Ok

By continuing your visit to this site, you accept the use of cookies. These ensure the smooth running of our services. Learn more.

Friday, 27 July 2007

فضيحة للوزير بتاع نبض الشارع

فضيحة للوزير بتاع نبض الشارع

في تصويت أجراه موقع وزارة الإتصالات بذات نفسه
إضغط هنا
ثبت باليقين أن وزير الإتصالات لا علاقة له بنبض الشارع كما يزعم
فقد صوت حتى هذه اللحظة 57% من المصوتين على أن النصبة الجديدة لا مستفيد منها الا حيتان شركات الإنترنت
بينما صوت 41% بأن الإختيارات المتاحة كلها لا تصلح
وصوت على أن النفع سيعود على المشتركين أو نبض الشارع شخصين فقط
يبدو أنهما الوزير وبتاع ناترا فقط
-
تحديث
وصلت النسبة الآن إلى رقم قياسي وهو 62% لحيتان الإنترنت
و 36% كل الإختيارات لا تصلح
-
تحديث ثاني
وصلت النسبة الآن إلى 92%
-
ملحوظات هامة
في تصريحات للوزير لتهدئة الأمور قال أن التحجيم سيكون للمشتركين الجدد فقط !!!
وهو ما لا نريده لا للقدام ولا للجدد الذين من حقهم نفس الخدمة
كما أننا نريد بالفعل تخفيض حقيقي للأسعار لأن الوزير دشن كابل فالكون العام الماضي وتأتيه الأجهزة مجانا كمنح فبالتالي يجب أن يخفض الأسعار !!!
كما ان رئيس الجهاز القومي لتنظيم الاتصالات اضفى غموضا على تصريحات الوزير عندما صرح قائلا ما يلي
إنه من حق المشترك أن يستمر فى الحصول على سرعة 256 كيلوبايت/ثانية غير مقيدة بسعة تحميل بالقيمة المتعاقد عليها من قبل حتى نهاية عقده أو التحول إلى نظام الاشتراك الشهرى بمبلغ 45 جنيها مع التقيد بسعة التحميل 2 جيجابايت أو نظام 60 ساعة شهريا أو الباقات الجديدة وسداد قيمة الاستهلاك أو الساعات الزائدة
ممكن بقى حد يفهمنا يعني إيه حتى نهاية عقده
يعني الواحد لما يروح يجدد الإشتراك الشهر الجاي يقولوله بح
ولا إمتى بالضبط
لأن أنا شخصيا مش عارف عقدي ها يخلص إمتى
-
ملحوظة أخرى
إلى جانب أن القرارات الجديدة ستكون بمثابة إنتكاسة للمدونين والصحفيين ومحبي الأفلام والألعاب وكل من يتعامل في أحجام ملفات كبيرة
فهو أيضا إنتكاسة لمطوري المواقع
ولسوق تطوير المواقع في مصر
لأن المعلنين وأصحاب المواقع سيكون من مصلحتهم تقليل كمية الجرافيك والفلاش في مواقعهم حتى يقبل الزوار عليها
وبالتالي سيجبر مطوري المواقع على تحجيم مواهبهم وعدم تطويرها في مجال تطوير المواقع
وسيؤثر ايضا على تامين المواقع وعمل باك آب لها وتحميل الأبديت
لأن كل ما سبق يستهلك باندويدث ليس بالهين
-
وتحجيم الإنترنت في مصر
في جريدة الحياة اللندنية

إضغط هنا

Comments

يا سيدي الفاضل
كلمة بعد نهاية عقدة المقصود بيها كما قالت شركة لنك وغيرها هو التحول الاجباري لنظام ال 45ج المحدود ب 2 جيجا
والعقد مدتة سنة من بداية التعاقد
وعلي ذلك فبعد ان ينتهي تعاقد اي شخص فلن يستطيع تجديد العقد بنفس الشروط السابقة التي هي من حيث الثمن 95 ج وكمية تنزيل غير محدودة ويتحول اجباري الي النظام الجديد
وتحيا مصر وكل المصريين
واسمع كلام استيفان مافيش فايدة عمنا سعد زعلول قالها من زمااااااااااااااان

Posted by: المليونير القادم | Friday, 27 July 2007

ما يحدث تهريج بمعنى الكلمه
كلمة نهاية العقد مطاطيه لإن عقد الإشتراك يتجدد سنويا بشكل تلقائى فهل المقصود بانتهاء العقد هو وقت التجديد السنوى ام ماذا تحديدا؟؟
ثم بالنسبه للمشتركين الجدد .. هم كمان ليهم الحق انهم يستمتعوا بنفس المميزات للنظام القديم والا يكون النظام الجديد اجباريا عليهم
ايه القرف ده
من الواضح ان الحكومه الالكترونيه بتحارب اى فرصه لمعدل نمو استخدام الانترنت فى مصر

Posted by: محمد | Friday, 27 July 2007

انفجرت ثورة العطش بعدما جفت الترع والمستنقعات اللتى كان يشرب منها المئات من شعب مصرررر

يشربون من اقذر الأماكن ولم يعترضو وينفجرو ويثورو الا عندما جفت هذه المصادر القذره اللتى تحمل فى كل جرعة ماء امراض واوبئه يستعصى على الطلب علاجها



وفى اليوم التانى لثوره العطش

حاولت الحكومه بكل الجهد والاجتهاد ان تقتل الثوره بدل من إن تحاول ان تحل المشكله


ولكن تصرفت الحكومه بطريقه المجرم اللذى يحاول بشتى الطرق ان يستر جريمته بعيدا عن عيون الناس والعالم


ولكن ظهرت الحقيقه وظهرت الثوره


ندخل فى لب الموضوع

فى تانى او تالت يوم من الثوره والمشكله متافقمه وتصل الى اقصى الحدود من السخونه


قام السيد الرئيس ومعه صفوة المجتمع وصفوة العسكر والجيش واصحاب الجلاله والسمو

واصحاب الكراسى المتينه


بالجلوس فى دواير وعلى كراسى فخمه على بركه من المياه النظيفه


حمام سباحه كبير جدا ملىء بالمياه العذبه النظيفه مع تأكدى انها تصل الى درجة نظافة المياه المعدنيه نعم بالفعل تصل الى درجة نقاء المياه المعدنيه
عفوا فهو سيادة الرئيس هل تريد ان يلوث النظام والحكومه واصحاب الكراسى المتينه انظارهم بالنظر فى حمام سباحه ملىء بمية الحنفيه الملوثه

لا والف لا


هل سأل نفسه سيادة الرئيس وهو يحتفل مع حاشيته ان منظر بركة السباحه هذه سوف تستفز المواطنين العطاشه

هل سأل نفسه كم المياه الموجوده فى هذه البركه تكفى ان تشبع كم شخص من الغلابه العطاشه اللذين عاشو اكثر من خمس سنين يشربون من مياه الترع والمستنقعات


لن أكثر من الكلام اللذى اعلم انه لن يأتى بفائده مع امثالكم


حسبى الله ونعم الوكيل

حسبى الله ونعم الوكيل

Posted by: 7e7aAa | Friday, 27 July 2007

المقاطعة هى الحل وانا شايف بسم الله ما شاء الله فعلا الشباب متحمس جدا لداجة انا مستغرب ليها وبالفعل وقصاد عينى ناس بدأ توقف أشتراكها وبصراحة أظهروا لى جرأة غير مسبوقة فى مصر... وكمان الأستفتاء صعب الأمور أكثر وأكثر على الوزير... لأول مر نتيجة أستفتاء أشوف فى اختياراته خيار واخد 0%.... أقسم بالله العظيم عمرى ما شفتها وده يدل على قوة القرار الى الشباب واخده ..... ربنا يحميكم يا شباب مصر وان شاء الله معا ضد اى واخد عاوز يخلى البلد ده متخلف او يهمش شعبها اللى هوا سبب عز وكرامة الوطن ده

Posted by: ma7amad | Friday, 27 July 2007

We need to stand against this by cutting down the number of ADSL subscribers to reflect our upset from such decession. for just one time we need to be one hand one unit against those who don't have other than words to say. They are just talking without anykind of action.
We need to tell them that we " ADSL users " are not happy with this. We need to stop funding their pockets with our money.
If everyone started by himself and his friends, we will of course commit them to do what we need.

Posted by: Ahmad | Friday, 27 July 2007

ما حدث لا ينم فقط عن عشوائيه التخطيط أو عدم القدره على ادراك طبيعة الأشياء

بل هو أيضا عوده للوراء وخيانه لرساله
الى البعض الذى يتخد القرارات ثم ينظربفضول عما يمكن ان تؤول اليه ,الى من يستخف بمصير امه من أجل مصالح أفراد,
جهلا أو عمدًا,استكانه أو غطرسةً

الى السيد وزير الاتصالات فى دولتنا المنكوبه
ليست شكوى أملا فى تغيير بل محاوله يائسه لتخفيز ما بقى فى عقلى من قدره على التفكير
لماذا؟
لماذا لأسعار الجديده لخدمه الانترنت فائق السرعه؟
وخاصة الجزء المتعلق بالحد الأقصى للتحميل؟
وانتو مالكو؟
المواطن المصرى الغلبان يا عينى مش كفايه الميه والكهربه كمان عملولوا عداد نت
كمان ال(data) بقت بالكيلو
أياً كانت
فيلماايضاحى ولا اباحى,تدوينه ولا وصفة طبخ, وكأنه قدر علينا ان ننظرللعالم من حولنا من ثقب الباب متلصصين
منبهرين بما فى ايديهم وليس عندنا
مهما كانت سرعتك فأنت لا تستطيع أن تحمل أكثر من 2 جيجابت كحجم قياسى دون ان تدفع تعريفه اضافيه
بحسبه بسيطه فانت ب 95 جنيه قيمه اشتراكك السابق فى سرعة 256 تستطيع ان تحمل 8 جيجابت فقط لاغير
لكم يستفزنى طرح مثل هذا السؤال,كم تساوى 8 جيجا فى شبكة الانترنت التى يزيد حجمها مئات أضعاف هذا الرقم فى جزء من الثانيه
انه تقريبا يساوى 8ساعات من الفيديو الرقمى وانترنت+دى اس ال=مالتيمديا, أى ما جدوى السرعات العاليه التى هى اساس فكرة الحزم العريضه اذا كنت ملزم بحجم معين للتنزيل,انها كمن يزيد اتساع شارع وفى نفس الوقت يحدد عدد السيارات فيه
والمضحك المبكى ان التعريفه الجديده مقدمه على أساس انها تخفيض(نصب×نصب)
وشويه تانيه يقولك اصل النت مش لتحميل الأفلام واحنا عوزينك تستفيد بيه
ياأخى من اداك الحق للوصايه على الطريقه اللى بستفيد بيها من االنت
الخلاصه ان الانترنت فائق السرعه تحول فى دولتنا الناميه الى مجرد ماكينه لجمع الجنيهات(باردوا فائقة السرعه), ومؤامرة لتضييق فضاء لطالما دغدغ أحلاما واربك أطماعاً
وكفانا ادعاءات واهيه بالحرص على خدمه افضل فلسنا وحدنا فى هذا العالم,ومازال لدينا عقول تفكر, ولا معنى لما يحدث سوى الجهل و الجشع
ده مش مجرد (dsl)
دى كرامة بنى ادم

Posted by: أحمد يوسف | Friday, 27 July 2007

إستراتيجية أسعار البرودباند الجديدة تعود بالنفع الاكثر على:
المشتركين 0% | 25
مفدمى خدمات الانترنت 89% | 5684
الفئتين معا 0% | 35
لا يوجد خيار من الاختيارات السابقة 9% | 629
الإجمالي : 6373

Posted by: يساري مصري | Saturday, 28 July 2007

إستراتيجية أسعار البرودباند الجديدة تعود بالنفع الاكثر على:
المشتركين 0% | 25
مفدمى خدمات الانترنت 89% | 5684
الفئتين معا 0% | 35
لا يوجد خيار من الاختيارات السابقة 9% | 629
الإجمالي : 6373

Posted by: يساري مصري | Saturday, 28 July 2007

مهزلة بكل المقاييس
نهاية عقده ايه وهيبل ايه وقرف ايه ؟ هو احنا شكلنا مختومين علي قفانا ؟ دقاين عصافير لاموآخذه
ياريت اللي يقدر يوصل لبرنامج العاشرة مساء لأن القضية دي لازم تتفجر علي المستوى الإعلامي بشكل أكبر
احنا للأسف بنحاربهم بسلاح في ايديهم هما
بنحاربهم عن طريق الانترنت اللي هو اصلا في ايديهم واللي هو محجمينه وممكن نصبح نلاقي المدونة دي مقفولة ببساطة
أرجوكم حد يوصل لأي برنامج فضائي ويفجر القضية

Posted by: د. أشرف حمدي | Saturday, 28 July 2007

اهم حاجة نتحد كلنا في قرارتنا وننفذها كلنا مع بعض
والمراحل كتير بس جاري التأكد من اللي ورا القرارات دي هل هي فعلا امن الدولة ولا الشركات

Posted by: night_light | Saturday, 28 July 2007

يا جماعه أنا شوفت التحديث علي موقع الراجل بتاع نبض الشارع النسبه للرافضين وصلت 90%ولسه
ياريت يآخد بنبض اللامؤاخذه الشارع ومن علي موقعه مش موقع سي وائل بتاع الاخوان ...هاهاها

Posted by: lamia | Saturday, 28 July 2007

اعتقد ان الاستفتاء مش هدفه معرفة اذا كانت الناس راضيه ولا لأ
الاستفتاء هدفه الرئيسى معرفة اذا كانت ااحمله الاعلاميه والبروباجندا لافتكاستهم دى جابت نتيجه ولا لأ
وبالنسبا لينا معناها ان المصرسسن مش راضين عن اللى بيحصل ده
ومش هنسكت
كفايه مسخره بقى

Posted by: Youssef | Sunday, 29 July 2007

I really feel sorry for Egypt . . and I thank God that I live abroad now :(((

I tried to understand why such decisions are made? Why suffocating one of the few positive ways for youth to learn, communicate and stay in touch with the World for few more pennies that go into the pocket of the irrational, immature government, so that the government can waste them like it wasted the privatization monies!! And like it has been on its way to waste the social insurance monies at the crippled Capital Market we have in Egypt.

I dream one day to wake up and find that we found government officials in Egypt who really love Egypt and want to make it a beautiful country . . give it its old dignity and put it back on the world map where it belongs as a dignified, prosperous and a leading nation . .

I hope that happens one day . . 2oulou ya Rab . .

Posted by: Ahmad | Sunday, 29 July 2007

اه نبض الشارع اصل الوزير مهتم بنبض الشارع قوى بس جهاز الضغط بايظ عند الحكومه

Posted by: ضد الظلم | Tuesday, 31 July 2007

نتيجة التصويت

التاريخ : يوليو 25, 2007
إستراتيجية أسعار البرودباند الجديدة تعود بالنفع الاكثر على:
المشتركين 0% | 114
مفدمى خدمات الانترنت 92% | 23113
الفئتين معا 0% | 147
لا يوجد خيار من الاختيارات السابقة 6% | 1495
الإجمالي : 24869

Posted by: Videohat.tv | Tuesday, 31 July 2007

عجبنى التعليق دة على موضوع الانترنت يا ريت تقراه يا وائل فى موقع الجزيرة هنقلة زى ما قريتة
-----------
al waleed
مصرى
مش فاهم يعنى ايه الوصله سرقه ؟؟؟؟؟ أنا باخد خدمه سرعه كذا 24 ساعه فى اليوم و بدفع تمنها أستعملها وحدى أو أشارك فيها حد دى حاجه ترجعلى طالما أنا مش باخد أكتر من اللى دافع تمنه. يعنى أنا لو أشتريت كيلوا برتقال البايع من حقه أنه يشترط عليه أنى أكله و حدى ؟و لو رحت بعت برتقاله لأى حد أبقه حرامى ؟؟؟؟؟ أنا شايف أن الحكومه بس عايزه تتمنظر أدام الدول التانيه أن عندها عدد مشتركين كتير أنما أنها تساعد على انتشار النت و الثقافه فا ده موضوع لا يعنيها فى شىء
--------
و الله احنا بلدنا دى شوية ضلالية

Posted by: محمود | Tuesday, 31 July 2007

يعنى اللى بيخلوهم يغلوا ويسرقوا فى الكل والمياه هى جت على النت
لك الله يا مصر
http://newegyption.blogsome.com/

Posted by: المصرى الجديد | Tuesday, 31 July 2007

يعنى دلوقتى اصحاب السيبرات يقفولها ولا ايه
علشان سيادة الوزير بتاع النبض ده يستريح
اوكى يشغلوا اصحاب السيبرات واحنا نقفلها من الصبح بس وظائف مرموقة مش مرتب 140 جنيه ده اذا كان ال 140 جنيه موجودين اصلا
ده تهريج بمعنى الكلمة والله

Posted by: nana | Thursday, 02 August 2007

de hedia lek ya
http://www.youtube.com/watch?v=gOp1Inz4myY

Posted by: medo mashakel | Thursday, 02 August 2007

يا عم وانتم مالكم العزبة عزبتهم والعبيد موروث من اجدادهم يقفلوا حنفية النت او يفتحهوها انتم ليكم فية والله انتم شعب بيحشر نفسة فى اللى لية فية واللى مالهوش فية
هو يعنى سعادة الباشكاتب بتاع دايرة النت دى جة ازاى ما هم كان قاعد صايع على ترعة مارينا يلعب بالدرة قابلة الواد صاحبة وقريبة الطويل الهايف الواد الوسخ دة ع8ارفينة وقالة تعال اشتغل معايا فى العزبة الجوانية اصلى مسكت ناظرها ومن ساعتها كل ما يجى يشترى الخلاوف يدور على مستلزمات الخروف
فهمتم يا شعب العبيد

Posted by: عبد من العبيد | Thursday, 02 August 2007

خط ال512 بيعمل داون لوود 3 جيجا في اليوم
طيب هتخليها ازاي 4 جيجا في الشهر

Posted by: a6e6s | Friday, 03 August 2007

http://www.almasry-alyoum.com/article.aspx?ArticleID=71006 shoofo el 7'bar da....7asbya allah wa ne3ma el wakeel

Posted by: Noura | Saturday, 04 August 2007

sorry for the way i will post my comment
but the egyptian government already have her foot in our mouth there is no such subscription for internet service in the world i am here in the usa with 50 usd monthly have 5 mega cable which way better than what so called adsl in egypt .
ya nas e7na fi zaman el free internet google akber search company fi madinat sherkethah 3amlet free wifi lelmadinah kolaha ta7'ylo eih eli ya7sal lma madena zay alex or cairo have free wifi me3'teha kolha
http://sfgate.com/cgi-bin/article.cgi?f=/c/a/2005/10/01/MNGG9F16KG1.DTL
http://www.foxnews.com/story/0,2933,208811,00.html
ya nas 7ram 7ata elnet 2rfenah fieh , we slook eih we shabkat baien elbyot eih maho kol elnas 3amlah hena wifi networks benhah we ben geranha byl3bly xbox walah share el service dah ta7'lof eli e7nah fieh dah

Posted by: haitham | Monday, 06 August 2007

السلام عليكم ورحمة الله وبركاتة
الصور بتاعة الولد اللى اتقتل فى قسم الشرطة صعبة اوى يا وائل صعبة بجد حسبى الله ونعم الوكيل فيهم هما نسيوا ربنا للدرجة دى ومبقاش فية احساس انت متاكد ان اللى شغالين فى القسم دول بنى ادمين وعندهم احساس دول ولاد زوانى ومش ممكن يكونوا ولاد ناس حتى دول ولاد كلب والله حسبى الله ونعم الوكيل فيهم وفى كل ظالم بجداية اللى بيحصل دة عارف لة فيهم واحد بيتعاقب بما يرضى الله محدش يقدر يعمل تانى اى حاجة بس هنقول اية تحيا جمهورية مصر العربية يا اخى

Posted by: ام كريم | Saturday, 18 August 2007

The comments are closed.