الوعي المصري

بين فكي الموت ...ليله الامتحان

في البدايه عندما وصلت الي المكان انا و صديقي وائل سمعنا انهم القوا القبض علي البعض " بمجرد وصولهم " تذكرت علي الفور كلمه رامز في فيلم الباشا تلميذ " انا مش متفائل " و تمشينا قليلا الي ان عرفت المنفذ الوحيد للدخول مع ا كمال و الاخرين الذين كانوا محاصرين و بالفعل دخلنا و اخذ وائل في ممارسه هوايته المفضله و اخذت انا اتفقد تمركز القوات و موقعنا فوجدت العمليه مش مطمئنه خاصه بعد بدء توافد " نواب سميحه " باللافتات و الشعارات التي لا يعرفون معناها اصلا المهم ابتدت الهتافات من الجانبين و اشتدت العمليه بالاحتكاكات التي كان بطلها الشرقاوي و الضحيه هو استاذ و . خليل فجاء لم انتبه الي زياده اعدادهم و تقلص اعدادنا نحن " مش عارف ازاي ؟؟؟ " و كانت النتيجه 100 : 6 لصالح نواب سميحه ...رجاء ان تتخيلوا الموقف احنا هنا كنا 6 افراد بينهم 2 نساء و الامن الي اليسار و الخلف وهم من الامام و اليمين بصراحه كانت " مدعكه " و لم يسلم احد من الضرب و فوجئت ان الحيوان المؤل عن افراد الجاموس المركزي الذين يحيطون بنا يضرب هو الاخر ..؟؟ طبعا يا اولاد هو ده شعار " الشرطه و نواب سميحه في خدمه الوطن " الي ان فتحوا لنا متنفس بس مش مجاني طبعا .. ده كل اللي بيخرج كان بيتختم عليه و مابيعرفش قفله النور ضربت عنده فين بالظبط؟؟؟
ولما خرجنا من علي الرصيف كانو يمينا و يسارا و الراجل الحليوه ابو سيفين و نسر البطل الثاني معي يومها قال لاستاذ كمال " ياكمال تعالي من هنا " و مشينا بهروله لم نصدق اننا نجونا من الموت .. اما بالنسبه لي فكانت الجوله الاولي !!!!

هتف استاذ كمال في الشارع فجاه بحماس و رددنا خلفه و اسرعت الفضائيلت الي الوقوف امامنا و صوروا كل شيئ , ثم سمعت من يهتف لاستاذ كمال قائلا فلنتوقف ..قلت له لا يلازم نمشي لانهم جايين ورانا .. وصدق ظني فبعد ثواني سمعت صوت قطيع الثيران علي الارض فالتفت لاجدهم قادمين في مشهد رهيب فتفرقنا ووجدنا علي يميننا محل عرفنا فيما بعد انه صيدليه
دخلناها و احتمينا فيها و الصراحه في ناس ما لحقتش تتدخل زي سيد الذي انهالوا عليه لولا ان راني و دخل علينا الصيدليه و تجمعنا بداخلها سبعه او سته افراد " بدون ذكر اسماء " انضمت الينا د ليلي بعد ذللك و واضح ما فعله الكلاب بها حتي انا نسيت متعلقاتها تماما " اطمني يا دكتوره في امان " وشوفوا بقي اللي حصل جاء لنل واحد حليوه واطي من " fbi "قل لهم عيب ياولاد لا لا كده انت وحش خالص مش هجيبك معانا المره القادمه و سالنا عن بطاقاتنا و اسامينا و طماننا ان الشرطه في خدمه الشعب ؟؟؟؟ ابن الكلب
و ظللنا داخل الصيدليه حواي 40 دقيقه و حاولنا التصال بكل من نعرف منهم من رد ومنهم من لم يرد و استعددنا للمبيت في عربيه امن الدوله التي كانت ع وصول و ذكرنا بعض ببعض الاجراءات ع التليفونات و خلافه " مش مهم التفاصيل هنا " ثم
جاء لنا الراجل الحليوه ابو سيفين و حدايه او كتكوت ..مش فاكر و اتلكك لد ليلي و سابها و مشي و انا اساسا مش عارف ليه ماكنتش مرتاح له ..بس عرفت اخر اليوم ؟؟؟؟؟
وجاء حليوه اخر بالملابس المدنيه و طلع لنا بطاقته وقال لنا ان مساعد الوزير لشؤن الاغتيالات و انتهي الموضوع في الاخر علي انني هنخرج " بس مع بعض " و فعلا خرجنا في خندق يمناه و يسره جاموس مركزي و هو امامنا مع واد حليوه كده انا ارتحت له و فعلا كان افضلهم وخرجنا في مشهد مهيب ... تخيلوا سبعه افراد امامهم مساعد وزير داخليه و حولنا كل ظباط الداخليه و 40 مخبر لدرجه انني احسست بالرعب في عيون احدي السيدات التي راتنا ...المهم قالو ا لنا بصوا بقي احنا هنسبكوا هنا ..زعقت و قلت لهن لازم تركبونا تاكسي نخرج من هنا فورا و فعلا بس لما التفت كان الموقف رهيب بكل المقاييس...فاكرين حادث المنصه لما كانوا بيدوروا للنائب علي عربيه تخرج به من الجحيم ..هو ده اللي حصل لقيت 6 افراد ع الاقل " مش بيوقف تاكسي لا ده بينط علي يوقفه " و بينما كنت اتاكد ان الكل ركب التفت لاجد الراجل الواطي يهمس للسائق " تقريبا " نزلهم بعد ناصيه و لا اتنين " نهرنا السائق الذي كان راجل طيب اوصلنا للنقابه التي صعدنا اليها نتنفس الصعداء غير مصدقين اننا نجونا من الموت المؤكد...اما بالنسبه لي فكانت الجوله الثانيه!!!!!2
مكثنا قليلا ع السلم نطمئن ع الباقين و بعد قليل و جدنا نفس العيال جت و الامن بيدخلهم علينا في منظر سافل يبين حقيقه الداخليه .. احسست ان حد هيقول كلاكيت تالت مره و لما كان المن محاصر 95 % من السلم عرفت المخرج فين ...ة
اتزحلقت اقصي يسار السلم و نزلت تحت " عندما دخل كل من له مكانه الي النقابه و سابونا بره كاننا كلاب ضاله مش من دقائق كانت هتافاتنا واحده " ما علينا.. بعد ما نزلت قلت لسيد نزل البنات لي الاول و بسرعه قبل ما الامن ياخد باله و فعلا تمت عمليات الانزال بنجاح الا .. الي ان ظهر الحليوه ابو حدايه و شفطني بعنف للخلف و " صعقني " مش ضربني و بعد ان انتهي اعطاني لاحد كلابه الذي ختم هو الاخر ثم اعطاني هو الاخر لكلب من كلابه الذي ختم بعنف و قال له سيبهولي يا باشا و اقتادني الي عربه الترحيلات و في الطريق انهالت الختام و القنابل علي دماغ اهلي و الصداع فيها حتي الان
وحصلني زميل اخر اعرفه و لبسونا شبكه فضه عيار 9 لانها كانت ضيقه قوي و دخلونا العربيه عن طريق الانزال الجو ارضي ومكثت انا و زميلي داخل الصندوق في رهبه احسست ان العمليه كده غوطت اوي و ان مافيش امل احضر لا امتحان بكره ولا امتحانات بقيه السنه و جاستا فيه 20 دقيقه ثم جاء احدهم و سالنا هو احنا من بلد و انتوا من بلد ياابني ..هنا فقط احسست انني ساحضر امتحان بكره بكل تاكيد .. الا ان صاحبي كان يريد الجدال بفرض انه من حزب التجمع لكن العمليه تمت و ربنا ستر و فكوا قيودنا غير مصدق انني نجوت من الموت المحقق ثلاث مرات ...و ليله الامتحان