Ok

By continuing your visit to this site, you accept the use of cookies. These ensure the smooth running of our services. Learn more.

Saturday, 22 March 2008

التدوين مش سبوبة ولا ستار أكاديمي

التدوين مش سبوبة ولا ستار أكاديمي

تأبى الأقدار أن أستمتع بأجازتي في سلام
إلا ولازما ولابد حد يبعتلي حاجة تحرق دمي
ألا وهي هذا الإعلان الغريب العجيب المريب

إعلان

ستة مدونين مبدعيين 3 ايام تدريب عملى
علشان تبقى مدون مشهور
انضم إلى الآلاف المدونين في العالم
وعبر عن آرائك وأفكارك وأحلامك بحرية كاملة للعالم كله
ومش بس كلام لأ ده صوت وصورة وفيديو كمان
مش كده وبس كمان هتعرف ازى تسوق المدونة بتاعتك وتطلع منها فلوس
بس ابعتلنا على -
طبعا مش ها أحط إيميلهم يعني - واحجز مكانك
كل الكلام ده بـ 400 جنيه ولو انت طالب او خريج كلية اعلام
هتاخد 10% خصم يعنى مفيش احسن من كده
وكمان فيه مسابقة لأحسن مدونة
الكورس هيبقى من 27-29 مارس 2008 فى -
برضه أكيد مش ها أحط المكان
 

يا عالم إختشوا عيب
التدوين مش بيزنس ولا سبوبة
ولا مسابقة ستار أكاديمي
إسمعوا
أنا مش بازايد على حد ولا باتكلم بإسم حد
ولا معتبر نفسي الملا وائل عباس أمير المدونين
بس نبص كده للجيل الأول من المدونين
ناس تعرضت لكل أنواع المخاطر علشان تعبر وعلشان تقول وعلشان تغير
منهم اللي إتحبس واللي ها يتحبس واللي لسه محبوس واللي إنتهك واللي إتهدد هو وأهله واللي إترفعت عليه قضايا واللي طلعت عليه إشاعات واللي إتحارب في أكل عيشه واللي إتقطع اكل عيشه خالص واللي اتلصصوا على حياته الشخصية واللي إتهاجم إعلاميا وناس خسرت كتير أوي أوي في سبيل إنها تدون
محدش فيهم لما بدأ بدأ علشان يبقى مشهور
محدش فيهم فتح مدونة علشان يسوقها ويكسب من وراها فلوس
محدش فتح مدونة علشان يخش بيها مسابقات
الشهرة والجوايز جاءت بعد سنوات وبعد عناء مازال مستمرا
فيه ناس كانت بتدون من السجن وناس بتدون وهي هربانة وناس إتحدوا الخوف والترهيب ودونوا في أصعب وأحلك الظروف
المدونين حركوا الشارع وفرضوا أجندتهم على الإعلام وغيروا كتير وكسروا خوف المجتمع
المدونين كانوا في وسط المعمعة
اللي إتكسر له ضلع واللي إتكسرت له كاميرا واللي إترش في عينه فلفل
المدونين مش رقاصات ولا زي تامر حسني
مش ده أبدا الأصل في التدوين
إتقوا الله
التدوين مش كده
التدوين ببلاش وحر ومجاني ومفتوح
وفيه كورسات لتعليمه ببلاش
وفيه شرح موجود على الأنترنت للي عاوز
واي حد ممكن يبدأ يدون من مافيش وبدون أي خلفية خالص
بلاش تأمركوا وتعولموا وتسلعوا التدوين
قد يختلف البعض مع كلامي هذا
ولكنه وجهة نظري ورؤيتي الشخصية في التدوين
والله أعلى وأعلم

Comments

رزق الهبل علي الهبل برضه

Posted by: واحد بيشغل عقله | Saturday, 22 March 2008

معظمنا يدون فقط لأجل التدوين و كوسيلة للتعبير عن أفكارة و أراؤه و قد يتطور هذا مع البعض لإعبارة وسيلة للنضال و الكفاح. لكن رغم ذلك لا يمكن تجاهل بعض التجارب - خاصة في الغرب - التي حولت مدوناتها إلى وسيلة لكسب العيش. و لذلك أعتقد أن كل شخص من حقة توظيف مدونته كما يشاء

صحيح أن إنطباعي الشخصي عن مثل هذا الإعلان أنه وسيلة للضحق على دقون البعض وأن مثل هذه الدورات في النهاية تكون عبارة عن كلام فارغ غير مفيد. لكنها في النهاية وجهة نظري الشخصية خاصة أنني لا أعرف محتوى هذا التدريب. لكن قد يختلف معي البعض بل و يعتبروا أن المعلومات الموجودة في هذا التدريب يستحق هذا الثمن فعلا

Posted by: Tarek | Saturday, 22 March 2008

إيه القرف والكلام الفارغ ده؟؟ إعلان تافه من أفراد بتستغل جهل تقني وإعلامي وجهل عام بانترنت علشان تسوق كلمة مجهولة المعنى لناس كتيرة على إعتبار إن الناس بتتكلم عليها دلوقت وتكسب من وراها. يعني سرقة واستهبال واستكراد

عادي بقى ما احنا في زمن تحويل القرش من لاشيء وأي حاجة استغلال والسلام علشان الناس تعيش
نعمل وظائف مجهولة ونبيع الاستمارات، ونستورد تيليماركتينج علشان نبيع الوهم، ونبيع الشمس في أزايز

فكرني الكلام ده بتحويل البؤساء لهوجو في فرنسا لجزء تاني من قبل كاتب مغمور وشركات الانتاج تهافتت عليها بشكل ملفت واشتريتها بملايين .. وأحد النقاد علق وقال إنه ممكن الكاتب يكون كسب كتير، لكن الأدب خسر أكتر

هي دي الرأسمالية .. وأهو بدل ما صاحب الاعلان يسرق أو يشحت، قال لك أكسب بوسيلة شايفها حلال
أتمنى التوعية ضد تحويل الموضوع لسبوبة ..
==
اتخضيت لما لقيت بوست هنا على العمرانية، في حين إني كنت قريت إنك هتبطل تدوين!! :-))

Posted by: AlFirjany | Saturday, 22 March 2008

اولا كل سنة و حضرتك و كل شعب مصر و العرب و المسلمين بخير،بمناسبة المولد النبوى الشريف
ثانيا مرحبا بالعودة الميمونة مش انا قلت مع اول حاجة هتنرفزك هترجع تكتب تانى امهم انك لسة بتكتب
ثالثا موضوع المدونات ده شئ رائع اساسا لأنه فتح عنينا على البلاوى و الكوارث و المصايب اللى كانت مستخبية عننا ، و احنا اللى كنا فاكرينا اننا عايشين فى نعيم ما بعده نعيم و اتفتحت عنينا على الحقيقة المهببة و هوة اننا كنا بتأرطس من زمان و حانا ناينين على ودانا و الله انا بدأت ادعى ربنا ان القيامة تقوم بقى علشان نرتاح و ربنا يرحمنا ساعتها . و الله الواحد نفسه اتسدت من اللى بيسمعه و يشوفه كل يوم فساد و بجاحة عينى عينك من غير خشا ولا حيا و لا حتى خوف من ربنا . و ابسط حقوقنا اننا نعبر عن اللى جوانا ده كمان ممنوع خلاص الواحد طهق ما عدش فيه امل فى البلد ديه و ربنا يهون علينا . و ربنا يوفقكم و يحميكم كلكم . سلام

Posted by: نشوى الكاشف | Saturday, 22 March 2008

الأخ وائل / عباس

أنا خايف أكتب لك بعض عبارات المديح والشكر لك تتصور أنها نفاق وانا رجل فى الستين من عمرى ولكن أقول لك الله يوفقك ويعطيك الصحة والعافية أكشف وأ فضح النصابين وانا شبعت نصب واحتيال وضحك على الدقون بسبب عمل مدونتى ولكن كنت دائما أقول لنفسى الحاجة مرة وهين قرشك ولا تهين نفسك واذا عايز نماذج اتصل بى تليفونيا لنتكلم معا
أصدق دعواتى لك بالتوفيق والصحة والستر والتقدم فى جميع أمورك

Posted by: الشريف / جمال طه ت/ 0104710778a | Saturday, 22 March 2008

وائل شفت الكلااب بيهنو مصر تاني

وائئئئئئئل عاوزين ننيك امهم ولااد الكلااب

http://www.youtube.com/v/5hRJwwfUlBw&hl=en"


شوف دة و قول رائيك و الله انتا راجل لما شتمتهم

Posted by: amr | Sunday, 23 March 2008

وائل شفت الكلااب بيهنو مصر تاني

وائئئئئئئل عاوزين ننيك امهم ولااد الكلااب

http://www.youtube.com/v/5hRJwwfUlBw&hl=en"


شوف دة و قول رائيك و الله انتا راجل لما شتمتهم

Posted by: amr | Sunday, 23 March 2008

التدوين لا يحتاج لأي كورس ولا مدرسين (قصدي نصابين).. بس صدق من قال ان رزق الهبل على المجانين

شوف الرأسمالية كيف تسللت لمجتماعتنا... قال دروس خصوصية في التدوين قال
كلو نصب في نصب, هو فكر مستشري في أكثر العقول

Posted by: Arabilluminist | Sunday, 23 March 2008

فعلا والله رزق الهبل علي الهبل الي زيهم

وأية حكاية الفديو الي جايبوا صاحبنا دة انا شفته لاقيت كله معلومات غلط وشتيمة في مصر وفي الشعب المصري انا مش عارف اناس دي بتحقد علي مصر لية وبنكره مصر ولا يمكن عشان طيزهم ورمت من كتر النيك..دي حاجة غريبة اوي

Posted by: sads | Sunday, 23 March 2008

لا لا لا لا لا
ههههههههههههههههه
بتهرج
بتهرج بتهرج
صح؟

Posted by: نوارة | Sunday, 23 March 2008

كله بيلوش من كله يا عم وائل
وبعدين اللي يشترك في حاجة زي كده يستاهل انه يشترك فيها عشان هو حمار
وبعدين محدش يقدر ينكر ان معظم الشباب جاتلهم شوطة اسمها تدوين
غيرة
عايزين يدونوا وخلاص
"انا كنت واحد منهم"

بس ما تقدرش تنكر كمان ان التدوين بقي طريق للشهرة

مثلا انت في كتير من الشباب يعرفوك وميعرفوش المرحوم مجدي مهنا


علي العموم الاعلان ده مش ينقط قد اعلانات شوكر بتاع السكر
والتاني بتاع العقم



علي الاقل بتوع اعلان التدوين مابيلعبوش بأمراض الناس ومشاعرها ولا بيخلوا الولية ام صوت زبالة تقول الاعلان زي اعلانات الاعشاب والامراض اللي بتشفي العليل وتخلي ابو سبعين يدي لسنين

فكك يا عم وائل

قشطة

Posted by: قشطة | Sunday, 23 March 2008

fe nase dm3'ha fadea ya ngm we be2doha bas ana momken asto3b almodoo3 men baba al7orya e3ne fe nas 3esha we me3aha felos we shabab mo5o t3ban momken e2olak ana aro5 a5d kors we ab2a ze wa2l 3abas we atl3 fe tv we keda lol
bas ana 3ez menk 5dma mosh tnsa beto3 ald5lya police
ok homa lamo nfsehom shewea anzel we at3ab we hat naseb alnas ale mtbhdela de
rabena me3ak ya ngm

Posted by: rami | Sunday, 23 March 2008

بجد أنا معاك ان التدوين مش ستار اكاديمي.لان التدوين في نظري عامل زي الصحافة بس من غير ما تكون مسالة الفلوس في الاعتبار..........هو صحيح الواحد بيحب تكون مدونته مشهورة بس ده مش عشان الفلوس ولا عشان الشهرة الشخصية..لكن عشان هيحس ان كلامه بيوصل لناس اكتر وبتشاركه اراءه,,,,,لكن كورسات وفلوس وشهرة .دي بقت مهزلة

Posted by: دواير | Sunday, 23 March 2008

عندك حق في كلمة كلمة يا وائل
معاك بجد ، ومستفز جدا من الإعلان اللي هارينني بيه ع الفيس بوك لما خلاص حتخنق
مسخرة والله

Posted by: أشرف حمدي | Monday, 24 March 2008

هههههههههههههه
احنا بنموت في التفاهة و الخيابة من النوع ده
بس يعني ما تكبروش الموضوع
اعتبروهم عيال هبل و غلطوا
هههههههههه فعلا يا وائل كأنها ستار اكاديمي
الجهل عم....

Posted by: ahmed hamdy | Tuesday, 25 March 2008

ده اسمه تخلف عقلي
لا و قمة الهبل أنه كاتب انك لو خريج اعلام هتاخد خصم 10 %
قمة السطحيه و الهبل
لكن هقولك ايه- الناس دلوقت بقت بتنصب علنا
وبيضحكوا على الناس بأي حاجه
وفاكرين ان المدونات الناس بتكسب من وراها
المكسب الحقيقي من المدونات انك تقول ما تريد
والمكسب الأكبر أن يدخل الناس إلى مدونتك بدون أن تعمل لها عملية تسويق و تسول وتقول للناس تعالوا ونبي شوفوا المدونه بتاعتي
ولكن لن يفهم هذا الكلام الكثيرين

Posted by: لورنس العرب | Tuesday, 25 March 2008

فعلا التدوين ليس مجرد لعيه
و لا نحن كمدونون كتاب مرتزقه
فنحن أصحاب عقول نفكر و ننتقد و ننادي بأفكارنا
ليس هناك داع لتلك التفاهات
فكلنا
يمكننا ان نقوم بإنشاء الكثير من المدونات

فأنا مثلا عندي أكثر من خمس مدونات
و أتمني ان تزور أهمها
http://ta7arosh.blogspot.com/
و أظن أنه واضح من اسمها ما القضية التي تتكلم عنها

و شكرا

Posted by: Miss Dot | Tuesday, 25 March 2008

اشكرك جزييييييل الشكر على تحملك لكلامى وتعليقاتى فى المدونة عشان كده كلها منشوره وتمام التمام وكله فى الهجابص

Posted by: محذوووووووووف | Thursday, 03 April 2008

i belive blogging is a part of our culture not a way to make money as u said(mesh sabobah)...and by the way i made a blog with my friends...to talk about corruption in alexandria and how do we feel about manythings and how bad the governor adel labib treat us like animals ....im a middle class egyptian ...i want to say alot ...we want to make a frontline against corruption my friends ...lets stand together ...salam

Posted by: m | Tuesday, 15 April 2008

انا احيي الاخ وائل عباس علي المجهود العالي والراقي وكل من اظهر الحقائق لتنوير الناس في هذا البلد المنهوب ثرواتة ولاكن من فضل المعلقين الحكمة في الردود واحزر من الشتائم ممكن تكون امك او اختك بتقراء .والي الامام يا اهل مصر يا اهل الرباط واعانكم الله علي الطاغوت وحكومتة الدكتاتورية .والله لقد رف الدمع من عيني من هوان وتعذيب لاخواننا المصريين
اعانكم الله

Posted by: maz | Monday, 21 April 2008

الواد بلال دة ربنا يحمية خلي نظيف وسخ

Posted by: maz | Sunday, 27 April 2008

تخيلم لو المواجهة اصبحة بضرب النار و السلاح بين الحكومة و الشعب يعنى بالمسدسات اعتقد ممكن يتطور الامر الى ذلك

Posted by: ahmed | Wednesday, 30 April 2008

The comments are closed.