الوعي المصري

نحن نحب مصر

Posted by: محمود | Monday, 18 April 2005

السيد المحترم/مدير الموقع
بعد التحية
أهنئك علي هذا الموقع الممتاز وأتمني له الاستمرار ولي سؤال بسيط وهو أليست هذه الحركة نفسها هي التي أسقطت الحكم في اكرانيا بدعم من الأمريكان هل هناك دعم أمريكي للحركة يفقدها مصداقيتها أود أن أعرف لك خالص شكري وقبول تسجيلي لديكم
يسري زيدان

Posted by: yousry | Friday, 22 April 2005

نعرف جيدا ما يقصده البعض من الذين يشتغلون فى الحقل العام والسياسى منه تحديدا ، حين يرددوا مصطلح الدولة الحديثة فى احاديثهم وكتاباتهم ، وهى كما نعلمها بايجاز شديد دولة المؤسسات التى تعتمد نسق الحكم الصالح كما يقال عنها فى مواضع عدة ، بالاضافة لكونها تحوى جملة من القيم الاخلاقية الخاصة بنظم الحكم المتطور ( كالشفافية ، والمسائلة ، والعدالة ) ولكننا لم نسمع قط عن الدولة القديـــــــــمة سوى فى الحكاوى التاريخية التى تشير من هنا او هناك عن مرحلة تاريخية لنظم عدة باشكالها المختلفة والبعيدة عن عصرنا الراهن كالحديث مثلا عن الدولة الفرعونية القديمة ، وما نعنيه هنا تحديدا بالدولة القديمة ،هى تلك الاشكال البالغة التخلف عن عالمنا الكونى والزمنى ، فالدولة القديمة لدينا هى تجسيد لسطوة نظام حكم عفن ، عتيق بلغ من العمر ارذله ، تتسع ثقوب الانحطاط به اكثر مئات المرات عن قدرة المجددين ، فى ظل قوة اندفاعات دولية ضاغطة ، ومشاهد عدة للتحولات الاصلاحية فى بلدان بعيدة نسبيا عن هدف الاقطاب الدولية ، والدولة القديمة كذلك هى نبع الاستبداد حين كان الاستبداد بلا مواربة هو الاصل فى الحكم وحين كان ذلك كان دار الامن هو يد الاله الحاكم او الحاكمه لا فرق ، واذا انطلقنا مبدئيا من فرض ان دار الامن فى كل الظروف وفى ظل كل الانظمة التى تحكم بلدان الارض لها هدف وحيد اصلى وثابت يكمن فى المحافظة على النظام القائم فاذا كان النظام شموليا ، يعلوه ديكتاتور كان هدف الامن هو الحفاظ على عنق الطاغية ، واذا ما كان النظام ديمقراطيا يحفظ السلطات الشعبية كان هدف الامن هو خدمة الشعب وتعضيد سلطاته امام حاكمه ، ورغم ذلك فان طبيعة العمل والوسائل التى يلجأ اليها الامن فى ظل الحكمين جدا مختلفة ، فالاولى غير معروفة وتحددها ارادة الحاكم وحاشيته ، فقط على الامن ان يسير وفقا لرغبات السادة ، اما الثانى فوسائله وادواته معلومه يضعها الشعب من خلال ممثليه وبذلك يحترمها المواطن ويطبقها جهاز الامن، وحتى لا نشغل بالنا بالامن فى الدول الحديثة ، فانها كما نقول معروفة للجميع امافى الدول القديمة فاننا نعلم مانعلمه عن الامن ليس فقط من خلال الحكى والممارسات البشعة التى يسردها المجلودين والذين ارتكب فى حقهم جرائم التعذيب والاعمال الوحشية ، وانما الامر حتما مربوط بنسق فلسفى يختبىء وراؤه كل طاغية فدار الامن تساعد البعض فى الوصول الى سدة الحكم ، فيما يعرف غالبا بالنظام الثورى او الانقلابى ، وبفضل الامن هنا يأمن الطاغية تقلبات الرعية، وتمردهم على ظلمه و استبداده او فشله فى الاعمال المنوط به القيام بها، فيفقدالمواطنين الوطن والمواطنه ليصبحوا فقط فى حكم الرعايا ، ويعلم الحاكم الفاجر حاجته القصوى الى الامن بشقيه المادى المسلح و النظرى المسكن ، ليمارس به اعمال القنص بكل ديمومه وتواتر ، والامن هنا يقوم بما يقوم ليس بدافع من الحب او الانتماء بل يسير هو الاخر بدافع من المكاسب الاجتماعية والمادية المتلاحقة والكبيرة ، ولذا فنحن لا نندهش حين يزدرى الامن فى وقت الحرب ، فشتان بين من يقوم بحفظ البلاد والعباد ومن يقوم بسلب الرعايا كافة حقوقهم وتجريدهم الى حدود الفقر ، لكن العجب كله يمكن ملاحقته فى مشاهدة الترويع الامنى الذى يمتد الى دوائر الخاصة ، فالاكثر حذرا من الامن ودارها هم حاشيه السلطان الذين يكفيهم ذهب المعز ، وظنى بان علم تلك الدوائر الكافى باعمال التخابر الموجه للداخل تجعلهم يمارسون الحياة فى هامش اضيق مما نظن ، فالامن الذى يفشل فى تحقيق الامن لرعايا الدولة القديمة ينجح فى تجنيد المواطنين للاعمال التخابر ، حتى غدا للتخابر شكل هرمى بالغ الجاسوسية ولامانع ان يقوم الامنيين فى تلك الدولة باعمال ارهابية خالصة وجرائم جنائية قبيحة ، يتم الصاق واتهام بعض فصائل سياسية بالكامل بارتكابها بهدف امتلاك الشرعية المناسبة لبدء صفحة التصفيات الجسدية الدموية ، هذا الجزء الصغير جانب ضئيل لما يقوم به الامن فى الدولة القديمة التى تتشابه هنا تحديدا مع نموذج الدولة البوليسية ، ولهذا نحمد الله قياما وقعودا كون مصر والاقطار العربية دولا حديثة تتنسم من الرأس الى اخمص القدمين نياسيم الحرية .

محمد مبروك

Posted by: محمد مبروك | Monday, 02 May 2005

ينبغي أن ينتهي الكهنوت المطبق على أنفاسنا في جميع مناحي حياتنا وخاصة السياسة، فليس ذنب شبابنا أنهم غير مهتمين بسياسة واقتصاد بلادنا ما دامت طغمة من الكهنة المهترأين يتولون سدانة الحكم منذ أكثر من عقد وقد أصبحوا متمرسين بسياسة التعتيم وتكميم الأفواه والكذب على الشعب نريد دماء جديدة فليترك الكهنة وعواجيز السياسة الذين تصلبت أفكارهم بل تعفنت مقاعد الحكم وليفسحوا الطريق للشباب ولا تهمنا حججهم بأن الشباب ليس لديهم الخبرة أو أنهم غير مدركين وغير واعين فذنب من هذا سوى الطغمة الحاكمة، وفي اعتقادي أنه لو ازيح جبابرة الكهنة أمثال صفوت والشاذلي وغيرهم ممن تجاوز السبعين لصلحت الحوال بنسبة 30% على الأقل، واذا ترك مبارك مقعد الحكم ولم يرشح نفسه فسوف يدخل التاريخ كرجل صنع شيئا لمصر الجريحة المتألمة الصابرة

Posted by: Ahmad Nazmi | Saturday, 07 May 2005

بسم الله الرحمن الرحيم اولا اتوجه بالتحية لكل من ساهم فى هذا الموقع الحر واود ان اقول ان حركة كفاية كانت لابد وان تظهر من وقت متاخر فهى فى فكرتها لسان حال الشعب المصرى صبره الله على الابتلاء بنظام فاسد

Posted by: محمد صالح | Sunday, 08 May 2005

أهنئكم على هذا العمل الاجتماعى الثقافى السلمى غير الممول، فحركة كفاية هى الحركة المعارضة الحقيقية التى يرضاها عقل المثقف المصرى، فالأحزاب وكفاية المؤسسات المدنية لا تقوم بأى دور الآن سوى ظل السلطة الحاكمة عدا الناصرى برغم كل خلافاته فله سابقات بجريدة العربى هامة ولكن يشوبها كثير من الشوائب والخلافات الداخلية.
وأعتقد أنه أصبح من الهام الآن عمل حملة للدعم المالى التبرعى للأشخاص المنفردين تدعيما لنشاط تلك الحركة وإقامة ندوات لها، وتحية لكافة المثقفين المحترمين المنضمين لتلك الحركة أو مؤيدوها وبخاصة فى مظاهرات المعارضة.
وأتمنى التواصل معكم ومعرفة الأخبار الثقافية الخاصة بكم، وهذه كلمة تحية فقط
سمر إبراهيم
كاتبة قصص أطفال

Posted by: سمر إبراهيم | Monday, 09 May 2005

حركة كفاية وجبهة انقاذ مصر وغيرها من الحركات غير الشرعية الفاسدة (( لماذا فى هذا الوقت بالذات ظهرت هذه الحركات !!! )) السبب مفهوم البحث وراء الشهرة والأضواء 0

Posted by: رجل بيعشق تراب مصر | Tuesday, 10 May 2005

ربنا يوفقكم فيما يحبه الله ويرضاه واللهم أصلح ولاتنا و ولاة المسلمين وأغفر لنا
ولهم ذنوبنا انك انت التواب الرحيم......

وشكرا على مجهودكم في انجاح هذ الموقع

Posted by: HOSSAM | Tuesday, 10 May 2005

بحركة كفاية بالنداء الأوحد كفاية كفاكم طغاة العرب من الظلم عندما سيؤمن الشعب العربي بهذه العبارة ويقولها من كل قلبه ستتحرر مصر بداية والعالم العربي بعدها أقولها أنا المغربي مؤمنا بأن مصر قلب الأمة العربية هي التي بدأت بديمقراطية مشاركة الأحزاب وانتصار الحزب الحاكم في الأخير وهي التي ستنهيها ليتبعها العرب
أرجو من كل قلبي من الله تعالى أن يوفق كفاية وأن يوفق المصلحين في الأرض من الاخوان وغيرهم

Posted by: حمزة الولهان في الشعب العربي | Thursday, 12 May 2005

ارجو من الاخوة الاعزاء ابلاغى بنشاط الحركة من مظاهرات وغيرة
لانى لا اعرف الدخول على موقع الحركة لانة مغلق من جانب الشركة
التى اعمل فيها والله ولى التوفيق

Posted by: hamda | Thursday, 19 May 2005

معلش انا نسيت المي لوهو
hamda822000@yahoo.com

Posted by: hamda | Thursday, 19 May 2005

بعد التحية ... و للجميع اهدي التحية
من وافقني و من اختلف معي
كفاية نريدها عربية
ليس ضد مبارك فقط
مبارك كان و ما زال المثال و وسيلة الايضاح كما في المدارس
بعد اغتيال انور السادات مباشرة تم تنصيب مبارك رئيسا لمصر كما تم تنصيب علام الملواني زعيما للهنود الحمر في " مدرسة المشاغبين " ذات التفاصيل و ان ثار تساؤل
هل الاشقاء المصريون هم هنود حمر
و هل نحن كذلك
لعبة كوميديه ما حدث في الاستفتاء
في النهاية ... نردد كفاية لجميع خربشاتنا العربية على شكل زعامات
كفاية غلط و غش و تدليس
كفاية اكراه
كفاية اجرام
كفاية سجون
كفاية كبت فكري و قهر روحي كاتم للوعي
كفاية تعتيم على الافكار الحرة
كفاية مزاودات
و نعم لكل شيء حضاري و حر و نظيف و نقي
و نعم للجميع متضامنا مع كفاية الى اخر الطريق
و كفاية

Posted by: عذيب برقاوي - الاردن | Thursday, 26 May 2005

no one can imagine how i love you, Egypt.

Posted by: Ahmed | Saturday, 28 May 2005

يالها يالها
لسان .. أفاكة !
أنف .. مزيفة !
بال .. مشعوذة !
.. لو كنا دبجنا ركاكة
فى ختان الحفيد المؤهل
نادتنا : أى طليعتى
لكن لا ..
يالها يالها
شدت أقنعة من جلد رب مموه
ولو كنا آمنا
بثتنا : اصطفيتكم
لكن لا ..
اجلدى الرمل
اركنى إلى قهوة العمر المطلسم
علبى نبض البسطاء بحيل مقززة
لكن لا ..
،، ما فى يمينك من غضب هادر
ضد ما هددك
وللنشء ثبت يدك
......
صوب الآن
أنا معك
أنا معك
أنا معك ..

Posted by: البدرى ابراهيم | Saturday, 28 May 2005

أطالب بوقف هذه الحركة تماما و الاتحاد مع الحزب الوطني في مسيرة الاصلاح تحت قيادة القائد و الوالد محمد حسني مبارك وتحت مبدء أمة واحدة

Posted by: gehad | Saturday, 28 May 2005

maho ely zayak ely hay7'aloony abtedy 7areket "mafeesh fayda"

Posted by: aly | Sunday, 29 May 2005

نعم كفاية لاستمرار الاداء الاقتصادى وللفكر البيروقراطى الروتينى,اتمنى
ان نرى اهل الخبرة بدلا من اهل الثقة, اتمنى عملية تعليمية سليمة, ربنا يحفظ مصر علشان اولادنا كما ان اجدادنامن دمائهم لتحرير مصر فهى امانه فى اعناقنا

Posted by: ِASHRAF | Sunday, 29 May 2005

حسني مبارك اب لسبعين مليون انسان لكل واحد مشاكله الخاصه و العامه لو كنت مكانه هل تعتقد ان الامور ممكن تكون افضل - اكيد لا و الف لا لو كان عبد الناصر كانت حتاخده الشهامه وكان الجيش المصري موزع بين فلسطين و لبنان و اكيد العراق و لو السادات صاحب اكبر معجزه وهي الحرب و السلام عمرنا ما كنا حنقدر نكتب هذا الكلام صدقوني حسني مبارك سياسي بارع و لاكن لا و لا و الف لا لتوريث الحكم

Posted by: joseph | Monday, 30 May 2005

انا نسي اشترك في حركة كفاية

Posted by: ماجدة | Wednesday, 01 June 2005

تلك الدار الآخرة نجعلها للذين لا يريدون علوا فى الأرض ولا فسادا والعاقبة للمتقين

Posted by: mohamed | Sunday, 05 June 2005

لست مع الغد ولا مع التجمع ولا مع الوطني فإن كانوا كلهم ضدي بكونهم ضد بعضهم البعض ولكني لست وحيداً فأنا مصري ومعي ما يقرب من سبعين مليوناً يشتاقون جميعاً للتحرك بلا قيود يشتاقون للكلام بدون سجون يشتاقون للإصلاح الحقيقي بدون فوضى وأرى أن الحركة المصرية من أجل التغيير كفاية وأشدد على أنها مصرية لأني لا أتخيل شخص مصري يبيع بلده عشان كام دولار حركة ممتازة وأتمنى الأنضمام لها وحاولت أدخل على الموقع بتاعهم لكن المتخلفين قفلوه وبعدين المهم مش مين يمسك المهم يكون في دستور قوي يطبق بجد وللعلم وإن كان لا يهم القاريء ذلك فأنا مع كفاية لم نجرب غير مبارك لنقول من الأفضل لابد من التجربة والتعلم مبارك حكيم نعم سياسي ماشي لكن برده ضعيف قدام الشاذلي وصفوت الحرامية بتوع الوطني هما عايزين الكراسي مؤبدة لكن مفيش خطية أو جرم أكبر يتحاسبوا عليه في الآخرة أكبر من ظلم الناس ولكل ظالم نهاية مهما طال الزمن وكفاية ظلم كفاية بهدلة وإعتقال وكفاية فقر وجوع وسوء تعليم ونعم للديموقراطية بدون مبارك لأنه لن يسمح بها في وجوده

Posted by: محب | Monday, 06 June 2005

علت الأصوات صارخة(كفاية).منذ أكثر من عشرين عاما والفساد ينخر فى جسد الوطن .لكن أصوات الوطن قد أصيبت بالخرص.فلماذا ارتفعت تلك الأصوات فجأة تنادى بعدم مشروعية التمديد والتوريث, وقد تزامن هذا الصراخ مع المخطط الأمريكى لتغيير الأنظمة.اننى حقا لا أتهم احدا لكننى ألقى باللوم على المعارضة المصرية التى أفسحت الساحة لدواب الحزب الحاكم يرتعون فى (الزريبة) كيفما شاءوا.كان لزاما عليهم ان ينادون بالكفاية مذ زمن.والتساؤل .هل تخنع الأصوات ثانية أمام ارهاب الدولة؟ام تنقطع أحبالها حينما تلوح أمريكا للنظام بفعل ما يشاء تحقيقا لمصلحتها وبالطبع مصلحة العدو الصهيونى بالمنطقة؟

Posted by: talat seif | Wednesday, 08 June 2005

كفاية باطجة
كفاية نشر فضائح جنسية مزعومة لشبكات دعارة بغرض الهاء الشعب الغلبان
هل نسيتم موضوع الشبكة التي زعم فيها ضبط حنان ترك و صفاء عامر - لماذا لم يحاكم وزير الداخلية على افتراءه هذا - ام كان يقوم بدور بطولي لصالح مبارك و شلة كمال الشاذلي
هل نسيتم موضوع لواء الشرطة و ابنه الذين قتلهما فادي الحبشي (لصاح من ؟؟؟)
اقول كمان و لا كفاية

Posted by: سامي رجب | Friday, 10 June 2005

لقد ضقنا ذرعا بهن

فساد - وافقار وجوع - جهل وتخلف

المواطن البسيط يتحدث معكم
ويقول ان حركة كفاية هي السلاح الوطني الشريف
للدفاع عن حقوقه
المسلوبه بيد شلل الحكام وعوائله ومقربيهم

Posted by: فعلا كفايه | Thursday, 14 July 2005

اصبح الان في مصر العديد من الحركات المعارضة للنظام الفاسد. الوحيد الذى لا زال غائنا هو الشعب المصري..... اذا كانت مصر فعلا 70 مليون فلماذا نرى دائما مئات قليلة فى كل مظاهرة........ والان يؤسفنى ان اقول لكم ان الذى يرضى بالذل لا يستحق سوي الذل.......

Posted by: THE PHARAO | Thursday, 14 July 2005

ارض الوطن.... لم تصبح .....لم يعد هناك حتى وطن
ارض فقط.....خرابا يباباً.....
صمت رهيب ... يسود المكان
ركود مهيب.... و مياة عفنة
موتى يتحركون... يأكلون و يشربون
و طيور الجوراح تنهش القطيع
ملعون هذا الزمان ...... ملعون
سجن كبير..... شمال جنوب
شرق و غرب.....ممنوع الخروج
اتريد ان تفر ايها الحقير
اتريد ان تفكر ايها الذليل
لا و الف لا
يكفيك الشهيق....... و الزفير يكفيك

Posted by: الفرعون المصرى | Thursday, 14 July 2005

معلهش دى اخر مرة اكتب النهاردة علشان انا فعلا زهئت.... الى كل اللى بيقول كفاية.. انا معكم قلبا و قالبا.. لكن لازم حد يروح يصحي الشعب المصري.. ولحد لما الشعب يصحي ويفطر و يقرا جرايد الحكومة الفاسدة.... انا ببارك للفاسد مبارك من دلوقتي علي الفوز بالرئاسة في انتخاباتة الفاسدة...
(ملحوظة مهمة) الشعب المصرى اتنين و سبعين مليون لو الف او الفين صحيوا .. سجون امن الدولة لسة فيها امكن فاضية...
مش بقوللكم انل زهئت.... سلام عليكم .. نتقابل ان شاء الله فى اى طابور ....

Posted by: الفرعون المصرى | Thursday, 14 July 2005

لقد قالها احمد عرابى لفد خلقنا اللة احرار ولسنا عبيد ان العالم كلة يتجه نحو الافضل على العكس اننا نتجة نحو الاسوء الرئيس مبارك لم يسمع الى اى احد كان مصر عقيمة ولم تنجب سوى الحزب المخرب دة الحزب الوطنى ان كل الشرفاء فى مصر والمصريين الحقيقيين والذين يعشقون تراب مصر يدينون الاررهاب ويلظونة ولكن لى بعض الاسئلة منها ماالذى وصلنا الى هذا الحالة ومن السبب الا يرى الرئيس الارهاب الحكومى للشعب ان المواطن البسيط لايقدر ان يمر امام قسم شرطة خوفا وقهرا وبعض المعتقلين شرفاء بشهادة كل الجيران لهم الرجاء من الرئيس ان يطلع على الجرائد وان ينظر على القنوات الفضائية ويبحث الامر الذى امامة ويتابع اى موضوع وانا اعتقد ان الرئيس يثق فى بعض الناس ويكلفهم بذلك ويعطى الاوامر بالتحقيق وبصرامة فى اى موضوع وهذا يريح المعارض عندما يكون كذالك كل العالم يعرف من هو يوسف والى وكم كانت المعارك فى حزب العمل وجريدة الشعب وبعد ان اغلقت جريدة الشعب وحزب العمل وبعد عشرة سنوات اتضح ان جريدة الشعب هى صاحبة الحق ورغم ان المحكمة حكمت للحزب من ينفذ الحكم مع العلم ان حزب الاحرارعلية مشاكل الا ان ا الاصدارات مازالت قائمة هذا كيل بمكيالين لنا رجاء عند الرئيس الاوهوا احتضان المعارضة والسماع لهم والمناقشة وتكون فعالة من اجل هذا الوطن الام من منا يرضى ان تكون مصر صاحبة الحضارات فى العالم ان تكون بهاذا الوضع تحيا مصر

Posted by: محمد عبدالرحمن | Wednesday, 10 August 2005

ربنا يوفق الشعب المصري
ويحرر نفسه بنفسه من الطاغوت حسنى مبترك
وأولاده

Posted by: yasser | Thursday, 11 August 2005

انا بقول ان الموضوع كبير اوى حاجه حاجه كبيرة اوى يعنى
وشكرا

Posted by: sheko | Tuesday, 06 September 2005

من يستطيع ان ينكر عطاء حسنى مبارك لمصر من حرب 73 اوينكر اخلاصة لوطنة لكن :-
1- حاكموا هؤلاء اللذين يلتفون حول الرئيس ويجعلونة اله يصنعون لة معبدا هم سدنتة ولا تسمحوا لهم ان يفعلو ذلك ثانية مع الرئيس القادم
2- هؤلاء السدنة يفسدون اى إنسان ويجعلونة عاشقا للسلطة لا يفكر ان يتركها ابدا الا لابناءة
3- وهم وحدهم المستفيدون من استمرار بقاءة لينتفعوا ويتربحوا ويحصدوا واقاربهم المليارات اقول ثانية المليارات واسالوا واقراوا ما كتبة البكرى عن ابراهيم نافع
4- من هؤلاء : -
هذا السمين الذى يسكن مجلس الشعب من اكثر من اربعين عاما يهدد بعينية
تارة وبالردح تارة اخرى كل من يمس معبدة واله
المهيمن على الاعلام ( حتى وهوبعيدا عنة) جاعلا اهم اخبارة فى كل نشراتة عن مقابلات وقرارات الرئيس العظيمة التى يعكف العالمة على دراستها ؛ مهما كانت هناك اخبار اخرى تهز العالم
عديد من الصحافين من شاكلة ابراهيم نافع
5- انة من حق الرئيس ان يخلد للراحة بعد ان بلغ السابعة والسبعين وتحاوزها وان يكون من اعظم انجازاتة ان يكون اول رئيس يشار الية وهوما زال حيا انه الرئيس السابق لمصر وكنت اتمنى ان يرشح للشعب اسماء لها رصيدها من الحب والاعجاب لدى الشعب ليختاروا من بينهم رئيس مصر القادم من امثال عمرو موسى واحمد جويلى ومحمد عبد الاله وابوغزالة وغيرهم

Posted by: saifaldin | Tuesday, 06 September 2005

بلاش خيبة...........................................
انا فعلا لا استطيع ان انكر عطاء نحس مبارك بش مش لمصر.. يمكن عطاءة للعصابة بتاعتة.. يمكن عطاءة المحروس الكبير و الصغير... يمكن عطاءة لبنوك سويسرا
لكن عطاءة لمصر .. اسمحلى دة كلام مالوش اى طعم.. مطبوخ بالخضوع و الذل
جرايد الحكومة بتصورة على انة ملاك.. و المشكلة انة حمار و بدا يصدق حكاية انة زعيم و الكلام الفاضى.. و فى اخر حديث لة بيقوللك انا ما بتغيرش ابدا.. سبحان الذى يغير و لا يتغير.. و منة للة ابراهيم سعدة اللى كتب مقال .. مبارك الذى لم و لن يتغير.. ربتا هو الذى يغير و لا يتغير.. لمن اهل النفاق مستفيدين من كدة.. لكن الشعب الاخرس اية اللى مخلية ساكت..
و بعدين مش ناقصة بقى و احد يطلع و يقول عطاء و زفت خلى الكلام دة لصحف الحكومة السوداء

Posted by: الفرعون المصرى | Tuesday, 06 September 2005

عزيزى الفرعون المصرى

كلامك كلة صح واكتر منة كمان لكن لازم نقول كدة فى البداية علشان نقول اللى عايزينة
وطبعا الذكى يفهم اللى بين السطور وطبعا انت فهمت ان ليست النهاية انك تقضى على المكروب ولكن يجب عليك القضاء على البيئة والوسط الذى يساعد على نمو وتواجد المكروب حتى لا ينمو مكروب اخر مكان اللى قضينا علية صح؟ تقدر تقول لى عن ومن هذة البيئة؟ وكيف نقضى عليها؟ ورايك اية فى ابراهيم نافع؟

Posted by: seifaldine | Tuesday, 06 September 2005

عزيزى سيف الدين..
مبارك لم و لن يتنازل عن السلطة الا بالموت... هو وحدة القادر على ازاحة هذا النحس الحل الاخر هو ان الشعب المصرى يبدا نوبة صحيان و نبدا ناخد الامور بجد شوية و نبطل شوية الموضوعات التافهة اللى الشعب شاغل نفسة بيها زى الكورة و افلام السينما و الممثلات العاهرات..... فية اية مصيبة ممكن تحصل زى اللى احنا فيها دلوقتى.. فقر.. فساد.. ارهاب حكومى.. تزوير. وووووووووو
مبارك رئيس عصابة من الدرجة الاولى و بلاش بقى حكاية ان هو مش عارف اية لكن يا خسارة اللى حوالية هما اللى... مبارك اختار كلابة بعناية . و عملية توزيع الادوار ماشية على الشعب اللى نايم فى العسل او نايم فى الزفت... ماشية زى الفل.. و احنا مش لا مواخذة على راى حبيبنا محمد مستجاب ها نلحس جذمة النحس عشان يمشى... لا مش هايمشى غير بالمةت و كل ما نطاطى هو هايفتكر انة بيعلة مع انة واطى من يومة و جاب مصر الارض.. و انا متخيل مدى العنف الحكومى اللى ها يوصل مداة مع المعارضين بجد بعد ما يكسب..
مصر محتاجة شعب جدع و صاحى وواخد الحياة جد مش ذل و خنوع و كذب على الذات..
مش عارف اكمل ازاى لكن ما بقى من حكم نحس مبارك سيكون اسواْ مرحلة فى تاريخ مصرنا القديم و الحديث...
و ربنا يستر يا ياخد حسنى مبارك يا ياخد الشعب.
سامحونى انا طول عمرى مصيبتى ان انا مش دبلوماسى و لا باعرف اذوق الكلام... الصراحة راحة..
اما ابراهيم نافع .. انا قلت رايى فبة كتير قبل كدةكلب من كلاب السلطة بس شيك لابس بدلة و كرافتة و بيكتب بقلم مون بلان.. مش زى الكلب التانى سعير رجب... لابس جلابية و قاعد يولع فحم تحت رجل سيدة.. و على فكرة القط بتاع الاخبار من نفس الفصيلة.. و التانى بتاع الجمهورية اوسخ .. انا مش عارف لما نيجى نصلح مصر تانى هانعمل اية و اية
ياعم انا زهئت

Posted by: الفرعون المصرى | Wednesday, 07 September 2005

عزيزى الفرعون المصرى
حقيقى انت اللى كنت بدور علية
ولوفية زيك فى الحماس دة 10 يقودوا ويبثوا هذا الحماس فى الناس الكتير اوى اللى اتخنقت وتطلب التغيير لاصبح التغيير قريبا جدا صدقنى فى هذا وارجوك استمر بلا زهقات اوياس
الوضع حقيقى اتغير وحتى بعد استمرارة بواسطة من سوف يستفيدون من استمرارة بمزيد من الفساد ولالستغلال ومرتبات ال 3 مليون جنية شهريا واكثر كابراهيمنافع ؛ حتى بعداستمرارة تاكد ان كفاية وغيرها تتعملق وسوف يتم بوجود امثا لك فيها التغيير الذى يتمناه اغلب المصريين ؛ ما ذلت ارى ان الخطوة الاولى هى ازالة بيئة النفاق الفاسدة المفسدة ويؤرتها كمال الشاذلى واجناحها صفوت الشريف والاعلامالمنافق

Posted by: seifaldine | Wednesday, 07 September 2005

السلام عليكم يا اخ سيف الدين...
و كان نفسى اقول للشعب صباح الخير... لكن يا خسارة .. الناس لسة نايمة. مش عارف يمكن عندهم حق لو صحيوا ها يعملوا اية و لا حاجة ها يقعدوا على القهوة يكركروا حجرين.. و يمكن الحكومة تاخدهم تحرى.. مش عارف .. بس دايما اللى عايز يوصل لهدف لازم يتعب.. و احنا اللى علمنا العالم ايام الفراعنة و الحضارة الاسلامية.. مش فاهم اية اللى حصل.. نحس كبارك مش ديكتاتور.. لكن حمار.. الديكتاتور دايما لازم يتوفر فية صفة الزعامة و مبارك اخر واحد على وجة الارض ممكن يكون زعيم من اول كلامة لصوتة لقرراراتة... ممكن ينفع يفلح الارض و يلم الدودة.. و لسة كنت باسمع اسامة سرايا على الجزيرة .. و اللة العظيم اخرة ينفع نجار باب و شباك....
حاجة تكسف.. اجى اكلم واحد يقوللى اللى نعرفة احسن من اللى مانعرفوش... الكلام دة ماينفعش سنة 2005.... دة كلام ما قبل الميلاد.. واحد تانى يقوللى على الاقل دة سرق و شبع و ما نعرفش لو جاء حد غيرة هايعمل اية... دة كمان كلام يتقال فى حظيرة البقر.. لما البقر تخاف تتحلب من غير ما تاكل .. لمن ما ينفعش يكون كلام بنى ادميين....
و طبعا دى كلها ملخصات للحالة العامة لعامة الشعب... هل هى الامية.. ممكن .. بس الامية مش معناها الجهل..و لا العمى.. و الالرضى بالذل... المظاهرات اللى بتحصل دى حاجة هايلة لكن الحطومة لو عايزة هاترميهم فى السجن بسهولة و من غير اى ثمن.. و كمان المظاهرات دى مش هاتغير الوضع اطلاقا.. لانهم كام 500 و لا حتى الف او 10 الاف.. لكن لو مظاهرة نصف مليون و تعداد القاهرة النهاردة 23 مليون .. هو دة اللى ممكن يغير.. و مبارك طبعا عمرة ما يقدر يقبض على نصف مليون..
مش عارف يا سيف الوقت بيجرى و الدول بتتقدم و مصر اللى علمت العالم زمان بقت فى اخر الطابور.. حاجة تكسف .. و لما ولادنا يسالونا احنا كنا ساكتين لية.. و عملنا اية لمصر ؟... ها نقولهم اية .. كنا نايمين..
فعلا حاجة تكسف

Posted by: الفرعون المصرى | Thursday, 08 September 2005

انا زهوه بكالوريوس علوم تقدير عام جيد جدا قاربت علي الثلاثين عاما ولم احصل في حياتي علي اي شيئ ففد اكملت دراستي بتفوق ولم احصل حتي الان علي وظيفه مناسبه وعلي الرغم من اني علي قدر كبير من الجمال والثقافه الا اني لم اتزوج حتي الان وذلك لان حظي التعس اني وجدت في هذه الفتره الصعبه التي خلفت لنا جيلا من الشباب اليائس الغير قادر علي تحمل اي مسؤليه فاصبحنا الان نحن الفتيات ملزمين بالشقه ومعظم الاثاث واصبح الرجل يعامل معاملة الاطفال اصبح مدللا من قبل العروسه واهلها بعدين يروح مايرجعش وتصبح البنت مطارده بالعنوسه من المسؤل عن اختفاء القيم في مجتمعنا اين الرجوله والشهامه وجدعنة ولاد البلد اين الكرامه والحميه في قلوب الشباب للاسف لا اري امامي سوي شباب زي الميه البارده مالهمش طعم فقد اصبحنا نحن البنات ارجل من الشباب وقد تبادلت الادوار وياحسرتاه علي شبابك يامصر

Posted by: zahwa | Thursday, 08 September 2005

عزيزى الفرعون المصرى حماك الله
هل تترك امثال زهوة كاتبة السطور الاخيرة ؟؟؟؟؟
اليك والى امثالك المتفجرى حماسة اقول
ايها الشباب الهادر بحماسك وايمانك بحتمية التغيير والقضاء على الفساد من اجل حياة افضل للمصريين تليق بهم كامة ذات حضارة وعزة لا تهنوا ولا تياسو ا فبحماسك القوة التى بها تتقدموا صفوف كل المصريين المؤمنين بالتغيير واقنعوا البسطاء بان الرزاق هوالله وان الرئيس المصرى المنتخب لن يكون الاها سوف يحاسب عن كل انحراف اوتركة لانحراف يعم شلة الفاسدين واجنحتة الاعلامية امثال ابراهيم نافع التى تعدت ثروتة 5 مليارات فى داخل مص والذى كان راتبة 3 ملايين جنية شهريا ،،، قولوا لهم انكم لن تسمحوا للاعلام المنافق ان يهلل لكل كلمة اوقرار او رحلة سفر بانها عظمة وحكمة والهام من الرئيس وانكم سوف تقضون على مثل هذا الاعلام ليعم الاعلام المسؤل الذى يحاسب الرئيس والحكومة ان اخطؤا قبل مدحهم ان اجادو وانزعوا من يقين هؤلاء البسطاء مبدأ ( اللى نعرفة احسن من اللى ما نعرفة و دة خلاص شبع لسة هنستنى اللى جاى لما يشبع ؟) ينضموا اليكم تزدادو قوة واهدروا ينضم لكم العالم وانزعوه واقتلوا غرورة وغرور اسرتة الله معكم

Posted by: seifaldine | Thursday, 08 September 2005

عزيزتي زهوة
مقدرش اقولك معندكيش حق في اللي بتقوليه
تقولي ايه في وزير اعلام معندوش في افلامه غير افلام جنسيه تخلي الراجل ميشوفش في البنت غير مجرد جسم ساخن ووجه زي القمر ويفهمه ان الرجوله انك تظبط البنت اللي قدامك بلا مسئوليه بلا رجوله بلا قرف
تقولي ايه في شباب تحتاري ونتي ماشيه جنبه في الشارع دا واد ولا بنت
ولا وزير شباب ميعرفش عن وزارته غير انه يتصور مع اللعيبه الاحتياطي بتوع الاهلي والزمالك - لأن الاساسيين مش فاضينله - وزير رئيس نادي يشتمه علي الهوا يخاف منه وميردش ويعمل كان نايم او في الحمام ،
ولا كله كوم وبتاع التعليم كوم تاني ، دا بأه اللي عدا وفات ، اي فرصه للطالب انه يتعرف علي حاجه اسمها رجوله او احترام الغي مش طالبه
وفي الاخر تقوليلي رجاله وجواز والله يا شيخه انتي مش مقدرة النعمه اللي انتي فيها ، انا مثلا تقريبا اكبر منك قليلا ولسه برضو متجوزتش بس بصراحه انا شايف ان الجواز في عهد الرئيس الميمون - عارفه ميمون دا اسم ايه - اصبح حلم يقظه وذنب الملايين زينا في رقبه الميمون - اسف - قصدي الرئيس
محمود

Posted by: محمود زكي | Thursday, 08 September 2005

الهم احمنى من اصدقائى اما اعدائى فانا كفيل بهم... يا ست زهوة.. نازلة تلطيش فى الشباب الميت.. و كلمة الشباب هنا للذكور و الاناث .. كلنا فى الهم سوا.. و زى ما فى حالات فردية و اولاد عندهم حماس .. كمان فى بنات عندهم حماس.. اما موضوع ان البنات هى اللى بتجبب الشقة و الكلام .. اسمحيلى دة كلام فاضى زى كلام نحس مبارك و حكومتة .. عشان مافيش اصلا حد يقدر على تمن اى شقة محترمة الا اذا كان من المحاسيب او المنحرفين.....
انظرى الى بنات جيلك و الاجيال اللى بعدك و قوليلى ان كان فى واحدة فى المية بتقرا الجرايد او حتى عندها فكرة عن اى حاجة.. فى الجامعة الشلة و الجوالة و الرحلات و السنما و بعد التخرج تكون اتعرفت على واد حليوة يعزمها على كل حاجة من اول كارت المحمول لغاية عايزة اجيب هدية لصاحبتى فى عيد ميلادها.. و العيل عشان ما بيشتغلوش يا عينى يفضل يكدب على ابوة و امة عشان يصرف عليها و فى الاخر يجيلها عريس يكمل صرف عليها و على المكياج و الملابس اخر موضة..
انا مش باهاجمك بس انا بارصد حالة عامة اسواْ من النوم فى العسل اللى كانت خاصة بالرجالة ... و الحالة دى هى الموت الذاتى....ماشية على الكل.. شباب و شابات.. وفى الحالتين هناك قلة قليلة جدا جدا مهمومون بشىْ اسمة الوطن..

Posted by: الفرعون المصرى | Thursday, 08 September 2005

ألى السيد نحس مبارك

الاولة ميم ......... ماشى يا زمن غدار .. وليت الخسيس عالرجال
التانية باء ..........باعوا فى سوق النخاسة ِبلادى.. تاريخ ابويا وأجدادى
التالتة اة........ واة من الى جرا و ها يجرا فى بلاد العز ارض المعز
الرابعة راء ......... رضينا وسكتنا وفاق القهر كل حدود
الخامسة كاف .... كافى خيرى انا وشري.. و قاعد فى الخراب مكدور

Posted by: الفرعون المصرى | Thursday, 08 September 2005

احنا قولنا ايه عمرك أطول من عمري، وكانت الانتخابات، ونجح أبونا مبارك، بس يا ترى الكهنة لسه موجودين، طبعا موجودين ودول ها يروحوا فين دول سدنة المعبد ، ايه رأيكم ناخدها من قاصرها ونطالب بجمال ، يعني عشان نقرب المسافات ، ونختزل الزمن ن يمكن ديه تكون وسيله أسرع في تحقيق الغايات، يا شعبنا يا مسكين ابراهيم نافع ياخد مرتب ومكافآت 3 مليون في الشهر، ده يعني فيه 60 ألف مصري يقدروا يعيشوا شهر كامل مش جعانين ، يا ناس ياهوه فين عدل الانسانية ولا عدل الاسلام ولا عدل الأمم المتحدة كمان تصوروا ابراهيم نافع ممكن يأكل ستين ألف مصري ليه لأ ما هو مصري كمان وما خفي كان أعظم ن ياربي عفوك ورضاك
مصري شبعان

Posted by: Ahmad Nazmi | Tuesday, 20 September 2005

احنا المشكلة اننا بقينا خلاص جسد هامد بكل اسف حتى لو نادت قلة بالتحرك واليقظة هيكون مصيرها الفشل لاننا اصبحنا ملقنين بكل اسف واصبحنا -وخصوصا الشباب- مش عارفين مين صح ومين غلط احنا وصلنا لمرحلة الذروة

Posted by: ahmed | Tuesday, 27 September 2005

حسنى مبارك سبب المشاكل فى كل القطاعات والأعمال خاصة الحكومية منها . بتشجيعة سياسة الرشاوى والديكتاتورية والمساندة للمسئولين بهذة القطاعات وبل ويساهم فى تولية الحرامية واصحاب البطون الواسعة فى المناصب العليا ليزداد الضغط اكثر واكثر على المقدور عليهم
مع تمنيانى لحركة كفاية بالنجاح حتى يتم الحاق ما يمكن الحاقة

Posted by: salwa refaey | Saturday, 08 October 2005

السلام عليكم ورحمة الله وبركاته
اخوانى ابناء الوطن المغرب والمبعد عن قاطنيه وكذلك تاركيه اللذين يعملون خارجه من الواضح والصريح امام الكتله المتعلمه وليست المثقفه انه لاشك من طفح الكيل من مهندسين مصائر الشعب المصرى واللذين جعلونا فئران تجارب لافكارهم ذات المصالح الشخصيه وبالآحرى الماديه مما اسهم فى انتشار ظاهرة اللا مبالاة والسلبيه المطلقه وعدم المشاركه فى اى نشاط سياسى او اجتماعى او بيئى يخدم الأمه ...............ولكن الى متى تظل هذه المشاعر الشيطانيه مؤثره على الشعب لقد اصبح الشعب تائها فعلا عن طريقه الصحيح واصبحت الآلهه المؤلهه والتى لايفرعن غيرها لمقع الحكم تسيطر دون رحمه على دقيقة وكبيرة المواطن دون وجود الى ادنى احترام للادميه او للوطنيه او حتى لتعاليم الدين اننا نفتقد حقا القدوه والشخصيه التى لهاراى تدافع عنه لا الشخصيه التى ليس لها معالم سوى المادة والمصلحة بغض النظر عن كبرياء الشعب ومثله وعراقته
ان من الملاحظ اننا حكمنا بمنهج منظم من سماته الهاء الشعب وراء اهم شىء وهو الرزق المواطن لايضمن غده وابتعد رجال الدين عن اصول طريقهم واصبحو يخدمون الفرعون الأوحد بمنهجه المكشوف وامواله الملوثه والله انى سعيد ان هناك حركه مثل كفايه ايا كان مصدر تمويلها ولكن هى حقا تكمل الكفه الناقصه ولكن هل ستصل الى شىء هذا هو المضمون انى اتمنى ان تظهر الف حركة اخرى كى يعلم السبعة ملايين نعم انهم على خطاء والسلام عليكم ورحمة الله وبركاته

Posted by: احمد | Tuesday, 08 November 2005

الفرعون المصري :
نفسي قبل الموت ما يحضراشوف المحروسة لابسة توب حريرجميل ومتزينة بذهب ورافعة راسها بتحكم ذي أختها نفرتيتي وحتشبثوت واخوها رمسيس وتوت عنخ امون واخناتون والان اشوف المحروسة كل من هب ودب يضرب ويشخط عاوز يسلبها اعز شيئ محتفظة بية الكرامة فتحولها سجون من اوسع الابواب سرقوها وذهبها وحريرها وباعوة في سوق الخوجات والان خلاص اشوف توت عنخ امون سلخوا وجهه وباعوة علشان رافع راسة الغالية من ذهب ..... الحرير اصبح دموور ارخص انواع القطن المصري ....... عودي يامصر حرة واللى فعلوة فيكي ..أوعدك هناخذ بتارك... وعاوزين الزمن يرجع ويبقي النيل يفيض ذي زمان والخير يضرب ضفاف النيل علي الجانبين وكفلية كدة علشان دموعي هربت مني ..ونزلت لما بفتكر ذكريات المحروسة ايام الخير ....

Posted by: ابن النيل | Sunday, 04 December 2005

السلام عليكم ورحمة وبركاته
اهنئكم على شجاعتكم واستمراريتكم ، فالحركات الثورية التغييرية يجب أن تستمر وتكافح من ان نعود نعود أمة الاسلام العظيم الامة العربية قاهرة الغواة أمة سيدنا وسيد الامة جميعا سيدنا محمد صلي الله عيه وسلم يجب أن تعود مثلما كانت بيكم يجب ان تعود ، يجب ان نرفض الفساد ونقاومه يجب ان نسمو بامتنا الى الأفضل يجب ان نبنى في نفوس أجيالنا عزة الاسلام العظيم لنستعيد مجدنا الذي ضاع منا على ايدى الفسدة والمستهتريين ، يجب ان نعود كما كنا عهد سيدنا محمد ص وعهد سيدنا عمر ، كفانا أن نلهث وارء الغرب الفاسد كفانا فلنقف قليلا مع انفسنا ونعيد تشكيل فكرنا ....الذي تركنا للضياع ....
وفقكم الله لما هو لصالح الأمة العربية والاسلامية في انحاء الوطن العربي المحتل

Posted by: ليندا | Sunday, 11 December 2005

السلام عليكم ورحمة وبركاته
اهنئكم على شجاعتكم واستمراريتكم ، فالحركات الثورية التغييرية يجب أن تستمر وتكافح من ان نعود نعود أمة الاسلام العظيم الامة العربية قاهرة الغواة أمة سيدنا وسيد الامة جميعا سيدنا محمد صلي الله عيه وسلم يجب أن تعود مثلما كانت بيكم يجب ان تعود ، يجب ان نرفض الفساد ونقاومه يجب ان نسمو بامتنا الى الأفضل يجب ان نبنى في نفوس أجيالنا عزة الاسلام العظيم لنستعيد مجدنا الذي ضاع منا على ايدى الفسدة والمستهتريين ، يجب ان نعود كما كنا عهد سيدنا محمد ص وعهد سيدنا عمر ، كفانا أن نلهث وارء الغرب الفاسد كفانا فلنقف قليلا مع انفسنا ونعيد تشكيل فكرنا ....الذي تركنا للضياع ....
وفقكم الله لما هو لصالح الأمة العربية والاسلامية في انحاء الوطن العربي المحتل

Posted by: ليندا عابد فلسطين قطاع غزة | Sunday, 11 December 2005

كيف يمكن الاشتراك فى حزب الغد

Posted by: Ashraf | Wednesday, 14 December 2005

كفاية زهقنا طهقنا
تتردد فى داخلنا من سنين وصدعت بها حركة كفاية عالية نيابة عنا
ونحن الشعب المقهور نفوضها بذلك
الى الامام وبالتوفيق ان شاء الله

Posted by: محمود المصرى | Tuesday, 27 December 2005

طلعوا ايمن نور ياكلاب يأعداء مصر منك لله ياحسنى ياحرامى

Posted by: amr | Thursday, 12 January 2006