الوعي المصري

للاسف يا وائل الصور مش واضحة قوى علشان الناس تقدر تتعرف عليها. بس خطوة كويسة اتمنى انها تنجح وبالنسبة لموضوع ان النائب العام بيحقق دة عادى احنا كمان كمواطنين من حقنا نحقق واحنا كدة نبقي ايجابيين علشان بنساعدهم ولا اية ............. اية طبعا ! سلااااااام

Posted by: انا | Saturday, 29 December 2007

فيه مكافأة للى يعرف معلومات عن الناس دى؟
ولاهنتعب وندور بللوشى؟؟
lol

Posted by: meto33 | Saturday, 29 December 2007

يا عم انت فضحت ميتين ام البت
عموما الواد العرص اللي مطول شعره ده اكيد هيتعرف شكله من اياهم معرص يعني
و عموما كده الشكل العام للموضوع مش شكله ان ظابط بيقبض علي واحده ممكن يكون ظابط يعرف البنت دي و بيعذبها بيمارس ساديته يعني لكن الل انا متأكد منه ان الواد ده ظابط

Posted by: ibraheem | Saturday, 29 December 2007

ايه المانع ان ظابط يصور كليب فى اوضة النوم زى ما صورو قبل كده العصايه فى مؤخرة مواطن وهل كان حد منهم يتخيل ضياع موبايلاتهم كما قرانا فى الصحف من فتره انهم يصورون للاستعراض اولا ولاذلال المقبوض عليه ثانيا والكليب باى صوره جريمه يجب ان يعاقب من صوره ومن فيه بصرف النظر عن انه ظابط او غيره وعموما افعال كثير من رجال الشرطه لا تخفى على احد وتجاوزاتهم يراها التاس فى الشارع وبلاش نضحك على بعض اخرس الله الساكت عن الحق والمدلس ومعدوم الضمير والمنافق والمفخخ والمحرض على الشرفاء وسارق خيرات المحروسه اللهم استجب

Posted by: مصرى | Saturday, 29 December 2007

ميخيلشى على غبى ان وظيفه الظابط مهياش اداريه او مكتبيه انما بحكم وظيفته الخروج للشارع والبيوت والاماكن المشبوهه وغير المشبوهه سواء كانت شقه او مكتب يعنى بالفقاقه كده ميجراش حاجه لو عنده ضبطيه فى شقه ولا حمام ولا حته عشه فراخ وبعدين العيال اللى فى الصور دول 70% مرشدين وقابضين اى حاجه يعنى ملهمش مله مرتزقه ولاد ارصفه صيع متوقعين مثلا يكونو لابسين نظارات ووشهم فى الارض زى المستحيه مبطعا لازم عنيهم يدب فيها ميت سيخ ونيجى باه للمسدس ولو هو واحد رايح يقضى ليله هياخد مسدس ليه هو هيقضيها مع الخط ولو هو صايع معاها هيقول انزلى الشارع قالعه ليه عشان يتفضح هو وهى ولو هو مش جنس ملته ظابط للمرة التانيه هيشيل مسدس ليه وهو اى حد فى مصر بيترخص له مسدس بسهوله كده ولو هو مش ظابط فما المنطق فى ان يشيل واحد صاحبته لو فرضنا انه صايع لمسدس ميه مثلا يعنى ولو هو فيلم سيما هل هيصور الظابط الشريف بالفظاعه والغلظه دى يبقى كده دوركو يا فلاحيص تدورو على المخرج المجرم اللى بيشوه يا حرام صورة الشرطه ونيجى باه لقلع البت لهدومها بالفقاقه كده برضه لو ده فيلم عاملاه السيما ولا مفبركينه الظباط حتى لوائل يبقى ده كده خدش للحياء العام وبرنو ولازم يتحاسبو مش كده ولا ايه وهو منشور على الموبيلات مع ملاحظه ان معتز نشر الفديو ووائل لم ينشره

Posted by: واحد ذكى | Saturday, 29 December 2007

يا عم وائل أنا أول مره أشارك بالرأى فى موقع زى بتاعك لكن انا شفت حلقه 90 دقيقه وشفت اللى انت قلته بصراحه انت واد جدع وتمام بس ناقصك حاجه مهمه
انك يكون لديك فريق عمل يساعدك ويكون منهم القانونيين اللى يأمنوا كتاباتك وما تنشره علشان ما تقعش فى خطأ قانونى كفايه علينا رؤساء التحرير اللى اتمسكوا ما تزودش همومنا بيك انت كمان
ربنا يوفقك

Posted by: أحمد | Saturday, 29 December 2007

خطوة صحيحة لو كانو بوليس او امن او اي حاجة هم مجرمون ومن المهم القاء القبض عليهم. جهودك مشكورة. الله يوفقك ويحميك

مدونة كاريكاتور العرب - شر البلية ما يضحك

http://arabcaricature.blogspot.com

Posted by: كاريكاتور العرب | Saturday, 29 December 2007

والله يابني انت واد راااااااجل وربنا يوفقك وبالنسبه للراجل الي بيقولك انك فضحت البت عاوز اقوله لو هي شريفه اوي مكانش اتعمل فيها كده حتى لو من الجن الازرق يعني لو هي بنت ناس صحيح ممكن تموت ومتخليش حد يصورها ويعمل فيها كده وربنا يوفقك يا وائل ويخلصنا من الي بالي بالك

Posted by: فايبر | Saturday, 29 December 2007

you know what folks . i dont give a rat ass if that dude was an officer or not . thats is abuse. and thats aganist human rights . suppose she was a street slut . you cant hit her that way . thats inhuman . damn . now our case is he an officer or no ?
99% he is an officer . but again even if he wasnt . there is still a case.
kosss oum dee balad iza ely nashar elvedio yit7asib

salam

Posted by: egyguy | Sunday, 30 December 2007

ohhhh realy i found it funny . the title . ib7as ma3a elwa3y elmasry . instead of ib7as ma3a elshorta ...

elshorta my asss . because they wont search

Posted by: egyguy | Sunday, 30 December 2007

من الفضاعة أن تحدث أمور كهذه في سجون مدنية بحق مسجونين مدنين غير سياسيين ، مما يجعلني أتأسف فعلاً على المسجونين السياسيين ، فالله وحده أعلم كيف يهانون ويذلون على يد عبيد السلطة .. حاميها حراميها

إلا أنك كمواطن عزيز كريم مسؤول عن ما تقدر أن تغيره في بلادك ، وأنت كما نقول نحن الخليجيين: ما قصرت

Posted by: ميره | Sunday, 30 December 2007

مهو مدام ظابط الشرطه بيلفق قضيه للبت يبقى 0000وده فرضا يعنى يبقى اكيد المرشدين زباله وهيقفو باحترامهم ليه مدام العمليه 000

Posted by: هانى | Sunday, 30 December 2007

حين شاعدت هذا الكليب وقع فى عقلى بشكل تلقائى و عفوى أن هذا بالطبع ضابط شرطة .. حلقة 90 دقيقة التى عرضتها حاول فيها المقدم بشتى الطرق أن يذهب بالفكرة الى مسألة التأكد من الوقائع قبل الادانة .. لكنه و بغباء معهود يحسد عليه و هو الغباء الذى اعتدناه من متبعى تعليمات الأمن نسى أشياءا عدة بديهية للغاية .. أولها أننا - كمواطنين - و أنكم - كمدونين أو نشطاء أو صحافيين - لسنا السبب فى السمعة السيئة أو الغاية فى السوء عن الشرطة فى مصر .. بل هم - و أقصد ضباط الشرطة - السبب الرئيسى فى هذا .

لا يستطيع أضخم المذيعين جثة أن يقنعنى و لو نفرت جميع عروقه أن الشرطة مظلومة و أنهم أبرياء يحملون هالات الملائكة فوق رؤوسهم و أننا السبب فى التشنيع عليهم و لصق كل ما هو قذر و حيوانى اليهم .. واذا كانوا ضباط الشرطة فى مصر لا يألون جهدا لأن يظهروا أنفسهم فى كل محفل و مرأى على أنهم وحوش سادية مريضي النفس و الطوية يتلذذون بما ينافى فطرة البشر .. و اذا كان ضباط الشرطة يتفننون فى ابتداع آيات الاهانة و النفاق و الاستعلاء و عوار النفس و خرب التربية .. هم أنفسهم لا ينكرون أمام المواطن الطبيعى أنهم منحطون لا يتعاملون سوى بأيديهم و يسعدهم و يشفى رغباتهم و غرائزهم ضرب و اهانة الناس و رؤية توسلاتهم ... هم أنفسهم لا يألون جهدا أو يعدمون طريقة فى أن يظهروا أمامنا فى الشوارع أو فى أقسام الشرطة أو حتى على المستوى الاجتماعى بشكل يأنف منه ابليس ذاته دون خجل أو مداراة .. ثم يصورون أفعالهم كما فعلوا من قبل .. ثم لا ينكرون هذا بل و يستاءون من فكرة محاسبتهم أو مساواتهم بالبشر الشرفاء .. اذا كانوا هم أنفسهم السبب الرئيسى فى هذه الصورة و ذاك الانطباع فلماذا نطالب نحن المواطنين بالتيقن و عدم تصديق أن ذلك الخنزير الذى ظهر فى الكليب الأخير هو ضابط شرطة ؟؟!! ما الذى يجعل العقل الانسانى المنطقى الطبيعى يكذب واقعة كهذه و يطالب باثباتها و - تحسس مسدس ذلك الخنزير لأنه من الممكن أن يكون مسدس ماء - كما قال المذيع العبقرى و كأنه يقيم الحجة و البينة !!!

المواطنين ليسوا قضاة يجب عليهم الأخذ بالدلائل و القرائن .. المواطن فى النهاية لن يقتص من هذا الخنزير .. لكن المواطن حر تماما فى تكوين رأى ما .. و أنا أصدق و أومن و أعتقد بأن هذا الخنزير هو ضابط شرطة .. و لا أصدق أنه ضابط شرطة فاسد .. بل أعتقد فى أن هذا هو سلوك و أخلاق و نفسية و دواخل الغالبية العظمى جدا من ضباط الشرطة فى مصر .. هذا شيء عادى فى أخلاقهم و منطقهم و نظرتهم للأمور .. كل ما يميز هذا الخنزير عن غيره أنه تم نشر الكليب الخاص به .. مثلما نشر من قبل كليب اسلام نبيه ... و الباقيين مازالت كليباتهم و أعمالهم الفنية داخل موبايلاتهم لم تتسرب بعد ..

أنت عزيزى وائل قمت بنشر هذا الكليب .. و المواطن و المشاهد ليس قاصرا و لا قاضيا و لا ولى أمر .. من حقه أن يصدق ما يريد أن يصدقه و ما يقر له عقله .. و أنا أصدق أن هذا الخنزير هو ضابط شرطة .. لا لشىء الا أنه قد وقر فى عقلى من مشاهداتى و ملاحظاتى كمواطن مصرى أن هذا هو سلوك ضباط الشرطة و أن هذا الفعل و ذلك السلوك ليس مستهجنا فى أروقة ضباط الشرطة .. اذا رأيت كليبا لشخص أمريكى مثلا أنه يشرب سائلا أصفرا ما فى كأس مملوء حتى ثلثه فلست بحاجة لتذوق السائل حتى أقتنع بأنه خمر .. لأنه ليس عندى ما يجعلنى أستبعد كونه خمر على اعتبار أنه من الطبيعى و العادى و المنطقى أن يشرب الاجنبى خمرا لا مشكلة فى هذا .. قس على هذا نفس الكليب .. انه من الطبيعى و العادى و المنطقى أن يتصرف ضابط شرطة بمثل هذا السلوك .. هم من أقنعونا بهذا و أصروا عليه و ليس نحن من اخترعناه .. كما أننا لسنا السبب فى تلك السمعة عن ضباط الشرطة.

Posted by: Moh | Sunday, 30 December 2007

حين شاعدت هذا الكليب وقع فى عقلى بشكل تلقائى و عفوى أن هذا بالطبع ضابط شرطة .. حلقة تسعين دقيقة التى عرضتها حاول فيها المقدم بشتى الطرق أن يذهب بالفكرة الى مسألة التأكد من الوقائع قبل الادانة .. لكنه و بغباء معهود يحسد عليه و هو الغباء الذى اعتدناه من متبعى تعليمات الأمن نسى أشياءا عدة بديهية للغاية .. أولها أننا - كمواطنين - و أنكم - كمدونين أو نشطاء أو صحافيين - لسنا السبب فى السمعة السيئة أو الغاية فى السوء عن الشرطة فى مصر .. بل هم - و أقصد ضباط الشرطة - السبب الرئيسى فى هذا .

لا يستطيع أضخم المذيعين جثة أن يقنعنى و لو نفرت جميع عروقه أن الشرطة مظلومة و أنهم أبرياء يحملون هالات الملائكة فوق رؤوسهم و أننا السبب فى التشنيع عليهم و لصق كل ما هو قذر و حيوانى اليهم .. واذا كانوا ضباط الشرطة فى مصر لا يألون جهدا لأن يظهروا أنفسهم فى كل محفل و مرأى على أنهم وحوش سادية مريضي النفس و الطوية يتلذذون بما ينافى فطرة البشر .. و اذا كان ضباط الشرطة يتفننون فى ابتداع آيات الاهانة و النفاق و الاستعلاء و عوار النفس و خرب التربية .. هم أنفسهم لا ينكرون أمام المواطن الطبيعى أنهم منحطون لا يتعاملون سوى بأيديهم و يسعدهم و يشفى رغباتهم و غرائزهم ضرب و اهانة الناس و رؤية توسلاتهم ... هم أنفسهم لا يألون جهدا أو يعدمون طريقة فى أن يظهروا أمامنا فى الشوارع أو فى أقسام الشرطة أو حتى على المستوى الاجتماعى بشكل يأنف منه ابليس ذاته دون خجل أو مداراة .. ثم يصورون أفعالهم كما فعلوا من قبل .. ثم لا ينكرون هذا بل و يستاءون من فكرة محاسبتهم أو مساواتهم بالبشر الشرفاء .. اذا كانوا هم أنفسهم السبب الرئيسى فى هذه الصورة و ذاك الانطباع فلماذا نطالب نحن المواطنين بالتيقن و عدم تصديق أن ذلك الخنزير الذى ظهر فى الكليب الأخير هو ضابط شرطة ؟؟!! ما الذى يجعل العقل الانسانى المنطقى الطبيعى يكذب واقعة كهذه و يطالب باثباتها و - تحسس مسدس ذلك الخنزير لأنه من الممكن أن يكون مسدس ماء - كما قال المذيع العبقرى و كأنه يقيم الحجة و البينة !!!

المواطنين ليسوا قضاة يجب عليهم الأخذ بالدلائل و القرائن .. المواطن فى النهاية لن يقتص من هذا الخنزير .. لكن المواطن حر تماما فى تكوين رأى ما .. و أنا أصدق و أومن و أعتقد بأن هذا الخنزير هو ضابط شرطة .. و لا أصدق أنه ضابط شرطة فاسد .. بل أعتقد فى أن هذا هو سلوك و أخلاق و نفسية و دواخل الغالبية العظمى جدا من ضباط الشرطة فى مصر .. هذا شيء عادى فى أخلاقهم و منطقهم و نظرتهم للأمور .. كل ما يميز هذا الخنزير عن غيره أنه تم نشر الكليب الخاص به .. مثلما نشر من قبل كليب اسلام نبيه ... و الباقيين مازالت كليباتهم و أعمالهم الفنية داخل موبايلاتهم لم تتسرب بعد ..

أنت عزيزى وائل قمت بنشر هذا الكليب .. و المواطن و المشاهد ليس قاصرا و لا قاضيا و لا ولى أمر .. من حقه أن يصدق ما يريد أن يصدقه و ما يقر له عقله .. و أنا أصدق أن هذا الخنزير هو ضابط شرطة .. لا لشىء الا أنه قد وقر فى عقلى من مشاهداتى و ملاحظاتى كمواطن مصرى أن هذا هو سلوك ضباط الشرطة و أن هذا الفعل و ذلك السلوك ليس مستهجنا فى أروقة ضباط الشرطة .. اذا رأيت كليبا لشخص أمريكى مثلا أنه يشرب سائلا أصفرا ما فى كأس مملوء حتى ثلثه فلست بحاجة لتذوق السائل حتى أقتنع بأنه خمر .. لأنه ليس عندى ما يجعلنى أستبعد كونه خمر على اعتبار أنه من الطبيعى و العادى و المنطقى أن يشرب الاجنبى خمرا لا مشكلة فى هذا .. قس على هذا نفس الكليب .. انه من الطبيعى و العادى و المنطقى أن يتصرف ضابط شرطة بمثل هذا السلوك .. هم من أقنعونا بهذا و أصروا عليه و ليس نحن من اخترعناه .. كما أننا لسنا السبب فى تلك السمعة عن ضباط الشرطة.

Posted by: Moh | Sunday, 30 December 2007

كاقتراح بسيط .. يمكنك وضع هذه الصور فى سلايد شو كفيلم على اليوتيوب حتى تكون متاحة لأكبر عدد من المشاهدين بدلا من أن تكون منشورة فقط فى المدونة

Posted by: Moh | Sunday, 30 December 2007

الأستاذ وائل عباس
تحية لك على جهودك المخلصة ..كلنا نتمنى أن يتم الكشف عن ملابسات هذه الجريمة التي لا يرتكبها إلا الجبناء الأنذال .
hussein72.maktoobblog.com

Posted by: حسين | Sunday, 30 December 2007

جـــــرا ايـــــــه ياوائــــــــــــــل ياعباس لازم اشتم فى البلد والحكومه ويكون كل تعليقاتى تصب فى مصلحة قضيتك علشان تنشر تعليقاتى حتى ولو كانت ختصة بمآساتى شخصيا ربنا يستر لا تغير رأبــى فيك



فضيحــــــــــــــــــــــــــــــة بالسعـــــــودية


مــــــــن المجتمــــــــــــــع الدولــــــــــــــــــــى



الـــــــى الملك / عبدالله بن عبد العزيز (خادم الحرمين ) بابا الفاتيكان بيسلم عليك ويقولك عيب رجعوا للمسلم حقه

وملكــة بريطانيا بتقولك عيب خلوا عندكم شوية ديمقراطيـــة وحقوق انســـــــــان مش انتم بتقولوا انكم مسلمين أعطوا المسلم حقه

أما الرئيس الأمريكى بوش بيسلم عليك وبيقول لك خلص المشكله ديه ورجع للمصرى جميع حقوقه وهو مش عايز يتكلم فى الموضوع ده تانى

أما الكونجرس ألأمريكى يقول لك احنا متابعين قضية المواطن المصرى ولن نتخلى عنه حتى يأخذ جميع حقوقه

أما ألأمين العام للمنظمة الدوليه لحقوق الانسان يقول لك الشكاوى منكم يوم عن يوم بتزيد وسوف نضطر لرفع ألأمر الى ألأمم المتحده ومجلس ألأمن للنظر فى فرض عقوبات اقتصادية عليكم قد تصل الى تجميد أرصدتكم فى خارج السعودية بعد خصم جميع حقوق المواطن المصرى وخاصة انه بيقول انه مسلم زيكم


برجاء الاطــــلاع وشكرا

http://gamal51.blogspot.com/

http://anameshm3ahom.blogspot.com/2007/12/blog-post_11.html

http://kalam3eal.blogspot.com/2007/12/blog-post.html

Posted by: الشريف / جمال طه ت/ 0104710778a | Sunday, 30 December 2007

غريبه جدا الموضوع بقاله فتره مثار ولغايه دلوقتى معرفوش هو مين امال مباحث ايه وكلام فاضى ايه دا لو وزعوا صورته على اقسام الشرطه انتهت ما هو لوظابط اكيد شغال فى قسم شرطه وازاى الوزاره مش عارفه ظباطها .......الخوف بس ليطلع كمين يا معلم ونبقى نجبلك بعيش وحلاوه ما هو فى البلد دلوقتى مفضلش غيرك وتبقى كملت وولع يا ريس

Posted by: bedo | Monday, 31 December 2007

كيف يمشى فى ثراها غاصب يملا الافق جراحا وانينا كيف من جناتها يجنى المنى ونرى فى ظلها كالغرباء لست ادرى لماذا اتذكر هذا الشعر وابكى كلما وقفت فى طابور العيش اوقرات عن التعذيت او بحث احد ابنائى العاطلين عن عمل مناسب ولم يجد او قرات عن محاولة اغتصاب ارض القرصايه من الفلاحين اصحابها الغلابه او حاولت ان اشم بعض الهواء على النيل فلا اجد مكانا اواتحبسنا فى المرور فى عز الحر عندما يمر موكب احد الساده او قارنت بين مرتب واحدمحظوظ بيقبض الاف وموظف غلبان بيقبض ملاليم واخيرا عندما شاهدت حلقة تسعين دقيقه الفخ على المحور

Posted by: المحروسه | Monday, 31 December 2007

يا استاذ وائل انا عرفت المتهم الاول واسمه البرديسى بيشتغل فى مباحث الاداب فى مديرية امن الجيزة ودى طريقته مع المتهمات عشان يلبسهم قضية

Posted by: انا عرفت المتهم الاول | Monday, 31 December 2007

ياريت نعرفهم واحنا كنا نلطشهم زي ما افتروا علي ولية غلبانة
دول ولاد ستين
وكمان شواذ
لان مفيش ربع راجل عندة ربع جرام نخوة يعمل كدة او يرضي كدة علي الد اعدائه

ياريت لو فيه حد مهم بيقرا المدونة (ضابط مثلا او محامي) يتحري عن الظابط اللي قالوا علية فوق في التعليق يمكن ربنا ينصر الغلبانة ويرد حقها

Posted by: iman | Monday, 31 December 2007

يا استاذ وائل انا عرفت المتهم الاول واسمه البرديسى بيشتغل فى مباحث الاداب فى مديرية امن الجيزة ودى طريقته مع المتهمات عشان يلبسهم قضية

Posted by: look | Tuesday, 01 January 2008

خليكـــــــــــــــــــــــــوا شاهــــــــدين
يمكـــــــن أحتاج شهادتكـــم فى يــــوم من ألأيــــــام

الـــــــى السيد اللواء / حبيب العادلـى
وزيــــــر الداخليـــــــــــــــة

الـــــى السيد اللواء دكتور / مساعـد وزير الداخليــــة
مديــــــــــــــــــــر ادارة الشئون القانونية

الـــى السيد اللـواء / مسـاعد وزير الداخلية
مديــــــــــــــــــر ادارة تنفيـــــــذ ألأحكـــــــام

الــى السيد اللواء / مساعــد وزيــر الداخليـــــــــــة
مديـــــر مباحــــــــث ألأمـوال العامــــــــة

الـــــــى السيد اللواء/ مساعد وزيـــر الداخليـــــــــــه
مديــــــــــر أمـــــــــــــــــــــن القاهـــــــــره

الــــــــى برنامـــــــــــــــــــج 90 دقيقة السيد / معــــــــــــتز الدمرداش

ومعد البرنامج السيد / بشير الذى اتصلت به أكثر من مرة


مطلـــــــــوب القبــــــض
على نصاب شقق زهراء المعادى / بالمعادى / بمحافظة القاهرة
المهندس / ايهاب فراج محمد ابراهيم الزينى
وعلـى كـل من يقابله التفضل بتسليمه مشكورا لأقرب قسم شرطه أو أقرب رجل أمن
وهذا النصاب تم تأييد الحكم علية بالسجن فــى القضية رقم 9443 لسنة 2007 م جلسة 4/11 /2007 م محكمة المعادى حصر رقـــم 13182 لسنة 2007 م و صادر ضدة اكثر من ثلاثون حكما قضائيا
وعنوان سكنه وعنوان الشركة / شركة الزينى للتعمير 56 طريق مصر حلوان الزراعى برج بــــــدر / أمــام فندق المعادى
بطاقة رقم 27003211203839
و النصاب يتنقل بين مدينة 6 أكتوبر بمحافظة الجيزه و مدينة المنصورة بمحافظة الدقهلية /// ومركز بشبيش بطنطا بمحاظة الغربية
وعليه أكثر من حكم نصب واحتيال وجارى نشر اسماء وعناوين أقاربه وكل من تربط بينه وبينهم صلة نسب أو متسترا عليه
الشريف / جمال طـه
تليفون رقم 0104710778
( المواطن هو رجل ألأمن ألأول فى محاربة الجريمه والتصدى للمجرمين )

Posted by: الشريف / جمال طه ت/ 0104710778a | Tuesday, 01 January 2008

السلام عليكم ورحمة الله وبركاته
انا عايز احكليكم حكاية صغيره من الحكايات الكتير اللى بتحصل كل يوم
النهاردة وانا رايح الشغل زى كل يوم بعد ما اتخنقنا مع بعض واحنا بنجرى على الميكروباص وهو ماشى علشان نركب لان فى شرطه واقفه فى الاسعاف بتمنع الميكروباصات من انها توقف هناك بالرغم من انهم مرخصين خط اسعاف بولاق المهم قبل ما نوصل التحرير جيه عسكرى مقشف وامين شرطه مقشف اكتر منه راكبين عربية ترحيل مساجين حدف مره واحدة على الميكروباص الميكروباص كان هيلبس فى اللى جانبه علشان يفادى العالم المقشفه لكن الحمد لله ربنا ستر وقام سواق الميكروباص مزدو السرعه وقاله بصوت عالى ايه ياعم انتا هو الشارع بتاعك وراح مزود السرعة خلص الموضوع؟؟؟؟؟
لا ما خلصش طبعا راح العالم المقشفه حدفين تانى بس المردى من العيار التقيل بتاع الافلام راح سواق الميكروباص حادف يمين وضرب فرمله وكنا هنتقلب بالميكروباص قام الراجل بتاع الميكروباص قليل الادب قال ايه قاله يا حمار بصوت عالى وراح ماشى فازاى السواق يقوله يا حمار وهو كان هيموت 16 راكب والسواق يعنى 17 بني ادم راكب فى العربيه قام العسكرى المقشف هدى لغاية ما قرب وراح قافل على الميكروباص السكه فى وسط ميدان التحرير ونزل علشان يضربه هو وامين الشرطه .
سواق الميكروباص نزل وقعد يقول يا عالم انا ما غلطتش دانتم كنتمو هتموتنى انا واللى معايا واحنا نزلنا علشان نحجز لاقينا امناء الشرطة اللى موجودين فى ميدان التحرير كلهم عندنا وكمان ظبوطه صغيره يا ختى كميله معاهم
الظبوطه الصغيره يا ختى كميله : فى ايه؟؟؟؟؟؟؟؟؟
امين الشرطه اللى جنبه ياختى جموسه: بالكف على قفا سواق الميكروباص.
الركاب : الراجل ده معملش حاجه واحنا شاهدين والناس بتاعت عربة الترحيلات هى اللى غلطانه.
الظبوطه الصغيره يا ختى كميله : طيب واحد فيكم يحكيلى
امين الشرطه اللى جنبه ياختى جموسه: بالكف على قفا سواق الميكروباص تقريبا كده ايده مربوطه بلسان الظبوطه.
واحد من الركاب: حكى الموضوع كله.
الظبوطه الصغيره يا ختى كميله :فعلا يا جماعه الراجل ده مش غلطان وهما اللى غلطانين.
امين الشرطه اللى جنبه ياختى جموسه:بالكف على قفا سواق الميكروباص بردو.
الظبوطه الصغيره يا ختى كميله :بس انا هاخدوه معايا بردو - اجرى ياله هات الرخص وهات يا روحمك اجرة الركاب علشان يمشوا علشان انت والعربيه هتيجوا معايا القسم.

وراحوا امناء الشرطه موزعين الاجره وزغروا للناس كلهم واللى مش هعجبه ان السواق جى معانا القسم يجى معاه.

هى ديه مصر وهى ديه احوال البلد واللى بيحصل كل يوم فى شوراعها.
إنا لله وإنا اليه راجعون.
حسبى الله ونعم الوكيل.

Posted by: مصرى مكتئب | Tuesday, 01 January 2008

فضيحة قناة المحور وسقوط معتز الدمرداش
كان من الواضح تماما ان معتز موجة للدفاع الاعمى عن الشرطة وفضح ذلك قلة خبرتة وكانت مهزلة بكل المقاييس من مقدم برامج يفترض انة فى قناة حرة ولكن الولضح انة انبطح تماما لنداء السلطة ومغرياتها وباع شرف المهنة التى ائتمن عليها لينضم الى فئة المعارضة الموجهة او المزيفة

Posted by: مواطن | Wednesday, 02 January 2008

المشتبه به رقم 3 شكله تقريبا شبه المشتبه رقم 1 , أعتقد أنه ممكن يكون أخوه الصغير
ايه رأيكم ؟؟؟؟

Posted by: ابن البلد | Thursday, 03 January 2008

انتم جاهلون
حتى الاستاذ وائل
لانكم معتمدين على شوية كليبات فارغة
الحقيقة اكبر من كدا بكتيييييييييييييييييييييييييييييييييييييييييييييييييييييييييييييييييييير

دا قشة فى محيط من التعذيب
وائل نفسة ممكن يكتب انة اللى قتل احمس لو عاوزين

هههههههههههه بطلوا وهم واحلام هما لو عاوزين اى حاجة هاتتعمل هتتعمل

Posted by: coming up soon | Sunday, 06 January 2008