الوعي المصري

وثائقي المدونون الآن يمكنكم مشاهدته على الإنترنت

الجزء الأول	الجزء الثاني

نعتذر عن ضعف جودة الفيديو
وجاري البحث عن مكان لتحميل نسخة عالية الجودة ليستطيع القراء تنزيلها
ولكن مؤقتا يمكنكم تنزيل نسخة كاملة منخفضة الجودة بصيغة ريل فيديو وذلك من موقع ولاد البلد

حجم الملف 35 ميجا تقريبا - إضغط هنا
ستحتاجون إلى برنامج ريل بلاير كي تتمكنوا من مشاهدة الملف

اليوم حول العالم مظاهرات لنصرة قضاة مصر

إعلان مظاهرة شيكاجو - إضغط هنا للتكبير

إعلان مظاهرة لندن
-
المدن المشاركة حتى الآن
باريس - لاهاي - بيروت - أثينا - لندن - شيكاجو - نيويورك - واشنطن - سان فرانسيسكو - مونتريال - تورونتو - سيول
-
فعاليات اليوم في القاهرة
11:30 صباحا
وقفة لأعضاء هيئة التدريس أمام قبة جامعة القاهرة للمطالبة الإفراج عن الأساتذة والطلاب المعتقلين
1.30 ظهرا
وقفة أمام نادي القضاة تضامنا مع قضاة مصر الشرفاء
2 عصرا
وقفة لأعضاء هيئة التدريس والطلاب بالجامعة الأمريكية في مبنى المكتبة
3 عصرا
وقفة أمام نقابة الصحفيين حيث اقترفت الداخلية جرائمها يوم 25 مايو الماضي
-
بيان المختلين عقليا بسجن طرة

إضغط هنا للتكبير
وآخر قصيدة لعلي الفيل

إضغط هنا للتكبير
-
ماذا فعل المختلون أمام النيابة
وماذا قالت الصحافة الصفراء القومية

هذه الصورة لهذا الصحفي لا يعترض عليها أحد ياللعجب
أن يتم تصوير صحفي بهذه الطريقة كالمجرم لا ترى فيها الصحف القومية غضاضة
ولكن كل ما ضايقهم أن يظهر الصحفي هكذا





















-
هو فيه تهمة إسمها تصوير بدون تصريح
حيث إن أنا حمار قانون
رجاء حد قانوني يرد عليا
فيه تهمة في البلد إسمها تصوير بدون تصريح ؟؟؟
حمادة عبد اللطيف مصور جريدة الكرامة مقبوض عليه منذ 21 مايو بهذه التهمة !!!
قبض عليه في دكرنس مع مجموعة من المراسلين الأجانب
أطلقوا هم وبقى هو
ودكرنس دي فيها إيه
فلاحين وأرض زراعية
مافيهاش مطار سري ولا قاعدة صواريخ
الأجانب كانوا:
جين كلود آنوس
أوليفيه بونيل
جريجوار دوروس
توماس جاديسو
لكن يظهر هم لسه قابضين عليه علشان إسمه عبد اللطيف مش عبداللطيفوه
-
أجدد إفتكاسة في نقابة الصحفيين
والواحد لما بيقل أدبه الناس بتزعل
نقابة الصحفيين يا جماعة بقت يا حلوللي بتفتش الناس اللي داخلين
وده إجراء اول مرة أشوفه الصراحة
ومش عارف مين صاحب أم الإفتكاسة الحلوة دي
هو الصحفيين بقوا بيشيلوا سلاح وقنابل اليومين دول ولا إيه؟
أنا إمبارح فتشوا شنطتي
بس ما شافوش الطبنجة لأني متعود أحطها في الحزام ولا الحتة العوزي علشان كنت معلقها على ضهري تحت الهدوم أما المطوة القرن غزال فكالعادة كنت حاططها في الشراب بقى زي مانتم راسيين ده غير الموس اللي ما بيفارقش تحت لساني
وإمبارح كان فيه ندوة المفروض ها يتكلم فيها فلاحين من سراندو
وطبعا السادة اللواءات بتوع أمن النقابة المتخرجين من أكاديمية المقاولين العرب للشرطة ما عجبهمش منظر فلاحين سراندو لرقة حالهم
فعاملوهم أسوأ معاملة وإستجوبوهم جايين ليه وتعملوا إيه بمنتهى قلة الذوق والجليطة وده طبعا إلى جانب تفتيش شنطهم
لكن ها نستغرب ليه
إذا كانوا بيعملوا كده مع الصحفيين نفسهم
انا ما نسيتش يوم الاستفتاء لما منعوا الناس تخش مما أدى إلى إغتصاب الصحفيات على سلم النقابة
ومن كام يوم لما منعوا الإعتصام وسابوا الناس على السلم منهم للأمن لولا تدخل محمد عبد القدوس
مش عارف دي نقابة صحفيين دي ولا ليها إسم تاني بلاش نقوله
-
ركن الكاريكاتير