Thursday, 22 March 2007
تحريض - طالما كده كده إسمي مكتوب جاهز عندهم
تحريض - طالما كده كده إسمي مكتوب جاهز عندهم
مش عايزين تعديل دستور .. عايزينك ترحل وتغور
يوم الاثنين فيه استفتاء على تعديل 34 مادة في الدستور المصري دستور بلدنا اللي بيقول البلد تمشي إزاي وبيحدد حق وواجب كل واحد فينا, التعديلات دي الحزب الوطني عملها بمعرفته .. تعديلات تفصيل على مقاس جمال بيه , عشان محدش يتكلم أو يعترض أو يطالب بحقه أو يرفع راسه , مش كدة وبس كلنا هنكون مهددين في الشارع وفي شغلنا وبيوتنا وأكل عيشنا .
تعديل المادة 179 بيدي الحق لأي أمين شرطة إنه يدخل بيتك ويفتشك ويراقبك ويراقب تيلفونك ويسجلك صوت وصورة ويحبسك وكل ده بمزاجه من غير إذن نيابة ولا دياولو وبعدين يوديك محكمة عسكرية لأنك إرهابي ؛ يعني مفيش حصانة لمحامي ولا صحفي ولا قاضي ؛ يعني مفيش عدل ولا صحافة ولا قانون , وكله بالدستور يا بيه !
أما بقى تعديل المادة 88 فده بيلغي الإشراف القضائي على الانتخابات ويسيبها للداخلية وبتوع " نعم نعم يا مبارك " يطلعوا النتيجة اللي هما عايزينها . التعديلات كمان هتمنع أي مستقل يترشح للرئاسة يعني انكتب علينا وعلى ولادنا رئيس من الحزب إياه لحد ما نموت , ورئيس الجمهورية بقى من حقه يحل مجلس الشعب من غيرحتى ما يستفتي الناس ؛ يعني احنا ننتخب مجلس شعب هو ييجي يحله من دماغة ويطلعلنا لسانه .
يعني من الآخر البلد هتبقى عزبة مبارك وولده , واحنا عبيد وأنفار عندهم مالناش حقوق وكتّر خير ناظر العزبة إنه سايبنا قاعدين .
احنا بقالنا كتير بنتكلم عن الحرية والديمقراطية وحقوق الإنسان والشفافية وتداول السلطة والنهب والفساد والقطارات والعبارات والسرطان والعنوسة والبطالة والفقر والجهل والمرض و عندنا استعداد نفضل نتكلم ونحاول تاني وتالت , بس التعديلات دي هتحرمنا حتى من أبسط حقوقنا كبني آدميين وهو حق الكلام والتعبير, الموضوع مش المعارضة والناس بتوع السياسة بس , الموضوع هيضرنا كلنا , أي حد هيفتح بقه دلوقتي ممكن يبقى إرهابي مفيش حرمة ليه ولا لبيته وعرضه وحريته وكرامته , من حقنا نكون زي كل شعوب الدنيا اللي واخدة حقها والحكام بيشتغلوا موظفين عندها , من حق ولادنا يعيشوا في مصر أحسن من اللي احنا عشنا فيها , كل واحد فينا هيجيله يوم يسأل نفسه أو ولاده هيسألوه كان فين يوم ما البلد اتباعت وبقت تكية لمبارك والعصابة اللي معاه ؟!
دي آخر فرصة نتكلم واحنا لسة بني آدمين نرفض الاستعباد والذل اللي عايزينا نعيش فيه , يمكن تكون دي آخر مرة نقدر ننزل الشارع فيها نعبر عن رأينا ما هو بعد كدة اللي هيتكلم هيبقى إرهابي .
يوم الأحد 253 الساعة 6 هنكون كلنا في ميدان التحرير , كل الأحزاب والتيارات والاتجاهات , رجالة وستات , ولاد وبنات , هنبات ليلة في الشارع نقول كلمتنا ونوصل صوتنا ونبقى عملنا جزء من اللي علينا قدام نفسنا وولادنا وقدام ربنا , مهما يعملوا هننزل الشارع ومش هنخاف ومش حنسيب بلدنا عشان احنا أصحابها .
شباب بيحلم ببكره
مش أحزاب ولا حركات
ناس مصر وبس
-
فين أيامك يا سادات
ياللي حرقت التسجيلات
لغوا دستورك العصابات
والسجن الحربي اللي إنت هدمته
ها يفتح تاني ويقول هات
-
الإسكندرية
تنظم الحركة المصرية من أجل التغيير "كفاية" مع القوى الوطنية بالاسكندرية إعتصاما مفتوح بميدان المنشية يوم الإثنين الموافق 26-3-2006 من الساعة التاسعة صباحا إعتراضا على التعديلات الدستورية
-
واشنطون
يعتزم المصريون في الولايات المتحدة الامريكية التظاهر ضد التعديلات الدستورية صباح يوم الاثنين أمام سفارة مصر في واشنطن
Monday
Another Referendum
More Authoritarianism
RALLY against more Constitutional Constraints on Liberties in Egypt
Join us in Washington, DC in front of the Egyptian Embassy
26 March 07
11am - 1pm
3521 International Court, NW
nora.younis@gmail.com
1.315.412.4928
-
نيو يورك
New York
Monday March 26 at Egyptian Consulate
12:30 - 1:30 pm,
1110 Second Avenue, NYC 10022
shehabfakhry@yahoo.com
917-392-9408
-
لـنـدن
Egyptians in London will demonstrate in front of the Egyptian Embassy, Monday 26 March, from 12pm to 3pm, to protest Mubarak’s authoritarian constitutional amendments
The Embassy is located: 26 South Street, London W1K 1DW
-
فيديو لأحداث قلعة الكبش
أحداث حريق قلعة الكبش وكيف تتعامل الدولة مع الغلابة - قمع وأمن مركزي وقنابل مسيلة للدموع - تطهير قلعة الكبش ذات الموقع السياحي والاستراتيجي المطل على القاهرة من الغلابة بحريق لصالح من؟ بكره نقعد جنب الحيطه ونسمع الزيطه!
إضغط هنا
مش عايزين تعديل دستور .. عايزينك ترحل وتغور
يوم الاثنين فيه استفتاء على تعديل 34 مادة في الدستور المصري دستور بلدنا اللي بيقول البلد تمشي إزاي وبيحدد حق وواجب كل واحد فينا, التعديلات دي الحزب الوطني عملها بمعرفته .. تعديلات تفصيل على مقاس جمال بيه , عشان محدش يتكلم أو يعترض أو يطالب بحقه أو يرفع راسه , مش كدة وبس كلنا هنكون مهددين في الشارع وفي شغلنا وبيوتنا وأكل عيشنا .
تعديل المادة 179 بيدي الحق لأي أمين شرطة إنه يدخل بيتك ويفتشك ويراقبك ويراقب تيلفونك ويسجلك صوت وصورة ويحبسك وكل ده بمزاجه من غير إذن نيابة ولا دياولو وبعدين يوديك محكمة عسكرية لأنك إرهابي ؛ يعني مفيش حصانة لمحامي ولا صحفي ولا قاضي ؛ يعني مفيش عدل ولا صحافة ولا قانون , وكله بالدستور يا بيه !
أما بقى تعديل المادة 88 فده بيلغي الإشراف القضائي على الانتخابات ويسيبها للداخلية وبتوع " نعم نعم يا مبارك " يطلعوا النتيجة اللي هما عايزينها . التعديلات كمان هتمنع أي مستقل يترشح للرئاسة يعني انكتب علينا وعلى ولادنا رئيس من الحزب إياه لحد ما نموت , ورئيس الجمهورية بقى من حقه يحل مجلس الشعب من غيرحتى ما يستفتي الناس ؛ يعني احنا ننتخب مجلس شعب هو ييجي يحله من دماغة ويطلعلنا لسانه .
يعني من الآخر البلد هتبقى عزبة مبارك وولده , واحنا عبيد وأنفار عندهم مالناش حقوق وكتّر خير ناظر العزبة إنه سايبنا قاعدين .
احنا بقالنا كتير بنتكلم عن الحرية والديمقراطية وحقوق الإنسان والشفافية وتداول السلطة والنهب والفساد والقطارات والعبارات والسرطان والعنوسة والبطالة والفقر والجهل والمرض و عندنا استعداد نفضل نتكلم ونحاول تاني وتالت , بس التعديلات دي هتحرمنا حتى من أبسط حقوقنا كبني آدميين وهو حق الكلام والتعبير, الموضوع مش المعارضة والناس بتوع السياسة بس , الموضوع هيضرنا كلنا , أي حد هيفتح بقه دلوقتي ممكن يبقى إرهابي مفيش حرمة ليه ولا لبيته وعرضه وحريته وكرامته , من حقنا نكون زي كل شعوب الدنيا اللي واخدة حقها والحكام بيشتغلوا موظفين عندها , من حق ولادنا يعيشوا في مصر أحسن من اللي احنا عشنا فيها , كل واحد فينا هيجيله يوم يسأل نفسه أو ولاده هيسألوه كان فين يوم ما البلد اتباعت وبقت تكية لمبارك والعصابة اللي معاه ؟!
دي آخر فرصة نتكلم واحنا لسة بني آدمين نرفض الاستعباد والذل اللي عايزينا نعيش فيه , يمكن تكون دي آخر مرة نقدر ننزل الشارع فيها نعبر عن رأينا ما هو بعد كدة اللي هيتكلم هيبقى إرهابي .
يوم الأحد 253 الساعة 6 هنكون كلنا في ميدان التحرير , كل الأحزاب والتيارات والاتجاهات , رجالة وستات , ولاد وبنات , هنبات ليلة في الشارع نقول كلمتنا ونوصل صوتنا ونبقى عملنا جزء من اللي علينا قدام نفسنا وولادنا وقدام ربنا , مهما يعملوا هننزل الشارع ومش هنخاف ومش حنسيب بلدنا عشان احنا أصحابها .
شباب بيحلم ببكره
مش أحزاب ولا حركات
ناس مصر وبس
-
فين أيامك يا سادات
ياللي حرقت التسجيلات
لغوا دستورك العصابات
والسجن الحربي اللي إنت هدمته
ها يفتح تاني ويقول هات
-
الإسكندرية
تنظم الحركة المصرية من أجل التغيير "كفاية" مع القوى الوطنية بالاسكندرية إعتصاما مفتوح بميدان المنشية يوم الإثنين الموافق 26-3-2006 من الساعة التاسعة صباحا إعتراضا على التعديلات الدستورية
-
واشنطون
يعتزم المصريون في الولايات المتحدة الامريكية التظاهر ضد التعديلات الدستورية صباح يوم الاثنين أمام سفارة مصر في واشنطن
Monday
Another Referendum
More Authoritarianism
RALLY against more Constitutional Constraints on Liberties in Egypt
Join us in Washington, DC in front of the Egyptian Embassy
26 March 07
11am - 1pm
3521 International Court, NW
nora.younis@gmail.com
1.315.412.4928
-
نيو يورك
New York
Monday March 26 at Egyptian Consulate
12:30 - 1:30 pm,
1110 Second Avenue, NYC 10022
shehabfakhry@yahoo.com
917-392-9408
-
لـنـدن
Egyptians in London will demonstrate in front of the Egyptian Embassy, Monday 26 March, from 12pm to 3pm, to protest Mubarak’s authoritarian constitutional amendments
The Embassy is located: 26 South Street, London W1K 1DW
-
فيديو لأحداث قلعة الكبش
أحداث حريق قلعة الكبش وكيف تتعامل الدولة مع الغلابة - قمع وأمن مركزي وقنابل مسيلة للدموع - تطهير قلعة الكبش ذات الموقع السياحي والاستراتيجي المطل على القاهرة من الغلابة بحريق لصالح من؟ بكره نقعد جنب الحيطه ونسمع الزيطه!
إضغط هنا
09:50 Posted in صفحات الغلاف | Permalink | Comments (49)