الوعي المصري

جنازة الأستاذ أحمد نبيل الهلالي
الملقب بقديس الشيوعيين في مصر



السيارة التي حملت النعش

النعش في طريقه لمسجد عمر مكرم

داخل المسجد























الحلوين رغم إنها جنازة كانوا واقفين على الرصيف التاني
وأنا بعدي الشارع سامع واحد فيهم بيتكلم في اللاسلكي وبيقول أيوة يا فندم أربعين واحد واقفين بره الجامع مش عارف يعني مستني الطرف التاني على اللاسلكي يقول له إيه مثلا؟ يقول له ده تجمهر يا روح أمك إنت إزاي سايبهم يللا أقبض عليهم؟







ولو سألتهم بتعملوا إيه ها يقولولك بنحمي الجنازة مش عارف ها يحموها من إيه من الإخوان مثلا؟ ده حتى مهدي عاكف بيصلي جوه















المستشار محمود حمزة حضر الجنازة



يضعون النعش حتى يصلى عليه صلاة الجنازة

مهدي عاكف المرشد العام للإخوان المسلمين تقدم صفوف المصلين



الأستاذ مجدي حسين

كل التيارات السياسية كانت موجودة في الجنازة



مهدي عاكف







وشيعت الجنازة في مزيج من آيات القرآن والأدعية والهتافات الشيوعية في نفس الوقت









وإتجهت قافلة المشيعين نحو مدينة السادس من اكتوبر

القافلة في طريق المدافن





























مش عارف جايين يهببوا إيه دول حتى في المدافن
يمكن عاوزين يصنفوا الملايكة اللي ها تحاسبه ويشوفوهم إخوان ولا شيوعيين
شاهد فيديو للجنازة

إضغط هنا
-
سرقة تليفون السفير الأمريكي بالقاهرة
أنا إسمي مكتوب؟؟؟

الوعي المصري تدعو سارق التليفون لإخبارنا بقائمة الأسماء على المحمول عن طريق إرسالها على إيميل الجريدة ونعد بإبقاء شخصيتك سرية ونعد بنشرها كاملة وهو ما لن تجرؤ أن تفعله أي جريدة
وليك الحلاوة يا عم
-
رسمة هندسية لزنزانة المعتقلين
رسمها الزميل أحمد ماهر أثناء إعتقاله وهو بالمناسبة مهندس

إضغط على الصورة لتكبيرها

إضغط على الصورة لتكبيرها
نقلا عن مدونة منال وعلاء
-
حول حقوق الملكية والعلامة المائية
والفرق بيننا وبين المحتكرين السفلة

الصورة من وكالة جيتي إيميدجيز لاحظوا العلامة المائية وهكذا تعرض الوكالة صورها على الموقع قبل بيعها والوكالة تبيع لرويترز وإيه بي والفرنسية
أكثر ما إستفزني وكاد أن يخرج مني وائل البذيء الذي أحرص أيما حرص على أن أبقيه في قمقمه هو تعليق لأحد الحمقى الذي لا أشك لثانية واحدة في أنه يتبع جهة ما إما يهمها الإحتكار و أو سرقة مجهود الآخرين وكان تعليق هذا الأحمق هو أنه يلوم الوعي المصري على حملتها على الشيخ صالح المحتكر وكيف يكون ذلك ونحن الوعي المصري نفسنا ندعي لنفسنا حقوق ملكية ونضع علامة مائية على صورنا
إلى هذا الأحمق وكل من على شاكلته أقول هل تحتكر الوعي المصري صورها؟ هل لا تسمح لأحد برؤيتها؟ هل تدفع أيها الأحمق رسوم عند دخولك الموقع هنا؟ هل الموقع مشفر يا تافه؟ هل الوعي المصري فعلا لا تمتلك تلك الصور؟ هل نحن إشترينا حق عرضها لنحتكرها ؟ هل يجب أن أضع الصور بدون علامة مائية حتى يسرقها الصحفيون الجشعون؟ هل يبيع هؤلاء الصحفيون صحفهم المطبوعة مجانا؟ المصورين الذين يعملون لتلك الصحف هل يعملون مجانا؟ أم يتقاضون أجر أو ثمن للصور التي يمدون الصحيفة بها؟ من يسرق صوري هل يتصل بي من نفسه ويقول لي عاوز كام قصاد اللي سرقناه؟ هل حتى يذكر المصدر الذي استقى منه تلك الصور؟ سيبك من حقوقي المادية هل يحافظ على حقوقي الأدبية؟ هل تعلم أن جميع وكالات الأنباء تضع علامة مائية على صورها قبل أن تبيعها؟
لكن دعنا نتكلم عن الشيخ صالح وسيبنا من كاس العالم وحتى الدوري المصري اللي ها يتشفر ودعني أسألك اين تراثنا السينمائي من الأفلام القديمة والنادرة؟ مش هو اللي إشتراه؟ لو عاوز تتفرج على الأفلام دي تروح فين؟ مش لازم تدفع للشيخ صالح؟ والشيخ صالح ده مصري ولا سعودي؟ وإزاي سعودي يحتكر تراث السينما المصري بتاعنا؟ بس علشان عنده فلوس؟ هو الشيخ صالح كان بيغني بدل سعاد حسني؟ ولا بيرقص بدل تحية كاريوكا؟ بيعرف يصور؟ يخرج؟ يعمل مونتاج؟ بيطبع ويحمض؟ بيكتب سيناريو؟ أومال إيه معاه فلوس وخلاص؟ يعني من حقه ياخد الأفلام دي يعمل بيها اللي هو عاوزه؟ يحرقها مثلا؟ يعني تيجي إسرائيل مثلا تشتري حق عرض فيلم الرصاصة لا تزال في جيبي وأبناء الصمت وأغنية على الممر وجميع افلام حرب سته أكتوبر مثلا؟ وها يعملوا بيها إيه؟ ها نقول حقها؟ تولع فيهم؟ وتمسح ذكرة البلد؟ ها تقول لولادك إيه اللي تاريخهم إتمسح؟ تفتكر أمريكا ما معاهاش فلوس تشتري حق عرض الهرم الأكبر وأبو الهول؟ وتقفلك منطقة الهرم وتشفرها ويا تسمحلك يا ما تسمحلكش تشوف تاريخ جدودك؟؟؟ فلوسهم بقى وكما قال أحد الحمقى من حكم في ماله ما ظلم؟؟؟ ويشيلوا راس أبو الهول ويحطوا مكانها راس إبراهام لنكولن مثلا؟؟؟ أو راس بن جوريون حتى؟؟؟
وائل عباس
-
في تصويت الوعي المصري
المصريون قالوا للشيخ صالح جاك كسر حُقك
كان موضوع التصويت ما رأيك في إحتكار الشيخ صالح كامل وقنوات الآرت لإذاعة مباريات كأس العالم وحرمان المصريين منها؟
وكانت النتائج كالتالي

مجموع الأصوات 2007
حَقه وبفلوسه يشتري اللي هو عاوزه (187)	9%
جاته كسر حُقه (1828)	91%

وكما ترون بلغ عدد من رفضوا الإحتكار عشرة أضعاف من تقبلوه
ويمكنك قراءة التعليقات هنا
-
سر تشفير مباريات كأس العالم

الكاريكاتير نقلا عن عرب تايمز
السر هو ان الشيخ صالح كامل راجل وطني
غيور
عاشق لتراب بلده
عزبة ومزرعة وإقطاعية آل سعود بعبيدها المسماة على إسم جدهم الكبير وشركاهم آل بوش
ما خلصوش كل الناس تشوف بلده وهي بتتهزم اربعة صفر النهاردة من أوكرانيا
ومن كتر وطنيته قلبه كان حاسس
فقال يداري الفضيحة ويكفي على الخبر ماجور
فقام شاري حق عرض مباريات كاس العالم
وشفرها
لكن اللي حصل حصل والفضيحة الآن بجلاجل
وأوووووه يا سعووووودي

الكاريكاتير نقلا عن عرب تايمز
-
البيض بيضك

لست معتادا على مشاهدة القنوات الحكومية المصرية من ساعة ما ربنا فتح عليا وجبت ديش لكن علشان كنت منتظر برنامج في العمق بتاع رولا خرسا اللي كان ها يذيع حلقة عن المدونين وقالولي ها يتذاع الساعة العاشرة وللأسف إتذاع الثانية عشر لإن تلفزيون بلدنا ما بيحترمش المشاهدين ولا مواعيدهم يعني أنا لو ظابط الفيديو على الساعة عشرة ها يسجلي حاجة تانية واروح الاقي حاجة غير اللي عاوز اسجلها ولحظي العاثر كانت الحاجة دي هي برنامج البيض بيضك اللي فعلا فقعهوملي وقلت معلش اديني مستني البرنامج اللي بعديه لكن اللي خلاني عاوز اشيل التلفزيون اهبده في الارض هو احد المذيعين الفرافير اياهم اللي ما اعرفش اساميهم ولا عاوز اعرفها كان بيعلق على موضوع الشيخ صالح وكاس العالم وقال حاجة مش فاكرها أوي من كتر الصدمة اللي شعرت بيها وقتها وكان معناها ان الشيخ صالح ربنا يخليه لحق كاس العالم في الاوكازيون واشتراه علشان العرب ولولاه ما كناش ها نعرف نشوف كاس العالم خالص
يا عالم إختشوا دانتم عاوزين ضرب الشبشب على بوزكم
-
المدونون يخترقون عمق الإعلام المصري
برنامج في العمق - القناة الثانية

إضغط على الصورة لتشاهد أجزاء من الحلقة
أثارت هذه الحلقة جدلا كبيرا في أوساط المدونين والمتابعين لهم والنشطاء السياسيين
فالبعض إتهمنا بالإبتذال والسعي للظهور باي طريقة أو أنهم ضحكوا علينا وإدونا على قفانا أو إن فيه محاولات حكومية لشراؤنا وإسكاتنا
تعالوا خدوا عقلي وسيبوني أمشي حافي شوية
لما واحد إسمه عند أمن الدولة مطلوب ومتلفقله ست قضايا أمن دولة زي حضرتي يدخل مبنى الإذاعة والتلفزيون ضيف زي الباشا وكمان يطلع على القناة الثانية مكسب ده ولا مش مكسب
لما الحلقة تغطي حفلة نظمها المدونين لجمع تبرعات للمعتقلين مكسب ولا مش مكسب
لما تذكر أسماء المدونين ومدوناتهم وبعضهم معتقل وكلهم معارض ده مكسب ولا مش مكسب
تعالوا كمان نشوف كرم جبر كاهن جريدة روزاليوسف جريدة لجنة السياسات كتب إيه عننا
صحافة «أولاد الشوارع» هى الهم الذى ابتلينا به، ومعظمهم لا يحملون بطاقات نقابية ولا عضوية نقابة الصحفيين.. اللغة أصبحت متدنية، والهجوم لا يعرف شيئا عن أخلاقيات المهنة ولا سلوكياتها.. و«قليل الأدب» هو الذى يفرض رأيه على الآخرين بالقوة.. أصبحت هذه الصحف مثل القاطرة التى تقود البلاد بسرعة كبيرة إلى هاوية. صحافة «ولاد الشوارع» لم تترك شيئا إلا لطخته ولم تترك رمزا إلا أهانته، ولا سقف عندها ولا ميثاق شرف ولا مبادئ ولا ضمير، وصحفيوها الذين اغتصبوا لقب صحفى يستخدمون أقلامهم بنفس طريقة استخدام المطاوى والسواطير، ليس لهم ماض ولن يكون لهم حاضر ولا مستقبل! صحافة «أولاد الشوارع» تظن أنها تصنع الحرية، ووجدت ضالتها الكبرى فى المظاهرات وأجواء الحراك السياسى، فانطلقت دون ضوابط قانونية أو مهنية تهدم كل شىء وتنشر الفوضى وروح التمرد والعصيان، وتسللت إلى مشاكل القضاة والصحفيين والمحامين وغيرهم، تعبث بقضاياهم وتزج بها فى طريق مسدود، حتى يحدث الصدام الذى تحلم به وتسعى إليه. والسؤال هنا: ماذا يفعل مسئول أو حتى مواطن عادى إذا «شبط» فيه صحفى من «أولاد الشوارع» وكيف يدافع عن نفسه ويأخذ حقه؟
طيب لما ولاد الشوارع دول يطلعوا في التلفزيون الحكومي المصري مش كده يبقوا طلعوا لسانهم لواحد زي ده
كمان تعالوا نشوف قال إيه في مقال قبل الحلقة بكام يوم وكان الواد كان قلبه حاسس يا عيني
وأخشى ما أخشاه هو أن ينجحوا فى التسلل إلى التليفزيون المصرى فيصبح ملاذا هو الآخر للمناضلين الجدد ويفتح أبوابه وبرامجه لمن يهاجمون الدولة والحكومة إما إتقاء لشرهم أو سعيا لكسب ودهم وفى الحالتين سوف تفشل عملية «اتقاء الشر» أو «كسب الود».. التليفزيون مازال صامدا
مش بكده يبقى خد على قفاه كمان
كل ده وتقولولي مش مكسب
ولا هو إحنا يعني لما نطلع في التلفزيون المصري لازم نطلع نقرا بيان رقم واحد يا إما بلاش
-
المدونون المصريون على مجلة شتيرن الألمانية

أوسع المجلات إنتشارا في ألمانيا واوروبا

إضغط هنا للتكبير
معلش ما فضيتش أترجم الصراحة بس هو كلام كويس يعني الحمد لله
والعدد ده إتنشر في وقت ألمانيا مليانة أجانب بيشوفوا كاس العالم وأعتقد إن توزيعه ها يكون عالي جدا
-
إعلانات العرب مؤمنة وبنت ناس ومحترمة
وما تعرفش الحاجات الوحشة دي

حد بيشوف إعلان كوكا كولا بتاع كاس العالم؟
شفتم أنهو نسخة؟
بتاعة الحرامي ولا بتاعة عشيق الزوجة؟
لو إنتم في الدول المنافقة المسماة بالدول العربية أكيد شفتم نسخة الحرامي
أما في أوروبا فعندهم نسخة تانية
الإعلان بيعبر عن إزاي الناس بتنسى خلافاتها وبتوحدهم كرة القدم وجايبين طباخ وفرخة وشجرة وحطاب وذبابة ومضرب ذباب وبالونة وصبار وعالم وفأر تجارب كل دول لما بيسمعوا ان فيه جول جه بيحضنوا بعض وبينسوا مشاكلهم وبيبقوا أصحاب أما آخر جزء من الإعلان فيذاع في الدول العربية واحد نايم مع مراته بيتفرجوا على ماتش وبعدين لما بييجي جول فيه واحد بيخرج من الدولاب لابس حرامي والزوج بيحضنه أما في الإعلان الأصلي فبيخرج عشيق الزوجة بملابسه الداخلية وهو والزوج المخدوع بيحضنوا بعض

هذه هي اللقطة اللتي تخفيها الحكومات العربية علشان إحنا شعوب قاصرة وقطط مغمضة مش عاوزين يفتحوا عنينا إن فيه ستات بتخون إجوازها اللهم إحفظنا وحاجات وحشة كده بتحصل في العالم
ويمكنك مشاهدة الإعلان على الوصلة التالية نسخة بالإيطالية
http://meems.imeem.com/LXf1x1EL/video/dMWPGZBb
-

-
العدد لم يكتمل بعد
تابعونا
-
آخر تحديث لهذا العدد بتاريخ
Friday, 23 June, 2006 04:02:27 PM

جديد - المزيد من القنوات المفتوحة لمشاهدة كأس العالم
سبع قنوات جديدة - أنظر الجدول
-
المعتقلون يدلون بشهاداتهم أمام نقابة الصحفيين

الوقفة التي سبقت الجلسة أمام النقابة





جمعية أصدقاء البيئة كانت على الرصيف الآخر





الله يسامحك يامه كان نفسك أطلع ظابط
أديني قاعد حاطط إيدي على خدي

أنا أول مرة أحب ... حبيت واحدة في طب
لكن لما حلقتلي ... أدمنت أقزقز لب

خ خ خ خ خ خ خ



المعتقلين غنوا أغاني ألفوها في السجن





أما بالنسبة لجلسة الإستماع فكانت فاشلة بصراحة بسبب طريقة إدارتها
مما دفع بعض المعتقلين إلى عدم حضورها من أساسه كما إنسحب آخرون في منتصفها ولم يدلوا بشهادتهم احتجاجا
كان يجب عدم مقاطعة المتحدثين لاسباب سخيفة كالوقت والتكرار فكل معتقل تجربته مهمة وشخصية وخاصة ومهمة
ومن أمسكوا الجلسة بصراحة من محبي الظهور والرغي وإتكلموا أكتر من المعتقلين









سامعكم













فيديو لليوم
هتاف يا ظابط وأغنية الله معاك التي ألفتها المعتقلات في السجن

بعد الستين يا ظابط ... ها تشيل الطين يا ظابط
إضغط هنا لتشاهده
-
لقطات من حملة المرحوم عبد الله رزة الإنتخابية العام الماضي













-
إعلام الريادة ومقتل الزرقاوي

-

مبارك ... بدون تعليق
الصورة من مجهول
-
قولوا معايا كفاية إحتكار



فرمان آرت السلطاني بحرمان شعب خرسيس أدب سيس من كأس العالم
-
فضيحة آرت بالوثائق
بينما تجعر علينا فضائيات الآرت بحقوق ملكيتها الفكرية والتي منها أن تصادر مباريات كأس العالم وتحرم الناس من مشاهدتها ويجعر علينا دعاتها المـتأسلمين الجدد من فضائية إقرأ بأن السرقة حرام والنسخ حرام ووصلات الديش حرام تستحل الآرت السرقة لنفسها وتعتدي على حقوق ملكية الغير
قاطعوا إستغلال الآرت وإحتكارها
الآأأأأأأأأأأأأأأأن

إضغط هنا للتكبير

إضغط هنا للتكبير
-
عمرو خالد بيعمل بلقمته ويساند الحرامية والمستغلين

سبق وكتبت عن عمرو خالد أنتقده وأنتقد ظاهرته وأفند القيمة التي يزعمونها له وأبين خطره وكان كل هذا لوجه الله وحبا في دين الله وخوفا عليه مما يعلق بأثوابه من الطفيليين الأرزقية الذين يسطحونه ويهيفونه علشان خاطر شوية فرافير بنحطلهم الدين في البزازة أو بنعمله سندوتش تيك أواي علشان يبقى لذيذ
لكن اليوم أكتب عن عمرو خالد كموديل وممثل إعلانات ... أي والله ... فعمرو خالد الموظف في آرت بيعمل بلقمته وبيمثل إعلانات علشان خاطر عيون الآرت وبحكم ما هو مشهور به فبالطبع سيصير محتوى هذه الإعلانات في قلوب الفرافير من مريديه محل الفتوى الدينية الملزمة والتي من يخالفها هيخش النار ياي وكده
ضجت المنطقة العربية كلها من إحتكار الآرت لإذاعة مباريات كأس العالم الأخير في ألمانيا ووجدت الآرت نفسها محل اللعنات والبصاق والضرب بالنعال من كل من تضرر من إحتكارها الحقير فماذا تفعل لتجمل وجهها العكر ... فتفتقت قريحتها عن صنيعة صفاء أبو السعود الداعية الروش طحن أبو خدود بتلمع عمرو خالد وهو خير من يمثل ما تقدمه آرت من قيم للمجتمع الإسلامي ليدافع عن قذارة وإحتكار وإحتقار آرت للجماهير وإستغلالها ونهبها لهم فهل علينا سي عمرو بخدوده الأحمريكا علشان يفهمنا ألف باء إعلام وألف باء إعلان في نفس الوقت فقال بسلامته أن مشاهدة كأس العالم بطريقة - غير شرعية - خطأ ... فعلا يا عمورة لازم نشوف المباريات على مذهب الإمام صالح وزوجه رضي الله عنهما وذلك بدفع ما إرتضياه من إشتراكات نظير كروتات تفك الشفرات
طب دي كان الفتوى الدينية بتاعة سي عمرو نيجي بقى لحبيب الكل سي عمرو وهو بيتكلم في الإعلام والإقتصاد وبينظر ويتحرى التنظير ويقول ويتساءل في براءة منقطعة النظير كيف للمحطات التلفزيونية - يقصد في قلبه طبعا ولا مطلع على القلوب إلا الله محطات الشيخ صالح - يا حبة عين أم دي محطات أن تنفق على نفسها دون أن يدفع المشاهد ثمنا بطريق الإشتراك لغرض سامي ومهم وشريف وعفيف وهو أن يتطور الإعلام.
هو محدش قال للواد عمرو ده إنهم إخترعوا حاجة إسمها أم الإعلانات؟؟؟ وإن معظم محطات العالم بتقدم محتوى مجاني للمشاهدين نظير إنها بتاخد من وقتهم وعمرهم وتركيزهم فيما يشاهدون وإعصابهم وفقع مرارتهم في مشاهدة السخيف والسمج من الإعلانات التي يلهفون من ورائها البلايين التي تفوم ملاليم الإشتراكات ؟؟؟ ألف باء عولمة إعلام أهه !!!
ألف تحية لمحطات التلفزة الفلسطينية الأرضية وتلفزيون فلسطين الوطني فهم الوحيدون الذين تشجعوا وتحدوا جبروت الآرت الذي لم تقدر عليه حتى وزارة الإعلام في عهد حركة حماس المقاومة التي أرسلت لهم الإنذارات والتهديد والوعيد لينصاعوا لأوامر صالح وحرمه وأذاعوا ماتشات كأس العالم مجانا للشعب الفلسطيني وضربوا الآرت على قفاها أما هنا في مصر فقد آثر المصريون شراء الدش الغالي الذي يلتقط الأقمار الأوروبية بقنواتها التي تحترم شعوبها وتذيع ماتشات كأس العالم نكاية في الآرت حتى لا يدفعوا مليما لها
وتسقط الآرت التي أصبحت مثل حكومتنا المصرية التي تعاملنا كالأغنياء ففرضت الجمارك والإتاوات على كل شيء حتى أصبح المواطن المصري ميسور الحال يشتري السيارة لتعفه عن ركوب وسائل المواصلات الغير آدمية بأضعاف ما يشتريها هي هي نفس الماركة والموديل المواطن الأمريكي الذي يتقاضى راتب أضعاف مضاعفة مما يتقاضاه المصري على الرغم من أن حكومتنا لم يكن لها ناقة ولا جمل في تصميم وتصنيع السيارة تماما هو حال الآرت التي لا ناقة لها ولا جمل في جول أو آوت واحد في ماتشات كأس العالم إنما هي مجرد سمسار وقومسيونجي ومرابي يستغل الجماهير

قديما أخطأ الشعراوي على كل ما له من محبة وتوقير في قلبي أنا شخصيا وفي قلوب المصريين وعرفان بعلم إستفاد منه الناس جميعا مجانا حينما تبنى شركات توظيف الأموال النصابة ثم إعترف بخطأه وندم أشد الندم حتى مماته أنه شارك بدون علم في تلك المهزلة ... والشيخ الشعراوي لمن لا يعلم لم يتمسك بحقوق ملكية فكرية أو يعطي هذا أو ذاك حق طباعة أشرطته أو كتبه وترك من يطبع يطبع ومن ينسخ ينسخ على عكس الأقزام من دعاة اليوم الذين فلقونا بأن نسخ أشرطتهم وتسجيل برامجهم حرام شرعا ... فمتى يختشي أمثال هذا العمرو على دمهم مع الفارق الكبير في العلم والمكانة عن الشيخ الشعراوي ... فبعد أن فقعونا بتسطيحهم للدين ها هم يدلون بدلوهم في العمل الإعلامي والإعلاني وها هو العمرو يعمل كموديل إعلانات مستغلا شهرته ليدافع عن مبدأ الحرامية والهليبة إدفع لتشاهد ومنافسا لأجدع مزة إعلانات ولا أستغرب أن يقوم بدور مثلا في فيديو كليب كموديل رجالي مع إليسا أو هيفاء يتمايصوا عليه في أول الكليب وبعد كده قال يعني هداهم ولبسوا الحجاب في آخر الكليب وأهو كله في سبيل الدعوة يا مسلمين ... خلاص عمرو عمل كل حاجة لنجوميته وما بقاش إلا الإعلانات وكأن مركب الخرا ناقصها قلوط
وائل عباس
مقال سابق عن عمرو خالد
عرب تايمز
دنيا الوطن
صوت العراق
 -
ملحوظة

أخبرني أحدهم أن قيمة إشتراك آرت 1100 جنيه
بينما ثمن ديش يستقبل القمر الأوروبي هوت بيرد لا يزيد عن 450 جنيه فقط
وعليه ألف قناة أوروبية
-
مفاجآت حول الفيفا وكأس العالم

الفيفا مسجلة في سويسرا كشركة لا تهدف إلى الربح
لا تدفع الفيفا الا 4% فقط ضرائب بسبب هذا
فشلت الفيفا أمام القضاء الفيدرالي الألماني في فرض الحماية على شعار كأس العالم 2006 كعلامة تجارية
-
شاهد كأس العالم مجانا

طبعا الناس بتقول وائل اتجنن يا جدعان وشاغل نفسه بكاس العالم مع انكم لو تعرفوا اني ماليش في الكورة خالص ونهائي وباتريق على من يهتمون بها واخر معلوماتي عنها هي ان الخطيب كان بيلعب للنادي الاهلي وحسن شحاتة للزمالك وحسام وابراهيم حسن كانوا في الاهلي وحولوا مسار للزمالك ووالله العظيم باسمع اسماء زي متعب والحضري ما اعرفش هما بيلعبوا لانهو فرق بس انا موتي وسمي الاستغلال والاحتكار واللي الارت بتعمله ده زي الزفت ولازم يتحارب لان للاسف وجدت قلة قليلة من بين الناس العادية متفهمة ما يفعله الشيخ صالح وبيقولولي الراجل دافع تمانين مليون يا حبة عين خالته

بعض المحطات على الأقمار الأوروبية حيث تستطيع مشاهدة كأس العالم
وشكر خاص لرؤوف جمال

فتابعوا تلك القنوات
وما تخلوش حد يمشي كلامه عليكم
ولا حتى تسمعوا كلام عمرو خالد اللي بيقول ان مشاهدة كاس العالم بطرق غير مشروعة حرام
وابقوا قولوله اومال فين يا بتاع حواديت الصحابة قصة عثمان ابن عفان لما اشترى بئر رومة من اليهود بعشرين الف درهم بعد ان كانوا يحتكرون المياة وجعله سبيل للمسلمين مجانا
وائل عباس
-
المدونات المصرية
على التلفزيون الحكومي المصري القناة الثانية

الصورة من أرشيف الوعي المصري
تتناول حلقة الإثنين القادم من برنامج في العمق والذي تقدمه رولا خرسا المدونات المصرية والبرنامج يعرض على القناة الثانية الساعة العاشرة مساء وهو من إنتاج قطع الأخبار
وربنا يستر
-
هل هي بداية لحجب المدونات

أخبرني صديق مشترك بخدمة تسمى فاميلي إنترنت تقدمها شركة تي داتا بغرض ظاهري وهو حجب المواقع الإباحية عن الأطفال بأن جميع المدونات محجوبة عن مستخدمي تلك الخدمة
-
قفشات برلمانية

بعد ما حدث بين طلعت السادات وأحمد عز يبدو أن فتحي سرور وجدها مادة دسمة للتنكيت فبعد الواقعة بعدة أيام في بداية الجلسة سأل سرور الأعضاء لابسين الجزم ولا جايين حافيين كما علق على جبيرة العضو سعد عبود وذراعه المكسورة قائلا مين عمل فيك كده أكيد طلعت السادات
-
ما قل ودل
أليس طريفا أن يكون بمقدورك اعلان رفضك للتوريث ولسياسات النظام عبر رسالة تبعثها للبيت الأبيض، ولا يتاح لك ذلك بأي وسيلة في بلدك مصر، وعلى الأقل ففي الحالة الأولى ستبقى معافى في بدنك آمنا في سربك، وستتلقى ردا مميكنا عبر البريد الإلكتروني يفيض رقة وأدبا
أما في الحالة الثانية، وعلى فرض أن رسالتك وصلت لقصر عابدين، فسوف تتلقى الرد من خلال بريد مباحث أمن الدولة، وسيكون مكتوب على ورق مقوى، ولا داعي للتذكير بالمكان الذي سيتم وضع الرد فيه
طارق جابر
-
آخر تدوينة لعلاء من طرة

كالعادة تبدأ تدوينتي بوصف صعوبة الكتابة من السجن وبإستخدام تكنولوجيا بدائية زي الورقة والقلم. وطبعاً السجن غير أفكار كتير وإلخ.
المشكلة المرة دي إن حالتي المعنوية تحسنت فجأة كده وزي ما كان صعب أستوعب وأشرح حالتي السيئة صعب برضه أشرح حالتي الكويسة.
إبراهيم صحاري (اللي إترقى من درجة زميل حبسة لدرجة زميل زنزانة) كل شوية يقولنا على قصيدة لمحمود درويش بيقول فيها "حريتي .. اتساع زنزانتي" وفعلاً بعد نضال وسجال وتفاوض وإضرابات وأفشخنات إنصاعة إدارة السجن وجمعتنا كلنا في زنزانتين (ماعدا أربع زملاء إتنقلوا سجن تاني خالص وقت الإضراب الأخير ولسه مارجعوش).
لحد الأسبوع ده كنت متشحطط في زنازين الأموال العامة في العنبر القديم. وكان المفروض ننضم لباقي الزملاء كل يوم في الفسحة الصباحية لكن إدارة السجن كانت كل يوم تستهبل وتاكل علينا ساعتين من الفسحة.
المهم بعد ما اتنقلت لزنزانة كل الى فيها زملاء من كفاية والكثافة السكانية فيها منخفضة، إكتشفت إن نص الكئابة اللي كنت فيها كانت بسبب الزنزانة والعنبر مش من السجن والحبسة، لدرجة أني لأول مرة من شهر ألاقي نفسي مبسوط..
لكن ده ممنعش إن الموقف لسه عبثي. بعد تجديد النيابة الأخير بقيت حاسس إننا في برنامج Reality Show زي Survival.
مجموعة من الأغراب مرمية في مكان معزول والإختبار هو مين هيستحمل للآخر والهدف تسجيل الدراما اللي بتحصل بين الناس. مين هيتوتر ويفرقع، مين هيلاقي نفسه وجهاً لوجه مع شخصية لا يمكن يبقى فيه عمار بينه وبينها. مين هيعمل حلف مع مين ضد مين ومين بالعكس هيلعب دور إيجابي ويحتوي الآخرين ومين هيمشي تايه مش واخد باله من اللي بيجرى.
وطبعاً فيه اهتمام خاص باللإفيهات والقفشات. وبتخيل جمهورنا من رجال مباحث ونيابة أمن الدولة وهما بيصوتوا كل 15 يوم على مين يخرج من اللعبة. تصور كده النائب العام بيتصل بـ 0900666 عشان مالك يخرج.
لكن بما أن البرنامج مصري والإنتاج حكومي لازم العملية تقلب ملل بعد شوية ويبقي مافيش أحداث جُسام. بعد 45 يوم البرنامج بقى أقرب لمعسكر في مركز شباب طره.
تخيلي كده لو مركز شباب طره عمل معسكر للأطفال أكيد الأطفال اللي هيروحوا هيروحوا غصب عنهم. وأكيد البيروقراطية المصرية والعقلية السلطوية هتتحكم في إدارة المعسكر بحيث تطلع عين الأطفال، وهتلاقى قائمة ممنوعات قد كدة وهتلاقى أي شنطة الأهل يبعتوها بتتفتش. وبما إنك عيل صغير، مش بأيديك تسيب المعسكر إلا لما المعسكر يسيبك. ومؤكد مؤكد الأنشطة اللي ممكن تمارسها هتبقي بنفس درجة تنوع السجن.
ممكن تلعب كرة طائرة أو كرة سرعة (طب بالزمة كرة السرعة دي موجودة في أي حتة غير سجون وزارات التربية والتعليم والشباب والرياضة والداخلية؟) أو بنج. وممكن برضه تستحمى وتاكل وتتفرج على التلفزيون. ولو ليك في الثقافة تقدر تقرأ كتب أو ميكي. أي خدمة.
وبرضه فيه ناس مُسلّية تتكلم معاهم. وفيه زيارتين في الأسبوع ورحلة لحديقة النيابة كل أسبوعين. وبعدين السجال مع الإدارة ساعد على مرور الوقت بسرعة. اللي مضايقني بس إن كأس العالم هيفوتني.
يادي النيلة التدوينة دي مش عجباني بس مش لاقي الماوس عشان أطلع فوق وأظبّط فيها. المهم يعني إن أنا واللي معايا كويسين جداً ومبسوطين. نفسنا نخرج صحيح لكن قادرين نستحمل 6 شهور كمان على الأقل (طالما لجنة الإعاشة شغالة) وبعدين محدش بيفرح بإختياره عشوائياً للإفراج وزمايله وأصدقائه لسه جوه (أسألوا مالك كده).
ياللا سلمولي على العمرانية.
-
متباعة متباعة

عزيزي وائل
تحية طيبة علي مجهوداتك الرائعة التي كم تمنيت ان اشارك فيها.........سريعا اعرفك علي نفسي
محمد مصطفي.....كلية هندسة..... من محافظة سوهاج جنوب الصعيد ومقيم في القاهره
ولكن هذا لا يمنعني من ارتباطي بأرضي وأهلي وكثير من العلاقات المتشعبة الصعب وصفها التي تربطك بأصولك
لن اطيل عليك كنت في البلد وحجزت تذكرة علي قطر الساعه 10,15 ففوجئت بالقطار يصل الساعه 12,30 مما سببلي مشاكل كثيرة في تدريبي بأحدي شركات المقاولات.....وحينما سألت ناظر المحطة عن سبب التأخير قالي فيما معناه ان(ملكش دعوة)
فهجت وثرت وصوتي علي وأنضملي 10 من المرتبطين بمواعيد مثلي وكانت هتقلب بغم لولا وصول ظابط الشرطة المسئول عن المحطة فقال لو عندك معاد الساعة 5 يادوب تركب قطر يوصلك 2 عشان تعمل حساب الظروف
وعند وصول القطار ففوجئنا ب6 عربيات ب�