Wednesday, 25 May 2005
الاستفتاء وفول الشبراوي - جعفر المصري
السلام عليكم
أما انتم عالم مفترية فعلاً يعني الحكومة نزلت النسب علشان خاطركم من 99% الى 82% وبرده مش عاجبكم !.
مشاهد سريعة
اللجنة الأنتخابية بمحطة مدكور الهرم امام داري للبناء ، وجامع السلام ، بجوار مباحث غرب الجيزة ، إقبال رهيب على الأنتخابات 47 مواطن خلال ساعتين ، شوفوا الإقبال ! ، احد اعضاء المجلس المحلي وواضح جدا انه مثقف لأقصى درجة بيقول للسواق بتاعه هات الشنطة من المرشيدش .
كانوا بيشحتوا على اي حد يدخلوه اللجنة !.
لجنة نجيب محفوظ بفيصل:
استاذ جامعة يقدم رقمه القومي لرئيس اللجنة فيجد امام اسمه صح ، يعني انتخب ! الأستاذ يثور فيهدئه رئيس اللجنة قائلاً ولا يهمك دي غلطة من عندنا خد استمارة اهه وحط صوتك ولا تزعل نفسك !!!!!.
ش الهرم
ميكروباصات فولكس بالأمر تضع لافتات تأييد لحسني مبارك.
شوارع جانبية من ش الهرم
مساعدين بالحزب الوطني يرتدون الملابس الخضراء يدعون الناس للمشاركة في الأنتخاب " ملحوظة في الأنتخاب مش الأستفتاء " يعني حتى دول مش عارفين حاجة !.
اول لجنة انتخابية ب ش فيصل الجيزة
مؤيدوا الحزب الوطني يرتدون لافتات على ملابسهم تأييد للرئيس مبارك ، ومعظمهم يرتدي اللافتة بالمقلوب ، سواء الأمام في الخلف ، او حتى يرتديها علىالوجه الآخر!.
على ش الهرم ، محطة ومبي.
لافتات تأييد الرئيس ومش عارف كام 700 مليار يؤيدوا الرئيس ، وواحد خبيث حاطط اعلان صالة بلياردوا وفيديو جيم.
للأسف مكانش معايا كاميرا فيديو اصورلكم بيها صورة سيدة مسنة حاجة و60 او 70 سنة ترتدي ملابس سوداء ، ممسكة بلوحة مكتوب عليها تأييد للرئيس باللغة الفرنسية !!!! ، طب انت ايه موقفك يا حاجة؟ قالت رايحة اجيب فول وطعمية من الشبراوي !!!!!!!!
ولا عزاء للمصريين.
بالمناسبة كل الضرب اللي شفته ده في كل الأماكن مالوش غير معنى واحد فعلا النظام بيحتضر.
ش الهرم يوم الأستفتاء خالي تماما بمعنى الكلمة .
كل اللي اضرب معلش صوركم وانتم بتضربوا شجعت ناس أكتر على الوقوف بجواركم.
واحد قالي بتوع كفاية كان كبيرهم قوي 150 واحد ، بس يا جماعة هما 150 واحد بس ساعة الأنتخابات مش حيبقوا 150 واحد بس.
ايمن نور ان استقبله الناس وكان عددهم 1000 فاللي حينتخبوه وحينتخبوا ممثلي الحزب لمجلس الشعب في الدورة القادمة اكتر بكتير. ، مش لازم كل اللي موافق حيظهر في نفس اللحظة.
23:40 | Permalink | Comments (9)
Comments
شكرا على الصور المشرقة و مظاهر المشاركة للمصريين
الواحد نفسه يلطم و يصوت من كتر حرقة الدم
Posted by: wa7da_masrya | Sunday, 29 May 2005
دي حقيقه مقلناش حاجه لكن تفتكر بالكلام ده شلنا مبارك ولا مسك واحد ديمقراطي مصر؟؟؟؟؟ بالعكس احنا بنشرد نفسنا قدام العالم كله........... ولا تعليق
Posted by: سيف الغلبان | Wednesday, 01 June 2005
من اعملق الصعيد وبدمائنا
نؤيد الرئيس/ محمد حسنى مبارك مدى الحياة
وحماك الله لمصر ياريس من قرية/ نزلة محمود/ ديرمواس /المنيا
انا عاوز اموت نفسى واؤيـــــد الرئيس/ محمد حسنى مبارك من كل قطعة فى جسدى لان هذا من حقة
لانه هو ابن مصر وخايف على شعب مصر
مصر مبارك ومبارك مصر بكل ارواحنا وشبابنا نؤيد رئيسنا القائد والزعيم والموجود فى كل جزء من جسمنا الاب والقائد / محمد حسنى
Posted by: احمد محمد كامل | Thursday, 30 June 2005
رسالة من
ثلاثة الاف طالب وجميع العاملين بمدرسة ابو خلقة الاعدادية ديرمواس المنيا
وعشرين الف مواطن من القرية نزلة محمود/ وابو خلقة/ ومرجان وخمسة الاف شاب وفتاة من القرية والقرى المجاورة
يؤيدون ويبايعون السيد/ محمد حسنى مبارك رئيسهم المحبوب مدى الحياة ويحميك الله لمصرنا الغالية ياريس ونقول للشباب والنساء والفتيات وجميع ابناء مصر تعالوا سوينا
ونقول كلمة حق مبارك ابن مصر وقدم لمصر كثير من الانجازات لاحصر لها ولاعدد
وجاء دورنا ايها الشباب نقول كلمة حق بدمائنا ونبضنا وصوتنا نؤيد قائدنا وحبينا وحبيب الشعب صوتك وصل القرى والنجوع
وانجازتك وبنيتك الاساسية تشهد على ذلك اقول باعلى صوتى نيابة عن الجميع مدى الحياة نعم نعم نعم وبعدد سكان مصر نعم نؤيد الرئيس محمد حسنى مبارك وانا عاوز
جميع وسائل الاعلام المقروءة والمسموعة تعرض انجازات قائدنا
لكى يعرف الشباب من عام 1981 وحتى الان انجازات القائد العظيم الذى قدم كل شى لابناء مصر لكى نصل سويا الى السلام والامن والامان حماك الله لمصر ياريس انا عاوز اكتب تأييدى حتى تعجز يدى عن الكتابة لانى بحب الرئيس من قلبى والله
واخيرا يا ابناء مصر مبارك ابن مصر وزعيم مصر وصاحب القرار الحازم لخدمة مصر واصلح كثيرا وقدم كثييرا لمصرحماك الله لمصر ياريس
Posted by: احمد محمد كامل | Thursday, 30 June 2005
برجاء نشر هذا فى جميع الصحف
نشر تأييدنا وحبنا لرئيسنا وقائدنا وزعيمنا للابد
وحماك الله لمصر ياريس
لابد من عرض انجازات الرئيس
حتى يعرف الشباب ومواليد 1981 وحتى الان انجازات واعمال الرئيس وكيف نهض
بالشعب من القاعدة الى القمة
نزلة محمود/ ديرمواس/ المنيا
اعماق الصعيد وعرفنا وايدنا رئيسنا وحبيبنا الرئيس/ محمد حستى مبارك
لان انجازاتة واعمالة وصلت فى كل شبر من ارض مصر
Posted by: احمد محمد كامل | Thursday, 30 June 2005
يا بشر حاكم ظالم شعب جبان مصر بلد الخرفان و النعاج لحد مل يجى الذكر الى يوحد الصفوف ضد راس الحية الحكم العسكرى عاد موضة قديمة و الريس شاخخخخخخ احنا نمنا كتير لازم نصحى معلاكفاية مع التجمع مع الاحرار مع اى جهة التغيير من اجل التغيير مطلوب و حق ...... يا ريت الالقى الى يفهم كلامى
Posted by: ايهاب | Sunday, 09 October 2005
انا مش مع كفاية انا مع التجمع خاللد محيى الدين انا مع التغييير مع الاشتراكية مع كل واحد ضد الريس الى بيصبغ شعرة علشان يبان صغير و يبين انة لسة فية صحة علشان يخوف الشعب بتاعة
يا مصر يا ناس يا هوةةةة
مصر مش مبارك مش مبارك
مصر هيا مصر مصر هيا ناس هيا شعب هيا بياع و عامل و مدرس و تلميذ و حتى طفل
مش مبارك او زفت
انا نفسى ارجع مصر مصر الى بتمناها
Posted by: ايهاب | Sunday, 09 October 2005
شكرا
لجميع ابناء ديرمواس المنيا
على حرية الراى واختيار زعيمهم الرئيس/ محمد حسنى مبارك
حماك الله لمصر ياريس
احمد محمد كامل
نزلة محمود/ديرمواس/المنيا
امين تنظيم الحزب الوطنى
Posted by: احمد | Tuesday, 20 December 2005
كل
التقدير والاحترام لجميع العاملين لهذة الجريدة العملاقه فى خدمة المواطنين
شكرا لابناء ديرمواس
والسيد/ رئيس مجلس مدينة ديرمواس والسيد امين عام الحزب والوطنى
والسادة اعضاء مجلسى الشعب والشورى والسادة اعضاء المجلس المحلى
لوقوفهم بجوار الحز ب الوطنى بديرمواس
وشكر خاص لمركز شرطة ديرمواس وعلى راسهم
السيد/ مامور المركز والسيد/ رئيس المباحث
على حيادهم التام للعمليه الانتخابيه
سلام
احمد محمد كامل
نزلة محمود
Posted by: احمد | Tuesday, 20 December 2005
The comments are closed.