Friday, 06 July 2007
تأجيل محاكمة الظابط الفرفور دلوعة الداخلية
تأجيل محاكمة الظابط الفرفور دلوعة الداخلية
حضرت مع مجموعة من المدونين المهتمين جلسة الرابع من يوليو لمحاكمة الضابط الفرفور دلوعة الداخلية اللي عنده ميول شاذة إسلام نبيه ولم يكن أحد يتوقع الكثير من الجلسة بل أن بعضهم تمنى التاجيل لما بعد اجازة القضاء حتى يستمر حبس إسلام نبيه شهرين زيادة
ولو اني اشك في حكاية انه محبوس دي خصوصا ان الواد حالق شعره عند حلاق نضيف مش حلاق السجن وكل مرة بيجيبوله عساكر تقف قدامه علشان محدش يصوره في القفص
مش عارف امتى نخلص من التعريص بقى وتقطع يد فاطمة بنت محمد كما يعاقب غيرها
ولوحظ امتلاء كراسي المحكمة بالعساكر والضباط والمخبرين والشرطة السرية في ملابس مدنية لدرجة ان ما كانش فيه مكان اقعد انا وزميلتي الصحفية ماندي غير بين المخبرين فقررنا اننا ندردش بقى ونسمعهم من المنقي خيار لحد ما واحد من المخبرين قال ان موضوع التصوير بالفيديو ده بقى اي حد بيتبلى بيه على اي حد فقلتله لا وانت الصادق ده بقى بيثبت اللي ما كانش حد بيقدر يثبته وختمت كلامي بدعوة ربنا يخلصنا من الظلمة فقطم وبطل يتكلم خالص
كل المحكمة شرطة
وكالعادة حضر الظابط المتعاطف اللي كان بيضرب البياعين في ميدان الجيزة اللي قلتلكم عليه قبل كده اما الضابط الناجي من الحكم في كليب القفا بتاع امبابة فمن ساعة ما نشرت صورته وهو بطل ييجي
يعني فيه ناس صدغة وبجحة وفيه ناس بتتكسف على دمها
اللي على شمال الصورة ده اخو اسلام نبيه حتى نفس القفا
المهم بدأت مرافعات الدفاع وكالعادة الدفاع نسي المتهم زي كل مرة وافتكر ان المحاكمة دي هي محاكمة منظمات حقوق الانسان وابتدى يرغي بقى ويشتم كالعادة ويشتم في جريدة الفجر وفي الامم المتحدة اللي بتعتمد تقاريرهم ويتهمهم بالتعاون معها مع ان مصر عضوة في الامم المتحدة فقررت اخدلي تعسيلة كده طالما العملية ها تبقى ملل زي كل مرة
وإذ أستفوجأ وانا نايم بان المحامي قال ايه بيقول وائل عباس !!!
وائل عباس مين فين ليه ازاي !!!
اتاريه يظهر حد فطمه على الليلة ودخله على النت وقال له هما دول العيال الخولات بتوع الانترنت - على رأي أحمد فؤاد نجم - اللي نشروا الفيديو وخدته منهم جريدة الفجر فقالك تعالى نشوط فيهم بالمرة
قوم سيادة البيه الافوكاتو بيقولك
طالعت موقعا من المواقع التي تسمي نفسها بمواقع حقوق الانسان أو مواقع مش عارف ايه للاستاذ وائل عباس - اسمها مدونة يا متعلم يا متنور - باعت استغاثة للامم المتحدة بيقولها من فضلكم شكلوا لجنة تحقيق في مصرع الزعيم الخالد - مش ده عبد الناصر باين - أنور السادات على غرار ونسق الحريري رحمة الله عليه رئيس وزراء لبنان يعني بيدعو الامم المتحدة ان تتدخل - شفتوا تتدخل دي جامدة قوي - في قضاء مصر وبيهدر - شفتوا بيهدر دي بقى مش بالذمة أجمد من تتدخل - ما انتهت اليه تحقيقات مصر ويحرض - أيوة يحرض ماهو مش جديدة عليا كل تقارير أمن الدولة بتقول عليا محرض - دول العالم علينا - دي بقى جديدة يعني الأول كنت باحرض شوية مدونين على ما قسم دلوقتي بقيت باحرض دول العالم بحالها والله واترقيت يابو وائل - هذه كما قال الاستاذ عادل عبد الحي هي ليست قضية عماد - والله فعلا انت لحد دلوقت ما اتكلمتش لا عن عماد ولا عن اسلام وقاعد تفعص في كلام مالوش اي علاقة بالقضية أساسا ومش عارف القاضي ما سكتكش ليه من بدري - هي قضية بتر يد الأمن في مصر - يا بتاع الأمن إنت يا حلو - وقضية تجعل من الأمن خائفا مرتعدا مذعورا - آه صح حتى بالأمارة هما عملوا حريمات علشان يهددوني - والدليل قدمته اليكم
إضغط هنا لمشاهدة الفيديو
الفيديو من تصوير نوارة نجم
الى هنا انتهى ما قاله العالم العلامة والجهبذ الفهامة فحل فحول المحاماة في بر مصر المحروسة والكلام الأحمر ده كان تعليقي أنا
أومال يا باشا لو كنت قريت مقالي في الواشنطون بوست وأنا باحرض أمريكا تقطع المعونة عن مصر ويصادف بعدها بكام يوم انهم فعلا يسمعوا كلامي ويقصوا من المعونة ميتين مليون دولار ودي كمان أمريكا القوة العظمى محطمة الأمم بقى بيحرضها العبد لله وهو قاعد بالفانلة والكلوت على الكمبيوتر في بيتهم
ده أنا سري باتع بقى يا عيال ومش محتاج امم متحدة ولا دياولو ده حتى الامم المتحدة بقت شرابة خرج
والمحامي قال لك كده من هنا ولقيتلك البت نوارة بنت عم أحمد فؤاد نجم مفحومة من العياط
إيه يا بنتي أومال لو كانوا بيحكموا عليا بالاعدام كنتي عملتي ايه
وقدم المحامي الجهبذ عدة أدلة جديدة للمحكمة أثارت إستغراب الصحفيين والمراسلين وممثلي منظمات حقوق الإنسان ليس لأن المحامي قدمها وهو محامي نتوقع منه العجب العجاب ولكن الإستغراب كان لأن القاضي قبلها وهي أدلة لا علاقة لها بالقضية من قريب أو من بعيد
مثل شريط فيديو لقناة أوربت قدمه له صديقة وصديق الأمن موسى بيه لخناقة في موقف بولاق الدكرور ليس لعماد الكبير اي علاقة بها ليثبت ان عماد الكبير بلطجي وده برضه لا علاقة له بالقضية وعلى فكرة كثير من مصوري الفضائيات قالولنا ان حد اتصل بيهم يروحوا يصوروا الخناقة ما راحوش الا قناة اوربت وموسى بيه بتاع الشريط
وزي ما نوارة حذرت من قبل من الموضوع ده فيبدوا ان النية كانت مبيته للنيل من عماد الكبير لان ايه يخلي حد يتصل بالفضائيات علشان تروح تصور خناقة في موقف بولاق الدكرور بتحصل كل يوم من مليون سنة وماهياش حرب العراق يعني الا اذا كان العملية فيها موسى - قصدي فيها إنة
كما قدم المحامي الجهبذ عدد من جريدة الفجر قال ايه طلع قبل ميعاده بيومين
وقدم صورة من الوعي المصري تثبت أن وائل عباس عايز يبتر ويروع ويخوف ويرعد ويذعر الامن لانه بيطالب بلجنة تحقيق في مقتل السادات وفات المحامي الجهبذ اني فقط حاطط لينك لموقع والتماس عاملينه ناس تانية ومش انا اللي عامله اصلا ولا انا اللي مقدم الالتماس ده للامم المتحدة من اساسه
انا بس باقول قالوله ولا هو قالوله دي بقت عيب
وكما رأيتم فإن تلك الأدلة لا علاقة لها بواقعة تعذيب عماد من قريب ولا من بعيد ولا تبريء ساحة المجرم إسلام نبيه ومن هنا كان إستغراب وإستنكار قبول القاضي بها كأدلة
وفي النهاية طلبت النيابة التاجيل للاطلاع على الادلة الجديدة وتاجلت المحاكمة حتى الثاني من سبتمبر القادم
-
ركن الكاريكاتير
تعذيب في تعذيب
حضرت مع مجموعة من المدونين المهتمين جلسة الرابع من يوليو لمحاكمة الضابط الفرفور دلوعة الداخلية اللي عنده ميول شاذة إسلام نبيه ولم يكن أحد يتوقع الكثير من الجلسة بل أن بعضهم تمنى التاجيل لما بعد اجازة القضاء حتى يستمر حبس إسلام نبيه شهرين زيادة
ولو اني اشك في حكاية انه محبوس دي خصوصا ان الواد حالق شعره عند حلاق نضيف مش حلاق السجن وكل مرة بيجيبوله عساكر تقف قدامه علشان محدش يصوره في القفص
مش عارف امتى نخلص من التعريص بقى وتقطع يد فاطمة بنت محمد كما يعاقب غيرها
ولوحظ امتلاء كراسي المحكمة بالعساكر والضباط والمخبرين والشرطة السرية في ملابس مدنية لدرجة ان ما كانش فيه مكان اقعد انا وزميلتي الصحفية ماندي غير بين المخبرين فقررنا اننا ندردش بقى ونسمعهم من المنقي خيار لحد ما واحد من المخبرين قال ان موضوع التصوير بالفيديو ده بقى اي حد بيتبلى بيه على اي حد فقلتله لا وانت الصادق ده بقى بيثبت اللي ما كانش حد بيقدر يثبته وختمت كلامي بدعوة ربنا يخلصنا من الظلمة فقطم وبطل يتكلم خالص
كل المحكمة شرطة
وكالعادة حضر الظابط المتعاطف اللي كان بيضرب البياعين في ميدان الجيزة اللي قلتلكم عليه قبل كده اما الضابط الناجي من الحكم في كليب القفا بتاع امبابة فمن ساعة ما نشرت صورته وهو بطل ييجي
يعني فيه ناس صدغة وبجحة وفيه ناس بتتكسف على دمها
اللي على شمال الصورة ده اخو اسلام نبيه حتى نفس القفا
المهم بدأت مرافعات الدفاع وكالعادة الدفاع نسي المتهم زي كل مرة وافتكر ان المحاكمة دي هي محاكمة منظمات حقوق الانسان وابتدى يرغي بقى ويشتم كالعادة ويشتم في جريدة الفجر وفي الامم المتحدة اللي بتعتمد تقاريرهم ويتهمهم بالتعاون معها مع ان مصر عضوة في الامم المتحدة فقررت اخدلي تعسيلة كده طالما العملية ها تبقى ملل زي كل مرة
وإذ أستفوجأ وانا نايم بان المحامي قال ايه بيقول وائل عباس !!!
وائل عباس مين فين ليه ازاي !!!
اتاريه يظهر حد فطمه على الليلة ودخله على النت وقال له هما دول العيال الخولات بتوع الانترنت - على رأي أحمد فؤاد نجم - اللي نشروا الفيديو وخدته منهم جريدة الفجر فقالك تعالى نشوط فيهم بالمرة
قوم سيادة البيه الافوكاتو بيقولك
طالعت موقعا من المواقع التي تسمي نفسها بمواقع حقوق الانسان أو مواقع مش عارف ايه للاستاذ وائل عباس - اسمها مدونة يا متعلم يا متنور - باعت استغاثة للامم المتحدة بيقولها من فضلكم شكلوا لجنة تحقيق في مصرع الزعيم الخالد - مش ده عبد الناصر باين - أنور السادات على غرار ونسق الحريري رحمة الله عليه رئيس وزراء لبنان يعني بيدعو الامم المتحدة ان تتدخل - شفتوا تتدخل دي جامدة قوي - في قضاء مصر وبيهدر - شفتوا بيهدر دي بقى مش بالذمة أجمد من تتدخل - ما انتهت اليه تحقيقات مصر ويحرض - أيوة يحرض ماهو مش جديدة عليا كل تقارير أمن الدولة بتقول عليا محرض - دول العالم علينا - دي بقى جديدة يعني الأول كنت باحرض شوية مدونين على ما قسم دلوقتي بقيت باحرض دول العالم بحالها والله واترقيت يابو وائل - هذه كما قال الاستاذ عادل عبد الحي هي ليست قضية عماد - والله فعلا انت لحد دلوقت ما اتكلمتش لا عن عماد ولا عن اسلام وقاعد تفعص في كلام مالوش اي علاقة بالقضية أساسا ومش عارف القاضي ما سكتكش ليه من بدري - هي قضية بتر يد الأمن في مصر - يا بتاع الأمن إنت يا حلو - وقضية تجعل من الأمن خائفا مرتعدا مذعورا - آه صح حتى بالأمارة هما عملوا حريمات علشان يهددوني - والدليل قدمته اليكم
إضغط هنا لمشاهدة الفيديو
الفيديو من تصوير نوارة نجم
الى هنا انتهى ما قاله العالم العلامة والجهبذ الفهامة فحل فحول المحاماة في بر مصر المحروسة والكلام الأحمر ده كان تعليقي أنا
أومال يا باشا لو كنت قريت مقالي في الواشنطون بوست وأنا باحرض أمريكا تقطع المعونة عن مصر ويصادف بعدها بكام يوم انهم فعلا يسمعوا كلامي ويقصوا من المعونة ميتين مليون دولار ودي كمان أمريكا القوة العظمى محطمة الأمم بقى بيحرضها العبد لله وهو قاعد بالفانلة والكلوت على الكمبيوتر في بيتهم
ده أنا سري باتع بقى يا عيال ومش محتاج امم متحدة ولا دياولو ده حتى الامم المتحدة بقت شرابة خرج
والمحامي قال لك كده من هنا ولقيتلك البت نوارة بنت عم أحمد فؤاد نجم مفحومة من العياط
إيه يا بنتي أومال لو كانوا بيحكموا عليا بالاعدام كنتي عملتي ايه
وقدم المحامي الجهبذ عدة أدلة جديدة للمحكمة أثارت إستغراب الصحفيين والمراسلين وممثلي منظمات حقوق الإنسان ليس لأن المحامي قدمها وهو محامي نتوقع منه العجب العجاب ولكن الإستغراب كان لأن القاضي قبلها وهي أدلة لا علاقة لها بالقضية من قريب أو من بعيد
مثل شريط فيديو لقناة أوربت قدمه له صديقة وصديق الأمن موسى بيه لخناقة في موقف بولاق الدكرور ليس لعماد الكبير اي علاقة بها ليثبت ان عماد الكبير بلطجي وده برضه لا علاقة له بالقضية وعلى فكرة كثير من مصوري الفضائيات قالولنا ان حد اتصل بيهم يروحوا يصوروا الخناقة ما راحوش الا قناة اوربت وموسى بيه بتاع الشريط
وزي ما نوارة حذرت من قبل من الموضوع ده فيبدوا ان النية كانت مبيته للنيل من عماد الكبير لان ايه يخلي حد يتصل بالفضائيات علشان تروح تصور خناقة في موقف بولاق الدكرور بتحصل كل يوم من مليون سنة وماهياش حرب العراق يعني الا اذا كان العملية فيها موسى - قصدي فيها إنة
كما قدم المحامي الجهبذ عدد من جريدة الفجر قال ايه طلع قبل ميعاده بيومين
وقدم صورة من الوعي المصري تثبت أن وائل عباس عايز يبتر ويروع ويخوف ويرعد ويذعر الامن لانه بيطالب بلجنة تحقيق في مقتل السادات وفات المحامي الجهبذ اني فقط حاطط لينك لموقع والتماس عاملينه ناس تانية ومش انا اللي عامله اصلا ولا انا اللي مقدم الالتماس ده للامم المتحدة من اساسه
انا بس باقول قالوله ولا هو قالوله دي بقت عيب
وكما رأيتم فإن تلك الأدلة لا علاقة لها بواقعة تعذيب عماد من قريب ولا من بعيد ولا تبريء ساحة المجرم إسلام نبيه ومن هنا كان إستغراب وإستنكار قبول القاضي بها كأدلة
وفي النهاية طلبت النيابة التاجيل للاطلاع على الادلة الجديدة وتاجلت المحاكمة حتى الثاني من سبتمبر القادم
-
ركن الكاريكاتير
تعذيب في تعذيب
11:10 Posted in صفحات الغلاف | Permalink | Comments (21)
Comments
لعت السادات موضوعه خلص من ذمان يا ريت يا وائل تشيل الاعلان بتاعه
Posted by: slsl | Friday, 06 July 2007
مفيش فايدة
Posted by: مختوم على قفاه | Friday, 06 July 2007
هشتكنا وبشتكنا يا ريس
والدليل قالولو
Posted by: جهاد | Friday, 06 July 2007
حسبنا الله ونعم الوكيل اكاد اجزم ان الاستاذالمحامى لم يدخل مدونة وائل عباس ولو كان دخل كان عرف من كتابة وائل عليها انها مدونه وعلى مزاج صاحبها وليست موقع حقوق الانسان رغم ان المفروض المحامى يراعى الدقه ولو كان تعب نفسه شويه ودخل المدونه كان عرف ان ده اعلان وبعدين مين ده اللى بيخوف الامن ويجعله مذعورا وائل واللا المدونين خدبالك من نفسك يا وائل حسبنا الله ونعم الوكيل يمهل ولا يهمل
Posted by: مواطن | Friday, 06 July 2007
المحامين الافاضل اللي بيدافعوا
عن الضابط الشريف الانسان اسلام نبيه
بدعي من كل قلبي تطلعوه براءة
عشان يجي يوم يقبض فيه
علي عيل من عيالكم
و يعمل له عمليه توسيع
من غير ترقيع
زي ما عمل في عماد الكبير
بس المره دي مفيش افلام
عشان الموبايل ممنوع
من دخول الاقسام :)
و بالشفا لنجلكم المصون . . مقدما
Posted by: نحسي مبارك | Friday, 06 July 2007
انا الي غياظني التعريص الي عيني عينك الواد الظابط العلق دا حولة عساكر كتير فعلا فين العدالة كدا بقي احب اقول انها بينا من اولها وبراءة زيو زي غيرو هيطلعو براءة وهيبهدلو عماد الكبير مهي خلاص البلد بقيت غابة للكلاب بتوع الشرطة والحرمية الكبار عليه العوض فيكي يامصر خلاص بقينا عيياشين في بلد بيحكمها العساكرررررررررررررررررررررررر
Posted by: eng : mado | Saturday, 07 July 2007
elmoshkela en el2ady shaklo howa kaman ma beyd7'olsh 3a el net we mesh fahem 7aga bardo....el-klam dh kebeer 3aleeh 3ashan keda kol ma lemo7amy ye2ol 7aga, el2ady yesada2ha we yeda7'alha el2adeya....:)
showayet 7emeer maska elbalad we daya3o mosta2balna allah ye7ra2hom
Posted by: Mo | Saturday, 07 July 2007
بجد عجبتنى يا وائل انت وكل الى معاك من مدونين ومدونات
ومعقول الكلام ده معقول هما جهله للحد ده ده جهل وغباء
لا وكمان لس بيكابرو
على ايه
حسبنا الله ونعم الوكيل
Posted by: محمد العنانى | Sunday, 08 July 2007
يا سلام على المحاميين الفطاحل
يعنى المحامى جايب ادله ملهاش دعوه بالقضيه اساسا
لا حول ولا قوة الا بالله
Posted by: محمد | Sunday, 08 July 2007
عرص تعيش.... تاكل قراقيش
Posted by: خالد | Sunday, 08 July 2007
المفروض فى اى محامى انه ينطق صح لان الخطا فى نطق اى حرف ممكن يودى فى داهيه والمحامى الهمام قال والدليل قدمته اليكم بفتح تاء المتكلم بدل ضمها يعنى مش عارف يفرق بين تاء المتكلم وتاء المخاطب وغيرها من الاخطاء النحويه زى من قبل ومن بعد ودى كانت قفشه تانيه للمحامى الهمام ولله الامر من قبل ومن بعد
Posted by: الافوكاتو | Monday, 09 July 2007
loooool wael ana 3ayza link lw mwgood bta3 el el 3amal el sketches de =D da gamed gedan
Posted by: loby | Monday, 09 July 2007
هي دي محاكم مصر و هما دول المحامين؟؟
و عجبي
شرحتلي قلبي يا وائل
طيب و اذا العيب في محامي اعور زي ده طيب مافيش قاضي عليه القيمة يقوله بطل لف و لت و عجن و اتكلم في السليم؟؟
هما دول القضاة اللي بيحكموا برضو؟؟
نصايب نصايب
جتهم البلا ملوا البلد
Posted by: Hafsa | Monday, 09 July 2007
هي دي محاكم مصر و هما دول المحامين؟؟
و عجبي
شرحتلي قلبي يا وائل
طيب و اذا العيب في محامي اعور زي ده طيب مافيش قاضي عليه القيمة يقوله بطل لف و لت و عجن و اتكلم في السليم؟؟
هما دول القضاة اللي بيحكموا برضو؟؟
نصايب نصايب
جتهم البلا ملوا البلد
Posted by: Hafsa | Monday, 09 July 2007
الحقيقة انا حزين اوى للى بيحصل
مافيش رحمة او ضمير او اخلاق، لما واحد يتعدى على واحدة وينتهك شرفها وعرضها او حتى واحد ، ايه الظلم ده
انا عايش بره مصر ومن ساعة مواضيع التحرشات والتعذيب فى اقسام الشرطة وانا بقيت خايف ارجع ، اصلى ولا معايا جواز سفر اجنبى ولا حد فى العيلة حتى امين شرطة يعنى لو حصل اى موقف ووقعت تحت ايد ظابط او دخلت القسم يعنى عليه العوض ومنه العوض وبعادين ازاى الواحد يا من على نفسه وعلى مراته وتمه واخته واولاده فى بلد الغالبية العظمى معندهاش اخلاق وجو مش نضيف وانت ماشى فى الشارع تسمع سب الدين والشتايم البذيئة
بجد حسبي الله ونعم الوكيل فى اللى وصل الشعب للحالة ده من الانحطاط العقلى والاخلاقى والفجر
لدرجة ان امين الشرطة والظابط بقوا الهة تعبد من دون الله من جبروتهم وسطوتهم وقلة ادبهم
وده كله كوم وامن الدولة كوم تانى
اذا كان ده بيحصل فى اقسام الشرطة العادية ، امال امن الدولة بقا بيحصل فيها ايه
حسبى الله ونعم وكيل استباحوا عرض الشعب وداسوا كرامته
حسبي الله ونعم الوكيل
حسبي الله ونعم الوكيل
Posted by: mohamed | Tuesday, 10 July 2007
حتقعدوا تقولو حسبي الله و نعم الوكيل لحد امتي
لكل شعب نظام الحكم الذي يستحقه
اذا مش عاجبكم . . غيروا نظام الحكم
هو انتم عاوزين كل حاجه عالجاهز؟
سبعين مليون بني ادم عمالين بشتكوا
كفايه عياط زي العيال
لو السبعين مليون دول نزلوا الشارع
و الله مبارك الكلب ما حايبات فيها
Posted by: kefaya | Tuesday, 10 July 2007
ياخوفي بكره نتشد كلنا ويتقال انك يا وائل عامل تنظيم سري لقلب نظام الحكم وان اسلام بيه كان حاطط ايدو على خيوط مؤامره الانقلاب عشان كده لفقنالو قضيه عماد
Posted by: ROSHDI | Thursday, 12 July 2007
فعلا محمد عنده حق
كل شعب يستحق من يحكمه
وبالمنسبه .. على ما افتكر ان ده مثل انجليزي
يعنى حتى المثل جبناه من بره .. فاضل لنا ايه تانى !
كلامكم كله حلو وصادق .. وفعلا البلد وصلت لمراحل بعيده قوى من الانحطاط على كافة المجالات
لكن فيه سؤال مهم دايما بسأله لنفسى ..
هل فعلا العيب فى الحكومه ؟؟
او الرئيس او الوزير او حتى الجدع اللى بتتكلمو عنه ده الظابط اللى ناك السواق !!
هل فعلا لو الناس دى كلها صحينا الصبح لقيناهم ماتو اختفو اتبخرو
مشاكلنا هاتتحل ؟؟
حانبقى ناس راقيين وبنتعامل مع بعض بآدمية ؟
حانقدر نرتقى بالنواحى الاقتصاديه
والأهم من الإقتصادية . النواحى الاجتماعية والأخلاقيه ؟؟
حانقدر لما نقف طابور نحترم الدور؟؟؟
لما عربية حد فيكم تتخبط ,, ما ينزلش يشخــر للى خبطها
لما اشاره المرور تبقى حمره والعسكرى مش واقف ما نكسرهاش
ركزو قوى على اشاره المرور دى
لما العسكرى يبقى موجود بنقف محترمين
لما بيمشى بنكسرها نعترف بدى مع بعض
عرفتو ليه بقى العسكرى بقى مهم فى بلدنا ؟
اه الحكومه وحشه .. تمام
بس ياترى احنا حلوين ؟
احنا حلوين مع بعض ؟؟؟
مخلصين ف شغلنا ؟
بنحب الخير لبعض ؟
ايه علاقه التحرش الجنسى مثلا بالحكومه ؟؟
حاتقولو البطاله السبب
وبالتالى الشباب عمل كده ؟
ولا الإعلام بيعرض حجات بنت متناكه بتخلى الشباب يهيج ؟
اه الحكومه تقدر توقف ده فعلا
بس مش ملاحظين حاجه
بس انا برضه اقدر ما اتفرجش على هيفا وهيا بتلعب بطيزها ولا ايه
كل حاجه الحكومه الحكومه ... واحنا فين من ده كله ؟؟؟؟
كأن الشباب ده مسلوب الإراده حتى فى تحكمه فى نفسه
البنت الشرموطه بتخرج من بيتها عريانه والسبب الحكومه ولا ابوها العرص؟
وبقى عرص ليه عشان بياخد مرتب 200 جنيه يا عين امه فمشلاقى ياكل
فبقى عرص وبنته اتشرمطط ؟؟
ما تخلونا نواجه الواقع بقى .. وان حتى لو الحكومه اتغيرت على مزاجنا
احنا قبل الحكومه محتاجين نتغير
انت يا اللى بتقرأ كلامى واكيد مش حايعجب ناس كتير
انت محتاج تتغير
انا ونا بكتب ده محتاج اتغير
بنتكلم عن الأخلاق ونا بكتب ده وبعد ساعه عندى معاد مع المزه عشان ابوها العرص
مسافر وهيا لوحديها فى الشقه ..
لو الحكومه وفرتلى شغل بـ 3000 جنيه
مش حاروح للمعاد ؟
لا حاروح
بس حاجه واحده حاتتغير
البنت الشرموطه .. بدل ماهى بنت فكسانه مش لاقى اللى ينيكها
حاتبقى بنت مزه استايل ما بتتناكش الا للى يدى اكتر
الحكومه السبب؟؟
نفوق بقى وبلاش نستخدم المدونات مكان لمجرد تفريغ الضغط
ونعملها دولاب بنحط فيه شماعات نعلق عليه فسادنا الداخلى قبل فساد الحكومه
انا من زمان بقول اننا شعب فاسد بطبعه
الكلام ده مش على نطاق واسع ولا على تاريخ الأمه الجباره ام 7000 سنه حضاره
انا مال اهلى ومال ده
انا بتكلم على نطاق الشارع والحى اللى عايش فيهم
على نطاق تعاملى مع البقال لما بشترى منه ربع جبنه قديمه والاقيها مغشوشه
على نطاق تعاملى مع جارى اللى بيخوزقنى ببلاغ ازعاج عشان انا عندى سايبر والنغه حبيب الماما ابنه عنده امتحان ثانويه عامه ومش عارف يلم ابنه فبيلمنى انا
اه استخدم الحكومه فى انه يلمنى .. بس مين قبل الحكومه ؟؟ اعتقد هو
نفوق بقى ونشوف امراضنا النفسيه اللى مزروعه جوانا من سنين
الظابط اللى حط العصايا فى الراجل اه مريض وابن 60×70 لكن
ايه اللى خلاه كده ؟
الحكومه ؟
ممكن الحكومه عرفت ان فيه نقص فى الشعب ده
شعب متعطش للسلطه اديله سلطه عشان يدينى كرسى ما اقومش من عليه ولا بعد 100 سنه
لو ابنك يا اللى بتقرأ كلامى مترشح لوكيل نيابه حاتدفع كام عشان الكوسه وتضمن انه يبقى وكيل نيابه قد الدنيا ؟؟
والشرطه ؟؟ هم حاتدفع كام عشان يدخل كليه الشرطه ؟؟
كفايه بقى تناقض .. كفايه نعيش بالف وش مع كل موقف بوش مختلف
معاهم معاهم عليهم عليهم
وأخيرا ..
انا قول وانت تقول و وائل عباس يقول
وفى الآخر الشعب هو الشعب
الشرموطه هيا الشرموطه
والخول هو الخول
والحكومه بتحكم اللبش ده كله
شعب فاسد + سطحى + مريض ناقص + منعدم المبادئ = حكومتنا
وده طبيعى
لأن هذا الحكومه من بطن هذا الشعب
وهذا الشعب ما ينفعش يعيش الا بالطريقه دى
ده اخره
عشان كده لما بنطلع بره بنحس بالفرق
احنا مش وحشين ولا بحاول اجيب احباط للناس كفايا اللى احنا فيه
لكن محتاجين نعمل فورمات لكل افكارنا
ونحب بعض
ونحب العلم والشغل . اعرف اولى فين واخرى فين وما ادوسشى على جارى لمجرد ان ليا ظهر
وهو مالوش
اعتقد اللى اخترع مثل (اللى ليه ظهر ما يتضربش على بطنه) مش الحكومه
احنا اللى اخترعناه
وقتها نقدر نتكلم الكلام اللى بتقولوه دلوقتى وانتو متأكدين انه كلام كتب وحواديت بتفرغو بيها طاقتكم .. وتهربو بيها من الحقيقه
صدقونى لو غيرنا 100 حكومه مش حايتغير الوضع
لأن نقطه البدايه جوه كل واحد فينا . واحنا كلنا متجاهلين النقطه دى
انا متجاهلها زيكم
عارفين ليه
عشان لو بصيت للنطقه دى ,,
مش هاروح لمعادى مع الشرموطه بنت المعرص بعد ساعتين !!
لو انت بصيت لنفسك بما يرضى الله ..
اعتقد حتلاقى ان لازم حجات كتير حاتتغير , الحياه مش حاتبقى حلوه ليك اه
بس ابنك لما يكبر حيلاقى جو نظيف يعيش فيه ويلاقى مبدأ ثابت جواه يعتمد عليه
ولما ابنى يبقى وزير وابنك يبقى الريس اعتقد
والله اعلم
ان وقتها مصر حاتتغير
ده لـــو.. !!
Posted by: Un-Named Feelings | Monday, 06 August 2007
مش كده يا اسمك ايه فى بيت شعر بيقول اذا كان رب البيت بالدف ضاربا فشيمة اهل البيت كلهم الرقص والا ايه فايدة الانبياء والمصلحين لازم يكون فيه قدوه صالحه الاول ومع ذلك مش كل الشعب المصرى زى ما انت بتقول لكن السمكه الفاسده بتزكم الانوف
Posted by: واحد | Monday, 06 August 2007
ياحج وائل انت مزعل نفسك ليه وبعدين اسلام متدلع ولا مش متدلع هو كدة كدة بكرة يتسك على افاه ماهو مش عارف ان العصاية دى بكرة تتمسكله احنا بلد على حافة الهاوية وبعدين اللى حصل فى بوغريب هيبقى احسن الوحش اللى هيبقى فى بلدنا خليهم نايمين فى العسل وخلهيها خل على دماغهم هى اصلا خربت وهما قاعدين على تلها وكفاية انهم بيهرتلو وكدابين والناس فاهمة وبعدين بيتنطط اوى يروح يشوف التصحر اللى فى دماغه ده اللى وصل لضميره وفى الاخر محامى بيدافع عن المظاليم تصدق ابن حلال مصفى .بينى وبينك انا ارفانة من اللى بيحصل فى البلد اللى اصلا مبقيناش عارفين نعيش فيها وكل حاجة بتغلى فيها الا ناسها كل مدى بيرخصوا وبيتداس عليهم بالجزم وساعة الجد هما اللى هيشيلو الطين على فكرة المحامى ده ميعرفش اصلا يمسك موس وتلاقى حد قعد يفهمه قبل المرافعة يعنى ايه موقع ويعنى ايه مدونة ومين وائل عباس وبعدين شكله بيتفرج عالمحور كتير
Posted by: eman | Friday, 11 January 2008
http://file8.9q9q.net/Download/87421984/----.zip.html
Posted by: smsm | Monday, 17 March 2008
The comments are closed.