الوعي المصري

مساعد وزير الداخلية يتعمد سبي وقذفي مرة أخرى

ماهو شوف بقى يا أحمد يا ضياء
ياللي بتشتغل مساعد وزير الداخلية للشئون القانونية
من غير بيه ولا باشا ولا سيادة اللواء
آه
ماهو إنت راجل بتاع قانون
ولا إيه
وأنا وإنت قدام القانون واحد
مش البلد دي فيها قانون برضه ولا خلصتوه
ورجعتوا القزازة الفارغة لمصنع بيبسي وجبتوا بدالها لتر طواريء
آدي الفيش والتشبيه بتاعي أهه على النت
وعلى عينك يا تاجر
أبيض يا ورد
وعليه ختم بيقول لا توجد أحكام جنائية مسجلة
مش ختم وزارة الداخلية ده برضه
ولا ختم حافر الجاموسة ؟؟؟

شفت يابا
كله على المفتشر أهه
معندناش حاجة نخبيها
فمعلش يعني للمرة التانية بتقول على برنامج العاشرة مساء ليوم الإثنين الموافق 20 نوفمبر ما هو آت
والأخ وائل عباس برضه ليه القضية بتاعته اللي كان قبل كده إتهم فيها
شاهد الفيديو

وهذه وصلة خارجية للفيديو
http://www.youtube.com/watch?v=MJYsWVk8-u8
والفيش طالع أهه بتاريخ تمانية نوفمبر الشهر ده

وهذا هو بالضبط نص ما قاله اللواء الواعي المدرك الذي هو في كامل قواه العقلية وليس تحت تأثير ضغط أو ترهيب أو مفعول أدوية أو مخدرات أو مسكرات على الهواء مباشرة
ماهو حاجة من إتنين أو خليهم من تلاتة زي بعضه
يا إما إنت راجل يعني حكم السن برضه أثر فيك فمش عارف بتقول إيه ويستحسن تطلع معاش مبكر أو الأدوية برضه اللي بتاخدها بحكم السن عاملة آثار جانبية على الذاكرة ومش ها ينفع أحط إحتمالية تعاطي المسكرات والمخدرات لأنك برضه المفروض راجل بتحترم القانون
والإحتمال الثاني هو إن يكون فيه قضية معروفة فعلا ليا بس حصلت على كوكب المريخ مثلا فلسه خبرها ما وصلش كوكب الأرض وحضرتك سيد العارفين السنة الضوئية بتتفك بكام سندوتش فول ولو إن ما جاليش محضر البيت ولا حتى عمري إستدعتني امن الدولة ولا حتى إتقبض عليا أثناء تغطيتي كصحفي للمظاهرات ولا تكونوش طابخينهالي في الدرا وعلشان كده انتم بس اللي عارفينها ومستنيين تطلعوهالي في عيد ميلادي اللي عدى
يا راجل ميرسي لو بس ما كنتش تحلف
يا إما أنت بصفتك وشخصك عامدا متعمدا تقصد تشويه صورتي وسمعتي أمام الرأي العام ظنا منك أنك آمن من أي ملاحقة قضائية من طرفي بسردك لوقائع عارية من الصحة ولا أصل لها وإن صحت فهي تنال من سمعتي وتضعك تحت طائلة القانون بتهمة السب والقذف كمواطن بقى ولا تقوللي لوا ولا بطيخ ويقلعوك الرتب بقى ونبقى سون فاسون كده راس براس بعد الشر على كابك لا مؤاخذة يعني
لذا أطالبك كده وبكل بجاحة من طرفي المتواضع بالإعتذار العلني على كل القنوات التي قلت فيها ما قلت إلى جانب إعلان كده في كل الجرايد المصرية بتعتذر فيه بصفتك وشخصك عما بدر منك في حقي
ومعلش يعني أعذرني المرة دي ياخويا إني متقل عليك
وزي ما بيقول المثل الإنجليزي
put yourself in my shoes
أو حط نفسك في جزمتي !!!
بس أنا عديتها قبل كده وإنت عارف
لكن المرة دي لا ممكن تنزل الأرض ابدا
وإلا
وقد أزعر من ازعر
المواطن المصري الشريف
الغير متهم في أي قضايا تمس الشرف والسمعة
وائل عباس

شهود العيان يتحدثون عن سعار وسط المدينة الجنسي

شهادات الشهود من أصحاب المحلات والعاملين بالمنطقة وحراس العقارات حول أحداث التحرش الجنسي الجماعي أول أيام عيد الفطر كما سجلتها معهم قناة اليوم على شبكة الأوربت في برنامج القاهرة اليوم
وهذه شهادات جديدة تضاف إلى الشهادات التي أذاعتها قناة دريم في برنامج العاشرة مساء
ويمكنكم مشاهدة تلك الشهادات على الوصلة التالية
http://www.youtube.com/watch?v=XAFtE9ozk_0

وشهادتي عبر التليفون

ومساعد أول وزير الداخلية للشئون القانونية يمارس السب والقذف في حقي على الهواء مباشرة
-
صور جديدة لم تنشر من قبل لأحداث التحرش



















علا غانم



سيارتها محاصرة









فين الحديد وفين القزاز وفين البوسترات اللي ورا القزاز ؟؟؟



محجبة



بيضرب بالقايش لتفرقة المتجمعين أمام المحل

يبعد المتجمعين أمام باب العمارة



أظن صورة واضحة لإحدى ضحايا التحرش
-
هذا هو الرد الذي أرسلته لروزاليوسف
ولم ينشره كرم جبر
لذا قررت نشره هنا

-
وكرم جبر بدل ما يكتب عن الصين اللي هو فيها
لسه حاططنا في دماغه للمرة الثانية

إضغط هنا لقراءة المقال
-
مع إن إتنين من كتاب جريدته مصدقين !!!

إضغط هنا للتكبير

إضغط هنا للتكبير
-
وتصدر الصفحة الأولى للجريدة هذا الإعلان النكته
ولكنه مقصود في سياق ما يكتبه كرم

مش عارف أنا إيه تهنئة العيد اللي بعدها بسنة دي
يا عمدة الزرايب
هو بعد العيد بيفتوا الكحك ؟؟؟
-
وجريدة العربي تنشر شهادات شهود عيان جدد

إضغط هنا للتكبير
-
وجريدة الأهرام أزالت وصلات تقاريرها من على الإنترنت

لكن يمكنكم القراءة هنا
-
وقفة إحتجاجية بالسواد
إحتجاجا على أحداث التحرش الجنسي

نقابة الصحفيين
لجنة الحريات بنقابة الصحفيين
تنظم لجنة الحريات بنقابة الصحفيين وقفة نسائية متشحة بالسواد احتجاجاً على احداث التحرش الجنسي في وسط المدينة
و ذلك في يوم الخميس الموافق 9 نوفمبر 2006 بمقر النقابة
من الساعة 12 ظهرا الي الساعة 2
-
ومدونون يدعون لوقفة أمام روزاليوسف
من مدونة ميت
في ظل مايحدث الآن من تحريضات أمنيه علي المدونين من جانب كرم جبر وأمثاله
كان لازما علينا أن نرد علي مايكتبوه
ولأننا رددنا عليه بما يكفي علي الإنترنت وفضحناه وعريناه أمام الناس وخليناهم يشوفوا إنه أصلا عنده أخطاء كثير فيما هو كاتبه بخصوص ما كتب عن وائل عباس والتغطيه التي نشرها
ولأن الأيه إنعكست وأصبح النظام هو من يحرض علينا ويتهمنا بأكاذيب وببث إشاعات مغرضه
فوجب علينا أن نري المواطن الحقائق ونفضحهم ونطالب بإعتذار كرم جبر وبإستقاله حبيب العادلي الذي فشل في إحتواء أزمه التحرشات
أقدم إقتراح بوقفه أمام صحيفه روز اليوسف ضد كرم جبر وتحريضاته ضد المدونين
وضد المغالطات إلي هوه كتبها في حق وائل وفي حق المدونين
الميعاد المقترح يوم الثلاثاء القادم 7/11/2006
الساعه 5 أمام روز اليوسف
-
ملحق كاريكاتير
من مدونة مصرنا













-
أسخف ما يمكن أن تسمع حول موضوع التحرش
1
بعض الإسلامانجية أرجعوا الأحداث إلى تنظيم مسيحي سري قام بعملية التحرش للنيل من شرف وعفة الفتيات المسلمات المحجبات والمنقبات الطاهرات
ودي مش نكته
ده كلام موجود على بعض المواقع الإسلامانجية
بيعتبروه تحليل منطقي للأحداث يفسر التعدي على المحجبات من وجهة نظرهم
2
إسلامانجية أخرين غير الإسلامانجية الأولانيين قالوا لا فض فوهم بأن من قام بالعملية هم تنظيم عبدة الشيطان الذي أعاد نشاطه مرة أخرى ليتحرش بالمحجبات في وسط البلد
والكلام الأهطل ده نشرته بعض المواقع الإسلامانجية التي من المفترض انها بتقدم صحافة محترمة
وتروجه مواقع أخرى صحفية أيضا
3
إسلامانجية تالتين غير دولاهما ودوكهوما بيقولوا بقى حاجة أوريجينال خالص
وهي أن من قاموا بهذا التحرش هم من أبناء الأبالسة والشياطين
ودي مش صفة ولا شتيمة
لكنهم يقصدوا بالفعل أن من فعل ذلك مخلوقات من العالم السفلي والعياذ بالله من العفاريت والجن
ودللوا على كلامهم بأنه لم يتم القبض على أي منهم لأنهم ببساطة عملوا عملتهم وإختفوا تحت الأرض تاني
4
أرجع بعض صحفيو المرحومة القومية العربية من الناصرجية العروبجية القومجانجية على بعض صحفهم التي تصدرها أحزابهم, أرجعوا سبب أحداث التحرش الأخيرة إلى سياسة الإنفتاح التي إنتهجها الرئيس الراحل محمد أنور السادات الله يرحمه اللي مات وشبع موت وبقى تراب من ربع قرن قبل ما يتولد أكبر واحد من المتحرشين
دي مش نكتة والله العظيم
ده إتكتب فعلا من بعض كتاب صحف هذا التيار
حاجة محزنة ومثيرة للشفقة بجد
-
تابعونا
مازال لدينا المزيد