الوعي المصري

 مظاهرة ضد زيارة تشيني

التغطية الكاملة إضغط هنا
فيديو

شاهد وإستمع
كمال خليل يقرأ بيان المظاهرة
-
كيف إخترقتنا المخابرات السويسرية

غلاف مجلة زونتاجزبليك لهذا الأسبوع
ومازالت تناقش القضية
وكيف حصلت على فاكس مرسل من وزير الخارجية
الى سفارتنا بلندن يتناول معتقلين في قواعد سرية
للمخابرات الأمريكية بشرق أوروبا
لا شك عندي في قدرات المخابرات المصرية وكفاءتها المعترف بها والتي أشادت بها كل التقارير التي تناولت الموضوع ومهما إختلفنا مع دورها فيكفي أنها ما زالت نشطة دوليا كزمن الحرب ولم تتحول مثل مخابرات دول عربية أخرى كالخليجية مثلا الى اثارة القلاقل في دول أخرى او استخدمت في التبشير بالوهابية وتصوير الامراء والاميرات في غرف نومهم لابتزازهم في حالة مطالبتهم بالعرش وانتاج افلام سينمائية تنال من دول اخرى كافلام المقاولات في التي انفقوا على انتاجها في مصر لتنال من سمعة الشعب المصري في مقابل عقد الدونية التي لديهم ... لكن المشكلة هنا في وزارة الخارجية اللي بقت سبهللة ولا تؤتمن على معلومات حساسة
ويبقى لنا أن نعرف كيف حصلت المخابرات السويسرية على هذا الفاكس

محطة لويك السويسرية الخاصة بالقمر أونيكس
للمخابرات السويسرية قمر صناعي يسمى أونيكس وهو يشبه منظومة إيشيلون الامريكية البريطانية الشهيرة للتجسس على مكالمات المحمول والانترنت واستطاعوا بفضله اعتراض فاكس موجه من وزيرنا المحترم ابو الغيط الى السفارة المصرية بلندن ومن المفترض أنه سري للغاية وجرى تسريبه ربما عن عمد لمجلة زونتاجزبليك الاسبوعية

صور من محطة تسيمرفالد

صور من المحطة في هايمنشفاند

الحقيقة انا مش عارف ازاي لسه بننقل ملفات سرية بالفاكس
ما سمعوش عن الانترنت والبروتوكولات المخصوصة والتشفير ونقل البيانات عن طريق انفاق مشفرة في الانترنت tunneling
ده العيال الصغيرة بتعمل شبكات خاصة على النت - في بي إن - بينهم وبين بعض
المهم ان اونيكس ده بيلقط الحاجات بنظام الفلترة لكلمات محددة - سوفتوير فيلترينج - زي نظام إيشيلون الأمريكي
ايشيلون ده بقى بيعمل ايه بالضبط:
مظبطين السوفتوير مثلا يعني مثلا اي ايميل او فاكس او رسالة اس ام اس او مكالمة صوتية يتقال او يتكتب فيها مثلا يعني مثلا كلمة القاعدة او بن لادن يقوم القمر يعترض الرسالة بس مش بيمنعها من الوصول لا هو بيحول نسخة منها وعنوان مصدرها وعنوان المستقبل الى جهة مخابراتية معينة لتحليل محتوى تلك الرسالة او الفاكس او المكالمة للتعرف على مدى اهميتها
وفيه امثلة لكده في تطبيقات مدنية
مثلا نظام اعلانات جوجل ادسينس اللي بتحط اعلانه في موقعك وعلى حسب محتوى الموقع بيحط الاعلان يعني مثلا لو موقعك مهتم بالكلاب والقطط ها يحطلك اعلانات اكل كلاب وقطط اوتوماتيكي بدون تدخل عامل بشري لانه قرا المحتوى بتاع الموقع وفلتره
وده كانت جوجل عاوزه تعمله في جوجل ميل بس الدنيا اتقلبت عليهم علشان اعتبروا ده تعدي على خصوصية الناس وكان النظام ها يبقى كالتالي
انا مثلا باعت ايميل لماما اقولها يا ماما اعملي ملوخية النهارده يقوم نظام جوجل للاعلانات يرفق بالايميل اعلان عن ملوخية عم عبد المودود الناشفه
وفيه كمان برامج الحماية من المواقع الاباحية سواء اللي بتستخدمه دولة بحالها زي دول الخليج او اللي بيتحط على الجهاز الشخصي علشان العيال الصغيرة ما تعكرتش
وده بيفلتر اي صفحة مكتوب فيها مثلا كلمة سيكس وبيمنعها من العرض
والخلاصة
يعني واضح الفاكس كان مبعوت كده سداح مداح والفلتر علقت معاه كلمة في الفاكس قام ساحبه علشان يشوف ايه ده
ايه الهبل ده
طب ده الحاجة اللي بانت
على كده احنا دولة مصارينها طالعة بره والعالم كله شايفها
اومال عاملين شطار علينا احنا بس
-
كيف تخترق أسرار مصر
وأنت في بيتكم بالبيجامة والشبشب

منذ بضعة شهور أتذكر أني كنت أعمل في أحد المشروعات الإنشائية بأحد التجمعات العمرانية الجديدة وإحتجت الى خريطة للمدينة ... وكأي مواطن عادي توجهت الى مركز معلومات المدينة والمفترض انه مخصص لتلك الامور وطلبت منهم خريطة ... فوجئت بالتوتر الشديد واجراء مكالمات تليفونية لجهات غير مفهومة ثم طلبوا مني صورة البطاقة الشخصية وصوروها واحتفظوا بنسخة ثم جلس احدهم على احد الاجهزة واخذ يزيل طبقات وطبقات من التفاصيل والعلامات واسماء المناطق والشوارع ثم طبع لي خريطة باهتة تشبه الهيكل العظمي من غير لحم وعيش مع نفسك بقى ... اخذت مدير المركز على جنب وفهمته ان فيه مواقع على الانترنت بتحددلهم خط الطول وخط العرض وهما بيصورولك بالقمر الصناعي ويبعتولك الصورة بالالوان بجودة تصل الى واحد متر نظير اجر محدد فمش عارف انتم عاملين القلق ده ليه ... فرد علي بانه عارف كل ده وان دي تعليمات وهم فقط بينفذوها
وكانت هناك تجمعات خاصة بهواة صور الاقمار الصناعية على الانترنت تضم العاملين في مجال الاقمار الصناعية مع الهواة يتبادلون الصور والخرائط وكنت انا من الهواة وحصلت وقتها على صور كثيرة للقاهرة والاهرامات والاسكندرية والسد العالي ... صور عبيطة غير دقيقة معظمها بالابيض والاسود منها الصورة التي نشرتها عن موقع كنيسة العذراء بالزيتون لو تذكرون

إضغط للتكبير
كان هذا الكلام قبل موضوع جوجل ايرث والجدل المثار حوله وكيف يمكن لاي شخص الان الحصول على صور بالاقمار الصناعية لاي مكان في العالم بجودة عالية وببلاش وانت قاعد في بيتكم بالبيجامة والشبشب وظهر كل الهواة والمهتمين الى النور فيما يسمى الان بتجمع جوجل إيرث أو جوجل إيرث كوميونيتي ولهم موقع على الإنترنت
تعالوا ناخد جولة مع جوجل إيرث كده ونشوف ممكن تتفرج على إيه في مصر ودول أخرى وكيف لا تمانع جوجل في إظهار أسرار كثير من الدول ولا تخضع الا فقط لضغوط الولايات المتحدة وإسرائيل في إخفاء المواقع الحساسة
ممكن تتفسح على جوجل ببلاش وتشوف معالم مصرية زي

برج القاهرة

مكتبة الإسكندرية

جامع محمد علي بالقلعة

وحتى مطار إمبابة اللي باعوه
ولحد كده كويسين لكن يا ترى ممكن تشوف إيه تاني بالصدفة بالصدفة يعني

القصر الجمهوري بمصر الجديدة

مهبط الهليكوبتر بقصر القبة

حمام سباحة بقصر القبة

مبنى المخابرات العامة بحدائق القبة
بس ده برضه مش حساس قوي يعني لأن الناس معدية من هناك رايح جاي طول النهار واي واحدة بتنشر غسيل في عمارات الشركة السعودية بتشوف المنظر ده
طب إيه بقى حساس بجد لكن ممكن أي حد يشوفه ببلاش

هناجر الطائرات السطحية بقاعدة بني سويف الجوية

هناجر الطائرات تحت الأرض بقاعدة بني سويف

مساكن الطيارين بقاعدة بني سويف الجوية

تفصيلة من قاعدة جوية قرب السويس

طائرة أواكس تطير فوق الدلتا

قاذفة توبوليف 16 بادجر النفاثة بمطار ألماظة
وطبعا ليس الأمر قاصرا على مصر فقط بل كل الدول العربية ودول منطقة الشرق الأوسط

طائرة دي سي 3 في قلب الصحراء الليبية

أحد الأماكن التي قصفتها أمريكا في الصحراء الليبية

غواصات فوكس تروت رابضة في ميناء طرابلس

مبنى رئاسة أركان الجيش الأردني

مبنى المخابرات الأردنية

طائرات نقل عسكري بمطار عمان بالأردن

مفاعل السلام النووي المغلق بالجزائر

مفاعل بوشهر النووي بإيران

طائرات إف 14 توم كات بقاعدة بوشهر
أما عندما يتعلق الأمر بجارتنا إسرائيل ...
فالأمر يختلف تماما

قاعدة بن جوريون الجوية

قاعدة هاتزيريم الجوية

قاعدة هاتزور الجوية

قاعدة نيفاتيم الجوية

قاعدة عوفدا الجوية

قاعدة بالماخيم الجوية على ساحل المتوسط

قاعدة رامات ديفيد الجوية

قاعدة رامون الجوية

قاعدة سديدوف الجوية على ساحل المتوسط أيضا

قاعدة تل نوف الجوية
وكما ترون لا توجد تفاصيل البته اللهم الا مدرج الطائرات ولا ينطبق هذا فقط على المواقع الحساسة ولكن على كل إسرائيل كما ترون

ميدان ها ميديناه أحد الميادين الشهيرة بقلب تل أبيب
-
ملحوظات مصرية قوي

من ارشيف الوعي المصري - تصوير وائل عباس
مع الاعتذار لاستاذ طارق جابر صاحب ما قل ودل
معلش ها انافسك شوية
بس الواحد ساعات بيبقى عنده ملحوظة صغيرة ما تكفيش تتكتب مقال

ملحوظة 1
شاهدت اعلان اسرائيلي على الديش عن اجهزة الكترونية
من ضمن الاجهزة جهاز ام بي ثري بلاير
ولقيتهم في الاعلان بينطقوها ام بي شالوش
طب ليه احنا مش بنقول ام بي تلاته ؟؟؟

ملحوظة 2
رحت اجيب السباك علشان يصلح السخان
لقيت المحل مفتوح ومحدش فيه
وفيه بضاعة معروضة امامه وجوه فيه بضاعة برضه
وقدام المحل مدرسة اعدادي مليانة عيال ساعة المرواح
وقفت ييجي ربع ساعة لحد ما السباك جه
وبرضه ساب المحل مفتوح وجه معايا
مش خايف حد يسرقه ؟؟؟

ملحوظة 3
بقالي كتير ما رحتش اشتري طعمية من عند بتاع الطعمية
وكان نفسي اكل طعمية سخنة
عمللي قرطاس ورق ووقفت في الطابور
الراجل بيقلي ويطلع الطعمية في المصفاة
والناس هي اللي بتعبي لنفسها بنفسها
وكل واحد عارف ياخد كام طعمياية - الا انا - وسالته وانا محرج موت
مش خايف حد يسرقه ؟؟؟

ملحوظة 4
انا باحب مصر قوي مش عارف ليه ومش لاقي أسباب بس ساعات حاجات صغيرة قوي تعرفني ليه
منها ملحوظة 2 و 3

وائل عباس
-
مظاهرة للسودانيين في أستراليا
إحتجاجا على مذبحة ميدان مصطفى محمود





-
أين الحقيقة

القمر عاموس 2 أثناء الإعداد - صورة من موقع آريان سبيس
هل تعلم أن هناك قنوات عربية في باقة ييس على القمرين الإسرائيليين عاموس واحد واتنين
هل تبث اسرائيل تلك القنوات بالاتفاق مع الدول العربية المالكة لها ام تسرقها وتبثها غصب عنها  ولو بتسرقها وبتبثها مافيش قانون دولي يمنع ذلك ولو بتبثها بالاتفاق مع الدول المالكة يبقى مش عيب قنوات بتجعجع بالصمود والتصدي ومعاداة الصهيونية ومساندة المقاومة ويشتروا مساحات على قمر اسرائيلي وكمان باقة زي ييس تكسب فلوس من وراهم

 بيانات إستقبال قناة الجزيرة - مشفرة - على عاموس 1
لاحظوا ان باقة ييس عليها قنوات بلاي بوي وأدالت تشانل وبرايفات بلو الاباحية
انكر صفوت الشريف ايام ما كان وزير الموضوع ده وقال ان اسرائيل بتسرق القنوات
واليكم قائمة القنوات على عاموس وهي
الفضائية المصرية
LBC
أبوظبي
روتانا ميوزيك
الجزيرة
الأردن
MBC
-
كليمنصو عبرت يا رجالة

قناة السويس من فوق كوبري السلام - تصوير وائل عباس

سمحت السلطات المصرية المهلبية لحاملة الطائرات الفرنسية "كلينمصو" بالعبور من قناة السويس لتكمل رحلتها للهند و هي محملة بخمسة و أربعين طن من الأسبستوس - وصلتنا مكالمة تليفونية منذ قليل من مصادر قريبة من جرين بيس تفيد بأن الرقم خمسمائة طن - ... فبعد ثلاث أيام قضتها الحاملة خارج ممر قناة السويس و بعد أن اقامت منظمة السلام الأخضر الدنيا و صرخت في كل مكان..و بعد أن أنتشرت فعلا الأنباء عن توقيف الحاملة الفرنسية و منعها من العبور لحين أستيفاء المستندات المطلوبة و التي تثبت خلوها من السموم..و هو طبعا ما كان مستبعد الحصول عليه - لأنها بالفعل تحمل نفايات سامة- للدرجة التي أشادت فيها الجرين بيس بموقف مصر..
و لكن طبعا وكما كان متوقعا..تمخض الأسد و ولد فأر ..ولحست السلطات المصرية كل كلامها..وصدرت الطرشة لكل الأغبياء دعاة الحفاظ علي البيئة و حماية البشرية من المخلفات الفرنسية المسمومة..و التي لم و لن يجرؤ وزير دفاعها في طرح فكرة التخلص منها في بلده و تعريض حياة الفرنسيين للخطر..و الأتفاق علي أيداعها أحد مخازن المخلفات الدولية في أحد الدول النامية طبعا..
وأكدت مصر إن الوثائق التي تلقتها من فرنسا تشير بوضوح إلى أن الاتفاقات الدولية التي تمنع تصدير النفايات السامة لا تشمل حاملات الطائرات..!!! أنما تشمل فقط السفن و مراكب الصيد و مراكب البدلات و الحنطور !!! أنما حاملة طائرات....لأأأأأأأأ...القانون واضح و صريح يا أستاذ..و مدام سددوا الرسوم و دفعوا الدمغات و التأمين..يعدوا..ميعدوش ليه..أقتح يابني القنايا خلي الناس تروح تشوف شغلها..دي جيش فرنسا يا عم مش هزار..انتوا فاكرينهم فاضيين زينا..عدي يا عم عدي ربنا يباركلك....

رامي رمزي
-
من أعمال الفنان سيزار

بحيرة الدماء

رصاصات

خلف الأسلاك الشائكة
-
ركن الكاريكاتير