Ok

By continuing your visit to this site, you accept the use of cookies. These ensure the smooth running of our services. Learn more.

Friday, 25 March 2005

شكرا هند الحناوي - شاهيناز عبد السلام

كنت أجلس مع عالمين من أساتذة كلية الهندسة عندما فتح أحدهما الحديث عن كيف إنقلبت الموازين و تدهورت القيم و خرجت علينا إمراة لا حياء لها و وشها مكشوف تتحدث بكل بجاحة و تطالب رجلا بان يعترف بطفلها و مضى الرجلان يتحدثان و ينفعلان على هند الحناوي و عندما سكتا قلت لهما عفوا و لكنها ليست بجحة و لا وشها مكشوف إنها إمراة تطالب بحقها و حق طفلها!!فلماذا تكون بجحة ووشها مكشوف ؟

نعم يمكنك أن تسمع هذا و اكثر على هند الحناوي وكل من تتجرء و تفعل مثلها في بلد مثل مصرنا الحبيبة التي إذا ضبطا فيها رجلا و إمراة متلبسان في وضع الزنا بأحد بيوت الدعارة يكون الرجل شاهدا في القضية و تكون المراة متهمة مع أن الإثنان امام الله و الدين زانيان !!!!.

طيب ماذا كانت ستفعل أي إمراة او فتاة مصرية في وضع هند الحناوي تزوجت عرفيا من رجل و ليس معها ما يثبت الزواج و حملت من هذا الزواج و الزوج يرفض الإعتراف بحملها أنا اقول لكم كانت إما ان تحاول بشتى الطرق ان تجهض نفسها فتعرض نفسها للموت خوفا من الفضحية و إذا فشلت كانت ستهرب من أهلها قبل ان يقتلوها أو تقتل نفسها خوفا من الفضيحة أيضا .

و لكن هند الحناوي لم تشأ ان ينجوالأب بفعلته و تصدت بشجاعة و ليس بجاحة تدافع عن حقها و حق طفلتها و بغض النظر عن أن الأب الآن ينكر حتى الزواج العرفي و يعترف انها كانت علاقة غير شرعية حتى لا يثبت نسب الطفلة إستنادا لفتوى ان إبن الزنا ينسب لأمه فإن ما فعلته هند الحناوي من وجهة نظري كإمراة يستحق ان أشكرها عليه

أنا لا اشجع علىالزواج العرفي ولا أحرض على الزنا و لكنني أقول لاي فتاة و إمراة ان لا تستسلميو ألا تتركي حقك و تتحملي وحدك الإثم او المسئولية و لا تضيعي حقك خوفا من الفضيحة و الفضحية إن حدثت يجب ان تطال الإثنين معا كما أن العقاب إذا وجد أيضا يجب أن ينالهما معا

Comments

اود فقط أن أوجه التحية للأستاذة / شاهيناز عبد السلام
فهي متزنة وآرائها غاية في العقل والروعة
أكثر الله من أمثالك
د.تامر أحمد
drtamerahmad@yahoo.com

Posted by: د.تامر أحمد | Tuesday, 03 May 2005

..............مؤيدة امينه ودودونوال السعداوي بتوع حرية اللواط والسحاق والزنا متزنه ................
بالمناسبة حرية الرأي عندهم ان يحذفوا التعليقات اللي مش عاجباهم
حسبنا الله

Posted by: 12 | Friday, 03 June 2005

سيدة شاهيناز حزنت كثيرا عندما قرات مقالك شكرا هند الحناوى للاسبات التاليه اولا لانى ام لثلاث بنات منهم مراهقة تقرا لك او تحب ان تقرا لك ثانيا احب ان اوضح انى افنيت عمرى لكى اهتم ببناتى و اراعيهم تجاهلت كل طموحاتى فى الحياه من اجلهم من اجل ان اراعيهم و ان يتم تنشاتهم على مذهب ديننا الحنيف و عادتنا و تقاليدنا عندما تاتى كاتبه و تقول لزانيه شكرا ما الرساله التى تريد ان توصلها من هى الفتاه التى يسمح لها بالمبيت خارج بيتها و عندها الجراة ان تقيم علاقة برجل حتى لو كان زواج عرفى ما الذى كان يمنعها من ان تجعله يذهب الى البيها و يطلبها كما نصت الشريعة و جرى العرف لا اعذار لا اعذار لا اعذار نهائى غير انه تشويه لجيل من الفتيات تحاولون ان تربوهم على الزنا و ترغبوهم فيه و تجعلونه عادى ايزى

Posted by: فتون | Saturday, 04 June 2005

السيدة فتون شكراعلى تعليقك و أحب أن اوضح انني لم أشكر هند الحناوي علىالزنا (هذا إذا كان هناك زنا أصلا ) أو الزواج العرفي الذي لا أشجعه لانه يضر المراة أكثرمن أي حد
بديهي أن الزنا حرام و لا أحد يشجع عليه لكني أشكرها على موقفها الجريء على رغبتها في إثبات نسب طفلتهاالتي ليس لها ذنب في شيء و إصرارها الا تتحمل مسئولية شيء وحدها (بغض النظر عن كونه زوراج ولا مش زواج) كما يحدث دائما مع كل إمراة و كل فتاة تقع في نفس الخطأ فتتحمل وحدها دون الرجل العقاب أو العواقب لهذاالأمر مع أن الإثنين مشتركين
يا ريت تكونالرسالة وصلت

Posted by: شاهيناز عبد السلام | Sunday, 05 June 2005

السيدة المصرية جدا فتون

واعني بالمصرية جدا هو هذا الرأي الذي كتبته بخصوص هند الحناوي فهذا هو ما تربي عليه ٩٩٪من نسائنا المصريات الغلابة.. للاسف الشديد ...فقد تربينا علي تحمل جميع الاوزار بمفردنا حتي التي لم نشترك فيها لمجرد اننا اناث (درجة تانية من البشر) مع ان القران والاسلام لم يميز في العقوبة بين الذكر والانثي ولكن هذا من صنع البشر وقد ثبتناه وجعلناه قانونا الهيا بصمتنا وارضعناه لفتياتنا .... لماذا نجرم امراة تطالب بأن لا تتحمل وزر ما حدث لها بمفردها حتي لو ما فعلته خط...أ القضية ليست في مدي خطأ او صحة ما فعلته .. القضية هي المساواه حتي في تحمل نتائج اخطائنا
ارجوك يا فتون لا تخلطي الاوراق لبناتك... حتي لا يظلمن اكثر من ذلك

Posted by: lubna | Monday, 06 June 2005

اعتقد ان هذا ما هو الا تبريرا للزنى ، اما قضية تحميل الخطأ لمن للرجل أم للفتاة فهذا شئ اخر ، اما ان نبيح التسيب والخروج بالليل والبيات بره البيت والسهر والمجون اعتقد ان اي انسان محترم سوف يرفض ذلك ، انا ارفضه على اختي وابنتي على الاقل ، ولكنى ارى عجلة الزمن تتغير لا محالة سواء رضينا ام لم نرضى وسنجد كل تقاليد الغرب في اوساطنا كما نرى تخرج البنت تسكن خارج بيت السرة تعمل تنفق على نفسها تعاشر الرجال ممن تحب كل هذا موجود الان في مجتمعنا وسوف يعمم صدقوني ولن يجد احد هذه الاصوات وستصبح العملية عادية خالص ، تحمل تنجب 00مش مهم00كل واحد حر00 انتظروا الفوضى قريبا 00 هي ليست فوضى هي اسلوب في الحياة 00 بدليل ان المجتمعات الغربية ماتزال ناجحة جدا في ظل ما نسميه الفوضى الجنسية 00 بمبدأ كل انسان حر في جسده يعطيه لمن احب 00بند من بتود الحريات

Posted by: احمد العزيزي | Monday, 06 June 2005

إن قضية تحميل الخطأ للرجل و المراة هي القضية الأساسية و المقصودة و ليس شيء أخر و هي ما قصدته و أصر عليه و ليس ما تقول أنت يا أستاذ احمد
و ليه يا أستاذ أحمد العزيزي تعتقد أن عجلة الزمن بتغيير دلوقتي بالذات وليه بتربط خروج البنت تعمل عشان تصرف على نفسها بأنها بعد كده لازم تكون زانية و تعاشر من تشاء!!!! تفسير عجيب أول مرة أسمعه
,ألا تعلم يا اخي أن الزنا ده موجود من زمان اوي و أن الموضوع ملوش دعوة بخروج الرجال او النساء للعمل لأن من يريد أن يخطأ و يرتكب إثم او فاحشة ممكن يعمل كده بغض النظر عن كونه رجل أو إمراة يعمل او لا في مجتمع غربي او شرقي و الإنسان هو الإنسان في الغرب و الشرق و في كل زمان و مكان و الغرب لم يصدر لنا شيء الرك في الأخر على الإنسان و مدى تدينه و إرتباطة بالله
لا أصدقك أن شيئا مما تقول سوف يعمم مفيش حاجة إسمها تعميم يعني حيحطولوا قانون و يعملوا عليه إستفتاء هو كمان :) لأن تاني في الأول و الأخر هذا يرجع لقدرة الفرد و تمسكه بدينه

Posted by: شاهيناز عبد السلام | Monday, 06 June 2005

القارئ لردك الاخير يتصور اني ذكرت شيئا عن مسألة عمل المرأة رغم اني لم اتطرق لها 00 بالطبع لست ضد عمل المرأة ولست ضدها انا معها مع حريتها مع حصولها على كامل حقوقها فهي ليست اقل من الرجل ولم يخلق الله النساء عبيدا للرجال ، وأقوى مثال على قدرة المرأة وشجاعتها الصحافية نوال التي اكن لها كل احترام وتقدير ومثيلاتها اللاتي وقفن في يوم الاستفتاء ، انا فعلا منبهر بهم ، كيف استطاعوا توجيه رسالة الى العالم كله ، ايها العالم الحر هكذا تغتصب حرياتنا كما تغتصب اعراضنا في ظل هذا الحكم المستبد 000 هل يمكن في يوم من الايام ان تستوي نوال وهند اترك لك الاجابة اختي شاهيناز بس على شرط ان تفكري بهدوء دون تعصب وعلى ان تحكمي ضميرك الحر000 واشكرك على كل حال000 احمد العزيزي

Posted by: احمد العزيزي | Wednesday, 08 June 2005

من نواميس الكون أن مانؤمن به ونشجعه من أفكار ومعتقدات وتصرفات سنجده فى عقر دارنا فى يوما من الأيام وعندها لن ينفع الندم ستقف الكلمات فى حلوقنا عندما نقول لفلذات أكبادناعندما يخطئون - شكراً !!!!!!

Posted by: عابر طريق | Thursday, 23 June 2005

الحكايه مش حكاية ان احنا مجتمع بيحمل الست الغلطه لوحدها لا
الحكايه ان جيه علينا الزمن اللي تقف واحده فيه لتجاهر بزناها ولا تستحي
محدش يقولي دي بطالب بحق بنتها
لان هي لو انسانه محترمه اصلا ماكانتش تعمل ده كله
طيب حد هايقولي يا اخي ان الله غفور رحيم
ماااشي يا سيدي محدش فينا معصوم بس لو هي تابت وندمانه كانت هاتطالب بحقها بطريقه افضل من كده فيها ستر لسمعتها لكن الطريقه اللي بتتكلم بيها مش كده
ده لو هي اصلا ليها حق
شرعا مالهاش
حكمها الشرعي ان ثبت قولها هو الجلد لانها غير محصنه هي واحمد الفيشاوي
ولا اثبات لنسب البنت لانها بنت زنا وده حكم ربنا
والحكم ده مش قاسي لا بس هو لازم لقفل الباب امام الفحش والعياذ بالله ولتتمسك كل بنت بعفتها
ولو حد راجع الاتنين هاتلاقي احمد قال انه ما اتجوزهاش دي كانت علاقه زنا وقال بصريح العبارة انه ماينفعش يعترف بسهوله لانه كان واحد من ضمن كتير
يعني هي كانت فاتحاها سبيل لكل عطشان
وبعد ده كله تقولولي مش عارف ايه لا طبعا
ده فجر
وصلنا لان الناس تجاهر بزناها والناس تتعاطف معاه
دي حاجه مقززة والله

Posted by: ابراهيم عزت | Thursday, 23 June 2005

ايه كان ممكن يحصل لو كان اليهود هدموا المسجد الاقصى بعد 67 ؟
تخيلوا !!!!
رغم انهم كانو منتصريتن في الحرب
و مبهديلين اللي جابونا ( بالفعل اللي جابونا,, ايامها احنا كنا لسا متولدناش :) )
مكنش حد مسلم قعد في مكانه , كان كله قام رجع تانى للحرب لحد مايموت او يحمى الاقصى
دلوقتى بأه . بصي يا ست شاهيناز ايه اللي حبحصل لو اليهود هدموا الاقصى
1- مبارك يشجب ما حصل و يعتبره اهانه لكل المسلمين و غير المسلمين
2- فهد يتبرع ب 20 دشليون هلله سعودي لبناء مسجد طبق الشكل يشرف على بناؤه مجموعه من افضل المهندسين الامريكان .
3- الواد بتاع ليبيا يهدد و يتوعد و يقول انه حيبعت 3 4 عساكر من بتوعه يحررو الاقصى ( الي انهدم اولريدي ) و يرجعوا تانى في يومين ز
4- كام مليار مسلم حيعيطوا على اللي بيتعمل فيهم ..
ليه كدا ؟ ليه رد الفعل المتناقض الرهيب بين اللي حيحصل دلوقتى و بعد 67 ؟
ليه اليهود بيفكروا يهدموا الاقصى دلوقتى و هما في وضع شبه سلم ( رغم انه مشتعل ) و حتى مفكروش يهدموه بعد 67 .
اجيبهالك بشكل تانى ....
افغانستان واللي حصل فيها
قتل و اغتصاب و امتهان للمسلمين
جوانتانامو واللي بنشوفه من اللي بيعملوه في المسلمين هناك
احتلال العراق
اغتصاب رجال و ستات
تعمد نشر صور عراقيين رجال بيغتصوا ( و اقول تعمد )
تعمد نشر صور رئيس عربي ( و ان كان سابق ) بشكل لا يحتمل
امتهان المصحف
التبول عليه
كله بالتدريج
بالرااااااااحه
مش حيفاجئك ابدا بتبول جندى امريكي على المصحف. كانت الدنيا قامت و قعدت و قامت تانى و مقعدتش .
دلوقتى بأه : النهارده : بعد العصر : لو سمعنا ان الاقصى اتهدم
بكره مظاهرة في جامعة القاهره و بعده اسكنريه و لامن المركزى يطلع يضرب الشباب اللي لسا بيقول لأ و انتهى الموضوع ...
-احنا بنتجه ان احنا نتعود نضرب على قفانا
في اقسام الشرطه
في الشارع
في مظاهره
-نغتصب
-بناتنا يهانوا و نسكت
-نشوف الحرامى و منقدرش نتكلم احسن نتبهدل
-نشوف الامريكان بيعولوا كل اللي بيعملوه و نسكت و منعرفش حتى نشجب ( اؤكد لسيادتك ان قريبا جدا حتى مش حنشجب . يمكن نضم صوتنا الى صوت كنداليزا و نسب في الفلسطينيين الغلابه )
-نشوف حقنا بيتسرق و نروح نهتف للحرامى احنا بنحبوك و بنحب اللي جابوك
-نشوف الزانى و الزانيه و نشاور عليهم و نقول دول ابطال
ايوه واللهي ده جزء من المسلسل
ايوه احنا بنتغير . مجتمه بينحل
هند و احمد دول اول مسلسل مرعب داخل علينا
و للأسف انتى يتروجى ليه من قبل ما يذاع حتى
و يوم مينتشر و كل بيت يقعد يتفرج عليه حتكونى سيادتك ( و غيرك من اللي بيروجو ليه ) مسؤلين قدام المجتمع و قدام ربنا .
هند و احمد غلطوا
الاتنين
محدش ليه منهم حق
الاتنين لازم يعاقبوا
و يتوقفلهم وقفه
علشان محدش يفكر يعمل زيهم
نحمى المجتمع من الغلط ده
عارفة مين اللي ليه حق و ضاع ؟
المجتمع الغلبان اللي بيشوه بأمثالهم
مع احترامي الشديد لسيادتك ( احترام حقيقي انا مش بتهكم )
على اي حال
اسف للاطاله
لازم ارغع شغلى
البريك خلصت
:)
يالا بااااااااي :)

Posted by: AXE | Thursday, 23 June 2005

انتم بتتكلمو فى ايه اساسا واحد وواحدة غلطو والموضوع قدام المحاكم وخلاص
يا اى حد كتب فى الموضوع مرأة ورجل
خلاص شايفين كل حاجة زى الفل وجايين فى دى الموضوع ا خد اكبر من حجمه جدا جدا جدا
فعلا احنا شعب نيجى فى الهايفة ونتصدر

Posted by: Taher Amin | Friday, 24 June 2005

أنا فعلا يا طاهر أمين شايفة أن أكبر نسبة تعليقات جاءت كانت على الموضوع ده بالذات و مش عرفة ده بيدل على إيه ؟
على العموم واضح أن كثيرون ممن قرأوا لم يفهموا ما قصدت و لن أكرر و أوضح حاجة بقى عشان الموضوع كده بقى يزهق و كل واحد مصمم يفهم وجهة نظرة هو و بس

Posted by: شاهيناز عبد السلام | Friday, 24 June 2005

الاسلام هو الحل

Posted by: mohammd ali | Tuesday, 03 January 2006

فى البداية أشكرك على رأيك فى موقف هند الحناوى
ولكن بعد الحكم فى القضية لصالح أحمد الفيشاوى أرى اننا كصحافيين لابد وأن نأخذ موقفاً اكبر سواء بأقلامنا أو بأى طريقة أخرى . من وجهه نظرى أرى أن تعاطفنا بس مش كفاية .
سواء مع هند أو ابنتها الطفلة المسكينة لينا .
أرجو التواصل وأن لا يكون الحكم الصادر بمثابة نهاية المطاف .
رحاب زين
صحفية بمجلة كل الناس
ومعدة برامج بقناة النيل للمنوعات

Posted by: Rehab Zein | Saturday, 28 January 2006

The comments are closed.