الوعي المصري

men el wade7 en amma el bany2adam y2ool ra2yo byartagem gareema... tab mesh y2oolo 3ashan neb2a nakhod balna?...yalla, ahi 7aga

Posted by: ISIS | Thursday, 23 November 2006

أنا شاهدت البرنامج .. و سعيد جدا لأن علاء بادر بالرد على الواد بتاع الداخلية فى موضوع القضية المزعومة التى ينسوبنها لسيدهم وائل عباس

و كان نفسى يكون عندى قدرة على الرد على ذلك الدلدول الذى يتقمص شخصية الفقيه القانونى .. و قاعد يعك فى كلام كله بطيخ فى بطيخ

أولا السيد يتعلل بأحكام القانون التى تجرم افعال المدونين .. و نسى سعاته انه قانون طوارئ غير معترف به فى العالم كله .. و نسى كمان ان الفاظ القانون مطاطة بحيث انه يمكن اعتبارها تنطبق على اى شيئ فى الكون كله .. يعنى مثلا "تكدير السلم العام" .. و حكاية الإشاعات الكاذبة .. الخ الخ

و بعدين يرجع يتهم المدونين ان لهم مصالح خاصة و اجندات خاصة .. هوه البية اللواء مش ليه برضة مصالح خاصة و اجندات خاصة من وراء حماية نظام غير شرعى مثل نظام مبارك .. .. مرتبه كام سعادة البيه اللواء ؟؟ مش دى أموال بيتقاضها .. و يفعل ما يفعله لكى ستمر عائشا فى الفته الحرام اللى بيلغ فيها ؟؟ و ماذا عن تجاوزات الشرطة المنشورة على الإنترنت .. مش ده ضد القانون و الدستور برضه

و الا انتم بتسنحضروا القانون و الدستور على مزاجكم و تصرفوه على مزاجكم ؟ و ماذا عن تزوير الإنتخابات ؟ و احكام القضاء بتزوير الإنتخابات و التى لا ينفذها سيد قراره !!! و تلفيق القضايا للناس مثل سعد الدين ابراهيم و ايمن نور و طلعت السادات و غيرهم ؟؟

انا نفسى بس يطلع لينا شنب من شنبات الداخلية يحاورنا علشان نعمل معاه واجب

ماشى يا باشا .. افعل ما شئت .. كما تديت تدان ان شاء الله

Posted by: فرى | Thursday, 23 November 2006

السلام علي من اتبع الهدي

يا جماعة الخير دة نظام مفلس و محلتوش اي حاجة يدافع بيها عن نفسه...علي راي مالك لما قال في البرنامج هما عندهم الادلة الجاهزة و البراهين و التهم اللي ننكم تلبس اي حد في الحيطة..انتو مشفتوش سيادة اللوا دة اول ما بدأ كلامه...موضوع انشا و مقدمة مكتوبة و متفبركة...اسلوب تلقين فاشل...و الراجل بردة معذور عشان لو مطلعش قال البوقين دول هاتباة وقعته طين..

خللي بالك يا وائل فعلا زي ما كتير قالولك...و صايعة حكاية الفيش دى...طلعت الراجل منظره زي اللباس المخروم بالظبط

الذ حاجة...شوفتوا الحكومة بتعمل ايه في الفنان الموهوب فاروق حسنى...الحكومة باعت الراجل عند اول ناصية...واضح انهم زهقوا منو...يانهار اسود علي الحكومة لما تقلب علي بعضها..

Posted by: عنتر مش لاقي سيفه | Thursday, 23 November 2006

ana besara7a 3ayza a3rf ento betklmo 3an free kareem dah laih
dah ta2reba wa7ed magnon , aw mol7d .. ya3ne laho monadel seyase .. el wa7ed yenasro fe adyto , wala hwa 3ando adeya asla
fa ya ret 3lashan el mesdakeya ... we kaman 3lashan neb2a e7na el modawnen men el mogtm3 beta3na .. we ma3tkdsh en mogtm3na el asel 3ando el afkar de ..

Posted by: wa7ed 7or | Thursday, 23 November 2006

الضيف دكتور العلوم السياسيه ارتكب خطأ قاتل يؤهله لأن يكون بائع بطاطا و ليس دكتور جامعى. عندما جاء ذكر منظمة مدونون بلا حدود و قال أن من الممكن لعدة أشخاص من جنسيات مختلفه أن يكونوا منظمه دوليه و فاته العدد الكبير من العاملين فى المنظمه و انتشارها و مصداقيتها بين الشعوب و الدول. أما قمه الجهل فقد تجلت عندما سئل ممثل المنظمه هل المنظمه منظمه دوليه حكوميه أم غير حكوميه, الحقيقه انه لا يوجد شيء اسمه منظمه دوليه حكوميه. حسب ما تذكره كتب العلوم السياسيه تقسم التجمعات فى العالم الى قسمين, دول (states ) و جهات غير حكوميه (non state actors ), أما الأولى فتعريفها واضح, أما أما الثانيه فهى مجموعه من الأفراد لها نشاط دولى تؤثر و تتأثر بقرارات الدول, و قد يكون نشاط هذه الجهات سياسى أو اقتصادى أو ما شابه, و المصطلح ينطبق على مكدونالدز, و على الأمم المتحده و حتى على القاعده, فكلهم كيانات دوليه بلا أرض تمارس عليها سلطتها. و بذلك يصبح سء
سؤال الدكتور اذا كانت منظمه مراسلين بلا حدود أهى منظمه دوليه حكوميه أم لا هو سؤال فى البطيخ

Posted by: motaz elmasry | Thursday, 23 November 2006

طبعا الأستاذ معتز المصرى بيكلم صح مئة بالمئة و أؤيد كلامه

الأستاذ واحد حر .. ماحدش بيدافع عن كريم .. احنا كلنا بنهاجم اساليب الأعتقال و قانون الطوارئ

و أنا داخل هنا علشان فقط ارزع خمسميت بوسة على جبين وائل و علاء و مالك ..

Posted by: فرى | Thursday, 23 November 2006

ممكن حد يقولي ازاى اشوف الفيديوهات دي عشان مس بتتعرض رغم اني منزل فلاش تسعه المشكلة في الموقع ولا عندى

Posted by: علي | Friday, 24 November 2006

دردشة مطولة عن أزمة الحجاب!!!(كلام يودى فى داهية) 1:
====================================
بغض النظر عن كون كلام الوزير فاروق حسنى قاله فى حديث صحفى أو فى جلسة أنس...بغض النظر عن إذا كان هذا الكلام رأى شخصى أو تصريح وزارى...وبغض النظر عن شخصية الوزير أو صحيفة سوابقه أو عدم علاقته أساساً بأمور الدين.......
فإن الحملة التي يتعرض لها وزير الثقافة أمر يتسحيل أن يمر مرور الكرام!!!!

لست هنا في مجال الانحياز ضد أو مع هذا الرأي، فهو شأن غيرى ممن أدلوا بآرائهم وفتاواهم، ولكنى بشأن حق أي شخص سواء كان وزيرا او غفيرا أن يدلي برأيه في أية قضية تفرض نفسها علي المجتمع المصري.

والملاحظ أن هذه الحملة قد احتلت مساحات كبيرة في بعض الصحف المستقلة وصحف المعارضة التي ترتدي لباس عبد الناصر، هذا فضلا عن انتقالها مؤخرا الي قاعة مجلس الشعب وأنها كانت ذات طابع شخصي أكثر منها طابع موضوعي، الأمر الذي يدل علي ضيق أصحاب هذا الموقف بالرأي الآخر, رغم مطالبتهم المتكررة ليل نهار بأن يقولوا ما يشاءون، وهم يفعلون!!!!!!!

فأن يخاطب أحد كتاب الأعمدة في صحيفة، صاحب الرأي بقوله نحن معك يامعالي الوزير في ألا نأخذ ديننا من مشايخ الواحد منهم بتلاتة مليم ولكن ألست معنا في أننا يجب ألا نأخذ ديننا عن أم حضرتك....
وأن تخصص صحيفة أخري، يعلم رئيس تحريرها ما أكنه له من احترام، صفحة كاملة للرد علي رأي فاروق حسني، حفل ما جاء فيها بالسخرية من الرجل وآرائه، والبحث في سلبيات تاريخه في وزارة الثقافة كأن يقول أحد كتابها "لماذا ياسيادة وزير ثقافة الحزب الوطني لم تحدد الجزء الذي يكمن فيه الحجاب داخل المرأة... هل هو علي يمين الصاعد الي الطحال، أم علي يسار الهابطين الي الركبتين، أم تراه يقبع بجوار الأذن الوسطي؟؟؟"
ناهيك عن التصريح الذي أدلت به استاذة جامعية وصفت فيه تصريحات حسني بالشذوذ!!!!

أهم من ذلك ما جري في قاعة مجلس الشعب، الذي يفترض أنه يدافع عن حق كل انسان مصري في إبداء رأيه، ولاينصب المشانق لصاحب فكر مهما كان، والمفهوم أن فكرة الحصانة البرلمانية عندما ظهرت في العالم المتقدم انما كان هدفها حماية صاحب الرأي الآخر وليس حماية تصرفاته خارج قاعات البرلمان.

أن يحدث هذا الذي أسوق عنه أمثلة محدودة ينبغى أن يدعونا الي طرح التساؤل: هل تدافع تلك الصحف، وهل يدافع أعضاء البرلمان المحترمون عن المجتمع المدني الذي أقسموا يمين الولاء لدستوره في مواجهة التيارات السلفية التي تهب من النظم المحافظة في بعض بلاد الجوار؟؟؟؟
(وهو ما فعله فاروق حسني بطريقته التي قد نختلف عليها، ولكن ليس بالنيل من شخصه. أم انها انخرطت في صفوف القائلين بالدولة الدينية علي حساب الدولة المدنية التي عرفتها مصر منذ أكثر من قرنين؟!)

أنا أطالب الجميع أن يراجعوا تاريخ مصر الحديث ويطالعوا بعض تفاصيل المعركة التي نسبت في أواخر القرن التاسع عشر(1899), أي قبل مائة عام وسبعة أعوام بالضبط حين اصدر قاسم أمين كتابه عن تحرير المرأة فرد عليه طلعت حرب. الذي لم يكن قد كون امبراطوريته الاقتصادية بعد، بكتيب يقارع فيه الحجة بالحجة...
إرجعوا الي الصحف الصادرة عام1923 حين عادت هدي شعراوي، من المؤتمر النسائي العالمي في ايطاليا وقد خلعت غطاء الرأس، فقد تضاربت آراء تلك الصحف حول الموضوع، ولم تقترب احداها من شخص السيدة الجليل، سواء تلك التي اختلفت أو اتفقت معها...
إنظروا كيف كان الشيخ محمد عبده يتعرض للهجوم على آراءه المعتدلة عن مثلاً تعريف القضاء والقدر، ولم يتجرأ أى شخص أن ينال من شخصية الشيخ أو من عائلته أو من أهل بلده، لأنه فى ذلك الوقت كانت تحترم حرية صاحب الرأى...

وربما لو كان قد حدث هذا في ايامنا تلك لسارت المظاهرات تهتف: "إذاً فالموت لقاسم أمين....والشنق لهدى شعراوى...والحرق لمحمد عبده!!!!!!!"

Posted by: Xander Xone | Friday, 24 November 2006

دردشة مطولة عن أزمة الحجاب!!!(كلام يودى فى داهية) 2:
====================================
تعالوا نراجع ما قاله وزير الثقافة بالتحديد عن الحجاب...
-"إننا عاصرنا أمهاتنا وتربينا وتعلمنا على أيديهن عندما كن يذهبن إلى الجامعات والعمل دون حجاب ، فلماذا نعود الآن إلى الوراء"
- "النساء بشعرهن الجميل كالورود التي لا يجب تغطيتها وحجبها عن الناس"!
-"الدين أصبح الآن مرتبطا بالمظاهر فقط ،رغم أن العلاقة الإيمانية بين العبد وربه لا ترتبط بالملابس"
-" حجاب المرأة يكمن في داخلها وليس في خارجها ، وأطالب بعودة مصر جميلة كما كانت والتوقف عن تقليد العرب الذين كانوا يعتبرون مصر في وقت من الأوقات قطعة من أوروبا"

يا جماعة واضح من كلام فاروق حسنى إنه لم يسىء للحجاب لم يدعو المحجبات لخلع الحجاب ولم يمنع باقى النساء من إرتداءه يا عالم!!!! لوزير باين من كلامه إن الحجاب تم إستخدامه بصورة خاطئة فظيعة عن طريق المتطرفين حتى ينتشر بين ستات مصر ويلبسوه....و98% إن ما كنش كل الستات لابسينه لأسباب مغلوطة بحيث إن الحجاب بدلاً من أن يصبح ميزة لمن ترتديه صار عيباً!!!!! (ومش معنى كده إنى بقول الحجاب عيب لاتطلعولى حملة عليا أنا الآخر)

والأسباب المغلوطة للباس الحجاب كتير جداً منها:
- بناء على رغبة (أو بمعنى أدق أمر وتهديد وإجبار) الأب أو الأخ أو الزوج
- خوف من التهجم عليها وتعرضها للإغتصاب
- ضغط نفسى رهيب سواء من الصديقات المحجبات أو معارف الأم المحجبات أو برامج الدين وخطب المساجد و علماء الدين والمفتيين
- موضة (أى والله بجد موضة بتحصل ياما، وبص على الألوان الزاهية والأشكال المختلفة لدرجة إن الواحد بقى مش عارف دى متحجبة ولا لابسة عالموضة)
- الإعتقاد (ضمنياً) بأن لبس الحجاب يمحى الذنوب ويعبر عن توبة نصوحة عن الخطايا (وكأن من لبست الحجاب أصبحت مثل الملائكة طاهرة ومقدسة وطريقها إلى الجنة سالك دون أى صعوبة)
- وأخيراً أغرب سبب هو إن من تتحجب تصبح أجمل مما كانت سابقاً سواء كانت هى أصلاً جملية أو غير جميلة، وهل ينطبق ذلك على كل النساء أم فقط على من هن بلا جمال يذكر؟؟؟؟

عايزكم كده فى مرة تبصوا لتسجيل حفلة من حفلات أم كلثوم وعبد الحليم الغنائية....وأتحداكم تحدى جبار لو عرفتم تطلعولى واحدة محجبة قاعدة وسط الجماهير!!!!!!!!!

إشمعنى دلوقتى الحجاب منتشر بالصورة الفظيعة دى على عصرنا ده؟؟؟ ماحدش يقوللى إن ده نتيجة الإنفتاح الغربى والعالمى علينا...لأن مش معنى إن فيه إنفتاح زيادة عن اللزوم إنى أبقى أواجهه بإنغلاق وتطرف زيادة عن اللزوم!!! ما هو لو العالم كله يا إما يمين خالص يا إما شمال خالص...يبقى فين الإعتدال والتوسط فى الأمور اللى بتواجهنا فى حياتنا؟؟؟ يعنى يا نرفض أى حاجة جاية م الغرب، يا ناخده كله....ما فيش تشغيل دماغ والإختيار يبقى على حسب ما يتماشى معانا كمصريين وعرب؟؟؟

حكاية تغطية المرأة لرأسها عادة شرقية موجودة حتى من قبل ظهور الإسلام...الفرق إن اللى بيغطى راسها مش بيلف حوالين منطقة الرقبة والصدر ويتقفل على دماغها!
وقتها كان أكتر حاجة تجذب الراجل فى المرأة شعرها، عشان كده كانت بتغطيه، لكن مع مرور الزمن معايير الجمال بتختلف، وأكيد موضة الملابس بتختلف، يبقى منطقياً المفروض الزى الحجابى الشرقى يتغير...مع ذلك هو لسه موجود حتى اللحظة دى!!!!

م الآخر بصراحة كده ورأى شخصى منى ....المفروض إن الحجاب لا يعتبر فريضة لازمة على كل النساء...وناخدها بالعقل والمنطق بدل ما ناخد آراء متباينة من علماء الدين على حسب تفسيراتهم:

- هل كل نساء الدنيا جمال جداً ومنظرهم يشد العبون، ولا الجمال ده يعتبر حاجة نسبية تتغير معايرها من شخص لآخر ومن زمن لآخر؟ وبعدين أكيد كلنا هنتفق على إن واحدة فى جمال سلمى حايك يشتهيها معظم إن ماكانش كل الرجال، فى حين إن واحدة فى منظر الممثلة التخينة مها أحمد لا يشتهيها سوى رجل غير طبيعى وغير سوى يقود عقله تفكير حيوانى جنسى شاذ!!!!

- طالما إن عامة وليس كل الرجالة اللى فى بلدنا يعتبروا أشخاص طبيعين وليس حيوانات هيجانة، يبقى إيه ذنب واحدة عارفة ربنا لبسها محتشم ومش معرية حاجة إن فيه شوية بهايم لا يمثلوا الأغلبية مش بيفكروا غير اللى فى بنطلونهم؟؟؟ وهل الحل فعلاً فى الحجاب ولا فى معالجة المرضى النفسيين وتطهير الشعب من العالم القذرة دى عشان يبقى المجتمع متحضر؟؟؟ وإن جيت للحق حتى لو واحدة إتحجبت خوفاً من التهجم عليها برضه كده ولا كده معرضة للإغتصاب إن شالله بقيت منقبة كمان...وأكبر دليل على كده حادثة وسط البلد فى تانى وتالت أيام عيد الفطر اللى فات!

- لو فرضنا إن واحدة عايشة بما يرضى الله وبتؤدى الفروض الخامسة (مش ستة عشان الحجاب مش داخل فيهم) على أكمل وجه، يعنى بتنفذ وصايا الله وبتعمل خير ومعروف كتير، ولبسها محتشم ومحترم....بس مش لابسة حجاب!!!! يبقى مصير آخرتها فين يا سيدى؟؟؟ تبقى إجابة غير منطقية خالص لو قولتلى إنها ع النار مرمية حدف...لأن إستحالة حتة قماشة على الراس هى دى اللى هتف عائق بين الست وبين دخلولها الجنة، ومش بسببها ربنا لا مؤاخذة هيسيب حسناتها كتيرة جداً ويتلكك لها على حجاب لا هيزود ولا ينقص منها حاجة!!!!!!!!!!!

يبقى بالعقل والمنطق الحجاب لا يكون فرض بالجبر على كل ستات الدنيا لأنه لا يتماشى سواء مع مختلف معايير الجمال عند النساء أو الرجال ولا يساير تغير الأزمنة والعصور ولا هو العنصر الأساسى الأهم فى دخول المرأة المؤمنة الجنة.....!

Posted by: Xander Xone | Friday, 24 November 2006

دردشة مطولة عن أزمة الحجاب!!!(كلام يودى فى داهية) 3:
للعلم فقط... الموضوع ليس موضوع حجاب""
===================================
تأكدوا ان دى قنبلة دخان للتغطيه على مصيبه على وشك الحدوث بعيده تماما عن الحجاب.
كلنا عارفين ان بلدنا من زماااااان بتتعاقب عليها حكومات اوسخ من بعضها وفى ظل وجود صنم واحد لايتحرك من مكانه وعلى طول الخط هم ضد التدين والحجاب.
يا ريت الناس ماتبصش على ظواهرالامور، يعنى نشغل نفسنا بالدخان وصوت الفرقعه ونسيب الموضوع الرئيسى وهو الهدف من هذه الفرقعه.
يعنى لو شفنا نتيجة تصريحات الشاذ فاروق حسنى والديوث حسين فهمى والبروباجندا بواسطة اعلام الرياده الذى يحركه الامن فى خط متوازى مع صراخ الاخوان والمشايخ واعتراضهم.
..... نعرف ان الموضوع مقصود تماما فى التوقيت ده (وأوكد لكم هناك قنابل دخان أخرى جاهزه للإنفجار للتمويه) للتغطيه على ما سيحدث قريبا وشغل لما تبقى من الرأى العام عن طبيخ تعديلات الدستور والصدام الذى بدأ مجددا بين القضاه ونظام التزوير .
للاسف الناس مش شايفه ان الحكومه هى التى تفتعل هذه الاحداث للحفاظ على حالة توتر دائمه فى البلد.
والسبب معروووووف ..... بلدنا واحنا معاها بتتجهز عشان ابن سوزان يورثها.
وهو مش هيورثها فى ظل ظروف طبيعيه لانه مكروه هو وابوه لاقصى درجه
... بل على العكس الهدف الاساسى الضغط والضغط ثم الضغط على اعصاب الناس وتصوير ان البلد هتغرق لو ما حفظناش على استقرارها وان مفيش بديل يحافظ على البلد غير الواد اللى عليه العين.
وعشان يكون مفيش بديل يحافظ على البلد غير الواد اللى عليه العين، لازم نزيح من امام الناس اى شخص يمكن ان يفكر الناس فيه ولو للحظه انه يكون بديل.
وعشان يزيحوا كل البدائل حاجه من اتنين
1- يشتروها زى احزاب المعرضه الديكوريه.
2- او يخرسوا البدائل ويقضوا عليها (بغض النظر عن كون البدائل شريفه فعلا او غير شريفه وعلى استعاد لمنافسة مبارك وابنه فى العماله لدى امريكا فى النهايه كلها بدائل محتمله للواد اللى عليه العين)
ولنرى مثلا ........
ايمن نور بديل محتمل تم التشهير بيه وحبسه
د.عصام العريان بديل محتمل فى المعتقل منذ شهور بلا اى تهمه
عمرو موسى بديل محتمل متحنط فى الجامعه العربيه ولايستطع الترشح وهو امين عام للجامعه
نعمان جمعه العبيط (ورغم انه عبيط) خرجوه من الوفد بفضيحه بعد ما نصبوله فخ وقع فيه لانه عبيط
هتستغربوا.. احمد نظيف بديل محتمل ومبارك وابنه خايفين منه لانه منافس ليهم فى العماله وليه لنك مباشر مع امريكا بعيد عن مبارك، وعاوزكوا تلاحظوا هجوم الصحف الحكوميه على نظيف واطلاق مرتضى منصور كلب النظام ليشتم ويسب احمد نظيف بلا مبرر منطقى سوى انه يخليه تحت عين الناس كشخص فاسد والفضائيات التى يشرف عليها الامن تمرر ما تريد. هتلاحظوا ان مرتضى جاب سيرة نظيف فى لقائه مع قناة دبى وقال ...ركزوا قوى...
- ان نظيف أهان الشعب المصرى لما راح أمريكا (وده شئ مالوش اى علاقه بموضوع البرنامج) - وطبعا انتوا عارفين ان مبارك لم يذهب للحج الى البيت الابيض منذ اكثر من سنتين ونظيف كان رايح بدلا منه.
وهدف مرتضى ايصال مفهوم للناس بالمحسوس كده ان نظيف بتاع امريكا وبيستقوى بيها على الشعب المصرى.

اما البديل الاخطر والاقوى فليس شخص بعينه ، انما هم
القضـــــــــــــــــــــــــــــاه واحتمال خروج احدهم مدعوما من باقى القضاه ومن المعارضه التى تنزل تدعمهم فى الشارع ومن الاخوان وسيكون بالتاكيد يحظى باحترام الناس التى تنظر للقضاء ورجاله نظرة احترام.
ولذلك المعركه مستمره معهم (صحيح انها تعلو و تنخفض على فترات متفاوته) لكنها مستمره وستزداد وبشده فى الشهور الحااااسمه القادمه.
.....................
وعشان يقدروا يطحنوا القضاه لازم الناس تتفرج على حاجه تانيه. لازم قنبله بل قنابل دخان

وها هى قنابل الدخان

لازم يكون فيه هجوم على الحجاب والمحجبات ولازم القنوات كلها التى يديرها الامن ويختار ضيوفها ومذيعيها تتكلم كلها فى المضوع ده. ولازم سعاد صالح تاخد القنوات كلها كعب داير تهاجم المنقبات ليس لشئ سوى ان ده الاوردر بتاع الامن.
ولازم الشاذ فاروق حسنى يشتم المحجبات ويحقر الحجاب. ليه؟ لانه سيكون من اكثر الناس استفزاز اللناس عنما يتحدث فى الدين وخصوصا الحجاب فما بالكم لو سبه.
وطبعا حسين فهمى وباقى المقاطيع لازم يدلوا بدلوهم.
الموضوع ليس موضوع حجاب
... وهو بالعقل كده ... اللى عاوز يخلى الشعب المتدين يتخلى عن الحجاب هيجيب فااااروق حسنى يهاجم الحجاب ويسب المحجبات !!!
اين عقولكم يا اخوانا؟
اين تفكيركم؟
اين ذكاء المصريين؟
وانتظروا قنابل موازيه لموضوع الحجاب ستظهر وتشتد كلما على وطيس المعركه الحقيقيه الا وهى
/
/
/
/

معركة التوريث ياشباب
........
باختصار ... مصر تتمخض وتستعد لولادة عهد جديد. وكل الازمات والمشاكل التى نعيشها منذ سنتين ماهى إلا الآم المخاض الذى يسبق الولاده.
فهل سنتركهم يجهضوا مصر .... أم .... سنحميها لتلد عهد جيد يعيد لنا كرامتنا ؟

يا ريت الرد على كلامى يكون مناقشة أفكار منطقية من غير عصبية أو إهانة عشان يبقى الكلام حضارى ومحترم...

Posted by: Xander Xone | Friday, 24 November 2006

http://video.google.com/videoplay?docid=-5576458755823412367&q=%D9%81%D9%8A%D8%AF%D9%8A%D9%88&hl=en

Posted by: هو أنا مالي كده | Friday, 24 November 2006

التوريث لحماية طيز الريس أولاً

أن التوريث وحماية طيز الريس هي الشغل الشاغل للحكومة والأمن. وصدقوني والأيام هاتثبت صدق كلامي كل ده علشان الناس تيأس من تغييره وتتمنى أي حد غيره حتى لو كان جمال مبارك..
إحنا شعوبنا عاطفية وتلاقي الدعاية جاهزة من دلوقتي للتأثير على الناس لأنتخاب جمال ومش بعيد يكسب بجد من غير تزوير.
الموضوع مش معضلة وكل اللي الناس بتطالب بيه سهل التحقيق .. يعني بناقص قانون الطوارئ فتح السجون حرية التعبير حقوق الأنسان بمعنى ان الأساس موجود والقوانين موجوده بس في تجاوزات في التطبيق لإرهاب المعارضين..والحل أجتماع مع قيادات الأمن وأمرهم بالتعامل مع الناس بأسلوب حضاري محترم واللي هايخالف الأمر مع السلامة.. برضه بسيطة .. وبعدين مين الحمار اللي يقدر يدافع عن مبارك وبرنامجه دلوقتي وبعد 25 سنة حكم فشل فيها بدرجة ممتاز.. لكن لما يكون الريس جديد وشاب ومنتخب وهايتحاسب فقط على اللي جاي .. صدقوني البلد ماشية غلط بالقصد في أنتظار اللحظة المناسبة علشان يتصلح الحال في غمضة عين.

Posted by: أسامة/مغترب | Friday, 24 November 2006

Xander Xone,
Very deep and thorough analysis despite the secular smell of your opinion about hijab.

Posted by: egptlvr | Friday, 24 November 2006

عزيزى
egptlvr

ربما يكون أسلوبى فى كتابة الكلمات دى غريب ومتطرف عن الطبيعى بس إعذرنى...الواحد لما يكون فى دماغه كل الأفكار دى مابيبقاش عارف يطلع إيه ولا إيه، فخرج منى بالشكل ده!

وبالنسبة لرأيى الشخصى عن الحجاب فأنا لا أعارض الحجاب فى ذاته بل أعارض إستخدامه المتطرف فى أيامنا هذه....فهو حق يراد به كل باطل!
وشكراً على ردك وأتمنى أكون عند حسن ظن جميع زوار المدونة....

Posted by: Xander Xone | Friday, 24 November 2006

Dear Xander Xone,
Thank you for your kind reply. I can't agree more with you. There's a great number of women who mis-use and/or abuse the hijab in our time. Actually, I'd like to add one more false reason for hijab you did not mention which is; it covers the ugly and defected parts of the body. However, it's almost undisputable among the majority of moslem scholars that hijab is (fard 2ain) on each and every female who reached the age of puberty. That means no matter how charming or ugly a woman looks, she should cover herself. And with all due respect to your opinion of Maha Ahmed and Salma Hayek, a lot of men especially in the middle east adore thick women.

Another thought: don't you think that the downtown sexual uprise was nothing but another smoke bubble or media trap to keep us busy as they are cooking a bigger disaster?

As for Mubarak, I believe his most unforgivable crimes against us was killing the hope for a change. He managed to make us all act like a chicken without head. I'm talking here about the silent majority who doesn't give a damn if Mubarak stays for another decade or get lost next month. As a nation, we became so dipped in our misery that names don't matter to us any more. I fact, I agree with Usama who wrote before me that the people are almost ready to vote freely for Gamal Mubarak. Think about it , which one of us in his sound mind would like to face the same destiny of Ayman Noor or No3man Gom3a?. The smart people like Amr Mousa sensed there's no hope in this rotten regime and rathered to stay in the spctators' chairs.
As fo Ahmed Nazeef who came to the US last year and introduce himself as the perfect alternative to the old statue. He was stupid enough when he thought that his friendship with Bill Gates will open all the closed doors of the White House. Poor man the SOB Mubarak will dump him in the nearest trash can.

Posted by: egptlvr | Saturday, 25 November 2006

تجاوزات الشرطة ضد القضاة بالصوت و الصورة علي موقع شايفينكم
www.shayfeen.com

Posted by: عبده المهاجر | Saturday, 25 November 2006

تجاوزات الشرطة ضد القضاة بالصوت و الصورة علي موقع شايفينكم
www.shayfeen.com

Posted by: عبده المهاجر | Saturday, 25 November 2006

الأخ العزيز
egptlvr

أشكرك على إضافة سبب مغالط آخر لإستخدام الحجاب من أجل تأييدك لرأيى، وأنا معك إن معظم المسلمين (خاصة المتشددين منهم) يعتبرون الحجاب فرض عين...لكن نرجع ونقول إن لا المنطق ولا العقل يقبل أن يكون الحجاب نوعاً من أنواع الفروض...وهذا ما شرحته بالتفصيل الممل فى الدردشة المطولة عن ذلك.....

أؤكد لك يا أخى "محب مصر" إنك لو خيرت أى عربى (أى شخص "طبيعى" عامةً) بين إمرأة خارقة الجمال مثل سلمى حايك أو أنجلينا جولى أو جينيفر آنيستون وبين إمرأة بعيدة كل البعد عن الجمال مثل الممثلات مها أحمد أو مارى منيب أو عائشة الكيلانى......نسبة 99.99% ستختار شهوة الرجل المرأة ذات الجمال الأسطورى، لأن قبح المرأة لا يكمن فقط فى بدانتها بل أيضاً فى وجهها وشعرها ورائحتها إلخ.

حادثة وسط البلد لم تكن كذبة أو إشاعة يا سيدى، راجع هذا الموقع وتأمل كل الصور والفيديوهات لتتأكد إنها واقعة حقيقية....
أنا عن نفسى سمعت من أصدقاء مقربين لى أثق فى كلامهم عن كل ما حدث أمام أعينهم، ولعلمك هذه الحادثة ليست إستثنائية بل تحدث بصورة معتادة فى شوارع بلدنا....الفرق إن حادثة ثانى يوم العيد كانت ظاهرة ضخمة يستحيل تجاهلها، فكل الذكور من سن 15-50 الموجودون فى تلك اللحظة مشاركين فى هذا السعار الجنسى ولم تجمعهم سوى الصدفة...فلا هى عصابة كبيرة متخصصة فى ذلك ولا هم متظاهرون إتفقوا فيما بينهم على إحداث التحرشات!!!
إنهم أناس عاديون لكنهم مشحونون ومكبوتون من الحياة فى مصر، وما صدقوا خلصوا من كتمة صيام رمضان عليهم عشان يخرجوا كبتهم على كل واحدة تعدى فى طريقهم مهما كانت، عادية أو محجبة إنشالله منقبة كمان...المهم تكون أنثى والسلامة!!!!!

لو كان المقصود بالحادثة التعتيم على مصيبة أو مصائب أعظم من ذلك، لإنتشر الخبر بأسرع من البرق فى وسائل الإعلام المصرى وليس فقط عن طريق "البلوجز" blogs، والدليل هو البلبلة الناتجة عن أزمة وزير الثقافة مع الحجاب...لاحظ إن خبر حادثة وسط البلد مازال يتعرض لتعتيم رهيب من الجرائد والمجلات والمحطات الفضائية هى التى تكلمت عن الموضوع التى ما كانت تعرف شيئاً عنه إلا بفضل "البلوجرز" bloggers المصريين وعلى رأسهم وائل عباس صاحب هذا الموقع العزيز "الوعى المصرى".

أخيراً أتفق مع باقى كلامك عن الديكتاتور الحاكم وأتباعه وخطة التوريث، وأهدى لك هذا الموقع الرائع لتتصفحه وتكتشف حقائق فظيعة عن مبارك وحكومته:
موقع المصريون الأحرار
www.koolpages.com/061081/main/pages/3arabi_01.htm

إقرأ فيه كل المواضيع الطويلة المفصلة المكتوبة وسيبك من الشتايم والصور الساخرة والحاجات اللى ممكن تبان ليك أو لأى حد سفالة....ومسخرة!!!

ساعتها إحتمال تغير فكرك عن حاجات كتير كانت تعتبر بديهيات فى نظرك...

وشكراً
Xander Xone

Posted by: Xander Xone | Saturday, 25 November 2006

Dear Mr Xander Xone,
Sorry I was not clear enough about the sexual riot. I meant that the government knew about it immediately but turned a blind eye, or at least did not bother to come for the rescue of the helpless victims in a timely manner.

As for the hijab, I don't belong to the muslim brotherhood, not Wahhabi or anything in between. It's enough to go and read any tafseer you like of Al-A7zab verse to discover the reality about it. I agree with everything else you mentioned.

Although Beauty is a matter of personal taste, there are some bombs that no one will dare to argue about them. You drew a very unfair comparison here and I think that the mention of those universal stars is somehow irrelevant when talking about hijab. Sir, the contract of Jennifer Aniston on "friends" 10 years ago allows her 1 million US dollars per episode (per 30 minutes).

Finally, I thank you so much for the great web you sent me and wish to add a my voice to those who are wondering: what are we waiting for? Isn't about time to take a positive action against the tyrant? There is no doubt it will be bloody, but so what, any nation who was craving for independance went through that harsh process. I feel that Mubarak poses more threats to Egypt and its "stability" than any possible occupation.
What's the difference between Olmert and Mubarak?
Olmert tills you in your face:I'm your enemy, while Mubarak pretends to be a friend when he's the worst enemy.

Posted by: egptlvr | Saturday, 25 November 2006

نشكر وائل عباس عن دفاعه عن الحريات فى مصر وتحمله ضريبه الحريه ومنع الفساد والافساد ولكى ليه رجاء منه وهو لازم يعرفنا ازاى نحمل لقطات الفديوا ديه الى الهارد ديسك بجهازنا من موقع youtube.com
وكمان باستفسر عن سبب عدم اتخاذ الاجراءات القانونيه ضد مساعد وزير الداخليه اللى قام بسبك اكتر من مره فى التليفزيون

Posted by: gamal | Thursday, 30 November 2006

يا ريت كل الشباب لهم قضية يدافعوا عنها زيك كان حال البلد اتغير

Posted by: NEV68 | Tuesday, 09 January 2007

إن العدالة والقانون وحقوق الإنسان في مصر في خطر طالما كان أمثال فتحي سرور على سدة السلطة التشريعية يعمل كالمحلل الذي يحل الحرام ويحرم الحلال.
إن أيمن نور ليس سوى ضحية واحدة من آلاف الضحايا الذين ضاعت حقوقهم في هذه الدولة البوليسية التحتية التي تدار في الظلام.
البوليس الأسبوع الماضي حقق مع رئيس وزراء بريطانيا توني بلير نفسه، وفي الكيان الصهيوني بجوارنا البوليس يحقق ويوصي باتهام من الرئيس لرئيس الوزراء لوزير العدل ولا يوجد من هم فوق القانون في هذه البلاد.
أما القانون عندنا يدوسه فتحي سرور وأقطاب الدولة البوليسية جميعا .. الذين يلفقون القضايا للأبرياء ويلقون بهم خلف القضبان حيث الموت البطيئ ثم بعد ذلك يغضبون من المعترضين فلا هم رحموا ولا يريدون ترك غيرهم ينعي العدالة الضائعة في مصر..
.تذكر يا دكتور سرور أن التاريخ يسجل .. وأن الديان لا يموت
الى رجال الشرطة الكرام لو كل واحد فيكم سال نفسة وبصراحة هل المرتب الصافى وبدون اى نفـــــــــــــحة ...اى جنية حرام تستطيع ان تفتح بية بيت؟ وطبعا كل واحد لية اخ او اخت عايشين المعناة...لو تتذكر الدخلية ايام معالى الوزير احمد رشدى...الجيش نزل ضرب معسكرات الدخلية وحكم الشارع والجيش طبعا عاوز يجامل الرئيس لان معالى الرئيس مشبعهم ومسكين البلد حتى بعد المعاش بيتحولوا الى رجال اعمال ورئساء مجالس ادارة من رجل عسكرى او مخابرات الى راس مالى
سبحان الله...الحقيقة
الصحفى الناجح لازم يكون اقوى من رجل المخابرات
ملحوظة هامة... احتمال كبير تكون مصـــــــــــــــــــــــر محســـــــــــــــــــــــــــودة ومحتاجة تتبخر ...او معملها عمـــــــــــــــــل... ياريت نلاقى الحل
مع تحياتى يسرى زغلول شبرا مصر

Posted by: يسرى زغلول | Wednesday, 07 February 2007

يا سادة كنا مسلمين متزنين بلا تطرف ولا فرض آراء وطرق ومذاهب بالقوة والإرهاب ولم يكن يُرتدى هذا الحجاب إلا كجزء من اللباس القومى لبعض الأقطار بدون هذا اللغط الفارغ والورع الزائف حتى جاءت حرب أكتوبر عام ثلاثة وسبعون وأصبح النفط يساوى أضعاف أضعاف ثمنه قبلها... فبحث أصحابه عن دور سياسى فى المنطقة ولم يجدوا إلا الدين ليتاجروا به ويسيطروا من خلاله على عقول البسطاء والجهلة فيتنازلون عن ولاءهم الوطنى لحساب الدراويش والمأفونين... الدين هو الحل... فلا علم ولا حضارة لديهم تنتفع بها البشرية، فقط حيض الأرض... وليتهم لهم فضل فى إستخراجه أو تكريره أو حتى نقله... فأصبح كل من هب ودب مفتياً للديار ووصياً على العالمين. ورأينا الأخلاق تقاس بطول اللحية وقصر الجلباب وقبح التكشيرة وسواد النقاب وقهر العباد... وأصبح التكفير لبانه فى فم كل عديم حجة وقليل منطق يخيف بها من يجرؤ على التفكير خلافاً للرأى الأوحد المقدس... يا خسارة... ه
إن الفضيلة تحميها الأخلاق والتربية السويّة... لا قطعة من القماش هي ترجمة مغلوطة لأمر إلاهى بستر زوجات الرسول خلف أى ساتر (حجاب) عن عيون الأجلاف من زوار المصطفى: »وإذا سألتموهن متاعاً فسئلوهن من وراء حجاب«... فتحول هذا اللفظ الواضح معناه من ستار أو حائط فى بيت الرسول إلى زى طائفى وسياسي تعلن به جماعة سياسية محظورة عن سيطرتها على البسطاء والعامه، قهراً أو إرهاباً أو ضحكاً على الذقون... ه

كما علينا أن نلاحظ أنه لا الحجاب ولا الخمار ولا النقاب منع المصريات من لقاء الأحبة وأحتضانهم علي الكباري، ولا من التحرشات اليومية، ولا حمى فتايات وسط البلد يوم العيد في القاهرة من التعديات والتحرشات الجماعية، كما لم يحم النقاب والعبائة فتاة القطيف ولا فتاة الباندا ولا فتاة خميس مشيط في السعودية من الإغتصاب... كذلك لم تتراجع معدلات الفساد ولا ارتفعت مؤشرات العفة والأخلاق والشرف في بلادنا... كل ما حدث هو أن زادت مظاهر (أكرر: مظاهر) التدين وزاد انتشار الحجاب والخمار والنقاب والجلباب القصير والذقون الشعثاء وأصبح العلم السعودي يغطي الزجاج الخلفي للسيارات المصرية، فى مصر... فهل هذا إعلاناً بإنتصار التيار السلفى البدوي الوهابي وعودتهم لإحتلال مصر؟
يا شباب مصر من منكم عندة القدرة ان يصور المعتقلات ولا حتى يعرف هية فين؟ولا حجز قسم بوليس ولا امن الدولة من الداخل لاظوغلى...يا استاذ وائل الرجالة الكبار ال بيحركوا الدخلية عارفين بيعملوا اية مفيش مشكلة عندهم لما يضحوا بضابط ولا 2 ولا 10 المهم الهدف اية ولازم يتحقق....امريكا ضحة ببرجين لية؟
هل معالى وزير الثقافة لما تكلم عن الحجاب هو يعرف شيئ عن الحجاب من اصلة ...الكل بيلعب دور الكومبرس ومن هم الصلطة العليا الناس بتفتكر الوزير...نفر من رئاسة الجمهورية يهز لواء شرطة
يا شعب مصر نحن جمعا الرعاع ليس لنا دية كما يقولون حكام مصـــــــــــــــــــــــــــــــــــر
كل دة مسلسل بس مش بتاع رمضان...
اصحا يا شعب وصحى الناس فرعون ظهر موليد تكساس...مع
اسفى الشديد الحقيقة
يسرى زغلول شبرا مصر

Posted by: يسرى زغلول | Thursday, 08 February 2007

بسم الله القاهـــــــــــــــــــــــــــــــــر فوق عباده
افهم واعي ان كنت صاحب تجربة وتتكلم عنها فليس بالضرورة ان تبسط قواعدك التي تسع اناس واخرين لا ....... وإذا كنت تريد او تسعى لتفرض شي فلا والف لا لانك رفضت بداية كلامك هذا الامر ان يفرض عليك امر
ملخص الكلام الحمد لله على نعمة الإسلام لله وكفى بها نعمة يارب بأن وهبتها لنا
والحمد لله الذي هدانا للإسلام العظيم
ان هذه الأوامر والحدود هى لله فإن كنت لا تستطيعها فلا تفرض علينا ضعفك وعصيانك فمي سيحاسبك هو الله الواحد القهار
أما الحق فظاهر ظاهر ظاهر فلا تقف يا يسري امامه ان ضعفت عن اتباعه ولا تنتقد اناس يطبقون امر الله في هذا الشأن تريد ان تنتقض انتقض كما تشاء الا ما يطبقونه من اوامر الله عز وجل فقد خلقننا اصلا لعبادته فراعي ربك في ما تنتقض ولا تحاول فرض الراي لان الكل لا يقبله وانت ايضا الا ان يكون هذا الرأي واقع في اوامر الله عز وجل
قف امام الدنيا كلها لكن لحدود الله في اي مكان او زمان فاخشع وصدق عليها بقلبك وبلسانك وقل في هذا انتم صح وهذا لله ليس لهم واي شئ آخر من راي البشر فيرد عليه وينتقد
وارجو ان تستوعب الكلام وتعلم ما تفهمه من الحق والحق الحق الحق اكرررررررررررها
لا تقف امامه ان ضعفت عن اتباعه وواجه نفسك اولا

Posted by: احمد صلاح الدين | Friday, 09 March 2007

حوار رائع جدا ... وعجبني رد مالك .. ربنا يوفقك في قضيتك يا وائل

Posted by: ouon | Monday, 26 March 2007

أهلا وائــل .. بجد ألف شكر على تحميل الحلقات لأنى كنت عاوز أشوفها
ثــانيا المشكله المقبله هى دعوة القاضى عبد الفتاح مراد بـحجب وإغلاق المدونــات!!!! علــشان احـنا بنــسىء لسمعة مصــــــــــر!!!! فهل سيصل القمع للحريــات إلى هذه الدرجــه؟؟؟ ده فيه نــاس مصدقـــت تلاقى حاجه تـطلع اللى جواها بيــه وتقول رأيها بــحريه من غــير قيـود. على رأى اللى قــالوا :الكــحكه فى أيــد اليــتـيم عجبه... وســلام

Posted by: priest | Thursday, 05 April 2007

freedom freedom freedom.
what is the meaning of this word?
may be i want to do something or say something and i say im free.
no before do or say what i want to do or to say i should see if that will touch the freedom of the others.
brother يسرى زغلول you are free if you hate hegab but you should respect girls and women love to wear it, this is the freedom.
my salam to وائل و علاء و مالك ALLAH protect you brothers and to the forward for ever.
احمد صلاح الدين tslam yah 3asl.

Posted by: Egyptian | Thursday, 05 April 2007

اخى الفاضل/الاستاذ احمد صلاح الدين سلام الله عيكم ورحمتة وبركاتة تحية طيبة وبعد ارجو من حضرتك ان تفهم جيدا ...اني لا اسمح الي نفسي ولا الي احد ان يهين الاسلام...لكن احوال المسلمين ...بكل صدق وامانة الحقيقة مورة جدا ياسيدى ... انظر حولك ؟؟؟اينما كونت...

Posted by: يسرى زغلول | Friday, 22 June 2007

بص يا عم الملاح بكس امك احنا مش تلامذة مستنيين حضرة جناب كس دين امك لما تقول لنا مين السادات يا عم الخول
وكس امك على كس ام فلسطين اللي فقرتنا على كس ام القضية العربية لو فيه حاجة اسمها كده اصلا غير ان فيه شوية ناس بتسترزق بالقضية وعملوا فلوس قد كده وواولهم الفلسطينيين
واوسخ جزمة لبسها السادات وهو هربان ونايم تحت الكباري فوق دماغك انت وكل اللي زيك

Posted by: الى الملاح | Friday, 17 August 2007

لو سمحت اكتبو رقم التلفون في الحلقه

Posted by: كريم محمد | Sunday, 18 November 2007

الدولة تتعامل مع احداث المحلة كما ترقع الثوب المهلهل بالرقع والمثكنات

Posted by: sayed | Tuesday, 08 April 2008

الى المذيعة منى الشاذلى اننى لست من الحكومة ولا من المعارضة ولكننى مواطن مصرى يعمل بالخارج من اجل تحسين وضعة وليس اكتر والحمد لله واذهب الى مصر كل عام لاقضى اجازتى ولكن ما هالنى ما اشاهده على فنوات التلفزيون والبرامج اتى تشبة برنامجك اننا فى مصر اى عمل لابد تصاحبة هالة وهليلة اننا صح عندنا حرية ولكن ليس بهذه الدرجة ان اى موضوع لابد ان يعارض ويطرح للراى العام الذى بة بعض الناس الذى لا تهمهم مصلحة الوطن بقدر مصلحتهم هم على سبيل المثال الكشف الطبى عند الزواج لماذا المعارضة ايضا عندما ىتتخذ نقابة الممثلين قررارات لماذا المعارضة والدفاع عن المنتجين اليس الاجدر الفاع عن المشاهد الذى هو فى الاصل مصرى ويدفع من جيبة ليغتنى المنتج ولاينظر له على انة اساس نجاح العمل وهو الذى يتكبد من جيبة ولا يعود عليه شئ ولاحتى يدافع عنة ويدافع عن المنتج حتى ولو كان اجنبى وهو السبب فى نجاح السينما المصرية اوالذى يعرفة انة من غير المشاهد المصرى لن ينجح عملة ولذلك القرلرات المصرية لابد ان تحترم وتنفذ على كل شخص حتى تسير البلاد للطريق الصحيح ارجو يا مدام منى نراعى ربنا فيما نقدم وفيما يعرض اننى اعيش خارج الوطن راعو اللهشكرا

Posted by: يحيى حريز | Wednesday, 30 April 2008