Ok

By continuing your visit to this site, you accept the use of cookies. These ensure the smooth running of our services. Learn more.

Tuesday, 26 June 2007

عاجل - إختطاف مترو الأنفاق

عاجل - إختطاف مترو الأنفاق

تغطية وتصوير أكرم الإيراني
بعد غرق البواخر والعبارات وبعد سقوط الطائرات وانقلاب القطارات مفاجأة جديدة يفاجئنا بها مترو الأنفاق
اليوم حوالي الساعة 5.30 مساءً كنت بداخل مترو الأنفاق رقم ( 5701 ) المتجة الى المرج وبعد توقف المترو مدة لاتقل عن 15 دقيقة بمحطة سعد زغلول بدأ المترو في السير بسرعة لا بأس بها ولكن المفاجأة ان المترو لم يتوقف نهائياً في المحطات اللتي في خط السير وهذا ما سبب بعض الهرج والمرج بين رواد المترو الراكبين او المنتظرين على المحطات مما أثار الشك بداخل قلوب الركاب على ان المترو قد تم أختطافة من أحد العناصر الأرهابية وهذا بناء على عدم توقفة أكثر من 9 محطات متتالية وسيره بسرعة رهيبة مما جعل بعض النساء يسرعن في القاء الصرخات المدوية وبكاء بعضهم

وبعد ذلك تم أيقافة بين محطتي حمامات القبة وسراي القبة وبعدها علمنا ان المترو كان يسير بدون فرامل فبعد التوقف أسرعت الناس في فتح الأبواب يدويا بالقوة والنزول على القضبان مما حول شريط مترو الأنفاق الى طابور جمعية وفي نفس الوقت خرجت بعض الهتافات التلقائية اللتي تندد بإدارة المترو والسكك الحديدية ومنهم من هتف ضد النظام ككل ومنهم من أصر على سباب رئيس الجمهورية لانة السبب في الغلب اللي احنا فية على قول أحدهم فكانت شبة مظاهرة عفوية أمام قصر القبة ولكن داخل أسوار مترو الأنفاق فمن المسئول عن ذلك

Comments

الحمدالله ان مفيش ضحايا
استنى كمان على الموضوع ممكن يقولك السواق مختل عقلياً او نام ونسى الفرامل
وادارة المترو غير مسئولة

ايه الجديد يعنى من المسئولين

Posted by: 7ntklm | Tuesday, 26 June 2007

على رأي حسن عابدين
دا احنا هانضحك ضوحك

Posted by: ربيع | Tuesday, 26 June 2007

ايه يا اخى هو انت كل ما تروح حتة تتكعبل في خبر
حتي وانت راكب المترو .............حظوظ
عموماً حمدا لله علي سلامتك انت و الركاب

Posted by: مختوم على قفاه | Wednesday, 27 June 2007

;-)

Life is a bitch!

Posted by: el2basiri | Wednesday, 27 June 2007

مدرسة وسخة و ناظر وسخ

نو كومينت

مشمش

Posted by: Mishmish | Wednesday, 27 June 2007

حيطلع في الاخر التوربيني هو السبب !

Posted by: Emad | Wednesday, 27 June 2007

علي فكرة دي حاجة انا متوقعها المترو بقي زباله و مفيش صيانة و الفرامل بتطلع ريحة شياط و المترو بيمشي بين المحطات و الباب مفتوح و ناس بتتعلق في باب المترو هو ماشي و الموظفين اللي بيشتغلو جوه كلهم بلطجية مستنين واحد غلبان مش عارف التذكرة بتطحط فين عشان يمسكو فيه يدفعو غرامة 10 جنية و يضربوه كمان و امناء الشرطة نسيو وظيفتهم الحقيقة و اشتغلو علي الأتاوات من الشحاتين انا كنت و الله هكتب من اسبوعين كدة أنتظرو كارثة مترو الأنفاق , هي لسه الكارثة محصلتش بس هتحصل , علي فكرة العبارة كان متوقع جدا اللي حصل فيه عبارات تانية شغالة دلوقتي كهن موديلات السبعيات ماشية بالبركة .. حسبي الله و نعم و الوكيل

Posted by: أدهم | Wednesday, 27 June 2007

امبارح حصل حاجه غريبه قوي
رحت لعميل ابيعلو بولبصة تامين والمفروض انه راجل مرتبه كويس وشكله باشا بعني من الاخر حاجه كده كاني قاعد قدام وزير ال..........
راجل وقووووور وليه هيبه

بعد ما شرحتله كل حاجه
قاللي يابني
انا باخد 2500 في الشهر وكل حياتي اقساط
وفجأه زعق وقالي
يابني انا خرم طيزي بقى اوسع من نفق الازهر من كتر ما باخد فيها... دروس خصوصيه اكل شرب كهربا غاز لبس جزم دحنا ما صيفناش بألنا 6 سنسن
وانتى جاي تقولي تأمين
ارجوك ارحمني
والله جتلي حالة تنبله و لميت ورقي ومشيت
منك لله ياللي في بالي

Posted by: bodafone | Wednesday, 27 June 2007

ه اللى كنت مراهن عليه
وائل عباس يفضه من الرد على ولاد الإيه اللى شغلانتهم تنغيص حياة كل واحد بيعمل حاجه حلوه ويتخلص من سحابة الاحباط
ويشتغل فى الجد
ويطلع عين الحكومة الفاسدة وجوقة الحكم الحرامية
ويفضحهم
كل يوم عنده جديد
محدش يقدر يتهمه بتلميع روحه ولا بالبحث عن شهرة والذى منه
الشغل بيحميك
وبيرجع الثقة فيك تانى
ويسقط يسقط حمدى مبارك

Posted by: الأستاذ جمال بيه | Wednesday, 27 June 2007

تصدق انا لسه واضع سيناريو وحوار لعمليه خطف رهائن فى مترو الانفاق وتكون مقرها محطه مبارك بحكم انها محطه رئسيه فازهلت وقلت مين اللى سبقنى ده وكتب الحوار ومكنتش مصدق صاحبى معتز منفى فى الموضوع لكن جت سليمه وطلع مش خطف

Posted by: عمر الشرقاوى | Wednesday, 27 June 2007

[صراحة ياوا ئل مخبيش عليك
فعلا إحساس الانتماء قل اوى ونفسى أرجعه تانى زى وأنا صغير واحب البلد
بس الحزب الواطى كرهنا فى البلد يا جدع
اكيد هيقولو السواق صحيح مختل
ولا من المسيحيحن وبيطالب بحقوق
ولا من الاخوان
ولا من البطيخ
أخ يا بلد
بس تسلم أيدك

Posted by: ibnyosry | Wednesday, 27 June 2007

يا أستاذ وائل دي سياسة جديدة للتخلص من الشعب أو لنقل أنه تحديد للنسل وكله علشان ان احنا مضيقين عليهم المعيشة أقصد الهبر والنهب والسلب يا عمي وائل لازم تعكننها علينا .. طيب في عندك أنا مش ها أركب مترو ولا حد قطر ولا ميكروباس ولا بيجو ولا حتي طيارة انا خلاص ها أرجع أركب اللي بالي بالك

Posted by: القبطي المصري | Wednesday, 27 June 2007

يا سادة أنتم بتتكلموا في إيه , إنتم متخلفين وللا إيه؟
الكلام دا عادي أما النظام والنظافة والإنضباط هم اللي بقيوا مرادفات اختفت من حياتنا.
طبعا وائل عباس واضح انه بينتقد الحكومة والنظام , أو كى بس لازم وبالضرورة يا أستاذ وائل الموضوعية والحيادية والشفافية وهم اللي هيعملوا لك مصداقية.
ما تفهمنيش غلط , أنا بس بأراجع أساسيات ,
مصر مافيش شك فيها سلبيات بالهبلي وفيها مشاكل بالكوم وعشوائيات وفوضى تسد عين الشمس
مافيش جدال في كده , بس المطلوب عشان نبقى حضاريين وواعيين مش بهايم - عفوا - أن نكون إيجابيين في فكرنا وموضوعيين في طرحنا ونلتمس الأعذار , تفتكر الفرامل وللا السواق وللا الإهمال أنا شايف أن دور جهاز مترو الأنفاق - لو فيه ناس محترمة - أن يوضح الحقيقة من خلال وسائل الإعلام - فورا إن أمكن - للجمهور ويستتبع ذلك عقاب أي مسئول عن هذا الخطأ - إن وجد - وانا برغم أني لا أعتقد إن الكلام دا بيتعمل إلا أني أتمنى حدوثه , ومش معنى إن العبارة غرقت إن المسئول مش معروف طبعا لأ فهو محدد من قبل لجنة تقصي الحقائق لكن العدالة أعتقد بطيئة شوية أو شويتين... ولكم التحية مصري أصلي

Posted by: مصري أصلي | Wednesday, 27 June 2007

مترو من غير فرامل ولا مراوح يا خساره مواصله كنا فرحانين بيها يا ترى ارباح المترو بتروح فين

Posted by: مواطن | Wednesday, 27 June 2007

انا على فكرة ركبت مرة المترو القديم دة ( الخط الاول) وبصراحة ربنا هوة بقه عامل زى التروماى مفشوخ من جميع الجوانب وفية مراوح معفنة وبايظة دا غير الزحمة الموجودة فية يعنى ممكن واحدة تدخل سليمة تطلع منه حامل ههههههههههههه
والسؤال فعلا اكيد المترو دة بيكسب فلوسة ليه مبتقطعش منها جزء يروح على الصيانه والتجديد؟
واللى يغيظ ان الفساد موجود و(حسنى تبارك)مش قادر علية علشان العضمة كبرت او مش عاوز علشان هوة كمان شغال الله ينور
ساعات بيجيلى احساس انه بيعيش نفسة فى الوهم علشان نفسويتة متتعبش والمواجع تتقلب علية

Posted by: حودة | Thursday, 28 June 2007

Akeed enta fe masr. No brakes...no problem...no food no problem, no money no problem...no job no problem....3ady...this is Egypt ya gama3a....saba7 saba7 ya 3am El 7ag

Posted by: Mafia | Thursday, 28 June 2007

زوايا التصوير
حلوة
ممكن تفكر ممكن نعمل فيلم؟؟؟

Posted by: shereen ghieth | Saturday, 30 June 2007

مترو الأنفاق = مدونات الحائط من عينة "عبده الكينج ، وشلة النسانيس ، وبحبك يا نجلاء و ، وللذكرى الهباب "
مترو الأنفاق = كراسي مريحة (جهز نفسك للخوابير)
مترو الأنفاق = ريحة حلوة ( الجايز والفسا و أصوات الزرط)
مترو الأنفاق = سرعة الخدمة (ثلث ساعة على الرصيف عشان يتحرك من المرج للمرج الجديدة)
مترو الأنفاق = كثافة سكانية منخفضة ، نص شبر مربع لكل مواطن واللي مش عاجبة ميركبش المترو
مترو الأنفاق = الشرطة في قفا الشعب (أكبر مصدر رعب للمواطنين موظفين المترو)
مترو الأنفاق = الممارسة الجنسية المجانية (هتلاقي الخول اللي بيدعبس و الشرموط اللي بتحك)

المترو = الحرب الأهلية و التنازع على حدود الأبواب و المقاعد

وعظم الله أجركم في المترو على رأي الأخ أيمن الظواهري قدس الله سره

Posted by: أبو ريالة | Saturday, 30 June 2007

أنا بصراحة مش عارفة أعمل إيه لأولاد الكلب اللى ماسكين البلد و خاربينها من أكبر راس لأصغر راس .
ماما تقعد جنبى و تضرب كف على كف و تقوللى " مصر يا بنتى بقت عاملة زى التورتاية و كله عايز يهبر حتة و يجرى , كأننا رجعنا لحكم الولاة المماليك بس الفرق إن الحكام الحرامية المرة دى مش أتراك , دول مصريين و لا مصريين ولاد كلب " و عندها حق فى اللى بتقوله . فلوس المترو بتروح فين ؟؟؟؟؟؟؟؟؟؟؟؟؟؟؟؟؟؟
دى التذكرة بقت بجنيه يا جدعان و أحسب 1جنيه × 3000000مصرى بيركب المترو تقريباً كل يوم = 3 مليون جنيه يومياً دة بالميت .
حسبى الله و نعم الوكيل بجد
دة اللى عرفته كمان إن مصر بتجيلها معونات بالهبل و مبالغ لو كانت فى إيد ناس شرفاء كانوا بإذن الله حلوا بيها أزمات كتير .
دة غير الفلوس اللى بتتسرب برة مصر عن طريق الوكسة " يعنى البورصة" و الأجانب اللى بيمصوا دم الإقتصاد المصرى لصالح تفليس البلد و غيرة
بصراحة أنا متشائمة أوى . مش عارفة لما أتجوز و أخلف عيالى هيعيشوا فى البلد دى إزاى .
يا ريت يا وائل تدعبس لنا كدة فى موضوع البورصة دة , عشان أنا شميت ريحة لعب و فساد هناك و عايزين نعرف إذا كان صح و لا لأ
و جزاكم الله خيراً

Posted by: المفأوعة ruru2007 | Tuesday, 03 July 2007

أكيد السبب سوريه و إيران

Posted by: Pater - Pan | Tuesday, 03 July 2007

ياللمسخرة
لسه من فترة مش طويلة كنت بتناقش مع واحد جوا المترو انه وسيله المواصلات الوحيدة تقريباً اللي ماحصلش فيها مصايب وقعدت افكر في كل سيناريوهات الكوارث اللي ممكن تحصل :D
فهي صعبة بعض الشيئ، اولاً يمشي بين محطات مسافات قصيرة، فمش هايسرح كتير لوحده من غير ما حد يلاحظ.. كما انه ماشي في وسط ازحم اماكن القاهرة يعني هايتلاحظ لو حصل حريق زي في قطارات الصعيد (ماعدا لو كان تحت النفق بالطبع) و اخيراً فهو يعمل بالكهربا. يعني لو اتقلب، اتخبط، اتبطط حتى، مافيش فرصة ان وقود ينفجر :D

Posted by: amr | Tuesday, 03 July 2007

المتابع احوال المترو والاعتصمات الحصل فية ممكن يوصل لحل السائقين كانوا عاملين اضراب عشان بيقولوا ان رئيس جهاز مترو الانقاق (المعرص )طبعا مخلى عمال الصيانة ووالمبعرفشوش يوقوا وبيتعلموا فى الناس قال اية عشان يخدو بدلات عشان هو المعينهم طب دة كلام يا بلد يا وسخة لو كان المسئولين قرءو وعرفوا اية سبب الاضراب كان زمانهم حلوا المشكلة لكن مين لا حياة لمن تنادى بكرة يطلع علينا مسئول من المعارصيين ويقولك اصل السواق كان نايم ولا جاتلة حالة هسترية ونقلناة مستشفى المجانين او كان مستعجل وعايز يروح فحب يختصر المحطاط وكل محطة وانتوا طيبين
اةةةةةةةةة يا بلد محتج بس شوية دكرة تعلم السادة غير المسئولين الادب

Posted by: احمدابوصالح | Thursday, 12 July 2007

مية مية يا وائل بالمناسبة عيزينك تلف مصر شبر شبر فى كل خطوة هتلاقى كتير اوى اوى وسلملى على الفرعنة الى احنا عرناهم بين الشعوب كلها دول يا راجل عملولنا لعنة الفراعنة مخصوص من الى عملناة فيهم

Posted by: AMR | Tuesday, 17 July 2007

مية مية يا وائل احنا عوزينك تلف مصر شبر شبر هتلاقى كتير اوى متخفش وبالمناسبة الفراعنة اتبرو مننا ومن افعلنا علشان كدة عملولنا لعنة الفراعنة مخصوص من الى احنا عملناة فيهم وفى تاريخهم بين الشعوب

Posted by: AMR | Tuesday, 17 July 2007

وائل أولا أشكرك بجد أشكرك بس فيه كلمه نفسي أقولها و تقراها للآخر
أنت زي ما بترصد العيب و الغلط و التجاوزات , و ده لانك زهقان زي ناس كتير
لازم ترصد المميزات لازم, ممكن تقلي لا انا سايب المميزات و الجوانب الايجابيه للإعلام بتاع الحكومه و انا مش هكون معاك في الموضوع ده
لان زي ما عينك بترصد الوحش لان عين الناس التانيه بتطنش عليه مع انهم ولاد نفس البلد برضه انت لازم عينك ترصد الايجابيات و ده لان عينك هتبقي مختلفه عن عين الناس التانيه كلها برضه في نوع و تركيب الايجابيات دي و أكيد قصدك بيها هيكون بناء وأيجابي لمصلحة البلد.
حاجه تانيه لازم صدرك يكون واسع ليها و لو الامكانيات تسعادك كمان يبقي كتر الف خيرك انك برضه زي ما بتركز علي قمة الهرم و تنشن صواريخك لازم تستهدف قاعدة الهرم يعني انت دايما موجه أخبارك و انتقاداتك للرؤوس الكبيره
الريس, الوزراء , حتي الظباط اللي عم علي قمة هرم اي مركز شرطه او قسم بوليس
لا أنا ليا رغبه أكيده انك تركز شويه علي قاع الهرم و المجتمع البايظ اللي هو أساسا و الله أساس الفساد يا وائل و الله احنا قبل ما الكبار يكونوا بيعملوا فينا حاجه وحشه و الله احنا بنعمل في نفسنا صدقني يا وائل انت ضمير لكن بتتحرك في الحته اللي ممكن لو أثرت فيها ببساطه ييجي غيرها و يكون سيء او اسوء , يعني لو ركزت علي سواق التاكسي اللي بيسوء سمعتنا و ياخد 10 جنيه في مشوار ب 2 جنيه لان اللي راكب لابس نظيف او حتي مش من مصر , لوركزت مره علي السباك اللي مش عايز يشتغل الا لو أخد أكتر من حقه و بالنسبا له القعده علي القهوه أفضل , لو ركزت علي الموظف اللي بياخد رشوه لتعلية دور او دورين و ده ممنوع أصلا , لوركزت علي الفكهاني و الجزار و الكمسري و النقاش و الطالب و البقال اللي بيقول معندوش حلاوه و هو عنده جوه , لو ركزت علي العسكري اللي بيوقف اللي معاه سياره علشان يهف منه رشوه , لو ركزت علي المدرس اللي بيدي دروس خصوصيه و مبيديش العيال حقها في المدرسه ’ لو ركزت علي إبن الدكتور الاهبل اللي مش بيعرف يتكلم كلمتين و إزاي بقي معيد في كلية الطب ,لو لو لو لو لو
انت دماغك اكيد أكبر من دماغي لكن هي دي الفآت اللي انا شايف انك لازم توجه لها صواريخ برضه علشان يخافوا منك و يخافوا من الكاميرا بتاعتك و يتلموا
و ممكن ده عن طريق باب صغير في مدونتك و ممكن تكفل بيه اي حد لو ينفع و انت تخطط له و تحرره و صدقني الجزار اللي هيتفضح علي النت مش ممكن يعملها تاني و هترحم الناس و المرتشي هيكشف في شغله و هيخاف يعملها تاني و ..........
المعيد الفاشل الاهبل علي الاقل مش هيترقي تاني يا وائل و مش هيبقي عميد في يوم من الايا م و أكيد مش هيبقي وزير .

ده غير ان البقال لما أسئله عن حلاوه أكيد هيجبهالي حتي لو معندوش جوه.

Posted by: طارق | Tuesday, 24 July 2007

بصراحة أنا مش فاهمة ايه التهريج ده
مش بتاع وائل ولكن بتوع الناس اللى داخلة تسيب ردود
هو حد مجهزكم برة عشان تدخلوا تشتموا وخلاص وماحدش فاهم حاجة
وللأسف كل الالفاظ المستخدمة بتدل على أسلوب أخلاقى متدنى جدا
هو خلاص المعارضة بقت شطارة
ماحدش عايز يصلح حاجة وماحدش عايز يقتنع انه جزء من منظومة لو هو ماصلحش نفسه وبالذات اسلوبه والفاظه مايطلبش من الحكومة انه تصلح البلد
ناسيين ان الظباط دولا فى الأول والآخر ولادكم واخواتكم وولاد عمكم وولاد خالتكم وان كان النظام خلاهم كدة فالعيب برده على الاهل اللى ماربيتش كويس على المبادئ والاخلاق

قاعدين فرحانين بسب وقذف الرئيس عشان حاجة حادثة فى مترو الانفاق طيب ماتعاتبوا نفسكم الأول بقى على المهزلة اللى الشعب بيعملها لما بيكتب على الجدران وبيقطع فى الكراسى ويحط ملصقات صلى قبل أن يصلى عليك وهو فاكر انه بيعمل صدقة جارية ولا بياخد حسنات
حسنات ايه اللى هاياخدها وهو السبب فى ان جدران المترو بقت سيئة
على العموم انا لما ركبت المترو ماحستش بكل المهازل اللى انتم بتتكلموا عنها وفرحانين بشتيمة الحكومة عليها
اه فيه فى المترو سلبيات ولكن لن ننكر انها مواصلة حلت أزمة كبيرة فىالبلد وسهلت حاجات طرق كثيرة
وأتمنى انكم زى مابتذكروا السلبيات وتقعدوا تشتموا فى الريس والحكومة تعرفوا ان مصر كانت أول بلد عربى تدخل مترو الانفاق بسبب الرئيس والحكومة
وعلى فكرة لو الحكومة والرئيس ماكنوش دخلوه ماكنش حد هايعترض وكان زمانا ارفانين من حياتنا اكتر
وان كان الريس فعلا فاسد ومستبد بكل الدرجة اللى انتم بتقولها ديه كان زمانا بقينا زى ليبيا ولا العديد من الدول العربية اللى ماحدش يقدر يتنفس فيها
واواعى تفتكروا ان ساعتها االشعب المصرى هايتكلم ولا هايعمل حاجة لانه فى الاول والاخر هايهمه حياته وقوت عياله ويقول خلينى فى حالى زى ماكان بيحصل زمان ولولا ثورة يوليو اللى عملها الضباط الاحرار واللى الرئيس كان واحد منهم كان زمانا حاجة تانية خالص
انا مش بدافع عن الرئيس ولا بدافع عن الحكومة وفيه سلبيات كتيرة جدا فى البلد بس نصفها المواطن ونصفها الحكومة
ولكن أنا صعبان عليا اأننا نكون مجرد ناس منحرفة فى تفكيرنا وسلوكنا والفاظنا

نرجع بقى لوائل ........ اموضوع الفرامل ده وراء شئ لانى بقالى 3 ايام بركب من محطاات سراى القبة وبلاقى ضباط شرطة كتير فى المحطات الثلاثة الحلمية وسراى القبة وكوبرى القبة مكن يوقفوا اى حد ويفتشوه حتى حقائب البنات
انت مش صحفى أطقس على الاخبار بقى وفى انتظارك
تحياتى لك

Posted by: مى | Friday, 03 August 2007

بداية يا جماعه انتو كل شوية بتظلمو الحكومه الحكايه ومافيها ان المترو زعل كل مواصلة فى مصر عملت كارثه من عبارت لقطاطرات المحافظفات للاتوبيسات العربيات طبعا مادية الواجب وزيادة طائرات يعنى راعو احسااسه بقى شوية جت عليه هو يعنى ولا علشان شكله حلو شويه
حسبى الله ونعمه الوكيل لو لم اكن مصريا لرتحت نفسيا

Posted by: ra7eel | Saturday, 04 August 2007

The comments are closed.