Saturday, 27 September 2008
فيديو - حريق المسرح القومي بالعتبة
فيديو حريق المسرح القومي
الفيديو ده وصلني بالايميل وانا في مطار سيراكيوز منتظر أركب طيارة واشنطون فرفعته على يوتيوب ساعتها لكن ما عملتلوش بوست عالموقع اللي للأسف كان تحت الصيانة بقاله فترة ومش عارف أنشر عليه ودلوقت بانشره أهه ولو إنه بالفعل حقق عدد مشاهدين لا بأس به على الرغم من عدم نشره
الفيديو من تصوير محمد عيد
مجلة تحت الكوبري
إضغط هنا
14:31 Posted in صفحات الغلاف | Permalink | Comments (3)
Tuesday, 23 September 2008
البت ووتر جته الصايعة اللي خلت سي نيسكون يتنازل
البت ووتر جته الصايعة اللي خلت سي نيسكون يتنازل
العنوان ده مستوحى من مسرحية المتزوجون لما كان جورج سيدهم الله يرحمه بيكلم مراته في السياسة عن فضيحة ووترجيت الشهيرة في السبعينات التي أدت إلى إزاحة نيكسون من رئاسة أمريكا
أما الصورة فهي من داخل عرين جريدة الواشنطون بوست والمعلق على الحائط هي الزنكة التاريخية التي طبع عليها العدد التاريخي الذي يحمل عنوان إستقالة نيكسون
دي اول مرة أشوف الزنكة دي مع إني رحت الواشنطون بوست مرتين قبل كده
وكل ما أروح أسأل على بوب وودوارد وكارل بيرنستين أول صحفيين في التاريخ يشيلوا رئيس جمهورية
لأني باعتبرهم قدوة ولو في الحتة دي بس
وكان نفسي في نفس الوقت يكون في مصر المدونين هم اول مدونين في التاريخ يشيلوا رئيس جمهورية
ودي مش تخاريف صيام
دي أمنية عندي من زمان من أيام المدونين ما كانوا بيقوموا الدنيا وما يقعدوهاش تاني
لكن الأمنية دي كل يوم بيتبخر منها حته
لحد ما قربت تبقى مشهد كوميدي زي مشهد جورج سيدهم بنفتكرها ونضحك على هبلنا
العنوان ده مستوحى من مسرحية المتزوجون لما كان جورج سيدهم الله يرحمه بيكلم مراته في السياسة عن فضيحة ووترجيت الشهيرة في السبعينات التي أدت إلى إزاحة نيكسون من رئاسة أمريكا
أما الصورة فهي من داخل عرين جريدة الواشنطون بوست والمعلق على الحائط هي الزنكة التاريخية التي طبع عليها العدد التاريخي الذي يحمل عنوان إستقالة نيكسون
دي اول مرة أشوف الزنكة دي مع إني رحت الواشنطون بوست مرتين قبل كده
وكل ما أروح أسأل على بوب وودوارد وكارل بيرنستين أول صحفيين في التاريخ يشيلوا رئيس جمهورية
لأني باعتبرهم قدوة ولو في الحتة دي بس
وكان نفسي في نفس الوقت يكون في مصر المدونين هم اول مدونين في التاريخ يشيلوا رئيس جمهورية
ودي مش تخاريف صيام
دي أمنية عندي من زمان من أيام المدونين ما كانوا بيقوموا الدنيا وما يقعدوهاش تاني
لكن الأمنية دي كل يوم بيتبخر منها حته
لحد ما قربت تبقى مشهد كوميدي زي مشهد جورج سيدهم بنفتكرها ونضحك على هبلنا
16:34 Posted in صفحات الغلاف | Permalink | Comments (29)