Thursday, 19 August 2010
حكاية مروة والشنكل !
حكاية مروة والشنكل !
فاكرين الفيلم ده بتاع فؤاد المهندس وشويكار؟
أرض النفاق؟ عن رواية ليوسف السباعي الله يرحمه؟
فاكرين اللقطة دي بتاعة عويجة أفندي وحكاية الشنكل؟
لو فاكرين مش ضروري تشوفوا الفيديو خشوا في الموضوع على طول
لو مش فاكرين يبقى ضروري تشوفوا الفيديو الأول !
مروة موظفة حكومة في الإسكندرية
أخدت أجازة علشان تسافر مع جوزها اللي بيشتغل في روسيا
بعد ما أخدت الأجازة وسافرت خلاص إكتشفوا إن طلب الأجازة بتاعها ناقص طابع مهن زراعية بعشرة جنيه
فبعتولها الجواب اللي إنتم شايفينه فوق ده
واللي إستلمته زميلة ليها في الشغل وصديقة ليا
الجواب اللي إنتم شايفينه ده تاني جواب من هذا النوع وربما لن يكون الأخير
شايفين كام موظف همام ماضي عليه وكام ختم وكام تاريخ ؟؟؟
كل ده علشان عشرة جنيه !!!
طب سيبكم من الوقت المهدر علشان يكتبوا ويطبعوا ويمضوا ويختموا جواب زي ده
والتكلفة اللي بتنتج عن ضياع وقت الحكومة في وساخة زي دي
تعالوا نشوف تكلفة ملموسة إندفعت بالفعل من خزانة الحكومة
زي ما إنتم شايفين ده المظروف اللي إنبعت بيه الجواب
طبعا حذفت الإسم والعنوان بتوع مروة
وزي ما إحنا شايفين فيه طابعين فئة جنيه
وطابع فئة ثلاثون قرشا
وطابعين فئة عشرة صاغ
يبقى المجموع إتنين جنيه ونص
ونخللي بالنا إن ده إخطار ثاني يعني فيه إتنين جنيه ونص قبل دول
يبقى المجموع خمسة جنيه
ولو فيه إخطار تالت ها يبقى المجموع سبعة جنيه ونص
أما بقى لو فيه إخطار رابع فيكون المجموع عشرة جنيه للطوابع فقط بالتمام والكمال
وذلك لتحصيل مبلغ عشرة جنيه فقط لاغير
وهو المطلوب إثباته
والكلام ده بتاريخ 2009
مش في الستينات ولا في السبعينات
إيه العبث ده ؟؟؟ دول موظفين عاوزين ربنا يفرجها عليهم ؟؟؟
ده شعب عايز حياته تبقى أحسن ؟؟؟
ودي كانت حكاية مروة والشنكل ... قصدي مروة والطابع
12:18 Posted in صفحات الغلاف | Permalink | Comments (14)
Comments
عجبني الحل الأخير لفؤاد المهندس
هات كل اسم كا واحد مضي علي الورق ده و اسمك علي راسهم و اخصم 400 جنية
Posted by: Abu ghanem | Thursday, 19 August 2010
حكاية عارفينها تمام التمام
و كله كوم و اعتبار ان الامر مرتبط بالضمير كوم تاني
الضمير احيانا لنا يتغابي بيبقي مضحك بصورة يرثي لها
Posted by: ذو النون المصري | Thursday, 19 August 2010
الرحمة من عندك يا رب
Posted by: ah.anwer | Thursday, 19 August 2010
ده طبيعى جداً فى بلد كل واحد بيرمى فيه المسئوليه على التانى و اللجنه تنبثق منها لجنه و بيسموا ده نظام و لما تتكلم يقولوا هوه انت مش بيتحب النظام و انت ليه مستعجل
Posted by: whyme | Friday, 20 August 2010
اعتقد الحكايه لها بعد اهم من اللي شايفه الاخوة المعلقين وايضا الاخ وائل ناشر الموضوع
الا وهو التوثيق
يعني الاخت مروة اذا لم يصلها خبر الخطاب المرسل ومايترتب عليه تكون النتيجه كما هو مذكور اعتبارها منقطعة عن العمل
ولو ارادت ان تشتكي او تتظلم يطلع الخطاب الغريب موضوع المقال ليقطع الطريق على كل من يعترض على البيروقراطية
ولو نظرت للنصف الممتليء من الكوب تجد ان المصلحة الحكومية التي اصدرت هذا الخطاب حريصة على تنفيذ اللوائح وايضا حريصة على مصلحة موظفيها
ولو اعملنا سوء النية لربما اعتبرنا مرسل الخطاب او من اوعز بارساله يريد بالاخت الموظفة اسوا نتيجة لاجازتها وسفرها الى بلاد بره برفقة السيد زوجها (من باب جاتنا نيله في حظنا الهباب) وكفايه عليها روسيا وتسيب لنا الوظيفة ناكلها احنا طبقا للوائح
ودمتم بخير
Posted by: Yasser | Saturday, 21 August 2010
lol ... howa dah el `3aba2 be 3eno
Posted by: BenBaz | Monday, 23 August 2010
حسبي الله ونعم الوكيل في كل من يهدر وينهب ثرواتك يا مصر
ربنا لا تسلط علينا بذنوبنا من لا يخافك ولا يرحمنا
Posted by: mai | Tuesday, 24 August 2010
الموضوع شيق
Posted by: saleh | Saturday, 18 September 2010
هههههههههههههههه جامده ياباشا
Posted by: العرب | Tuesday, 26 October 2010
These kind of articles are always attractive and I am happy to find so many goodpoint here in the post, writing is simply great.
Posted by: comfortable handcuffs | Wednesday, 04 May 2011
.I really look forward for more of that and I want to hear more from you guys.Your informative details really help a lot.
Posted by: free cams mobile | Sunday, 24 July 2011
thanx alot for sharing this post
Posted by: حدوتة مصرية | Wednesday, 07 September 2011
nice .. thaks
Posted by: منتدى اصالة | Sunday, 18 September 2011
نجاح باهر، وكان هذا حقا مقالة جيدة.
Posted by: wood pellet stoves for sale | Monday, 17 October 2011
The comments are closed.