Ok

By continuing your visit to this site, you accept the use of cookies. These ensure the smooth running of our services. Learn more.

Friday, 17 March 2006

إعتصام في حب مصر

 مجموعة 30 فبراير وإعتصام في حب مصر

التغطية الكاملة إضغط هنا
Click here for full coverage
Lisez et voyez des détails ici
Klicken Sie hier
Los detalles están aquí
I dettagli della notte


إضغط هنا لتشاهد فيديو لليوم
-
في ذكرى أربعين ضحايا العبارة
أسر ضحايا العبارة يوجهون أصابع الإتهام



















تفاصيل اليوم في الفيديو

إضغط هنا لمشاهدة فيديو













وظهر أحمد فؤاد نجم أيضا
-
إنهيار أسعار أسهم البورصة المصرية

الضحايا يتحدثون

إضغط هنا لمشاهدة فيديو

تجمهروا من الصباح أمام البورصة وتظاهروا وهتفوا ضد وزير الإستثمار ورئيس البورصة وحالات إغماء بسبب الخسائر الفادحة وسيارات الإسعاف تنقل المغمى عليهم

راجعوا عدد الوعي المصري الثالث من مارس
وكيف تنبأ الوعي المصري بالكارثة قبل حدوثها



داخل نادي المستثمرين راقبوا بحسرة ضياع أموالهم





للتفاصيل شاهدوا الفيديو
-
وطلاب الإخوان يساندون القضاة أيضا أمام جامعة القاهرة







-
محافظ القليوبية قاهر الخنازير

معلش هو الموضوع غريب شوية
وممكن ما يلاقيش قبول من ناس كتير
بس انا شايف ان له دلالات مش ظريفة
الموضوع هو ان محافظ القليوبية المستشار عدلي حسين قرر التخلص من مزارع تربية الخنازير في القليوبية تماما بدون اي تعويضات
والحجة هي ان الخنزير يعول فيروس انفلونزا الطيور
وما سيتم التخلص منه هو اربعون الف خنزير يتركز معظمها في عزبة الزرايب بالخصوص
ثم اضاف الوزير انه لن يسمح باعادة تربية الخنازير على ارض محافظة أبوه تاني
واضاف لا فض فوه بانه لن تصرف تعويضات لمربي الخنازير اسوة بمربي الفراخ
والسؤال هنا
قيل انه سيصرف لمربي الدجاج تعويضات
اي نعم ما فيش كلام من ده بس اهو اتقال وخلاص
لكن اشمعنى بتوع الخنازير اللي بيسترزقوا منها مالهمش تعويضات ؟؟؟
علشان الخنازير بياكلها المسيحيين مثلا ؟؟؟
والمسيحيين زي ما احنا عارفين كفرة مالهمش حقوق ولا حرية ياكلوا اللي هم عاوزينه ؟؟؟
وولاد الكلب ما ياكلوش فراخ مجمدة من اللي ها تستوردهالهم الحكومة ليه ؟؟؟
أهو يستنضفوا بدل الرمرمة !!!
ولا علشان الخنازير حرام ؟؟؟ ومش طالبة قرف بقى ولا نجاسة على ارض القليوبية الطاهرة ؟؟؟
ولا علشان الخنازير بتجيب الامراض ؟؟؟
ولا أحمد عز قرر يستورد الاسموكد بورك من امريكا والجيكوختن شينكن من المانيا ويحتكر المورتاديلا وافخر انواع لحوم الخنزير ليستمتع بها المسيحيون من الطبقات الراقية والسياح في فنادقهم بس بدل ماهي مرطرطة كده وبياكلها المسيحي اللي يسوى والمسيحي اللي ما يسواش ؟؟؟ جاتهم البلا ملو البلد هما والمسلمين اللي ما يسووش برضه !!!
ولا علاء مبارك كان عاوز يشارك مرقص الجزار المشهور بتاع شبرا خصوصا ان الراجل ربنا فتح عليه وبقى عنده فروع في مصر الجديدة والزمالك ما شاء الله ومبارك اتصل بيه وقال له اعتبر علاء من ولادك ... لكن مرقص رفض فقرر يخرب بيته ؟؟؟
طب حيث كده وبمناسبة الصحوة الدينية والصحية والاجتماعية الجامدة دي
اطالب انا كمان بوقف تصنيع بيرة ستيلا وسقارة وخوفو وخفرع ومنقرع كمان
ووقف تصنيع بيريل علشان فيها تشبه بشاربي البيرة والعياذ بالله وهذا فيه شبهة
وعدم تعويض اصحاب المصانع
وان لا يسمح محافظ الجيزة باقامة هذه المصانع النجسة على ارض محافظة ابوه هو كمان

-
أخبار ذات دلالة
تعذيب مواطن حتى الموت في قسم امبابة بعد ان رفض اظهار بطاقته في كمين شرطة لميكروباص
اسم المواطن سليم الصغير 26 سنة وتم احتجازه لمدة يومين وتم تعذيبه بالضرب بالشوم والكرابيج والصعق بالكهرباء لاجباره على الاعتراف بسرقة شقة في البراجيل علشان الزباط الامامير يقفلوا المحاضر ويخلصوا
فبيصطادوا اي حد من الشارع يقفلوا بيه القضية !!!
***
اما في محافظة الاسماعيلية في قسم الفنار فقد قام الضباط باشعال النار في احد المحتجزين حتى توفي واسمه خالد حسن ابراهيم 19 سنة وتم القبض عليه اثناء سيره في الشارع وتعليقه في القسم وضربه بالكرابيج وعند نقله الى المستشفى الجامعي هدده الضباط باعتقال ابيه اذا قال انهم عذبوه وقالوا له ان يقول انه قفز في مقلب قمامة مشتعل ليهرب من الشرطة وتوفي المواطن المسكين في المستشفى والتهمة سرقة سلك كهربا ان كان سرقه فعلا !!!
***
اما آخر نكتة فهي ان شركات التامين وشركة العبارة ستدفع نصف التعويض عن كل ضحية انثى وذلك لان للذكر مثل حظ الانثيين في المواريث في الشريعة الاسلامية !!! مش عارف هما ركبوها ازاي على قوانين المواريث وايه علاقة المواريث بالتعويضات بس والله العظيم دي مش نكته واسالوا ياسر فتحي محامي بعض اسر الضحايا !!!
***
تعليمات على جميع المصالح الحكومية باستقطاع راتب يوم من مرتب الشهر ليدفع كتعويضات لضحايا العبارة وتبرم عام بين موظفي الحكومة من هذا القرار وضحايا العبارة يقولون لم نتلقى شيء
***
اخر خبر هو ان المخابرات الهندية قلقانة من ان شركة اوراسكوم ها تشتري 10% من شركة هتشيسون إيسير الهندية للاتصالات وتدعي بان الصفقة تمثل خطرا على الامن القومي الهندي خصوصا وان اوراسكوم تتواجد بشكل واسع في بنجلاديش وباكستان مما يمثل خطرا على الهند ... كما اظهرت الصين تخوفات من هذه الصفقة ايضا والغريب ان اسرائيل ايضا اظهرت مخاوف ايضا من الصفقة والسبب هو ان شركة هتشيسون الدولية في هونج كونج سبق لاوراسكوم شراء 20% منها تمتلك 52% من شركة بيزق الاسرائيلية للاتصالات ويطالب الشين بيت بالغاء الصفقة ويعلق بعض الخبثاء لماذا يستثمر كل هذا الراس مال المصري في الخارج بينما بابا حسني بيدعو لزيادة وتشجيع الاستثمار في مصر !!!
-
جديد حجب المواقع
حجب موقع مصريون بلا حدود
http://www.imbh.net
حجب منتديات حرية
http://horrya.invisionzone.com
-
تي داتا تجمع معلومات للأمن عن زوار المواقع المحجوبة

الناس كلها بتعمل الموبايل سايلنت علشان الازعاج
لكن انا من كتر الازعاج عملت الكمبيوتر هو كمان سايلنت
ازاي يبقى الكمبيوتر سايلنت ؟؟؟
المفروض ان انا عندي فاير وول او حائط نار لحماية الجهاز من الاختراق وتنبيهي للمصدر
لكن من كتر محاولات الاختراق والهجوم زهقت من الازعاج
فقلت للفاير وول بتاعي بص يابن الناس انت تعملي حماية كده سايلنت من غير ما توجع دماغي
علشان كده بقيت مش مهتم بمين بيحاول يخترق الجهاز او مين بيحاول يجمع معلومات عني
لكن ايه الجديد ؟؟؟
بعد ما اكتشفت ان الحكومة ابتدت تمنع بعض المواقع السياسية بعت للناس اقول لهم
وبالنسبة لي العملية هي ان الشركة منعت الموقع وخلاص يا دار ما دخلك شر
لكن الاخ عمرو الشرقاوي من حزب الوفد بالزقازيق ارسل الى شيء غريب
بعد ان وصله ايميلي حول منع المواقع الالكترونية اغراه حب الاستطلاع بزيارة تلك المواقع ليرى هل هي محجوبة ام لا
وحيث ان هو راجل مش عامل الكمبيوتر سايلنت
الفاير وول نبهه ان فيه حد بيحاول يجمع معلومات عن جهازه باستماته بعد ما زار المواقع دي
وطبعا اداله بيانات عن مصدر المحاولة
والاخ عمرو برضه طلع مش سهل وخد البيانات دي وعملها اقتفاء اثر
طلع ايه ؟؟؟
طلع ان شركة تي داتا نفسها بتحاول جمع بيانات عن من يزور تلك المواقع المحجوبة
لحساب مين ؟؟؟
طبعا الاجابة معروفة
واصبحت تي داتا ليست متهمة فقط بحجب المواقع
بل بالتجسس على المواطنين وجمع معلومات عنهم لحساب اجهزة قمعية !!!
لذا أجدد الدعوة لمقاطعة تلك الشركة وكل الشركات التي تحجب المواقع وتساند القمع
-

وصلة ملف نادر لقصيدة نجم الجديدة عريس الدولة
بصوت أحمد فؤاد نجم نفسه

إضغط هنا لتستمع

-
الأمن المركزي ينفذ الإخلاءات لصالح ذوي النفوذ

كما اخبرنا أصحاب المحلات بشريف سنتر
أن ورثة مالك العقار اليهودي إستعانوا بالأمن المركزي لتنفيذ قرار إخلاء ثلاث محلات وأنهم أرادوا إستغلال الموقف وإخلاء جميع محلات السنتر بالقوة وليس فقط الثلاث محلات المنصوص عليهم

ضباط أمن الدولة ماذا يفعلون هنا



أحد المحلات التي تم إخلائها وتحطيم ما فيها

بعد تدخل الصحافة إنسحب كل المعتدين
-
وعمال كابري يتظاهرون أمام مجلس الشعب









-
الحرية لأميرة ملش

بانر للمدونين واصحاب المواقع وللوضع في توقيعات الايميل
-
إضحك مع تعبيرات وجه رجل يحكم العالم
حماس شديد
أسوشيتد برس
الاستعداد الجاد
أسوشيتد برس
روح الدعابة
أسوشيتد برس
ضربة جيدة
الوكالة الفرنسية
-
من محافظة قنا
قائد حرس الجامعة يعتدي على الطلاب
بسبب تعليق ملصقات ضد الرسوم الدنماركية
أثناء قيام مجموعة من الطلاب بلصق استيكرات تندد بالرسوم المسيئة للرسول (صلي الله عليه وسلم ) فوجئ الطلاب بوجود العميد/ جلال فكري قائد حرس الجامعة ومعه مجموعة من الجنود والذين قاموا بالإمساك بالطالب فتحي والطالب أحمد سيد ( كلية الطب البيطري ) وأجبروهم علي التوجه إلى مكتب الأمن وأجبروهم علي دخول مكتب قائد الحرس وتم ضربهم ضرب مبرح في الوجه وأماكن متفرقة من الجسد مما أدي إلي إصابتهم بإصابات بالغة وكدمات وجروح بالغة الخطورة ثم تم التفريق بينهم وقام العميد/جلال فكري ( بنفسه ) بضرب الطالب/ فتحي ووضع حذاءه فوق رأسه مما أدي إلى إصابته إصابات شديدة بوجهه وخصوصاُ عينه اليمني التي أصيبت إصابة بالغة ولم يكتفي العميد / جلال فكري بذلك بل قام بسبهم بألفاظ وشتائم نابية ووصل به الأمر الي سب الدين لهم

تجمع الطلاب أمام مكتب الأمن





الموضوع والصور للوعي المصري من مصادرنا بقنا
-

رسائل حب من القراء
رسالة 1
الاخوة الاعزاء محرري ومسؤولي صحيفة الوعي المصري
السلام عليكم ورحمة الله
انا اخوكم في الله عمرو المنيري
صحفي ومراسل حربي واقتصادي ربما تعرفوني وربما لا
عملت في عدد من الفضائيات العربية و قمت بتغطية حرب افغانستان والعراق والصومال وغيرهم.
اما بعد هذه المقدمة غير الهامة اردت فقط فقط ان احييكم جميعاً على عملكم المخلص ورسالتكم التقية الواضحة من اجل وطننا الذي بات مرتعاً للفساد
انا عدت للاقامة في لندن وصحيفتكم بالنسبة لي احد المنابر الرئيسية التي احس فيها بنبض الشارع المصري
ويجب علي ان اهنئكم على عملكم الرائع والراقي
في تغطياتكم الصحفية المختلفة وكشفكم لصور طغيان
النظام الحاكم ا"الملكي الجمهوري "
وحكومة "بزنس نظيف"
خصوصاً وانتم تتعاملون مع .... لنقول اسوأ جهاز امني
شهدته مصر منذ عقود
رسالتي هذه لتحيتكم جميعاً وللشد على ايديكم لوجه الله
وتحية خاصة لرئيس التحرير وائل عباس ولكل الجنود المجهولين
وشكراً
عمرو المنيري
***
رسالة 2
شكرا لانك نبض البلد دى
شكرا لانك نبض الشعب ده
شكرا لانك نبض الجيل ده
شكرا لانك نبضى انا
شكرا لانك انته انته
شكرا

Comments

موقع مصريون بلا حدود
http://www.imbh.net

مش محجوب ، شغال عادى سواء على تى داتا او دى لينك .


ارجوا تدرارك الأمر .

Posted by: محمد | Sunday, 19 March 2006

ربنا يحميكم وينصركم يا حاضر ومستقبل مصر
ارجوكم لا تتوقفوا
حتى لا يموت الامل
يوم تتحق الحرية الكاملة ستفخروا بما فعلتم لوطنكم
مصري

Posted by: masry | Thursday, 23 March 2006

مصر هي الروح والدم هي الأمل والحياة ومصر ليست مبارك وأسرة مبارك وعصابة مبارك إنما مصر العروبة والنضال والفداء فإما الحياة علي أرض مصر بشرف وحرية وكرامة وإما أن نكون في بطن أمنا مصر التي ترحمنا حينما نموت من أجلها فنموت نموت وتحيا مصر

محمود الزهيري

Posted by: محمود الزهيري | Friday, 24 March 2006

كلام في كلام في كلام

وفعل ما فيش

أبطال العراق قربوا يشطبوا على الآلاف من كلاب الأمريكان ، واحنا هنا في مصر مش قادرين على كلب واحد اسمه محمد حسني مبارك.

Posted by: المصري افندي | Sunday, 26 March 2006

هذه الرسالة لرئيس التحرير تم حظر موقع جبهة إنقاذ مصر في يوم 31مارس هذا العام في دولة الإمارات لو سكتنا سوف تحظر جميع المواقع اللي ضد الحكومة المصرية بالتتابع كيف نعرف أخبار الحرامية اللي سارقين مصر و كيف نقرأ المقالات الجريئة أرجوكم أفعلوا شيئ و شكرا .

Posted by: أمل فارس محمد | Friday, 31 March 2006

هذه الرسالة لرئيس التحرير تم حظر موقع جبهة إنقاذ مصر في يوم 31مارس هذا العام في دولة الإمارات لو سكتنا سوف تحظر جميع المواقع اللي ضد الحكومة المصرية بالتتابع كيف نعرف أخبار الحرامية اللي سارقين مصر و كيف نقرأ المقالات الجريئة أرجوكم أفعلوا شيئ و شكرا .

Posted by: أمل فارس محمد | Friday, 31 March 2006

هذه الرسالة لرئيس التحرير تم حظر موقع جبهة إنقاذ مصر في يوم 31مارس هذا العام في دولة الإمارات لو سكتنا سوف تحظر جميع المواقع اللي ضد الحكومة المصرية بالتتابع كيف نعرف أخبار الحرامية اللي سارقين مصر و كيف نقرأ المقالات الجريئة أرجوكم أفعلوا شيئ و شكرا .

Posted by: أمل فارس محمد | Friday, 31 March 2006

أنا قلت لهم ثورة مليونية مش شوية في الأسكندرية و شويه هنا و أخري هناك ماكانش كلاب أمن الدولة قدروا يستفردوا بالمتظاهريين و المفروض ألا يخرج أحد عن المجموعة و تحميه المجموعة كلها مثل هؤلاء الكلاب مابيعملوا ذئب علي أفراد شعبه و نعجة علي الأعداء و لا يتمكنوا من أن يأخذوا حتي واحد من المتظاهرين و أنا قلت كمان بلاش السيدات من الصحفيات علشان الذئاب البشرية شفتوا اللي حصل لصحفية الدستور و كانوا عاوزين يلبسوها قضية أداب كعادة اللاأمن المصري لازم نستمر حتي نتخلص من تشاوشيسكو مصر و حاشيته .

Posted by: أم محمد | Thursday, 11 May 2006

عــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــيب اوى

Posted by: r | Friday, 17 November 2006

جزاكم الله كل خير على ما تقدموه من معلومات
فى طريق نشر ثقافة الحريةا
وكل عام وانتم بخير
اخوكم
مشرف اكاديمية البورصة
http://www.eboursah.com

Posted by: fares | Friday, 21 December 2007

ربنا يقويكم وينصركم لرفع الغلاء عن الغلابا والضعفاء

Posted by: salah | Monday, 31 March 2008

ربنا يقويكم وينصركم لرفع الغلاء عن الغلابا والضعفاء

Posted by: salah | Monday, 31 March 2008

The comments are closed.