Ok

By continuing your visit to this site, you accept the use of cookies. These ensure the smooth running of our services. Learn more.

Tuesday, 11 August 2009

سياسة الإستخدام - هي هيء لأ في الحلال يا معلم - العادل

سياسة الإستخدام - هي هيء لأ في الحلال يا معلم - العادل

دي حلقة برنامج حصاد اليوم على قناة الجزيرة ليلة أمس واللي كان ضيفها العبد لله وكنت باتكلم فيها عن سياسة الإستخدام العادل للإنترنت في مصر
-
أما ده فالكلام اللي ما قلتهوش في الحلقة
يعني إيه سياسة الإستخدام العادل
في بيع الشقق
يعني أبيعلك شقة تلات أوض بكامل سعرها اللي هو أصلا أغلى من السعر العالمي
ونبقى كاتبين في العقد مساحة الشقة أكبر من مساحتها الحقيقية اللي إنت مديهالي
وما اقدملكش اي خدمات زي الأسانسير والصيانة مثلا
وفي النهاية يبقى من حقك تستخدم أوضة واحدة بس
علشان ما تزحمش الشقة
وأأجر أنا الأوضتين الباقيين مفروش - وهو ده العدل
البلد فيها أزمة مساكن يا أخي خلي عندك دم !!!
-
سياسة الإستخدام العادل للسيارات
يعني أبيعلك عربية كاش بكامل سعرها
اللي هو أغلى من سعرها وهي طالعة جديدة لانج من المصنع
بس كل يوم الصبح لازم توصل تلاتة أصحابي شغلهم
وأنا اللي ها ألم الأجرة وأحطها في جيبي
ماهو العربية فيها خمس كراسي يا جدع خلي إستخدامك عادل أومال
وأهو نوفر زحمة المواصلات هو البلد ناقصة زحمة يعني
-
ليه سياسة الإستخدام العادل سياسة إشتراكية تقدمية ؟؟؟
لأن هو ده المفهوم الجديد للإشتراكية
وهي إن رجال الأعمال أصحاب شركات الإنترنت
اللي هما أصلا بيعملوا بلايين بسبب إحتكارهم للسوق
لازم - تشاركهم - في فلوسك
ولازم وزارة الاتصالات وجهاز تنظيم الاتصالات
اللي هما بيفترض فيهم انهم في صف المستخدم
لازم يدعموا رجال الاعمال المحتكرين في سرقتهم لينا
لازم تساعدهم إنهم يبيعوا نفس سعة الباندويدث لمستخدم وإتنين وتلاتة
زي بالضبط اللي بيبيع شقة لأكثر من ساكن
بدون أي سعي لتطوير الخدمة لتواكب عدد المستخدمين
يعني هما عندهم عشر خطوط
يرضيك يبيعوهم لعشر مشتركين بس ؟؟؟
ومية تانيين يتحرموا من الخدمة لأنة الشركة مش عاوزة تشتري بضاعة من اللي بتبيعها للناس
قلب عيشك يعني بالبضاعة الموجودة
وحصيرة الصيف واسعة
ولقمة هنية تكفي مية
وبكده يا حلو يبقوا بيبيعولك الهوا في أسلاك
-
نتكلم جد بقى شوية
بقى يا ولاد القحبة
بدل ما الشركات تخفض الأسعار وتزود السرعات علشان نلحق بركب التقدم في العالم بنرجع لورا ؟؟؟
بدل ما تقولوا للشركات بطلوا نصب وبطلوا تبيعوا للناس باندويدث مش عندكم أصلا - وهو ده السبب الحقيقي اللي بيسبب خنقة السرعة والبطء على الإنترنت - وده يعتبر نصب وإحتيال - بتقيفولهم الباندويدث على حسابنا إحنا !!!
هو الناترا ده تحول الى جهاز قوادة وتعريص ؟؟؟
آه يا بلد معرصة !!!
يا جماعة إفهموها بقى
الشركات بتبيعلنا الهوا
بيبيعولنا خطوط وهما معندهمش اللي يكفي الخطوط دي !!!
الحكومة ورجال الأعمال بيسرقونا
وبينصبوا علينا
ومفروض إن إحنا بنريل بقى وبنصدق !!!
-
بوستات سابقة من عام 2007
حول نفس الموضوع
فهل تنجح حملتنا الآن كما نجحت وقتها
قلوط إضافي بمية وخمسين قرش
رسالة للوعي المصري تكشف سر تحجيم الإنترنت
فضيحة للوزير بتاع نبض الشارع

Comments

انت كنت فين يا عم وائل
انا برضه قلت موضوع السياسة الرشيدة ده مستحيل يكون عدا عليك
اتأخرت 5 أيام بس جبت جون
ويا ريت كنت قلت الكلام ده كله على الجزيرةو اياكش تولع أكتر ما هى والعة

نتكلم بجد بقى :):):):):)

دلوقتى ايه العمل
ماحدش يقدر يستغنى عن الانترنت
بس انا برضه رحت امبارح تى داتا و لغيت الاشتراك عشان انا قفايا ورم من كتر الضرب و كده كتيرو كان لازم اعمل حاجة

بس مش عارف هاعيش ازاى من غير انترنت
؟؟؟؟؟؟؟؟؟؟؟؟؟؟؟؟؟؟؟؟

Posted by: mhmd | Tuesday, 11 August 2009

بصراحة حاجة احا اوي
ايه القرف ده
انا بجد مش لاقية كلام يكفي و يوفي
دي سرقة عيني عينك
ارفعوا قضية يا وائل
جمعوا تواقيع و ارفعوا قضية و افضحوهم
عالم وسخة متختشيش

Posted by: Hafsa | Tuesday, 11 August 2009

دوال بيحولوا يطلعوا مصلحه عايزيين يربوا فى كروش اكبر من كده كام % اصلا من سكان مصر بيستخدموا الانترنت

Posted by: karim | Tuesday, 11 August 2009

مايجيبها الا وائل
قال اللي في نفسنا
بعد ما البيت بيتك و 90 دقيقة ما قلبونا
الجهاز واكلها والعة مع الشركات زيتهم في دقيقهم و عايزين ينصبوا علينا و يمصوا دمنا

Posted by: Ahmed | Tuesday, 11 August 2009

طب نعمل ايييييييية؟ في حاجة نعملها ولا حملة حد محتاج توقيعات ناس او اي حاجةةةةةة

Posted by: يخرب بيت القرف | Tuesday, 11 August 2009

تسلم ايدك يا وائل كنت عايزك تشخر للشرموط المتزق اللى كان معامك فى الجزيرة
ولا للرجوع للعصر البدوى

Posted by: mabdon awy | Tuesday, 11 August 2009

لازم نرفع قضية
و أنا جاهز للتوقيع

Posted by: ahmed | Tuesday, 11 August 2009

بقت حاجه مستفزه بدل ما يساعوا الشباب يخنقوهم

Posted by: مصر اليوم | Tuesday, 11 August 2009

يا رجاله احنا له دايما مش بنفكر
ده قرار وزاري مش من شركات الانترنت
وبعدين احنا نسينا ان الشركات ده لسا رفعا السرعات وبنفس السعر
صح ؟؟؟؟؟؟
يا جماعة هيئة تنظيم الأتصالات عاملين كد علشان بعد مرخصو النت لسه فيه شبكات غيرشرعيه و مأثرة على سرعة النت عند الناس المشتركة لوحدها

Posted by: ahmedsmith | Tuesday, 11 August 2009

طيب نشوف ده

http://www.tqnei.com/tech/forumdisplay.php?f=6


عاوزين نبنى مجتمع تقنى واعى وفاهم

Posted by: مجتمع تقنى | Wednesday, 12 August 2009

انا شايفه انه قرار مش فيه مشكله بالنسبه للمشترك لي وحده علي ADSL

Posted by: mony | Wednesday, 12 August 2009

يابختك ياوائل
جمانه نمور حته واحده :)

Posted by: Amir | Wednesday, 12 August 2009

مبروك ما يجيبها الا رجالها ويحيا اتحاد المدونين والى الامام

Posted by: مبروك | Friday, 14 August 2009

بمعنى مثلا انت ليك سعت تحميل 25 جيجا انت حملة 8 جيجا راحم بطئم لك النت الى 128 كيلو ووقفم التحميل
لو جيت تكلمهم يقولولك انت خلصة السعة بتعتك فى التحميل وفى الاساس هما بيخموك يعنى من الاخر الشركة رخصة الاسعار بالنسبة لمصر وطبعا غالية مش ذى برة وفى نفس الوقت هيدحكم على الناس وينزلم سرعة النت عندهم الى 128 كيلو وبنفس السعر القديم
ومحدش يعرف يثبت عليهم حاجة
والية مش عجبة يخبط راسة فى الحيط

Posted by: ahmed | Saturday, 15 August 2009

قرار طبعا يستفذ اى حد بس برضة
لا تعقيبات على سياسة قناة الجزيرة الى تخلى اى حد يلاحظ غباءه الاعلامى
يعنى المزيعة بتقول ان القرار ده طالع للمدونين؟!
يعنى يا قناة الجزيرة خليكى حيادية شوية وبلاش شغل اشعال الفتيل والاصطياد فى الماء العكر؟!
مال المدنونين بالترفيك؟
حد يقولى يا جماعه مال المدون بالترافيك واحد بيكتب مقالته على ملف ورد مثلا او يكتبها فى المدونة بتاعه وبينرشها هل التدوينة بتاخد 1 جيجا ترافيك؟
او بتاخد مثلا5 جيجا ترافيك فالحكمومة عاوزة تخلى المدونين ميكتبوش اكتر من 4 تدوينات شهريا؟

ولا السبب الحقيقى وراء تقليل الترافيك وهو رفع السرعة الشهر الماضى كله عارف ان السرعة انضربت فى 2 يعنى الى كان 256 بقا 512
وبعد القرار هما محتاجين انه يرفعوا السرعة الاصلية الى داخله مصر وهما مش معاهم فلوس للده فقالوا نعمل سياسة الانترنت الظالم!

Posted by: الجزيرة! | Saturday, 15 August 2009

هو انا لي استفسار
اللي بيتفرج مثلا على اليوتيوب ..ده ينقص من الباندودث برضوه زي اللي بينزل افلام ؟
و الداونلود زي الاب لود في سياسيه استهلاك الباندودث ؟
احنا هنا في كندا بنعمل كل حاجة على النت بصراحة و ما فيش اي كلام فاضي من الوزاره بتعمله ده ؟؟

Posted by: استفهام | Saturday, 15 August 2009

محذوف

وحياة امك ؟؟؟
طب يلا ياد علشان ها نرش مية

Posted by: Mohamed | Monday, 17 August 2009

محذوف

مدونتي وانا حر فيها يا روح امك
روح قول كده للي مشغلينك
شريكي ؟؟؟
هو كل واحد ابن قحبة ييجي يتمنيك هنا ويقوللي ديمقراطية
قول للي مشغلينك يورونا ديمقراطيتهم الأول يا كس امك
ده انت لحد دلوقت مش راجل وبتخاف تكتب باسمك الحقيقي يا عرص
جاي تعلمني انا الديمقراطية

Posted by: mohamed | Tuesday, 18 August 2009

المشكلة يا جدع مش هتلاقي حل

Posted by: mask | Friday, 28 August 2009

المشكلة يا جدع مش هتلاقي حل المشكلة يا جدع مش هتلاقي حل

Posted by: Purity12 Colon Cleanse | Sunday, 13 September 2009

مين كمال طيزي ده؟ وهي الناس لما تنزل افلام وكليبات يبقى بيحملو الشبكة فوق طاقتها، محدش قلو ان الناس بقت بتشتري الافلام اونلاين وبتشوف تليفزيون اونلاين وبتتكلم عن طريق الفيديو اونلاين وبتبعت لبعضها مقاطع فيديو اونلاين والخ الخ...
هو التحميل بقى قلة ادب يا ابن الكلب يا تيس وعاميللي فيها صحفي متخصص بلانترنت يا غبي وانت مش فاهم الانترنت هي ايه؟...

Posted by: حسام | Tuesday, 20 October 2009

لي رأي مشابه حول هذه المهزلة. حتى أن رخص اﻷسعار واضح و بالدليل الملموس من خلال استعراض أسعار خدمات الاستضافة في عالم الناس ولاد الناس و التي لا تختلف في المهام بل تزيد عن مهام توفير خدمات التوصيل بالشبكة عبر ADSL او غيره.

Posted by: سعيد بكر | Friday, 23 October 2009

thank you .. nice post

Posted by: حدوتة مصرية | Thursday, 08 September 2011

الفيديو طار يا معلم

Posted by: منتدى اصالة | Thursday, 22 September 2011

The comments are closed.