Friday, 24 June 2005
يعيش الكشري - كريم الشاعر
اعذروني ياجماعه انا كلامي النهارده ممكن مايكونش مفهوم او مناقض لبعضه بس انا عن نفسي مش عارف لاني انا من انبارح مش عارف انام وخايف لا مش خايف انا حاسس بذهول لاني من المقرر ان مسيرة شبرا ديه كانت الساعه سته باليلسعني المفروض ان الامن يبقي مرعوب ومذعور ولكني فوجئت اول ماطلعت من النفق بتاع المترو في محطة روض الفرج فوجئت ان المنطقه هاديه جدا الي هيه منطقة دوران شبراقولت يبقي المظاهره اتلغت او ان الامن قمعها فقررت الرحيل وبعد ذلك جائني الفضول الي موديني دايما في داهيه فقررت ان اذهب عند ستوديو كادو ففوجئت بصديقي عصام احد الخمسه المنتخبين لحكة شباب من اجل التغيير يقف امام ستوديو كادو فسلمت عليه واعدنا نبص لبعض باستغراب ووقفنا في حالة ذهولقولتله هو الامن فين ياعصام
فرد عليه وقالي غلمي علمك ياكريم
ووقفنا في حالة ذهول من السادسه الا الربع الي ان جاءت ساعة الصفر وهي السادسه اذا بالناس تتدفق علينا والكل يقف في حالة ذهول واستغراب من عدم وجود الامن فظننا ان الامن ينتظر فوق الاسطح او داخل الحواري الجانبيه فاصبحنا جاهزين للتصدي وبدا الهتاف بيسقط يسقط حسني مبارك وحكم مبارك باطل وفجاه فوجئنا ببعض البلطجيهحضرو من داخ شوارع شبرا ويقولون عاش عاش مبارك وصعد احدهم علي الاكتاف وكان يمسك في يديه علبة كشري وقال لنا ياجماعه انتو مجانيين الراجل ده لو مشي مش هانلاقي زيه قصده علي حوستي مبارك ده احنا دلوقتي بناكل كشري لو مشي هاناكل ايه
الحقيقه كلام ينرفذ وفي نفس الوقت يضحك المهم اني انا جاتلي هيستريا من الضحك هههههههههههه هههههههههههه هههههههههههههه المهم لحد دلوقتي مفيش عسكري امن مركزي واحد لكن احنا واقفين وبنهتف واحنا واقفين ولكن الطريق مفتوح امامنا فقررنا ان نتحرك مادام الطريق مفتوح والبعض هنا في هذا الوقت ظن ان مبارك اعطي الحرية لشعبه ولكن هذا لن يحدث مهما طال العمر المباركي في مصر ورغم ان الجميع وصف هذا اليوم بانه يوم النجاح الا انني اري ان هذا اليوم هو بداية لحملة اعتقالات موسعه او انه ترك الحبل عندما حضرت كونداليزا رايث وادته علي دماغه مثلما قال البعض اثناء المسيره المهم ربنا يستر علينا الاربعاء القادم لما نروح الزيتون بس برده انا مش عارف انام ياجماعه وخايف جدا مش خايف علي نفسي لا ده انا خايف علي مصر
كفايه كفايه كفايه كل ظالم له نهايه
12:10 | Permalink | Comments (3)
Comments
السلام عليكم ورحمت الله وبركاته
زملائي وزميلاتي والي كل من يهمه الامر
اليوم وبعد الانتهاء من المسيره في الزيتون ذهبت الي نقابة الصحفيين كي اطمئن علي اصدقائي من شباب التغيير واعرف اذا كان قد تم اعتقالات ام لا وبعد اطمئناني علي زملائي هممت بالرحيل من شدة التعب الجسماني الذي كنت اعيش فيه
اتصل بي شخص مجهول علي هاتفي المحمول من الرقم 027955120 وقال لي انه يريد رؤيتي كي ينضم الي حزب العمل او الي حركة شباب من اجل التغيير كي يشاركنا في انشتطنا المهم انا بتجاربي السابقه عرفت ان هذا الرقم من جهاز مباحث امن الدوله المهم قولتله انت جيبت الرقم ده منين قالي انت الي ادتهوني في الازهر يوم الجمعه الماضيه قولتله تحب نتقابل فين قالي في المكان الي انت تحدده ياباشا روحت قايله انت الي باشا ياحضرة الظابط وانا عارف الرقم ده جاي منين فظهر علي حقيقته بعد هذه الكلمه مباشرة وراح قايلي ياكريم انت لو ماتلميتش انا هاحرقك في الحزب وفي حركة شباب من اجل التغيير قولتله انا مايهمنيش قالي هاعتقلك قولتله ياريت المهم روحت في بيتنا الي في المطريه وقبل ان اصل الي المنزل علمت ان ثلاثة اشخاص مجهولين حضرو الي المنزل وتعدو علي والدي بالسباب والشتائم وسالو عليه ووالدي قالهم انا ماعرفش عنه حاجه المهم سابولي خبر ان انا اروحلهم المكتب بتاع المرج للظابط الي اسمه اسلام وقالو للوالد لوابنك ما جاش بكره بالكتير هانعتقلك انت ومراتك الي هيه والدتي المريضه
فقررت عدم الذهاب الي المنزل
كريم الشاعر
شباب من اجل التغيير
اجيال عاشت في ظل حكم الطواريء
0104501962
Posted by: كريم الشاعر | Saturday, 02 July 2005
سبحان الله مع اني مش مصدقك انت ياللي اخر واحد كاتب ان دا محصلش مش عارف لي المهم ياعني لو كان حصل فالعيب منك انت المفروض يبقي في سرية في كل حاجة وباين ان حضرتك بتوزع ارقام تيلفوانتك علي كل البشر دانت كاتبها فالثريد بتاعك سبحان الله علي عقول البشر
Posted by: يوسف اسلام الكرم | Friday, 08 July 2005
ياستاذ يوسف لما تيجي تتهم حد انه كداب تبقي تتذكر الملي سبحانه وتعالي وبعدين الي انا نشره ده مش مستني منك بعد مانشره فلوس علشان تتهمني بالكدب وارجوك قول للي باعتينك تكتب الكلام ده ان كريم هايفضل صامد امام الاعيبكم حتي ولو صوبتم البنادق علي قلبه
كريم الشاعر
Posted by: كريم الشاعر | Monday, 11 July 2005
The comments are closed.