الوعي المصري

الـتـهــمـة بـيــدون

صورة أرشيفية للمأسوف على شبابه - كنت لسه شاريه جديد ما بقاليش كام شهر لكن يظهر أخد عين جامدة - لاب توبي الذي يقبع في مكان ما في أحد مقرات مباحث أمن الدولة بعد أن قام دلاديل وحرامية ونصابين مصلحة الجمارك بمصادرته وسرقته بأوامر من خولات أمن الدولة بزعم عرضه على المصنفات الفنية في سابقة هي الأولى من نوعها في مصر ولم يسمع عنها أحد من قبل وعلى الرغم من ذلك تنفي المصنفات الفنية تلقيهم لجهازي من الجمارك نهائيا رغم مصادرته منذ حوالي شهرين بينما أخبرتنا مصادر داخلية موثوقة في جهاز الشرطة أن اللابتوب الآن في حوذة مباحث امن الدولة بالمخالفة للقوانين والدستور بإعتباره جهاز إتصال يحميه الدستور والقوانين التي تحظر التصنت والإطلاع على خصوصيات المواطنين وساهمت مصلحة الجمارك بدور قذر في هذه الجريمة

بقلم / ميادة مدحت

حجزوا الولد الاسمر
والتهمة بيدون
قال ايه كيبورده عنيد
وشاشاته بتمون
أفكار بلاد بره
وجمال بلاد بره
وفى شعبنا بيشحن

ليه يا ولد يا عنيد
بتثور على التقليد
وبتعشق الأصلى
وليه تقول اشاعات
عن عرشنا بالذات
عايز الشعوب تغلى؟

قال الولد الاسمر
معرفش حاجة يا بيه
إدينى لاب توبى
وسيبنى أمشى يا بيه
ده لو انت متربى

نظروله نظره شرار
وفتشوه ذاتى
فقالهم اقرار عليا وحياتى
لا عمرى كنت جاسوس
ولا كنت يوم مدسوس
لكن فضل محبوس
بينادى ويهاتى

واهو كل يوم ياخدوا
ف شباب بيتشون
فى السجن يتعبى
بالدم يتلون
ايه تهمتك يا ابنى
انا تهمتى مدون
ودى مين كمان ياختى؟
ظبطوها بتدون !
غور يا جحيم الظلم
ويا زمان .. دون

جيمي بيشتري مجوهرات لدوجا من شانيل مع دادي

كتب عمر عفيفي من واشنطن

تأكد لنا من عدة مصادر أنه تم الإمس مشاهدة السيد جمال مبارك نجل الرئيس حسني مبارك في أكثر من مكان بالعاصمة الامريكية واشنطن حيث تم مشاهدته للمرة الاولي أمس في فندق كارلتون تاور بالعاصمة الامريكية في حراسة خمسة من رجال الامن المصريين ، كما تمت مشاهدته مرة أخري أمس يقوم بالتسوق للجواهر من أحد محلات الجواهروالملابس (شانيل ) بمنطقة تايسونز كورنر في حراسة نفس الخمسة رجال وكان يرافقه في جولة التسوق كلا من الوزير رشيد محمد رشيد والوزير بطرس غالي اللذان وقفا لانتظارة خارج المحل لاكثر من 45 دقيقة حتي ينتهي من التسوق

وتم اليوم مشاهدفي فندق سان رجي والواقع بتقاطع شارعي تي مع شارع 16 بالعاصمة الامريكية واشنطن الساعة الثالثة بعد الظهر خلال الاجتماع الذي عقده السيد السفير سليمان عواد المتحدث الرسمي مع مجموعة من العاملين بحقل الاعلام في الولايات المتحدة الامريكية وشوهد السيد جمال مبارك وهو يرتدي قميصا وتي شرت وعندما لاحظ بعض الاعلاميين وجوده تم التنبيه عليهم بعدم نشر وجوده بواشنطن

يذكر ان الرئيس مبارك يقيم بفندق الفور كورنرز في العاصمة الامريكية واشنطن بمنطقة جورج تاون ويقيم السيد جمال مبارك في فندق كارلتون تاورز بولاية فيرجينيا لسبب غير مفهوم ويرجح ذلك لمحاولته ان تكون زيارته لواشنطن سريه أو ربما لاعتبارات سياسية أو أمنية

الغريب أن الوفد المرافق للسيد الرئيس حسني مبارك والذي يضم العديد من رؤساء تحرير الصحف المصرية لم ينشر أي منهم خبر مصاحبة جمال مبارك لوالده

جريمة تعذيب بشعة نكشف عنها بالفيديو في بورسعيد

تلقت الوعي المصري هذين المقطعين لتعذيب سجين
ويقول مرسل الفيديو أن هذه الوقائع جرت في قسم الضواحي بمدينة بورسعيد
وأن الظابط الذي قام بالتعذيب يدعي محمد أبو غزالة
وهو رئيس المباحث بالقسم

سياسة الإستخدام - هي هيء لأ في الحلال يا معلم - العادل

دي حلقة برنامج حصاد اليوم على قناة الجزيرة ليلة أمس واللي كان ضيفها العبد لله وكنت باتكلم فيها عن سياسة الإستخدام العادل للإنترنت في مصر
-
أما ده فالكلام اللي ما قلتهوش في الحلقة
يعني إيه سياسة الإستخدام العادل
في بيع الشقق
يعني أبيعلك شقة تلات أوض بكامل سعرها اللي هو أصلا أغلى من السعر العالمي
ونبقى كاتبين في العقد مساحة الشقة أكبر من مساحتها الحقيقية اللي إنت مديهالي
وما اقدملكش اي خدمات زي الأسانسير والصيانة مثلا
وفي النهاية يبقى من حقك تستخدم أوضة واحدة بس
علشان ما تزحمش الشقة
وأأجر أنا الأوضتين الباقيين مفروش - وهو ده العدل
البلد فيها أزمة مساكن يا أخي خلي عندك دم !!!
-
سياسة الإستخدام العادل للسيارات
يعني أبيعلك عربية كاش بكامل سعرها
اللي هو أغلى من سعرها وهي طالعة جديدة لانج من المصنع
بس كل يوم الصبح لازم توصل تلاتة أصحابي شغلهم
وأنا اللي ها ألم الأجرة وأحطها في جيبي
ماهو العربية فيها خمس كراسي يا جدع خلي إستخدامك عادل أومال
وأهو نوفر زحمة المواصلات هو البلد ناقصة زحمة يعني
-
ليه سياسة الإستخدام العادل سياسة إشتراكية تقدمية ؟؟؟
لأن هو ده المفهوم الجديد للإشتراكية
وهي إن رجال الأعمال أصحاب شركات الإنترنت
اللي هما أصلا بيعملوا بلايين بسبب إحتكارهم للسوق
لازم - تشاركهم - في فلوسك
ولازم وزارة الاتصالات وجهاز تنظيم الاتصالات
اللي هما بيفترض فيهم انهم في صف المستخدم
لازم يدعموا رجال الاعمال المحتكرين في سرقتهم لينا
لازم تساعدهم إنهم يبيعوا نفس سعة الباندويدث لمستخدم وإتنين وتلاتة
زي بالضبط اللي بيبيع شقة لأكثر من ساكن
بدون أي سعي لتطوير الخدمة لتواكب عدد المستخدمين
يعني هما عندهم عشر خطوط
يرضيك يبيعوهم لعشر مشتركين بس ؟؟؟
ومية تانيين يتحرموا من الخدمة لأنة الشركة مش عاوزة تشتري بضاعة من اللي بتبيعها للناس
قلب عيشك يعني بالبضاعة الموجودة
وحصيرة الصيف واسعة
ولقمة هنية تكفي مية
وبكده يا حلو يبقوا بيبيعولك الهوا في أسلاك
-
نتكلم جد بقى شوية
بقى يا ولاد القحبة
بدل ما الشركات تخفض الأسعار وتزود السرعات علشان نلحق بركب التقدم في العالم بنرجع لورا ؟؟؟
بدل ما تقولوا للشركات بطلوا نصب وبطلوا تبيعوا للناس باندويدث مش عندكم أصلا - وهو ده السبب الحقيقي اللي بيسبب خنقة السرعة والبطء على الإنترنت - وده يعتبر نصب وإحتيال - بتقيفولهم الباندويدث على حسابنا إحنا !!!
هو الناترا ده تحول الى جهاز قوادة وتعريص ؟؟؟
آه يا بلد معرصة !!!
يا جماعة إفهموها بقى
الشركات بتبيعلنا الهوا
بيبيعولنا خطوط وهما معندهمش اللي يكفي الخطوط دي !!!
الحكومة ورجال الأعمال بيسرقونا
وبينصبوا علينا
ومفروض إن إحنا بنريل بقى وبنصدق !!!
-
بوستات سابقة من عام 2007
حول نفس الموضوع
فهل تنجح حملتنا الآن كما نجحت وقتها
قلوط إضافي بمية وخمسين قرش
رسالة للوعي المصري تكشف سر تحجيم الإنترنت
فضيحة للوزير بتاع نبض الشارع

تسجيل حلقة تسعين دقيقة مع جمال عيد ووائل عباس

الحلقة أذيعت على الهواء مباشرة بتاريخ الثالث من أغسطس 2009
الجزء الأول

الجزء الثاني

الجزء الثالث

هوان المصريين في ليبيا

فيديو تم تسريبه من ليبيا
هكذا يعاني المصريون على منفذ العبور للخروج من ليبيا بعد أن قرر النظام الليبي المجنون فجأة فرض رسوم خروج على المصريين - خمسمائة دينار أي ألفين وخمسمائة جنيه مصرى على الفرد - دون أي سابق إنذار وتعرض المصريون للمهانة الشديدة والبيات في الصحراء وأحيانا إطلاق النار والتعرض للإصابة بالطاعون - الذي تسرب من مخازن أسلحة بيولوجية - واغلقت السلطات المصرية أيضا في وجههم منفذ السلوم خوفا من الطاعون ولم يسعفهم إتصالهم بالسفارة المصرية لتوفير الماء والغذاء لمن يبيتون في العراء
طبعا إحنا في مصر حكومة و - معارصة - كان عندنا مشاكل أهم زي نقص الفياجرا في غزة وأزمة الموبايلات الحديثة هناك ومقتل المواطنة المصرية مروة الشربيني لأنها إتقتلت في المانيا وعلشان كده تعتبر بني آدمة أما اللي بيروح السعودية وليبيا فدول حيوانات ما يتحسبوش ومحدش بيعملهم مظاهرات قدام السفارات لما بيتعدموا او يتعذبوا أو يترموا في السجون بدون تهمة
إلى جانب المعارضة القومجية اللي ما تقدرش تزعل القذافي ولي نعمتهم وفاتح بيوتهم وممول جرايدهم وفضائياتهم ...