Tuesday, 25 December 2007

حلقة تسعين دقيقة - كمين شرطة على المحور

حلقة تسعين دقيقة - كمين شرطة على المحور

الجزء الأول
إضغط هنا


الجزء الثاني
إضغط هنا


الجزء الثالث
إضغط هنا


الجزء الرابع
إضغط هنا

رجاء مشاهدة الحلقة كاملة قبل التسرع في الحكم على الإعلامي الكبير والقدير معتز الدمرداش اللي بيدرس الإعلام في الجامعة الأمريكية
وبلاش والنبي أسئلتكم الخبيثة من نوعية هو ليه ما ظهرش أرقام تليفون على الشاشة علشان الناس اللي بجد تتصل
وليه المتصلين كلهم كان رأيهم واحد سبحان الله
وبعدين الراجل اللي في الكليب ممكن يطلع أي حاجة مش ضروري ظابط
والمسدس اللي في ضهره ده ممكن يكون مسدس خرز من بتاع العيد
والفيديو اللي جاي ها يبقى مهندس حاطط في بنطلونه مسطرة حرف تي
واللي بعده دكتور معلق سماعة
نوعدكم دائما بكل جديد في فيديوهاتنا الملفقة
ومش مهم حد يقلع ولا حد يلبس ولا حد يتعذب
المهم قناة المحور تعمل فواصل إعلانية تلاتين دقيقة في فقرة أربعين دقيقة
وعاش الإعلام المصري المستكل
وكان الله في عون الجامعة الأمريكية
-
كليبات ملفقة لم يتم التحقيق فيها
أدي كليبات فيها مهندسين ودكاتره ومدرسين لابسين يونيفورم الشرطة
يعني جنحة فيها ست أشهر أهه
ياريت نشوف الهمة بقى

إضغط هنا

إضغط هنا
إضغط هنا إضغط هنا

وهيا بنا نلعب

Comments

اولا اشكرك على انك لم تردخ للضغط الاعلامى من المحور-ثانيا انا ارى لو ان هذا الشخص مش ضابط طيب لية وضع مسدس فى جنبة- واذا كان ينتحل الشخصية زى ماقالوا يبقى عذر اقبح من زبن انتحال الشخصية والتحايل على الناس بيها اشد عقوبة من الشخص نفسة- ثالثا لو عاوز موضووع ارهاب مشابة اقولك ان السيدالعميد قائد مرور موقف عبود كل يوم فى الصباح امام محطة المظلات وبعد مكان المين بتاع الشرطة واقف يوميا لكى يفتش كل الميكروباسات القادمة من المحافظات وتدخل الى القاهرة بحجة انهم ممنوع السير على الكورنيش ويدفعوا مخالفة قدرها500 جنية لة منها الربع نسبة 25 فى الماية هو ورجالة واللى يدفع يعدى لمدة شهر واذا لم يدفع تنزل الركاب وياخد السيارة والسائق ماهو حل هذة الفزورة اللى يدفع بعدى -طيب اية قولك ان فية سيارات ملك ظباط وامناء شرطة ومعروفة ليهم لا تدفع ابدا -المساواة برضة عدل والا اية رايك ياوائل

Posted by: مصرى | Tuesday, 25 December 2007

تصدق بالله انا كنت بتفرج على البرنامج بالصدفة وبعدين واضح اوى ان التليفونات متلفقة ايه حكابه (احنا مش عندنا ضباط) الى كا واحدة تتكلم تقولها انا من بورسعيد على فكرة وطبعا عاصرت موضوع السمورة واكيد انت عارف ان ضباط كتير كانوا بيقبضوا منه بدليل انه متمسكش الى اليومين دول
نرجع لموضوع المحور انا راى فى الى حصل وطبعا كل واحد حر ان فعلا اكتر الكلام كان فووووووواصل انا حاولت اتصل بس ماكنش فى تليفونات وكمان كان واضح ان معتز اكتر واحد اكلم فى الفاضى
::::::::::::::::::::::::::::::::::

Posted by: eman | Tuesday, 25 December 2007

تم قتل شباب بمركز شرطة فاقوس والآن الجثة بمستشفى فاقوس العام حيث الأمن المركزي يحاصر المستشفى ومداخل مدينة فاقوس جميعها

Posted by: صالح صبحي | Tuesday, 25 December 2007

أHello Wael, I watched the episode's rerun today in the early morning on Al Mehwar channel, and the point of difference was revealed between you and the program presenter is to title the info in your blog with an assumption that no evidence proves it yet,

as a matter of fact it's not about how we feel or sense, it's rather about the technical procedures that you should follow as a professional, from my side and many others we agree that 70% he's an officer as the organized torture clips were attributed to some police men lately, but your headlines can't be handled in the same manners like an ordinary guy deal with it,

an ordinary citizen can talk in any way he wishes, many of his words aren't counted most of time and exaggeration takes a place for no doubt, but you as Wael Abbas who is one of the most famous bloggers, here and outside, can't act the same,

I'll not comment on the calls that the program received, may be it's fake and they prepared for it in an earlier time,

the argument with Mo3taz actually took a big part of the episode's time, which distracted the main point that you should focus on, I will not also judge if it was an entrapment to shatter who watches the program or not,

but your attitude had to be better to make them miss the chance out if it's really was made intentionally and confess that a mistake happened in choosing your article title and finish it quickly,

Thanks for spending time in reading my long comment & good luck,

Posted by: Checker | Tuesday, 25 December 2007

سبحان الله

فعلا كانت حلقة مسخرة !!


إلا المتصلين دول كمان

وقال بلاش تتحاملوا على الشرطة

والأخت بتاعة زوار الفجر

طب انا عايز اعرف الأخت القاهرية اللى اسمها سونيا رضوان دى تبقى ملتها إيه بالضبط ؟


بس فعلا اللى مفيش زيه أبدا هو الإعلامى القدير (معتز الدمرداش) حقيقى حقيقى موهبة إعلامية فزة

يا راجل ده كان ناقص يقوم يضربك


الغريب ان انا ششفت الحلقة دى بالات بالصدفة عشان مفيش القاهرة اليوم

Posted by: السلعوة | Tuesday, 25 December 2007

والله يا وائل انت ملفق الحلقة مش ملفقها هيقولو ملفقها ماهى بلد شهادات صحيح طبعا احنا مؤهلات عليا بس لسه طبعا دون المستوى وابهاتنا اتمرمطوا وطلع عين اهاليهم عشان ناخد المؤهلات العاليا دى اللى هى لا عليا ولا حاجة دى يادوب جامعة القاهرة بس بردو دون المستوى محنا مدفعناش الفات احنا كنا بنتعلم بالدعم اللى هو بالظبط 500 جنيه فى السنة واسمه دعم ولا دفعنا دولارات فى جامعات اشى امريكية واشى المانية واشى روسية بكرة يطلعونا جامعات سنغافورية عشان نبقى اوطى واوطى وبعدين بينى وبينك معتز بردو متربى ومبيعرفش يكدب وكان باين عليه اووووووووووووووووى انه عارف هو هيقول ايه بالظبط وامتى ودى بتبقى سياسة قناة وده اكل عيش ومش عشان حلقة راجل جد بجد هيلغى اللى عمله كله ببرنامج 90 دقيقة هو بردو معذور هيودى بدله فين هيلبسها فى النادى ومش هتنفعو وهو مسافر شرم يشتى وبقولك ايه البت دى اصلا وشها فقرى وحلال فيها الضرب وجعت دماغك ودماغنا عالفاضى وبعدين سيبك اهو معتز عملك دعاية بردو يعنى اللى يجى فى الويش-الريش- بقشيش معلش اصلى لادغة

Posted by: eman | Tuesday, 25 December 2007

فعلا الحلقه كانت كمين شرطه والمكالمات معده سلفا ليييييييييييييييييييييييييييييه اين الضمير المصرى ياترى حا نعيش لحد ما يرجع تانى وترجع المحروسه للناس الطيبين

Posted by: الضمير | Tuesday, 25 December 2007

ياعم انت هتاخد شخصيه القرن
وال سى ان ان هتعوز ايه اكتر من كده
ربنا يسهلك واكيد الجايزه هيبقا فيها اموال

والحلقه بتاعت امبارح معتز كان داخل فيك شمال بس انت وقفته عن حده بتقومله انت هتحقق معايا

الناس دى علشان مشافتش الظلم بتقولك الشرطه كويسه لما يشوفوا الضرب على حق ربنا هيعرفوا

Posted by: بوحه | Tuesday, 25 December 2007

بسم الله الرحمن الرحيم
السلام عليكم ورحمة الله وبركاتة
الموضوع جدا عجبني على قناة المحور وكمان المحور معتز عمل كم حركة اي كلام
ندخل في الموضوع والتعليقات ع طول
1/ انا اتحدي اشوف اي بنت تستحمل الكم قلم اللي اخذتهم البنت اللي في الكليب حتي ولو كاان من ابوها مش من حبيبها
2/ المذيع معتز كان بيحول انة يبعد الموضوع على انة ضابط شرطة لي مش عارف وكان باين من تلميحات وجهة انة بياول يخبي
3/بالنسبة للمتصلين في الحلقة انت اول ما ظهرت في الحلقة يا وئل وشفت الكليب حاولت اتصل اكثر من 100 مرة ولكن مافيش فيدة شكلهم كانو خيفين من التعليقات
4/ عجبتني شخصيتك كثيييير جدا يا وائل واسلوبك التعامل مع معتز وكنت اتمنا ان الحلقة تكون معاك اكبر من كذا
5/ وانتب يا عسل ممكن الحلقة تكون هددية من معتز للمباحث او لاي جهة حكومية
6/ ربنا معك يا اخوي وتظهر لنا دئما الافضل

Posted by: من قلب المملكة | Tuesday, 25 December 2007

ياعم وائل . احسن حاجه عملتها ان انت اخدت حقك ومعتز مقدرش ياخد منك حق ولا باطل . هو احنا بنلعب ؟ ههههه وبعدين انت قلتله مية مره انا مش مصمم انه ظابط وهو يقولك طب اشمعنا ظابط ؟ ياعم معتز . وائل بيقولك انا مش مصمم انه ظابط ممكن يكون اى حد تانى . وحكاية بقى العنون ( اللى هو ) ظابط يجبر فتاه على خلع ملابسها اعتقد ان فى الصحافه مانشيتات اسخن من كده وانت راجل صحفى وعارف .. وكتير اوى بنفتح جرنان عشان نقرأ الخبر السخن ده نلاقيه بعيد اوى . يعنى ده مانشيت صحفى مش موضوع ياعم معتز الصحفى .
وكلمه اخيره ليك ياوائل انت كنت اسد .. وبعدين ايه حكاية التليفونات ؟ دى مظهرتش خالص . بس انا عارف الرقم وحاولت اتصل كتير اوى وكان بيرن بس محدش بيرد . الظاهر انهم عاملين التليفون صامت ( silent)ههههههههه
سلام ياوائل باشا

Posted by: mido | Tuesday, 25 December 2007

اول نقطة ارجوك صلى جماعة فى المسجد
تانى نقطة موقعك اكتر من رائع واتمنى ياخد شوية توجية للمصريين لترك السلبية والعمل على التعاون
الثالثة طبعا ماتقارنش نفسك بمعتز بدون العيب فى احد ده راجل على قده ويادوب البرنامج خلاه يعرف يتكلم
الرابعة ارجوك التفكير فى عمل حاجة لبلدنا لان موقعك مؤثر فعلا على الشباب اللى من سننا

Posted by: hasan | Tuesday, 25 December 2007

يعني بجد مش عارفة ااقولك ايه بصراحة اللي قبلي قالوا كل التعليقات اللي نفسي فيها بس بجد انا كل يوم بتفرج علي 90دقيقة ...........ز بعد اللي حصل انبارح ده فقدت القناة المصداقية بجد
بس احسن حاجة حصلت انهم قالوا اسم المدونة بتاعتك علشان اعرف اتواصل معاك ........ ربنا يكرمك بجد

Posted by: rrrrrrrrrrrr | Tuesday, 25 December 2007

Keep up the good work Wael
Good Luck

Posted by: Ahmed | Tuesday, 25 December 2007

good good

Posted by: hima | Tuesday, 25 December 2007

بص يا وائل طبعا انا بشكرك على المجهود والشجاعة اللى عندك لأنك بجد بتعمل اللى كل شاب فى مصر لازم يعملوا وهوا انك ايجابى قدام التعذيب والتجاوزات الفظيعه اللى بنشوفها وبنسمعها كل يوم . طبعا حماده قصدى معتز كان متسستم يا ريس والمكالملت كمان متظبطه ، انا بصراحه ساعات باسمع حته من برنامجو لغاية لما العاشره مساءا تبدأ وبعد كده عمرو اديب . والله اخونا حماده عزو ده قصدى معتز (معلهش اصلو بيفكرنى بشخصية حماده عزو فعلا ) بصراحه انا مش عارف د / حسن راتب سايبوا ليه لغاية دلوقتى يا راجل هيا الناس ناقصه الضغط , المهم هوا فاكر المشاهد بصمجى مش فاهم الفبركه والمكالمات وحتة انا ما عنديش حد فى الشرطه فى كل مكالمه ، والنبى يا عم معتز كفايه ارحل البلد مش ناقصه النوعيه دى ما كفايه تامر امين وعمرو اسماعيل و القط و رجب و نافع و الحديدى و .... للأسف الكثير ، اما الشرفاء من امثال منى الشاذلى وعمرو اديب و محمود سعد و وائل عباس و ابراهيم عيسى و وائل الابراشى و عمنا هيكل وعمنا فاروق جويده وفهمى هويدى وغيرهم الكثير فهم هؤلاء امل مصر نحو الحرية.
فشكرا لهم من شعب بالتاكيد يفهم ولكن لا يعمل شيئا

Posted by: د/محمد على | Tuesday, 25 December 2007

بقى وائل سلبى مش عاوز اقول كلام مالوش لازمه

حرام عليهم دا لو كلب مايتعملش فيه كده


اللهم يا قادر على كل ظالم ، يا من لا يقف في وجهك عدو ، اللهم هؤلاء الشرطة المصرية أعداؤك ، اللهم عليك بهم ، اللهم شتت شملهم ، وفرق جمعهم ، ويتم أولادهم ، ورمل أزواجهم ، اللهم إن تذرهم يضلوا عبادرك ولا يلدوا إلا فاجرا كفارا ، اللهم فرقههم بددا ولا تغادر منهم أحدا ، اللهم أذلهم حتى يتمنوا الموت فلا يجدونه ، اللهم أختم على قلوبهم فلا يكونون من أصحاب الجنة ولا يجدون ريحا ، اللهم ابعثهم مع هامان وقارون وفرعون وأبي بن خلف ، اللهم اشف صدورنا ، اللهم إنهم عرفوك فنكروك ، عرفوا قدرتك عليهم فأروك قدرتهم على عبادك ، اللهم إننا عبيدك بنو عبيدك بنو إماءك نواصينا بيدك ماض فينا حكمك عدل فينا قضاؤك اللهم احمنا منهم وارفعهم إليك ولترنا فيهم عجائب قدرتك ، الله أكوهم بنحاس أكتافهم ، اللهم شتتهم في البلاد فإنهم قتلوا العباد ونكلوا بهم ، اللهم إنا نسألك باسمك الذي إسا سؤلت به أجبت وإذا استعنت به أعنت أن تدمرهم تدميرا ، وتمرضهم بافات لا شفاء لها ، وتنكل بأولادهم فإنهم نبتوا من حرام ، وصلى الله على سيدنا محمد وعلى آله وصحبه وسلم

Posted by: الشيخ | Tuesday, 25 December 2007

1 thing is very strange actually,why he kept talking only about that clip,why he didnt speak a word about the other clip of the who called samoora ?! strange huh ? and else,what about the other clips that -like wael told- are for some other egyptian wearing like police officers,and shooting it in a studio decorated like police station !!!!
wael keep the good work and forget about them,but still i have to tell u take care.....they can trap u like,mr. ahmed helmy told on his call.
good luck and ALLAH bliss u

Posted by: Sherif | Tuesday, 25 December 2007

اعــــــلام مصم على ان المشاهد غــــــبى

وواضح ان معتز الدمرداش ماسمعش من حد قبل كده قال أمامه ان قمة الغباء أن يتصور الواحد ان من هو أمامه غبـــــــــــــى

وجميع الاتصالات فى برامج التوك شو مفبركة مش المعد والمخرج والمقدم مصريين برده

برجاء الاطــــلاع وشكرا

http://gamal51.blogspot.com/

http://anameshm3ahom.blogspot.com/2007/12/blog-post_11.html

http://kalam3eal.blogspot.com/2007/12/blog-post.html

Posted by: الشريف / جمال طه ت/ 0104710778 | Tuesday, 25 December 2007

الف سلامه عليك يا وائل وعلى فكره الحلقه حلوه اوى وانا من راى انك من حقق انك تعرض والفبركه ملناش فيها والنيابه هى اللى تحقق

Posted by: محمد | Tuesday, 25 December 2007

الف سلامه عليك يا وائل وعلى فكره الحلقه حلوه اوى وانا من راى انك من حقق انك تعرض والفبركه ملناش فيها والنيابه هى اللى تحقق

Posted by: محمد | Tuesday, 25 December 2007

السلام عليكم ورحمة الله وبركاته
انا اول مرة اشارك فى المدونة ده كمان اول مرة ادخلها والفضل يرجع لمعتز وبرنامج 90 دقيقة اللى عرفنى عليك وعلى المدونة وانا مع كل اللى قبلى وقالو ان البرنامج ماناقش المشكلة الصح هوا كل اللى كان فى دماغ معتز انه يطلعك غلطان ومسئ لسمعة الشرطة يمكن عشان اول مرة يتعامل مع قضية زى كده وهو فاكرك متعمد الاساءة للشرطة ......... معرفش بقى هوا كان المفروض قبل الحلقة يجمع شوية معلومات ويدخل ويشوف المدونة ويقلب فيها بجد مش يبص على العنوان ويقولك انك كاتب فى العنوان شرطى طيب زى ماقالت الناس برضه هوا مابيقراش جرايد وبيشوف العنوان اللى بره وبعده التام عن موضوع المقال وما هوا الا مجرد جذب للقارئ ... طيب ما انت لازم تجذب الزائر للمدونة وكمان عشان فى سبهة كبيرة ان الشخص ده يطلع ظابط ..... ما علينا المهم دلوقتى ان البرنامج ده ماضركش بحاجة بل افادك فى انه عرف ناس كتير بخصوص المدونة
وفى الاخر بحب اقولك ان المدونة رائعة وربنا يعينك

Posted by: D.G.M | Tuesday, 25 December 2007

اشطه عليك يا وائل الحلقه بتاعه 90 دقيقه كانت كمين جامد اوى من امن دوله واضح فيها بصمه معتز مع جماعه امن الدوله, وكله كوم وموضوع التليفونات ده كوم تاني يظهر ان ميزو كان مظبط مع اللواء ضياء وكان بيردله جميل واشطه عليك مره تانيه وكلنا معاك ولا يهمك

Posted by: haytham | Tuesday, 25 December 2007

تحامل معتز الدمرداش لا تخطئه العين. ولكنني أتحفظ بالفعل على استخدام كلمة "ضابط" في العنوان رغم عدم ثبوت ذلك بشكل قطعي، حتى الآن على الأقل.
تمنياتي لك بدوام التوفيق
نايل شامة

Posted by: River Nael | Tuesday, 25 December 2007

اخي الحبيب وائل عباس
ماذا كنت تتوقع من قناه يترأس مجلس ادارتها د- حسن راتب الذي بخل في بيع اسمنت شركته وهو اسمنت قوى جدا كان ممكن ينفع نبني بيه عمارة لوران بالاسكنداريه اللي وقعت وخلفت ضحايا كتر في الوقت الذى تعاقد لامداد الحكومه الاسرائيليه لبنا ء الجدار العازل-ماذا تتوقع من معتز الدمرداش ابن ماما نونا ويتربي يا اخويا معتز عزو في عز عزو
وائل انت مكروه من وزارة الداخليه وده شيء طبيعي واحنا منساناش سباب اللؤاء احمد ضياء الدين- ليك علي اروبت في لقاءك مع عمروووووووووووو اديب
خلي بالك من نفسك يا وائل
تحياتي لمناضل حدد اهدافه وسبل نضاله

Posted by: رامز محمود عباس | Tuesday, 25 December 2007

يا خوفي يا بدران ليكون الموضوع كله مترتب و تكون وقعت فيه يا ولل...
و خصوصا ان ترتيب كمين المحور كان بعد فترة قليلة من نشر الفيديو....

انا خايف ليكون اللي بعتلك الفيديو اساسا برده كمين و بعد شوية تطلع تكملة الفيديو و تكون مش تعذيب و لا غيره و يطلع تهيييييسس مقصود علشان رجلك تقع في الخية.

Posted by: creative | Wednesday, 26 December 2007

حالفني الحظ السعيد إني شفت اللقاء من بدايته و كان الله في عونك يا بني و الله ، كنت حاسس إن بيضانك فرقعت من الهزل اللي بيحصل بس كنت متحمل برود و تناحة ميزو الدمرداش و صابر على أمه أوي و ماسك نفسك من إنك تقوم تلطشه على أم عينه العيل البهيل ده .
و كملت لما فتحوا آل إيه المداخلات التليفونية العبيطة ، يا خبر أبيض و مهبب ، إيه البهالة دي ، و إيه الناس دي .
يا راجل صحيح انت ليه متحامل على رجال الشرطة بالشكل ده دول هما اللي بيحمونا و بيسهروا على راحتنا .
لأ و سابوا فيديو سمورة مجوش جنبه لأنه واضح و معروف و لبدوا في الفيديو ده .
آل يعني انت بقى العبيط اللي بتنشر فيديوهات و خلاص علشان ميزو يعمل فيك خير - زي ما هو فاكر - و يجيبك يقول لك يا بني عيب كده كخ مش حلو علشانك و ابقى اتأكد يا بني هو انت غاوي مشاكل و خلاص ، انت عبيط يا بني و لا اهبل و إيه بالظبط .
أكاد أكون متأكد إن ميزو قبل الحلقة قال للمصور : شوف يا بني جاي لنا النهارده وائل عباس بتاع كليبات التعذيب عايزك تطلعه عالشاشة من زاوية كاميرا يظهر للناس فيها إنه عبيط و بهلول و بيشخ على نفسه كمان .
أحا يا معتز يا دمرداش
خاسر دينه اللي عاد يطلع معاك في 90 نيلة على أمك
بس إياك يقرا الكلام ده و بعدين يقوم يبص على نفسه في المراية
مشكلة معتز الدمرداش الحقيقية إنه عمره ما شاف نفسه في نشرة أخبار أو برنامج قدمه
و انا مستعد أبعت له دي في دي أي حلقة من 90 نيلة يشوف نفسه فيها و يقول
العبيط أهه
البهيل أهه
أبو شخه أهه
مين المذيع المنغولي ده
بس يؤموط بسلامته

Posted by: Antizionism | Wednesday, 26 December 2007

تحية على مجهودك وجرئتك اللى بلاحدود
يعني ماهو زي ما رجل الشرطة هو اللى بيحمينا فالطبيب هو اللى بيعالجنا والمدرس هو اللى بيعلمنا والمهندس هو اللي بيبنيلنا الخ الخ هل معنى ده إن اي حد في الفئات دي وغيرها يغلط نتستر عليه لأنه فى الاصل بيشتغل حاجة تنفاعنا..
لكن بصراحة كان فعلا من الافضل ان يتكتب فى العنوان انه مشتبه فى كونه ظابط يعذب فتاة أفضل من ذكر انه ظابط صراحة بغض النظر عن انك وضحت بعد كدة في سياق الموضوع .

Posted by: meto | Wednesday, 26 December 2007

ربنا معاك وحكاية التليفونات ديه كانت باينة اوي وما خالتش على حد

Posted by: عربية | Wednesday, 26 December 2007

ولا يهمك الناس مش عبيطة حتى تصدق الهبل ده. انت صح وعلشان كده ليك مليون عدو كل ندل وكذاب ومرتشي وسادي عدو للحقيقة. كمل المشوار الله يوفقك ويحميك

مدونة كاريكاتور العرب - شر البلية ما يضحك

http://arabcaricature.blogspot.com

Posted by: كاريكاتور العرب | Wednesday, 26 December 2007

دايما كدا ياوائل
ملفق فيديوهات للناس الكويسة اللى سهرانين يحرسونا
وبتبقى نايم وبتشخر وهما العين الساهرة عليك
لا يا وائل مكنش العشا ولا الغدا

هتفرج على الحلقة وان شاء الله هرد تانى

Posted by: محمود الدوح | Wednesday, 26 December 2007

اعتقد انهم شابين اصطادوا الفتاه واخذوها الشقه وعملوا فيها كده ......... ليه ؟ ربما يكونوا من الاخوان اللى فاكرين انهم ها يصلحوا الكون . وربما يعملولنا هيئه للأمر بالمعروف والأنهاء عن المنكر

Posted by: ممدوح | Wednesday, 26 December 2007

يا سيدى انت ابتديت اول كلامك بنقد لاذع للاخ معتز وهو انك قلت له ان قبل ما تسأل عن المصداقيه شوف الكليب فبه ايه وطبعا انا حسيت ان الكلمه دى نزلت على اخينا معتز كالصاعقة طبعا ياعم مش بتقول انة بيدرس اعلام فى الجامعه الامريكية يعنى انت هتعلمة ولا اية
علشان كدة بدا يعلق على الكلام الفارغ ال يعنى مسك عليك غلطة
واعلامى على اعلامى ميلعبش

ارجوا للك المزيد من الاعمال اللى تكشف بيهاكل مسئ للمواطن والاعلام ؟؟؟؟؟؟؟؟؟؟

Posted by: mohamed | Wednesday, 26 December 2007

قبل كل ده كنت منور يا وائل
وبعدين فيه حاجه غريبه اوى حصلت امبارح فين اللواء احمد ضياء الدين
اول مرة الاقى حاجه تخص الشرطه وماينطش بتليفون ويدافع دفاعه المستميت عن جهاز كلاب الشرطه مع ان مستفز الدمرداش وهو ده اسمه الحقيقى
كان قايم بالواجب وزياده

Posted by: اسكندرانيه اوى | Wednesday, 26 December 2007

hi wael;
this is abdou from chicago, man sorry to tell u that i won't be able to waatch all parts, i watched part 1, and i already feel sick of this s.o.b. mo3taz elly mayetsammash.
fuck 'em all man, just keep doing what you're doing, we all with you.

sorry for the explicit language, or is it ok, since we hear it in the movies ?


abdou

Posted by: ABDOU ALI | Wednesday, 26 December 2007

وائل
إذا كان هناك تلفيق فهو في المكالمات التليفونية
لقد تابعت الحلقة بالكامل ولاحظت بالفعل ان كل المكالمات ذات رأي واحد ومن الواضح جدا انها معدة مسبقا ومش بعيد يكون الناس اللي بتتصل من غرفة الكونترول اساسا زي ما بيحصل كتير قوي
ثم بيني وبينك ماتخدش على معتز وماتزعلش عنه :) ده مايتزعلش منه اساسا لأن طول عمره عبيط
وليس على العبيط حرج كما يقولون
الله يمسيكي بالخير يا مي ، هي سابت البرنامج من شوية ؟

Posted by: Ashraf Hamdi | Wednesday, 26 December 2007

ودنك دى

Posted by: عمك | Wednesday, 26 December 2007

الاخ العزيز وائل،
ساقتنى الاقدار التى لا اعرف أهى سعيدة او تعيسة لمشاهدة الحلقة الخاصة بالكليب الاخير و ملاحظاتى احب ان ادونها كالتالى:

أولا: بالنسبة للمذيع الاخ معتز، و هو شخص لطالما ضجرت من مشاهدته و هو يقرأ الاخبار فى التلفزيون المصري و تابعت غير مهتم و لكن صدفة مسيرته عبر فضائيات و قنوات عده و لا عجب انه قد طرد منها جميعا لما يمتاز به من ثقل ظل و جهد جهيد فى اصطناع خفة الدم و لكن كما تعرف ان القبول لا يدرس و لكن هو هبه من عند الله تعالى و فى هذا السياق عجبت كثيرا و قد خلته خبرا فكاهيا انه من معلمى الاعلام و اين! بالجامعة الاميركية التى هى ذروة التعليم الجامعى فى مصر و لا عجب فقد سمعت احمق قبلا يقول على شارون رجل سلام و لكن ما علينا فقد سقط هذا المعتز فيما ادعى انه يكشفه عندما كشف زيف و فبركة حلقات الاخت هالة شو بتاعة روتانا فيكفى ان تستمع فقط الى المكالمات المفبركة و التى تظهر هطل من اعتقد ان الكشاهدين عبارة عن مجموعة اطفال او معاتيه تتفرج على التلفاز

ثانيا: و ارجو ان يتسع صدرك لتحليلى (بالرغم انه و الله و هذه حقيقة ليس لي احد فى الشرطة و لكن ليس على غرار ما قيل من متصلى الفبركة) و هذا التفسير قد سمعته من احد اصدقائى و هو ان يكون هذا الشرير الذى يصفع البنت ما هو الا قواد و اراد ان يؤدب احدى فتياته لخروجها على اصول اقدم مهنة فى التاريخ و على كلا لا يسقط هذا التفسير حقك و حقنا فى ان نعرف و ان يأخذ هذا الشرير حقه ايضا من العقاب

ثالثا: جزاك الله خيرا على مجهودك و اتمنى من الله ان تستمر و ان يحفظ و ان لا اراك بطل احد هذه الكليبات قريبا
اخوكم منصور

Posted by: محمد منصور | Wednesday, 26 December 2007

wade7 ya gama3a in dah ragel shorta wi eldaleel darbet el2lm dy madroba bi7traf wi law shofto kol videos beta3et elta3zeeb hya tare2a wa7da matghyretsh.
wi ghaleba da kan kameen wi la2aha labsa hdomha wi 3shan kda kan 3ayez y2l3ha wi ylbsha 2dya wi 3shan kda kol hmha inha mat2l3sh hdomha 3shan hya 3arfa howa 3ayez y3mel aeh.
bs ra2yi brdo in dy bnt lil bs dah mynfeesh in dy gareemet ta3zeeb wi htk 3rd mn eldarga eloola.

Posted by: motionlee | Wednesday, 26 December 2007

لـــــقـــد حــضــرت حلقـــة 90 دقـــيـــقــة فــي قـــناة المـــحـــور مـــع الاعـــلامي معـــز الـــدمرداش لـــقـــد كـان معــــتز مـــنحازا للشــــرطـــة للأنـــه كــان يـــري اخـــوه شـــريف لـــذلك لـــم يـــصدق مـــاتـــراه عينـــاه .لو كــــانـــت الأ عـــلاميـــة الــــقديرة مــــــي مـــــوجـــــــــودة لـــــتغيـــرت الـــــحـــلــــقة للأحــســــن.

Posted by: Gasim | Wednesday, 26 December 2007

هذا ما وصلنا له فى حكم مبارك و وزير دخليته حبيب العادلى و الذى زاد فيه التعذيب فى اقسام الشرطة لدرجة الاذلال و التشفى و استغلال السلطة للتفنفيس عن المرض السادى الذى يعانون منه و بيطلعوه على الشعب.

هذه الذى ورثته انقلاب 1953 و بدأ فى عهد عبد الناصر و استمر فى عهد السادات و استشرى فى عهد مبارك . هذا الكليب الذى يظهر الضابط الذى يجبر الفتاة على خلع ملابسها و يضربها و هو غير عابىء بأن هذه الذى يفعله يتم تصويره و كأنما يقول انه غير مهتم اذا حتى ما رؤه رؤساءه او حتى وزير الدخلية يعكس مدى تسلط الدخلية و الشرطة على الشعب.

و حتى نكون عمليين فلابد و أن نطرح الحلول لوقف هذه الانتهاكات اليومية ، و أقول ان الحل هو ثورة شعبية نطيح بها بهولاء الظلمة ، ما حدث مع هذه الفتاه حتى و لاو كانت عاهرة او داعرة لا يمكن أن يمر مرور الكرام لان لو كانت كذلك فهناك قانون يعاقبها لا أن يتم معاقبتها و إذلالها على يد ضابط مريض هكذا ، و هذه مطالبنا:

أولا : يتم محاكمة هذه الضابط محاكمة علنية و لو لم يتم هذا فلابد من الانتقام الشخصى منه و اى مصرى له مطلق الحرية فى هذا و اكرر لابد من الانتقام من مصريتنا و كرامتنا التى أمتهنت على يد هذا الضابط ، فالذى فعله فعله غى فتاة مصرية مثلنا لها فالانتقام منه بأى صورة واجبة.

ثانيا: ثورة عارمة تجتاح مصر كلها يكون هدفها الاطاحة بالقائمين على وزراة الدخلية و على رأسهم حبيب العادلى و المطالبة بمحاكمته.

و اذا لم يتم هذا فستستمر هذه الانتهاكات و لا تنسوا ان هذا من الممكن ان يطالك انت شخصيا أو يطال زوجتك أو اختك او ابيك او امك او بنتك او ابنك .

لابد من حدوث ثورة فى مصر.

Posted by: hani | Wednesday, 26 December 2007

لووووووووووووووووووووووووووووووووووووووووول


ودنك دى

لوووووووووووووول

Posted by: عمك | Wednesday, 26 December 2007

فى الحقيقة انا بس حبيت اننا منلقيش كل العبئ على معتز لسببين
الاول: انه اما اين يكون محايد ولا ينحاز لاء طرف من اطراف المشكلة
او انه يتقمس شخصية الطرف الغير موجود (الشرطة) ويرد بما نيابة عنهم لتسخين الحوار او لتفتيح الموضوع
ثانيا : البرنامج على الهواء وصعب التأثير على ضيوف البرنامج وبالاخص بوزن وائل
ومعروف عن الاستاذ وائل انه مش مش من السهل انه يتاكل فى قاعدة بتتكلم عن موضوع هو درسه وفهمه كويس
فمتهيئلى ان وائل اكثر المستفيدين من البرنامج البرنامج اضافة لرصيد وائل الصحفى
موقع وائل اصبح معروف لكل من شاهد الحلقة ولم يكن يعرف الموقع
رغم اى معوفات اثناء الحوار او الفبركة رسالة وائل وضح جدا وبالاخص مع الردود المستفزة لمعتز وده العادى بتاعه مع الضيوف
يعنى الموضوع كله على الهوا وكل واحد يقدر يوصل رايه حتى بدون كلام لان الناس كلها الى بتشوف البرنامج فاهمة ايه بيجرى فى مصر
فيه ملحوظة اخيرة وهى انا معتز له اخ ظابط شرطة يمكن برده هو كان بيدافع من للسبب ده كمان غير دور الطرف الثانى
(الشرطة)
الحقيقة البرنامج كان جيد وموضوعه كان مثير
ووائل ومعتز كلا ادى دوره
طبعا رئى ممكن يزعل ناس كثير بس ده رئى ولايفسد للود قضية لمعتز وبرنامج ووائل ورواد موقعه وانا واحد منهم ..
محمد

Posted by: محمد | Wednesday, 26 December 2007

قال يابا علمنى الهيافهه قالى تعالى فى الهايفه واتصدر والرساله موجهه لعبد الله كمال ثانيا استخدام وائل لعنوان ضابط على اساس الاحتمال الاكبر بنسبه على الاقل 60% لانه حامل مسدس ومش زى قال حامل مسطرة تى ولا فرشه جذم ولب الموضوع ذكر ان ممكن يكون ضابط على حد قول المرسل ولو كانت المدونات يا اسمك ايه مبتتمتعش بمصداقيه كان الاستاذ العبقرى معتز الدمرداش استضافه اساسا ليه ومش للمرة الاولى وطبعا البى بى سىو السى انان ولا ايه يا فقيق وياخدو منها تصوير

Posted by: non | Wednesday, 26 December 2007

والراجل وهيافته بدل ميوصف اللى فى الشريط بانه مشبوه وصف المدونه انها مشبوهه وتوهنى توه وربنا مع وائل ويكتر من جراه الشباب ويبعد من رياله العجايز

Posted by: non | Wednesday, 26 December 2007

إللى مش مصدق الكليب ، يرجع بالذاكرة لأحداث سجن " أبو غريب " فى العراق .. ويعرف أن الذين صوروا عمليات التعذيب والقهر للمساجين العراقيين ؛ هم أنفسهم عساكر السجن الأمريكان .. ف مسألة تصوير رجال الشرطة لأنفسهم ممكنة ، أو تصويرهم فى بعض الأحيان خلسة.. وعلى القائمين بالأمر إجراء التحريات الجادة للتأكد من هوية الموجودين بالكليب ، وهذا أمر سهل ، عند مراجعة جميع ضباط الآداب بالداخلية.....تحياتى لوائل عباس وشجاعته وإيمانه بوطنه وبالإنسان المصرى ، الذى تحمل ميراث هائل من القهر الشرقى عبر آلاف السنين....

Posted by: د.سميح عيد | Wednesday, 26 December 2007

بالعقل كدة وبمتهى البساطة انت اللي طلعت النجم في الليلة دى كلها وهم اثبتوا غبائهم حتى في التلفيق . اصل ولاد الهبلة دول مش عارفين يعنى انهم بيتعاملوا مع شعب صايع اللي اتعمل فية واللي شافة في التلاتين سنة رخاء وديمقراطية يخلية وهو مغمض يتف على ام المحور وامثالها من قنوان مدعية الحرية والمحايدة عموما كدة الابيض اتعرف من الاسود وفلة عليك يا وائل كل ما يحاولوا يشيلوك اوبح يطلعوا محنى ظهرهم شيل .ربنا معاك يا لول. وخليهم كدة بيتعروا كل يوم وهبلهم بقي عالفضائيات ما شاء اللة ربنا ما يحرمهم منة ( الهبل) سلاااااام

Posted by: انا | Wednesday, 26 December 2007

بص يا وائل من الاخر اللى شاف الحلقه عارف الشرطه عامله ازاى وبجد الحلقه جعلت اسهم معتز تنزل كتير . والناس بتفهم وعارفه من اللى بيغشها ومين لأ.وربنا يديك الصحه وتكشف لنا اكتر واكتر

Posted by: Ammar | Wednesday, 26 December 2007

من الأخر كلام الأستاذ أحمد حلمي هو الكلام الخلاصة
و الله اول ما انت نشرت الكليب و قبل برنامج تسعين دقيقة أنا حسيت أنه كمين و كنت هكتبلك في التعليق و اقولك كده

بالنسبة للبنتين اللي اتصلوا , العجيب انهم قالوا اسمائهم و اسماء ابوهم , غالبا في معظم الأحيان اللي بيتصل بقول اسمه الأول فقط و خصوصا في المواضيع الحساسة اللي زي دي ,,, دول كانوا ناقصين يقولوا اسمهم رباعي

اعتقد ان معتز شخصية كويسة لكنه في الحلقة دي بالذات مش عارف ليه كان مش طبيعي , كان مرتبك و مش على طبيعته الفكاهية زي مايكون كان بيعمل حاجة غلط

Posted by: كمين | Wednesday, 26 December 2007

اللى موقع بعمه ده زبالة المجتمع ونتاج عصر الفساد والضياع اللى احنا فيه وان شاء الله تعمى عمى الدبب يا عمه ياحقير روح اسال ربنا

Posted by: انسان | Wednesday, 26 December 2007

الصحفى عبد الله كمال هو مين اللى مشوه يا كهنه انت بتشتم خلق الله وحولت الموضوع لسب اه يا ملحد معترض على خلقه ربنا انت بتحاسب ربنا على خلقه

Posted by: nancy | Wednesday, 26 December 2007

Dear Wael,
It was a rather PLEASANT surprise to hear you on the US National Public Radio, exposing these SOB's to the American public. I always listen to that station while driving to work in the morning. Thanks to you, a good percentage of the taxpayers do understand what kind of regime they do support in Egypt.
Hats off to the real smart "lash back" at Mo3taz El Demerdash (AKA The IDIOT) and his likes in the Egyptian stupid media. They have to understand that the regime is getting weaker by the day and his moment of truth is just around the corner.
Keep up the good work. You are a fine young man with a huge fan crowd here in the US and, I am sure, everywhere else.

Posted by: Hatem | Wednesday, 26 December 2007

انا كنت بحب معتز وكنت بحب اتفرج علي البرنامج بتاعه بس بعد الطريقه الغريبه اللي عامل بيها الموضوع هفكر كتير قبل ما اصدق ليه كلام تاني
سايب كل حاجه ومتصدر في الهايفه
فيها ايه يعني اسم الموضوع
انا مش عارف والله

Posted by: some 1 | Wednesday, 26 December 2007

معتز الدمرداش دة انسان تافهة وانا كلمته شخصيا من السعودية علشان مشكلة لية ولا سال فيها

Posted by: حسن عسكر | Wednesday, 26 December 2007

اللى عاوز يعرف معتز على حقيقتة يكلم وكيل اعمالة على الرقم دة انسان تافهة زية وكمان انا كلمته عالم تافه جدا 0107203010

Posted by: ابو الزهراء | Wednesday, 26 December 2007

Sorry, Forgot to post the link to the radio station.
Here it is:

http://www.npr.org/templates/story/story.php?storyId=17611047

I am very proud of you!!!!

Posted by: Hatem | Wednesday, 26 December 2007

http://www.npr.org/templates/story/story.php?storyId=17611047

Posted by: Hatem | Wednesday, 26 December 2007

عبدالله كمال لا يعرف اسم صاحب المدونه ولا اين يكتب ويتهمه بانه عابر سبيل ومصر على ان وائل بيدعى ان اللى فى الفيديو ضابط شرطه مع ان وائل نفى ذلك تماما والعنوان ماخوذ من رسالة مرسل الفيديو اذن عبدالله كمال لا شاف الحلقه ولا دخل المدونه وبيكتب ليه فى الموضوع يا ترى هى دى اصول الصحافه انه يكتب عن موضوع هو اساسا غير ملم به ثم ان المدونين دول شباب زى الفل وليسوا مشوهين كما ادعى عبد الله كمال بدليل ان وكالات الانباء بتاخدمنهم مواضيع وصور واخيرا فزوره لقراء المدونه جريده متكومه عند بياعين الجرايد محدش بيعبرها وبتاخد دعم من دم الغلابه تبقى ايه هى

Posted by: خوفو | Wednesday, 26 December 2007

wlahy ya wa2l ya 3abbas enta ragl zay el fol we f3ln rbna ywf2k fe ely enta bet3mloooo

Posted by: shehab | Wednesday, 26 December 2007

السلام عليكم
اخى العزيز وائل
اشكر لك مجهودك وان شاء الله توفق فى حياتك وعملك ولك كل الامنيات الطيبه
لكن
اود ان اتحدث بطريقه مختلفه عن كل الاخوه
انت اخ وائل عملت الا عليك وده جهد تشكر عليه
وعن البرنامج والاخ معتز فلا تخزن البرنامج عرف ناس كتير انه فيه شرفاء فى البلد وتناوُل معتز الموضوع من وجهة نظر تانيه طبعا مش عجباك لكن لو حللت الموضوع . معتز خدمك خدمة العمر هو صحيح مدهول وبينطح فى الكلام لكنه كان فى مصلحتك فى النهايه وهدفك وصل لكل الناس والمسؤلين بالدوله
انت عملت الا عليك وزيادة
اما عن انك تحارب معتز وتجرح فيه اعتقد ده مش كويس سيبه يهبل وياكل عيش فى القناه المسكينه ديه ومتنساش ان معتز له دور زيك تمام بيبرز حقائق كتير فى المجتمع محدش يقدر يتكلم فيها وبيجيب مسؤولين كتير فى البرنامج يعمل لهم استجواب هههههههههههها بس مش زى بتاع مجلس الاغنياء والمصالح لا مجلس عرفي هههههههه
كفايه كده لحسن حد يزعل منى
فى النهايه التوفيق لكم جمياً
لخدمة الوطن الغالى مصر
تحيا مصر --- تحيا مصر

Posted by: rofaa | Wednesday, 26 December 2007

اخ وائل
نسيت اسألك عن ريم الا كانت مع معتز مشيت ليه من القناه لو عندك فكره ياريت تعرفنا موضوها ايه بالضبط وهل هى هتشتغل فى محطه تانيه ولا مش ناويه تشتغل تانى
R.rofaa

Posted by: rofaa | Thursday, 27 December 2007

اللى حصل فى برنامج 90 دقيقه ده كان مقصود
يا ترى معتز باشا تحول الى مخبر لامن الدوله
انا نفسى اعرف هو ليه عمل كده
ليه بيحاول يشكك ان الراجل اللى فى الكليب اللى بيجبر البنت انها تقلع هدومها مش ظابط مع انه كان ممكن يعمل العكس ويستضيف حد من الداخليه وياكد على انه ظابط خاصة السلاح اللى فى ضهر وطريقه اعتداءه على البنت
وزى ما قال وائل عباس فلنفرض ان ده مش ظابط بس اللى وقع جريمه يبقى نسيب الجريمه دى ونمسك فى التفاهات يا معتز افندى
معتز الدمرداش نزل من نظرى كتير
ايه التفاهه اللى كان فيها دى

Posted by: احمد نصار | Thursday, 27 December 2007

عبدالله كمال كلنا عارفين انه صحفى مرتزقه
اصلا خساره الكلام عنه واحد زيه

Posted by: احمد نصار | Thursday, 27 December 2007

اهم حاجه ياريت حضرتك تضيفها لتعليقك على الصفحه الرئيسيه ان صحبنا المذيع القوى كان قاعد زى الالف و لم يتجرا ان يفتح فمه القوى حينما اهين الشيخ الشعراوى واتقال ان تفسيره للقران هو الذى ادى لظهور زكريا بطرس و كذلك اهانه د زغلول النجار و د محمد عماره وخد دش سقع و اتوضب تمام من ضيفيه اللى قبل منك فى نفس الحلقه ..................اهم حاجه انه اول ما بدا معاك استعاد نشاطه و حيويته و اطلق العنان لفمه ذو العضلات القويه جدا و مرتحش الا اما قعد يلاعبه تمارين بس ده طبيعى انه يسكت حينما يقال له اسكت و تكلم حينما يقال له تكلم و عوده مره اخرى لموضوع كروت الشحن و الحاج رمضان الزينى و شكرا للمراسل المتالق فى عمله اللى بيتعب اوى علشان خاطر مصر

Posted by: NOTHING | Thursday, 27 December 2007

keep on hardworking wael!!!!
we all admire u & ur braveness
1 st : we all know dat mo3taz el demrtdash or wtever they call him is an idiod he is an employee in amn el dawla el 3olya & his show is a part of theory called (syaset el tanfees) they created it 2 make u fell like in a real free country !!!! but it`s fake & amr adib& mona el shazly 2 they all r employees 4 them
simply tell me F any 1 of them talked before about (el rayees) all wt they can say about recycling blastic!! onyx and it`s new name !!
folan darab 3elan !!
but they never talked in a real subject like electing or 7ousny & gimmy
am i real or not???

Posted by: FIDO DEDO | Thursday, 27 December 2007

بجد والله انت بطل كل من يحارب الفساد فهو بطل كل من يحارب الديكتاتوريه فهو بطل كل من يحارب النظام السياسى الفاشل فهو بطل كل من يحارب السيسات المتخلفه والغير ديمقراطيه بلمره فهو بطل ربنا معاك كمان وكمان انت بطل ورجل شجاع لا تخف من احد ولا من رجال الحكومه انت الله معك يجب عليك انت تتحدث دائمن عن الحقيقه والحريه لنا جميعا نحن كلنا ورائك يوائل يعباس يبطل

Posted by: kotch | Thursday, 27 December 2007

مش مشكله الملف متفبرك ولا متفبرك المهم ان انت دائمن وراء الحقيقه واحنا كلنا معاك بنسئل مين اصحاب هذا الكليب ومين الى مفبركه ومين المسئول على انت مثل هذه الاشياء تتناول بيننا نحن الشباب ةالبنات ولاطفال الصغار هل هذا مع الدين او عادات المجتمع المصرى هل هذا مستحب على قلب الحكومه كل ديه اسئله اتمنى ان يعطينى احد الاجابه ويريت يكون احد من رجال الشرطه وبعد كده يبقى يشوفو انت ضد ولا مع الحكومه ولا انت رجل تريد اظهار الحقيقه فقد ياريت والله حديقول ليه كل من يمس الحكومه فى شىء يكون مسواه السجن فى هى الديموقراطيه فى هذا هل هى حقيقه ام لا هل هو صاحب كلمه موجوده او لا ربنا معاك يعباس وتقدر دائمن تتوصل لكل جديد وجديد يفيد الشعب المصرى ويظهر الحقيقه للرئى العام

Posted by: kotch | Thursday, 27 December 2007

ماتخفشى يا وائل لو اتحبست فى ناس كتير هتمسك مكانك بس المهم انهم يكون عندهم شعبية زيك عشان كده انته لازم تامن المدونة عشان الى هايمسكها بعدك يكتب عنك ونته بتتعذب فى الاقسام

Posted by: kmpous | Thursday, 27 December 2007

معلش يا عم وائل محدش بيتعلم ببلاش، بس بيني و بينك أنت غلطت برضة لما روحت برنامج مشبوهه زي دة ، علي العموم أنت في النهاية طلت حريف و عرفت تطلع من الكمين يا معلم برافو عليك بجد
و عادي يا معلم بلد الأمن و الأمان ، من أولها كلها أمن بداية من شهادة الميلاد و حتي شهادة الوفاة

نصيبنا كدة نعمل اية

Posted by: مصري | Thursday, 27 December 2007

تحية لك يا أستاذ وائل
انا متابعة جيدة لعملك و للوعى المصرى
احييك على نشر الكليب الاخير للفتاة التى تم اجبارها على خلع ملابسها
هذا الكليب هزنى بشدة رأيته بالصدفة على قناة المحور امس صباحا فى الاعادة و صدمنى بشكل قاسى،
ليس لاننى لا اعلم ان هذا يحدث و لكن لان الصورة اقوى من اى وصف او كلمه
و صدمنى بالطبع ما سمعته من اراء تحاول اتهام الفتاه، او نفى مكان و غرض الجريمة
و لم استطع استكمال الحلقة و ما زلت مهزوزة مما شاهدت و سمعت
احييك
و احيى كل من يدفعون من سلامتهم و راحة بالهم و حياتهم الخاصة و العامة و العملية ايمانا منهم بالحق و ايمانا منهم باننا بالرغم من كوننا مصريين من حقنا ان نحيا بكرامة و شرف
و انا واثقة ان الله سيحفظك و سيكون بجانبك ايا كانت قوة و جبروت من تقف فى وجههم
شكرا على كل ما تفعل
هنا ابو الغار

Posted by: hanna | Thursday, 27 December 2007

السلام عليكم ورحمه الله وبركاته

من منا لا يعرف علاء ومنال

http://www.mixxat.com/imag/LRG59538.gif

ومدوناتهم الشهيرة على النت
لماذا حظيت مدونة علاء ومنال
بكل هذة الجماهيرية
والتى يوكد الواقع- الارقام- انها تستحقها حتى ولو كان
رايك عكس ذلك لقد جاءت المدونة وكان فئة من الناس
كانت تبحث عن مكان يتكلمون فية بتحرر
وشبه علنية وان يتحدى اخرون افكارهم بالنقاش


مدونة منال وعلاء اسم الموقع

عنوان الموقع


http://www.manalaa.net


شبكة المواقع القطريه كتبت :

مدونات "منال وعلاء" موقع متنوع لا يتوقف عند
تدوين اليوميات؛ لكنه يقدم خدمات إلكترونية مجانًا،
ويطرح خبرات العمل السياسي، والدفاع القانوني عن
معتقلي الفكر، ومما جاء في كلمة اللجنة المانحة للجائزة:
"(منال وعلاء) سيظل علامةً فارقةً في تاريخ التدوين
المصريّ والحركة السياسيّة في مصر. في مدوّنتهما
(أودلو المعلومات).. تقرأ عن حياتهما الشخصيّة،
وجهودهما في نشر نظام "اللينوكس" في مصر
والبرامج المفتوحة، كذلك تجد عالمًا حيّا من النشاط
السياسيّ، والدفاع عن المظلومين وسناء الرأي؛ بل قد
تجد مظاهرات في طور التخطيط والتنفيذ. إلى جانب هذا،
يوفّر "منال وعلاء" خدمات برمجيّة، ويستضيفان مواقع
متنوّعة، وفي مدوّنتهما قسم لتجميع كلّ ما يكتب في
المدوّنات المصريّة من مختلف أنحاء الطيف السياسيّ".

ومن هنا قررنا ان نفسح لك المجال

ايها العضو العزيز فى ميكسات ان تتحاور معهم وتسألهم
كل ما يحلو لك من أسئله
ناقشهم حاورهم
كل ما عليك هو كتابه سؤالك هنا
وسيقوم الضيفين العزيزين بالرد على جميع اسئلتكم

بسم الله نبدا

ملحوظه : قم بتسجيل البينات التاليه فى الرد الخاص بك وسؤالكالدوله :
المدينه :
الاسم ثنائى فقط :
السؤال :

حتى يتم الرد على سؤالك بشكل صريح وواضح ودون اخطاء والرد على اشخاص اخرين


تنتهى قبول الاسئله بتاريخ 3 -1- 2008 القادم ان شاء الله

Posted by: SAM Delmorad | Thursday, 27 December 2007

أنا شفت الحلقة

و معتز ده إنسان غريب جداً .. سايب كل حاجة .. الضرب و التعذيب و تقليع الهدوم و ماسك في كلمة شرطي اللي أنت كاتبها في العنوان

شيء في منتهي الغرابة ؟؟؟

طيب ما أنت كاتب بوضوح أنه ممكن يكون شرطي .. و ممكن لأ

المهم بس يمسكوا اللي عمل كده و يشوفوا عمل كده ليه

---

Posted by: علي باب الله | Thursday, 27 December 2007

السلام عليكم ورحمه الله وبركاته

تحيه الى الاستاذ وائل والى كل من علق على هذا الموضوع

واحب انااضيف تعليق ليس تعليق بل سؤال قد تسأله اى فتاه
مالفكرة من عرض مثل هذا الكليب؟هل هواثارة الراى العام؟ام شغل الناس التعبانه واللى بتجرى على قوت عيالها يوميا ومش بتلاقى فى الاخر ؟ولاادانه الشرطه؟ولاادانه البنت نفسها ؟ولاايه؟؟؟؟؟؟؟؟؟؟؟؟؟؟
حرام حرام بجد انا لاابادافع عن شرطه ولاغيره اناابس بقول انااكبنى ادمه فى البلد دى استفدت ايه انى امشى فى الشارع واخاف مثلا يتقبض عليا لاى سبب ويحصل كده ولااانى اكون فى موقف البنت دى

افرض ان البنت دى فعلا كانت بريئه واتغصبت على اللى حصل لها ده ايه بقى اللى عملته غير الفضيحه وانت وانتواجميعا متاكدين انه الكليب هيدينها فى الااخر حتى لوهى بريئه

ارحمونا بجد الواحد تعبان وخايف وبيدعى ربناانه يخرج من الدنيا مستور وبس
حاولوا تشوفولناحلول للى احنا فيه وان كان فكرة الموقع اظهار السلبيات فى بلدنا فانابقولك بكل بساطه السلبيات دى عايشنها يوميا وهنعشها فمش ناقصين

ولياتعليق اخير للساده الافاضل اللى بيعلقوا هنا بلاش الالفاظ الخارجه اللى بتتقال عيب ده مش لغه حوار ااقلها علشان نقدرر نتابع من غير مانشعر باشمئزاز من الالفاظ دى

واسسسسسسسسسفه على الاطاله

Posted by: لاحول ولاقوة الابالله | Thursday, 27 December 2007

السلام عليكم ورحمة الله وبركاته

فى هذا الموضوع ستجدوا تعليقات مطابقة لتعليقاتكم على ما تمت بثه على الانترنت والفضائيات .لا تنسوا المنتديات التى تخرج منها المدونون ...
http://www.haridy.com/ib/showthread.php?p=1228636#post1228636
شكراً للجميع

Posted by: وهبه | Friday, 28 December 2007

يا ناس يا ظالمين حرااااااام عليكم تتهمو السادة ضباط الشرطة بالباطل إنتو ليه مفتريين كدا؟؟ ليه بتعرضوا الجانب السلبي منهم و تنسو الإيجابي؟؟ليه بتعرضو أفلام التعذيب و تنسو الجانب الإنساني؟؟
طبعا أكيد مش مصدقين إنهم ليهم جانب إنساني...طب أنا عندي فيلم لأتنين ضباط ليهم جانب إنساني جامد أوي جدا طحن خالص
تخيلوا يا ناس إن الضابط بيغسل جسم مواطنة شريفة بالماء و الصابون و هيا بتستحما ..شفتو الرقة يا ناس يا مفتريين؟؟
و كمان المواطنة الشريفة ماسكة المسدس بتاعو و بتاع زميلو و لابس الباريه (واضح إنهم أمن مركزي) و حاطا المسدس على صدرها مرة و في راس الضابط و هوا بيعمل حركات تدل على الغباااااء هوا دا النموذج الإنساني الصح...
بطلوا يا ناس إفترا على أسيادنا و اللهم أجعل كلامنا خفيف على مراوحهم

Posted by: ميدو مشاكل | Saturday, 29 December 2007

خسارة تربية ماما فيك يا معتز

Posted by: kilo kabab | Sunday, 30 December 2007

انا فعلاً مع حدوث ثورة في مصر زي ثورة 23 يوليو لكن شتان بين الملك وحكومتنا دلوقتي الملك فضل إنه يخرج برة مصر ويتنحى عن الحكم ، لكن لو حصلت دلوقتي هايستعين بالجيش الذي يتمثل دوره في حالة السلم في حماية "الدستورية الشرعية" التي تتمثل في شخص رئيس الجمهورية ، يعني عملوا الدستور عشان يحموا رئيس الجمهورية من الثورات ،ولو الجيش
ماعرفش يعمل حاجة مع الثورة مش بعيد يستعين بالجيش الأمريكي أو حتى بالجيش
الإسرائيلي عشان يفضل في الحكم

Posted by: وائل | Sunday, 30 December 2007

بارك الله فيك
وأرجو لك التثبيت والسداد دائما

Posted by: tareq | Wednesday, 16 January 2008

السلام عليكم ورحمة الله
اولا انا اسف انى اقوم بالاعلان لمدونتى هعنا حيث ان هذا ليس هو الموضوع الذى يدور حوله النقاش
لكن انا مدون منذ اقل من اسبوع وانشات مدونة باسم
we are not terrorists
تحاول تصحيح صورتنا امام الغرب وتعريفهم بمن نكون وبصورتنا الحقيقية ونريهم ما نتعرض له من فظائع
اتمنى ان اجد التفاعل منكم وان تساعدونى فى هذه المدونة و
ولكم خالص الشكر
www.youth-4-peace.blogspot.com

Posted by: khaled | Sunday, 20 January 2008

لقد ىشاهدت هذة الحلقة..أنا اؤمن بمقولة..وإذا اتتك مذمتى من ناقص...فهى الشهادة لى بانى كاملُ...هذا المعتز وهو عكس اسمة تماما على طول الحلقات فى كل مرة اشوفة أقول فى داخلىصفة منطبقة علية وهى ثقل الدم والغلاسة..حقيقى..ولا ينفع إلا ان يلتقى فقط بالفنانات واللاتى يجدن عندة المدح والغزل فى جمالهن والاطراء عليهن..لقد لاحظت فية شئ وهو عدم الموضوعية بمعنى انة دائما ما يكون فى صف الحكومة والشرطة ..لماذا؟؟لا ادرى قد تكون لة مصالح عنهم وهذا اكيد...اما وقد تسألون لماذا اجلس أمامة على التلفاز أقول لكم أن البرنامج فى حد ذاتة جميل فى اختيار الموضوعات والشمولية ينقصة أن "ينجلع عنة هذا الشخص"وينجلع بالبدوى يعنى يترك البرنامج دون رجعة..اتمنى ان اكون وفيت وكفيت ..لقد راتاح ضميرى الان

Posted by: بنت سيناء | Saturday, 21 June 2008

wallah kan bayan ino mo3taz 3awez yikhabi chatartak kan rayran minak ktir li ano hakakt najah aktar mino
konte wadeh ktir inta ya wael
ana habite ktir joretak
illi madakhalchi 3aeli lih mo3taz 3amal kidah
lih nisi al mawdo3 we rah lazee fi soal min awal al halka
yemken kan 3awez ye3mel kadeau li al hokoma
bas ma3rifch yi3mil ih al jaw kan mich monasib
ansaho yidawar 3ala haga tanya tinfa3o we tinfa3 al hokoma
wala ahsan yinsihib min albarnamaj aw yigib roby yitkalem ma3aha ahsan lo yib3id bas yinsa ino amam garima la akhlakiya da 3ib 3alih
3ala fikra mo3taz fakad misdakiyto ktirrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrr

Posted by: naziha | Wednesday, 21 January 2009

منك لله يا عم وائل .... قلِّبت علينا المواجع وفكرتنا بعجل الزرايب اللي كان بيستميت في الدفاع عن ممارسات الشرطة - اللي كانت أحد أهم أسباب ثورة 25 يناير - وحالياً عامل فيها ثورجي وأحد زعماء الإعلام المناصر للثورة. الله يرحم شهداءنا اللي ضحوا بأرواحهم عشان تطهير يلدنا من أنجاس الداخلية والإعلام وكل أصحاب الأقنعة القبيحة

Posted by: مصطفى عرابي | Thursday, 30 August 2012

Post a comment