks - Robert Fisk - Adam Westbrook - Wael Abbas
ما تآخذونيش مكنتش مركز تماما
كان عندي برد وواخد أدوية تضيع تركيز جبل
I was a bit out of focus as I was on flu medication
-
ومقابلة صوتية مع راديو مونت كارلو
التدوين نوع من الإعلام البديل في مصر
-
YLVP Social Media Cafe
سوشيال ميديا كافيه - ساقية الصاوي

ONTV coverage
برنامج بلدنا بالمصري

a comment i liked

تعليق عجبني على التدوينة اللي فاتت
كتبه Hossam
بس بص قلبها يا جدع .. يعني واحده كاتبه مقال من غير مصادر وفي موضوع اطرافه متعددة جدا مش تقوم مثلا مخبطه في مدونة مش معروفه مثلا او قريبه من اللي بتقوله نوعا ما او صاحبها متدين مثلا وهيرد عليها بـ"اتق الله يا اختي" لأ دي سايبه المدونات كلها وماسكه فيك !! هي دي غلطتها على فكره استشهادها بيك في غير الموضوع يعني حسيت انها لما جابت سيرتك طلعت بره سياق المقال نوعا ما ورجعت تاني وكإنها بتضرب فيك انت لإن مفيش مدون او صحفي او سياسي مش بينزل على مدونته او موقعه اخباره ياراجل ده اوباما واحمدي نجاد الاتنين بينزلوا اخبارهم في مدوناتهم وحتى حمو بازوكا المدون السكندري المغمور بيتكلم عن خناقته مع حماته على حلقات وباستنى اشوف عمل ايه مع الولية السو دي برغم انه بيكتب حاجات حلوه من وقت للتاني بص هي صحفية بتكتب مقال بالطريقة المصرية التقليدية لم كام اسم بتتوقع كلامهم وحطه تصريحات وكام شخص تتوقع تصرفاتهم وحطها ردود افعال واقققققلب وعاوزها باللحمه ولا بالسكرررررررررررر

Tuesday, 04 January 2011

in reply to Alhayat report

أيوة ها نعلمكم الصحافة وإحنا وداننا مش بتنقرص

إستفوجئت - حلوة إستفوجئت دي - كلام مدونين بقى ما تآخذوناش
إستفوجئت ب - مش عارف أسميه إيه - مقال رأي؟ تقرير صحفي؟ تقرير رأي؟ بين البينين؟ حاجة كده خنثى مشكل زي أنثى التنين؟ إفتكاسة جديدة في عالم الصحافة يمكن علشان دي النسخة السعودية مش اللندنية - المهم نبتعد عن المصطلحات الأكاديمية والتعريفات المتعارف عليها علشان إحنا شوية عيال مدونين سيس ولاد حرام ما بنفهمش صحافة وخلينا نتكلم بالهجايص
المهم إستفوجئت كده ببتاع ما منشور على جريدة الحياة - فرع السعودية - زي ما باين من الموقع بعنوان
خفوت صوت المدونات الرقمية وارتفاع صراخ فيسبوك مصريا
يللا روحوا اقروه وتعالوا نتكلم هنا حيث الفضاء التدويني الفوضوي الغير محترم صحفيا
بصرف النظر بقى عن دقة محتوى - البتاع - وإفتراضات الست أمينة مع نفسها اللي قالتلي على التليفون إنها بتقول رأيها وإن مش أنا - بالذات - اللي ها أعلمها صحافة - الله يكرم أصلها طبعا على الذوق والأخلاق والمهنية - خصوصا الإفتراض بتاع الطبقة الوسطى والناس اللي معاها فلوس - رغم اني اعرف مدونين مشردين ومطرودين من بيت ابوهم وبيدونوا من الانترنت كافيه
وبدون أي تكليف خاطر من الست امينة ترفع سماعة التليفون تتصل بقدامى المدونين - حلوة قدامى المدونين - وتطمن على احوالهم وتشوفهم بطلوا فعلا ولا لا وهل هم كمان موجودين على فيس بوك وتويتر ونشطين عليه ولا اعتزلوا تماما وإيه رأيهم في رأيها الهلس ده
قوم إيه الست أمينة قررت تدلي - بجردلها - في الأمر خبط لزق كدهون من خير إحم ولا دستور
وأثبت بما لا يدع مجال للشك - في دماغها طبعا - وبدون براهين وإستدلالات ولا معادلات فيزيائية ولا كيميائية - ماهو برضك الموضوع مش علم صواريخ يعني - أثبتت إن قرص الأمن لودان المدونين - الكلمة حزت فيا طبعا إنتم عارفين عندي عقدة من وداني - أثبتت لا فض فوها إن قرص الودن للمدونين جاب نتيجة والمدونين بقم بيعملوا ما شالله رقابة ذاتية على نفسهم
إفتراض كده جالها من عند ربنا ما أنزل به من سلطان
مش عارف ليه ناس كتير حابة تزايد على المدونين : لورانس بنتاك - يسري فودة - عمرو الكحكي واخيرا الست أمينة خيري
رغم إن عمرنا ما روحنا لحد قلناله شغلنا في جورنالك أو قناتك أو إدونا عضوية نقابة
وأنا كاتب على مدونتي كما قالت أمينة برضه : ما باشتغلش عند دين أم حد
يعني مش مطالب بشيء قبل أي حد
يعني أدون ما أدونش أنا حر
أتبنى قضايا أو ما أتبناهاش أنا حر
أحط فيديوهات ليا وأنا باترقص او بانكش شعري أنا حر
اللي بيدفعلي من جيبه يقطع عني المعونة او الصدقة !!!
أصل لما تزايد على المدونين مش ها يبان إنك صحفي جامد بالعكس إنت ها تعمل نفسك مسخة لو المدونين حطوك في دماغهم
وبعدين ده بيدي إنطباع عنك انك شخص تافه منفوخ ومصدق نفسه انه صحفي
ولا انت مش منفوخ ؟؟؟
وبعدين يعني يا سيدي ما احنا اشتغلنا صحفيين
ولقيناها من جوه شلل ومخوخة وبايظة والناس بتهر على روحها لو جالها تليفون امن دولة او مخابرات
وإشتغلنا كمان مراسلين وكالات اجنبية قد الدنيا ولقينا الجو هوه هوه
وخدنا كمان جوايز صحافة دولية من المراكز اللي بتدربكم أصلا تبقم صحفيين
وخدنا جوايز في حقوق الإنسان والتدوين
يعني بروحين أهه بنشتغل من الناحيتين مش ناحية واحدة - نقطع نفسنا يعني ؟؟؟
يمكن ده اللي قاهركم ومفلفلكم؟
محكوم عليا حكمين غيابي حبس مجموعهم إتناشر شهر السنة اللي فاتت
مقبوض عليا في أول السنة في نجع حمادي علشان رحت أعزي ومبيت في سلاحليك مديرية أمن قنا عالبلاط في عز البرد
فقدت واحدة من أسناني الأمامية
فتشوا طيزي في المطار وصادروا الكمبيوتر بتاعي وبيفتشوني كده كل مرة أسافر
بعتوا ورايا حد من المخابرات في مطار براج واتنين في واشنطون
متهم بالعمالة والإسترزاق والإلحاد وكل اللي نفسكم فيه
زمايلي المدونين بيقطعوا عيشي وبيبوظولي شغلي وهم مرتاحين وعندهم شغل لا وبيروحوا يشتغلوا في الأهرام كمان ويدعوا النضال على دين أبونا وهي حياتهم عبارة عن وسايط وعلاقات وواحد منهم كان بيقبض اربعتلاف جنيه من حركة كفاية علشان يدير الموقع رفضتهم انا علشان رأيي ان ده عمل تطوعي ودلوقت البيه بيزايد على نضافتي
زمايلي المدونين بينموا عن حياتي الخاصة ويتندروا على فشلي
ومع ذلك إستمريت مش على المدونة بس لكن على تويتر وفيس بوك ويوتيوب
قناتي على يوتيوب شافها 40 مليون شخص - الرقم صحيح ما تفركوش عينكم
ولما باطلع في التلفزيون مش باطلع اترقص ولا اتكلم عن عمليات التجميل اللي عملتها في بزازي
باطلع أتكلم عن مواضيع الساعة ومواضيع مهمة وباقول رأيي فيها
يمكن سيادتك شايفاني تافه باقول كلام تافه بس ده مش رأي الفضائيات اللي بتستضيفني غالبا ومهتمين إن عندي حاجة أقولها تهم جمهورهم
إلا إذا كان فيه ناس شايفة إن ظهوري في التلفزيون مزعج بصريا ليهم لدرجة انهم مش بيسمعوا اللي باقوله مهم ولا لا
طلعت في برامج محترمة ومتشافة ومسموعة علشان أوصل صوت القضية وصوت بلدي
لا عمري تاجرت بنفسي ولا طلبت حاجة لنفسي ولا إتفاخرت بمنجزاتي ومشروعاتي - اللي غيري عمال يعمل مشروعات مجتمع مدني دلوقت ويسترزق منها وأنا بس اللي يتشتم ويطلع ديني
باسافر بره أدي محاضرات في جامعات مرموقة عن التدوين والسوشيال ميديا وأعمل دعاية للتجربة المصرية الناجحة اللي العالم حابب يسمع عنها
باسافر أدرب الناس في الدول العربية وأوروبا الشرقية والدول النامية إزاي يستخدموا التدوين زي ما إستخدمناه إحنا
ما دورتش على وظيفة ثابتة ولا جوازة مستقرة ولا مشروع أسترزق منه وأدعي النضال في نفس الوقت
إعتزلت جو وسط البلد الوسخ ورحت قعدت في الصحرا
صحتي إضطربت والله أعلم إيه العلل اللي ها تظهر عليا
آدي حصادي بتاع 2010
حلو كده يا ست أمينة
حصادي بقى ولا حصادك؟
عايزة حصاد أقدم ولا عارفاه ؟؟؟
تقومي بعد كل ده تقوليلي مش انا اللي هاعلمك الصحافة !!!
مدونين كتير سافروا وهاجروا واتجوزوا وخلفوا ودوروا على وظايف ثابتة حتى ولو في جرايد حكومية
وأنا اللي قاعد لسه أهبل قال إيه باناضل علشان البلد تتغير
ومع ذلك الست أمينة زنقت معاها وما جابتش سيرة أي حد غيري أنا في البتاع بتاعها
وتتهكم عليا وعلى شعار المدونة : اللي ما بيشتغلش عند حد
وتقول اني مش بانشر غير أخباري !!!
خلاص ما لقتش غيري تعمله السايد كيك بتاع الريبورت
والله واتهزقنا
مافيش احترام ولا أدب خلاص
كنت طالع في الدوحة ديبيتس أتكلم عن نفسي؟ في هارد توك؟ باطلع عالجزيرة والبي بي سي والسي إن إن أقدم وصلة رقص؟ باقدم طبق اليوم شوربة كوارع بالتوم؟
يا ستي إعتبريني باعمل فيديو بلوجينج
مش فيه ناس بتعمل بلوجنج بالفيديو وتقول رأيها في المواضيع
هو الواد زعيم الهجانة أحسن مني ؟؟؟
بس أنا أصلا مش باحب الكاميرات ولولا باطلع لأمر مهم مكنتش طلعت
أنا قبل وثائقي الجزيرة مكنش حد يعرف شكلي أصلا من اللي بيزوروا المدونة ومكنتش مهتم
بالعكس بعد ما بقيت مشهور كده بقى الامن يتحرش بيا اكتر في المظاهرات
وبقوا يجولي مخصوص يرشوا سبراي الفلفل في عيني ويقولولي منور يا أستاذ وائل
حتى شرطة المرور !!!
قضيت ليلتين في حجز قسم الخليفة بسبب مخالفة مرورية السنة دي بشكل تعسفي
وإتحطيت في عربية ترحيلات غير ادمية مربوط من ايديا الاتنين مع اتنين مجرمين مبرشمين ضربوا بعض علشان علبة كبريت وكدت أصاب بازمة قلبية في العربية
وعربيتي كانت محجوزة ولما رحت استلمها كانوا مسمينها عربية الصحفي !!!
ده محدش يعرفه أصلا لأني مش باتاجر بنفسي
نزلنا وصورنا المظاهرات وانضربنا واتسحلنا وشهرنا ناس ما تستاهلش وعملناهم ابطال
وخلاص قررت ما انزلش تاني انا حر
باعمل حاجة تانية وباسافر بره الفت النظر لقضية بلدي اللي محدش مهتم بيها هناك لأن مبارك صاحبهم
ولأن مصر مش إيران ولا سوريا ولا كوريا الشمالية ومحدش مهتم بحريتها من عدمه
وأنا مؤمن إن ده شيء مهم جدا واللي مش عاجبه يتفلق
وبانشر تجربة التدوين في الدول اللي محتاجاها
ده دوري اللي مؤمن بيه دلوقت وانا حر برضه
وحر لو غيرته وقررت اربي حمام عالسطوح واقف كل يوم المغربية بعلم أحمر أصفرلهم
تيجي بعد ده حتة صحفية بتقبض آخر الشهر أو بتاخد بالقطعة تقوللي قرص ودن وبيتكلم عن نفسه
ولما اتصل بيها تقوللي مش إنت إللي ها تعلمني الصحافة !!!
علشان باقولها تقريرك من غير مصادر !!!
لا طبعا ده أنا أعلمك وأعلمك وأعلمك
أنا باعلم الصحفيين اللي اكبر منك ازاي يستخدموا الانترنت والسوشيال ميديا أصلا
ويظهر كمان ها أعلمكم صحافة لأنكم ما بتعرفوش صحافة
يعني كاتبة تقرير من غير مصادر وكمان بتتنفخي عليا !!!
وإحنا كمان ما بيتقرصش لنا ودان زيكم لا مؤاخذة
إحنا اللي شايلين خراكم وبنتحمل المسئولية وبنتحبس وبنطلع نكمل
وعمر ما حد قرص ودننا
وفي الختام
أحب أقول لما صديقك يتنفش عليك ويشوف نفسه ما ينفعش يبقى صديق
وإحنا لو إتنفشنا محدش يقدر على نفشتنا وعندنا اللي ننفش بيه بس ربنا خلقنا متواضعين بنحب الناس نعمل إيه
مافيش صاحب يتصاحب كما قال بيسو
وكختام تاني نحب نقول
لو كان الصحفيين شايفين شغلهم مكانش بقى فيه مدونين أصلا

Wednesday, 29 December 2010

SOS from EGC

رسالة إستغاثة من كلية النصر للبنات

وصلتني هذه الرسالة من مدرسي كلية النصر للبنات بالشاطبي
فتوجب علي نشرها للأمانة التي حملوني إياها
:
بسم الله الرحمن الرحيم
مش هايوصل صوتنا الا المدونين وخاصه الوعى المصرى 
الى اهم مدونه فى العالم العربى نرجو المسانده  فى مصر وخاصه محافظه الاسكندريه
نعانى من القهر والضياع
بدأها احمد زكى بدر بتحويل مدرسه النصر للبنات بالشاطبى ومدارس اخرى الى مدارس تجريبيه وفى اقل من اسبوع اختتمها بنقلنا نحن المدرسين والعاملين فى المدرسه وتشتيتنا الى مدارس اخرى بانحاء المحافظه وذلك للاستيلاء على الارض ذات المساحه الشاسعه والمبانى العريقه لمصلحه السيده سوزان مبارك وابنها جمال مبارك
كما ارادوا سابقا ان يقوموا بالمثل فى مستشفى الشاطبى
ونحن الان معتصمين فى مبانى المدرسه لمنع تسليمها لاعضاء لجنه الوزاره وتشميعها بالشمع الاحمر
وممنوعين من الخروج ومحاصرين بقوى الامن المركزى
وممنوعه عنا الصحافه ومحطات التليفزيون المختلفه لتوصيل صيحاتنا واصواتنا الى اى مسئول فى الجمهوريه
لذلك نرجو من المدون الوحيد القادر على توصيل صيحاتنا واختراق الحصار  مساعدتنا فى محنتنا
                النجده
شكرا

a letter from Tony

رسالة من رابطة ضحايا مصطفى محمود

وصلتني هذه الرسالة على إيميلي
وأنشرها كما هي من باب الأمانة في توصيل الرسالة
هاي وائل
نحن نشكر مجهوداتكم في تعريف الشعب المصري بما اقترفته حكومتكم بقتل الابرياء السودانيين في مصطفي محمود
ونشكر كل مصري اصيل محب للانسانية ومدافع لها ولحقوق الانسان  
واذ نحن كسودانيين ليست لنا اي عداوة مع الشعب المصري المناضل لابسط الحقوق 
ولكن اهانت الحكومة المصرية للشعب السوداني قد اثر في نفوس جزء كبير من الشعب السوداني خاصة جنوب السودان 
ونحن في رابطة ضحايا مصطفي محمود نتمني من حضرتكم المساعدة في رد اعتبار للشعب السوداني والضغط علي الحكومة للاعتزار 
ونشكر طيب تعاونكم معنا 
توني رئيس رابطة ضحايا مصطفي محمود ( لن ننسي ) 
وكانت الرسالة مصحوبة بالفيديو التالي

لمعلومات أكثر عن المجزرة
أرشيف الوعي المصري
عدد خاص عن مذبحة اللاجئين السودانيين
31 ديسمبر 2005

Thursday, 02 December 2010

ARIJ Conference 2010

كلمتي في مؤتمر الصحافة الإستقصائية بالأردن

بتاريخ 28 نوفمبر 2010
كلمتي لم تعجب كثير من بلالين الإعلام المنفوخة
ومن إعتبروا أنفسهم آلهة جبل أوليمب الصحافة
وأنه منوط بهم وحدهم الحفاظ على عرق ونسب الصحافة من الدخلاء أمثالي
وهم ليسوا في حقيقة الأمر إلا : شوية ناس بتاكل عيش يا صاحبي
وشكر خاص لتيم سباستيان مذيع البي بي سي الشهير لأنه وقف في صف المدونين وأثنى على مجهودهم وقدره دعمهم أثناء المناقشة
للأسف التسجيل لا يحتوي المناقشة التي تلت تلك الكلمة ولا يحتوي على كلمة تيم سباستيان فمعذرة
-
كلمة جوليان آسانج مؤسس ويكيليكس في نفس المؤتمر
 
الفيديو ده كان قبل تفجر فضيحة كابل جيت
وزي ما إنتم شايفين الكلمة كانت مذاعة على الهواء لأن جوليان مكانش هناك
-
تغطية إعلامية للمؤتمر ولكلمتي
جريدة جوردان تايمز
'Online media brings new opportunities, responsibilities'

Wednesday, 01 December 2010

Wael Abbas On Doha Debates

Wael Abbas On Doha Debates

وائل عباس في حلقة من برنامج مناظرات الدوحة
الحلقة بعنوان

This house would prefer money to free elections
-
تغطيات الصحافة للحلقة
من على موقع محاورات الدوحة

This House would prefer money to free elections
Doha Debates' audience calls for democratic elections
لوس أنجلوس تايمز
QATAR: Arabs embrace democracy over wealth in Doha debate
جولف تايمز

Doha Debates embraces democracy
ذا بيننسولا
Democracy triumphs over money at Debates
الحياة اللندنية
«مناظرات الدوحة»: لمن الأولوية للتنمية الاقتصادية أم للديموقراطية؟
عباس، الذي تستقطب مدونته الإشكالية آلاف المهتمين بالرأي الآخر، قال من جانبه رداً على أسئلة مشاركين: «إذا استمرت الحكومة المصرية في إســـكات القوى اليســارية، الليبرالية، القومية والناصرية، فسيـــفوز الإسلاميون حتماً عبر بوابة الانتخابات». وتابع: «المطلوب اليوم سلسلة شروط موضوعية لتجذير العمل السياسي على أسس تــشاركية، بعـــيداً من خيار إما الحزب الحاكم أو الإخوان المسلمين». وهذا، بحسب عباس، «يتطلب تغييراً في نهج التفكير السائد عبر توافر مجتمع مدني نشط، وإعلام حر، وإصلاحات في نظام التعليم بعيداً من سطوة الحكومات، وتعددية سياسية من خلال قيام أحزاب تعتمد على قواعد شعبية، وليس على الدعم الحكومي».
الوسط البحرينية
الجمهور يصوّت لصالح الديمقراطية في «مناظرات الدوحة»: لا يمكن تخيير الناس بين الحرية والعيش الرغيد تحت الديكتاتوريات
المدوّن المصري عباس الذي تعرّض لمضايقات وملاحقات من قبل أجهزة الأمن في بلاده، أشار إلى خطورة المال حين يُستخدم لتزييف إرادة الناخبين، وتشويه الديمقراطية. ومن خلال تجربته في التدوين يؤكد على ما يتعرّض له الناشطون السياسيون من قمعٍ وملاحقةٍ بسبب آرائهم، وانخفاض سقف الحريات الذي يمنع وصول هذه الآراء إلى الناس، سواءً في الصحف المعارضة أو التابعة للحكومة، والتي تمتنع عن نشر الأخبار المتعلقة بالفساد أو المظاهرات وقسوة رجال الشرطة في التعامل مع المتظاهرين وانتهاكات حقوق الإنسان. وقال: «المطلوب هو توافر شروط للعمل السياسي على أسس موضوعية، بعيداً عن خيار إما الحزب الحاكم أو الإخوان المسلمين، فلو استمرت الحكومة في إسكات القوى اليسارية والليبرالية والقومية والناصريين، فسيفوز الإسلاميون حتماً في الانتخابات». ومن هنا يدعو عباس إلى مجتمع مدني نشط وإعلام حر وتعددية سياسية وإصلاح نظام التعليم، بعيداً عن تسلط الحكومات في المنطقة.
الشرق القطرية
جمهورها طالب بإنتخابات ديمقرطية على رغد العيش - مناظرات الدوحة
 

Thursday, 25 November 2010

فيديو مؤتمر كريم عامر الصحفي

فيديو مؤتمر كريم عامر الصحفي

دي فيديوهات بث حي إمبارح لمؤتمر كريم عامر الصحفي بعد الإفراج عنه
باعتذر عن إن المؤتمر مش كله كامل لأن الموبايل كان بيسخن جدا من البث الحي
 
الجزء الثاني
 
الجزء الثالث

Monday, 11 October 2010

Wael Abbas On BBC Talking Point

مداخلة في برنامج نقطة حوار بي بي سي


للأسف لم تكن المداخلة طويلة لأن الدقاق أفندي أخد كل الوقت في عبه
وطبعا كرر كلامه عن قانون يحكم المدونات
ولخبط بيني وبين مدون تاني معروف بدون ذكر أسماء قال له : خالتك قرعة
هاهاها

Monday, 04 October 2010

Mansoura Police Brutality

فيديو جديد من المنصورة لإعتداءات الشرطة على المواطنين

بعد محاولات حثيثة من وزارة الداخلية للتحكم في تسرب هذا النوع من الفيديوهات من داخل السجون وأقسام الشرطة بالمنع وتنبيه الضباط وحاولات تجميل الوجه القبيح للوزارة في الدراما الرمضانية لم يستطع رجال الشرطة مخالفة طبيعتهم التي دربوا عليها في الشارع لتفضحهم كاميرا المواطن
فيديو وصلني من مجهول
شرطة المرور في المنصورة تقوم بالإعتداء على سائق تاكسي في الشارع

Saturday, 02 October 2010

الرقيب

تحت المجهر - الرقيب

وثائقي - الرقيب - الذي عرض على قناة الجزيرة يوم الخميس الماضي
ويتحدث عن تاريخ الرقابة في مصر والرقابة على السينما والصحافة والإنترنت
يمكنكم مشاهدته كاملا - 51 دقيقة - هنا

Friday, 01 October 2010

In Your Face

In Your Face

Yes, I'm very well aware I'm not good looking and maybe uncool and unhip to some people each according to their own standards, I have no illusions about it, and I need no enlightenment about it thank you! but mind you! that doesn't mean people should assume I'm insecure about it at all, thus they can tread on me or take me lightly.

But unfortunately people sometimes don't accept that, and out of their naiivity tend to play the insecure card in a face-off with me, sometimes those people include but not limited to: State Security, political opponents, friends who loathe or envy you, girlfriends who want to control you and make you feel inferior to them, etc., which to their surprise backfires on them and their own insecurities.

Yes I know it challenges the norms people are used to when it comes to "ugly poor pathetic sods", but believe it or not it happened that I'm flamboyant and I flaunt it, I'm one die-hard narcissistic son of a bitch who never lacks self-esteem or backs down no matter what, and I have a fine taste in women and I deliberately don't recognize or grace the phrase: "out of your league".

So why exactly should that offend you? do I make you feel little? or maybe threatened and insecure yourself? So fuck your norms and fuck what you believe in, I don't tread lightly, I'm here and on your TV and in your favorite newspaper, I do something I love and believe in and people respect me for that, I feel great about myself and never sorry for it, and I still believe there are people in this world who are objective and secure enough - unlike you - to accept me the way that I am, and that might be the only thing I have illusions about, other than that KOSS OMM EL TENNEEN as a dear friend once said!

Wael Abbas

Saturday, 18 September 2010

يحمّوك في كنكة يا هيكل

يحمّوك في كنكة يا هيكل

محمد حسنين هيكل بيشرح إزاي هو كان مستخبي في الكنكة
إتهم الأراجوز العجوز محمد حسنين هيكل في برنامجه مدفوع الأجر على قناة الجزيرة الرئيس الراحل أنور السادات بأنه وضع سم لجمال عبناصر في القهوة أثناء جلسة سرية بينه وبين ياسر عرفات في جناح الرئيس بفندق هيلتون مما إعتبره البعض من الناصريين السذج ربنا يشفيهم مفاجأة يفجرها هيكل المهرج الذي بدأت ألعابه تنفذ من الجعبة لكنه ما زال يحرص على الظهور والسبوبة الخليجي المكن
ولهذا تطرح الوعي المصري مسابقة الهمني بها الزميل محمود صابر
والسؤال هو
هيكل شاف ده إزاي ؟
1 - كان مستخبي في برطمان البن ؟
2 - كان مستخبي في الفنجان ؟
3 - كان مستخبي في الكنكة ؟
جائزة المسابقة مجموعة كاملة من شرائط هيكل المفبركة ومنها شريط زينب هانم الوكيل مرات النحاس باشا وهي بتعمل سيكو سيكو مع ظابط إنجليزي بحسب رواية المغفور له محمد حسنين هيكل
والجائزة الثانية أعداد تذكارية من مجلة الوعي المصري تحتوي فضائح هيكل لما سرق أفكارنا من المدونة وعملها حلقة في البرنامج وقبض عليها كاشات
سبقناك يا هيكل بسنتين
الموضوع اللي هيكل سرقه
هيكل أبو شرايط
هيكل بيلعب البخت في تاريخ مصر

هيكل لما يعك
عدد الوعي المصري التذكاري بمناسبة النكسة
ملف خاص عن اكاذيب هيكل
وردود كتاب من مختلف التيارات السياسية عليه ومنهم إخوان وشيوعيين وحزب وفد وانصار القومية المصري

Saturday, 11 September 2010

هل نحن أهل لها مثل أهل رومانيا

هل نحن أهل لها مثل أهل رومانيا

ذكرتني مناقشة دارت على تويتر بين جمال عيد وسارة الشهيرة بشومبونجو عن نيكولاي تشاوشيسكو ديكتاتور رومانيا بمجموعة من الصور التي إلتقطتها عندما كنت في بوخارست في نوفمبر من العام الماضي
شواهد أضرحة وقبور وصلبان حجرية وخشبية ومعدنية ونصب تذكارية في أغرب الأماكن في قلب المدينة وليس في مقبرة خارجها
كلها بنيت لتخليد ذكرى شهداء الثورة على تشاوشيسكو الذي امر جنوده بفتح النيران على الشعب رجال ونساء وأطفال الذين بذلوا الدم الغالي وانتفضوا ضد الديكتاتور حتى تتحرر بلادهم من الطاغية
فهذا شاهد قبر في محطة للترام وهذه مقبرة في وسط حديقة أكبر ميادين المدينة وهذه لوحة رخامية تذكارية تحمل صورة طفل بجوار مدخل منزل أو محل بقالة
أهل بوخارست لم ينسوا الماضي ولا يتركون أي شيء ينسيهم
فهم من يذكرون أنفسهم بأنفسهم كل يوم وكل لحظة
فعلها أهل رومانيا وكانوا أهل لها
فهل نحن أهل لها ؟؟؟











للمزيد من الصور
فوتوغرافيا وائل عباس
Wael Abbas Photography

Thursday, 09 September 2010

حقيقة فضيحة بوسترات عمر سليمان

حقيقة فضيحة بوسترات عمر سليمان

توفرت للوعي المصري معلومات من مصدرين مختلفين ومع ذلك لم يتسنى لنا التأكد من مدى دقة تلك المعلومات بخصوص البوسترات الدعائية الغامضة لترشيح عمر سليمان رئيسا للجمهورية
تفيد تلك المعلومات بأن الأجهزة الأمنية كشفت عن أن وراء ملصقات عمر سليمان فصيل منشق من الشباب في الحزب الوطني مناويء لجمال مبارك لكن هناك تكتم شديد على الأمر
قبضت الأجهزة الأمنية على عشرة أشخاص معظمهم شباب وأعضاء في الحزب الوطني وتوقعات أن الحملة ورائها كبار في الحزب ومدفوعة الأجر
رجاء ممن لديه مزيد من المعلومات موافاتنا بها
ونطالب الأجهزة الأمنية بتوضيح الأمور وعدم التكتم عليها

Tuesday, 07 September 2010

WE ARE ALL ALI

WE ARE ALL ALI

Sunday, 05 September 2010

أهل كايرو - حلقة 25 - المدون وائل علي

أهل كايرو - حلقة 25 - المدون وائل علي

فيديو لشخصية المدون - وائل علي - اللي ظهرت في الحلقة 25 من مسلسل أهل كايرو وناس كتير بيقولوا إنه بيمثل شخصيتي أنا
إنتم إيه رأيكم ؟؟؟

Thursday, 26 August 2010

الوزير الفنان فاروق حسني

الوزير الفنان فاروق حسني

الوزير الفنان فاروق حسني يتفقد أحد أعمال النحت الحديث
بمناسبة سرقة لوحة زهرة الخشخاش وتحطيم تمثال كيوبيد
حسيت إني مقصر في تغطية الأحداث الثقافية في مصر
فقلت أعمل بوست - ثقافي - على المدونة من باب التغيير

Monday, 23 August 2010

رد وصلني من ويكيبيديا العربية

رد وصلني من ويكيبيديا العربية

Salam,
Thanks for your article (لماذا حذف صفحتي من ويكيبيديا العربية ؟). your article in wikipedia arabic has been deleted (may be?) because... it already exist!! See this page http://tinyurl.com/24uspsh . And I give you an other thing. As you can see in the history section (http://tinyurl.com/28ue5rg) it was created in (10:56، 4 مايو 2007 ) so longtime ago English version (02:22, 16 September 2007). it s just a problem of Interwikis the program that links articles in different languages and let you navigate between languages. We respect all relevant people and we don t prohibit any one to be on wiki arabic. We may work more on your article. Wikipedia has no major decease... only hope for a better knowledge. ;)
-
رد الوعي المصري
عزيزي  سامي
الموضوع والذي كتبته شاهيناز عبد السلام عام 2007 كان محذوفا بالفعل وليس مكررا أو موجود في وصلة أخرى
فالوصلة التي ضمنتها أنا سابقا هي نفس الوصلة التي وضعتها أنت حاليا
مما يعني أن البوست أعيد نشره مرة أخرى بعد أن كتبت عن الموضوع على مدونتي
وإن كان أعيد في نسخة أقل مما كانت
وأضيفت إليه وصلات للموضوع باللغات السويدية والإسبانية لكن لم تضف وصلة بالإنجليزية

Thursday, 19 August 2010

حكاية مروة والشنكل !

حكاية مروة والشنكل !

فاكرين الفيلم ده بتاع فؤاد المهندس وشويكار؟
أرض النفاق؟ عن رواية ليوسف السباعي الله يرحمه؟
فاكرين اللقطة دي بتاعة عويجة أفندي وحكاية الشنكل؟
لو فاكرين مش ضروري تشوفوا الفيديو خشوا في الموضوع على طول
لو مش فاكرين يبقى ضروري تشوفوا الفيديو الأول !

مروة موظفة حكومة في الإسكندرية
أخدت أجازة علشان تسافر مع جوزها اللي بيشتغل في روسيا
بعد ما أخدت الأجازة وسافرت خلاص إكتشفوا إن طلب الأجازة بتاعها ناقص طابع مهن زراعية بعشرة جنيه
فبعتولها الجواب اللي إنتم شايفينه فوق ده
واللي إستلمته زميلة ليها في الشغل وصديقة ليا
الجواب اللي إنتم شايفينه ده تاني جواب من هذا النوع وربما لن يكون الأخير
شايفين كام موظف همام ماضي عليه وكام ختم وكام تاريخ ؟؟؟
كل ده علشان عشرة جنيه !!!
طب سيبكم من الوقت المهدر علشان يكتبوا ويطبعوا ويمضوا ويختموا جواب زي ده
والتكلفة اللي بتنتج عن ضياع وقت الحكومة في وساخة زي دي
تعالوا نشوف تكلفة ملموسة إندفعت بالفعل من خزانة الحكومة

زي ما إنتم شايفين ده المظروف اللي إنبعت بيه الجواب
طبعا حذفت الإسم والعنوان بتوع مروة
وزي ما إحنا شايفين فيه طابعين فئة جنيه
وطابع فئة ثلاثون قرشا
وطابعين فئة عشرة صاغ
يبقى المجموع إتنين جنيه ونص
ونخللي بالنا إن ده إخطار ثاني يعني فيه إتنين جنيه ونص قبل دول
يبقى المجموع خمسة جنيه
ولو فيه إخطار تالت ها يبقى المجموع سبعة جنيه ونص
أما بقى لو فيه إخطار رابع فيكون المجموع عشرة جنيه للطوابع فقط بالتمام والكمال
وذلك لتحصيل مبلغ عشرة جنيه فقط لاغير
وهو المطلوب إثباته
والكلام ده بتاريخ 2009
مش في الستينات ولا في السبعينات
إيه العبث ده ؟؟؟ دول موظفين عاوزين ربنا يفرجها عليهم ؟؟؟
ده شعب عايز حياته تبقى أحسن ؟؟؟
ودي كانت حكاية مروة والشنكل ... قصدي مروة والطابع

Wednesday, 18 August 2010

أرشيف الوعي المصري على أرشيف الإنترنت

أرشيف الوعي المصري على أرشيف الإنترنت

أرشيف مدونتكم الوعي المصري متاح الآن على موقع أرشيف الإنترنت
بنفس شكل الصفحات وقت نشرها وبكل الصور التي إختفت

الأرشيف من أبريل 2005 إلى مايو 2008
إضغط هنا لتعايش أيام مجيدة

Tuesday, 17 August 2010

صور نادرة لعبناصر والإخوان

صور نادرة لعبناصر والإخوان

الهضيبي واقف في النص بين عبناصر وكمال الدين حسين

الهضيبي على رأس المائدة وعلى يساره يجلس مين ؟ جمال عبناصر
ويمكنكم أيضا أن تروا عدد من ضباط الإنقلاب العسكري على يسار الصورة

في الصف الثاني من المصلين:
عبناصر - عبحكيم عامر - جمال سالم - زكريا محي الدين
ومين الإمام ؟ الهضيبي طبعا
-
هذه الصور طبعا قبل ما يقلب عليهم في تمثيلية المنشية
بعد أن مكنوه من الحكم وتظاهروا من أجله وضد الديمقراطية وعودة الأحزاب
ملحوظة : الصور من مصادر إخوانية

Monday, 16 August 2010

أول صورة لتوكيلات جمال مبارك

أول صورة لتوكيلات جمال مبارك

ده لو محدش نشرها قبلي يعني
مبروك عليكم
:)