Ok

By continuing your visit to this site, you accept the use of cookies. These ensure the smooth running of our services. Learn more.

Thursday, 10 April 2008

وثائقي قصير - المحلة ليه - إنتاج الوعي المصري

وثائقي قصير - المحلة ليه - إنتاج الوعي المصري

ليه المحلة - إنتحار - الأحداث - الجنازة - ده بلاستيك - فول أشرف البغل - عمرو أديب - عبد الحي أديب - المستعمرة
كل ده ها تلاقيه في هذا الوثائقي
ليست أول محاولة
ولن تكون الأخيرة إن شاء الله
تجربة هاوي متواضعة
الفيلم من تصوير وإخراج ومونتاج العبد لله
مدة العرض حوالي ثمانية دقائق
معلش دي نسخة مضغوطة علشان المساحة والسرعة
-
دلائل لتورط الأمن في بدء العنف بالمحلة

أنا كنت في المحلة إمبارح
حبيت أتطقس واتقصى الحقائق بدل ما أتكلم كده عمياني
وسمعت حاجات غريبة وعجيبة من الأهالي
الأهالي قالوا إن كل حاجة كانت هادية
وفجأة لقيوا ناس مجهولة بتحدف القطار بالطوب
لكن القطار ما وقفش وكمل في طريقه
قوم إيه
العجيب
الأمن هو اللي أوقف القطار
والأمن نزل سواق القطار وضربوه
الأهالي غضبت علشان الأمن ضرب السواق من غير سبب
والسؤال هنا مين الناس اللي حدفت القطار بالطوب
وليه الأمن وقف القطار
وليه الأمن كان عاوز القطار يقف لما المجهولين ضربوه بالطوب

*
المستعمرة التي قيل عنها في الاعلام انها عشوائيات وفيها دعارة ومخدرات
قمت بزيارتها بنفسي لقيتها من احسن مناطق المحلة تنظيما وفيها شوارع مرصوفة وجناين بين البيوت وبنيت اصلا خصيصا لاسكان العمال
والاهالي هناك هم من العمال وارباب المعاشات والموظفين
لكن يبدو ان هناك حملة لاخراجهم من منازلهم
الاهالي كانوا غاضبين جدا من عمرو اديب ومفيد فوزي واتهموهم بالكذب
شركة مصر للغزل والنسيج رافعة على الناس دول قضايا لطردهم
وجايبة عليهم مبالغ تحت مسمى ريع تصل الى مائتين الف جنيه
ومعظمهم من العجائز واصحاب الامراض المزمنة
وهما اصلا ساكنين في اوض او حجرات
فيبدو ان منطقة المستعمرة مستهدفة لسبب او لاخر حكوميا واعلاميا واستثماريا
الناس بيقولوا لعمرو اديب عيب ده انت ابوك كان بييجي يتفسح في جناين المستعمرة اللي انت بتقول عليها عشوائيات دي
*
شفت فيديوهات للأمن بيقبض عشوائيا على المواطنين لمجرد إنهم ماشيين في الشارع
والأمن كان بيستسهل كمان مش بيروح بعيد
يعني أي حد معدي في الشارع بتاع القسم بيقبضوا عليه
منهم واحد كان راكب فيسبا الأمن نزله من على الفيسبا وأخدوه وأخدوا الفيسبا
بدون اي حد من دول ما يكون مشارك في اي حاجة
والاهالي واقفين عند القسم والقسم مش بيقولهم قرايبهم فين
والناس عمالة تروح طنطا والمنصورة ودمنهور ومش لاقيين عيالهم وبيعيطوا
ومافيش محامين هناك خالص
فيارات اكبر عدد من المحامين يروح
ومش عارف ازاي النائب العام يصدر اتهامات لناس اتقبض عليها عشوائيا
الامن شكله فشل في القبض على اشخاص شاركوا في الاحداث بالفعل فكالعادة قبض على اي حد علشان يقفل ويفبرك محاضر ويبقى شكلهم كويس ويتجنبوا الجزاءات ويقبضوا
*
كمان القسم بيقبض على اي صحفيين بيكلموا الاهالي
كنت مستخبي في مدخل العمارة اللي فيها حزب الجبهة
وشفت بعيني تلات بغال في ثياب مدنية ومعاهم لاسلكيات بيقبضوا على الصحفية امينة عبد الرحمن
وبيقبضوا على اي وكل صحفي بيكلم الاهالي بدون تفريق
اين نقابة المتنيلين الصحفيين
كيف تسمح لقسم شرطة بالتعامل مع الصحافة بهذه البلطجة والاجرام

Comments

أرجو ألا يكون الإهتمام المفاجئ بإخراج الأفلام قد جاء بعد رؤية "فتنة"!!

Posted by: إبراهيم | Thursday, 10 April 2008

انا بحاول اتصل بيك من زمان يا كبير و مش عارف
معرفتش اوصل لحد كل مدور علي واحد يطلع اتقبض عليه و لما كنت في المحله عرفت انهم قبضوا علي البحيري و لما جيت عرفت ان مالك كمان اتعكش
ممكن تراسلني

Posted by: kareem | Thursday, 10 April 2008

طول عمرك تمام بصراحة المدون الاول يا سلام بقة عليك لو تجيب اتنين من اللى الحكومة اجرتهم وتسجلهم كدة تبقى انت فوق التمام وعلى فكرة فى ناس كتير سكة خمسة جنية ويبقى ملك ايدك زى ما حصل فى انتخابات المحليات الراجل اللى جنبا اتفق معايا انا وصحابى نروح ننتخبة وناخد كل واحد 10 جنية بس طبعا موافقناش كنا عازين خمسين جنية وانا قبلت اتنين عند الانتخابات واتكلمت معاهم واقاولوا لما بيحصل حاجة من دى الظابط بيبقى متفق معاهم انهم يكون فى المظهرة وفى وقت معين واحد فيهم او اتنين يضربوا اى عسكرى وكدة الحكومة تقول من الشعب بس دة كنت بحاول انى اسجل كلامة وخاف ومرضاش شوف انت يمكن تعرف تجيب حد
يا جماعة كدة عمرو اديب ومعتز الدمرداش ومنى الشاذلى طلعوا بلستك ومتناكين وباعوا زمتهم والقضية اذا كان عندهم فى ثانية وبقاينا وحشين بالنسبلهم لازم نقاطع برامجهم (((((الى كل اللى بيحب مصر لابد من تعديل اعلامنا او يكون اعلام حر وليس لصالح حزب يكون لصالح الشعب قاطعوا عمرو اديب قاطعوا معتز الدمرداش قاطعوا منى الشاذلى ليعلموا انهم يتكلمون عن شعب يبحث عن حريتة باى طريقة حتى لو ادى الى الخراب الحرية ليست من الشى السهل ويعملوا جيدا من هم البلطجية ومن هم الشعب المزلولو قاطعوهم))))))

Posted by: gaga | Thursday, 10 April 2008

ازيك يا وائل

انا شوفتك فى المحلة

ومسيت عليك

انا ساعتها كنت عاوز اوقفك واقولك

حاجة واحدة

احنا هنا فى المحلة اتظلمنا ابشع ظلم

من اول الامن

والاعلام

اللى حصل بجد كان مخيف
انا مش عارف افوق
من الصدمة اللى شوفتها بعينى

عاوز اكلمك فى حاجات كتير
بس مش عارف احكى
خنقة
وكمان عاوز اعرفك
ان احتمال تحصل مظاهرات بكرة فى المحلة

عشان المعتقلين
الكلام منتشر اوى بين الناس
هايخرجوا يقفوا مع اهالى المعتقلين

Posted by: واحد مش فاهم حاجة | Thursday, 10 April 2008

I think the end of this rotten regime started in Al Mahalla.
God Bless Wael and all the honest people who raised the flag with NIETHR brotherhood NOR kefayah.
A special message to El Adly:
You made a great name for yourself as low life scumbag boot-licking wild dog who would do anything to please his master.

Posted by: Hatem Afandi | Thursday, 10 April 2008

سورى يا وائل
انا محلاوى وشايف اراء الناس كلها ظالمة عمال الغزل وبتقول انهم هما الى عملو المظاهرات
العمال معملوش اى حاجة
انا حضرت كل المظاهرات
شباب بين 12-25 تقريبا
مفيش راجل كبير
كلهم حرمية وبلطجية وتباعين ميكروباصات وحشاشين ودبلومات لكن مش عمال
اما حتة انهم اهل المحلة
ايوة طبعا كلهم اهل المحلة مفيش حد فيهم من برة المحلة

Posted by: khalid | Friday, 11 April 2008

Egypt is being canibalized by thieves headed by Mubarak the Mule. I am elated that honorable people like Ma7alla citizens exist. Down with the police state Hitler style. If you give up your freedom for police "protection", you lose both. Keep up the pressure.

An Olld Immigrant

Posted by: Dr. Mostafa Shaaban | Friday, 11 April 2008

لا مش معقوله اللي حصل دا يكون من المحله في ناس اتبهدلت و محلتها اتخربت وناس في الهوجة اللي بيكون مضايق من حد يا بيخربلوا حاجته يا بيأجر ناس في الهوجة تبوظله محلاته ولا عربيته لكن دا لا يرضي عدو ولا حبيب وعمال المحلة نفسهم قالوا مش احنا اللي عملنا كدا و مش حنشلها احنا

Posted by: m@sr | Friday, 11 April 2008

الرجاء من كل المصريين نساءا أو رجالا شبابا كانوا أم شيوخا في داخل مصر وخارجها العمل بكل الجدية على إنجاح الإعتصام المدني والمقرر أن يبدأ في مايو ويستمر إلى أجل غير مسمى حتى ينزاح هذا الإحتلال الغاشم. واعلموا أن هذا النظام لن يستطيع أن يجبرالناس على الذهاب إلى أعمالهم بالقوة

العمل وبكل قوة على نشر هذه الفكرة بين كل طوائف الشعب عن طريق أجهزة المحمول والإيميلات والإنترنت

الهدوء التام عند التعامل مع أجهزة الدولة وتجنب التظاهر وأعمال العنف

الإستمرار في الإعتصام وعدم ممارسة أية أعمال سواءا كانت عامة أو خاصة مدرسية أو جامعية إلا إذا كانت هناك ضرورة قصوى تحتم ذلك حتى يتم الرضوخ لمطالب الشعب وبداية تحديد سلطات الحكومة ورئيس الدولة

عدم التنازل أو التهاون في مطالبنا حتى إذا أزيح العادلي أو أن رغيف الخبز أصبح فجأة متوفرا لأن سياسة تخدير الأمة لن تصلح من الآن فصاعدا

إن الدولة في حالة إنهيار تام فلا نتوقع أن الحياة الوردية ستبدأ غدا ولكن لابد أن نبدأ التغيير من أجل الأجيال القادمة

البدأ فورا في تشكيل الهيئة القضائية العليا لوضع ضوابط ومواصفات ومدة رئاسة (فترتين فقط ولاتمتد بأي حال من الأحوال) وشروط إقالة رئيس الدولة والهيئة البرلمانية

إشراف دولي عن طريق الأمم المتحدة أو إحدى منظماتها للإشراف على سائر العمليات الإنتخابية نظرا لإنهيارالثقة في أي نظام داخلي محايد

رفع رايات في البلكونات وعلى الجدران مكتوب عليها
"طبقوا وثيقة المستقبل والأمل"

أرجو من الجميع المشاركة بالآراء والأفكار في هذه الوثيقة لتكون بحق نابعة من وجدان المصريين أي أنها حقا وثيقة المستقبل والأمل

لا بد أن نتحرك وإعلموا أن ساعة العمل قد حانت

والسلام عليكم ورحمة الله وبركاته

Posted by: أنا المستقبل والأمل | Friday, 11 April 2008

أولا يا وائل شغل كويس جدا و برافو عليك و أظن الشغل ده أحسن رد على العلوق اللي كل شوية تتنطط عليك و أحسن من الخناق معاهم

أنا مش عايز أننا نستعجل في التسليم بسيناريو التخريب المتعمد من الأمن أو البلطجية و المجرمين، صحيح دي حاجات مش مستبعدة بس كمان أن الناس تاخد ردود أفعال عنيفة في مواجهة الأمن حاجات مش مستبعدة و المهم هنا أننا نفضل واخدين بالنا أن اللي بيرتكب الجريمة هو الأمن

الأهم كمان أن بغض النظر عن ايه أسباب العنف واضح تماما أن الاعلام مركز عليه بشكل مبالغ فيه، أنا اتمشيت في يوتيوب و شفت عشرات التسجيلات الحية من المحلة أغلبها بكاميرات مواطنين مش صحفيين و أغلبها يا بيصور قمع أمني يا بيصور مظاهرات ضخمة سلمية

ده معناه أن حجم العنف كان قليل مقارنة بأشكال الاعتراض و التظاهر السلمي و أن قمع البوليس كان أكثر بكثير من ردود أفعال الناس مع ذلك الاعلام ما بين تواطئ و ما بين جري وراء الفرقعة مركز على الشغب و العنف.

كمان يا ريت حد يدلني على تسجيل حي لتدمير سيارات أو محلات، أنا شفت صور حاجات مكسرة لكن مشفتش صور ناس بتكسر، مؤكد في وصت ألاف العساكر اللي بتضرب ذخيرة حية و مطاطية و قنابل و أهالي بترد بحجارة أن هتتكسر شوية حاجات في السكة .

يبقى الأكيد أن الأهالي ردت على عنف و قمع الأمن و اللي يقول أن الأهالي المفروض تقعد في مطرحها تستلم الرصاص و السحل و الاعتقال بسلام و هدوء كس أمين أمه.

و الأكيد أن لا يمكن تحصل مواجهات زي دي و بالحجم ده و يبقى فيه خسائر في الأرواح بس لكن مفيش خسائر في الممتلكات.

و أخيرا غير مستبعد تخريب متعمد أو استهبال اعلامي و مش هنعرف الحقيقة الكاملة من غير بعثة تقصي حقائق محايدة و موثوق فيها.

أخيرا ايه أم التركيز على الخسائر في الممتلكات دي، يا تري فين الكلام على الجرحى و القتلى؟ مش الناس اللي تأكد استشهادها دي ماتت برصاص مطاطي ؟ يا ترى العمال و الغلابة و "البلطجية" بتوع عماد أديب هما اللي بيستخدموا الرصاص المطاطي؟

أحنا شعب ابن وسخة ولعنا في القطر و في العربيات و في المحلات بس مقتلناش حد، و قدامنا حكومة لطيفة جميلة نازلة تحمي القطر و العربيات و المحلات و قتلتلها اثنين ثلاثة في السكة (ده غير عشرات الجرحى و المعتقلين).

Posted by: Alaa | Friday, 11 April 2008

It's become too much. There must be a revolution. It's gonna be bloody like the French revolution. Then I hope we end up like France.

Posted by: Mohamed | Friday, 11 April 2008

بلاغ الي النائب العام
السيد المحترم النائب العام
نامل من سيادتكم
مساعدة عمال واهل المحله فيما يتعرضوا له من حنفه من المتربحين والصائدين بالمياة العكرة
واذا انني من متصفحي الانترنت وبخاصه المواقع التي يدونها الشباب المصري كحاله من حالات التعبير اذا بها تنقلب لمنابر تحريضيه بحته للغايه
واذا ان الصحفي المسجل نقابيا -- وائل عباس المقيم بالقاهرة -- منطقة عزبة النخل قد قام بعمل مسجلات بالصوت والصورة مع بعض العناصر من مقيمي المحله ومركز المحله الغرض منها هو ابراز ان هناك قلقا تعيشه المحله وبالعكس فقد اثبتت المشاهدات قيام شباب الاعداديه والثانوى والمراحل الجامعيه وبعض تباعي السرفيسات وبعض العاطلين مسجلي خطر قيامهم بتبادل المناشاوت مع رجال الامن مما ادى لحدوث تلفيات بالشارع الرئيسي بالمحله الكبري وفزع من المواطنين الذين لا ذنب لهم في صراعات القوي السياسيه بالمحله
السيد الفاضل النائب العام ارجو ان تتفهم انني مع حريه الراي والتعبير ولكنني لست مع شخص ينزل خصوصيا مع مجموعه من المشبوهين اعلاميا بغرض قلب الاوضاع راسا علي عقب
وبهذا الصدد اذكركم بان المدعو - وائل عباس قد اتي علي ذكر اختبائه بداخل مقر حزب الجبهه الديمقراطيه فانني اامل البحث في دور هذا الحزب من عدمه في خضم الاحداث الجاريه
واشكركم رغم انني لا استطع استكمال بلاغي لحذف هذا المتسلق لتعليقاتي عنده

Posted by: رامز عباس | Friday, 11 April 2008

يلا يالة انت والنائب العام بتاعك دة البعوا بيعد يا كس امك طالما وائل عباس متسلق بتدخل المدونة لية فكنا من الهايفة دى وبعدين طالما هامك تبلغ روح مع كلاب الحزب وقابل النائب العام اية جى تبلغ فى المدونة على اساس ان النائب العام هنا يلا ياض العب فى حتة تانية وابقى سلملى على النائب العام مهم امثالك اللى جيبنا الارض وخلوا المتناكين بقم رجال مجتمع ووزراء ...ياريت التعليق بتاعة وبتاعى يتمسح بس بعد اما يقراة المعرص رامز عياش دة

Posted by: gaga | Friday, 11 April 2008

يا اما انت وائل او حد من صحابه ودة طبيعي
اتشتم
لكن هوضحلك وجهه نظري بادب
وائل طول عمرة بيمسح تعليقاتي حتي ولو منطقيه عقلانيه
وائل مش ديمقراطي
بتقولي ليه جاي المدونه لان وائل عمالها ببلاش يعني موقع علي الشبكه العنكبوتيه

عادى
لما يكون في عمليه تهدئه حصلت ووائل وغيرة يجوا المحله وينشروا كلام من شاءنه اشعال الموقف لحد هنا وانا لازم اتصداله كمواطن مصري وائل عمره ابدا ما هيكون عارف مين اللي سجل من مين اللي مسجلش معاه
وعمال كل شويه العمال العمال يا عمي الحج العمال دة تاج راسك واجدع ناس وكدة كدة لما بيعملوا حاجه بتبقي بهدوء وبدون مشاكل انما متجليش علي شويه شباب متعاطي مخدرات بيكسر ببلده
وسياده باشا وائل والشيوعيين وكل منفعجي جايبلي ناس من بره يدخلوة المحله يصور ويعمل بطل الابطال
وبعدين النائب العام اللي انت بتشتمه دة رجل فاضل واستاذ قانون محترم وطالما بتشتمه هنتوقع منك ايه غير التخريب مهو علشان التدمير اللي حصل بسببكم وزيادة اشعالكم للموقف مش بمنطقتكم فخلاص معندكوش مشكله
يا استاذ او يا وائل متنكر بتعليق غيرك لاني حرجتك ودخلت وانت مشغول فمعرفتش تمسح قبل مغيرك يقراه
امسح زى منت عايز انت اساسا معندكش الشجاعه انك تحتفظ بالحوار الديمقراطى
لا للتظاهر والتخريب وحرق المنشات تحت دعوى اخد الحقوق
لا للشيوعيين لا لعملاء جهات غير معلومه لا لكل متسلق
كمواطن مصر ارفض دخول الوفد المنفعجي الي داخل المحله

Posted by: رامز عباس | Friday, 11 April 2008

الى الأمام يا وائل يا أجدع مدون فى مصر بس والله أنت باشا يا بنى و حسك الصحفى عالى جدا و بتعرف تجيب خلفية الصورة و تكون متميز عن الكل زى حبيبك هيكل مع أنى عارف أنك بتكرهه بس يا ريت تعلم شغلك ده لكل المدونين

Posted by: مصرى حزين | Friday, 11 April 2008

الفيديو اتمسح وعايز اشوفه يا عم وائل بس انا معايا ف يالكلية ناس من المحلة صحابي
وبيجو الكلية مضروبين برصاص مطاطي وطوب وخياطة في راسهم ومتبهدلين ومعظم كلامك صح
بس ياريت متنساش ترفع الفيديو تاني

Posted by: yoyo | Friday, 11 April 2008

انتا روحت تمام سليم الحمد اللة الحمد للة طمنى عليك انا شفتك فى المحلة وانتا خفت الناس بس تعرفك فقولتلى هوس يعنى كنت مستعجل بقا مش عارف ولا خايف مش عرف بس نفسى اكلمك

بس تقول اية بقا طروف

Posted by: shalapy | Saturday, 12 April 2008

جمعت بعض الصور في صناعة فيلم متواضع عن أحداث الإضراب في المحله
http://freespacecraft.blogspot.com/2008/04/6-2008.html

Posted by: s c | Saturday, 12 April 2008

يا شلبي
كده يا عم
كنت ها تخلي الحكومة تعكشنا
يعني ما جيتش تقول وائل عباس غير قدام اللواءات والظباط
هاهاها
عموما حصل خير

Posted by: وائل عباس | Saturday, 12 April 2008

رامز عباس ده شخص غير متزن
هو غلبان يعني بيعاني من الصمم
وكان من اشد المتحمسين ليا وللموقع
وبعدين طلب يقابلني في القاهرة
وانا قابلته وقعدت معاه فعلا
وكان عاوز يعمل جمعية اهلية للمعاقين وعاوزني اشارك معاه فيها
وانا قلتله انا مش بتاع جمعيات اهلية ولا بافهم فيها
انا مدون
فانقلب عليا زي ما انتم شايفين كده
الغريبة انه كلم ناس كتير قوي وكلهم حلقوله
ما جاش يشتم غير فيا انا
وانا الوحيد اللي قابلته
صحيح اتقي شر من احسنت اليه
غلبان
ربنا يهديه

Posted by: وائل عباس | Saturday, 12 April 2008

فين يا وائل شغلك فى المحله بتاع البارح
متأخر علينا ليه؟

Posted by: هبه | Saturday, 12 April 2008

طيب على العموم انت كلامك اهبل ومينفعش يترد علية وشكلك مين بتوع الكسكسة ثانيا زى ما قولتلك روح العب بعيد احسن وبعدين انا عمرى ما شوفت وائل دة ولا اعرفة الا من المدونة وانا اكتر واحد فى المدونة اتمسحلى تعليقات بس الظاهر انك مريض روح يا ابنى المعمورة فى دكتور هناك هيعلجج كويس جدا وفكك من كلامك الاهبل دة وتخريب اية اللى بسببنا احنا الدعوه للاضراب كانت كل واحد يعقد فى البيت ولو انت بقة بتفهم صح كنت اسال مين سبب الاضراب تلاقى ان الحكومة والحزب اجروا شوية علشان يبداو مع الامن المركزى يقوم الحكومة قايلة دا من الشعب ادى التخريب مش مننا من الحكومة نفسها بس اظاهر انك تبع الحزب الوطنى بقالنا 27 سنة طالع دين ابويا لا كرامة فى بلدنا ولا خارج والبلد بتتباع وشغالين عند اجانب فى بلدنا وجى بعد كل الخراب دة تقولى لا للتخريب ولازم نتكلم براحة احة يالة مهم المعرصين الكبار خربوها وسارقينك ومستعبدينك وخربين البلد احلى خراب متكلمتش لية زعلان علشان مدرسة ولعت كس ام المدرسة شوف انت كام مدرسة وكام كلية الوزير ناصب عليهم وواكل فلوسهم شوف التعليم خربان اقد اية فى مصر يا ابنى اسكت احسلك طالما انت مش فاهم وبتهرتل كدة اسكت افضل ليك وبعدين وائل رد عليك شكلك غلبان بس افكرك بحاجة زمان كان كل الخادمين والبوابين اللى فى مصر سودانينين دلوقتى كل الخادمين والشغالين اللى فى السودان مصرين بس ياريت بيتعلموا نفس المعملة اللى كنا بنعملهم بيها زمان سافر وانت تعرف اد البلد خربانة بص شوية حوليك تلاقى انك لازم تتكلم بس تتكلم بغباء جامد جدا لانك مستعبد بصحيح لو انت شاب فكر فى مستقبلك لحظة فى ظل الظروف دى وعلى اساس انها مش ختتغير تلاقية اسود مستقبل اسود ولو المدونة مش عجباك روح اشتريلك ارض الكتونية حلوة كدة مش عند عنكبوت واعمل اللى انت عايزة وسيبك من هنا

Posted by: gaga | Monday, 14 April 2008

انت يالة يا بتاع مدونة الفضاء دة اية يا علج انا اويد الدنمارك دة وحرية التعبير كس امك هو فى حرية تعبير فى الاديان يعنى اشتم اديان ربنا وكدة يبقى حرية تعبير يالة ياعرص انت لو مسلم احنا وكل المسلمين متبرين من امثالك ولا مش مسلم فا معلكش عزر لانك دنماركى زيهم يالة يا كلب روح شيل التعليق العرص اللى زيك دة

Posted by: gaga | Monday, 14 April 2008

ياه
دانا اتشتمت شتيمه
وكل دة علشان بقول وجهه نظري
دانا اتنفخت نفخ منكم علشان مجرد رايء
اذا الجلوس هنا وسط العملمانيين والشيوعيين والاخوانجيه

مفيش حريه الاستماع للرايء والحوار الديمقراطي
خالص
يا شباب المحله مدينتي
وللاسف انا مش قابل وجودكم بالمحله وقريبا هنوزع صور لوائل علشان لما يجي نضايفه

Posted by: رامز عباس | Monday, 14 April 2008

انا عارف من البداية ان الحوار معاك فاشل وانا كدة بديك اكتر من حجمك ابقى وزع صور كتيررررررررررررررر قوى ومتنساش تبعتلى واحدة

Posted by: gaga | Tuesday, 15 April 2008

I am trying to find out, which bastards are blocking my access to this site.

Posted by: Elmasry Effendy | Friday, 18 April 2008

شكر يا وائل على المجهود الكبير ده و أنا هاحطلك فيلمين لقيتهم صدفة على اليوتيوب واحد عن مهزلة البلطجة الحصلت فى نقابة الصحفين و شغل البلطجة و البجمات العملوه الإخوان عشان الكل يعرف أن الإخوان ضد كل شئ يخالفهم و التانى اغنية أتسببت فى منع الغناها من الغناء فى ساقية الصاوى

الأول فيلم بلطجة الإخوان فى نقابة الصحفين



http://www.youtube.com/watch?v=b6rs8AAUoVA




التانى الأغنية





http://www.youtube.com/watch?v=eltqoAtAAnk




ياريت تحطهم على المدونة بتاعتك

Posted by: دبوس | Friday, 18 April 2008

شكر يا وائل على المجهود الكبير ده و أنا هاحطلك فيلمين لقيتهم صدفة على اليوتيوب واحد عن مهزلة البلطجة الحصلت فى نقابة الصحفين و شغل البلطجة و البجمات العملوه الإخوان عشان الكل يعرف أن الإخوان ضد كل شئ يخالفهم و التانى اغنية أتسببت فى منع الغناها من الغناء فى ساقية الصاوى

الأول فيلم بلطجة الإخوان فى نقابة الصحفين



http://www.youtube.com/watch?v=b6rs8AAUoVA




التانى الأغنية





http://www.youtube.com/watch?v=eltqoAtAAnk




ياريت تحطهم على المدونة بتاعتك

Posted by: دبوس | Friday, 18 April 2008

It has been decided that 04/05/2008 is the start of the general civil disobedience in Egypt. Every Egyptian must do the following:

1. Stock sufficient food supplies before the day.
2. Stay home.
3. If you decide to take part in any demonstration, be armed and prepare for the worst. Hit back and defend yourself.

The plan is to bring the system to its knees, until the US stooge Hosny Moubarak is kicked out of office.

Excuse me for writing in English. I do not have Arabic support outside my home, My home access to this site is blocked.

Hosny Moubarak is a Zionist servant. He receives his orders from Tel Aviv, He must go to hell, together with his family of traitors.

Posted by: Elmasry Effendy | Friday, 18 April 2008

Hosny Moubarak is a Zionist pig. He must be kicked out of office and subjected to summary execution. He tortured and killed thousands of innocent Egyptians. It is only fair that he is hanged in a public square.

Posted by: Elmasry Effendy | Friday, 18 April 2008

بسم الله الرحمن الرحيم
تحيا مصر يا عمنا طالما ان فيه رجالة زيك يا وائل انتا ومحمد الشرقاوى وكمان اسراء عبد الفتاح انا بصراحة نفسى اعمل حاجة للبلد دى ومش عارف اعمل اية اكتر من المدونة الحزينة بتاعتى دى واللى ما حادش يعرف عنها حاجة ياريتك لو فاضى تشوفها
www.wahedmenalnas.jeeran.com
وائل من الخر ربنا يعينك انتا وكل اللى بيعمل للبلد دى عشان البلد دى بجد يعنى مؤمن بيها ويستاهل يعيش فيها مش عايز لا سلطة ولا مال.
اذا الشعب يوما اراد الحياة فلابد ان يستجيب النظام والاخوان والبوليس

Posted by: شجين النيل | Sunday, 20 April 2008

انا ما بقيتش اطيق عمرو اديب عضو لجنةالسياسات .. قال ايه احنا انفردنا بإذاعة نبأ الغء اجريوم من تسعة ايام .. والله انجاز .. ويوم الافراج عن اسراء قال حانتلقى آراء الآباء والأمهات لو عندهم زي اسراء يعملوا ايه.. وتلقى 3 مكالمات بالعافية كان مرعوب ووشه أصفااااار وهو بياخدهم وبعدين قام قال الوقت بيجي والبرنامج بااااااظ .. هيا بنا ......... نطبخ!!!!!! العملية كلها بقت طبيخ heba

Posted by: heba | Wednesday, 30 April 2008

بسم الله ماشاء الله عليكم بقدر كم التعاسة والاحباط الذي اشعر به جراء ما يحدث في هذا البلد المكلوب والشعب المغلوب والحق المسلوب والمظلوم المضروب وقلة حيلتنا حتى بمجرد الحدف بالطوب ، بقدر سعادتي بكم وبمدونتكم الجميلة . تلك أول مرة اتشرف بالدخول إليها ... أدعوالله ان يوفقكم .... المصيبة أن النظام يتظاهر بالذكاء الشديد مع انه ذكاء في غاية الغباء ذكاء الطفل الذي يبكي لمجرد البكاء . فإذا ما اراد النظام بيع احدى المؤسسات يفتعل مصيبة كبيرة مدبرة وليتها مدبرة بإحكام حتى نتجرعها بدل الدواء الغالي جدا في الثمن ... لكن بغباء لا مثيل له تحدث المصيبة المدبرة ويطل علينا الساحر مسؤول تلك المؤسسة بأن الحل الوحيد وتجنبا للخسائر الفادحة ولا طائل من بقاءها فلابد من البيع السريع والزبون حاضر ومعاه شنطة الفلوس اللي فيها الفكة وطبعا فيه شنطة تانيا فيها المجلمد هتتوزع بالتساوي دي طبعا مش لازم تظهر في الصورة لكن كل واحد هيروح المكان ايه يلاقي كل حاجة متظبطة وتمام
البلاوي كتيررررررررررررر
ربنا ياخد كل البلاوي
واشكركم

Posted by: علي | Monday, 12 January 2009

The comments are closed.