Ok

By continuing your visit to this site, you accept the use of cookies. These ensure the smooth running of our services. Learn more.

Sunday, 10 February 2008

مشروع غزة الجديدة يا حمار

مشروع غزة الجديدة يا حمار

هدي موضوع غزة نسبيا
لما يهدأ الشتامين الحنجوريين الجهلة سواء قومجية أو إخوان
لكن أنا الحمد لله هديت ومش عصبي خلاص
نتكلم بقى شوية بالعقل وها أحط الأمور أمامكم بدون تعليق مني وأترك الإستنتاجات ليكم
هل حماس ولاد حلال مجاهدين رايحين الجنة حدف
بس بعد ما يحدفوا غزة في جهنم
هل أنا إبن كلب عميل صهيوني زي ما بعضهم قال
رغم إن دماغي أوسخ من القومجية في مسألة السيادة وقوة مصر وإستقلالها وما ينفعش أبقى مفرط أصلا لأني شوفيني وشعوبي قذر
هاهاها
حلوة الحتة دي زي إعلان برنامج الإتجاه المعاكس بتاع قناة الجزيرة
إحنا النهارده مش ها نحكي إيه اللي حصل
النهارده معلش إستحملوني ها نتكلم كلام نظري بتاع علماء وباحثين وعلماء جغرافيا بس بطريقة قعدة الغرزة أو المصطبة أو القهوة زي ما عودتكم علشان نفهموا بعضينا من غير كلام مجعلص ومنظرة وكمان من غير قباحة
معروف إن غزة توراتيا مش من الأراضي المحببة قوي على نفس اليهود ومش فارقة معاهم أساسا
ومعروف برضه قد إيه القدس مهمة عندهم
وعلى أرض الواقع حماس سيطروا فين وفتح سيطروا فين؟
ليه غزة مش الضفة الغربية؟
إشمعنى؟
الإستنتاج ليكم
مش عارفين تستنتجوا
طب يلا بينا نكمل
وانا مش ها اعلق ولا اقول ان حماس هي كانت ومازالت وستظل المبرر والذريعة الوجيهة والمقبولة من وجهة النظر الإسرائيلية والمقنعة للمجتمع الدولي لتبرير كل ما تقوم به إسرائيل من أفعال شائنة واضحة وأفعال أخرى تستنتجونها لوحدكم إن شاء الله بعد قراءة التالي
جرنال الهيرالد تريبيون لا من ديني ولا من دينكم نشر يوم 23 يناير على لسان مسئول إسرائيلي لم يفصح عن هويته التالي عن إختراق حدود مصر
This may be a blessing in disguise
وقال كمان بسلامته
Some people in the Defense Ministry, Foreign Ministry and prime minister’s office are very happy with this. They are saying, ‘At last, the disengagement is beginning to work.
وده معناه بالمختصر للي مش بيعرف عنجليزي إن الإسرائيليين منشكحين فشخ من اللي حصل
لكن يا ترى يا هلترى منشكحين ليه
الإجابة في مقال إتنشر في صيف سنة 1991 لعالم الجغرافيا الأمريكي الشهير سول بي كوهين اللي كان رئيس كلية كوينز ورئيس جمعية الجغرافيين الأمريكيين وقال فيه صراحة وعلى المفتشر
Gaza will need additional land

ودي كانت خريطة غزة الجديدة اللي إقترحها كوهين بيه
وإقترح إن في مقابل الأرض اللي ها تديها مصر لغزة إسرائيل تدي مصر حتة أرض في الصحرا عندهم وكمان ها ندي غزة مية من النيل وكهرباء عن طريق الغاز الطبيعي
بالمناسبة كوهين برضه في 1991 إقترح إزالة مستوطنة جوش قطيف
وبالفعل جوش قطيف إتزالت
وحط تحت دي ميت خط
يعني الراجل ده مش واحد بنضارات كعب كباية ها يموت محروق من أنبوبة البوتاجاز زي جمال حمدان
لا ده من الناس اللي بترسم خريطة العالم وليهم كلمة مسموعة وعلى أساس كلامهم وأبحاثهم الدول بتخطط وتبني سياساتها وأنا شفت الكلام ده بعيني في زيارتي للولايات المتحدة اللي ما عجبتش ناس كتير رغم إنها فتحت عيني على دواخل أمريكا وإزاي المجتمع المدني ليه دور ومراكز الأبحاث والثينك تانكس واللوبيهات في واشنطون بتلعب وبتحرك النظام في أمريكا مش زي عندنا كل حاجة بتيجي من فوق على طريقة أنا قلتلهم ينسحبوا
يبقى كلام الراجل ده خطير ولا إيه يا جدعان؟
بعد إتفاقية أوسلو بالفعل فكروا في أنجح تنفيذ لفكرة الراجل ده فكان البديل المتاح وقتها هو توسيع غزة بالضفة الغربية وعمل طريق يوصلهم ببعض ونامت شوية فكرة مشروغ غزة الجديدة كما أسميه أنا على غرار مشروعات المجتمعات العمرانية الجديدة في مصر
لحد ما صحي البروفيسور يهوشوا بن آريه الرئيس السابق للجامعة العبرية والجغرافي الإسرائيلي الشهير اللي قال إن غزة لازملها غزة جديدة وميناء في المياة العميقة ومطار دولي وإقترح بالفعل تبادل ثلاثي للأرض بنفس طريقة كوهين بالإضافة إلى طريق سريع يربط مصر بالأردن عبر الأراضي الإسرائيلية وكمان تقدم السلطة الفلسطينية قطعة من الضفة الغربية لإسرائيل - راجع ما ذكرناه فوق غزة المكروهة والقدس المحبوبة لليهود

ودي خريطة بن آريه
رقم واحد الأراضي المصرية التي ستعطى للفلسطينيين
حتة أرض لوكس زي الفل وناصية عالبحر كمان
رقم إتنين الأراضي الإسرائيلية اللي ها يدوها لمصر
صحراء عجفاء طبعا
رقم تلاتة الطريق السريع بين مصر والأردن
رقم أربعة الطرق المنقطة بالأحمر هي طرق سريعة مقترحة
بن آريه برضه ما إكتفاش بإنه يبقى عالم جغرافيا بنضارة كعب كباية ولا بلده سابته يتحرق في شقته في تل أبيب بأنبوبة بوتاجاز لكن زي الشاطر ما كذبش خبر وخد مشروعه على مين يا حلوين على إريل شارون اللي كان رئيس وزراء وقتها اللي بدوره وصف المشورع بإنه
premature, but maybe one day it can become an idea
واهو جه اليوم يا شارون وفكرتك باينلها ها تتحقق على يد الإخوة المجاهدين
ولا إيه يا مصريين؟
ها تفوقوا من أفيون القومية العربية؟
وبكده يبقى حماس بيعملوا إيه يا حلوين؟
يبقى الإخوان بيعملوا إيه؟
يبقى القومجية اللي بيقولوا إن غزة أرض مصرية من سنة 1967 إشمعنى إفتكروا القصة دي يقولوها دلوقت وما إفتكروهاش لما حبيبهم عبناصر ضيعها؟
ويبقى القدس كده إيه مصيرها؟
يبقى مين خاين وعميل وصهيوني وبيساعد الصهاينة عن علم أو عن غير علم والله أعلم بالسرائر
أنا برضه؟
الله يسامحكم
-
ملحوظة
المقال التالي مقال قديم للعبد لله على جريدة عرب تايمز
يد شارون تعبث بمؤخرة فرنسا بوقاحة
قد يساعد البعض على فهم كيف يعمل الموساد الإسرائيلي بإستغلال عدوه أو أفعال عدوه لتحقيق مكاسب وكيف تستفيد إسرائيل حتى من الإضرار بمواطنيها وعندئذ يصير كل شيء جايز حتى حبل العجايز

Comments

على النعمة انتا برنس واراؤك كلها صح
احييكوبشكرك بجد على اللى بتعمله وبتعرفنا بيه

Posted by: مكتئب | Sunday, 10 February 2008

وائل باشا ياعسل
اية الحلازة دية
اية الكلام الجامد دة
الا قولى يا وائل
انت مؤهلك اية بالظبط

Posted by: walid mores | Sunday, 10 February 2008

طيب يا وائل
ايه دخل النظرية التآمرية اللي انت حاططها دي
في ان الناس تدخل تاخد ادوية واكل وتتعالج؟
يعني دلوقت هل تنكر ان الحكومة المصرية اتشرمطت لما قفلت
من جانبها عشان حشرت نفسها في خناقة عباس وحماس
يعني قطعوا الاتنين
دلوقت الناس اللي جوة دي واللي حتى الفلوس اللي معاهم طلعت مزورة
ذنبها ايه تتحاصر من عباس ومن حماس ومن مصر كمان؟
هم حتى ما عندهمش مستشفيات مجهزة يعرفوا يتعالجوا فيها
ما عندهمش اي حاجة خالص
هم ذنبهم ايه يتشتموا

اما بخصوص السيادة
فيعني ما تدقش قوي كده يا استاذ وائل
الاسرائيليين بيدخلوا بالباسبور وما فيش سيادة
شرم الشيخ فيها اماكن حضرتك ممنوع تدخلها الا اذا كان معاك جواز سفر اجنبي
الاراضي بتاعتك بتتباع لمستثمرين اجانب وبينطرد منها الفلاحين المصريين
امريكا بتدي معونة للحكومة المصرية وللمعارضة المصرية كمان ومافيش حد
فيهم ايده نضيفة وكلهم عبيد احسانات امريكا
ما جاتش يعني على الفلسطينيين هم اللي خرقوا السيادة عشان متحاصرين

سيادة ايه انت مصدق نفسك بجد في موضوع السيادة ده

Posted by: نوارة | Sunday, 10 February 2008

يا عم وائل بتوع القومية العربية الناصرية مايصحش يتقال عليهم قومجية لأن دول خونة قومجية لأي بلد غير مصر

القومي الصح واللي تقدر تسميه كده هو المصري اللي مايهموش غير مصر واهل مصر وارض مصر


اي كلب من اي بلد يفكر ياخد شوية تراب من اي حته في مصر احنا اللي هنقافلة

حتي لو كان بقرار سيادي مش هنسمح بشبر واحد يضيع مننا


ولكن انا مش معاك في نقطة العمالة الحماسية لأسرئيل
حماس ارهابية ومش معقول اللي بيمولها يقولها اضربينا وافجري في اسرئيل واخطفي جندي
ومكانتش اسرئيل تقتل الراجل المكسح اللي اسمه الشيخ ياسين ولا تقتل الرنتيسي

Posted by: قشطة | Sunday, 10 February 2008

يا حاجة نوارة
اقري كل بوستاتي السابقة وانتي تعرفي ان معنديش مشكلة اطلاقا مع ان الناس تدخل
البوست الوحيد اللي كان فيه مشكلة هي ان بتوع حماس يضربوا نار علينا او على كلابنا او عساكرنا او حتى في الهوا لان دي شرمطة
اما عن سيادة مصر فهي مش موجودة وعلشان كده بادور عليها واطالب بيها
مش معنى انها مش موجودة اني انا كمان اتعامل على انها حته خرقة او شرموطة متعلقة ورا باب المطبخ كل من هب ودب يمسح وساخته فيها
ولا ايه؟

الاخ قشطة
اقرا مقالي على عرب تايمز
اسمه يد شارون تعبث بمؤخرة فرنسا بوقاحة
http://www.arabtimes.com/Mixed6/doc41.html
وانت تعرف ان كل شيء جايز
حتى حبل العجايز

Posted by: وائل عباس | Sunday, 10 February 2008

اولا مش عارف ايه لزمة يا حمار دي يا وائل..

انت عملت جهد بأنك وضحت الكلام والفكرة بالخرايط دي ، بس يعني بردو مش لازمه على طريقة الغرزة دي ولك كل الحق في مدونتك ، لإني اعتقد ان كل جمهورك هنا بيفهم بيردو

وبعدين يا سيدي انا اول ما حصل اللي حصل في غزة ده ، عملت بحث جامد جدا وقريت كتير اوي وخرجت بان في خطر استراتيجي وجيوبوليتيكي كبير على الامن المصري من اللي حصل ده ، انا قريت الكلام ده في مدونة الشرق الاوسط بجامعة هارفارد وبالخرايط دي

لكن زي منت قلت اخيرا ، محدش يعرف اللي حصل ده كان الهدف منه تحقيق الخطط دي بالتحديد ولا لأ ،، انا بقول حماس مكنش في دماغها الكلام ده ، او كان في دماغها بس كان حل مشكلتها في غزة على حساب الامن والسيادة المصرية اكبر من تفكيرها بالتداعيات بعيدة المدى للي عملته..

فاللي عاوز اقوله بس ، ان الكلام ده التفكير والتخطيط الاسرائيلي للي حصل ،، لكن مش ضروري واعتقد مؤكدا ان حماس فكرها مش كده ، مش طمعانه في غزة ولا حاجه ولا بتلعب طابور خامس مع اسرائيل ضد مصلحة مصر وامنها ، لكن هي فكرت انها ترمي الكورة في الملعب المصري وتتخلص من مفخخة غزة في ارض مصرية ولو لفترة مؤقتة اسبوع او اكتر زي محصل..

Posted by: محمد كرم | Sunday, 10 February 2008

والله مش عارف أقول إيه يا وائل الكلام والدراسات دي فعلا منشورة، لكن أرجو إن الاختلاف مع أي خصم سياسي لا يتسبب في أن نظلم هذا الخصم أو أن نبالغ في الهواجس التي نعتقدها عنه نتيجة هذا الخلاف، أنا عارف إنك ممكن تكون مش بتحب فهمي هويدي أو عمرو الشوبكي أو ضياء رشوان لكن بصراحة الناس دي اتكلمت بجد عن الموضوع ووضعته في إطاره الصحيح، وموضوع الامن القومي ده أصبح نكتة، حضرتك سيد العارفين إن مصر لا تمتلك أي سيادة على سيناء بدليل موضوع زيادة الجنود المحكومة باتفاقية كامب ديفيد، وحضرتك عارف إن الفلسطينيين ميلزمهمش مصر والاستيطان فيها والكلام بتاع كلينكس الجمهورية والأاهرام والأخبار وروزا، لو كانوا عايزين يستوطنوا كانوا بلطوا في العريش وخلاص ولم يكونوا ليصروا على الرجوع إلى غزة - وأقصد تحديدا الناس اللي كانوا في العريش - كل واحد بلده غالية عليه، وموضوع القدس وفتح وسيطرتها على الضفة الكلام ده مغلوط بالمرة لأن حماس لما فازت في الانتخابات فازت في الضفة وغزة ، وكلامك عن غزة صحيح - ما يخص كراهية اليهود لها - وحضرتك عارف إن الحسم اللي تم كان بعد ما فاض الكيل ، ومش حكرر الكلام اللي الناس زهقت منه ، على العموم أنا أرى في حماسك - بلاش حماسك دي - أرى في غيرتك على مصر وحرمتها شيئا كريما وواجبا على كل مصري مسلم أو مسيحي أو أي حاجة تانية، لكن الاطلاع على كافة التفاصيل والملابسات لا شك سيصل بنا جميعا إلى الحقيقة، وفقك الله، والله أعلم

Posted by: كاليماخوس هريدوس | Sunday, 10 February 2008

اذا ما كانتش حماس عميله تبقى غبيه هى والاخوان اللى حا يعملوا زى الدبه اللى قتلت صاحبها واذا كان فى عندنا تسيب وفساد يبقى نفوق وبلاش نضيع اللى باقى من كرامتنا وسيادتنا وبعدين بالعقل ليه يتحمل المصريين وحدهم انقسام الفلسطينيين وغباء حماس اذا كانت مش عميله هو فى قياده تجر شعبها للهلاك والاباده بالشكل ده ايه خططهم وما جدوى ما يفعلونه وهم شعب منقسم يقاتل بعضه قبل ان يقاتل عدوه وبعدين احنا لامتى نهرب من مشاكلنا ونروح نحل مشاكل العرب وفى مثل بيقول ابدا بنفسك اولا وبلاش الشعارات الحنجوريه لا نضيع ونلاقى نفسنا مستعمرين من تانى اى تصرف مننا ما يعجبش العرب بيتخلوا عننا ويسيئون الينا زى ما حصل بعد كامب ديفيديا رب نفوق ونبطل حماس ياناس احنا مش قادرين نداوى مرضانا ونطعم جوعانا اللى متمرمطين فى طوابير العيش احنا بنهرب من خيبتنا ولا ايه

Posted by: ايه | Sunday, 10 February 2008

وائـــــــــــــــــــــــــــل

موضوع قيم ومحترم بس مين اللى يقرأ ويتعلم ويحاول يفهم ويستفيد

http://gamal51.blogspot.com/

Posted by: الشريف / جمال طه ت/ 0104710778a | Sunday, 10 February 2008

ياعم سبها على الله بس ابقى خلى اى كلب يفكر ياخد شوية تراب بس من عندنا ساعتها كس ام الريس على كس ام اى حكومة فى مصر وابقى خلى متناكين الجغرفيا يقسموا برحتهم ...روحى اصداد ترابك يا بلدى
انت ياعم قشطة عيب كلمة الراجل المكسح دى احترم نفس اللى جبتك يا معرص واتكلم عن الشيخ كويس

Posted by: gaga | Sunday, 10 February 2008

السلام عليكم
أنا بصراحة كنت متابع مدونتك على طول يا وائل
بس بصراحة اتصدمت لما لاقيتك بتتكلم بالأسلوب غير المعتادو الشتايم
البذيئة اللي اتقالت بغض النظر اتقالت على مين أو عشان ايع و لا على مين
النقطة التانية فرضا اسرائيل عندها المخطط اللي قولت عليه
ده مش معناه ان حماس عميلة
كل اللي حصل ان اسرائيل حاصرت قطاع غزة و منعت عنهم كل مقومات الحياة و شفنا الناس الي ماتوا نتيجة نقص الأدوية و انقطاع الكهرباء عن المستفيات و عدم السفر للعلاج... و على فكرة ناس كيير منهم من حماس(و اعتقد ان العمييل بيبقى بخون عشان يصرف على أهله مش بيسبهم يموتوا) و لما ماحدش وقف معاهم بعد ما قعدوا يناشدوا كل العرب و المسلمين و لا حد سائل فيهم (اتخيل أخوك و لا أبوك بيموت قدامك و مش عارف تعمله حاجة)اضطروا انهم يحاولوا يعدوا الحدود مع مصر لمجرد شراء المواد الغذائية الأساسية و عشان كده مصر سابتهم
و بقوا يشتروا حاجاتهم و يرجعو تاني لغزة
فين بقه العمالة اللي بتقول عليها (أي واحد فينا كان عمل كده)
وبعدين هو في عميل يموت نفسه عشان خاطر اللي يشتغل عنده؟!!!!(زي الشيخ أحمد ياسين المقعد و د.عبد العزيز الرنتيسي)أو
يضحي بابنه زي د.محمود الزهار(ابنه حسام مات في قصف اسرائيلي عليه هو المجاهدين من حماس)!!!!
و بعدين انت كاتب غزة اسرائيل و اي حد متابع عارف ان غزة دلوقتي محررة من و اسرائيل مش عارفة تدخلها عشان الخسائر المتوقعة
و برضه هل اسرائييل تقول لعملائها كما تقول بعمل العمليات الاستشهادية و قتل مواطينها في جميع العمليات الاستشهادية في تاريخ حماس و اللي خلفت مئات القتلى و الجرحى ( ومنهما عالمة ذرة اسرائيلية و زوجها عالم الفيزياء النووية في عملية ديمونة و خمسين جرحى اخرين)
و هذا المخطط الذي تقول عنه قد يكون موجودا و لكن ليس معنى ذلك أن تكون حماس عميلة
فالعقل السليم المنصف لا يترك الدلائل القاطعة الملموسة و يبني تصوراته بناء على افتراضات و معتقدات
و العقل المنصف لا يتهم حماس بالعمالة و السب و القذف بينما يترك فتح و دحلان تفاخر بالعمالة علنا و أمام العالم و تشارك في حصار مليون و نصف فلسطيني في قطاع غزة
دون حتى
أن نعلق عليها بالعمالة
أما بالنسبة للصور التي اعرضتها عن محاولة فتح الحدود
فكما ذكر في أحد التعليقات أنه يجب ألا نجتزئ الصورة من سياقها
ثانيا الذي يظهر في الصورة هو مسلح واحد و ليس كتيبة كاملة
وانت تعلم ان السلاح متوفر في غزة
صرف شخص او حتى قل عدة اشخاص من ضمن مليون و نصف المليون شخص
هل يعبر ذلك عن موقف المليون و نصف المليون
ثم كيف حكمت أنه من حماس و هوه لا يلبس رايتهم الخضراء
ومن امتى وهم الأمن المركزي بقى غلابة و احنا عارفين دايما انهم علطول بتجيلهم الأوامر بالضرب حتى لنواب مجلس الشعب (و اعتقد مدونتك عليها الفيديوهات دي)
أما بالنسبة للدولارات المزورة اللي اتكلمت عنا في المقال التاني
فاعتقد ان كلنا عارفين انها بتتصنع في اسرائيل المحكة في الاقتصاد الفلسطيني
و بعدين قولت ان أهل غزة في تقرير الجزيرة صرفوا 150مليون دولار
ماشي يا عم نحسبها بالورقة و القلم
هعدد السكان مليون و نصف يعني كل واحد 150دولار و متنساش ان ده بعد دخول المساعدات و بعد ما فضلوا كذا شهر مش لاقيين بضاعة جوه قطاع غزة يشتروها بعد ماكل حاجة خلصت بسبب الحصار
أما بالنسبة انك بتقول اشمعنا قطاع غزة فده يرجع لأسباب كتيرة
منها ان حماس ليها شعبية اكبر في غزة و معظم قيادات حماس من غزة بالاضافي الى ان غزة محررة من اليهود...الخ
أما بالنسبة لشعبية حماس فاعتقد الن المظاهرة المليونية في الصورة دي كفاية
http://www.maannews.net/cache/457X400/29713_457X400.jpg
أرجو أن تقرا ردي جيدا و ترد عليه و اعلم أني ما كتبته الا لاحقاق الحق

Posted by: كلمة حق | Monday, 11 February 2008

ان احييك جدا يا وائل ومقالك قيم وموضوعي واحب اقول لكل السادة المعلقين اللى بيقولوا انه أهل غزة جاءوا لشراء مواد تموينية وادويو من مصر انا من اهل غزة و كل للي شفت الناس شرته من مصر هو السجاير والمعسل واجهزة كهربائية وغرف نوم واسمنت ودرجات نارية وبيقولوا يا عم وائل انه البانجو دخل والحمدلله بكميات تكفي سكان غزة كلهم على العموم احب اقول كمان للجماعة اللي بتحب حماس وبتطبل وتزمر لكل افعالها انه حماس مش ملايكة واحنا في غزة قاعدين بنعاني من نتايج اعمال حماس والناس اللي بايدوها مش كتار بس اللي بينتفعوا منها

Posted by: هند | Monday, 11 February 2008

اهو و شهد شاهد من اهلها
مشكورة يا هند على شهادتك
ده غير شهادات تانية الواحد سمعها من ناس عايشين في غزة
على حماس و قرف حماس و غباء حماس
وقال ايه
لسه بيضربوا صواريخ و مصرين على العته اللي بيعملوه
بس يا وائل تحليلك و ادلتك دي لو صح و فعلا دي النية و خلاص ابتدوا شغل فيها تبقى حاجة خطيرة ده تزوير في حدود رسمية
و مش بعيد كل كام سنة يتعمل سيناريو و حمار زي ده و حتة حتة نبص نلاقي فلسطين اترحلت على مصر و مصر راحت منها سينا و القدس تبقى اسرائيلية ميه ميه و محدش يقدر يتكلمو يا دار مدخلك شر
لكن هل ساعتها حماس حتسكت و لا حتفضل تضرب صواريخ فشنك زي دلوقتي و ساعتها لما ترد عليها اسرائيل حينوبنا من الحب جانب؟؟
مش باين اي خير من اللي بيحصل
على الاقل مش باين اي خير لمصر
و في الاخر القوميين و الاسلاميين حيفضلوا يتهتهوا بالعروبة و بالاسلام و بلا بلا بلا

Posted by: Hafsa | Monday, 11 February 2008

ابو الدرداء طول ما ده اسلوب حماس يبقى مش حيفضل اي جيل و لا حيجيي اي جيل عشان تبقى فيه احتمالية انه يصيب و يعمل احسن ما عملوا جدوده
اسلوب حماس ده حيخلص على اغلب الشعب الفلسطيني الساكن في غزة و ما خفي كان اعظم
يا ريت حماس تبطل شعارات رنانة مش بنستفيد منها اي حاجة و يستثمروا في شعبهم شوية مش كل مصاريفهم خلصانة على الصواريخ الفشنك اللي بيضربوها على اسرائيل و لا طائل من وراءها غير الاذية الغاشمة من اسرائيل و معاونيها
يا ريت نفكر شوية و نبطل نحنجر بكلمات كبيرة احنا مش قده
و قديما قالوا
dont let your tongue say what your ass can't pay.

تحياتي

Posted by: Hafsa | Monday, 11 February 2008

الناس الهبله اللى بتدافع عن حماس نقولهم الدبه قتلت صاحبها

Posted by: ابوح | Monday, 11 February 2008

أسجل اعتراضي على الشتائم غير اللائقة، خصوصا المعلق اللي بيتهم اللي بيدافع عن حماس انهم ناس هبلة، مش عشان بخالفك في الرأي أبقى أهبل، وعلى هذا هل يحق لي أن أقول الناس الخاينة اللي بتدافع عن عباس أو فياض أو دحلان!! مش محتاجين نشرشح لبعض

Posted by: كاليماخوس هريدوس | Monday, 11 February 2008

جديد وائل رد على كومنت مش حد من الناس التانيه زى حفصه المهم

موضوع السيادة الناس الى بتشكك لا فيه سيادة حتى لو مش موجودة على الارض هناك بس بتبان من قوة هنا . ماشى وضحت
موضوع حماس هى مش مدركه انها عنصر هدام فى المجمل الفلسطبنى لان كل واحد عايز سلطه ( طحينه وكدا( مش موضوع الارض لانها مفكرتش غير فى نفسها وفلسطين كانت اتحلت من زمان مشكلتها بس الفصائل دى هى الى عاملة زى لبنان الفرق طب هترضى مين على حساب مين ومين هيرضى يتنازل لاخوة الفلسطينى ويقله انت الاكبر وامسك ومين منهم هيشور مين ...عك من الاخر مبيكبروش لبعض مبيخترموش بهض ..
حلوة الكلام المسطبه دا يا وائل
نيجىبقا للقائد الحرب والسلام ..
هقولك لكمه واحد قالهالى مش مصرى .. هناك فرق بين الى بيتكلم ومبينفزش والى بينفذ ومبيتكلمش
عبناصر عجله ..
واسمع لو سمحت وحط على لينكاتك من يو تيوب ل نجيب سرور

وبالنسبه لشتيمه كسم فلسطين كلها على بعضها والدول العربيه تماااااا كلهم جهل وفشل دا مبيعرفوش يتكلمو فى اى شى بس برضو الاغلبيه عجل وسمك

Posted by: a7a | Wednesday, 13 February 2008

فى برنامج الاتجاه المعاكس بالامس الضيف الليبى دعا العرب لتحطيم حدود بعضهم البعض دعوه للفوضى والسبهلله يعنى واعتبر تحطيم الحدودالممصريه نصر وشىء عظيم وبيقول ان الحدود المصريه والعربيه صنعتها اتفاقية سايكس بيكو ونقول له ان الحدود المصريه كما هى من قبل الميلادوستظل ان شاء الله كما نعتنا بشعب عبد الناصر واحنا بتقول له نحن الشعب المصرى سليل الحضارات كما شبه مذيع البرنامج تحطيم حدود مصر من قبل الغزاويه بتحطيم حائط برلين ردوا عليه انتم والنبى واذا كان تصويت الجزيره ب 92%لتحطيم الحدود المصريه يبقى من حقنا نقول طز للقوميه والقومجيه ولتحيا مصر مصريه مستقله

Posted by: ابو على | Wednesday, 13 February 2008

Grüss an euch alle ,
Aegypten hat Sinai seit 1980 ganz zurückbekommen,kalr nach dem Krieg von 1973 haben wir was in den Händen gehabt aber nicht alles .Also was hat Aegypten für Sinai gemacht ,was hat Aegypten für die Bewohner seit dieser zeit bis Heute gemacht ?? Nichts überhaupt nichts und gar nichts .Nur Versprechen aber keins halten .Die Bewohner leiden,weil das Land ihnen keine Interesse gezeigt hat oder zeigen will.Israel hat Sinai nur paar Jahre bestzt,trotzdem hört man bis Heute noch von den Beduinenen,die diese Zeit erlebt haben ,wie alles am besten war ,wie die Verpflegung, die Organisation und die Ordnung am besten war.Die Israilies haben ab dem ersten Tag gearbeitet,aber die Aegypter schlafen immer noch .Wenn Israel das ganze Sinai zurückkriegt ,um aus diesem gebiet etwas zu schaffen ,dann willkommen ,und müssen wir alle das gutheissen.Es ist egal wer das Land regiert ,aber sehr wichtig wer für das Land arbeitet.Ob Israel oder Amerika oder wer noch das land gut wirtschaftet und das beste daraus macht ,dann warum nicht.Wir Menschen fliegen in andere Ländern ,wo wir bessers Leben haben können,wo wir von andern Menschen regiert werden ,wo wir andere Sprachen sprechen müssen ,wo wir uns an andere Kulturen anpassen müssen,nur weil wir die Ordnung in Unseren Ländern nicht haben.Wie wäre es dann wenn wir das ganze Sinai und auch Gaza Israel verschenken,damit die Leute dort bessers Leben haben.Aber Israel verschenken und nicht die Hammas ,weil die Hamas keine Erfahrung haben,und nie haben werden,die sind immer noch jung dafür ,die haben es nicht gelernt ,wie man Gefühle von Tatsachen trennt.

Posted by: masri | Wednesday, 13 February 2008

مساء الخير
اولا تحية لك على مدونتك الهامة و التى اتابعها عن قرب و احترمك بسببها
سعيدة ان يكون الحوار هادئ و اتمنى ان يكون هكذا بالفعل بالرغم من اننى انوى ان اختلف معك فى بعض النقاظ و انا واثقة ان هذا الاختلاف لن يقلل من احترام كلانا لرأى الأخر (على الاقل هذا ما اتمناه)
1. نحن فى مصر نحلم و نسعى بان نكون فى يوم دولة ديمقراطية تختار حكومتها بانتخابات حرة، و هو ما نفعله لاننا نؤمن ان هذه قد تكون افضل طريقة لكى تمثل حكومتنا مطالبنا و احتياجاتنا، فكيف نتجاهل ان حماس حكومة تم انتخابها بطريق ديمقراطى و يشهد بهذا محكمون دوليون و هى تمثل الشعب الفلسطينى بحق و بالرغم من ذلك فقد وقعت عليها ضغوط تجعل من المستحيل تحقيق اجندتها السياسية بل وقع على الشعب نفسه عقاب لاختياره الحكومة التى لا ترضى عنها الغرب.
2. لماذا نربط بين حماس و الاخوان؟ لا ارى اى تشابه بينهما، فحماس تقاوم المحتل فى حين ان الاخوان يقاومون عدو خفى قد يكون انا او انت او اى شخص يختلف مع رأيهم السلفى. حماس لم تنفذ عمليات ضد ابنائها، و لم تنفذ عمليات ضد الاجانب او السياح و لم تنفذ اى عمل ارهابى خارج فلسطين المحتلة و هو امر مشروع و مفهوم.
3. بالرغم من تحفظى على ادخال الدين فى السياسة الا اننى قد اتفهمه فى ظل الظروف التى يعيشها الشعب الفلسطينى حيث حكمتهم فتح او "قادتهم" خلال عشرات السنوات دون ان يكون هناك بارقة امل ان تحصل لهم على اى تنازلات من اسرائيل، و حجة ان حماس و عمليات حماس تمنع الحل الفلسطينى حجة تبدو ساذجة لان اسرائيل ان لم تجد حماس ستجد الف سبب اخر لعدم اتمام اى معاهدة او تحقيق اى اتفاق فقد التزمت حماس اكثر من مرة بالحفاظ على الامن فى فترات حكم فتح السابقة و كانت اسرائيل دائما ما تطيل المدة او تستفز الشعب الى ان تحدث حادثة جديدة. هذا بالاضافة ان زعماء حماس يقدمون ابناءهم شهداء للوطن جنبا الى جنب الشعب فى حين يتعلم ابناء فتح و يعيشون فى عواصم البلاد العربية حياة مترفة باموال فلسطينية و هو الامر الذى تبدو معه فكرة خيانة حماس للقضية شديدة السذاجة فالخائن لا يدفع بابنه الى الموت بل يدفعه الى القاهرة او بيروت او نيويورك ليتعلم احسن تعليم ثم يصبح رجل اعمال ناجح!!. وبدلا من ان نقارن حماس بالاخوان دعنا نقارنهم بحزب الله، قد نختلف معهم ايديولوجيا لكن فى وسط تاريخ لبنان الدموى الطويل الذى لم يرحم فيه احد الاخر الم يكن حزب الله المنتصر الوحيد على القوة الصهيوينة؟ الم يستطع ان يفعل ما لم يستطع فعله احد من قبل و حرر تراب بلاده بلا قيود و لا شروط؟ اذا كان الدين سيوظف لخدمة بلدك و مستقبلها و كرامتها فلماذا ننتقده؟ هو نابع من حاجة الى المقاومة و من ايمان بقضية، و ليس نابع من رغبة فى سلطة او منصب و هو فارق كبير.
4. اما عن الاجتياح المزمع، فقد شاهدته و تابعته، و لم ارى فيه اى تخطيط، و انما رأيت شعب متعب و خائف و غاضب يشتاق الى نسمة حرية و الاهم انه قد يريد ان يطمئن على ابنائه اكلهم شربهم، ادويتهم ... و هو مطلب انسانى لا نعرف كيف كنا سنسعى اليه نحن اذا ما كنا فى مكانهم ندافع عن ابنائنا، و اى تدافع لاعداد بشر كبيرة فى ظروف عصيبة وارد جدا ان ينتج عنه عنف، بالمتوقع ان يحدث ذلك و هو امر غير موجه الى شخص و انما هى طبيعة تحرك الجماعة الخائفة المتعبة (و الله حتى مشجعى الكرة فى شوارع القاهرة بعد فوزنا لم يخلو اسلوبهم من العنف اذا لم تبدى رغبة فى مشاركتهم فرحتهم) هى طبيعة البشر فى كل مكان لا تعنى بيات نية الشر و لا تعنى ان هناك تنظيم و لو كانت الدولة المصرية فكرت ان تسمح للمواد الغذائية و الادوية ان تمر الى غزة و هى تعلم جيدا انها محاصرة و ان اهلها جوعى، لو كانت فعلت هذا على سبيل التجارة (اشمعنى يعنى بنتاجر مع اسرائيل؟) او على الاقل كانت سمحت لجمعيات الاهلية (مش لازم الاخوان عندك عشرات من الجمعيات الحقوقية اللى مش اخوان خالص) لو كانت سمحت لهم ان ينقلوا تبرعاتهم العينينة الى غزة يمكن كنا استطعنا ان نمنع ما حدث قبل وقوعه.
5. و اخيرا او ان اقول ان هم غزة هو همنا، لان لو لم يكن الفلسطينون هم جيراننا، لكان مكانهم اسرائيل و النحمد الله على غزة و الغزاوية و لنساعدهم ولنحترمهم على صمودهم و على تضحياتهم التى لو انتهت قد تعنى ان الدور علينا.

Posted by: هنا | Saturday, 16 February 2008

عزيزى علاء يايو (موقع باربعه احزاب ) اجوك خلينا نلم ونتلم ضد العدو المشترك خللى هم اللحظة الراهنه يجمعنا وبلاش ندور فى الزاكره على حروب الباسوس القديمه اللى بتفرقنا ولا يستفيد منها احد غير النظام الفاسد ارجوك قدر من التسامح هو ما نحتاجه..اخى فكر مليا انها قضيه وطن..مع تمنياتى لك بالتوفيق

Posted by: حمدى قناوى | Tuesday, 19 February 2008

دى طريقه محترمه للحوار

Posted by: حمدى قناوى | Tuesday, 19 February 2008

اللينك دا ليك يا وائل تصديقا لكلامك

http://www.masrawy.com/News/Egypt/Politics/2008/february/19/israel.aspx

أظاهر أن الموضوع كبير اوى لما حاخام يكلم بسفاله والبجاحه دى

Posted by: أحمد الشريف | Tuesday, 19 February 2008

كان جميل فيك ان بتلعب دور الاعلامي الي بينقل الواقع بس دون اضافات
ولكنك واصحاباك الي مؤيدين ليك ضافو اراهم الشخصيه دون ستد زي اعتبارهم لحماس و الاخوان عملاء
انت عرضت القضيه بتاعت الاختراق دي كويس قوي وانا شايف ان كلنا لازم نحافظ على ارضنا وسيادتها ولكن المهم نخاف عليها من مين
وبعد مصر لو اخدت قرارتخرج ى اهل غزه مهياش صغيره عليها
عشان يقفو يضربو و ميعملوش حاجه
و اولا واخير الامر كله ليس بايد اي حد في مصر فقط امريكه هي صاحبة الكلمه
واخيرا انا احب بس اقول لكل الناس المسلمين باالأخص انه فرض كفايه على المسلمين ان اغتصبت ارض منهم ان يعيدوها وان المقصد الثاني من مقاصد الشريعه هو الحفاظ على النفس يعني بعيدا عن السياسه اي مسلم بيموت مسؤليك كمسلم ان تنقذه بعيدا عن اي اعتبارات اخرى

Posted by: واحد من الناس | Wednesday, 20 February 2008

مشكور اخوي علي الموضوع ونتمني المزيد

Posted by: كريزي مان | Tuesday, 04 March 2008

هذا هو الدور القذر الذي يقوم به النظام المصري والاردني والإدارة الأمريكية ضد حماس وفلسطين

كشفت مجلة أميركية أن إدارة الرئيس جورج بوش شرعت عقب فوز حركة المقاومة الإسلامية (حماس) بالانتخابات الفلسطينية قبل أكثر من عامين، في تنفيذ خطة سرية للإطاحة بالحكومة الإسلامية الجديدة في قطاع غزة.

وتورد مجلة "فانيتي فير" في تحقيق صحفي مطول تنشره في عددها لشهر أبريل/ نيسان القادم أنها حصلت على وثائق سرية تكشف عن خطة اعتمدها بوش ونفذتها وزيرة خارجيته كوندوليزا رايس ونائب مستشار الأمن القومي إيليوت أبرامز تحرض على إثارة حرب أهلية فلسطينية.

وتقضي الخطة حسب المجلة بأن تكون القوات التي يقودها محمد دحلان -مستشار الأمن القومي السابق للرئيس محمود عباس- والمزودة بأسلحة حديثة، بمثابة القوة التي تحتاجها فتح للقضاء على الحكومة المنتخبة ديمقراطيا بزعامة حماس.

غير أن الخطة السرية ارتدت على واضعيها، إذ تسببت في انتكاسة أخرى لسياسة واشنطن الخارجية تحت إدارة بوش، وبدلا من طرد الأعداء من السلطة -كما تقول المجلة- قام مقاتلو فتح عن غير قصد باستفزاز حماس للاستيلاء الكامل على قطاع غزة.

ودعت الخطة حلفاء واشنطن في المنطقة إلى إيصال أسلحة ورواتب إلى مقاتلي فتح الذين سيتولون قيادة ثورة على حماس.

وتردف المجلة -وهي إحدى أشهر المجلات العريقة في الولايات المتحدة التي تعنى بقضايا السياسة والثقافة والموضة- قائلة إن رايس لعبت دورا رئيسيا في محاولة إقناع مصر والأردن والسعودية والإمارات العربية المتحدة بتدريب وتمويل عناصر من فتح, مشيرة إلى أن المسؤولين الإسرائيليين اعترفوا في ديسمبر/ كانون الأول 2006 بأن مصر أرسلت أسلحة لحركة فتح في غزة.

وتتابع القول إن الجهود الأميركية لم تقف عند حد إقامة حكومة وحدة وطنية فلسطينية، بل وضعت إدارة بوش الخطة (ب) التي دعت إلى زيادة 4700 عنصر إلى قوات فتح وإخضاعهم لمزيد من التدريبات في الأردن ومصر.

وتذكر المجلة أن وزارة الخارجية الأميركية قدرت تكلفة الرواتب والتدريب والأسلحة بنحو 1.27 مليار دولار أميركي خلال خمس سنوات.

على أن الخطة -على حد وصف المجلة- كانت مثيرة للجدل حتى وسط الإدارة الأميركية.

الحرب القذرة
وكشف ديفد ويرمسر مستشار الشرق الوسط السابق لنائب الرئيس ديك تشيني عن انقسامات حادة حدثت بين المحافظين الجدد حول هذا الموضوع.

واستقال ويرمسر من منصبه في يوليو/ تموز 2007 بعد أسابيع فقط من اندلاع مواجهات دامية في غزة بين حماس وفتح انتهت إلى سيطرة الحركة الإسلامية تماما على مقاليد الأمور في القطاع.

ويتهم ويرمسر إدارة بوش "بالضلوع في حرب قذرة في مسعى منها لمنح النصر لدكتاتورية فاسدة يقودها عباس".

ويعتقد المسؤول الأميركي السابق أن حماس لم تكن تنوي الاستيلاء على غزة إلى أن أجبرتها فتح على ذلك. ويضيف "يبدو لي أن ما حدث لم يكن انقلابا من حماس بل محاولة انقلابية من فتح أجهضت قبل أن تقع".

وتقول المجلة إن الخطة التي وصفتها بالخرقاء قد جعلت حلم سلام الشرق الأوسط يبدو أبعد من ذي قبل, إلا أن ما يغيظ المحافظين الجدد حقا من أمثال ويرمسر هي ما تنطوي عليه من نفاق مفضوح.


محمد دحلان له علاقات وثيقة
بالزعماء الأميركيين (الفرنسية-أرشيف)
دور دحلان
وتكشف المجلة عن علاقة محمد دحلان بالرؤساء الأميركيين حيث تقول إن بوش لم يكن أول رئيس يقيم القيادي الفلسطيني معه علاقة.

وينسب التحقيق الصحفي لدحلان قوله "بلى, كنت وثيق الصلة ببيل كلينتون فقد التقيته عدة مرات مع ياسر عرفات".

وتمضي المجلة إلى القول إن دحلان لعب دورا أساسيا في التوترات القائمة بين حركتي فتح وحماس، فقد اعتقل بصفته مديرا لجهاز الأمن الوقائي ألفي عنصر من حماس عام 1996 في قطاع غزة بعدما قامت حركتهم بسلسلة من التفجيرات "الانتحارية".

وفي ذلك يقول دحلان إن "عرفات هو من قرر اعتقال قادة حماس العسكريين لأنهم كانوا يعملون ضد مصالحه, وضد عملية السلام, وضد الانسحاب الإسرائيلي، بل ضد كل شيء".

وتشير "فانيتي فير" إلى أن دحلان تعاون عن كثب مع مكتب التحقيقات الفدرالي ووكالة الاستخبارات المركزية الأميركية وأقام علاقة حميمة مع مديرها جورج تينيت, الذي عينه كلينتون واستمر في منصبه تحت إدارة بوش لغاية يوليو/ آذار 2004.

ويقول دحلان عن تينيت "إنه رجل عظيم وعادل حقا، وأنا ما زلت على اتصال به من حين لآخر".

وتستشهد المجلة بأقوال مسؤولين حكوميين لم تحدد هوياتهم بأن دحلان "هو رجلنا".

وستنشر الجزيرة نت النص الكامل لتحقيق المجلة غدا الأربعاء.


المصدر: الصحافة الأميركية

http://www.aljazeera.net/NR/exeres/49059F48-C8E1-451B-B0C5-1AC6B34F7D73.htm

Posted by: كاليماخوس هريدوس | Tuesday, 04 March 2008

على النعمة انتا برنس واراؤك كلها صح
احييكوبشكرك بجد على اللى بتعمله وبتعرفنا بيه

Posted by: shireeeef | Tuesday, 04 March 2008

http://www.aljazeera.net/NR/exeres/49059F48-C8E1-451B-B0C5-1AC6B34F7D73.htm

Posted by: كاليماخوس هريدوس | Tuesday, 04 March 2008
مستر وائل راجع قراءة الرد المنشور أعلاه ربما تعيد بعده النظر فيما كتبت

Posted by: حسن | Thursday, 06 March 2008

SALLAM BRO ,,, HER ON PBS CHRLI ROSE SHOW NAGIB SWWIARS COMPARE MUSLIM BR LIKE HITLER AWEEK AGO ,IT WILL BE INTERSTING IF YOU FOLLOW SSALLAM .

Posted by: ABDEL MONEM ASSI | Tuesday, 08 July 2008

مشكور اخي العزيز علي الموضوع

Posted by: crezeman | Sunday, 03 August 2008

مشكور اخي جزاك الله خيرا

Posted by: كريزي مان | Sunday, 24 August 2008

الكلام الي قلتو صحيح 100 بالمبة والدليل القاطع أقراء هذة المقالة لباحث من جامعة هرفرد بالصور مشروح عليها

http://blogs.law.harvard.edu/mesh/2008/01/gaza_into_egypt/

Posted by: الدكتور على | Friday, 03 October 2008

الدكتور علي كلامك مظبوط

Posted by: دردشة | Saturday, 29 November 2008

شكرا لك اخي العزيز

Posted by: تفسير الاحلام | Friday, 24 August 2012

مشكور اخي جزاك الله خيرا

Posted by: لعبة ماريو | Friday, 02 May 2014

شكرا لك اخي العزيز

Posted by: لعبة زوما | Monday, 16 June 2014

مستر وائل راجع قراءة الرد المنشور أعلاه ربما تعيد بعده النظر فيما كتبت

Posted by: لعبة من سيربح المليون | Monday, 16 June 2014

شكرا لك



العاب توم وجيرى

Posted by: mekho | Sunday, 13 July 2014

على النعمة انتا برنس واراؤك كلها صح
احييكوبشكرك بجد على اللى بتعمله وبتعرفنا بيه

Posted by: فوائد الزعتر | Thursday, 11 September 2014

شكرا لك

Posted by: لعبة صب واي | Thursday, 11 September 2014

شكرا

Posted by: لعبة البيرة | Thursday, 11 September 2014

شكرا

Posted by: لعبة صب واي | Friday, 10 October 2014

مووووووضوع رائع

Posted by: 250 | Friday, 06 February 2015

شكراً علي المقال

Posted by: لعبة جاتا | Tuesday, 10 March 2015

مقال جيد

Posted by: لعبة زوما | Tuesday, 10 March 2015

مقال جيد

Posted by: لعبة زوما | Tuesday, 10 March 2015

مقال ممتاز

Posted by: لعبة من سيربح المليون | Tuesday, 10 March 2015

العاب تلبيس ومكياج التي تمزج بين التلبيس وكذلك الميك اب في آن واحد هذا الامر الدي يزيد من جمالها وتجعل كل من يلعبها يستمتع بذلك زد على ذلك العاب تلبيس باربي التي تعرف شعبية كبيرة لانها شخصية مشهورة ويعرفها الصغير والكبير ولهم ذكريات جميلة معها لانها اشتهرت في عالم الكارتون والان اصبح الامر كذلك في مجال الالعاب وغير هذا هناك كذلك نوع آخر مميز ايضا وهو العاب تلبيس عرائس فالجميع يحلم ان يقوم بتلبيسهما لانها تذكرهم بهذه المناسبة الجميلة الا وهي الزواج التي تعتبر اهم مرحلة في حياة الانسان وهناك انواع مغايرة لها جمهور كبير في كل انحاء العالم وهي العاب قص الشعر ليس هي فقط بل توجد ايضا العاب طبخ التي يمكن للجميع لعبها سواء كانوا اولادا او بناتا وهي الاكتر طلبا في النت ويحبها الجميع ومعها ايضا العاب باربي التي تكلمنا عليها بكل انواعها .........

Posted by: العاب تلبيس بنات | Thursday, 12 March 2015

The comments are closed.