مدونة الوعي المصري - على مزاج صاحبها اللي مش بيشتغل عند حد http://misrdigital.blogspirit.com/د._محمد_حلمي/ Fri, 4 Jul 2008 16:25:50 +0300 blogSpirit.com All Rights Reserved http://misrdigital.blogspirit.com/archive/2005/03/18/قصة_حمادة_ودودو_-_د_محمد_حلمي.html http://misrdigital.blogspirit.com/archive/2005/03/18/قصة_حمادة_ودودو_-_د_محمد_حلمي.html noreply@blogspirit.com (MisrDigit@l) د. محمد حلمي Fri, 18 Mar 2005 23:40:00 +0200 <strong>قصة من وحي الخيال العلمي للعبد لله<br /> <br /> كان ياما كان<br /> حمادة واد روش و بيشتغل في الفن ...ودودو بنت ناس و ماشية بشرفها من صغرها ...حمادة ابوه فنان في الخمرة و النسوان ...ودودو ابوها استاذ في الجامعة وبيقبض بالدولار ...حمادة امه فنانة من الخمرة صوتها اندبح ...ودودو امها استاذة في الجامعة هي كمان<br /> <br /> تشاء الصدف حمادة يقابل دودو في ماكدونالدز وهم بيروشنوا ...ويدور بينهم هذا الحوار القصير<br /> <br /> دودو : هاي مش انت حمادة الممثل الروش<br /> حمادة : ايوة يا مزة اسمك ايه؟<br /> دودو : انا دودو مهندسة ديكور و تعليم خوجاتي و بعد الضهر بمشي بشرفي ...اصل انا بنت ناس<br /> حمادة : شوفي الصدف يا مزة ...انا عندي شقة على المحارة ماتيجي تظبتيلي العواميد<br /> دودو : وماله يا حمادة نظبطلك عواميدك ...تعالى و انت حليوة كدة ...ده صحباتي في النادي بيموتوا فيك<br /> <br /> وبعد تظبيط العواميد في الشقة و الذي منه ...تجري دودو على صحباتها في النادي<br /> <br /> دودو : اسكتي يا شيري ...مش انا ظبت العواميد في شقة حمادة الفنان؟؟<br /> شيري : لا انا مش مصدقة ...دا انت حتى مش منظر يا دودو ...والواد حمادة ده موز خالص و فنان ابن فنان ...هيبصلك انت على ايه؟<br /> دودو : وحياتك ده اللي حصل ...انت بس غيرانه عشان من زمان نفسك تظبطي عواميده و مش طايلة<br /> شيري : مش هصدقك الا اما تجيبيلي قطر منه<br /> دودو : و شرفك هيحصل <br /> <br /> و بعد تظبيط العواميد على مراحل مع مراعاة التأكد من "تحميل" المواد الخام في خلاط الاسمنت ...تجري دودو على النادي باختبار حمل نتيجته ايجابية و ترميه في وش شيري وسط حسد باقي بنات الشلة<br /> <br /> دودو: بابي انا حامل<br /> ابو دودو : تااااااااااااااني؟ روحي خدي من امك مصاريف العملية<br /> دودو : بس انا عايزة اخلف المرة دي ...دا هيطلع واد فنان زي ابوه<br /> ابو دودو : تعالي يا ام دودو شوفي بنتك بتقول ايه<br /> ام دودو : البت كبرت يا ابو دودو و محتاجة تخلف حتة عيل يملى وقت فراغها...احنا ربيناها تربية امريكاني و في امريكا و الدول المتقدمة مافيهاش حاجة<br /> ابو دودو : طيب هنقول ايه للعالم المتخلفة اللي عايشين معانا ...مش كل الناس نسيت اصلها زينا و سكنوا في المهندسين و شبعوا من بعد جوعة<br /> ام دودو : مش البت بتقولك ان ابو اللي في بطنها فنان؟ تبقى قضية رأي عام و نطلع في ال تي في انا وانت نعمل منها بطلة و مثال يحتذى لبقية طبقات الشعب العامل و شوية كلام اهبل على حبة نحنحنة و نبقى خدناهم بالصوت<br /> ابو دودو : والله فكرة مش بطالة و اهي تبقى دعاية كويسة لينا في الجامعة <br /> <br /> وبعد انتشار الخبر في الصحافة و التي في و حوارات و لقاءات و مناقشات ...يتضطر حمادة يعترف بالمولود و دودو تبقى اشهر من نار على علم ...وابو دودو و امها يبقوا مقررين علينا في برامج الفضائيات كنماذج لاولياء الامور موديل 2000<br /> <br /> انتهت القصة ...<br /> <br /> ملحوظة ...حمادة و دودو مش قضية ...دا ياما فيه منهم كتير بس احنا اللي بنصهين...القضية اننا في زمن اصبحت فيه الدعارة تساوي شهرة ...والمجون فن ...والاستعباط قمة النجاح</strong>