الوعي المصري

ما هي دي الديموقراطية بس إنتوا مش فاهمين ؟

كل صوت وله وزنه، في واحد صوته بصوت، وفي واحد صوته بستمية صوت

لا حول ولا قوة إلا بالله

Posted by: واحد مصري وخلاص | Sunday, 29 May 2005

علي فكرة موضوع ان رئيس لجنة يعمل كده حصل في القاهرة كمان
واحد نعرفة كان رئيس لجنة الي حضر 11
9 لا
و 2 ايوة
اللجنة 700
قفل علي نفسه و استفتي هو

Posted by: noha | Sunday, 29 May 2005

بعد السلام والتحية علي احلي ناس

أولاً انا متهيألي أن مافيش حاجة اسمها لجنة فيها 700 أو 800 فرد .. الكلام ده غلط يعني من الأخر الروايتين إلي أنت قولتهم شكلهم متفبركين أو الله اعلم يمكن غيروا شكل الإستفتاء علشان إلي أنا أعرفة أن كل لجنة جواها 600 وقد أكون مخطأ لكن كلامي أنا واثق فيه بنسبة 95%

بل ممكن نقول ميه في الميه

بس مش معني كلامي أنا بقول أن ماحصلش تزوير لأ ده حصل وحصل كمان وده بقي مش كلام سمعته لأ ده أنا شاهدته ومعايا كمان ورق يثبت الكلام ده ونفس نص الكلام إلي حصل مع الموظفين إلي فوق .

Posted by: osama | Tuesday, 31 May 2005

سلامو عليكو

واحد صاحبي شغال مدرس, كان في لجنة من اللجان... (في الجيزة)

اللجنة دي فيها 600 اسم, جه منهم 20 ... الظابط جاله وقاله نسبه الحضور هتكون 53% الكلام ده كان الصبح الساعه 12... المهم شويه كده والظابط قاله اللجنة بتاعتكو دي حلوة التلفزيون هييجي يصور كمان شويه...

بعد ساعه كده جه الستات بتوع الحزب الوطني, وقفو طابور وجه التلفزيون صور معاهم !!!!!!!!

كله الكلام ده ومكانش ليه حتي 50 واحد ادلو بصوتهم... الظابط قاله لازم 600 اسم يكونو ادلو بصوتهم... المهم صاحبي قعد سلي نفسه بتزوير الأصوات وبعد كده خدهم وراح للقاضي ... القاضي قاله بص, وإنت خارج هتلاقي صندوق حطهم فيه...

الصندق ده -عافاكم الله- صندوق زباله.... يعني الراجل زور الأصوات علي الفاضي . لإن القاضي حط نسب المشاركه من عنده :)

Posted by: يوسف | Wednesday, 01 June 2005

يا وحشييييين يا كدابين ....كلكو هاترحو النار و هاتتلسعو كمان عشان انتو بتقولو علي بابا حسنيي و ماما سوزان كلام وحش و ربنا هايسخطكم و هايخلي الولاد في الشارع يتفو عليكم...انا بقي هاروح الجنه عشان انا بحب بابا حسني ماما سوزان ...


انتو فاكرين ان انتو بتحبوا مصر اكتر منه؟....هاهاهاه...طب ازاي و هوا بياكل منها الشهد بقاله اكتر من ٢٥ سنه و انتو اجدع واحد فيكو عمره ماشاف فيها خير اكتر من شهرين تلاته و لو راحلو مارينا ولا شارم بيقعد ينجعص ويعيش في دور احمد السقا... مابلكم بقي هوا و طنط سوزان و علاء و جمال عمالين ياكلو في خيرها و يركبوا عربيات حلوه و يصيفوا كمان و في كل حته في العالم يبقي ازاي يا شحاتين يا فقرانين يا عدمانين هاتحبواها اكتر منهم؟


اااااااااااااااااااااااااااااااههههههههههههههه يا مصر

Posted by: عمرو المصري | Wednesday, 15 June 2005

حسبى الله ونعم الوكيل

Posted by: خايف عبد الستار | Thursday, 16 June 2005