الوعي المصري

عزيزى وائل...اتمنى لك ان شاء الله اجازة سعيده و تقدر تحقق فيها ان شاء الله اللى تتمناه...اولا انا باحى عملك لانه اولا مميز و متخصص ...بمعنى انك صاحب تخصص الان بكشف فساد جهاز الشرطه العقيم ...و لى احب اسميهم زبانية جهنم...يا اخى الواحد هنا فى انجلترا بيشوف رجل الشرطه فى مكان ما بيحس بالاطمئنان ...لانه بيقوم بواجبه صح و هو توفير الامن للمواطن لكن فى بلدنا للاسف الواحد كان بيشوف راجل الشرطه يهرب من المكان علشان يتفادى اى اذيه...المهم انا ح اختلف معاك فى نقطه و احده و الاختلاف فى الرأ ى احيانا مفيد لاننا بنقدر نشوف و جهات نظر مختلفه...انا اعارض اى مدونه تهاجم الاديان سواء كان دين يهودى او مسيحى او اسلامى...لان الاديان و العقائد هى مفتاح العن من مفتاح الفساد ...مفتاح ممكن يؤدى الى حرب اهليه...و على فمكره حصلت فى مصر عندنا مره سنة 1981 فى عهد السادات و كانت تسمى احداث الزاويه الحمرا...لكن طبعا اى مدونه لكشف نظام السئ للحكم اؤيدك لاننا كلنا نتمنى اننا ننتمى لبلد فى اجمل صوره...و اخيرا مع تحياتى و اتمنى انك تفهمنى صح مع مدونات اظهار الفساد و ليس مع مدونات السب و للعن فى معتقدات الناس ينتموا لاى ديانه...و على فكره لا انا اخوانجى و لا انتمى للاى جماعه انا انسان مصر مسلم مستقل و عادى جدا

Posted by: محمد رفاعى | Saturday, 27 January 2007

مساء الفل ياوائل، أتمنالك كل الراحة والسعادة في أجازتك الإختيارية دي واللي صحيح حاتحرمنا من وجودك ونشاطاتك اللي أصبحت مهمة جداً بالنسبة لناس كتير، بس نتمنى ترجعلنا أحسن وأقوى وأكثر نشاطاً وفعالية.

بس انا عندي تحفظات على الأجازة دي، إنت شايف ان ده هو الوقت المناسب عشان تقوم بأجازة وتبطل التدوين، يعني في عز أزمة فيديوهات التعذيب اللي انت كنت سبب رئيسي في إثارتها؟ وفي عز معمعمة محاكمات الضباط واللي من وجهة نظري محتاجة حشد زخم المعارضة بكل قوتها وراها؟

يعني كان ممكن تهدي شوية، بس مش لدرجة أجازة يعني، خاصةً انت ماقلتلناش الأجازة دي مدتها قد إيه ولا حاترجعلنا إمتى، بعدين ماقلتلناش نطمن عليك ازاي؟ ازاي نطمن عليك انك ماتقبضش عليك وانك بخير؟ هل انت حاتفضل على اتصال بعلاء ومالك وبقية الناس بحيث لو حصلك حاجة لاقدر الله نعرف كلنا وبتنشر الخبر؟

عموماً، انشالله تكون بكل خير وتفضل في خير وصحة طول الوقت وترجعلنا بألف سلامة يابطل.

أجازة سعيدة انشاء الله

Posted by: الأغلبية الصامتة | Saturday, 27 January 2007

السيد العزيز محمد رفاعي

معك كل الحق لقد عشت في بريطانيا لفترة من حياتي وأشهد أن ماتقوله عن رجل الشرطة هناك حقيقي وواقعي، في الواقع أني لم أشعر في أي بلد ذهبت إليه وقد زرت بلاداً كثيرة مابين أوروبية وعربية وشرق أوسطية، زرت على سبيل المثال تركيا، والمجر وفرنسا وألمانيا وغيرهم ولم أشعر قط بهذا الشعور الذي ينتابني وكثير من المواطنين عندما يروا رجل الشرطة. في الحقيقة إن كشف غموض كثير من القضايا وإحباط كثير من العمليات الإرهابية في بريطانيا يتم عن طريق تعاون المواطنين وبلاغاتهم عن كل مايثير الريبة حولهم وهذا يدل على العلاقة الطيبة بين الشرطة والشعب.

أتذكر عندما كنت في بريطانيا منظر رجل الشرطة - ومعظم الأحيان يقفون كل اثنين مع بعض - يقف في منتهى النظافة والشياكة بزيه المحترم وأسلوبه الحضاري الإنساني، وكم من مرة تحدثت مع أحدهم لسؤال عن مكان أو جهة وكانوا في منتهى اللطف والتهذيب. فأين هذا مما يحدث في بلادنا حيث القطيعة شبه الكاملة بين رجال الشرطة وباقي أفراد الشعب. عندما تحدث جريمة ما، يجلس المواطنون يشاهدون مايحدث بين الشرطة والمجرمين كما يتفرجون على فيلم توم وجيري في انتظار انتصار المجرم وهربه من الشرطة كما يفعل جيري. لقد أصبح تصيد الأخطاء وعدم الثقة هما الأساس في التعامل بين الشرطة والشعب.

أما بخصوص موضوع قبول أو عدم قبول المدونات التي تسيء للأديان، فأنا أتفق معك تماماً على عدم قبولي لإهانة أي دين أو رموزه أياً ماكان هذا الدين أو المعتقد ولكن المصيبة أن مثل هذه التهم تتخذ ذرائع من قبل الأمن لإسكات الناس عموماً واستغلال تهورهم وعدم خبرتهم. وإلا قل لي ياسيدي، لماذا يحاكم طالب جامعة لازال صغيراً وقد نفهم تهور أرائه وأفكاره إلى حد ما، ولا يحاكم رجل ناضج كبير المفترض فيه أنه يعلم جيداً مايفعل مثل الدكتور محمد عودة الذي أهان الدين المسيحي والمسيحيين بل وأثار حفيظة البلد كلها باستعارته مقولات وآراء قديمة مما يهدد الأمن والسلم الوطني؟ ولماذا قامت الدنيا ولم تقعد عندما فعلها بابا الفاتيكان باقتباس مماثل عن الإسلام وتحرك الأزهر والحكومة المصرية وهيئات أخرى كثيرة لإدانة البابا ولازالت تبعات هذا الغضب تتوالى حتى الآن؟

قل لي بالله عليك، ألم يبدأ النظام في مصر بازدراء الأديان من جانبها بكل هذه الإهانات التي وجهتها للبهائية والبهائيين ومنعهم من كتابة ديانتهم الحقيقية في خانة الديانة بالبطاقة الشخصية؟ ألم تقم بازدراء دين طائفة من المصريين - حتى لو كانوا فقط 200 فرد - عندما اتهمتهم بالعمالة واستعانت بشيوخ وقساوسة للهجوم على هذا الدين ورموزه؟

أنا والحمد لله مسلم مصري ولاأؤمن بالبهائية ولاغيرها من الديانات والمعتقدات ولكني أؤمن بأن العدالة تقتضي أن تحمي الدولة جميع الأديان والمذاهب والمعتقدات التي يقدسها أي إنسان حتى لو كان فرداً واحداً.

Posted by: الأغلبية الصامتة | Saturday, 27 January 2007

أجازة في وقتها ياوائل

التوقيت ممتاز ولو بطلت تكتب خالص ماحدش هايلومك لأن كل الناس اللي بتهللك دلوقتي هايسبوك تواجه كلاب الشرطة المسعورة لوحدك وماحدش هايساعدك والأمثلة كتير - أيمن نور مثلا بعد التزوير العلني للانتخابات حصل على نص مليون صوت وللأسف أن ماحدش منهم أتحرك لنجدته
لكن رجاء لاتغلق المدونة أتركها مفتوحة للتعليقات اللي بتسم بدن الخولات اللي مطلعين دين أم الشعب
أجازة سعيدة

Posted by: اللورد | Saturday, 27 January 2007

السلام عليكم
لا تخف يا وائل, واذا كنت في اجازة وقد ابتعدت عن التدوين فتأكد ان كل مدون هو وائل عباس ووائل عباس حي في كل مدونة وفي كل ادراج يكشف الفساد ويفضح المفسدين, خلينا نشوفك
محمد العرب

Posted by: محمد العرب | Saturday, 27 January 2007

أقترح يكون فيه مدونة ليك يا وائل بعيد عن المدونة الصحفية "الوعي المصري"، بس واضح انك محتاج اعادة ترتيب اوراقك، وتاخد راحة
ربنا يوفقك في اي حال يا استاذ

Posted by: Abdou Basha | Saturday, 27 January 2007

يا عم مش طب تقول راجع امتي .... يعني نقلق بعد اد ايه .... علي كلا ربنا يوفقك و تعرف تظبط المتلخبط ... مع اني شايف انك انت الحاجه الوحيده المظبطه في البلد دي

Posted by: واحد من جماهير وائل عباس | Saturday, 27 January 2007

عزيزي وائل انت بصراحه عندك جراه تحسد عليها كما اننا نشعر ان لديك و طنيه ايضا لا تحسد عليها لاننا كلنا مصريين وطنيين نريد الحقيقه فقط نريد ان نعلم الي اين المصير بصراحه اول مره اشاهد هذه الفديوهات اصيبت بزعر فظيع مما تحتويه وشاهدها جميع اصدقائي هنا في اوروبا تصدق لو قلت ليك ان معظمهم قرفان اخر ارف مما شا هدوه صدقني انت شاب من الشباب الصادقين و الذين يريدون لمصرنا الحبيبه كل خير استمر ولا تخف من شيء نحن في بلد القانون فقط هو المنصف لنا و لو راح قول علي مصر السلام مع تمنياتنا القلبيه للك باجازه سعيده رغم ان الدخول علي موقعك اصبح بالنسبه لنا هنا عاده يوميه وماتتاخرش ربنا معاك

Posted by: المواطن مصري | Saturday, 27 January 2007

السلام عليكم
وائل عباس يارب تكون بخير فعلا لما التدوين بيشغل الواحد بياكل نص الوقت ولازم بقى تتابع اخبار البلد عشان مواضعيك النارية غير الملفات الحصري اللى عندك
عموما ربنا يوفقك واجازاة سعيدة

Posted by: كــــــــــــــــازانــــــــــــوفــــــــــــــا | Sunday, 28 January 2007

الله يبارك لك يا وائل ويوفقك ويحميك لمصر - اوعى يخوفك حد من الداخلية وما يصيبنا الا ما كتب الله لنا والي مكتوب على الجبين لازم تشوفه العين وانا حاسس انك ليك مستقبل كبير اوي في مصر هما بيحاولوا يهياوا لك انك مش حتوصله بس انا شايفك حاجة كبيرة اوي لانك الوحيد الي اتكلم علني وقال الحق وصدقني حتوصل للي انت عايزه واكتر وحتقول حسام قال والاجازة فكرة كويسة عشان تغيير وتطويير الافكار وطريقة التعبير وكل حاجة دي فكرة كويسة مش وحشة حتى لو كانت غصب عنك دي حتقويك مش حتضعفك وربنا يوفق الجميع

Posted by: حسام المصري | Sunday, 28 January 2007

لابد من ان يكون الشعب فقيرا .فالفقراء يدخلون الجنة اولان من حق كل واطن ان يشتكينى ولاكن من حقى ان اسجنة لابد من تطبيق جميع انواع السياسات الشيوعية والديمقراطية والاسلامية والعلمانى عشان متقلوش
ياولاد الحلال انى حارمكم من حاجة

Posted by: الشرقاوى | Sunday, 28 January 2007

رينا يحميك
ماتغبش علينا ، و ابقى طمنا عليك كل فترى كدة عشان نبقى مكمنين ان ماتقبضش عليك
...و مش انت الى احوالك متلغبطة و عايزة تتظبط لا
احنا الى محتاجين نظبط احوالنا

Posted by: رشا | Sunday, 28 January 2007

غور في ستين داهية

Posted by: واحد مستغرب | Sunday, 28 January 2007

نرجو تشريفنا
www.blogs4arab.com

Posted by: www.blogs4arab.com | Monday, 29 January 2007

و الله اللى بيحصل دة مسخرة
مين وائل ؟ ومدونة اية ؟ ووطنية مين
انتم بتتكلموا على اية و اية لعب العيال اللى بيحصل دة , انا حسيت لما دخلت الموقع ان الناس اللى هنا من كفر طمبشة من الصعيد الجوانى ههههههههههههههههههههه ناس غريبة اكنهم اول مرة يشوفوا و يسمعوا عن فضايح نظام عربى سياسى و حكومة حرامية و ناس هبيشة الخ الخ الخ
مش فاهمة اكن الراجل اللى اسمة وائل دة اكتشف اخر نظرية مجهولة لأينشتين
لأ و هو مصدق وواخد اجازة و عايش الدور مهم بقى الراجل بفى زى دكتور زويل
برضة هو عندة حق انا بسمع ان الحالة فى مصر بقيت صعبة شبابنا بيعانى من الخنفة و الكتمة و نفسهم يفضفضوا و مافيش جواز و البنات لا بسين من غير هدوم و كل المثل العليا فشنك و شعب غلبان مضروب على قفاة بمزاجة و الناس الكبار كبار و سايبين وائل يبرطع بمزاجهم برضة ,ووائل برضة مازال يخاطب جماعة كفر طمبشة و النجوع المجاورة
ايةةةةةةةةةةةةةةةةةةةةةةةةةةةةةةةةةةةةةةةةةةةةةة دة
مسرحية بجد فانى فانى
ياسى وائل ارحم نفسك يا بنى سيب الناس فى حالها هما فى حالة و طنية هبلة دلوقتى و انت بصراحة مستغل الموضوع على الأخر
انا متأكدة ان لما يكون عندك فيلا فى شرم زى الوزير الفلانى ولا عربية زى بتاعة الواد كوكى ابن عضو مجلس الشعب الفلانى ولا والدك حرامى بنوك ولا ها تدون الهجس دة ولا ها تعبر ام الشعب دة من اصلة ههههههههههههههههههههههههه
و بعدين اى موقع بلوتوث هاتلاقى فية حاجات زى اللى هنا و اجمد كمان
و بعدين الباشوات ظباط الشرطة من زمان على كدة ثم أحلقققققققققققققققققق شنبك وشنبات رجالة مصر كلها لو السيد الوزير استقال علشان اللى انت بتعرضة دة ههههههههههههههه مش قادرة خلاص
يا ابنى انت فى مصررررررررررررر
الناس مبسوطة و الشعب سعيد و بيأكل و بيخلف شعب مطنش بمزاجة و بيبيع اصواتة فى الأنتخابات و عندة فيروس سى شعب يجيب الضغط و السكر الله يكون فى عون الحكومة منهم
انت بقى كفاياك تهريج دة انت تلاقيك طول مانت ماشى فى الشارع بتلعن ابو الشعب و بتشتم فى سواق التاكسى اللى عاوز اكتر من حقة و فى الدكتور اللى مولع التسعيرة وفى الموظفين اللى فى المصالح الحكومية اللى يخلوك عاوز تضربهم بالجذمة و الناس اللى فاضحينا مع الأجانب و بينصبوا عليهم الخ الخ الخ من الفئات المشرفة الحمد لله
فا صدقنى ربنا بيبنلى الناس على قد اعمالهم تعالىىىىىىىىىىىىىىىىى شوف الشعوب اللى بجد شوف الناس اللى عندهم رحمة و بيراعوا الفقير و ما يعرفوش ينصبوا ولا يغشوا تقدر تبقى عيان و تدخل على مستشفى هنا فى امريكا و ما حدش يستفبلك ولا يقولولك لا روح بيع امك وا ختك الأول و ادفع التأمين و يسيبوك تموت زى الكلب على الباب و برضة مش هاتدخل
تقدر تروح تشترى حاجة و يطلع فيها عيب و تطلب ترجعها و المحل يقولك لأ
يقدر حد يبيعلك حاجة اغلى من التسعيرة
شعبببببببببببببببببببببببببببببب شعب
احنا نغير الشعب مش الحكومة
الحكومة لو كانت لقيت الشعب محترم كانت احترمتة
اسكت بقى خلينى ساكتةةةةةةةةةةةةةةةةة
انت كدة فكر وانت ماشى كل يوم فى الشارع و بص على الناس و اللى بيعملوة
هاتعرف ان الريس عندةةةةةةةةةةةةةةةةةةةةةةة حق
وربنا معاك فى الهجس المستمر اللى بيحصل هنا انت و الأخوة المكافحين فى سيبل يوم التحرير العظيم

ملحوظة: انا متاكدة ان ايمن نور بيلعن اليوم الأسود اللى عمل فية كدة و بيقول ما كنت مستريح و كان عندى كام ارنب و الأشية معدن
و السلام عليكم

Posted by: Mariam | Monday, 29 January 2007

يا وائل .. يا جماعة .. اتمنى ان تكونوا قد سمعتم عن مسلسل مسجد صغير فى البرارى .. المسلسل عمل ضجة عالمية .. المسلسل و تعلسقات الميديا كله موجود على الإنترنت

نرجو الإطلاع

http://video.google.ca/videosearch?q=little+mosque+on+the+Prairie+

اخوكم فرى

Posted by: فرى | Monday, 29 January 2007

هايل هايل هايل ياأخت مريم، الحقيقة انا مش عارف احييكي على إيه ولا إيه ولا إيه؟ على الروح الإنهزامية اللي عندك ولا على أسلوب تكسير المقاديف اللي بتستخدميه ولا على روحك المرحة في غير موضعها ولا على السلبية اللي بترعى في كل كلامك ولا - وهو ده المهم - روح الشماتة اللي حضرتك بتتمتعي بيها.

يعني مش كفاية ربنا فاتحها عليكي وعايشة في بلاد بتحترم الفرد وحقوقه، وبدل ماتستغلي الفرصة دي وتحاولي تساعدي ولاد بلدك وأهلك، نازلة شماتة فيهم ومعايرتم بفقرهم وجهلهم وأحوالهم السيئة والمطالبة بتغييرهم مع استحضار كل الأعذار للحكومة والنظام الديكتاتوري اللي كان السبب في كل البلاوي دي.

إيه يابنتي ده، دي حاجة تفرح بصحيح، ماتحاسبي شوية لاحسن الوطنية والإنسانية بيشروا من كلامك من كتر ماهم مرطرطين جواكي. ياستي الله الغني عنك وعن وطنيتك الطاغية دي وإنسانيتك الفظيعة التي لايمكن تجاهلها.

يعني مش عيب لما الأجانب اللي اسمهم أجانب ولا يمتوا للبلد ده ولا للشعب ده يكونوا فاهمين ومتعاطفين، وولاد البلد - اللي المفروض ان حضرتك منهم - تبقى شمتانة فيه بالشكل ده.

ألله الغني عن موجات الشماتة والقبح الإنساني اللي حضرتك بتبثيهالنا مش عارف من آني باب في حي سوهو أو ساندوني أو من جنب عصابات الكاوبوي. حلي عنا انت واللي زيك، مانتوا مش محسوبين مصريين أساساً، انتوا بس بالإسم مصريين.

المصريين هما اللي حتى في غربتهم - وقابلت منهم كتيرفي معظم بلاد الدنيا اللي رحتها - بيبقوا عايشين في أي مكان وشايلين مصر جوة قلبهم ومابيبطلوش تفكير بأوجاع الشعب وآلامه حتى وهما بيعملوا كروزنج على نهر التايمز، أو طالعين رحلة لشلالات نياجارا.

خليكي انتي في الديسكوهات والبابات والفاني بلايز اللي بتتفرجي عليها من بعيد، وحلي عنا ألله يعفى عنك

Posted by: الأغلبية الصامتة | Monday, 29 January 2007

where are u?what u meen with u take rest.???

Posted by: 4444 | Monday, 29 January 2007

جتك نيلة وين ماتروح

Posted by: مارسيل | Tuesday, 30 January 2007

طبعا انا توقعت ان فية حد ها يرد بالطريقة الهبلة اللى الأستاذ الأغلبية المكتومة رد بيها عليا
المشكلة السودة الحزينة ان لما حد بيقول الحقيقة على طوللللللللل
تلاقى ناس متخصصين ضرب نار يردوا
ويتهموك بالخيانة و تسثقط الديكتاتورية و يغنوا ظلموة الخ الخ
معلش بقى انت اللى حل عن نفوخى
و بعدين ديسكوهات اية و كلام فاضى اية تعرف اية انت عن اللى احنا بنعملة هنا
تعرف انت اية عن الحملات اللى احنا بنعملها هنا و التبرعات اللى بنجمعها
تعرف انت اية عن المؤتمرات اللى على طول بنعملها وحوارات الأديان اللى
بنظمها
السنة اللى فاتت بس باعتين لمستشقى سرطان الأطفال فوق ال 70 الف دولار
ديسكوهات اية بس و شماتة اية بسسسسسسسسسسسسسسس
و بعدين سلوكيات الشعب مش ناتجة عن تصرفات الحكومة يا ابو جهل
يعنى لو الحكومة وحشة خلاص نشجع المواطنين على السرقة و الرشوة و النصب
و بعدين نقول اصل الحكومة شريرة
ارجع كدة كام كتير سنة و شوف الشعب المصرى ايام الملكية
كنا محكومبن بالنار بس كنا شعب محترم شعب مثقف
الفلاحين رغم انهم كانوا زى العبيد بس كان عندهم و عى و قيم
شوف الشارع المصرى ايامها كان قد اية مثقف ووطنى
شعب اية بقى اللى انت بتتكلم علية
مافيش حد نزل مصر خلال ال10 سنين اللى فاتت الا و اتنصب علية
مافيش اجانب من اللى اعرفهم نزلوا مصر الا و حلفوا ما هم راجعبن تانى
الناس بقيت بتأكل فى بعض و ماعندهاش لا رحمة ولا امانة
الا من رحم ربى
يبقى ما تزعلش بقى لما ربنا يسلط علينا حاكم و حاشية ظالمة لا يغير الله ما بقوم يا باشا
هههههههههههههههههخخخخخخخ
و بعدين اية استحضار الأعذار للنظام الديكتاتورى دة
هههههههههخخخ
ما بلاش الكلام الكبير دة بجد مهزلة و القبح الأنسانى و كروزنج و نياجرا
دى مشكلتنا احنا شعب بق و بس و اول ما بحصل حاجة نجرىىىىى
و انت اولهم
كويسة المظاهرات اللى بتحصل تمام ما قولناش حاجة عيال جدعة و مخنوقة
طب و بعدين
ها تفرح انت و تعيش دور الوطنية لما يتمسكوا و يتبهدلوا
لما الستات تنضرب فى افسام الشرطة
و اهاليهم يتبهدلوا وراهم و ياريتو بفايدة
قولى بقى سلبية
انشاء الله لما بنتك ولا مراتك يحصلها كدة
ها تقول وانا مالى ووطنية اية دة انا غلبانننننننن
الأحزاب الكبيرة يا باشا اللى فيها ناس ليها وزنهم وسط الشعب
اتجمدت حساباتهم و اموالهم
سيادتك بقى عاوز الراجل الغلبان اللى طفح الكوتة علشان يدخل ابنة الجامعه و يعلمة
يبقى و طنى ويضحى بأبنة فى الهبل اللى بيحصل
ما تسيب انت و اللى اسمة وائل دة الناس فى حالها
و بلاش هجس و هبل
انزل كدة حى زى شبرا فى القاهرة و قول الكلام دة
الناس هاتأكلك و تقولك
حل عنا يا عم و سيبنا فى حالنا
فكرك انت الناس الناسسسسسسسسسسس الشعب
يهمة الهجس اللى انتو بتعملوة
احنا 75 مليون يا باشا
ناس بتأكل الظلط علشان تعيش و فرحانين برضة
و بيتجوزوا و بيخلفوا
روحوا بقى انتو دوروا على حاجة مفيدة تعملوها بدل مانتو قاعدين
و على فكرة البلد المحترمة اللى انا عايشة فيها بتحترم الفرد و حقوقة لما لقيوا الفرد بيحترم حقوق البلد اللى عايش فيها
مافيش حد بيخاف على مصر كلة عاوز يعيش و بس على حساب التانى
لو شعبنا كان عاوز الحكومة تحترمة كان حب بلدة و احترمها
كان احترم جارة
كان احترم الشارع اللى بيرمى فية الزبالة من البلكونات
كان احترم النيل اللى بيحموا فية الحمير
كانوا اتقوا اللة فى نفسهم و اتوكلوا على الله بدل التواكل اللى احنا فية
و لما بيكون فية ناس متواكلة و سلبية ومش هامهم الا نفسهم و بس
الناس الكويسة بيتأخدوا بذنبهم علشان هما كمان ساكتين و بقوا متواكلين
لا حكوماتنا ها تتغير وحتى لو اتغيرت اللى ها ييجى ها يبقى زى اللى راح علشان
ما فيش حد بقى عاوز يدى
كلة عاوز يأخد حتة
كلنا عاوزين ناخد حتة و نسينا نفكر
طب احنا ها ندى اية
ولااااااااااااااااااااا حاجة
ولا شعبنا ها يتغير لو مسك ريس تانى
ولا الريس اللى ها ييجى ها يكون احسن من اللى راح
وكلة فى الهجايس و الناس برضة عايشة وانتم اللى
تاعبين قلبكم
و بطلوا بقى كلام فاضى
و يلا ماشى خلى اللى اسمة المدون دة يأخد و قتة و يهجس زى ماهو عاوز
ماهو برضة بنى ادم و كان نفسة يثبت نفسة
زى ملايين البنى ادمين اللى فى بلادنا العربية
خلوة يلعب شوبة بلا حبة من نفسة يمكن يتشهر و يطلعلوا بكام الف
شفت كلة بيدور يأكل منين
ما فيش حد بيعمل حاجة من قلبة لله
يا منافق
ههههههههههههههههههههههههههههههههههه
الحمد لله احنا هنا طالع عينينا علشان نربى و لادنا يحبوا مصر و مصر هى امى
و بنشتغل زى النحل و بنتفى الله
و بندى الفقير حقة
و بنفكر ندى لمصر ازاى مش ناخد
خللى اللى فى القلب فى القلب
و اللى ما يعرفش يقول مدون ووطنية
و سلملى عالبتنجان

Posted by: Mariam | Tuesday, 30 January 2007

طيب كويس..الحمد لله يا وائل انك طمنتنا عليك أحسن كنا بدأنا بجد نقلق. يالا متتأخرش علينا عشان فعلا الواحد اتعود يبص عالمدونة بتاعتك كل يوم..وطمنا عليك برضو متقطعش الجوابات.
...آه وبالنسبة للأخت مريم..يا ريت تخليكي في نفسك أحسن والشعب مش محتاج الزكاة بتاعتك اللي بتفعيها عشان تخشي الجنة على حساب الفقرا واستغلالهم عشان تلمس شوية ثواب..الشعب محتاج لوائل واللي زيو اللي بيدافعو عن حقوقو مش بيرمولو حسنة ويمشوا

Posted by: Hind | Tuesday, 30 January 2007

نعم السلطة هي سبب المصائب

زمان كنا بنصرف على التعليم وبنهتم به جداً وكانت النتيجة معروفة من مطالبة بالحق وجدية وللأسف السلطة قرأت التاريخ وفعلت ماهو أسوأ على الأطلاق في حرمان الشعب من التعليم الحقيقي
أننا وبتوجيهات السيد الحمار أصبحنا الشعب الوحيد في العالم الذي تبلغ نسبة الأميين به اكتر من ستين بالمائة والباقي أنصاف جهله
أحنا بنصرف ببذخ على الجيش والشرطة
خلينا في الشرطة والتطور اللي حاصل فيها مثلا هل الاعترافات يتم الحصول عليها بأساليب علمية تعتمد على ذكاء ومهنية المحقق أو الضرب وقلة الأدب والتعليق والنفخ والأغتصاب والتهديد بهتك عرض الزوجة والابنة والعصايا المبرية
للأسف الشعب والناس تتحمل المسئولية لسكوتها على هذا الفساد الصارخ لكن المسئولية الأكبر هي من نصيب السلطة اللي أضاعت مستقبلنا ومستقبل آبائنا واذا بدأنا التصحيح اليوم فالنتائج ستكون بعد تلاتين سنة على الأقل يعن ذنب أولادنا وأحفادنا في رقابتهم أيضا

Posted by: اللورد | Tuesday, 30 January 2007

للاسف للاسف يا مريم كلامك فيه نسبه كبيره صح بس المكتوب مكتوب و مصر حتفضل غاليه عليا و بلادي بلادي وشويه هجص و برده بحب مصر و كده يعني ولازم نحاول و بلاش ياس و مع اني مش عاجبني حاجات كتيره في وائل لكنه شجاع يمكن لو كان من اهالي فيلات نجع مارينا كان مانطقش لكن احنا لينا الواقع و الظاهر
ياريت يا جدعان كفايه قلت ادب و شتايم عايز تهاجم حد هاجم رايه و كلامه مش شخصه و بلاش كلام جارح

صوره البنت اللي انت ناشرها يا عم وائل و لابسه علم السعوديه علي دماغها انا لاحظت انك منتقدها في مدونه قديمه و ده عظيم بس ما كانش فيه سبب لاعاده نشرها اتمني انك تشيلها لانها بتقلل من مدونتك مش حتزود

Posted by: mohamed bakeer | Tuesday, 30 January 2007

يا جدعان الفئه اللي انتو بتتكلمو عليها دي من ضباط الشرطه ماتعديش 5 % والله يا جدعان اغلبيه الضباط طلعان عينيهم فو ما تتصوروا و بيتخرج الف ضابط من الكليه كل سنه بعد عشر سنين تلاقو 500 او اقل بس في الخدمه ليه؟؟؟

Posted by: mohamed bakeer | Tuesday, 30 January 2007

اولا اجازة سعيد يا وائل ، بس متتاخرش علينا
ثانيا . اللي الاستاذ عبقرينوا اللي كان بيقول اننا من كفر معرفش ايه ، من حقك الاعتراض علي اي حاجه مش عجباك لكن " بــــأدب "

Posted by: المواطن مصري | Wednesday, 31 January 2007

omak sharmota ya wael.....ebin elbalad

Posted by: 4444 | Wednesday, 31 January 2007

روح يا شيخ ربنا يفضحهم كمان وكمان وسلملى على المهلبيه اسف ( الديمقراطيه)

Posted by: kojac | Thursday, 01 February 2007

مش كدة يا مريم, صحيح ان الفساد لم يكتشف على يد المدونين, ولكن التدوين قوة تتعاظم يوما بعد يوم, حتى ان جهات محترمة اعلامية وسياسية دعتها بالصحافة البديلة, والتي حركت جماهير وفضحت نظم وفساد في شتى انحاء العالم.
وائل لا يفعل ما يفعله من اجل ما تفضلت به, وانما يفعل ذلك من اجل حق المصريين بمعرفة ما يدور على ارض مصر.
ليس الحل ان نسكت, او نهرب او ان نغض البصر عن الفساد, الحل الحقيقي هو ان نفضح الفساد وان نقدم للعامة وعيا حقيقيا لا تحكمه جهة ما او سلطة ما, وانما مواطن عادي, ووائل عباس خير من اثبت نفسه بنفسه في هذا المضمار وقدم لمصريين الوعي المصري

Posted by: محمد العرب | Thursday, 01 February 2007

اطلق حسنى مبارك كلابة كى تقض مضاجع المصريين.. فلا شعب هرب بجلدة و لا قضاة و محامين قدروا يهربو من التعذيب.. و ليعلم حسنى مبارك و كلبة الامين ان الزمن لا يدوم و سوف ياتى اليوم يعلقون فية فى المشانق مثل صدام و لكن صدام مات بطل و هم سيموتون كالكلاب...

Posted by: على(اسم غلط احسن يقبضوا عليا | Thursday, 01 February 2007

قرات قصة عن ابو العباس السفاح و لكن القصة التى اعايشها اروع الف مرة انها قصة ابو جمال السفاح الذى يقتل و يعتقل و يعذب اكثر من سبعين مليون... مسكين شعب مصر.. و انا منهم كنا نستحق حياة كريمة و لكن .. ان شاء اللة الفجر ها يطلع..

Posted by: ابو جمال السفاح | Thursday, 01 February 2007

Ana mesh fahem ya okht maryam enti eih eli meza3alek?
Ma howa 7or ( I mean Wael ).
El Internet fiha million sites, law el site dah mesh 3agebek ma tedkholihoush...mesh bas keda..dah enti momken teshteri bernameg parental control law ay bani adam 7awel yefta7oh men el computer beta3ek ma yefta7esh.
Ana me3aki en el sha3b bey3mel 7agat ketir mesh sa7...men demn el 7agat eli enti oltiha...bas enti law fahema el democracy beta3et el balad eli enti fiha dih eli bete2ouli enaha bete7terem el sha3b..konti tefhami kewayes en eli katabtih le wa2el dah..wala 3an ay 7ad olti esmoh ded absat mabade2 el democracy...ma eli yekteb yekteb...enti eih wageh e3teradek..w akid tab3an law wa7ed 7arami zay ma enti bete2ouli mesh hayhtam le 2en el 7arami beykoun faqad el waze3..sawa2 waze3 dini aw men damiroh ..enoh ye2oul 3al ghalat ghalat..beykoun ta7awal le 3adad..counter bey3ed 3amal felous ad eih...

e7na momken badal ma ne2adiha entekadat...zay 3eshash el ferakh aw egtema3at game3et el dewal..kol wa7ed yefakar nesala7 ezay...w enti law mabsouta men el 7ekouma...zay ma akid fih nas mabsoutin..7a2ek te3abari 3an keda..w shoufi eih eli mesh 3agebek w ne7awel nesala7oh kol wa7ed 3ala ad ma ye2dar...

dah law e7na benetkalem begad...enama law gayin neharag fa momken nekamel entekadat w shatayem w sab lel sob7 3adi ya3ni...ma dih ba2et loghet 7ewar el 3arab....

Posted by: fa3el kheir | Friday, 02 February 2007

انا ضد التعذيبو الاهانه لاي حد لكن برضه ضد اننا نظلم فئه كامله بحجه انهم مفتريين و كفره نفسي اتفرج علي حد يقعد مكان اي ضابط نص ساعه و بعدين نشوف الجهل و الفقر و الزياده السكانيه في البلد بينعكسوا علي كل حاجه و علي الشرطه كمان عايز تكره اكرهالظلم و التعذيب لكن ماتتهمش ناس مطحونين زي اي مواطن الضابط لابيشوف بيته و لا بيقبض مرتب عدل و كمان ماحدش بيقدره كل فئه فيها الكويس و الوحش لو انا ما فهمتش كده ابقي مريض و يا تري هنا حريه الراي مكفوله بس للي بيشتم الضباط؟ واضح ان ما فيش فايده اني اخلي الحاج وائل يفهم و جهه نظري لكن علي الاقل انا اتاكدت من وجهه نظري ناحيته و كان نفسي يبقي الضباط اغنيه و فيه شقق و عربيات و الناس بتموت نفسها علي كليه الشرطه لان شعبنا غلبان ياعم وائل و اللي مالقاش مكان في الجامعه يعمل ايه؟

Posted by: mohamed bakeer | Friday, 09 February 2007