الوعي المصري

ايه يا وائل ايه يا وائل ايه يا واااائل يعنى لازم اغلط يعنى واول ما ارجع اكتب ابتديها بالغلط ... مالك انت يا صعلوك تدخل بين الملوك ها ... و لا علشان مانت فاشل و مالكش واسته توسلك لوزايف التبكات العليوى تئوم تحكد على ولاد الأسول اوفت يا ربى على الحكد اوفت
فيها ايه يعنى ما هتلر اللى انت بتحبه و بتقول فيه اشعار حب يتهر الشعب الألمانى من التبكات اللى اى كلام من امسالك و امسال اى واحد حكود علشان يخلى الشعب الألمانى صافى و نكى و تاهر من اى دماء غير غنية
و كمان العائلة المالكة فى انجلترا موتت ديانا و دودى لأنها من الأول خالص ماكانتش موافئة على جوازتها من تشارلى علشان دمها مش ازرق صافى لأ دا كان ازرق جانجاه
:))))))))
و بعدين الراجل مغلطش ماهو قالك اهو انه شاف عيال غلبانيين و تافحين الدم و بيجروا ( او بيشدوا ) عربيات الكارو بدل الحمير
بجد بجد انا نفسى اجيب بخاخة ريد او راجون و ارشش فشاش على كل الأولاد البيئة الفكراء اللى مش لاكيين علشان البلد تبئى نديفة و نقيه لأن حالها مش هاينسلح الا بالكداء على الفكر و الكداء على الفكر لا يأتى الا بالكداء على الفكراء نفسهم
بالذمة مش فكرة
و الله يا بت يا لوونى عليكى افكار جبارة
اه ه ه ه ه ه يا مرارتى
اقول ايه بس
انا مش عارفة مين هو حسين العشرى و لا مين الشاب اللى بيتكلم عنه و اللى بيتغزل فيه و بصراحة ما يهمنيش اعرف
انا مش هاتكلم عن الواسطة و بس انا هاتكلم عن بلوة سودة تانية قالها العشرى و محدش اخد باله منها
الأستاذ بيرجع تفوق الشخص اللى بيتكلم عنه الى ان اصوله ليست مصرية 100% و لكن تجرى فيها دماء انجليزية طاهرة

الأستاذ يقول
لكننى أعرف وسأقوله :أنا أعلم ،أن والده مهندس مصرى يعمل
بانجترا ووالدته إنجليزية، ولابد أن يكون معه جنسية
وباسبورت إنجليزى؟؟
دى حاجة، ثم وجهت كلامى إليه مباشرة أشرح له وجهة
نظرى...هكذا::
""وبناء عليه،فإنك حظيت على تعليم جيد فى إنجلترا ومما
أهّلك لعمل ممتاز هنا
بمصر، نضيف إلى ذلك أسرتك ووالدك بالذات،حيث كافح وثابر
واجتهد وتفوق ودخل ودرس الهندسة ،وفتحت له أبواب النعمة
والحمد لله،ولأن والدتك إنجليزية..فقد كانت أسرتك
صغيرة،مما سهل على الوالدين العناية بها وتنشئتها على
خير وجه، وهاهو أنت مثال حى
نتج عن جهد ووعى أسرة وكفاح والد....هذا عن الجانب التى
خرجت أنت منه

و قبل ماحد يفتح بقة بنص كلمة انا مولوده فى انجلترا و والدتى مش مصرية و معايا باسبور انجليزى و والدى رحمه الله اكمل دراسته برضه خارج مصر و بادرس فى لندن يعنى لا بحقد و لا بحسد و لا لى فى اللعبه دى من اساسه
بس الله يشهد انى فى حياتى ما استعملت الباسبور ده و لا فى اى سفر ولا اصلا كان حد يعرف عنى الموضوع ده الا مؤخرا بعد اللى حصل لى و اضطريت الى انى استخدمه
عارفين ليه
لأن والدى رحمه الله كان من ابطال اكتوبر و للأسف ارضعنى حب البلد بنت الإيه دى و فهمنى انى مهما طلعت و لا نزلت اصلى صعيدى اسكندرانى و لازمن حتمن و لابد من كل بد انى احط صوابعى العشرين فى عين اى واحد يتكلم عن البلد دى و لا على حد من اولادها نص كلمة
وكمان علشان حاجة تانية
أنى بصراحة باتكسف انى اقول انى معايا باسبور انجليزى
لأن الإنجليز دول شعب من اقذر الشعوب و ادناهم
اللى يقرأ تاريخهم يعرف كويس اوى هم ايه و كانوا ايه و لا زالوا
يا استاذ حسين يا عشرى ياللى بتفتخر بصاحبك اللى والدته انجليزية مالكش قريب و لو من بعيد اتشنق فى شدوان و لا غرق فى القناة و لا استشهد فى الثورة العرابية و لا فى العدوان الثلاثى و لا حتى فى اكتوبر و لا فى نحرير الكويت و لا فى اى داهية سودة
انت بتفتخر ان البيه صاحبك مش من اصول مصرية و ان والدته انجليزية و ان والدهعلشان اتعلم برة فا هو اتربى كويس؟؟؟؟؟؟ يا سلام و هو يعنى اللى اتربوا جوه كخة و اللى اتربوا بره دحة؟؟؟ و لا احنا ولاد البطة السودة و هم اولاد بحيرة البجع
فى ايه ماتفوق لنفسك و اقف عدل و اتكلم عدل و اعرف انت بتتكلم مع مين و اولاد مين
لو صاحبك ده ماسك منصب مهم يبقى وقعته هو و اللى عينه سودة و جت معاه ستروبيا لأن من الواضح ان فيه اتجاه ان اللى يمسك المناصب اليومين دول بيكون مزدوج الجنسية و ده مش وليد المصادفة بس مش وقته اتكلم فيه دلوقت
يا عشرى بيه تسمع عن شاب اسمه عبد الحميد ؟؟ الولد اللى رمى نفسه فى البيل و انتحر لأنه من اسرة فقيرة من اللى سعادتك بتستهزئ بيهم و تقول عليهم فقراءو الفقر كسل
الشهيد ( و انا مصرة اسميه شهيد لأنه اتقتل بإيدين ناس بتقيم البشر بما يحملوه من اموال و كروت توصية) انتحر لأن ماكانش فى جيبه كارت توصية من فلان بيه و لا علان باشا
الشاب ده اتخرج من كلية سياسة و اقتصاد يعنى كلية الوزراء و اهل القمة و ابوه كان بيقطع من لحم الحى علشان يعلم ابنه و كان متفوق دراسيا و من اوائل دفعته و فى الآخر و احد سفروت سنكوح يمسك بداله المكان اللى هو كان المفروض يمسكه .........لأن السنكوح كان متقل جيوبه بكروت التوصية علشان كده كفة ميزانه رجحت
يا عشرى بيه معلش تعال على نفسك حبة و اعصر على نفسك لمونه و انزل لف لك لفة فى شوارع مصر و شوف كام واحد عضلات وشه مش مشدودة من الهم و الغم و الحزن
تبقى قابلنى لو لقيت واحد بيضحك
تحب سيادتك نقضى لك عليهم علشان سموك تعيش و تغنى يادى النعيم اللى انت فيه يا قلبى من بعد العذاب
و النبى يا عم قول لصاحبك يخبى باسبوره و يكفى على الخبر ماجور لأنه عار و خيبة تقيلة مش ميزة الا فى حالة واحدة بس ......... انه يتعمل فيه اللى اتعمل فى و فى الحالة دى بس هاينفع معاه و لو انى لا اعتقد انه هايقضى كام يوم فى فندق الفايف ستارز اللى كنت فيه لأن طالما اتعين بواسطة و جاب له عربية على الزيرو من عرق جبينه يبقى من المرضى عنهم :))) و ياريت كمان تقوله انه يأجر له خزنه فى اى بنك يحط كرامته فيها و لا اقولك خليه يسمى و يبوسها و يحطها جنب الحيطة علشان مش هايستعملها تانى من غير شر كده
اصل اللى بياخد حاجة مش بتاعته و لا تنفع له بيدفع التمن غالى اوى ......ايا كان التمن ده ...
و للحديث بقية

تنطلق اليوم 8 مارس مسيرات للنساء فى أكثر من دولة حيث تشهد مدينة ساوبولو على سبيل المثال مسيرة تضم اكثر من 30 الف سيدة لتعبر عن مشكلات وقضايا المرأة فى أكثر من 53 دولة وتهدف المسيرة لاقرار ميثاق عالمى للنساء يحمى حقوق المرأة فى ظل العولمة.
وللاسف الشديد يشهد هذا اليوم فى مصر احتجاز عشرات النساء من قرية سرندو محافظة البحيرة فى شمال مصر بدون وجه حق بأماكن الاحتجاز المختلفة التابعة لوزارة الداخلية بالمحافظة دون سبب اللهم الا كرهائن لحين تسليم بعض ازواجهم انفسهم فى قضايا بخصوص منازعات على اراضى زراعية ملك للدولة بالقرية وحسب شكاوى الفلاحات للمركز فإن بعض هؤلاء النساء هم :
1- رنيا سمير الصباغ 2- رشيدة الجيزاوى 3- نعمة حافظ أبو طلبه 4- زاهية الاجرب
5- سماح عبد الحميد الجرف 6- فرحانة حافظ 7- السيدة محمد العطار 8- رسم أحمد خلاف
9- زهرة سعيد ابو العلا 10- سهام سعيد أبو العلاء 11- خضرة محمد زكى12- عزيزة منصور الفقى
13-هويدا محمد محمود الفقى .
كما تقوم قوات الشرطة بالقبض على الفتيات بالقرية ومنهن الخضرة محمد زكى 9 سنوات وفاطمة صالح الشناوى 5 سنوات .
وكذلك تم القبض على أطفال السيدة عزيزة منصور الفقى وتذكر شهادات أهالى القرية لمركز الارض أن قوات الشرطة قامت بربط كل اثنين من النساء ببعضهم من شعورهم وضفائرهم الى جانب تقييد ايديهن .بالاضافة الى العديد من الممارسات اللانسانية والمتعسفة ضد الفلاحات بالقرية .
وتأتى مثل هذه الممارسات المتعسفة والمتناقضة من قبل السلطات المصرية فى ذكرى يوم المرأة العالمى حيث تستخدم السلطات المصرية العنف ضد النساء واهانتهن بأقسام الشرطة فى ظل الاحتفالات التى تشهدها القاعات الحكومية المصرية المختلفة لتنظيم المؤتمرات عن انجازات الحكومة لدعم حقوق ومشاركة وتنمية اوضاع المرأة وحرصاً على حماية حقوق نساء قرية سراندو فإن مركز الارض يطالب السيد رئيس الجمهورية بسرعة التدخل للافراج عن السيدات المحتجزات بدون وجه حق فى نقطة شرطة شرنوب وسنهور بمركز منهور محافظة البحيرة ، كفالة لحقهم فى الحياة والحرية والامان الشخصى .
كما يطالب المركز السيد وزير الداخلية التدخل لوقف الحملات التى تقوم بها قوات الشرطة بمركز شرطة دمنهور ضد سيدات سرندو والقرى المجاورة والتحقيق مع رئيس مباحث مركز دمنهور فى الممارسات المتعسفة التى يقوم بها ضد الفلاحات والفلاحين واصدار تعليماته بالزام ضباط شرطة محافظة البحيرة بتطبيق القانون ووقف حملات القبض العشوائى على النساء والفتيات والاطفال كفالة لحقوقهم القانونية والدستورية فى الحياة الكريمة والامان الشخصى .
ويطالب المركز أيضاً المجلس القومى لحقوق الانسان والقومى للامومة والطفولة سرعة التحرك لانقاذ سيدات قرية سراندو من بطش بعض كبار الملاك ووقف استخدام العنف ضدهم من قبل السلطات والافراج عن المحتجزات منهم بأماكن الاحتجاز المختلفة بمحافظة البحيرة .
هذا والجدير بالذكر انه وبتاريخ اليوم 8/3/2005 قررت نيابة مركز دمنهور تجديد حبس الفلاحين السبعة الذين يحاكمون بتهمة التعدى على حيازات مدعى الملكية بالقرية 30 يوم أخرى والمحبوسين على ذمة الجنحة رقم 2825 لـ2005 كما تم حبس 15 فلاح أخرين من قرية سرندو منهم ثلاث سيدات بتاريخ أمس 7/3/2005 على ذمة الجناية رقم 5631/12 لـ2005 والمتهمون فيها بأعمال البلطجة وتهم أخرى وذلك على أثر منازعات نشبت بينهم وبين بعض اعوان مدعى الملكية بمركز دمنهور على ملكية بعض الاراضى المتنازع عليها لمدة اربعة ايام على ذمة التحقيقات .
وختاماً فى ظل مسيرة حماية حقوق النساء والتى يأتى ذكرى يوم المرأة العالمى تتويجاً لها فإن مركز الارض يناشد المؤسسات المحلية والدولية خاصة المؤسسات النسائية بالتضامن مع نساء قرية سراندو ومطالبة المسئولين فى مصر بوقف حملات الترويع ضدهن والافراج عن المحتجزات منهن بدون وجه حق وذلك حرصاً على حقوقهن فى الحياة الكريمة والامان الشخصى .
لمزيد من المعلومات يرجى الاتصال بالمركز
تليفون وفاكس / 5750470
البريد الإلكتروني:Lchr@thewayout.net – lchr@lchr-eg.org
Website www. Lchr-eg.org